روايات

رواية ندم – كفاح الفصل الرابع 4 بقلم آية عبدالسلام

رواية ندم – كفاح الفصل الرابع 4 بقلم آية عبدالسلام

رواية ندم – كفاح البارت الرابع

رواية ندم – كفاح الجزء الرابع

رواية ندم – كفاح الحلقة الرابعة

كريم بتذمر : دا لو قاصد يودينا فى داهية مش هيعمل كدا
كنزى بحدة : كريم دا مش وقته مفيش وقت للكلام
محمد : كنزى عندها حق لازم نروح دلوقتى وندرس المعلومات كويس
• الساعة ١٢
مساعد رئيس العصابة : كلمة السر ايه
محمد بجمود : protecting goods is more important than our life
( حماية البضائع اهم من حياتنا ).
من انهاردة انتوا من رجالتنا ادخلوا
دخلوا واول ما دخلوا قابلهم رئيس العصابة : انهاردة اول مهمة تهريب ليكم هجربكم الاول فيها و لو عجبتونى اوعدكم ان الفلوس هتبقى زى الرز فى ايديكم
محمد بثقة : اوعدك انك هتنبسط مننا اوى
عثمان الرئيس بإعجاب : بحب الناس الواثقة شكلك كدا هتاخد مكانة كبيرة عندى و كمل بصوت عالى اسماعييل
اسماعيل : أوامرك يا معلم
عثمان : خد الناس الجديدة دى معاك فى صفقة انهاردة طبعا انت عارف هتعمل ايه
اسماعيل : عارف يا معلم هى دى اول مرة

 

 

 

 

 

كنزى بهمس لكريم و محمد : مش عارفة ليه حاسة انى مقلقة من اللى قاله
محمد بضيق : مقلقة ليه يعنى ماكل حاجة ماشية بالمظبوط اهو
اسماعيل : ورايا عشان اعرفكم هتعملوا ايه
دخلوا و اول ما دخلوا لقاه رافع السلاح عليهم
محمد بتوتر : ايه اللى انت بتعمله دا
اسماعيل بسخرية : انت مفكرنا اغبية ولا ايه احنا عارفين انكم من المخابرات من قبل ماتيجوا اصلا هه رجالة كتفوهم عما المعلم يفضالهم
الرجالة كتفتهم و خرجوا وقفلوا الباب من بره
كنزى بسخرية : انا مش قولتلكم
محمد : هما عرفوا منين
كريم : اكيد اللى قال للوا جاسوس ليهم
محمد : احنا هنعمل ايه دلوقتى لازم نخرج من هنا
كنزى بفخر : اللى معاه كنزى ميخسرش
كريم بسخرية : هتعملى ايه ياست فلحوسة سكت لما لقاها بتتنى نفسها لورا وبتمد ايديها المربوطة وراها لراسها وطلعت مطواه صغيرة من الكحكة
محمد و كريم بذهول : يابنت اللعيبة

 

 

 

 

 

 

كنزى بغرور وهى بتقطع الحبل اللى رابط ايديها : كنت عارفه انهم هيسحبوا مننا السلاح و احنا داخلين فخبيت المطواه فى كحكة شعرى عشان كنت شامة ريحة غدر من الاول وكملت بغرور اكبر وبما ان شعرى طويل وتقيل فمابنتش منها
محمد بضحك : والله احنا غلابة جمبك
فكت نفسها و فكتهم و قالت : احنا لازم نوصل لقصى بس الاهم لازم نخرج من هنا
كريم : هنخرج ازاى و هما قافلين الباب من بره
محمد بسخرية : و حتى لو مش قافلينه اكيد مش هنخرج منه يعنى يا غب”ى
كنزى : شايفين الشباك اللى فوق دا
كريم : بس دا عالى اوى
كنزى : عارفة لازم الاول نرفع حد منكم يقعد على طرف الشباك و يرفعنا و اكيد الشخص اللى هنرفعه الاول محمد لانه اطول و اتقل
محمد بغضب مصطنع : ايه اتقل دى
كنزى بسخرية : مهو اكيد انت مش اخف من كريم يعنى اللى شبه العصاية
كريم : الواحد ساكت و بيتهزق برضو
كنزى بضحك : مهو عشان انت مهزق
محمد : افضلوا هزروا كدا لحد ما يجوا يخلصوا علينا

 

 

 

 

 

 

كنزى : خلاص يالا يا كريم عشان نرفعه
كريم : استعنا على الشقى بالله و ربنا يستر على ضهرى
كريم و كنزى رفعوا كريم بصعوبة جدا لحد ما مسك طرف الشباك و طلع
كريم : طلعنا محمد برضو هنعمل ايه
كنزى : اكيد مش هقدر اطلعك طلعنى و اما اطلع محمد يمسكنى من رجلى و انزل وانت تطلع عليا
كريم بذهول : انتى بتجيبى الافكار دى منين
محمد : بس انتى هتقدرى
كنزى : انشاء الله هقدر بس انت اطلع بسرعة
كريم : حاضر
كريم طلع كنزى و هى عملت زى ما عملوا
كنزى : اطلع بسرعة يا كريم انت طلعت تقيل قوى
كريم : قربت اهو
كريم وصل وقعد على الشباك زى محمد و شد كنزى بس و هو بيشدها شدها بسرعة لحد ما وقعوا هما التلاتة على بره

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ندم – كفاح)

اترك رد