رواية جريمة عشق 3 الفصل الثامن والعشرون 28 بقلم مريم نصار
رواية جريمة عشق 3 الفصل الثامن والعشرون 28 بقلم مريم نصار
رواية جريمة عشق 3 البارت الثامن والعشرون
رواية جريمة عشق 3 الجزء الثامن والعشرون
رواية جريمة عشق 3 الحلقة الثامنة والعشرون
عدت الليله لاول مره من شهر واكتر تقريبا بهدوء تام وسلام وسعاده على العيله كلها وطلع نهار جديد . مجدد الامل والتفاؤل ف قلب كل بطل وبطله .
.الساعه ١٠ صباحا . ف المستشفى .
رينو : نايمه في حضن الفهد لاول مره من ٤شهور تقريبا بأمان تام ومش خايفه من بكره والبسمه ع وشها .
فهد : نايم واخد رينو كلها في حضنه ونايم ومبتسم وقلبه مطمن لأن الدنيا كلها في حضنه .
الباب بيخبط .
فهد : فاق وفتح عينيه ورينو نايمه وحطه راسها على صدره وشعرها نازل ع وشه وكتفه .وابتسم بحب .
الباب خبط تانى ..
فهد : بيهمس . رينو حبيبى
رينو : نايمه بعمق لانها بقالها فتره كبيره مابتنمش كويس .
فهد : رفع ايدو وبيرتب شعرها . رينو حبيبى قومي الباب بيخبط .
رينو : اتنهدت اممم بس بقى .
فهد : ضحك . وحرك راسها ع دراعه . رينو انتى يابت قومي بقى .
رينو : رفعت أيدها ع صدر فهد وحضنته حبيبى سبنى انام شويه كمان ..
الباب خبط تانى ..
فهد : ادايق من الل ع الباب . معلش ياحبيبتى شويه وهنروح البيت وتنامي برحتك قومي بقى .
رينو ،: بدءت تفوق . وبتتاوب صباح الخير يا حبيبي ..وابتسمت .
فهد : صباح العشق .
رينو : اتعدلت وباسته من خدو . حبيبى عامل ايه دلوقتي احسن ؟
فهد : انتى شايفه ايه !؟
رينو : حطت راسها ع كتفه . شايفه انى فتحت عينيه ع الجنه .
فهد : ابتسم بحب . وقرب منها يبوسها لكن الباب خبط . وغمض عينيه بغضب ونفاذ صبر اووف . قومي خدى حجابك ونقابك وادخلى الحمام . وانا هاقوم افتح .
رينو : ههههه وحشتنى عصبيتك وخطفت بوسه من خدو وقامت بسرعه واخدت الحجاب والنقاب ودخلت الحمام .
فهد. : اتنهد وحط ايدو ع قلبه . بحبك يابنت العدوي . وقام ولبس التيشرت وفتح الباب .
الممرضه : دخلت .صباح الخير يا فندم . ميعاد العلاج .
فهد : هز راسه صباح الخير . وقعد ع طرف السرير ..
الممرضه : دي وجبة الإفطار بتاعة حضرتك وده العلاج . برشامه قبل الفطار بربع ساعه . وكبسوله بعد الفطار .
فهد : هز راسه تمام متشكر .
الممرضه : الدكتور كتبلك على خروج .
وهتخرج إن شاء الله الساعه ١٢ . وانا هعلق لحضرتك المحلول بعد الفطار . يكون خلص قبل ميعاد خروجك .
فهد : هز راسه . تمام .
الممرضه : حمدالله ع سلامة حضرتك . وخرجت .
فهد : اخد البرشامه . وبص ف الساعه وكانت ١٠ ونص . وفون رينو رن . وكان طارق وعايز يجي يوصله للبيت لكن فهد رفض . وبعدها فارس لكن برضو فهد رفض حد يجي ياخدو هو هيروح مع مراته لوحدو ..
رينو : خرجت من الحمام . وابتسمت . حبيبى اخدت علاجك .
فهد : اه ياروحي . انا هدخل الحمام اتوضى .
رينو : بتفرش سجادة الصلاه . ماشي ياحبيبى . لو تحب اجي معاك اساعدك .
فهد : لا ياروحي انا بقيت كويس . صلى انتى .
فهد دخل الحمام واتوضي . ورينو صلت .وفهد خرج وصلى . وقعد ع الكنبه . ورينو اخدت الفطار وقعدت جنبه واكلته . وهو اكلها غصب عنها . ورينو جابتله الكبسوله واخدها .
بعدها الممرضه دخلت . وفهد قالها مراتى دكتوره . وهي هاتهتم بالباقي . وخرجت .
رينو : علقت المحلول لفهد . وقعدت جمبه . وفونها رن وكان آدم . وعايز برضو يجي يوصل فهد لكن فهد صمم انه ميجيش . وبعدها مراد ونفس الرد . وآدم اتصل تاني . وقال أنا بعت رعد ليكو بالعربيه علشان يوصلكم .
وبعد شويه . رينو قامت وجهزت كل حاجه ف الشنطه . واتصلت ع مريم تطمن عليها . وسألتها على زينب . ومريم قالت إن زينب من بدرى ف الشقه وخلصت وراجعه ف الطريق .وكمان انا بعملك غدا وهبعتو مع واحد من الحرس لأن آدم بيقول أن رعد هيوصلكم وهيروح علشان يفتتح شركة الحراسه الخاصه بتاعته .
والساعه ١ رعد وصل وخبط ع الباب .
فهد : ادخل .
رعد : دخل وابتسم صباح الخير يا فهد باشا وسلم عليه وحضنو بعض .
فهد : صباح الخير يارعد .
رعد : طلع من حضنه حمدالله ع سلامتك .
فهد : الله يسلمك تسلم يارعد . عامل ايه؟
رعد : الحمدلله تمام . وانهردا افتتاح الشركه بتاعتي . وكنت أتمنى أن حضرتك تبقى موجود مع آدم باشا وطارق باشا .
فهد : ابتسم والله !! الف مبروك يارعد والله فرحتلك بجد .ومعلش تتعوض مره تانيه إن شاء الله. وع كدا بقى انت هتسيب شغل الحراسه عند آدم باشا .
رعد : لا طبعا استحاله . الشركه دي اتفتحت بفضل ربنا و بسبب آدم باشا هو الل شجعنى وساعدنى فيها كتير جدا . اسيبه ازاى ؟ اه مش هبقى معاه زي الاول يعنى الصبح ساعتين مثلا . وبليل كمان . وباقي اليوم ف الشركه . لكن اول ما يقول رعد هكون قدامه وفورا .
فهد : ابتسم اصيل يارعد . والف مبروك . انت جدع جدا وتستاهل كل خير .
رعد : الله يخليك يا فهد باشا . هنتحرك دلوقتي !؟
فهد : هز راسه . ايوه بس ثوانى المدام بتجيب الحاجه من جوه. .
رينو : خرجت ومش واخده بالها من رعد .
ومعاها الاشعه والعلاج . حبيبى انا جبتلك كل حاجه . وشافت رعد وأحرجت. احم .
فهد : ابتسم متشكر ياحبيبتى . واخد منها الحاجه .
ورعد : اخد الشنطه ونزل .
فهد : الدكتور جه وسلم عليه ومشي . وفهد حاوط رينو من كتفها وخرج معاها .
ورينو كانت ف قمة سعادتها . ونزلو وركبو العربيه . ورعد اتحرك ومشي ..
———————-بقلمى Mariem Nasar
مراد : ف الشقه . بيفطر ع السرير مع فريحه .
مراد : بيأكل فريحه . وفريحه بتاكله .
فريحه : الحمد لله .يااااه انا كنت جعانه بشكل .
مراد : بالهنا والشفا يافريحتى .
فريحه : تسلم لقلبى يامرادي . اقوم بقى اعمل اتنين شاى ونحبس بيهم قبل ما انزل .
مراد : ومالو يامعلم مش عيب نحبس يسطى .
فريحه : ههههههههه . اله ايه بقى يامرادي .
مراد : وبعدين انتى بتقولى قبل ما انزل . ممكن بعد إذن حضرتك تتكرمي يعنى وتعرفي جوزك انتى رايحه فين !؟
فريحه : شالت صنية الاكل وحطتها ع التربيزه ورجعت حطت راسها ع رجل مراد . حبيبى انت بتتريق مش كدا ؟
مراد : لا خالص انا ينفع اتريق ع بنت المستخبى بردو . ده حتى عيب والله .
فريحه : مسكت ايدو . مرادي حبيبى مش احنا اتفقنا إن لما فهد يتحسن إن شاء الله انا هرجع العياده من تانى .؟
مراد : حصل . ويعنى هو لازم تاني يوم ع طول كدا . هو انا مش واحشك ولا ايه ؟
فريحه : رفعت راسها . وقربت منه . طيب بزمتك حط عينى ف عينك كدا وشوف مين واحش مين اكتر ومين بيعشق مين اكتر ؟
مراد : انزلى العياده بكره .
فريحه : بطفوليه .يامووراد بقى .
مراد : بتحذير .انزلى العياده بكره .!!!
فريحه : ليه ليييه بكره ليييييه !!!؟
مراد : لسعها ع قفاها . صوت امك ده مايعلاش بدل ماالعبلك ف وشك .
فريحه : اعاااااااا انت بتضربنى ياموراد.
مراد : لسعها تانى ..يابت وطي صوتك ده .
فريحه : اعااااااااااااااا بتضرب قرة عينك ياموراد . اعاااااااااا .
مراد : حط ايدو ع بوقها . يابت هضربك . وشال ايدو انتى حره قومي روحي العياده انتى وش فقر .
فريحه : فتحت عينيها وغمضت بطفوليه . مورادي حبيبى انت شكلك ناوي تفاجأنى انهردا مش كدا؟
مراد : رجع راسه لورا . تؤ خلاص قومي البسي علشان اوصلك انتى مش وش نعمه ..
فريحه : اتعدلت وحطت راسها ع كتفه بطفوليه . بيبى انا كنت بهزر معاك اصلا انا ماليش مزاج انزل العياده . قول بقى بليييييز.
مراد : شدها لحضنه ابدا . كنت هاخدك ونخرج ونروح المول واشتريلك هديه . وبعدها اعزمك ع الغدا . وبعدها اخدك ف مركب ع النيل . بس خلاص ياروحي مش مهم شغلك اهم ..
فريحه : شهقت بصوت عالى . واتشعلقت ف رقبته موووورااااد حبيبى حبيبى . هي يعنى العياده هتطير . وباسته من خدو .بحبك اوى يامرادي .
مراد : قربها لحضنه . بس لو مكنتيش تحلفى . وقرب منها . وعاشو وقت رومانسي ..
———————-بقلمى Mariem Nasar
آدم : ف الشركه واتصل ع مريم . وردت
مريم : ابتسمت . السلام عليكم يا آدم .
آدم : وعليكي السلام ياقلب آدم . عامله ايه دلوقتى ياروحي ؟.
مريم : الحمد لله ياحبيبى . تسلم لقلبى ويسلم سؤالك عليا .
آدم : هو انا عندي كام مريم يعنى ؟.
مريم : هههههه عندك اتنين . وحبيبتك التانيه قاعده جمبى اهي ..
آدم : مريم نونو دي شبيه ليكي . لكن انتى الاصل ياروحي .
مريم : منحرمش منك ابدا ياحبيبى .
آدم : ولا منك ياحبيبتى . ها بعتى الغدا لفهد ورينو ؟
مريم : ايوه من بدرى . ورينو اتصلت وطمنتنى انهم وصلو بالسلامه .
آدم : ربنا يريح قلبها ويسعدهم . ومش عايزين ننسي هدية نجاحها .
مريم : لا خالص انا فاكره . بس هانجبلها ايه ياترى !؟
آدم : بتفكير . اممم ايه رايك لما نعرف نوع البيبى إن شاء الله . نجيبلها سرير البيبى . ونجهزلها اوضة الاطفال !!؟
مريم : والله يا حبيبي هي فكره جميله اوي . لكن انا مبحبش اسبق الأحداث . محدش عارف بكره فيه ايه !!
آدم : حبيبتي تفائلو بالخير تجدوه . احنا هنتكل ع الله ونجهز غرفة الأطفال كهديه ليها وكمان لفهد . ورب الخير لا ايييه !؟
مريم : اتنهدت بحب . لا يأتى إلا بالخير . ونعمه بالله خلاص زى ماتحب وتعيش وتفرحنا يارب .
آدم : حبيبتي تسلمي ..بقولك بقى علاجك الساعه ٤ يعنى كمان نص ساعه .
مريم : بحب كبير . فاكراه ياحبيبى . ومتقلقش عليا . وافتكرت وقالت . صح يا آدم انتو هتعملو الحفله امتى بإذن الله؟
آدم : طارق كلمنى وقالى يوم الجمعه إن شاء الله. يكون فهد فاق تماماً.
مريم : طيب ياحبيبى ع خير إن شاء الله .
آدم : حبيبتي انا دلوقتي عندى اجتماع وفونى هيكون ع الصامت . والساعه ٥ إن شاء الله . هروح انا وطارق . شركة رعد الجديده زي ما قولتلك . يعنى هرجع متأخر شويه .
مريم : ربنا معاك ويجعل ليك ف كل خطوه سلامه ياحبيبى .
..فهد ورينو وصلو الشقه . وبعدها الغدا وصل .
رينو : عملت لفهد كوباية عصير وقعدت معاه شويه .. وبعدها دخلت تاخد شاور . واتوضت ولبست طقم رقيق جدا وضربات قلبها مختلفه من فرط السعاده الل عايشاها .. ولبست الاسدال وخرجت .وجهزت الحمام لفهد علشان ياخد شاور . وفهد دخل ياخد شاور .
ورينو : بتصلي العصر وبتدعي ف السجود لفهد وللعيله .
وبعد الصلاه قلعت الاسدال ووقفت قدام المرايا وفردت شعرها وحطت لمسات خفيفه ع وشها ورشت برفان ولبست سلسله بإسم فهد. وخرجت . تجهز الغدا لفهد .
فهد : اخد الشاور واتوضى ولبس . وخرج وشم برفانها الل مشتاقله وابتسم ورش برفان وصلى العصر . وبعد الصلاه خرج . وشاف معشوقته ف المطبخ وشاف بطنها الل كبرت شويه صغيره وابتسم بحب. وقرب منها وحضنها من الخلف . بتعملى ايه ؟
رينو : قلبها دق بحرج . احم أبدا ياحبيبى انا بجهز الاكل ف الاطباق .
فهد : بيشم شعرها وبرفانها . وحشتينى .
رينو : جسمها رجف .ووشها بقى جمرة نار من الكسوف احم وا..وانت كمان .
فهد : لفها ليه . وبيتامل جمالها . وقرب منها وباس جبينها حبيبتي ربنا يخليكي ليا .
رينو : قلبها اطمن .وحطت راسها على صدره.. ربنا يديمك نعمه ف حياتى كلها يافهد .
فهد : رفع دقنها بايدو وخطف منها بوسه سريعه . بحبك ياقلب فهد.
رينو : وانا بعشقك. بقول يحبيبى انت لازم تتغدي علشان العلاج .
فهد : هز راسه . ماشي ياحبيبتى تحبى اساعدك ف ايه ؟
رينو : اتحركت . تساعدنى ف ايه . ولا حاجه ده الاكل جاي جاهز وكل حاجه جهزت اهي . وشالت الصنيه . يلا بينا ياحبيبى
فهد : ابتسم . وهز راسه .
رينو : دخلت اوضة النوم وحطت الاكل ع التربيزه . تعالى ياحبيبى اقعد ع الكنبه . ولا تحب تاكل ع السرير .وشهقت.
فهد : قعد ع الكنبه . وشدها لحضنه وقعدها ع رجله .
رينو : اتخضت. بجد نفسي تبطل الحركه دي بتخض بجد .
فهد : ضحك . ما انا قولتلك قبل كدا ومين هيشدك لحضنه غيرى .
رينو : ههههه تعرف وانت مسافر بس قبل كدا يعنى . داخله الأوضه بتاعتى عند بابى . حد شدنى من كم البيجامه اتخضيت وقولت فهد. ولقيتها اوكرة الباب ههههههه .
فهد : ضحك . لا اوكرة الباب دي عملتها مع الكل .
رينو : باست جبينه نورت بيتك يافهد .
فهد : باس أيدها . البيت منورش غير بوجودك فيه.
رينو : بدءت تاآكله . وفهد اآكلها وكملو اكل . وبعدها رينو قامت وشالت الصنيه . وجابت العلاج وعطته لفهد . تحب اعملك قهوه .
فهد : قرب منها . وحاوطها من وسطها . وقال بحب . لأ مش عايز قهوه انا عايزك انتي.
رينو : اتوترت . وقلبها بيدق .
فهد : باصص ف عينيها .وقلبه بيدق باشتياق ورجع خصله شعر ورا ودنها وحط ايدو ع خدها . وحشتينى .
رينو : قلبها بيدق بسرعه . وبتتنفس بسرعه . وغمضت عينيها . وانت وحشتنى اوى يافهد .
فهد : قرب منها وباسها من خدها برقه وعينيها . ورينو رفعت ايديها ع صدره . وفهد قربها منه اكتر . وباسها البوسه المعهوده باشتياق كبير ورينو تاهت في عشق الفهد ..
وبعد فتره كبيره . فهد واخد رينو كلها في حضنه وبيمشي ايدو بين خصلات شعرها.بحب كبير ومبسوط انه رجع لمعشوقته حبيبته .
ورينو : مخبيه وشها ف حضنه . وفرحانه أن الازمه دي عدت ع خير . وإن فهد اخيرا معاها .
وعدى اليوم ع الكل بسعاده كبيره ..
———————-بقلمى Mariem Nasar
وتانى يوم الضهر .
. مراد اتصل ع فهد واطمن عليه . وقاله المدير منتظرنا ف الجهاز .وفهد قاله ساعه واكون ف الجهاز استنانى وقفلو.
فهد : حرك راس رينو من ع صدره ونزلها ع المخده بشويش علشان متصحاش . وقام ياخد شاور .
رينو : فاقت وقامت بكل نشاط وحيويه . ومبسوطه . وراحت ع الدولاب . وطلعت قميص وبنطلون لفهد . وجهزت الساعه والبرفان والجزمه وكل حاجه .
فهد : خرج من الحمام . وشافها وشاف انها مجهزه كل حاجه وابتسم . صباح السعاده .
رينو : قربت منه صباح الخير ياحبيبي وباسته من خدو وهو باسها من خدها . عامل ايه النهارده .
فهد : كويس جدا الحمد لله .
رينو : يارب ديما كويس ومبسوط . صلى الضهر اكون أنا اتوضيت وصليت وهجهز الفطار ..
فهد : لا فطار ايه . مدير الجهاز مستنى ف المكتب .
رينو : لا مينفعش كده . انت انهارده هتتاخر . وليك علاج بتاخدو قبل الاكل وبعدو . وجابت برشامة قبل الاكل اتفضل ومش هسمح انك تنزل من غير ماتاخد علاجك .
فهد : ابتسم . واخد البرشامه . حاضر ياحبيبتى زي ما تحبى . بس بسرعه لانى كدا هتاخر .
رينو : ف ثوانى مش هتاخر . وهفطرك واصلى بعدها لسه الصلاه ما اقامتش . وخرجت بسرعه . وغمضت عينيها ومتلخبطه . وقالت مامي اول حاجه بتعملها لبابى القهوه . ايوه يبقى انا اعمل القهوه . وراحت تعمل القهوه. وبتجهز ف الفطار .
فهد : لبس وخرج .
رينو : شافته وحطت الفطار ع السفره .وانبهرت بسم الله ماشاء الله . ايه ده يا فهد الجمال ده. قمر . وقالت بغيره هو ف ظابطات بنات هناك ؟.
فهد : ههههههههه . ظابطات ؟. ايوه يستى ف ظابطات بنات هناك . ههههه
رينو : بغيظ . انت بتضحك ع ايه . والله يا فهد لو واحده بصتلك لاقتلها بايديا . وهولع فيها كمان . هاا .
فهد : شاف غيرتها . ههههه قمر وانتى شايطه كدا . تعالى بقى نفطر علشان متأخرش .
رينو : قعدت بنرفزه . اتفضل قهوتك .
فهد : ههههه انتى بتتكلمى بنرفزه ليه بس ياحبيبتى . كأن فعلا ف بنات وكدا .
رينو : صكت ع أسنانها . بص بقى علشان مطلعش عصبيتى عليك . تدخل الجهاز بتاعكو ده اي ظابطه تكلمك متردش عليها . واي واحده تقولك حمدلله على السلامه بردو متردش عليها . وإلا هاجيلك ع الجهاز . وهقتلهم كلهم .
فهد : فتح بوقه بدهشه . وقال بهمس امم هرمونات الحمل اشتغلت . احم حاضر ياحبيبتي بصي ولا كأنى اعرفهم . حاضر .
رينو : بغيظ . اشرب بقي القهوه .
فهد : بصلها وبص للقهوه .
رينو : ماتشرب القهوه يافهد .
فهد : اه ايوه. حاضر اهو . وشرب القهوه وقلبه بيرقص من غيرة عشق الفهد عليه . وبعدها بلع ريقه بخوف ينهار ازرق لو عرفت بحوار جيسيكا . استر يارب وربنا يهديك يامراد وتلم لسانك عارفك تموت ف المقالب والمصايب .
مراد : بيلبس . هههههههههههه والله زي مابقولك كدا . البت جيسيكا دي كانت منمره ع اخوكي . هههههههههههه لا وايه راحو ديسكو ورقصو مع بعض .تخيلى.
فريحه : شهقت ايييه . ديسكو فهد اخويا . استغفر الله العظيم .
مراد : بخبث .بصراحه البت طلقه وصاروخ . يعنى فهد معزور بردو .
فريحه : صكت ع أسنانها بغيظ مورررااااد. وانت مركز اوي بقى انها طلقه وصاروخ ها .
مراد : يابت وانا مالى انا والله كنت بعيد انتى عرفانى محترم .
.. ايييييه الله يكون فى عونك يارينو يختى . وبص ل فريحه تخيلى كدا لما رينو تعرف أن فهد كان عايش مع جيسيكا !!!! يلا سلم ع الشهدا الل هناك .. قوينااا ع فعل الخير يااااارب ..
ويلا بقى هوصلك العياده ف طريقي. وخرجو .
———————-بقلمى Mariem Nasar
فهد : فطر وقام سلم عليها . ونبه عليها متفتحتش لأى حد . وودعها ونزل .
رينو : دخلت وجريت ع الحمام بسرعه ورجعت . وحاولت تهدا . وبعدها اتوضت وصلت الضهر . واتصلت ع مريم تطمن عليها .
فهد ومراد واكرم وصلو الجهاز . وكان ف ترحيب كبير جدا لمراد وفهد . والظباط زمايلهم يسلمو عليهم بترحيب مميز . والبنات الظباط قالو لمراد وفهد حمدالله ع السلامه . ومراد رد عادي . وفهد حاسس انه متراقب من مراته . وهز راسه ليهم وقال جواه ربنا يستر .
ودخلو المكتب عند المدير . وسلم عليهم بترحاب كبير جدا . وشرحلهم الل حصل بالظبط .ان الميكروفيلم اكتشفوا أن عليه اسرار تخص الدوله والدول العربيه .. وإن جيسيكا اتسلمت للأمن الوطني في ايطاليا . وجثة تشانغ اتسلمت مع التاج للشرطه اليابانيه . وممنونين جدا للشرطه والجيش المصري . وكمان قدموا مكافاه ماليه كبيره لل 5 ضباط الل قامو بالمهمه دي !! وكمان ف مكافأة مالية كبيرة من الجهاز لحضراتكم وتكريم ليكم بالترقيه الجديده برتبة مقدم . وأجازه طويله لتستردو فيها صحتكم كاملة . والتكريم هيتم يوم الخميس . وده شيك بالمكافأة الماليه من الشرطه اليابانيه. اتفضلو .
مراد وفهد واكرم . اخدو الشيك وكان مبلغ كبير . وشكرو مدير الجهاز . وبعد ساعه جه المقدم حسن . وسلم ع فهد ومراد واكرم . واعتذر من فهد ف وجود المدير . وشرح وجهة نظره . واعتذر اكتر من مره لانه مكنش يقصد وفهد قاله حصل خير وكل حاجه حصلت ده نصيب والحمد لله انها جت على قد كدا .
وبعد كدا . مراد وفهد سلمو ع الكل ومشيو . ومراد قال لفهد إن العيله كلها هتيجيلك الشقه علشان تزورك . وفهد. ابتسم وقال تشرفو هستناكم ..ومراد قاله انا لازم امشي دلوقتي علشان اجيب فريحه من العياده ونروح ع الفيلا . وسلم ع فهد ومشي .
.فهد ركب العربيه. واتصل ع معشوقته .وردت بسرعه الوو يافهد ..
فهد : ابتسم قلب الفهد عامله ايه دلوقتى ياحبيبتى ؟
رينو : حبيبى انا كويسه . طمنى عليك ؟
فهد : انا كويس جدا الحمد لله..
رينو : فهد انا ملانه انت اتاخرت ليه . هتيجي امتى بقى ؟
فهد : ابتسم . حبيبتي ساعه بالظبط واكون عندك . انا اتصلت علشان اطمن عليكي . واقولك إن العيله كلها إن شاء الله هتيجي عندنا بعد المغرب ..
رينو : ايوه ياحبيبى عارفه مامي قالتلى وكمان ماما رنا .
فهد : تمام ياروحي . ها قوليلى بقى اجيب ايه وانا جاي علشان العيله ؟
رينو : فهد انت لسه تعبان . تعالى انت بس . وابعت البواب يجيب كل حاجه . وكملت بطفوليه . ارجوك تعالى بقى واحكيلى كل حاجه . المقابله ف الجهاز كانت ازاى . وسيادة مقدم قلبى انا اتعاملو معاه ازاى . وكل حاجه كل حاجه . تعالى بقى .
فهد : ضحك من قبله . حاضر ياحبيبتى . واتحرك بالعربيه .. وقال لكن قوليلى اتصلتى ع الدكتوره واخدتى منها ميعاد ؟
رينو : بزعل ايوه ياحبيبى اتصلت . لكن الدكتوره مسافره مؤتمر طبى بره مصر . والممرضه قالت انها هترجع تفتح العياده بعد اسبوعين . وقالت إن ف دكتوره زميلتها حولت ليها كل الحالات علشان لو في ولاده .
فهد : طيب تحبى نروح للدكتوره زميلتها . او نشوفلك اى دكتوره تانيه !
رينو : لا ياحبيبى . انا هستناها لما ترجع إن شاء الله . نكون احنا حتى خلصنا العمره ورجعنا بالسلامه ..
فهد : زي ما تحبى ياروحي . وانا كلها نص ساعه واكون عندك .
رينو : برقه . توصل بالسلامه . خلى بالك من نفسك يا فهد .
فهد : بحب . وانتى كمان خلى بالك منك ياقلب فهد ..
———————-بقلمى Mariem Nasar
الساعه 5 ف فيلا السيوفى ———–
الساعه 5 ف فيلا السيوفى .
فارس بيلبس ف الاوضه . ونده .بنرفزه روووودي ياااررودي .
رودي : دخلت وشايله چود . وزعلانه . نعم صوتك جايب لعم عبدو الجناينى خير .
فارس : اخد منها چود ونزلها ع الأرض . ومسك رودي من أيدها .تعالى معايا كدا .
رودي : بعدم فهم من نرفزته . ايه يافارس انت ساحبنى كدا وراك ولا الجاموسه فهمنى مالك .
فارس : مسك الشرابات . ايه ده . اييييه ده ؟
رودي : نفخت بنفاذ صبر شراباتك صح كدا ؟
فارس : صك ع اسنانه بغيظ مكبت . انا مش لاقي شراب واحد مع الفرده بتاعته . ايه ده بصي دي فرده سودا وجواها فرده كحلى . وده شراب بنى وجواه فرده بيج . وده شراب رصاصى وجواه فرده بلون تانى خالص .
رودي : هرشت ف شعرها . وبصت ع الاسود والكحلى . اممم معلش يافارس اصل الكحلى قريب جدا من الأسود . وانا كنت برتبهم امبارح وچود كانت بتعيط اكيد ما أخدتش بالي ثوانى بس . وجابت درج الشرابات وقلبتو كله ع السرير بنرفزه. وقعدت تدور ع الالوان .
فارس : واقف وفاتح بوقه بدهشه ..
چود : جت ووقفت قدام فارس . ورفعت أيديها ليه بلهفه .
فارس : شالها وفضل يتكلم معاها . اوعي ياچود تطلعي مجنونه زي مامتك فاهمه ياحبيبتى . انا بقيت بقول ل جلال صاحبى صباحك قشطه والله يابنتى دي عدوه وبتنتشر ربنا يستر .
چود : مش فاهمه حاجه وبتضحك .
فارس : شاف رودي معلقتش ع كلامه واستغرب.
رودي : بصوت متنرفز اهووو فرده سودا اهي . اتفضل . وليك عليا بعد ما نرجع من عند فهد ورينو . أشوف حكاية الألوان دي امسك.
فارس : اخد منها الشراب . امسكي چود .
رودي : اخدت چود . من غير ما تتكلم . وخارجه .
فارس : استغربها . استنى عندك .
رودي : وقفت من غير ما تلف نعم ف حاجه تانى !؟
فارس : راح عندها ولف ليها . ممكن اعرف مالك ؟
رودي : بعصبيه . مالى ؟ ده الل هو ازاى يعنى مالى انا كويسه ..
فارس : شافها متنرفزه اوى . واخد چود ونزلها العبى بالعروسه دي ياچودي .وبص ل رودي . مالك يارودي متنرفزه ليه !؟ ف حاجه مدايقاكى ؟
رودي : عينيها لمعت بدموع . احم ابدا ولا متنرفژه ولا حاجه . انا جهزت وماما رنا وبابا طارق جاهزين ياريت لو تجهز علشان ميتأخروش. بعد اذنك ..واتحركت .
فارس : مسكها من دراعها . اله هو انا مش عارفك يعنى ؟ انتى متغيره من امبارح .. وكمان اول مره تقولى بابا وماما ع طول طاروق ورانوش . لأ بجد مالك يارودي .
رودي : بصت ف عينيه . بلوم وعتاب . انا نجحت يا فارس !!! نجحت امبارح .نجحت في اخر سنه ليا . ومحدش افتكرنى . ولا حد سالنى ع النتيجه . مفيش غير رينو وبس .
فارس : غمض عينيه .ولعن نفسه. لانه كان فاكر لكن لما فهد فاق نسي تماما . وفتح عينيه . ومسك دراعها حبيبتي . بجد اسف . والله بجد اسف انا كنت فاكر . وقولت هشوف فهد واروح انا وانتى نجيب النتيجه . لكن لما فهد فاق انا .. وسكت .
رودي : دموعها نزلت ومسحتها بسرعه . ولا يهمك عادي . مجتش عليك اصلا مفيش حد افتكرنى . هي رينو بس بعتتلى ع الواتساب . وابتسمت بزعل انا جبت جيد جداً مع مرتبة الشرف . ونزلت أيدو بهدوء . بعد اذنك انا هستناك تحت . واخدت چود وخرجت .
فارس : غمض عينيه واتنهد . ومسح وشه بايديه . غبي يافارس دي حاجه تتنسي . اووف .
فهد : لما رجع البيت بعت البواب يشترى كل الطلبات .وطلع سلم ع معشوقته . وشرح ل رينو كل حاجه . وقالها إن حفلة التكريم هتكون يوم الخميس . وكل العيله لازم تكون موجوده.
ورينو فرحت جدا . بجوزها المقدم فهد .. وبعدها الطلبات جت . ورينو حست بتعب .وراحت الحمام بسرعه ورجعت وفهد بخوف دخل وراها بسرعه وحضنها من الخلف وساندها . وغسل ليها وشها . وساعدها وخرجو من الحمام . واخدها في حضنه واطمن عليها ونامو شويه . وبعد ساعتين فاقو ع صوت الفون وكان طارق وقاله ساعه والعيله هتكون عندك . وقامو اتوضو علشان المغرب قرب ي آذن و يلبسو ويجهزو . وفهد لبس قميص وبنطلون ورينو ساعدته وصلى المغرب . ورينو لبست فستان رقيقه وحجاب وصلت المغرب .وبعدها لبست النقاب . وف انتظار العيله .
بعد المغرب ..
كل العيله اتجمعت . والشقه عند فهد اللهم بارك مليانه بالأحباب .
ومصطفى عزيز وشيرين عرفو لكن مش كل حاجه. وعاتبو آدم ومريم ورنا وطارق لكن صالحوهم . وحضرت عيلة عزيز كلها .
أشرف وهنا ويوسف ومريم وكريم ومصطفى الصغير ..
وعيلة الصاوي . جاسر وملك وساره ومالك وآسر .
وعيلة . زياد جمال . حسام وهدى وزياد وماليكه وياسين .
وعيلة . السيوفى . طارق ورنا وفارس ورودي وچود .
وعيلة . محمد عزيز ونور وتيم وتمارا ..
وعلية العدوي . مراد وفريحه وميرو وآدم .
وزين وريتال واريان وليليان ..
لكن آدم ومريم لسه موصلوش كالعاده ..
زينب : راحت عند رينو علشان تقدم الضيافه.
فهد قاعد مع الشباب كلهم . وكان مبسوط جدا ان بيته مليان من الاحبه والعيله الجميله دى متجمعه عندو ..ورحب بيهم جدا .
رينو : قاعده جمب رنا وملك وتيم ف حضنها. ورودي والبنات كلهم . وبترحب بيهم بسعاده كبيره . وعندها شعور مختلف بالسعاده . لكن لاحظت أن رودي مش ع طبيعتها .
رودي : قامت . بعد ادنكو هدخل جوه ااكل چود .
رينو : باست تيم . ثوانى ياتيمو روح العب مع كريم .. وقامت . تعالى يارودي . هاخدك لاوضة الاطفال . بعد اذنكو ياجماعه . وراحت مع رودي ..وقعدت جنبها ع السرير ..
رينو : ها بقى قوليلى مالك مكشره اوى كدا . وماشيه معايه بالعكس .
رودي : بصت في الأرض . ابدا مافيش حاجه.
رينو : رفعت وشها . بصيلى هنا واكدبى .
رودي : تعرفي إن فارس نسي حوار شهادتى خالص . وبابا الل جبهالى امبارح بعد ما طلبت منه . يعنى بابا كمان كان ناسي . محدش افتكر غيرك انتى . وقولت فارس اكيد مش ناسي اكيد ع الاقل هيسالنى وهيباركلى لكن مسالش خالص ولا جيت ع باله حتى طارق ورنا .
رينو : مسحت دموعها . رودي المجنونه . انتى بتعيطى . يعنى انا لما اكون مبسوطه ومتحمسه واقول رودي بقى هتيجي والقاعدة مش هتكون حلوه إلا بيها . تكونى زعلانه كدا . طيب انتى فكرى هل هما نسيو عن قصد معاملة فارس ليكي متغيره ؟
رودي : هزت راسها لأ .
رينو : طيب طارق ورنا . رغم الظروف الل كانو فيها . وانهم كانوا لا قدر الله انهم ممكن بعد الشر يعنى يحصل حاجه لابنهم . حسيتى بتغيير منهم ليكى ؟
رودي هزت راسها بلاء .
رينو : ابتسمت . ومسكت أيدها . حبيبتي . بابا طارق وماما رنا بيحبوكي جدا . واستحالة أنهم يكونوا نسيو عن قصد .وانا واثقه من ده . انا اشهد ان رنا يوم امتحانك كانت بتدعيلك ومن قلبها . وكمان فارس يوم امتحانك كان متوتر جدا .. هما اكيد كانو فاكرين لكن فرحتهم برجوع فهد بالسلامه لخبطتهم .مش ناستهم ابدا . طيب انا كمان بابى ومامي . كانو مشغولين ب ابيه مراد وتعب فهد وانا الل فكرتهم أن النتيجه هتظهر .علشان يدعولى . وفارس استحاله أنه ينساكي واكيد كان هيسالك أو هيروح هو بنفسه وانا واثقه من ده ..فارس بيحبك جداا.
رودي مش معنى انى راحت عن بالى حاجه تخصك ابقى مبحبكيش أو نسيتك . وبعدين ياستى التمس ل أخاك المسلم سبعين عذرآ . مش عذر واحد ولا حتى 10 لا سبعين عذر . ويلا بقى . فوقي وفرفشي كدا . انا عايزه أخرج للعيله القمر دي . هيقولو عليا ايه دلوقتي ؟
رودي : ابتسمت بتمثيل . حبيبتي يارينو . ريحتى قلبى . قومي انتى اخرجي العيله وانا ها آكل چود علشان عايزه تنام . وهنيمها واحصلك .
رينو : قامت اوكي ياروحي . وباستها من خدها . متتاخريش . وجايه تخرج الباب خبط .
رينو : نزلت النقاب . وفتحت . ايوه يازوزو .
زينب : سي فارس بيه واقف ف الطرقه وبيسأل ع الدكتوره ست رودي .
رينو : بتفكير . همست روحي قوليله تعالى كلم رينو بسرعه بس من غير ما حد يحس بيكى .
زينب : هوا حاضر .. وقالتله ..
فارس : جه بقلق . خير يارينو رودي فيها حاجه ؟
رينو : ابدا ! هي قاعده جوه . وانت سالت عليها . اتفضل ادخلها .
فارس : هز راسه . متشكر جدا . بعد اذنك .
رينو : ضحكت بصمت . وراحت ل زينب . طلعتى الضيافه يازوزو .
زينب : في ثوانى ياست رينو كل حاجه جاهزه .
رينو : بصت ف الساعه . ونفخت بابى ومامي أتأخرو .
فهد : جه . ايه يارينو سايبه العيله واقفه عندك ليه ؟
رينو : أبدا ياحبيبى انا بس كنت بشوف الضيافه .
فهد : طيب تعالى متقفيش كتير انتى تعبانه . وزينب هاتهتم بكل حاجه . وبص ل زينب انا عايز العشا يكون مميز يازينب فاهمه .
زينب : من عينيه ياسي الرائد فهد بيه .
رينو : ههههه يازوزو اترقى وبقى مقدم قد الدنيا .
فهد ورينو اتخضو. لأن زينب زغرطت.
رينو : ههههههههه . رهيبه يازوزو .
فهد : بص للعيله وشاور . لانهم استغربوا . مفيش حاجه . دي زينب بتحييى الليله .
زينب : يألف نهار مبروك ياسي مقدم الرائد فهد بيه .
فهد : هههههههه . الله يبارك فيكي يازينب . يلا يارينو . يلا يامرات مقدم الرائد . ههههه.
رينو : ضحكت . يلا بينا . وبصت ل زينب بسرعه يازوزو . وراحو للضيوف ..
وجرس الباب رن . واخيرا كان آدم واميرته .
ودخلو مبتسمين .السلام عليكم .
كلهم . ضحكو . وعليكم السلام ..وسلمو ع الكل . ووجودهم فرق كتير ف وسط العيله ..
فارس : قفل الباب . وقعد جمب رودي .
رودي : شافته و قاعده ساكته .
فارس : مسك أيدها رودي حبيبتى . اوعي تكونى مفكره انى مش فاكر . والله انا فاكر بس لما فهد فاق صدقينى من الفرحه انا اتلخبط . انا حتى روحت السفاره من غير الأوراق بتاعتى . وباس ع أيدها قلبك ابيض يارودي . متزعليش منى .
رودي : شدت أيدها . خلاص مفيش حاجه .
فارس : قرب منها وباسها من خدها . وابتسم يعنى مش زعلانه من فاروسه حبيبك .
رودي : كتمت الضحكه . ورسمت الجديه . لأ مش زعلانه واتفضل اطلع بره بقى .
فارس : طلع من جيبه مفاتيح . وشاور بيها قصاد عينيها . وبيضحك .
رودي : بصت للمفاتيح ومش فاهمه . وقالت ايه يافارس انت هتنيمنى مغناطيسيآ ولا ايه .
فارس : بهزار . بيحرك المفاتيح وبيقول ناااامى . نااااامي هههههه
رودي : ههههههههه . والله يا جدعان . علمناهم الشحاته . انجز وقول مفاتيح ايه دي ؟
فارس . نزل چود من ع حجرها . وقال عشان ردة الفعل هتبقى قويه جدا . وبص ل رودي . ومسك ايدها وباسها برقه وحط فيها المفاتيح الف مبروك ياحبيبتى . مفاتيح العياده بتاعتك .
رودي : تنحت . وفتحت عينيها على الاخر . وفتحت بوقها . ومصدومه ..
فارس : ضحك على رد فعلها . وشاور بايدو ع وشها الوووو انتى يابنتى . ياحجه .
رودي : غمضت عينيها وفتحت بتستوعب . ا.ا..انت اا.انت قو ..قولت ايه . دي .دي مفاتيح ايه ؟
فارس : دي مفاتيح عيادة الدكتوره رودي السيوفى .
رودي : شهقت وحطت ايدها على قلبها وايدها التانيه ع قلبها . وبصت ل فارس وحضنته بفرحه كبيره . فاااارس مش معقول . وضحكت بدموع . لالا انا بحلم ههههههههه .
بجد انت بتتكلم جد وطلعت من حضنه قول والله كدا ..
فارس : ابتسم ع سعادتها . ومسح دموعها . والله بجد . والعياده دي بجهز فيها من زمان انا وطارق . واتفقنا أن العياده دي هتكون هدية نجاحك وطارق صمم انه يشترك معايه فيها . ومسك وشها بايديه رودي انا عمرى ما انساكي انتى شريكة حياتي . انتى حبيبتى . اسف انى زعلتك منى عن غير قصد منى .
رودي : اترمت في حضنه . بحبك يا فارس .بحبك اوى . وضمته لقلبها بكل قوتها .
فارس : وانا بموت فيكي يا مجنونه .
چود : لما شافتهم حاضنين بعض . فضلت بتتكلم كلام متقطع كأنها بتزعق وبتشد فارس بعيد عن رودي .
فارس : ضحك وطلع رودي من حضنه . ورودي ضحكت ع چود .
فارس : شال چود . وچود حضنت فارس ونامت ع كتفه .
رودي : حمدت ربنا ف قلبها وكل الزعل اختفي . وكانت طايره من الفرحه .. وبعدها فارس نيم چود . وخرج مع رودي مبسوطين.
الكل قاعد . مبسوط . وطارق ورنا باركو ل رودي .
وطارق : قال ل رينو هدية نجاحك ف اخر سنه إن شاء الله وهتكون عياده زي رودي بالظبط . وفهد اتفاجئ .
ورينو فرحت جدا .وقامت شكرت طارق بفرحه كبيره . وحضنت رنا . ورينو ورودي قعدو جمب بعض مبسوطين .
آدم ومريم فرحو جدا بالمفاجاه الجميله دي .
ومحمد. ونور . كانو منسجمين ف عالم تانى .ومبسوطين .
زياد : قاعد جمب زين ومراد وبيهزرو . وزياد واضح عليه السعاده .
ماليكه بتشاور ليه وبتقولو قول انت .
زياد : مبتسم وهز راسه بلاء قولى انتى .
مراد : واخد باله . جرا ايه يا جدعان . عايزين نعرف ف ايه .؟ هتعزمو ع بعض كتير ؟
زياد : انت ياض راشق عينيك دي ف كل حته ؟
فهد : مايبقاش مراد العدوي .
مراد : غمز لفهد . مابلاش انت يافهوده .
فهد : كشر عينيه . وبصله بغيظ .
آدم : قرب من فهد . هو الواد ده ماسك عليك ذله .؟
فهد : مراد ابنك ده مسيرى اصوره بالجرم المشهود علشان يحل عنى .
آدم : ههههههههه . يبقى الحوار فيه حريم مش كدا ؟
مراد : ههههه وهمس لفهد جيسيكا ابنة كيڤين هههههههههه .
آدم : ههههههههه . لالا لازم اعرف كل حاجه .انا كنت مستنى انك تفوق بالسلامه ومراد يحكيلى ع المأموريه بالتفصيل .
مراد : وبالتفصيل الملل وحياتك ياحج .ورقص حواجبه لفهد .
فهد : صك ع اسنانه بغيظ مكبت . ماشي ياموووراد وليك روقه .
مراد : هههههههههههه
آدم : متقلقش ياض يا فهد انا معاك .
فهد : وده العشم ياعمي أصل ابنك ده هيخلينى ارتكب جنايه .
آدم : بص قدامه وقال جواه لا متقلقش من جهة هترتكب جنايه . ف انت هترتكبها قريب جدا . (ويقصد وليد ) .
زياد : شاور ل ماليكه بهمس لأ مش هاقول . قولى انتى .
مراد : قام وقف وقال بصوت عالى . بااااااس . ياجماعه زياد وماليكه عايزين يقولو حاجه . بس اظاهر عايزين دافعه منى . يلا يازيزو اتفضل قول . او هي تقول . علشان انا جوعت .
زياد : كشر عينيه . وشد مراد وقعده جنبه . عليا النعمه ماليك حل .وبص ل ماليكه قولى انتى بقى خلاص .
الكل بص ل ماليكه . الل وشها احمر جدا .
ملك : مسكت ايدها عايزه تقولى ايه يا حبيبتي..
ماليكه : احم . وقالت بحرج . انا …انا . وغمضت عينيها . انا حامل .
الكل : فرح جدا والفرحه مضاعفه . وحسام وهدى طارت من الفرحه. وجاسر وملك والكل بارك وهنا .
مراد : خبط ع كتف زياد مبروك ياوحش والله فرحتلك .
زياد : بفرحه . الله يبارك فيك يامراد .
نور : الله الله ع الاخبار الحلوه . مبروك ياماكي .
ماليكه الله يبارك فيكي يانور .
بعدها : رينو. قامت وقالت ل زينب تجهز العشا . وفهد قال العيله أن التكريم يوم الخميس . والعيله لازم تبقى موجوده .
والعشا جهز والكل قام اتعشى .وكان عشا مميز والكل قاعد بيضحك ومبسوط . وقضو سهره جميله . والكل روح ع بيته ونامو بسعاده وسلام .
———————-بقلمى Mariem Nasar
عدى يوم كمان .
فهد : بدء يتحسن . وقاعد ف الليفنج .
رينو : ف المطبخ بتعمل عصير فراوله ومش طايقه ريحته . وخلصت العصير بسرعه علشان مترجعش . وخرجت اتفضل ياحبيبى اجمل عصير فراوله لفهد حبيب قلبي .
فهد : اخدو منها . تسلم ايدك ياروحي . وحطه ع الترييزه . تعالى اقعدي ف حضنى . واخدها ف حضنه . وحط ايدو ع بطنها . الواد عامل ايه انهردا . اوعي يكون مدايقك .
رينو : ابتسمت وحطت أيدها ع بطنها . هو بيرفص أحيانا بس ع قلبى زي العسل . وبعدين ممكن تكون بنوته . انا بحب البنات كيوت اوى .
فهد : باس بطنها اي حاجه منك تبقى جنه . انا راضي ولد بنت كله نعمه ورزق من عند ربنا . وربنا يستر لو بنوته . هتتحجب وهي ف كيجي .
رينو : شهقت . ايييه . لأ بقولك ايه . سيب حكاية الحجاب .دي عليا انا زي ما . مامي علمتنا بنتى كمان هتتحجب ف سن معين . ومتقفلنيش بقى . انت غيور اوى .
فهد : ههههههههه. وقال .. حبيبتى وماكانت الحسناء تكشف سترها .. ولو كان أرباب البيوت رجالا .
إن الجمال لدى الفتاة دين وعقل وإحتشام .
رينو : اهو الفتاه . الفتااااه . مش طفله صغيره ف كيجي وهي إن شاء الله هتتحجب ف السن الطبيعي ليها متقلقش. وسيبها ع الله .
فهد : ونعمه بالله . اصل انتى متعرفيش ف سنها الطبيعي ده هتتنقب بإذن الله ..
رينو : خنقته من رقبته بغيظ وهزار . انا بقول نجيب مع البامبرز . نقاب واسدال وخمار للبيبى .
فهد : هههههههههه . وقربها من حضنه . الحمل مخليكى عنيفه اوى .
رينو : اممم . عندك حق . سعات بحس انى عايزه اضرب اي حد قدامى .
فهد : اممم خلاص اولدى انتى بس بالسلامه . وانا همرنك .
رينو : اوووف يافهد انت مانستش انا مش عايزه اتمرن متعبه اوى ..
فهد : لازم ياحبيبتى .انا اصلا بمرنك علشان تتدافعى عن نفسك . ولو حد دايقك ف الجامعه او ف الشارع .
رينو : ملامحها اتغيرت . وافتكرت وليد . وسكتت ..
فهد : شاف تعابير وشها . وقال بشك !! رينو ف حاجه حصلت معاكى وانا مسافر !؟
رينو : بلعت ريقها بتوتر . ها .. لا اه . لأ لأ احم اصل ..وسكتت .
فهد : عدلها واتعدل . وقال بصوت جهورى . لارين ف حد دايقك وانا مسافر . واتمنى أن غلط زمان مايتكررش وتخبى !!!!!
رينو : شافت فهد اتعصب . وخافت عليه .وحطت ايدها ع خدو . حبيبى انت .انت تعبان . و… ومكملتش من فهد.
فهد. : شال أيدها وبصلها بتحذير . ايه الل حصل . ومش هسال تانى !!!
رينو : اتنهدت بزعل . وخوف ف نفس الوقت . وقالت لفهد . حاضر . الل حصل أن من اكتر من شهر كنت ف الجامعه وقاعده ف المدرج وحصل ——— وحكتله ع كل حاجه . وخافت من تعابير وش فهد وانه قومها وقام وهو بيسمعها.
فهد : قام من مكانه وقبض ع ايديه وصك ع اسنانه . وبصلها بغضب متعرفيش اسمه ايه !؟
رينو : بدموع. هزت راسها بلاء .
فهد : اخد موبيله ومفاتيحه وخارج بسرعه .
رينو : جريت وراه بدموع . ومسكته فهد. فهد ارجوك انت تعبان .هو اتسجن خلاص .
فهد : شد أيدها . وقال بغضب انا نازل ومش عايز اسمع كلمه واحده .
رينو : وقفت ورا باب الشقه . فهد حاول تهدى . ارجوك انت مش شايف نفسك .
فهد : صك ع اسنانه ابعدي يا لارين من وشي .
وبصلها وعينيه بطق شرار . انا لازم اعرف مين الل لمس مراتى . وزعق اتحرررركي .
رينو : اتخضت . وقالت بدموع فهد بالله عليك خلاص هو اتحبس ..ومحصلش ليا حاجه ..
فهد : مسكها من دراعها . وحركها ومردش عليها . وفتح الباب وقفله . ونزل بسرعه وركب العربيه وساق بسرعه كبيره جدا..
رينو : قعدت ف الليفنج وخايفه ان فهد يرتكب جنايه ف القسم وخافت تتصل ع فهد . واتصلت ع زين لانه عارف بالموضوع لكن خارج التغطيه . ..وجسمها رجف وبتعيط وحست بدوخه .
———————-بقلمى Mariem Nasar
فهد سايق بغضب . وبيفكر ف مين الل فكر يلمس مراته . وعايز يقلعها نقابها . وكمان يصورها . لااااااااااااااء ده حكم ع نفسه بالمووووت . وفرمل العربيه مره واحده قدام شركة آل العدوي. ونزل بسرعه . ودخل الشركه دخول يخوف . وطلع ع مكتب زين .
السكرتيره : شافت فهد جاي . ابتسمت لكن ابتسامتها اختفت من شكله الغضبان . وملحقتش تقوله ثواني يافندم .
فهد : فتح باب المكتب بغضب .
.وزين اتخض واتفاجئ . فهد . وزين قلق لما شاف فهد بالشكل ده ..وقال استر يارب .
فهد : خبط بايديه ع المكتب . هو مين واسمه ايه وف اي قسم ؟
زين : فهم . اهدا يافهد . وليد مارحش القسم .
فهد : كشر عينيه . وليد !!!؟ وبص ل زين وبصوت يخوف اسمه وليد ايييييه !؟
زين : اتنهد بحيره . ممكن تهدا . وحقك هتاخدو . وآدم محطوش ف الحبس هو ف المخزن .
فهد : بغضب . اسسسسسسمه ايييييه ؟
زين : اسمه وليد الشامي .
فهد : اتصدم . وصك ع اسنانه بغيظ وعملت صوت . وخرج من المكتب وشكله هيصور قتيل ..
مراد : كان رايح مكتب زين وشافه .. ونده عليه لكن فهد مردش أو مش سامح حد ولا شايف حد غير وليد الشامي ..
مراد : دخل علشان يسأل فهد ماله . وشاف زين بيقفل الملفات بسرعه وخارج . وقال مراد !!؟ كويس انك جيت .
مراد : بقلق . ف ايه يازين !؟ ايه الل حصل!؟ وفهد خارج كدا ليه ؟
زين : بيجرى تعالى بس بسرعه هحكيلك كل حاجه ف العربيه !!
مراد : جري بسرعه . وركب العربيه . وزين جمبه .اطلع ع مخزن الصحراوى .
مراد : ساق بسرعه. احكيلى بسرعه ف اييه؟
زين : طلع الفون . ثوانى طيب هتصل ع آدم . واتصل . ورد .
آدم : ايوه يا زين ؟
زين : بتوتر . بابا دلوقتي فهد عرف حوار وليد ومعرفش من مين واكيد من رينو . وراح لوليد وشكله مايبشرش بالخير . وانا ومراد هنحصله
مراد : بهمس وليد !!؟ مين وليد ده ؟ورينو وفهد !؟
آدم : بهدوء طيب تمام . بلغنى بالل هيحصل بعد ما فهد يخلص .
زين : اتنهد . حاضر . حاضر يابابا وربنا يستر . وقفل .
آدم : اطمن إن مراد وزين هيكونو موجودين مع فهد ..وقاعد ع كرسي المكتب ورجع ضهره لورا. وقال بالشفا ياوليد .
مراد : ماتحكي يازين . مين وليد ده . وف المخزن ليه ؟ وايه علاقة رينو وفهد وكمان انت وآدم !؟ ماتفهمنى . فهد شكله هيصور قتيل !!!
زين : ده واحد زميلكو ف الشغل . اسمه وليد الشامي واتعدى ع اختك رينو !
مراد : فرمل العربيه . وبص ل زين . وزعق بغضب انت بيتقووووول ايييييه يازييييين .
زين : هي ليله مش معديه انا عارف . سوق يامراد الحق فهد وانا هشرحلك .
رينو : ف الشقه رايحه جايه . رايحه جايه . وحست ان بطنها مشدوده . وبتتنفس بصعوبه . وقلقانه ع فهد . واتصلت ع فهد اكتر من مره ومردش . وف الاخر فهد قفل الفون .
زين : حكى كل حاجه لمراد . ومراد شايط ع آخرو . ولكن استريح نوعا ما لما عرف ان رينو علمت عليه . وإن كمان آدم وزين حابسينو ف المخزن . لكن أتأكد أن فهد مش هيرحمه . ومراد ساق بسرعه البرق علشان ينقذ ما يمكن إنقاذه ..
فهد : سايق بجنون . واخيرا وصل المخزن .وفرمل العربيه مره واحده . وفتح الباب ونزل . وراح ع المخزن . وقال للجارد .بغضب افتح الباب .
الجارد : عارف فهد كويس . وفتح الباب ..
فهد : دخل بسرعه . وشاف وليد متربط ف الكرسي . وبص للحرس فكو الكلب ده .واطلعوا بره .
وليد : متربط والجرح علم ف وشه لكن مش مرهق وصحته كويسه لانه بياكل ويشرب كويس . وسمع صوت فهد ولكنه اتخض من شكل فهد ..
الحرس فك وليد وخرجو بره وقفلو الباب ع فهد ووليد.
وليد : قام وقف ..
فهد : اول ما وليد وقف . قبض ع ايديه . واتحرك بخطوات سريعه . ومسك وليد . بوكسات ف وشه . من مايتكلم
ووليد . طول بعرض . ورد الضربه لفهد اكتر من مره. ورفع ايدو علشان يدي فهد بوكس ف وشه
فهد : من غير مايبصله مسك كف ايدو . وضغظ عليه بكل قوته . وفهد من غيظه عروقه برزت . وقرب من وليد . وقال بغضب . انت حفرت قبرك بايدك ياوليد ياشامي . وقبل ما وليد يرد . فهد ماسك ايد وليد وآداله كام روسيه ورا بعض . ووليد بدء يدوخ .
فهد : مسك وليد من قميصه وكام بوكس ف وشه ومسكتش غير لما بوقه اتعور ومناخيرو نزفت ..وبعدها كام ركبه ف بطنه . ووليد موطى اااه . فهد مسك وليد من رقبته ورفعها ونزلها جامد خبطها ف الكرسي الحديد . وجبهة وليد اتفتحت .ااااه . وبيكح ومش قادر ياخد نفسه ..
فهد : قلع التيشرت . وقرب من وليد . ومسكه من ياقته ومشي بيه لحد عمود خرسانه . ومسك رأس وليد وضربها جامد ف العمود . انت بقى بتلمس مراتى انا . وخبطه تانى ف عمود الخرسانه . انت عايز تقلعها حجابها ونقابها . وفهد صرخ بصوته كله من الغيظ وبيضرب ف وليد الل بيصرخ من الالم وعينيه اتقفلت وازرقت .
فهد : قام . وشال الكرسي الحديد . علشان يفنش ع روح وليد .
وليد : بينهج وحاسس أنه بيموت خلاص .
فهد : نازل بالكرسي ع دماغ وليد خلاص .
لكن : مراد داخل جري ولحقه وزق الكرسي بعيد . ومسك فهد . باااس يافهد الواد هيموت ف ايدك .
فهد : بيزق مراد . اوعااااا يامراد . ابن الكلب ده لازم يمووووووت . لازم يمووووووت .
زين : شاف شكل وليد . ينهار مش فايت هو ده وليد !!!؟ وبص ع فهد . وقال ع رأي آدم احنا عذابنا كان هيبقى رحمه ليه من فهد .
مراد : كتف فهد بحرفيه . اهدا خلاص انا هتصرف . خلااااص .
زين : جري ع فهد . خلاص يا فهد . والله الواد هيموت . وهتخسر نفسك ومستقبلك علشان كلب زي ده . كفايه الل حصله . وكمان لسه هيتحبس . وكمان مراتك علمت عليه . انت مش شايف الجرح الل كان ف وشه . وبص ع وليد . جرح ايه بقى اهو مبقالوش معالم من أصله . الله يرحمه .
مراد : فهد. انا هسيبك وعايزك تهدى خالص . انا هتصرف والله ما هيعدي منها . وبص ل وليد . وقال احنا سترنا ع الكلب ده اكتر من مره . وآن الأوان اننا نكشف كل حاجه لمدير الجهاز . وصدقنى يصحبى هيرقصوه ع الشناكل . والله لاجيب حق اختى بس تعالى اقعد واهدى .
فهد : فك نفسه من مراد . وبينهج بصوت مسموع . وبص ل مراد ابن الكلاب ده مش لازم يعيش يامراد . ده كان عاوز …وسكت .
مراد : انا عارف زين حكالى على كل حاجه . مراد مشي خطوتين وحط رجله ع صدر ليد وقال اظاهر كدا ياض يا فهد أن وليد الشامي الرائد سابقا كان محروق اوى مننا . ومعرفش يوقع الرجاله الل هو احنا . ودور ع الحريم . هههههههههههه . بس ميعرفش أن حريمنا بميت راجل . واهي اصغر واحده ف العيله علمت عليه . والجرح علم وهيفضل زكري جميله اوى . ههههههههه . وبص ل زين .وقرب اوى من وش وليد وقال .. هي كانت أنهى ركبه ياباشمهندس زين الل اخت المقدم مراد العدوي . ومرات المقدم فهد السيوفى . علمت عليها .
وليد : بينهج . وقلبه اتملى غل لما سمع اسم الرتبه الجديده وقال جواه مقدم !!!!؟
زين : اليمين . اليمين ياسيادة المقدم ..
مراد : شد . وليد من قميصه وقومه . وشق بنطلون وليد من عند الركبه . وشاف اثر الجرح . هههههههههه شايف يازين اختك عملت ايه . ف الرائد سابقا .هههههههه . وبص ل وليد بغل . ده انت هيطلع تيت اهلك . ومراد متغاظ واداله بوكس الفينش . الل خلى وليد يقع مغمى عليه . مراد نده ع الحرس . خدو الكلب ده حطوه ف شنطة العربيه بتاعتى .
فهد : واقف بينهج بغل وايديه عليها دم . وعينيه ع وليد . ومسك التيشرت وسابهم ومشي .
زين : نده عليه ومردش .
مراد : سيبه يازين . هو هايهدا مع نفسه ..
الحرس : شالو وليد وحطوه ف شنطة العربيه .
فهد : ركب العربيه وساق بسرعه ومتغاظ ..
مراد ركب العربيه .هو وزين ومراد ساق ..
زين : اتصل ع آدم . وحكاله كل حاجه وقفل .
آدم : قاعد مبتسم . وبعد كدا ضحك ع غيرة الفهد .
مراد : وصل زين الشركه . وطلع ع الجهاز وقريب من الشركه..
رينو : ف البيت الانتظار بيقتل فيها . وبطنها اتشنجت ع الاخر وحست بمغص . ونفسها خلاص مش قادره . واتصلت تانى ع فهد غير متاح . واتصلت ع زين مشغول . واتصلت تانى مشغول . وقامت بتعب علشان تغسل وشها لكن بطنها اتشدت وداخت اوى . وحست انها هيغمى عليها . وفقدت توازنها ووقعت مغمى عليها .
مراد : وصل الجهاز . وفتح شنطة العربيه . وشال وليد ع كتفه . وداخل بيه والكل ف حاله من الدهشه والاسئله ع وشهم . وكله بيهمس ومحدش فاهم حاجه ..
مراد : قابل المدير ف المبنى وهو خارج . وف وسط كل الموجودين ..
المدير : شاف مراد وشايل حد ع كتفه . وقال بتعجب مراد !!
مراد : رما وليد ع الأرض . والكل بيبص عليه ومش عارفين من الل وشه غرقان دم ده . ياترى جاسوس ولا مهرب ،؟
المدير : بص عليه وقال ل مراد مين ده ؟
مراد : بصوت مسموع للكل . ده وليد الشامي الرائد سابقا لو سيادتك تفتكروا يافندم .
الكل بيهمس وليد الشامي !!!؟ وحصل هرج ف المكان . والمدير بصلهم والكل سكت . وبص ل مراد . ايوه فاكرو . ماله وايه الل عامل فيه كدا ؟
مراد : انا هاقول لحضرتك . وليد الشامي عامل مصايب كبيره واحنا نصحناه اكتر من مره . شنطة الدولارات المتهربه الل انا كنت جبتها لحضرتك وسلمتهالك باسم وليد الشامي . ده كان سارقها وانا والمقدم فهد عرفنا ونصحناه بالحسنى من باب الزماله واخدت منه الفلوس وسلمها للجهاز .وبعد كده . انقذناه اكتر من مره من جريمة اداب . ومامورية حسان ابو هيبه .اكبر تاجر هيروين . ولما اتقبض عليه وليد أخد نص الكميه . وبردو عرفت انا والمقدم فهد . وانا كنت هتعدى عليه بالضرب لكن المقدم فهد منعنى . وخدنا منه الكميه وسلمناها للجهاز .. وهددناه واقسمنا إن لو حصل منه اى خلل تانى لا نبلغ الجهاز .
والل يحصل يحصل . ولما اترفد فكرنا إن كدا خلاص . لكن لأ . وليد الشامى راقب أهل بيتنا واحنا مسافرين ايطاليا يافندم. ولما معرفش يأذي حد جوه البيت . راح لاختى الجامعه وهي منتقبه ومرات المقدم فهد ف نفس الوقت. وكانت بتجيب اوراق مهمه انهردا .. وتعدى عليها وهددها أنه هيجردها من …. ومكملش كلامه لان الكل فهم قصده . وقال . ووليد قالها هصورك ف قلب الجامعه . وهبعت صورك بالمنظر ده لاعز اتنين عندى . وطبعا كان يقصدنى انا وفهد . ولأن اختى متدربه كويس .هي الل عملت فيه كل ده . يعنى اختى دافعت عن نفسها .
الكل : بيهمس معقول بنت شوهته كدا . وضحكو ع شكل وليد . ومراد سمع واحد بيقول بنت بميت راجل بصحيح . حاجه تشرف .
وسمع واحد بيضحك وقال يعنى وليد بالطول والعرض ده نهايته كانت ع ايد واحده ست .
المدير : هز راسه . انا كنت فاكرو أنه هيتعدل . لكن للاسف . تمام يامراد . انا فهمت انت عايز ايه بالظبط . واطمن حق اختك هيرجع . وشاور ل اتنين . تعالو شيلو البنى آدم ده . وابعتوه للمقدم سمير . وهو هيصرف معاه . وبص ع وش وليد . وبص ل مراد . متاكد ان اختك هي الل عملت كل ده فيه ؟
مراد : ابتسم . وهز راسه . وشديتها منه بالعافيه يافندم علشان ترحمه ..
المدير : فهم . وابتسم وهز راسه . اممم ماشي سلملى ع المقدم فهد . وقوله حفلة التكريم بكره وعايزه يبقى هادي ..
مراد : هز راسه تمام يافندم . واستاذن ومشي .وركب العربيه وهو بيضحك واتحرك .
———————-بقلمى Mariem Nasar
فهد : رجع البيت وكان مخنوق جدا ومتعصب. وفتح الباب . ودخل وقفل الباب . لكن اتصدم . لارررين . وجري عليها ونزل على ركبه برعب حقيقى. لارررين . لارررين . وشالها ونيمها ع الكنبه . ورفع ايدو جاي يخبط ع خدها . شاف دم وليد ع ايدو . وقام بسرعه ع الحمام الخارجي . وغسل ايديه . ولعن نفسه .وخرج بسرعه . ونزل على ركبه قدامها . وبخوف حقيقي .وبيخبط على خدها رينو . رينو حبيبتى فوقي . وقام بسرعه دخل اوضة النوم وجاب البرفان . ورش ع ايدو وحط ع أنفها .
رينو : بدءت تفوق . وكحت ..
فهد : اتنهد بأريحيه .وقعد على ركبه. ورفع راسها ع مهلك . وجاب كوباية الميا اشربى ياربنو .وبيشربها .
رينو : مسكت الكوبايه بضعف وشربت . وبتنهج . وبصت ع فهد وغمضت عينيها وقلبها استريح انه موجود قدامها ..
فهد : غمض عينيه واتنهد بزعل . ومسك راسها واخدها في حضنه . ومسد ع شعرها .
رينو : رفعت ايديها وحضنته . بدموع واتكلمت بتعب . فهد الحمد لله انك رجعت . وخرجت من حضنه . ومسكت وشه بايديها حبيبى انت كويس . انا كنت هموت من القلق .وفونك مغلق . انت روحت فين يافهد .
فهد : زعل جدا من نفسه ع شكلها وخوفها بالشكل ده . وكمان واضح عليها التعب . ورفع ايدو بيرتب شعرها . انا اسف انا كنت مخنوق شويه . ونزلت .
رينو : بتعب ومسكت بطنها . ايوه روحت فين عملت ايه انا كنت هموت من الرعب يافهد . انت مكنتش شايف نفسك عامل ازاى !
فهد : بصلها . انتى حاسه انك تعبانه . تعالى اخدك ع المستشفى .
رينو : لا لا انا كويسه . هي بطنى اتشجنت شويه من التوتر . وشويه كدا وهكون كويسه ..
فهد : قام .تعالى نامي ف السرير .وهعملك حاجه سخنه تشربيها . وشالها وراح بيها ع اوضة النوم ونيمها ع السرير . ارتاحي .
رينو : مسكت ايده . راحتى معاك انت يافهد . وعلشان خاطرى حاول تهدى شويه . انت كان شكلك ما يبشرش بالخير ابدا .
فهد : رجع خصلة شعر ورا ودنها . رينو انا قولتلك ميت مره . (انتى لأ) حد يبصلك غيري لأ .. حد يفكر فيكى غيرى لأ .. حد يلمسك غيري ممنوع . فاهمه . واتنهد . انتى ارتاحي دلوقتي . وانا هعملك حاجه سخنه تشربيها . وقام وخرج . وواقف ف المطبخ ومخنوق . وطلع الفون وفتحه . واتصل ع مراد . ومراد رد عليه وكان هلكان ضحك . وشرح ل فهد ع كل الل عمله وقاله ف الجهاز وفضيحة وليد الشامي ع ايد بنت . ومراد مسكتش غير لما فهد ضحك وهو بيتخيل نظرة كل الظباط ل وليد الشامي . وفهد هدي نوعا ما . وعمل المشروب لرينو . ودخل الاوضه وكان مبتسم .
وقعد جنبها . وبدء يشربها . ورينو شافت ابتسامته . وهديت . وبعدها اتحسنت . وفهد اخدها ف حضنه . ونامت واستكانت . ف حضن الفهد ..
ونقول عدى ٤ ايام .
تاني يوم كان حفلة التكريم . لمراد وفهد . والعيله حضرت الحفله . آدم ومريم . وطارق ورنا . وزين وفارس ورينو وفريحه . وزياد ومالك ويوسف . ومحمد ونور . وأشرف وجاسر وحسام وبيتر .
مراد : اتكرم واخد الوسام . وآدم ومريم سقفو بفخر . وآدم مبسوط جدا وقلبه بيدق سعاده .ومريم كالعاده دموعها سابقاها وفرحانه جدا . وفريحه بتسقف وبتضحك بدموع ..وزين فخور با اخوه الكبير . ونور ورينو بيسقفو بحفاوه والكل مبسوطين جدا .
فهد : اتكرم واخد الوسام . وطارق ورنا سقفو . وطارق سقف من قبله ومبسوط جدا .
ورنا بتعيط . ورينو بتسقف بفخر .و بتضحك بدموع وفرحانه جدا . وفارس وكل العيله كانت ف قمة سعادتها ..
———————-بقلمى Mariem Nasar
وتانى يوم ..
آدم وطارق . دبحو ووزعو على الغلابه . وجهزو للحفله ف فيلا السيوفى . وكل العيله موجوده الاقارب والاصدقاء . وكانت حفله كبيره ومميزه . وفهد ورينو كأنهم عرسان ف الحفله . ومراد كان طاير من السعاده . مع فريحته ..
وفهد : قال للكل . أنهم جهزو كل حاجه ومسافرين الاسبوع الل جاى السعوديه علشان يعملو عمره .
وزياد قالو هتسافر انت ولارين ؟
فهد قال لا . هنسافر . انا ولارين ومراد وفريحه وزين وريتال وفارس ورودي .
والكل فرح . بالخبر الجميل ده . وعدت الحفله ع خير .
وجه يوم السفر للعمره . والكل ودعو العيله وسافرو .
محمد شاف أنه لازم يتكلم مع آدم بخصوص عملية مريم . لانه مش هيقدر يخبى اكتر من كده . وقام وخرج من المستشفى . وراح ل آدم الشركه . وطلب يقابله . ودخل وكان قلقان من رد فعل آدم اول مايعرف بعملية مريم الجزار —-
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جريمة عشق 3)