رواية عشقتها منذ نعومة أظافرها الفصل التاسع والعشرون 29 بقلم مريم نصار
رواية عشقتها منذ نعومة أظافرها الفصل التاسع والعشرون 29 بقلم مريم نصار
رواية عشقتها منذ نعومة أظافرها البارت التاسع والعشرون
رواية عشقتها منذ نعومة أظافرها الجزء التاسع والعشرون
رواية عشقتها منذ نعومة أظافرها الحلقة التاسعة والعشرون
عدى شهر وكام يوم . على ابطالنا الحلوين . ونقول نبذه مختصره .
—————
. رينو . بعد ما روحت مع زين وشاف شكلها سألها مالك !؟ وجاوبت نفس الاجابه انها كانت زعلانه على مليكه ومانامتش من امبارح ..
.وزين وصلها ل اوضتها وجابلها اكل . وقعد معاها وأكلها . وسابها علشان تنام وخرج
. ورينو نايمه وبتفكر في رد فهد عليها . وعيونها دمعت . لكن من تعبها استسلمت للنوم على طول ..
. وبعدها بيومين . راحت كتب الكتاب .. لكن فهد مكانش موجود واستريحت نوعا ما . لانها قررت تبعد عنه نهائيا . من بعد ردو عليها . الل كسر قلبها .. وعرفت بعد كده ان فهد ومراد هيطلعو مهمه لكن جوه مصر .. وتعايشت ال ٣٨ يوم . بدون احداث كتيره .. ورودي دايما تزن عليها علشان تنزل تشتري معاها كل حاجه لان خلاص فرحها قرب وهتنزل النهارده تختار فستان فرحها ..
————
. اما الفهد . خرج من عند محمد غضبان ومخنوق وعصبي والغيره بتاكل في قلبه . وفكرة . ان رينو كبرت وبيجيلها عرسان هتموتو حرفيا ونفسه يداريها عن العالم كله . لانه هيتجنن كل ما يتخيل ان في راجل بيبصلها . وكمان بيعجب بيها . وحبس نفسه في شقته اول يومين . وماراحش كتب كتاب زياد .. علشان مش عايز يشوف رينو . لانه متأكد انه هيعمل حاجه غلط وهيتصرف بعصبيه .. وهو شايف ان الفجوه بينهم بتكبر . وبعدها بيوم رجع على الشغل هو ومراد . وجالهم ماموريه لكن جوه مصر . وكانت مراقبه وجمع معلومات . وكان مستريح لانه رجع شغلو اخيرا . وان في حاجه هتشغل تفكيره شويه بعيدا عن معشوقته العنيده اللي مجننه عقل وقلب الفهد ..
————–
. اما مراد بعد خطوبه زياد ماخلصت . اخد فريحه ومريم وراح على شقته . وقعد يلعب مع مريم نونو فتره كبيره .. وكمان متعلق بيها جدا .. وفريحه جهزت العشا وراحت علشان تقول ل مراد أن العشا جاهز .. شافت مراد نايم بعمق على السرير ومريم نونو نايمه على صدره . وابتسمت . وصورتهم على الفون . وسابتهم نايمين …
.. وبعد يومين . راحو كتب الكتاب . ورجعو على الفيلا .. وبعد يوم . مراد راجع على شغله . ولما فريحه عرفت انه هيطلع مهمه . عيطت كتير لانها بتعشق قرب مراد . و مابتقدرش تستغنى عنه .. وكانت بتجهز شنطته بدموع . ومراد شافها وكان جواه زعلان علشان مش عايز يبعد عنها . هو ما بيعشقش حد قد فريحته .. وراح وشالها ودفن وشه في شعرها .. وهي في حضنه وعيطت .. ومراد نزلها وباس دموعها وعيونها وخدها وكل حته فى وشها .. . وفريحه غابت في عالم تاني . وتجاوبت معاه ودخلو جنه حبهم .. وبعدها اخدها في حضنه . وقالها .انها مهمه في مصر و هيكلمها يوميا اول ما يكون فاضي .. وبعدها قام واخد شاور وفريحه ساعدته في اللبس . وكانت غصب عنها بتعيط ومراد باس ايديها وجبينها . وهزر معاها و ما سبهاش غير لما ابتسمت . وراح وشال مريم بنته وحضنها وباسها . واخد شنطته . ونزل تحت علشان يسلم على آدم . ومريم الل دموعها على خدها كل مهمه. وقاعده تعيط وآدم جنبها بيهديها ومريم جواها بتحصن مراد وفهد وبتستودعهم عند الله …
..مراد نزل وسلم عليهم وعلى كل الموجودين .. ورينو اتشعلقت في رقبته وعيطت كتير . وسلم على نور . ومحمد .. وزين سلم على اخوه وكان زعلان وخايف عليه … ومراد باس اريان ولي لي . وريتال وسلم على الكل . وخرج ومريم وفريحه ورينو ونور بيعيطو . واستودعوه عند الله .. وفريحه حضنت مريم بعياط . ورينو اخدتها طلعتها اوضتها . لكن بعد كده فريحه فرحت جدا . لان مراد يوميا يتصل عليها ويغازلها ويهزر معاها . وكمان مراد كان بيسرق وقت . ويروح ل فريحه بليل ويفاجأها . ويقضى معاها وقت جميل . ويرجع مهمته . قبل النهار ميطلع . وفريحه كانت مبسوطه اوى . ورجعت العياده من تاني وركزت فى شغلها . ومريم نونو في رعايه آدم ومريم
————–
. فارس رجع من السفر . ورودي استقبلته في المطار . وجريت ونطت في حضنه ورجليها حوالين وسطه .. وفارس ضحك على تصرفاتها . ورودي باسته من خده . وقالها انزلي . قالتله مش هانزل . انت واحشني وشيلني وانت خارج من المطار .. قالها اشيلك ازاي يا بنتي برستيجي هيبوظ .. راحت رودي نزلت ونطت على ضهره وباسته تانى . وقالت امشي بقى وانت ساكت بدال ما صوت واقول الواد المز ده بيتحرش بيا .. فارس بصلها بدهشه على تصرفاتها المجنونه . وانها على ضهره .. وقالها انتي على ضهري وانا الل بتحرش بيكى .
رودي : هتمشي ولا ابوسك من بقك الحلو ده ..
فارس : لا يا مجنونه انا هامشي وامرى لله .. وفارس خرج ورودي على ضهره زي الاطفال .. وكل شويه تهمسله في ودنه وحشتني يا فروسه . وهي ما تعرفش انها كده بتجنن فارس بيها ..ووصلو العربيه ونزلت . وركبت جنبه … وفارس مسك ايديها وباسها وقالها وحشتيني قوي يا رودي ..
.رودي : انت وحشتني قوي وهاموت عليك ..
فارس : يخرب بيت كلامك الل يودي في داهيه ده .
رودي : الله .. انت جوزي يا فارس .
فارس : خلاص تعب من تصرفاتها . طيب بما اني جوزك بقى . ما تجيبي بوسه .
رودي : يا سلام ده عز الطلب هههههههه..
فارس : بدهشه . يخرب بيتك .
رودي : بهزر معاك يا فارس . وهبوسك يوم الفرح اوكي …
فارس : قرب منها . انا هاخد تصبيره اوكي. وباسها من خدها واتحرك بالعربيه ..
..و طول الشهر رودي مجننه فارس بحركاتها العفويه الل هتخليه ينتقم منها بعد مايجمعهم بيت واحد .. وفارس بيجهز شقته وكل حاجه . وطلب من طارق انه يظبط كل حاجه .. لان فارس مشغول في شغله اليومين دول علشان ياخد اجازه . لانهم هيسافر شهر عسل تانى يوم الفرح على طول …
—————–بقلمى Mariem Nasar
. اما زين .. سافر اسكندريه هو وريتال . بعد ما مراد راح على شغله بكام يوم .. وده طلب من آدم وجهزلهم كل حاجه .. وآدم طلب من زين انه يسافر هو وريتال والتوام يقضي هناك فتره .. ومايرجعش غير لما آدم يطلب منه . وفهمو كل حاجه هيعملها لو حد من افراد العيله كلمه …
.. وزين فرح بالخبر ده جدا . وريتال كانت طايره من الفرحه .. وجددو شهر العسل من تاني .. وكان فعلا شهر عسل .. لكن اريان ولي لي مطلعين عينيهم .. بس برده عاشو مبسوطين ..ونفسهم ان آدم مايتصلش عليهم .ويقولهم ارجعو …
————
.مالك بعد كتب الكتاب كان مبسوط لاخته لانه شاف ان مليكه بدأت تتغير للاحسن . وبتتكلم وتضحك ولكن هي وحشاه .. لانه مش متعود ان مليكه تغيب الفتره دي كلها عن البيت . وبيتمنى انها ترجع بسرعه و طول الفتره دي . يروح شغله وشايف ان بيتهم الابتسامه رجعت ليه من تاني .. وان ملك رجعت شباب من تاني .. وجاسر كان مبسوط و كان بيعزم ملاكه على العشا بره البيت كل فتره
ويرجعو مبسوطين زي زمان …
..ومالك مكتفي بالسعاده قدامهم .. لكن جواه حرب وصراع .. لان كده ساره غايبه عنه سنه و ٣ شهور . وبيعد الايام .. ونفسه ينساها . لكن مش عارف . وصورها كلها موجوده في فونه . وعقله وقلبه وبينام على صوتها الل مسجله في الواتساب .. وبيرجع بالزمن ويتنهد .. وينام على ذكريات .
————
. محمد بعد كتب الكتاب . مكانش عايز يروح البيت وياخد نور .. لانه خايف عليها .. لكن نور قالتله انها زهقت . ولو كانت في البيت هتكون مستريحه اكتر من كده .. وخصوصا ان اليومين اللي فاتو كلهم ضغط اعصاب .. ومحمد استسلم ليها اخيرا .. واخدها على البيت مع تيمو .. واول ما دخل البيت نور حطت راسها على صدر محمد .. وقالتله وحشتني . محمد قالها وانتي كمان .. وحاول يجاهد نفسه علشان ما يقربش منها .. لانها تعبانه . وشالها ودخلها الحمام وساعدها في الشاور ..وخرجها وسابها تلبس لانه جواه مش قادر يبعد عنها .. وخرج راح ل تيمو اللي بيلعب في اللعب . وشاله وقعدو في البانيو الصغير . وحماه وظبطه وضحك معاه ولبسه هدومه .. ونور خرجت ومحمد راح يجهز العشا .. ونور راحت علشان تجهز معاه .. محمد رفض . لكن نور صممت وجهزو العشا مع بعض .واتعشو وكانت نور مشتاقه ل محمد .. لكن هي عارفه انه مش هيقربلها طول ما هي تعبانه لانه خايف عليها . وهي جواها مبسوطه جدا من الزوج الحنين .. وعاشو اول اسبوع على كده .. لكن محمد ما بقاش قادر يبعد عنها اكتر من كده .. وخصوصا ان نور بتحاول تتعبله اعصابه .. ونجحت اخيرا ومحمد قرب منها لكن جواه خايف عليها .. وكان بيعاملها بحب . ودخل جنتها … وبعدها اطمن عليها . وكانت كويسه وعاشو مبسوطين طول الفتره دي .. لكن نور مستغربه ان محمد نبه عليها انها ما تروحش المستشفى نهائي. لانها تعبانه .. رغم انها كويسه .. الا انه صمم انها ماتروحش الفتره دي . لان محمد مش عايزها تعرف حاجه بخصوص ماليكه وعلاجها … وفعلا ماراحتش . واهتمت بتيم وكمان محمد . وكانت فتره مميزه بالنسبه ليهم وخصوصا ل نور .. وانها دايبه فى عشق محمد .
———-
. اما بقى زياد ومليكه ..
. زياد : يوم الخطوبه فضل قاعد جنب مليكه لحد ما محمد ادالها جرعه المخدر ونامت .
.. وآدم قال ل زياد يروح لانه ما ينفعش يقعد جنبها طول الليل لانه لسه خاطبها . وروح غصب عنه ووصل البيت وطول الليل يفكر في الخطوبه اللي عملها في يوم وليله . وان قلبه بيدق باستمرار من الفرحه . ومش مصدق ايه الل حصل وكان مبسوط جدا النهارده وبيضحك بعد فراق ٣ سنين واكتر .. وكان مبسوط جدا من آدم لانه اتكلم واخد قرار بكتب الكتاب . ونام وهو بيفكر في مليكه .. ولكن نام كام ساعه بس . وصحى وكان الساعه ٦الصبح في المستشفى عند مليكه .. وصحاها وقعد معاها وجابلها فطار . واكلها في بقها . وكان حنين جدا عليها .. ومليكه ما كنتش مصدقه . وزياد مش مصدق ان مليكه معاه وكل شويه يبوس ايديها . ولما الساعه جت. ٩ الصبح .. قال مليكه انا هانزل تحت .. لان آدم هيصحى ولو شافني هنا هايلسعني على قفايا .. وهطلع تانى . وانا هاعمل اني لسه جاي اتفقنا .. مليكه ضحكت من قلبها . على خوف زياد من آدم . وخرج بسرعه..
.. وادم صحي وراح هو ومريم يطمنو على مليكه . وزياد . خبطت ودخل . وقالهم صباح الخير وقعد جنب آدم ببراءه الاطفال .. وسلم عليه وقال ل آدم انا لسه جاي انت صاحي من بدري يا آدم .
آدم : قاله ايوه انا لسه صاحي . وقبل ما تنزل من عند ماليكه . ابقى خد الاكل اللي انت جايبه ده وكمان فونك اشطا يا سبع الرجال ..
زياد : حاسس ان الجبهه عنده طارت . واتحرج من آدم اللي قاعد مبتسم على جنون الحب ..
ومليكه كاتمه الضحكه . وعاشت احاسيس مختلفه.
. وبعدها بيومين جهز كل حاجه . وطلعو ماليكه اخر دور . وجابوا المأذون وكتب الكتاب .. وآدم وحسام شهدو على عقد الزواج .. وهدى كانت مبسوطه لانها شافت مليكه تانيه خالص .. وهدى قلعت اسوره من ايديها . ولبستها ل مليكه اللي كانت مبسوطه .. وماليكا قالت لهدى ممكن طلب ..
..هدى : قالتها طبعا ..
مليكه : ممكن تحضنيني ..
هدى : قلبها وجعها لانها شايفه ان مليكه فعلا انسانه جميله من جواها .. وحضنت مليكه بحب …
..و مريم الصغيره جت وحضنتهم … وزياد كان مبسوط جدا بالموقف ده .. وكمان جاسر وملك وآدم ومريم .. وكلهم كانوا مبسوطين .. وتم كتب الكتاب على خير …وزياد قام وقعد جنب مليكه مراته .. وقدام الكل باسها من جبينها . ومليكه جسمها رجف . وزياد قالها مبروك عليا مليكه … وماليكه ردت بحب .. مبروك عليا الدنيا ومافيها … وزياد قرر انه مش هيبعد عنها تاني وانه هيبات معاها في المستشفى .. وجاسر كان قلقان .. لكن آدم قاله خلاص زياد جوزها يا جاسر . وزياد عاقل مش مجنون ماتقلقش … جاسر قال . ربنا يستر .. اهو كلها يومين و مليكه تروح بيتها ..
… آدم غمز ل محمد انه يتكلم . ويقوله الل آدم طلبه منه .
.محمد اتكلم وقال ل جاسر . انا منصحش ان مليكه تخرج من المستشفى على البيت عندك يا جاسر . جاسر : باستغراب امال هتطلع على فين انا مش فاهم .
محمد : مليكه طبعا لسه ماخفتش نفسيا ومش معقول الحاله النفسيه هتتظبط في يوم وليله .. مليكه لو خرجت على الفيلا هتفتكر كل حاجه . والمشاكل اللي فاتت . وخصوصا يوم الحادثه وهتفتكر كل حاجه وانها حاولت تنتحر . وده هيرجعها للصفر من تاني . والنفسيه هتكون مش كويسه ..
جاسر : طيب يا دكتور والحل ..
محمد : انا مش عارف بصراحه . وبص ل آدم . ما تفكرلنا في حل يا آدم وشاركنا الحوار ..
آدم : بتمثيل انه بيفكر . واخيرا قال انا معاك يا محمد في كل كلمه قلتها . ان مليكه لو رجعت دلوقت نفسيا هتفضل تعبانه . وسبحان الله ده ترتيب من عند ربنا .. تخيل ان زين وريتال مسافرين بره مصر يقضوا فتره مع بعض .. ايه رايك يا جاسر لو مليكه تسافر معاهم .
محمد : والله دي فكره هايله جدا .. وكمان مليكه محتاجه تغير جو وريتال تبقى بنت خالها . وزين ابن عمتها .. وكمان تقضي وقت مع اريان وليليان .. بجد يا آدم فكره هتخلي مليكه تنسى كل حاجه سلبيه في حياتها .
جاسر : قاعد بيبص عليهم ومش عارف يفكر ..
آدم : بص ل جاسر . موافق ان مليكه تسافر مع اخواتها و تقضي وقت حلو ياجاسر ..
محمد : يا ريت توافق يا جاسر . وانا هتابع الحاله مع مليكه . وهطمن عليها على طول . وانت كمان كل يوم هتكلمها وتطمن عليها ..
جاسر : لسانه متلجم ومش عارف ..يوافق ولا لاء.
آدم : ايه يا جاسر بنكلم نفسنا . ما ترد . وبعدين مليكه خلاص بقت في عصمة راجل ..
جاسر : والله يا آدم ما عارف بنتي معقول هتسافر لوحدها ..
آدم : مش احسن ما ترجع البيت ل ذكرياتها القديمه وتتعب اكتر اهي هتغير جو . وتبعد عن النكد شويه . وانا بقى مش كل طلب اطلبه منك تتعبني معاك . وماليكه في رقبتي وعلى ضمانتي وتقول موافق بقى .
جاسر : اتنهد . انا اهم حاجه عندى أن بنتى ترجع زى الاول واحسن . وانا موافق وربنا يستر ..
محمد : ما تقلقش ان شاء الله ماليكه هتكون زي الفل وآدم ابتسم ان خطته ماشيه زي ماهو عايز . وآدم فهم مليكه وزياد على كل اللي هيحصل .. وان زين ومراته هيسافرو على اسكندريه . ولكن هو قال لجاسر هتسافر بره مصر . علشان لو اشتاق لبنته ميسافرش . وقالهم ان زين هيسافر .. يوم ما . ماليكه تتحجز . وانه من بكره هيجهز كل حاجه في الجناح .. لانهم ما كانوش عاملين حسابهم ان في خطوبه وكتب كتاب . وزياد ومليكه وافقو على كل حاجه . ومليكه جواها خايفه و زعلانه من نفسها و مكسوفه من زياد .. لكن زياد حبيبها وسندها جنبها .. وطمنها لانها هتكون بخير واحسن من الاول .. وماليكا كانت مبسوطه لان زياد هيقضي معها الليل كله .. وانها خلاص بقت مرات زياد جمال ..
.. آدم اخيرا اخد اميرته وهيرجعو البيت بعد غياب ووصلوا البيت وسلموا على الكل . واتعشو . وادم فهم زين وريتال انهم هيسافرو اسكندريه .. وقالهم مليكه تعبانه نفسيا . وهتتعالج وهتتحجز . لكن مش عايز جاسر يعرف ولا ملك ولا مالك .. وعلشان كده آدم قال لجاسر ان زين مسافر وهياخد مليكه معاه .. وطلب من زين . لو جاسر اتصل عليه يتصل على مليكه ويتفقو مع بعض على كل حاجه .. وآدم نبه على زين وريتال .. مش عايز اي غلط .. ولو حد عرف مايلوموش غير نفسه …
..وزين فرح جدا هو وريتال علشان هيقضوا شهر عسل جديد ..
.. وآدم اخد اميرته علي الاوضه . ودخل اخد شاور وخرج .. ومريم دخلت تاخد شاور من بعدو ..
.. ادم بعد ما لبس شاف الكيس على السرير .. وقعد على طرف السرير . وفتح الكيس وطلع العلبه وفتحها . وشاف تيشيرت اسود قديم .. ولما شافو . اتصدم بدهشه .. وبص ل مريم الل خارجه من الحمام .. وقام وقف قدامها . وفرد التيشيرت قدامها وهي ابتسمت بحب . ومسكت التيشرت وحطيته على قلبها . لان ده تيشرت آدم اللي مريم شافته عليه اول مره في الشقه .. وانها دايما كانت تطلعه من الدولاب ل آدم علشان يلبسه .. وانها بتحب التيشيرت ده على آدم وبتحب الغوامق عليه . واحتفظت بالتيشرت ده كل العمر اللي فات .. وآدم مش مصدق .. وكل شويه يتفاجئ بمريم وتصرفاتها . ومش عارف يعشقها ايه اكتر من كده . ومسك دقنها بايده وقرب من شفايفها وباسها بوسه طويله .
وسند جبينه على جبينها .. انا بعشقك يا مريم .. مريم : وانا بعشقك يا آدم ..
.. بعد يومين . آدم ومحمد وزياد . جهزو كل حاجه في المستشفى وانهم حجزو . اخر دور علشان علاج مليكه . وركبوا حديد على الشبابيك وكل ده كان بيوجع قلب زياد .. وسابو سرير في الجناج . وكنبه و حاجات بسيطه . وحولو ما يسيبوش اي حاجه تأذي مليكه .. والنهارده هتتحجز .. واهلها جابولها شنطه هدومها .. على اساس انها هتسافر . وودعوها لان زياد قالهم انه هيوصلها بنفسه للمطار .. وروحو انتو .. وفعلا مشيوا .. ..وزين وريتال سافروا ..
.. ومليكه اتحجزت وبدات رحله العذاب لمليكه .. اللي كانت بتقطع في قلب زياد حرفيا .. وانه لما شاف الجرعه بتقل ومليكه بتغيب عن وعيها . وعايزه تخرج من الاوضه بأي طريقه .. وعايزه ترمي نفسها من الشباك .. وزياد يكتفها ويمسكها وهي تضرب فيه وتترعش ويغمى عليها .. زياد عيط علشانها .. وكانت فتره صعبه جدا عليه وعليها . وكان بيخاف انه ينام ويسيب مليكه علشان ما تأذيش نفسها .. وكل يوم على كده .. الدكتور يقلل للجرعه واحده واحده ومليكه كانت بتتعذب . وكانت بتتعالج نفسياً مع علاج الادمان . وكانوا بيعوضوها ب اكلات ومشروبات معينه .. وعلاج معين ..وماليكا كانت اغلب الوقت مش طايقه حد وبتضرب زياد .. وعايزاه يخرج من الاوضه باي طريقه .. وتصرخ . وتشد في شعرها . وزياد يشيلها وهي تضرب فيه .. وقلبه وجعه على البريئه اللي بتصرخ من الالم .. وزياد رفض انهم يربطو مليكه في السرير . وهو هيتحمل كل حاجه ..
.. وآدم لما كان بيشوفها قلبه بيوجعه عليها .. ومنع مريم انها تروح المستشفى . لانها هتزعل على مليكه .. ولما مليكه. تهدا خالص تتاسف لزياد .. وتعيط . وزياد يحضنها ويبوسها من جبينها . ويطمنها انه هيفضل جنبها .. وجابوا رقم دولي وشغلوه تجوال . علشان مليكه تتصل على جاسر وملك ومالك . وتكلمهم وهي فايقه .. وزياد وآدم فهموها تقولهم ايه .. وانها مبسوطه ومش عايزه ترجع دلوقتى .. وبعدها يساله على زين وريتال ويقفلوا معاها وهم مبسوطين ..
.. وآدم ومحمد كانوا بيقعدوا مع مليكه وقت النوم بتاعها بالنهار .. وزياد يروح الشركه علشان جاسر مايشكش في غياب زياد .. ويفكر انه يكون مسافر مع بنته .. وجاسر اطمن لما شاف زياد في الشركه .. وكل فتره على كده .. وواحده . واحده ماليكه بدات تتحسن . وانها كده عدت على علاجها 38 يوم .. وبدات تفوق شويه .. وزياد يشيلها ويدخلها الحمام .. ويغسلها وشها ويسرحلها شعرها .. وينيمها على السرير وياكلها بايديه .. ومليكه اخدت على زياد وكانت مبسوطه ..وزعلانه من نفسها لان زياد شاف مراحل عذابها .. ولما مليكه بتبقى فايقه .. زياد يقعد جنبها ويهزر معاها .. ومن شوقو ليها يبوسها من خدها . وهيتجنن عليها .. لكن مش عايز مليكه تخاف منه .. وفضلوا على كده طول ال ٣٨ يوم …
—————–بقلمى Mariem Nasar
.. عوده للوقت الحالي ..
—————
رودي اتصلت على رينو علشان تروح معاها تختار فستان مع فارس ..
رينو : ايوه يا رودي انا هاكون موجوده معاكي ليه يعني !؟
رودي : تكوني موجوده ليه !! يلا يا رينو بقى ما تبقيش رخمه .. انا عايزاكي تختارى معايا علشان ذوقك حلو ..
رينو : حبيبتي ده فستان فرحك انتي . وانتي اللى هتختاريه ..
رودي : وانتي كمان هتختاريه معايا . يلا بقى علشان خاطري .. انا هاجيلك بالعربيه ونروح على السنتر . وفارس هيجيلنا على هناك ..
رينو : اتنهدت . حاضر يا رودي زي ما تحبي ..
رودي : حبيبتي انا والله يا رينو . وعقبالك يا رب كده . وانا هاختار فستانك بايدي . وهاخدك من ايدك واحطها في ايد عريسك .
رينو : اتخنقت بالدموع . احم .. الساعه خمسه يا دوبك تلبسي هاكون انا اتغديت مع بابي ومامي . وانتي تكوني لبستي ووصلتي اوكي .
رودي : اوكي يا قلبي .. وانا هاتصل بيكي قدام الفيلا باي ..
رينو : قفلت واتنهدت بعذاب .. ورجعت راسها على الكرسي .. وغمضت عينيها وشافت صوره الفهد وهي في حضنه .ولما اتصورو في فرح محمد . وفتحت عينيها بسرعه .واتنهدت وقفلت الملزمه .. وقامت تلبس وتنزل ..
..ونزلت وكان آدم جه من الشركه. ومريم بتستقبله .. وقعده على السفره ..
.. رينو سلمت عليه حمد لله على سلامتك يا بابي .
آدم : حبيبتي الله يسلمك .عامله ايه يا نوتيلتي .
رينو : ابتسمت الحمد لله يا حبيبي .
مريم : قاعده وساكته .
آدم : شافها مالك يا اميرة قلبي .
مريم : اتنهدت البيت وحش من غير الولاد يا آدم.
مراد يا قلبي في شغله يا نور عيني .. وفريحه عند امها من يومين بيستعدو للفرح و مريم نونو معاها ..
وزين وريتال مسافرين وكمان معاهم العيال ..
آدم : مستغرب . يعني انتي كنت عايزاهم يسافرو ويسيبو ولادهم لسه ٣ شهور . بذمتك ده ينفع .. وبعدين مراد في شغله يعني غصب عنه .. وفريحه عند امها مش حد غريب .
مريم : ونور .
آدم : مالها نور ..
مريم : نور ما بقتش تيجي زي الاول .. البيت بقى فاضي يا آدم .
آدم : حبيبتي .. نور حامل وخلاص قربت على التاسع . يعني ربنا معاها وكفايه عليها تيمو .. محمد بيقولي الواد لازق لنور ومش عايز يسيبها .
مريم : تلاقيه غيران لانه حاسس ان اخته قربت تشرف بالسلامه .
رينو : يا سلام يا مامي يعني البيت فاضي طيب وانا روحت فين .
مريم : انتي نور عيني يا قلبي . بس كمان انتي ما بقيتيش رينو بتاعت زمان اللي بتضحك وتهزر يادوبك من الجامعه على المستشفى . ومن المستشفى على اوضتك تتغدى وتطلعي . وتنزلي تتعشى وتقومي تنامي . يعني برده انا عايشه لوحدي.
رينو : والله غصب عني يا مريوم . ما انتي عارفه بقى الطب وخلاص الامتحانات على الابواب اهي . وهدخل رابعه طب . يعني عايزه اركز ..
مريم : اتنهدت .. وانتى مركزه بقى على كده في مزاكرتك يارينو .
رينو : حست انها مكشوفه قدام مريم .. احم . ايوه يا مامي ما تقلقيش عليا والنتيجه ان شاء الله هتشرفك …
آدم : الله !!؟ مالك يا مريم . يعني انا روحت فين .
مريم : مش قصدي والله يحبيبي . بس انت كنت شايف الفيلا .. مليانه ازاي ودلوقتى مش موجود غيرنا احنا ال٣
آدم : احلى حاجه والله .. انا ما كنتش بعرف انام . من دوشه العيال .. مافيش غير البت مريم نونو هي اللي وحشاني بنت الكل…. ولا بلاش علشان اسمها مريم بس .. مش هينفع اشتمها .. واد سوسه سماها مريم علشان ماعرفش اشتم براحتي .. بس برده هو واد ابن كلب جبله ..
مريم : هههههه. حبيبي بس بقى حرام عليك ما تشتمش مراد تاني ..
آدم : يا سلام . وقلدها .. متشمتش مراد تانى طيب ياختي كلي .وليا كلام معاكي بعدين ..
رينو : احم … بابي .
آدم : نعم يا حبيبتي .
رينو : رودي اتصلت عليا و عايزاني اروح معاها نختار فستان فرحها . فلو ينفع .. انا قولتلها لا لكن هي صممت ..
آدم : وتقوليلها لا ليه يا حبيبتي .. روحي اختاري معاها . وكمان عايزك كده تختاري فستان ليكي يكون حلو عليكي . انا عارف بنتي ونوتلتي هتكون زي القمر . هو انا عندي كام نوتيلا في البيت .
نور : من وراه .. والله ياسي بابي . نوتلتك . ماخلفتش غير رينو يعني ..
مريم : بفرحه.. نور . تيمو .
آدم : حبيبه ابوها اللي بتيجي في وقتها . ههههه.
رينو ؛ قامت بسرعه فتحت ايديها ل تيمو . اللي جرى عليها .. قلبي قلبي قلبي يا ناس واحشني موت .. انا اسمي ايه .
تيمو : مزه … كلهم بصو لبعض بدهشه .
رينو : هههههه . لا انا لارين انا اسمي ايه .
تيمو : لالين … رينو وكلهم ضحكو
رينو .. طيب قول رينو .
تيم : لينو . وضحك وباسها من بقها ..
مريم : كده وحش يا تيمو مش تبوسها من بقها .
تيمو : لا حلو اسكتي .. كلهم ضحكو .
نور : سلمت على آدم ومريم وبعدها رينو ..
مريم : شهقت اسكت . انا زعلانه منك يا تيمو .
تيمو : بص ل رينو . مريم زحلانه يا لينو …
رينو : يا خبر تعال نبوسها . وراحت على مريم . وتيمو رمى نفسه عليها .. وقال مريم حبيبي
مريم : حضنته .. حبيبي انا وروحي انا هات بوسه
تيمو : هيبوسها من بقها .. لابوسني من خدى .
تيم : وباسها انتي زحلانه .
مريم : لا يا روحي تعالى بقى كل الكفته اللي انت بتحبها .. وقعدت ..
آدم : تعالى يا نور جنبي هنا ..
نور : قعدت .. بصراحه انا جعانه قوي ..
مريم : محمد فين ..
نور : محمد كان عازمني على الغدا بره . وجهزنا ونزلنا . وقلتله بعد الغدا هاروح عند مامي .ونزلنا وخرجنا .. واحنا في الطريق اتصلوا عليه في المستشفى .. وقالوله في حاله طارئه قولتله وصلنى عند مامى .. ووصلني لبوابه الفيلا ورجع تاني .
مريم : طيب الحمد لله اني شوفتك يلا بقى اتغدى .. وانا هاكل تيمو تعالي يا قلبي وتغدوا ..
.. ورودي اتصلت على رينو .. وقالتلها انا قدام الفيلا مستنياكى … ورينو وخرجت . وركبت معاها واتحركو .. وبعد شويه فارس راحلهم على السنتر علشان يشوف الفستان ..
فارس : ازيك يا دكتوره رينو .
ازيك : يابروفسير . وبعدين بلاش دكتوره والكلام ده .. انا رينو وانت فارس اوكي ..
فارس : ابتسم اوكي عامله ايه يا رينو .
رينو : الحمد لله . والف مبروك .
فارس : الله يبارك فيكي وعقبالك ..
رينو : ان شاء الله ..
فارس : بص حواليه .. انا شايف السنتر هادي كده وما فهوش ضجه .. انا كنت مفكر هاجي الاقي رودي ضربالها اتنين ولا حاجه ..
رينو : هههههه . لا الحمد لله ربنا هداها . هي جوه واختارت ٣ فساتين وبتقيس اول واحد . وهتشوف انهي واحد هيعجبها ..
رودي : من وراهم ها ايه رايك يا رينو …
رينو : بيتلف واتصدمت ..
وفارس : تنح ..
رودي : فارس الحمدلله انك متاخرتش .. ها ايه رايك ياحبيبي ..
فارس : الله يخرب بيتك .. ايه ده .
رينو : مفكره ان رودي هتلبس توب ابيض تحت الفستان .. وكان فستان حمال ..
رودي : ايه يا فارس يا حبيبي ها .. قولي ايه رأيك بزمتك مش يجنن عليا ..وبتلف بالفستان حلو صح .
فارس : فتح بقه ..
ورينو : اتكسفت من فارس وخرجت بسرعه وقفت بره .. لان الضهر نصه عريان ..
فارس : بص في السقف يشوف في كاميرات .. وشدها من دراعها ودخلها الاوضه .. البروفا ..
رودي : ايه يا فارس . اه . في ايه هتوقعنى على وشي ….
فارس : ده انا هاسفلت . وشك ان شاء الله .. ايه القرف اللي انتي لابساه ده .!!!؟
رودي : قرف !! ده قرف . انت عارف ده بكام الاول علشان تقول عليه قرف ..
فارس : رودي اقسم بالله هطبقلك وشك ده بايديا . وشاور على الحمال .. وايه ده ولابسه الحبل اللي على كتفك ده ليه .. مداري ايه ..وايه لازمته .. بصي انتي تقلعي الفستان العريان ده حالا .
رودي : عريان .. عريان ايه يا فارس .. وكملت بزعل . وبعدين دي ليلة العمر بقى .. البس فيها اللي انا عايزاه ..وبصتله بذمتك مش حلو .. وبتلف وخبطت في صدره ..
فارس : تاه . في جمالها وقالها هو من ناحيه حلو فهو صاروخ عليكي .. بس مش هينفع ..
رودي : بدلع .. ارجوك يا فارس خليني البسه . بليز .. بليز يا بيبي ..
فارس : غمض وفتح وبيحاول يفوق .. انتي هتودينا في داهيه .. باقولك ايه .. انا هخرج دلوقتى اقلعي الزفت ده .. وغيري هدومك وتعالى نختار حاجه محترمه كده ..
رودي : حبيبي والنبي بقى ..
فارس : ولا كلمه واعملي حسابك يا روحي انك هتتجوزي الخميس واول خروجه بعد الجواز هاتتحجبي ..
رودي : نننعمممم ..
فارس : قرب منها وباسها . لاول مره من شفايفها .. وبعدها .. قال نعم الله عليكي يا قلب فارس من جوه.
رودي : تاهت واتلخبطت …
فارس : ابتسم . يلا انا هستناكي بره وسابها وخرج . وحط ايده على قلبه اللي بيدق جامد ..
ورودي : واقفه مكانها متنحه . ودايخه و حطت ايديها على شفايفها .. وواقفه تايهه .. وبعد شويه غيرت هدومها وخرجت .. واختارت وكل لما تختار حاجه فارس يرفض . واتخانقت في السنتر وعملت دوشه .. ورينو بتحاول تهديها ..
.. ورودي قالت لفارس طلقني ..
وفارس : بدهشه ..وغيظ .. وراح شدها من ايديها واخد فستان .. وقالها قيسي ده …
رينو : اهدى يا رودي مش كدا .. الفستان ده تحفه جدا والله ..
رودي : مش عايزاه .. مش عايزاه وطلقني يا فارس .
فارس : استغفر الله العظيم يا رب .. طيب يا رودي انا هطلقك بس قيسى الفستان…
رودي : نععععم .. اه انت ما صدقت بقى طيب اعملها كده يا فارس وطلقنى .. علشان تشوف احشائك قدامك وحالا …
فارس : اللهم لا اعتراض يا رب .. له في ذلك حكم .. خدي يا حبيبتي البسي الفستان ده وانجزي علشان انا قربت اجيب اخرى ..
رودي : ربعت ايديها .. وانا عايزه اعرف اخرك ايه يفارس ..
فارس : يا بنتي ما تختبريش صبري .. انا بضحك وبسكت . وبعدي بمزاجى .. بس وقت الجد هاعلم عليكي. و هحرجك صدقيني ..
رودي : رفعت حاجبها بديق وبصت قدامها .. مش هقيسه ومش هتجوز ..
فارس : رينو .
رينو : نعم .
فارس : استنيني بره ثواني ..
رينو : حاضر وخرجت ..
فارس : مسك رودي من ايديها وشدها في الاوضه ومن غير كلام .. لبس الفستان ل رودي اللي واقفه متنحه .. وشدها من دراعها .. ونده على رينو . وشافتها بالفستان .. وكان محترم وتحفه عليها ..
رينو : بسم الله ما شاء الله . قمر يا بنت الايه .
رودي : متنحه ومش عارفه تتكلم ..
فارس : ها عاجبك الفستان ولا لا ..
رودي : لفت وبصت في المرايه .. وقد ايه الفستان منفوش قوي وجميل .. وسرحت في ان فارس لبسها الفستان بايديه ..
فارس : لف ليها .. عجبك ولا لا ..
رودي : نزلت وشها في الارض . ايوه عاجبنى .
فارس : قرب من وشها .. وردى اتخضت من صوته … قسما بالله لو سمعت كلمه طلقني دي تاني او مش هتجوز .. لكون مولع فيكي فاهمه ..
رودي : صكت على اسنانها ما تهدى بقى يا وحش الله ..
فارس : لا اله الا الله … لا اله الا الله ..
رينو : ضحكت من قلبها على الثنائى المجنون .
..ورودي اختارت الفستان اخيرا .. وتعبت فارس معاها تاني .. لانها عايزه تشتري كوتشي على الفستان .. وعيطت في الشارع ومش عايزه تلبس جزمه .. وبهدلت الدنيا .. وفي الاخر استسلم اول ما شاف دموعها . واشتري الكوتش وحضنها في الشارع .. وهي كانت متغاظه منه . ونطت على ضهره . وحكمت عليه يتصورو كدا . ويمشي بيها في الشارع وهو شايلها … وفعلا فارس كان مبسوط جدا بحبيبته المجنونه ..
.ورينو .. كانت جواها بتتمنى .. ان الفهد يكون معاها . ويعيشو لحظات مجنونه .. واتنهدت .
. واليوم عدي على خير .. وروحو.
بالليل عند مليكه ..
—————–
. زياد واقف باصص من الشباك الحديد . وسرحان .
.وماليكا بدات تفوق . وشافت زياد و ندهت عليه زياد.
زياد : شافها وراح عليها بسرعه . عيون زياد . نعم يا روحي .
مليكه : حبيبي انت لسه ما نمتش .
زياد : ما جاليش نوم يا قلبي .
ماليكه : هو انا نمت كتير .
زياد : ايوه .. وانا مبسوط انك نمتي كتير . لانك بقالك فتره ماكنتيش بتنامي كويس ..
مليكه : يعني انا كده بقيت طبيعيه يا زياد .
زياد : باس ايديها . طبعا يا قلبي . ونتيجه التحليل ايجابيه وان كل حاجه في جسمك خرجت الحمد لله .
مليكه : طيب انا هنا ليه . لما انا طبيعيه ..
زياد : حبيبتي استحملي . كلها اسبوع واحد وتخرجي بالسلامه . خلاص هانت هو بس الدكتور حابب يطمن عليكي مش اكتر .
مليكه : زياد هو انا بجد هرجع طبيعيه . يعني هاكون زي الناس الطبيعيه .
زياد : ليه بتقولي كده يا روحي . انتي احسن من الناس الطبيعيه كمان . انتي اهو زي الفل . وبدليل انك بتنامي كويس . والصداع خف الحمد لله . ومفيش اي علاج بتاخديه . انتي هنا متابعه وبس . وبعدين . زين وريتال راجعين الاسبوع اللي جاي . ويوم ما هيرجعو . انتي هتخرجي بالسلامه .
مليكه : مسكت ايده شكرا يا زياد .
زياد : بتشكرينى ليه .
مليكه : شكرا لانك موجود معايه . ووقفت جنبي وانك . قبلتني في حياتك رغم اللي انت شفته مني
زياد : مليكه لو قلتي الكلام ده تاني انا هازعل منك . وده واجبى . انتي حلم واتحقق بالنسبالي انا عمري ما كنت اصدق انك تكوني معايا . انا اللي المفروض اشكرك انك موجوده في حياتي ..
مليكه : زياد انا عايزه اطلب منك طلب .
زياد : عيوني .
مليكه : انا محتاجه اتوضى واصلي ..
زياد : قلبه دق بفرحه . انتي عايزه تصلي .
ماليكا : هزت راسها .. حاسه اني محتاجه اصلي .. عايزه اتكلم مع ربنا شويه ممكن ..
زياد : قام بسرعه . وفتح الشنطه وخرج الاسدال وقالها ممكن جدا .. قومي تعالى هساعدك تتوضى وهفرشلك السجاده . وصلي براحتك .
مليكه : قامت وشافت الفرحه في عيون زياد . وكانت مبسوطه . ودخلت الحمام . وزياد ساعدها واتوضت لاول مره من فتره كبيره .. وخرجت من الحمام . وزياد فرش ليها سجاده الصلاه . اللي هو كان بيصلي عليها … وقال لمليكه انا هخرج هقف قدام الباب . وانتي صلي براحتك ..
ماليكا : هزت راسها .. وزياد لبسها الاسدال وخرج . وماليكا لفت الطرحه . وراحت وقفت على سجاده الصلاه .. وقلبها بيدق لانها اول مره هتصلي بيقين
لانها هي الل عايزا تصلى رغبه . وبدات تصلي وسجدت لله .. وسكتت ومش عارفه تبدا ازاي ؟ تشكر ربنا الاول . ولا تستغفر . دموعها نزلت بصمت وبدات تتكلم وتقول كل حاجه بطريقتها . وتتكلم من قلبها لانه رب العالمين و هيسمعها . وغمضت عيونها سامحني يا رب .. سامحني علشان انت غفور رحيم .. سامحني علشان امي اللي تعبت بسببي . سامحني لاني ما كنتش فاهمه .. سامحني لاني كنت هقتل نفسي وهي ملك ليك وحدك .. سامحني لاني ماكنتش عارفه .. مريم قالتلي انك يا رب بتغفر جميع الذنوب. اغفرلي يا رب .. اغفرلي وسامحني . وزي ما اديتني فرصه تانيه اني اعيش . اديني فرصه تانيه اني اتوب وسامحني .. وعيطت وبدا صوتها يعلى في البكاء . ونسيت العالم الخارجي وكانت في خشوع تام …وزياد سمع صوت عياطها ودعائها وهي بتصلي وكان مبسوط وزعلان في نفس الوقت . وداعا في قلبه ان ربنا يستجيب لكل دعواتها .
ماليكا : شكرت ربنا .. شكرا يا رب لانك رزقتني ب اب وام كويسين . شكرا لانك رزقتني عيله بتحبنى من قلبها .. شكرا لانك سترتني و انقذتني من صافي .. شكرا لانك كنت واقف جنبي في كل وقت .. شكرا لانك حافظت عليا . سامحني يا رب اغفرلي يا رب . ودعت كتير ربنا . واتكلمت بشهقات وعياط .
.. لدرجه ان زياد : خاف عليها . لان عياطها كان بذل وندم وكسره حقيقيه . لكن محبش يدخل وسابها يمكن ترتاح بعد ما اتكلمت مع ربنا ..
.. وبعد فتره كبيره خلصت .. وزياد خبط ودخل وشاف مليكه قاعده على سجاده الصلاه . ولفه الطرحه .. ودي اول مره زياد يشوفها في الحجاب .. وكانت ايه سبحان الله .. لكن برده عيونها كانت حمرا ودموعها نازله على خدها .
زياد : راح قعد قدامها ومسح دموعها . وقالها تقبل الله .
مليكه : بدموع بصتله مش فاهمه .
زياد : ابتسم قولي منا ومنكم .
مليكه : منا ومنكم .. وصعبت عليها نفسها وعيطت تاني . تفتكر ربنا هيسامحني يا زياد .
زياد : مستحملش بس . بس وقام وشالها . وقعدها على طرف السرير . وحضنها بس يا مليكه اكيد طبعا ربنا هيسامحك . ده ربنا غفور رحيم . ربنا غفر لل قتل ١٠٠ نفس . انتي مش هيغفرلك . انتي بس ادعي ربنا كتير . وصلي على طول وشوفي ربنا عايز ايه واعمليه الموضوع سهل جدا ..
مليكه : رفعت عيونها ليه .. هتعلمني ..
زياد : ابتسم طبعا ده انا يحصلى الشرف اني اعلم مليكة قلبي .. وحب يفك مليكه شويه .. مش انا اللي علمتك و كنت بذاكر ليكى في الكليه .. خلاص قوليلي بعد كده يا مستر زياد ..
ماليكه : غصب عنها ابتسمت ..
زياد : تعرفي انك لما عيطتى . ومناخيرك بقى لونها احمر مع خدودك الحمرا وعيونك . اكتمل القمر .
ما ليكه : اتكسفت وسكتت ..
زياد : مليكه .
مليكه : بصت في عينيه نعم .
زياد : بحبك
ماليكه : سرحت في عينيه وانا بحبك قوي يا زياد .
———-
عدي الاسبوع بسرعه ..
.. وزين وريتال . رجعو من السفر ومليكه رجعت بيتها .
..وكان جاسر عامل حفله استقبال لمليكه .. ومليكه اتصدمت بفرحه . لما شافت الفيلا .. وكان جاسر وملك مغيرين ديكور الفيلا كاملا.. وغيرو كل حاجه موجوده . وكمان اوضتها نقلها في اوضه تانيه .. وغير شكلها بالكامل .. وكمان جاسر وملك حاولو يشيلوا اثر . كل الذكريات المؤلمه من البيت .. وحوله يعيش حياه جديده ..
..وزياد فرح جدا لما شاف ان مليكه مبسوطه ..
.. وآدم قاعد جنب زياد وقاله مش ناوي ..
زياد : على ايه .
آدم : فارس فرحه الخميس الجاي .
زياد : اه عارف . الف مبروك .
آدم : انت حمار ليه يا زياد .
زياد : بعدهم فهم .. ليه بس كده ما احنا كنا حلوين .
آدم : قوم من جنبي يا غبي .وروح لجاسر واتفق معاه على فرحك انت ومليكه . ويكون مع فارس الخميس الجاي ..
زياد : تنح وبص ل آدم ..
آدم : ايووه .. انت دورك معايا تقعد تتنح .. قوم ياض هتستنى ايه اكتر من كده انت 35 سنه . ومليكه بقى عندها 24 سنه .. ايه هحجزلك في قاعه رعايه المسنين .. قوم من جنبي يالا .
زياد : مش مصدق .. بجد يعني انا ومليكه .
آدم : بهزار .. عيب يا زياد ..
زياد : ابتسم لا مش قصدي على كده .. انا قصدي ان انا ومليكه يعني هنتجوز .
آدم : بنفاذ صبر .. ان شاء الله انا هدخل الجنه حدف من غير حساب .. لاني انا محاط بالاغبيا . آدم قام وشد زياد من قفاه .. وراح لجاسر وشاور لحسام وكلهم قعدوا .. وآدم فتح الكلام ..واتفقو على كل حاجه .. وجاسر رحب جدا .. والكل عرف بالخبر .. وكل البنات جريو على مليكه . وعرفوها وباركولها ومليكه .. ما كنتش مصدقه نفسها ..
.. ودادا سنيه زغرطت .. مليكه ماكنتش مصدقه وفعلا من فرحتها شكره ربنا .. وسالت ماليكه امها اعمل ايه وانا فرحانه ..
ملك : صلي ركعتين شكر لله واشكريه .. وفعلا ماليكا صلت ركعتين لله .. ومليكه اكتشفت ان راحتها بين ايدين ربنا .. واتفقت مع نفسها اي حاجه حلوه تحصل في حياتها تصلي ركعتين شكر لله .. ومليكه بقت بتحافظ على صلاتها . ولكن لسه متحجبتش وكمان كان الوقت قصير على ترتيبات الفرح .. ورينو رودي وريتال ومريم الصغيره وفريحه . اخدوا مليكه علشان تختار الفستان .. لان مليكه اتكسفت ان زياد يختار معاها .. واختاره فستان رقيق جدا . ومليكه ديما كانت حاسه انها بتحلم .. وزياد مكنش مصدق نفسه . وظبط كل حاجه في الشقه . .
.. وعدي الاسبوع بسرعه . —
عدي الاسبوع بسرعه ..
.. وزين وريتال . رجعو من السفر ومليكه رجعت بيتها .
..وكان جاسر عامل حفله استقبال لمليكه .. ومليكه اتصدمت بفرحه . لما شافت الفيلا .. وكان جاسر وملك مغيرين ديكور الفيلا كاملا.. وغيرو كل حاجه موجوده . وكمان اوضتها نقلها في اوضه تانيه .. وغير شكلها بالكامل .. وكمان جاسر وملك حاولو يشيلوا اثر . كل الذكريات المؤلمه من البيت .. وحوله يعيش حياه جديده ..
..وزياد فرح جدا لما شاف ان مليكه مبسوطه ..
.. وآدم قاعد جنب زياد وقاله مش ناوي ..
زياد : على ايه .
آدم : فارس فرحه الخميس الجاي .
زياد : اه عارف . الف مبروك .
آدم : انت حمار ليه يا زياد .
زياد : بعدهم فهم .. ليه بس كده ما احنا كنا حلوين .
آدم : قوم من جنبي يا غبي .وروح لجاسر واتفق معاه على فرحك انت ومليكه . ويكون مع فارس الخميس الجاي ..
زياد : تنح وبص ل آدم ..
آدم : ايووه .. انت دورك معايا تقعد تتنح .. قوم ياض هتستنى ايه اكتر من كده انت 35 سنه . ومليكه بقى عندها 24 سنه .. ايه هحجزلك في قاعه رعايه المسنين .. قوم من جنبي يالا .
زياد : مش مصدق .. بجد يعني انا ومليكه .
آدم : بهزار .. عيب يا زياد ..
زياد : ابتسم لا مش قصدي على كده .. انا قصدي ان انا ومليكه يعني هنتجوز .
آدم : بنفاذ صبر .. ان شاء الله انا هدخل الجنه حدف من غير حساب .. لاني انا محاط بالاغبيا . آدم قام وشد زياد من قفاه .. وراح لجاسر وشاور لحسام وكلهم قعدوا .. وآدم فتح الكلام ..واتفقو على كل حاجه .. وجاسر رحب جدا .. والكل عرف بالخبر .. وكل البنات جريو على مليكه . وعرفوها وباركولها ومليكه .. ما كنتش مصدقه نفسها ..
.. ودادا سنيه زغرطت .. مليكه ماكنتش مصدقه وفعلا من فرحتها شكره ربنا .. وسالت ماليكه امها اعمل ايه وانا فرحانه ..
ملك : صلي ركعتين شكر لله واشكريه .. وفعلا ماليكا صلت ركعتين لله .. ومليكه اكتشفت ان راحتها بين ايدين ربنا .. واتفقت مع نفسها اي حاجه حلوه تحصل في حياتها تصلي ركعتين شكر لله .. ومليكه بقت بتحافظ على صلاتها . ولكن لسه متحجبتش وكمان كان الوقت قصير على ترتيبات الفرح .. ورينو رودي وريتال ومريم الصغيره وفريحه . اخدوا مليكه علشان تختار الفستان .. لان مليكه اتكسفت ان زياد يختار معاها .. واختاره فستان رقيق جدا . ومليكه ديما كانت حاسه انها بتحلم .. وزياد مكنش مصدق نفسه . وظبط كل حاجه في الشقه . .
.. وعدي الاسبوع بسرعه ..———بقلمى Mariem Nasar
زياد : اخد مليكه . ووصلها السنتر ..
وفارس اخد رودي ووصلها السنتر .. والبنات كانو موجودين معاهم فى السنتر . وكان يوم حافل .. وزياد بعت غدا لمليكه وكل الموجودين .
.. وهدى كانت دموعها على خدها ومش مصدقه ان فرح ابنها النهارده ..
.. وكمان رنا كانت فرحانه جدا ومش مصدقه ان فارس هيتجوز النهارده واتمنت ان فهد يتجوز كمان وربنا يريح قلبه ..
.. وكانت مبسوطه ان فهد ومراد رجعو امبارح بالليل .. علشان يحضرو الفرح ..وبعد كده هيرجعوا على الماموريه تاني يوم . .
..والوقت بيعدي بسرعه مليكه ورودي لبسو وجاهزين ومستنيين العرسان ..ورينو كانت ملاك وكل واحده من البنات جهزت وكانت زى القمر ..
..ومحمد رفض انه نور تروح السنتر معاهم لانها تعبانه .. وخلاص في الشهر التاسع .. وجابلها الفستان في البيت والحجاب . وكان بيساعدها في اللبس علشان هي مش قادره .. ولبس تيمو . وكان زي القمر .. واخدهم ونزلو .
.. ومصطفى وشيرين . واشرف وكل العيله اتحركو.
.. وبيتر اللي فرح جدا . . وكل العيله موجوده عند السنتر ..
..وزياد لبس وجهز نفسه واتحرك ..
..وفارس جهز ورايح في الطريق بعربيته الجميله . وبيفكر وبيدعي ربنا ان رودي تكون عاقله علشان صحابه . ونبه عليها لكن هو مش واثق فى عقلها وراح على السنتر .. وطلع علشان ياخد رودي وتفاجئ بجمالها الغير عادي .. وقلبه دق بسرعه . اول ما شافها . وقرب منها وباسها من جبينها .. ورودى المجنونه حضنته قدام الكل وكانت مبسوطه جدا .. واخدها ونزل والكل بارك ويهني .
..زياد وصل اخيرا .. وكانت عربيته فخمه جدا .. وطالع علشان يجيب مليكه .. واتصدم لما شاف مليكه لانها كانت زي القمر بجد .. وخصوصا بالحجاب ..
.. زياد ماكانش مصدق وحاسس انه اتلخبط وان دي مش مليكه لكن دي شبها قوي … ورينو قالتله مفاجاه مش كده .!!؟ ماليكه . حبت تعملك مفاجاه واتحجبت انهارده . ومحدش يعرف غيرنا احنا وبس .
زياد : من فرحته قرب من ماليكته . و شالها ولف بيها في السنتر .. ومليكه كانت مبسوطه ودموعها نازله .. وانها اخيرا داقت طعم السعاده الحقيقيه ..
وزياد باس ايديها . وجبينها وخدها .. وحضنها من تاني وكانت الضحكه على وشه .. وكان مبسوط اوى أنها لبست الحجاب .. وشالها بالفستان بين ايديه . ونزل بيها من السنتر وهو شايلها .. وكل الشباب صفرو . لان زياد نازل . وشايل حبيبته بين ايديه .. ومليكه كانت مكسوفه .. والكل اتصدمو بفرحه .. لما شافوا مليكه محجبه يوم فرحها .. وملك اول ماشفت بنتها بفستان الفرح وكمان محجبه عيطت بفرحه .. وكمان مريم عيطت وفرحتلها . وجاسر اتصدم بفرحه وكان فخور ببنته ولسانه عجز عن الكلام .. وآدم قلبه فرح قوي لما شاف مليكه بالحجاب . وان كده العيله كلها محجبه .. والكل كانو موجودين ومبسوطين .. وهدى كانت مبسوطه لما شافت ماليكه بالحجاب .. ونور فرحت ليها اوى .. وبعد كدا . . ومالك لما شاف اخته محجبه راح عليها وحضنها بحب .. زياد وماليكه سلمو على كل الموجودين .
.. بعد فارس وردى ماسلمو .. وزياد اخد ماليكه على عربيته الفخمه .. وفارس اخد رودى على عربيته وكانت من غير سقف ومفتوحه زى مارودى طلبت . وبعد كده مراد اخد فريحه . وكلهم بدؤه يتحركو .. ورينو ركبت مع آدم .. قبل العربيات ما تتحرك ..
لانها مش عايزه تركب مع فهد .. وكانت هاديه جدا في اليوم ده .. ولبسها هادى ورقيق .. ومحطتش ميك اب .. وكانت جميله قوي .. وخطفت قلب الفهد الغضبان .. لانه كل شويه يفكر ان كل الشباب هتبص على ملكيته الخاصه . وكان غيران عليها جدا .. وركب وهو متدايق .. وساق واتحرك مع العربيات وكان .. ديما عينيه على عربيه آدم وكان نفسه يحرس حبيبته .. كلهم راحو على السيشن .. ورودي المجنونه .. بتتصور كتير وتختار اوضاع غريبه للصور .. ان فارس يشيلها وهي تطلع لسانها ..وفارس كان هيزعقلها . لكن ردود افعالها بيعشقها . وبينفذ كل حاجه هي عايزاها لكن بحب .. وفعلا شالها وكمان رودي طلبت تركب عجله وهو يسوق .. والكل ضحك على المجنونه رودي .. وطارق كان بيشجعها .
..وزياد اخد مليكه واتصور معاها صور رومانسيه . وكان فرحان جدا . ونزل على ركبه وباس ايديها . واتصورو كتير وكل العيله اتصورت .. زي كل فرح .. وبعد كده .. راحو على القاعه .. وكان يوم مميز وكل المعازيم قعدو .. وزياد اخد مليكه .. وفارس اخد رودي ..
..والفرحه هتبدا .. رودي بدات الهايبره . وغنت اغنيه سهرانين لكارول سماحه .
. لة لة الليلة دية لة لة من الليلة دية
سهرانين والدنيا احلى بوجودك معايا
والليلة كل اللى فات مات ورايا
الحب غير مشاعرى و حياتى
حبيبى ياى ياى ياى
سهرانين لفيت الدنيا و العالم كفاية
ما لقيتش غيرك جواى و معايا
احساس حبيبى حيعيش للنهاية
حبيبى ياى ياى الليلة ديا
و لا مرة وحدة حسيت بوحدة
نسيتلى قلبى جرحو و ماضى
وباختصار انا لا يمكن ارضى
غيرك حبيبى دللى بموت فية
لة لة الليلة دية لة لة من الليلة دية
سهرانين والدنيا احلى بوجودك معايا
والليلة كل اللى فات مات ورايا
الحب غير مشاعرى و حياتى
حبيبى ياى ياى ياى
سهرانين لفيت الدنيا و العالم كفاية
ما لقيتش غيرك جواى و معايا
احساس حبيبى حيعيش للنهاية
حبيبى ياى ياى الليلة ديا
لة لة الليلة دية لة لة من الليلة دية
والكل تجنن معاها و كانت بترقص بفرحه وشدت فارس يرقص معاها .. ولكن علشان خاطر فارس وأصحابه الموجودين . كانت بترقص بعقل .. لكن من جواها نفسها تتجنن اكتر من كده .وغنت الاغنيه بكل حب .. وفارس قلبه كان بيرقص من عشقه للمجنونه الل بيعشق كل حركاتها ..
وبعدها فارس غنالها بجد خطيره لرامي صبري .
لاء دي خطيرة بجد خطيرة
كل ما أشوفها بفضل في حيرة
خُذوا الكبيرة دي في يوم وليلة
جات علقتني أنا في ثانيتين
لاء دي خطيرة بجد خطيرة
كل ما أشوفها بفضل في حيرة
خُذوا الكبيرة دي في يوم وليلة
جات علقتني أنا في ثانيتين
عيني عليها يا عيني عليها
أيوة أنا عمري ما شفت كده
روحوا قولوا لها مفيش ثاني منها
أجمل من كل الحلوين
جات نوياها لي ومرتبة لي
عرفت خلاص أنا أتجاب منين
لاء دي خطيرة بجد خطيرة
كل ما أشوفها بفضل في حيرة
خُذوا الكبيرة دي في يوم وليلة
جات علقتني أنا في ثانيتين
لا ع الهادي يا ريت ع الهادي
ما ستحملش بجد كده
حنّي عليّ واهدي شوية
بعد جمالك مش شايفين
إتوصي بينا أو دلعينا
ده أنا وقلبي مستنيين
لاء دي خطيرة بجد خطيرة
كل ما أشوفها بفضل في حيرة
خُذوا الكبيرة دي في يوم وليلة
جات علقتني أنا في ثانيتين
لاء دي خطيرة بجد خطيرة
كل ما أشوفها بفضل في حيرة
خُذوا الكبيرة دي في يوم وليلة
جات علقتني أنا في ثانيتين
ورقصت معاه وبدءت تهيبر اكتر . وفارس نسى صحابه وكل الناس وركز مع مصدر السعاده
. وغنى من قلبه .. وكان صوته مقبول . والكل كان مبسوط ليهم ..
زياد ومليكه اتفقو .. انهم يغنوا مع بعض ..وده طلب مليكه ان زياد يغني معاها .. وغنوا ميكس مع بعض وغنو .. اغنيه بعشق روحك مروان خوري والين . والكل انسجم معاهم وسقف . وزياد محاوط ماليكا بايد واحده على وسطها وماسك مايك .. وماليكه حطت أيدها على كتفه والمايك في أيدها التانيه ..
بعشق روحك والكلمات
بعشق إحساسك بالذات
كيف بتمشي وكيف بتحكي
قلبي بيشتق لك بجنون
ما بعرف مع غيرك كون
ولا بقدر مع غيرك احكي
بعشق روحك والكلمات
بعشق إحساسك بالذات
كيف بتمشي وكيف بتحكي
قلبي بيشتاق لك بجنون
ما بعرف مع غيرك كون
ولا بقدر مع غيرك احكي
من أول مرة تلاقينا إحساسي من جوة تغير
حبيتك ما بقدر قول لك لو بعرف بوصف لك أكثر
إنت مش بس بتعجبني نظرة منك بتذوبني
بعيش حبك وبموت
أنا لحظة عنك تبعدني ولا ممكن اقدر إتصور
إنت بعدك بيعذبني ما فيّ منك اتحرر
دخيلك بغيابك عني لا بعرف لحن ولا غني
بموت من الهم بموت
بعشق روحك والكلمات
بعشق إحساسك بالذات
كيف بتمشي وكيف بتحكي
(قلبي بيشتاق لك بجنون (بجنون
ما بعرف مع غيرك كون
ولا بقدر مع غيرك احكي
على مطرح ما بدك بمشي ما بتعب مرة أو بسأل
من كثر الحب اللي بقلبي ما بعرف كيف بيتحمل
قلبي ما بينبض على كيفي ما بعرف عبر من خوفي
تضيع مني الحروف
أنا حبك خلاني غني أصبر ع الدنيا واتحمل
ما كانت حلوة ها الدنيا ولا مرة أحلامي تكمل
لما حبيتك يا عمري ما عادت عينيّ بأمري وغير
سحرك ما بشوف —–
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها منذ نعومة أظافرها)