روايات

رواية حب غير مقصود الفصل الخامس عشر 15 بقلم منة

رواية حب غير مقصود الفصل الخامس عشر 15 بقلم منة

رواية حب غير مقصود البارت الخامس عشر

رواية حب غير مقصود الجزء الخامس عشر

رواية حب غير مقصود الحلقة الخامسة عشر

كنت ف المستشفى وبتابع حالة والدكتور كريم كان معايا..
د/كريم: تمام.. هو محتاج يتعمله رسم قلب علشان نعرف ضربات القلب..
: ماشي.. و بدات اعمله رسم القلب..
: دكتور دي ضربات قلبه سريعه جداا.
د/كريم قرب ع المريض وقاس الضغط وكان عالي نوعا ما..
نده ع الممرضه نجلاء..
نجلاء : ايوه ي دكتور…
د/كريم: شوفي سرير فاضي لان المريض ده هيفضل عندنا لحد ما ضغطه يتظبط وضربات القلب..
نجلاء : تمام.. وراحت بسرعه تشوف سرير فاضي..
د/كريم راح ع مكتبه وكتب ع علاج : نسمه ياريت تجيبي العلاج ده من تحت بسرعه وتيجي تديهوله.. انتي مسئوله عن الحاله دي.
اخدت منه الروشته ونزلت جري اجيب العلاج وخبطت ف شريف وهو كان طالع لياسر بعد ما رجع من الشركه..
شريف بضيق : مالك بتجري كده ليه.. مش تبصي قدامك بدل ما تخبطي ف حد غيري.

 

اتكلمت باستعجال: معلش ي شريف.. حاضر هاخد بالي اطلع انت عند طنط فاتن وانا هخلص اللي ف ايدي وهاجي ع طول..
شريف : تمام.. وسابها ومشى..
اتكلمت بتعب : امتى تفوق يا ياسر.. لو قومت كل حاحه هتبقا تمام وشريف هيرجعلي تاني زي الاول.. ونزلت جبت العلاج وطلعت للمريض و عملت اللازم وبعد حوالي ساعه شوفت الضغط وكان نزل شويه و ضربات القلب لسه زي ما هي..
سيبته و روحت لشريف وباقي العيله: السلام عليكم ورحمة الله
كلهم : وعليكم السلام ورحمة الله وبركاته..
وكان الموجود (فاتن وابتسام وهدى وشريف و عادل)
فاتن : تعالي اقعدي ي بنتي ده انتي باين عليكِ التعب اوي ربنا يعينك..
ابتسمت : يارب.. هدخل اشوف ياسر.
فاتن : ماشي يا حبيبتي..
دخلت ولقيته زي ما هو.. ف عالم تاني مش داري باللي حواليه.
سيبته وخرجت.. والكل فهم من ملامحي ان ياسر مقامش لسه..
عدى يوم ورا التاني ومفيش اي حاجه اتغيرت بعد شهر..
ف البيت..
كنت واقفه ف المطبخ بجهز الاكل.
قاعد ف الصاله..
جهزت الاكل وحطيته.. و لسه بتحرك علشان ادخل الاوضه..

 

شريف مسك ايدي : اقعدي كلي..
حاولت اداري دموعي : احم.. لا شبعانه مش عايزه.
شريف قرب عليها اكتر: قولت اقعدي كلي..
دمعه نزلت ع خدي بهدوء: وانا قولت مش عايزه..
شريف : نسمه ممكن كفايه دموع لحد كده..
: كفاية دموع؟! يعني انت عارف اني زعلانه وبعيط.. وعارف اني كل يوم بنام دموعي ع خدي
.. واتكلمت بصوت كله عياط وشهقات: انا هونت عليك للدرجه دي بقالك شهر محاولتش تقولي مالك ولا حتى تيجي تكلمني.. انا هونت عليك؟؟ انا وانت ف بيت واحد وكاننا اغراب.. بس تعرف الغلط مش منك لان ده اللي كنت متوقعاه.. اني هتجوز و اول سوء تفاهم هتدوس عليا اوي.. ومسحت دموعي : كمل اكلك ونام زي كل يوم ولا كاني معاك ف البيت.. وسيبته و دخلت الاوضه قعدة اعيط..
شريف اضايق وراح وراها الاوضه : نسمه ممكن نتكلم.
: شريف يا ريت تسيبني لاني عايزه انام بكرا هنزل المستشفى بدري..
شريف : وانا مش هسيبك تزعلي مني اكتر من كده.. وقرب عليها اخدها ف حضنه..
: شريف ابعد عني روح شوف كنت بتعمل اي..
شريف : انا معنديش حاجه اهم منك.. واسف لو كنت زعلتك..
طلعت من حضنه وبصيت ف عيونه : انا؟! انا ياشريف بتمنى لغيري الشر.. انا بتمنى لغيري الموت..
شريف : ده كان القصد من كلامك..
: لا يا شريف انا قولتلك انك فاهم غلط.. انا كان قصدي ان ربنا له حكمه ف اي حاجه بتحصل لينا حتى لو احنا شايفينها مش كويسه.. رب الخير لا ياتي الا بالخير يعني خليك فاكر ان مهما حصل فهو فيه خير.. ده كان قصدي من الكلام لكن انت قطعتني ومخلتنيش اكمل كلامي وجرحتني بكلامك وببعدك عني.. قدرت تقعد من غير ما تكلمني كل للمدة دي..
شريف ضمها لحضنه جامد : انا اسف.. بس حقيقي ساعتها مكنتش قادر اسمع اي كلمه من اي حد.. واجت فيكِ..
دموعي نازله من غير صوت : ايوه هو وجعني اوي ببعده عني.. قدر يستغنى عني بسهوله كده.

 

شريف : نسمه.. انتي لسه زعلانه..
: ساكته خالص..
شريف طلعها من حضنها وباس عيونها : بلاش دموع.. صدقيني دموعك غاليه ع قلبي..
: ساكته ومش عارفه تقول اي.
شريف قرب منها اخدها ف حضنه وباسها بكل حب وناموا…
_______________
تاني يوم..
قومت من النوم اخدت شاور وصليت الفجر..
و دخلت اجهز الفطار وانا فرحانه ان شريف صالحني..
شريف قام هو كمان وصلي وقرا قران وقعد يفطر و شرب القهوة وكانت الابتسامه ع وشه.. وكان يوم من اوله تفاؤل 🥰🥰
بعد شوية وقت شريف وصلني المستشفى و دخلت لدكتور كريم وقالي ع كذا حاله روحت تابعت معاهم وبعد كده روحت ع ياسر ومكنش ف حد غير عادل بس اللي معاه.. طنط فاتن مكنتش لسه اجت..

 

خبطت ع الباب : عادل قام وقف.
: احم.. السلام عليكم.
عادل : وعليكم السلام..
: كنت جايه اطمن ع حالة ياسر بتمنى انه يكون ف تحسن..
عادل بحزن ع ملامحه : يارب..
قربت ع ياسر بس كان لسه زي ما هو..
استاذنت ولسه هخرج بس كنت بظبط الجهاز..
عادل بزعل: ياسر.. قوم يالا بقا انت استحليت النومه ولا اي.. قوم بقا انا وحيد من غيرك اوي ي صاحبي.. قوم بقا ف حاجات كتير اوي عايز اقولها.. قوم بقا انا حياتي فاضيه من غيرك ي صاحبي.. واحشني رخامتك عليا ف المطعم وتيجي تاكل وتمشي وانا اجري وراك علشان الحساب والناس كلها تتفرج علينا.. قوم بقا ي صاحبي..
ياسر حرك راسه وحاول يفتح عينه لكن مقدرش..
عادل بدهشه : يااااااسر.
كنت لسه هخرج وف ايدي علبة فيها دوا.. من الخضه رميتها ف الارض : ف اي.
عادل : ياسر.. ياسر قام والله اتحرك.
روحت جري وحاولت اخليه يفتح عينيه..
ياسر بتعب : النور شديد اوي..
ضحكت بفرحة : ياسر.. حمدلله ع السلامه..
استاذ عادل ممكن حضرتك تنده ع الدكتور

 

عادل : حاضر.. وخرج جري.. وقلبه بيرقص من الفرحة..
: ياسر انت سامعني..
ياسر بيحرك راسه ببطء.
: ياسر.. بقولك انت سامعني.
ياسر بتعب وصوت واطي: ايوه سامعك.. بس مش قادر دماغي.. هو انا فين
_______بقلم/Princess Menna
طلعت فوني من جيبي واتصلت ع شريف..
شريف : الوو ي نسمه..
اتكلمت بفرحة: شرريف.. ياسر فاق..
شريف : بجد؟!!
: ايوه تعالي بسرعه.
شريف : حاضر وقفل معاها.. واخد المفاتيح وخارج..

 

السكرتيره : اتفضل حضرتك ده الملف متسجل فيه حساب اخر شحنه ..
شريف بسرعه : سيبه ع المكتب يا اسراء وانا لما ارجع هشوفه..
اسراء : تمام..
شريف ركب العربيه وساق بسرعه.. و بلغ امه وابوه..
ونسمه عرفة اهلها وعمرو عرف شهد وشهد قالت لاهلها.. الخبر انتشر..
الكل فرح وجهزوا علشان يروحوله..
دعاء : طب انت هتروح علشان انت هتبقي مرات ابن عمه.. انا هروح ليه؟!!
شهد : ماما وبابا هيروحوا وانا كمان انتي هتقعدي لوحدك هتعملي اي..
دعاء بحيرة : بس..
شهد : دعاء البسي بسرعه يلا..
دعاء : حاضر..
دعاء دخلت تلبس ودقات قلبها سريعه ومش عارفه ليه..
بعد شوية وقت كان شريف وصل المستشفى..
نسمه والدكتور وعادل كانوا معاه..

 

ياسر فاق كليا وقعد ع السرير وبيتكلم مع عادل..
شريف دخل ع طول و اول ماشاف ياسر بيتكلم.. بص عليه بنظره طويله اوي..
ياسر شافه وقام براحه نزل من ع السرير.. وشريف قرب منه حضنه جامد وبدموع..
شريف : كده.. انت حبيت القعدة ف المستشفى ولا اي.. ولا كنت بتشوف غلاوتك عندنا.. وشد ع ضمته اكتر.. بس علشان تبقا عارف انت غلاوتك كبيره اوي عندنا..
الدكتور : طب الحمدلله انك بقيت كويس.. تقدر تخرج انهارده بس مش دلوقتي بالليل خليك بقيت اليوم تحت الملاحظه.. بس ياريت ترتاح بلاش مجهود..
شريف : تمام.. شكرا..
الدكتور سابهم وخرج..
قربت عليهم بضحكه: يلا استريح ع السرير و كفايه احضان.. ده انت لو سوسن شريف مش هيحضنك كده..
الكل باستغراب : سوسن؟!!
شريف : سوسن مين

 

هزيت كتفي وانا بضحك.. امم معرفش هي اجت كده.. المهم يلا بجد ياسر محتاح يرتاح..
شريف : ماشي ي ستي..
ياسر قعد ع السرير.. والكل اجي.
وبداو يسلموا ع ياسر بكل حب فاتن وابتسام قعدين جنبوا متحركوش..
دخلت شهد وعيلتها واطمنوا ع ياسر.. ياسر عيونه ع الباب.
دعاء دخلت وحاسه انها مرتبكه.
اتكلمت ابتسام بغباء وهي ماسكه ايد ياسر : تعرف يا ياسر.. دعاء دي كانت اكتر واحده بتعيط وكأن اللي عمل الحادثه ده حد غالي عليها اوي..
ياسر بص ع دعاء : بجد؟!!
دعاء ف نفسها : اه يا بنت ال…. ان ما جبتك من شعرك.
ابتسام : ايوه والله.. اصل هي الوحيد اللي شافت وانت بتقع.
ياسر باس ع راس اخته : الحمدلله انها اجت ع قد كده وعدى الوقت واجي ميعاد خروج ياسر..
ايمن وعايده رجعوا البيت.. و حازم و فاتن كانوا ماشين مع بعض وكانت ابتسام مع اخواتها جوه لسه.. عادل خرج بسرعه وراح كلم حازم وفاتن.. وبعدها رجع ليهم وهو فرحان..
وبعدها الكل روح البيت..

 

الكل كان فرحان جدا وكان ياسر ده روح البيت وكانت غايبه و رجعت..
تاني يوم وكان يوم جمعه..
بعد الصلاه شريف و نسمه راحوا لياسر وكان هناك عادل..
عادل بدون مقدمات قرب من ابتسام اللي كانت قعدة جنب ياسر..
عادل : تتجوزيني..
ابتسام بصتله بصدمه : انت بتقول اي؟!
عادل بقولك تتجوزيني.
ياسر بضحكه : ما بتتقالش كده ي غبي..
عادل بصله : امال بتتقال ازاي؟!
ياسر : ده بيبقا ف اتفاق وكلام كبير مش خبط رزع كده.. دي البت اتخضت..
ابتسام مصدومه من اللي سمعته و ساكته..
شريف : اي ده بقا؟!! هو انتم عارفين انه عايز يتجوزها..
حازم : والله يابني هو لسه قايلي امبارح وانا رحبت..
ياسر : وانا والله يا باشا لسه عارف الصبح ف الفون..
عادل : والله ي كبير كنت هقولك بس اهو محصلش نصيب..
شريف رفع حاجبه 🤨: محصلش نصيب.. هو انت هتعزمني ع فرح اختي يالا..
عادل : امال انت اللي هتعزمني ع فرحي 😒..

 

شريف : طب اقولك حاجه احنا مش موافقين ع الجوازه دي.. وريني هتتجوزها ازاي..
عادل : ده ع اساس اني باخد رايك.. وبعدين انا عريس مترفضش.. وبص ع ابتسام وعمزلها : صح 😉
شريف ضربه ع قفاه : و كمان بتغمزلها..
عادل حط ايده ع قفاه : الهيبه راحت..
ابتسام ضحكت عليهم..
حازم اتكلم بجديه : قولي ي بنتي انتي موافقه انك تتجوزي عادل..
ابتسام : اللي حضرتك تشوفه..
عادل ابتسم.. ولسه هيتكلم قطعه ياسر: طب مانا عايز..
الكل باستغراب : عايز اي..
ياسر : عايز اتجوز..
فاتن : و مالوا يابني ده يوم الهنا.. بس مين سعيدة الحظ..
ياسر : دعاء.. دعاء بنت عم سعد..
حازم : والله زين ما اختارت..
شريف : طب ع خيرة الله نروح نتقدم و لو وافقوا نقول مبروك..
اتكلمت بفرحة : واه بقا لو يعملوا فرح جماعي عمرو و ياسر و عادل.. يااااه هتبقا فكره تجنن..

 

حازم : والله فعلا فكره حلوه.
شريف : نبقا نشوف الحوار ده بعدين..
الكل رجع بيته..
ف نفس اليوم بالليل بعد صلاة المغرب..
حازم راح وكلم سعد ابو دعاء وهو رحب جدا وقال هياخد رايها لو كده هيعملوا خطوبه وكتب كتاب شهد وعمرو..
ياسر بيدعي ان هي توافق.. وفعلا تاني يوم سعد كلم حازم وقال وانها وافقت..
و اتفقوا ان الخطوبه يوم الخميس مع خطوبة ابتسام بردو و كتب كتاب عمرو 🙈.. والفرح هيبقا بعد اسبوعين من تاريخ كتب الكتاب..
_______..
بص ف عينيها بحب…
تتربى ف حضنك يام رحمه يارب 🥺

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مقصود)

اترك رد