رواية ندى العمر الفصل الأول 1 بقلم حليمة عدادي
رواية ندى العمر الفصل الأول 1 بقلم حليمة عدادي
رواية ندى العمر البارت الأول
رواية ندى العمر الجزء الأول
رواية ندى العمر الحلقة الأولى
في أحد المنازل صرخت الجدة بصوت عالي وهي بتبص لحفيدها
الجدة نعمة : إنت هتتجوزها يا
أحمد ومش عايزه أي اعتراض ..
أحمد : بس ياستي أنا متجوز ومش عايز اتجوز تاني كفاية عليا سمر ..
نعمة : أنا عايزه أشوف خلفتك قبل ماموت يا أحمد ..
أحمد : بعد الشر عليكي ياستي حاضر أنا هعمل اللي إنتي عايزاه لكن بشرط أنا هطلقها بعد ماتجيبلك الحفيد ..
نعمة : الموت علينا حق يابني بس هطلقها ليه طب و إبنها ..
أحمد : أنا هتفق معاها إننا نطلق بعد ماتولد وتسيبلنا الولد ودا مقابل إني أديها مبلغ كويس ..
نعمة : مش هطلقها يا أحمد وهتتعامل معاها زي مابتتعامل مع سمر مراتك ..
أحمد : بس ياستي سمر مش هتوافق دي مطلعه عينيا من غير سبب ..
نعمة : هههه سمر وافقت من زمان هي مش عايزه جسمها يبوظ من الحمل ..
أحمد بصدمة : إزاي وافقت كدا بسهوله إنتي عملتي إيه ياستي علشان توافق..
نعمة : أيوه عملت ..
أحمد بتساؤل : عملتي إيه؟
نعمة : عرضت عليها مبلغ كويس وهي وافقت ورحبت بالفكرة كمان ..
أحمد : الكلام دا مش داخل دماغي إزاي توافق على جوازي لمجرد إنها تاخذ الفلوس ..
دخلت سمر بغرور
سمر : أنا موافقه يا أحمد اسمع كلام ستك واتجوز أنا طالعه رحلة يومين مع صحابي ولما أرجع تكون اتجوزت هههه ..
أحمد بصدمة : بالبساطة دي ياسمر بقى عايزاني اتجوز ليكون جرى لعقلك حاجة ..
سمر : أنا مش هقدر أجيبلك ولد يا أحمد فلازم تتجوز اللي تجيبلك الولد وتكون خدامه هنا ..
أحمد : خدامه إنتي فاكره الناس كلها خدامين عندك بقى علشان الفلوس وافقتي إني اتجوز عليكي دا آخر قرار عندك ..
سمر : أيوه دا قراري اتجوز يا أحمد فين الفلوس ياحماتي ..
نعمة: حطيتها في أوضتك روحي خذيهم ..
طلعت سمر لأوضتها هي كل همها الفلوس والخروجات مع صحابها
أحمد : هي فاكره إن الست اللي هتجوزها هتكون خدامه ليها وممكن تكون البنت طيبه وهي تستغل طيبتها ..
نعمة : ههههه إنت لسه ماتعرفش ندى كويس دي قويه مافيش حد يقدر يقف قدامها ..
أحمد : طب وهي ليه وافقت تتجوزني مع إنها عارفه إني متجوز ..
نعمة : اعمامها كانوا عايزين يأخذوا حقها ولما خذته منهم دلوقتي عايزين يخلصوا منها وانا طلبت منها تتجوزك علشان تحميها منهم ..
احمد : تمام ياستي إمتا هنروحلها ..
نعمة : هنروح بالليل نكتب الكتاب وتيجي معانا هي مش عايزه فرح ..
احمد : تمام هخلص شوية شغل ونروح سوى ..
خرج أحمد شاف أخوه زين قاعد قدام البيت والزعل باين على وشه
أحمد : زين مالك شكلك زعلان ..
زين : تعبت يا أحمد مابقتش عارف أعمل إيه ..
أحمد : في إيه احكيلي ..
زين : إنت عارف إني بحب تقى ولما روحت أطلب إيدها من أبوها رفض ..
احمد : تقى عارفه إنك بتحبها اتكلمت معاها ..
زين : لا ياأحمد أنا مااتكلمتش معاها أنا كنت عايز أدخل البيت من بابه واطلبها على سنة الله ورسوله ..
أحمد بهزار : بس خلي بالك واحده زي تقى قويه وناجحه ممكن ترفضك هههه ..
زين : وترفضني ليه أنا الحمدلله بشتغل وبكسب كويس وأقدر أعيشها عيشه كويسه ..
أحمد : طب أبوها رفض ليه ..
زين : مش عارف كل ما أروحله يقولي طلبك مرفوض ..
أحمد : أنا هروحله وهتكلم معاه وأعرف منه هو مش موافق ليه ..
زين : بجد يا أحمد ..
أحمد : أيوه بجد المهم جهز نفسك بالليل هتروح معايا علشان كتب كتابي ..
زين بصدمه : إيه ؟
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية ندى العمر)