اسكريبت زواج شرعي الفصل الأول 1 بقلم الكاتبة الصغيرة

مريم : ماما ماما بصي انا رسمت اي 

ام مريم : امشي دلوقتي يامريم انا مش فاضية 

مريم مشيت وهى مكسورة الخاطر وراحت لأبوها

مريم : بابا بابا بص انا رسمت اي 

ابو مريم : مش قولتلك ١٠٠ مرة وانا بشتغل متجيش تكلميني اتفضلي اطلعي برة

مريم طلعت وهى زعلانة ودخلت تعيط فى اوضتها 

( اعرفكم بنفسي انا اسمي مريم عندي ١٠ سنين شعري طويل وناعم وعيوني خضرا وبشرتي بيضة وعايشة مع بابا وماما واخويا كريم عنده ٦ سنين متستغربوش هم على طول بيعاملوني كدة محدش بيتكلم معايا اصلا كأني مش بنتهم !! ) 

كريم : بت يا مريم قومي من على الكمبيوتر عشان العب

مريم : مسميش بت واحترم نفسك وأنت بتكلمني وبعدين انا لسة قاعدة

كريم : بقا كدة طييب يا مامااا وهو بيعيط : مريم ضربتني ومش راضية تخليني اقعد على الكمبيوتر 

ام مريم : انتي يا زفتة ياللى اسمك مريم بتضربي اخوكي الصغير لي

مريم : والله ياماما ما جيت جمبه هو بيقولي قومي عشان اقعد وانا قولتله انا لسة قاعدة

ام مريم : بتحلفي كدب كمان طب تعاليلي بقا 

ومسكتها من شعرها وفضلت تضربها بالحزام جامد ومريم بتقولها خلاص ونبي انا اسفة مش هعمل كدة تاني 

ام مريم : انتي عارفة يا بت انتي لو جيتي جمبه تاني المرة الجاية هكسرلك رجلك فاهمة

مريم بعياط : حا … حاضر 

ام مريم : تعالى هنا يا كيمو يا حبيبي لو جت جمبك تاني تعالى قولي وانا هضربها تعالى يا حبيبي

كريم مشي معاها وهو بيطلعلها لسانها 

خرجوا من الاوضة ومريم فضلت تعيط وتقول لي كدة يارب هو انا لي محمدش بيحبني هو انا وحشة للدرجادي ونامت من كتر العياط

* تاني يوم 

ابو مريم : انتى يابت يا مريم يلا قومي كل دة نوم

مريم : سيبني انام شوية ونبي يا بابا

ابو مريم : انتي كمان بتردي عليا راح ضاربها ( يأخي تبا لك انت وام مريم يا ناس يا ظلمة ) 

مريم بوجع وعياط : اةةة هو انا عملت اي لكل دة يا بابا 

ابو مريم : اخرسي مش عايز اسمع صوتك يلا قومي

مريم بعياط : حاضر

بعد مرور ١٠ سنين مريم كبرت ومبقتش تستحمل اللى بيحصل دة وقررت انها هتمشي من البيت 

بليل وكله نايم مريم جهزت شنتطها ولبست عباية سودة ونقاب عشان محدش يعرفها وكانت متفقة مع صاحبتها حبيبة انها هتروح تبات عندها كام يوم لحد ما تلاقي شقة

( حبيبة دي اقرب واحدة لي مريم ، ومريم لما بتكون زهقانة بتروح تقعد عندها شوية يعني تعرفها هى وأهلها اللى هم  ام حبيبة واخوها عبدلله اللى اكبر من مريم ب ٣ سنين ) 

*عند حبيبة 

حبيبة : ماما يا ماما ، مريم هتيجي تقعد عندي كام يوم لحد ما تلاقي شقة 

( عبدلله اول ماسمع فرح جداا عشان هو بيحبها من زمان عشان مريم وحبيبة صحاب من وهم صغيرين )

عبدلله بفرح : اي دا بجد هتيجي امتى

( عبدلله دة بقا من الناس ام عيون خضرا وعضلات وشعر ناعم وحاجة كدة أموااه ) 

ام حبيبة : ومالك فرحان اوي كدة لي يا ولا ????

عبدلله : احم انا ؟ لا مش فرحان خالص

ام ياسمين : مش عليا دة انا ماما يلا

عبدلله : انا داخل الاوضة

حبيبة وامها بيضحكوا عليه

حبيبة : شكلنا كدة هنفرح قريب 

ام حبيبة : قولي يارب …. المهم هى سابت البيت لي 

حبيبة : ما انتى عارفة يا ماما اهلها بيعاملوها ازاي من وهيا صغيرة وهى مبقتش تستحمل فقالتلي هتسبلهم البيت ومحدش يعرف انها مشيت 

ام حبيبة : عندها حق انها تمشي والله دول خسارة يتقال عليهم اهل اصلا

حبيبة : يلا حسبى الله ونعم الوكيل فيهم

* عند مريم 

لبست النقاب واتسحبت ونزلت من البيت

حبيبة اتفقت مع اخوها انه هيستنى تحت البيت بالعربية

عبدلله : اي دا بسم الله الرحمن الرحيم انتي مين يا ست انتي

مريم : وطي صوتك يخربيتك هتفضحنا انا مريم

عبدلله : طب يلا اركبي بسرعة

ركبت ووصلوا البيت 

عبدلله : يلا اطلعي انتى وانا هركن العربية وهطلع وراكي 

مريم : حاضر

طلعت خبطت على الباب وام حبيبة فتحتلي

ام حبيبة : يا مرحب البيت نور والله تعالى يا حبيبتي اتفضلي

مريم : معلش يا طنط هتقل عليكوا بقا الكام يوم دول

ام حبيبة : عيب عليكي متقوليش كدة انتي زي حبيبة بظبط

مريم : والله يا طنط انتي متعرفيش انا بحبك قد اي وبعتبرك امي بالظبط عشان طول العشرين سنة اللى عشتهم محستش بالحنان قد ما بحسه معاكي

ام حبيبة : من اول انهاردة بقا اعتبريني امك تعالي فى حضني يا حبيبتي

حبيبة : معلش هقطع عليكم لحظة الحب العظيمة دي تعالي يلا يا ميرو عشان تغيري هدومك

مريم : حاضر

دخلت الاوضة غيرت ولبست سلوبته على شكل ارنب وعملت شعرها كحكة وطلعت تقعد معاهم ومحمد كان جه

عبدلله : ميرو

مريم : نعم

عبدلله : من امتى الاحترام دة يا اختااة 

مريم : عايز اي يا سطا

عبدلله : ايوة هى دي مريم اللى اعرفها

كلهم ضحكوا

عبدلله : المهم انتى هتقعدي مع بيبو فى الاوضة ماشي ومش عايزك تتكسفي خاالص دة بيتك واحنا اهلك تمام يا ميرو

مريم : حاضر والله انا بحبكم اوي ربنا يخليكم ليا يارب

عبدلله بصوت واطي : ويخليكي ليا

ام حبيبة كانت قاعدة جمبة وسمعته وابتسمت 

* بعد شوية 

مريم : انا هقوم انام بقا تصبحوا على خير 

حبيبة : خديني معاكي

دخلوا ناموا 

* تاني يوم الصبح فى بيت مريم

ام مريم : انتي يا زفتة قومي يلا كل دة نوم

مريم : ………

ام مريم بصوت عالي : انتي يا زفتة

مريم : ………

ام مريم : بقا مش بتردي عليا وشالت البطانية لقت مخدة تحتها

ام مريم : يا مصيبتي البت راحت فين الحقني يا عمر البت مش موجودة فى الاوضة 

ابو مريم : ايه يعني اي الكلام دة دوري كويس تلاقيها موجودة هنا او هنا ( هى معزة يا حج هو اي دا اللى تلاقيها هنا او هنا انت غريب جدا ) 

امها راحت دورت ملقتهاش

وابوها بدأ يقلق واتعصب وقال : بقا بتهربي يا بنت الكلب والله لهوريكي 

* عند مريم

حبيبة : مريم مريم اصحي بسرعة

مريم : اي فى اي

حبيبة : ابوكي كلمني وسألني عليكي وجاي على هنا