رواية اشواك الورد الفصل السابع 7 بقلم ميفو السلطان

رواية اشواك الورد الفصل السابع 7 بقلم ميفو السلطان

رواية اشواك الورد البارت السابع

رواية اشواك الورد الجزء السابع

رواية اشواك الورد الحلقة السابعة

دخل عزيز والغضب يأكله لينصعق من منظرها تجلس مستكينه وامامها طبق حقير وبه بعض الطعام كان شكلها خلع قلبه من داخله لينفجر ويهجم علي الطربيزه ويزيحها ويقذفها من امامها..
لتنصعق وتقول برعب.. ايه. فيه ايه..
ليحاول ان يتمالك نفسه ويقول ايه ده وايه المنظر ده..
لتقول وقلبها يرجف من منظره فكان منظره مهتاجا وعينيه تشع غضبا …. منظر ايه ده.. دا وكل بلاش اكل..
ليستغفر ربه ويحاول ان يهدئ من غضبه فبداخله مراجل تطحن بعضها.. انا يا بت الناس جولت بلاش تاكلي.. انا بجول ايه ده وبتعملي ايه اهنه..
لتهتف ببراءه.. هكون بعمل ايه خلصت اللي انطلب مني وباكل هو فيه حاجه تانيه عايزينها..امي سعيده ما جالتش والله وخالتي زينات جالت اطلعي واحنا هنكمل والله لو انطلب حاجه كنت جعدت يابن عمي.
ليحس بالجنون منها ومن خنوعها..( هو فيه ايه البت اللي وجفتلي جلبي امبارح راحت فين مين المقتوله اللي جدامي دي جلبي بينحرج وهيا واجفه ولا فيه حاجه.. هيا راحت فين عاد مين دي.. ليشتعل اكثر ) . ليصرخ فيها ويذهب اليها ويشدها حد جالك اني هشغل مرتي خدامه علي اخر الزمن..
لتنصعق وتردد كلامه.. مرتك
ليغضب اكثر.. امال ايه يا بت الناس انت دماغك دي تنظبط الا انا خلقي ضيج وما هستحملش واصل اللي بيوحصل ده..
لتهتف باستغراب.. هو ايه اللي مش هتستحمله يا ابن عمي..
ليحس بنار في جوفه فهي تدعوه ابن عمها كالاغراب ليصرخ ويقول.. انا مش ابن عمك ليقترب منها ويشدها اليه ليحس باشتعاله في قربها ليكمل.. انا عزيز فاهمه زوجك وماتطلعيش زرابيني يا بت الناس خليني مؤدب عشان غضبي هيزعلك..
لترتجف.. طب تغضب ليه من ايه يا..
ليهتف بغضب.. هاه جولي جولي عشان لو جولتي ابن عمي هطربجها علي دماغك..
لتقول بخوف طب انت غضبان ليه دلوك..
كان لا يعرف ماذا يقول فعدم وجوددها وخدمتها لهم وجلستها لوحدها تاكل في طبق مثل الكلبه نهش قلبه من الداخل وكلام قادر جعله مشتعلا واخيرا خنوعها وبعدها وانزوائها بعيدا احرقه.. ليقول.. اسمعي من سكات تنزلي وتجعدي ويانا عالسفره فاهمه.مرتي تكون مكان ماكون ومش همررها تاني مره لو حصل .
لتهز رأسها بخوف فهيا لا تفهم شئ ولا لماذا يغضب من اساسه ليفتح الباب متعمدا فتحه صغيره وينتظرها لتهم وتمر من جنبه ولكنها احتكت به عن اخره لترتبك بشده ليغمض عينيه ويحس هو بفوران بداخله ليهتف دا هيبقي مرار لينزل ورائها كيف الاسد والفريسه لتدخل عليهم وتسلم علي الجد.. كيفك يا جدي..
ليهتف بسعاده منيح يا بتي.. ايه اللي اخرك حد يعمل وكل جامد اكده ويهمله..
كانت واقفه لا تعرف اين تجلس لياخذها عزيز من يدها ويجلسها ويجلس بجوارها وبدا يضع لها طبق ويضع فيه الطعام وبدات هيا تاكل بخجل كان الكل مستغرب من تلك الفتاه هل هيا ممسوسه كيف تغيرت هكذا كانت خجوله تحمر من اي كلمه رقيقه ناعمه تجلس كالنسمه كان الجد لا ينفك ينظر الي عزيز وهو يجلس وعينه علييها يلتفت لها ويضع لها الاكل كان سعيدا فولده به شئ غريب.
وكانت الحربايتين(اللي ما هيكسبو ولا يشوفو مكسب 😎😎) جميله وامها يأكلهم القهر من وجودها لتهتف زينات.. ايه يا عزيز ساكت يعني مش بعاده معلهش يا ولدي الجهر وحش برضك..(الاهي تنشلي يا بعيده 😔😔)
ليتسمر من كلاَمها ويشتعل فهو يعلم ما تقول ونظراتها لورد وتلقيحها بالكلام انغرز بداخله لتكمل بغل.. ولا يهمك يا ولدي انت كبير في الناحيه وحجك تفرح.. منهم لله اللي كانو السبب.. اهو حزن واتحط علينا عاد.. بس اجولك بكره تتهني بجوازتك عن حج مش اكده جوازه تخليص حج.(ادعي عليكي بايه وانت)
ليحس بالغضب.(عزيز نفسه يرشق في الحيطه وربنا 😁😁).. فكلاَمها اوجعه لانه هو من قاله وتلك الجميله جواره منكمشه لا تنطق.. اراد ان يخنق مرات عَمه فكانت تلمح لجوازه من جميله وكان يحترق ان ورد تسمع ذلك والجميع يؤكد علي ذلك وهومتضايق ولا يعرف لماذا لا يريدها ان تسمع هكذا كلام..(الا ليه حقه يا ولاد 😅😅اسكت يا لساني 😁😁😁) كانت لا ترفع راسها وهذا يقهره وهو يري ابنه عمه وامها يتغامزان ويضحَكان..
ليقول عابد كل واحد ياكل من سكات ماناجصينش رط..
ليشعر قادر ومريم بحرج ورد ويصعبا عليهما.. ليقول قادر.. منوره دارك يا ورد..
لتنظر بخجل وتبتسم.. وتهمس تسلم يا ود عمي..
كان احمرارها قد الهب قلب ذلك الذي يجلس عالنار فكانت جميله وابتسامتها لقادر اوجعته فهي لا تنظر اليه من اساسه ليحس انه اراد ان يخنقها.. ليصمت غصب عنه حتي لا يفتعل فضيحه..
لتهتف جميله بمياعه.. دارها مسم.. من امتي يا سي قادر ماعتش الا كده كمان..
لتكمل زينات بس بس بلا رط وحديت ماسخ ال دارها ال..
كانت َورد تغرز اصابعها في يدها وتشعر بالقهر..وعزيز يتقلي علي النار وينظر ليدها ويريد ان يحتضنهم بشده ولكنه جامد لا يتحرك..
ليهتف قادر ما جعل عزيز يريد ان يهجم عليه يقتله.. ومالك يا جميله دارها امال ايه اياك.. دا َورد ورده الدار.. ماتاخديش علي كلامهم يا ورد هما بيحبو يهظرو اكده.. داحنا نشيلك علي راسنا وجوات اعيونا كمان واللي ينطج ياكل حاله..
لتنظر اليه امه بغل فقادر طيب ورقيق النفس ولا يتحمل ظلم ابدا…الحمد لله ميفو ميفو
اما ذلك الذي يجلس بجوارها فهناك ولعه اصابته وقادر يرد عنها ويكف امه عنها وهو يجلس لا ينطق مما حرقه كانها تتبعه و لا تمت له بصله وهيا تبتسم لقادر بسمه امتنان ظاهره ليحترق عن اخره ويمد يده يحتضن يدها المنغرزه في نفسها لتنظر اليه مصعوقه ليرفعها ويحتضنها ويضعها علي الطربيزه ويشدد عليها ويهتف.. كل واحد يخليه في حاله ماحدش طلب من حد حديت.. وظل طول الوقت لا يترك يدها وهيا التي حاولت ان تشدها اكثر من مره و الجد يشعر بالسعاده فولده لا يفعل شئ هكذا ابدا فعزيز شخص جامد لا يتحرك و لا يتاثر ولكن تلك الرقيقه الهبت له قلبه دون اي تفاعل منها لينتهي طعامها ويبدا الجميع بالانصراف ويقوم عزيز ليجدها تجلس فقطب جبينه وما ان احست ان الكل انصرف فهمت ان تلم الطعام وتدخل به المطبخ ووقف قادر مبتسما ينظر اليها بحنيه مفرطه لييهتف.. استني يا ورد اجيب مريم تساعدك عاد يا بت عمي او اساعدك انا انت تعبتي كفايه اكده..
لتهمس.. كتر خيرك تسلم يا رب وتلهبه ابتسامه رقيقه..
ليهتف.. اتعب كيف والوكل يجنن كفايه يدك والله اللي اتمدت اكده ماكلناش حاجه جامده اكده واالله داحنا ماكناش عايشين عاد يا غاليه..
لتضحك ضحكه رقيقه وتهمس.. لاه كتير اكده.. من ذوجك يابن اعمي ربنا يخليك عاد وتعيش وتلاجي اللي يعملك الخير كلاته
ليهتف.حقه يا ورد اما الاجي كده دانا ابقي دخلت الجنه . (الواد باينه عبيط وماخدش باله من الغلايه الي هترشق في وشه😀😀)
كان عزيز يقف مقهورا والغليان طفح عن اخره لتلك الوصله من المحبه وهو الذي لم يري عينها بعد وتلهب ذلك الغبي ابتسامه دخلت لقلبه تمزقه فهيا تخصه فقط ولا يحق لها ان تبتسم لغيره وكلام قادر قد مس مشاعره لتعلو وتحترق ليصل بذلك الي قمه غضبه ليقترب منها ويمسكها بعنف ويشدها ويصعد بها الي حجرته كان قد جن من خنوعها وتصرفها اين تلك الفرسه الجامحه من تلك الميته التي اماََمه جن من ابتسامتها لقادر التي اوجعته وتنظر اليه كالاموات ليدخل وهيا معه ليدفعها بعنف ويقول… هو انا مش حذرتك تخلي بالك من تصرفاتك(فيه ايه يا واد ما تركز كده.. الغلايه هترشقك في الحيط تجيب اجلك 🤣🤣)
لتهتف بخوف وتجمعت الدموع بعينيها.. ليه عَملت ايه لحديتك ده…
ليصرخ.. عملتي خدامه يا مرت عزيز الجبالي.ووكل ايه اللي هتشليه كانو انشلو اياك عشان توجفي تشيلي ورانا.وماشيه توزعي ابتسامات لخلج الله ومبسوطه برط الحزين تحت..
لم تفهم جيدا لتهتف بهدوء.. طب زعلان اكده ليه.. اولا انا بعمل بلجمتي يا ابن عمي.. ثانيا انت بعضمه لسانك جولت اني ماهتسَملكش مره.. يبقي زعلان ليه بجه..وابتسامات ايه مش فاهمه عاد وحديت ايه .
ليقول مدهوشا ليحس ان صدره سينفجر منها.. تعملي بلجمتك هيا حوصلت يا بت الهلالي انا مرتي تعمل بلجَمتها.. داحنا بنوكلو الاغراب َما هنوكلكيش اياك.
لتتنهد وتقول.. .. بص يابن الناس َمش احنا اتفجنا امبارح علي كل حاجه وانك هتتجوز وهتهملني اهنه ولو حبيت تطلجني بعد سنه..
ليقترب منها ويشدها اليه لتلتصق. به لترتجف منه ليهتف منفعلا بعد ان احس بارتجافها.. .. انا ما إتفجتش علي حاجه واصل انت اللي جعدتي ترطي في الكلام كيف الممسوسه.. اسمعي يا بت الناس انت مرتي وماسمعش حديت تاني غير اكده..(ايوه انت مرته واحنا شاهدين والليله تشهد عالواد الحزين😀😀)
لتهتف… مرتك كيف امال اللي هتتجوزها دي هتبقي ايه..
ليصرخ.. استغفر الله العظيم يا بت الناس حد مسلطك عليا انا مش هتجوز كرهت صنف الحريم كلياته فاهمه مفيش غيرك دلوك.. فاهدي إكده وشغل الخدامين ده مايتعملش إهنه انت مرت عزيز الجبالي عايزه تساعدي براحتك انما جبر وغصب مش هيوحصل…الله اكبر.. ميفوميفو
لتقول.. هو اللي جولته امبارح كله انا بنفذه اهه وانت مجهور من الجوازه وانا هعيش اهنه ماهنطجش لان ماعادش ليا مكان اروحه يابن الناس وان كان عالخدَمه َماحدش خابر ان مرتك بتخدم وانا هجولش من اساسه فا ما تخافش علي سمعتك يا ابن عمي.. انا ما بعرفش اجعد اكده فريح حالك وكمل حياتك الله في سماه ما هضايجك واصل.. انا عارفه انك هتتجوز جميله يبقي خير البر عاجله واتجوز وماتنجهرش وماتكرهش صنف الحريم بسببي وماحدش هيجول علي مرتك خدامه ماتخافش..جَميله كيف الجمر والحاجه زينات بتجول انكو هتعجلو الجوازه عشان جهرتك دي انا ماليش ذنب يابن الناس ان جوازتك تخليص حج عشان التار فامتغضبش..(اديلو اقهريه واحنا مبسوطين.. عايزين دخانه يحيب مناخرنا 😀😀)
كان كلامها ينزل عليه كيف السم..ليقترب منها ويمسكها بعنف… تصدجي بالله انا عايز افلج دماغك نصين يا بت الهلالي..انت مالك بحديت الناس ومالك باي حد في البيت من اساسه..واتجوز واتهبب انت مالك عاد.. وحد كان اشتكالك من جهرتي تسمعي ليهم ليه. ليشدها يلصقها به وقلبه سيخرج من مكانه يريد ان يحتضنها بشده ويجعلها تعلم انه زوجته عن حق ليهتف… انت مرتي حطي دي في ادماغك زين.. مرت عزيز.. واللي اجوله تسمعيه ويتنفذ ومالكيش صالح برط حد واقترب منها اكثر لترتجف من قرب انفاسه ليهتف بعنف واخر مره اشوفك بتضحكي والا تبتسمي لحد اكون مطلع روحك بيدي واخر مره تجولي واد عمي والله همرر عيشتك انا عزيز راجلك افهمي ال انا خلاص جبت اخري وماهستحملش الحزن ده ودفعها وتركها ورحل.. ونزل مشتعلا ليدخل المطبخ ويامر فوزيه ان تعد صينيه محترمه وتطلعها لزوجته..فهي لم تأكل شئ بالاسفل وخرج يهرب من الدار باكملها.. فكلامها يضايقه وابتسامتها لقادر تشعله وتاكل قلبه ولكنه فعلا قال هذا الكلام فلماذا يغضب..انت غضبان ليه يا محروج انت مانت اللي جولت العفاشه دي راجع مجهور ليه.. وهيا ما صدجت عاد جافشه في الكلمتين ونازله رط وعيد وزيد.. ومرت عمي نازله حرق هيا وبتها الله يحرجهم اعمل ايه عاد جتتي بتحرجني اطفش اياك منيهم كلهم.. طب هيا ليه بقت اكده.. امبارح كانت فرسه مابتخافش كانت حاجه تانيه دي طلبت اني ابقي راجلها من غير خشا وعنيها في عيني دا وجفت جلبي امبارح.. امال مين البت اللي فوج دي.. هيا مالها بقت كيف الملاك اكده لا بتنطج ولا بتزعل كانها ميته… ماهو كلامك يا عزيز امبارح كان كله دبح واستحَملت اللي اتعمل فيها عشان تجول للعالم انها شريفه و بعدين راحت خلاص.. هيا اكده راحت خلاص .وتذكر ليلته معها وهيا في احضانه ليغمض عينيه ليشتعل عن اخره.. دا مرار طافح . بس انا مالي زعلان اكده.. دانا عزيز اللي جلبه كيف الصخر..وسي طين واد عمي ماله بيها يساعدها ليه بقي بيرط كيف النسوان اياك وهيا تبتسمله ليه عاد.. ليها عنده ايه تبتسمله اكده.. دا ما بتبصش في وشي اكونش جربه اياك.دانا العزيز اللي البنات بتترمي تحت رجله تجولي روح اتجوز ماهممهاش عاد.. طب ماتبصش ليا ليه طيب.. . يا حزنك يا عزيز بتهري لحالك البت جننتك.. لم حالك يا عزيز وهملها كيف ما بدها مش هبص انا لوحده ماهتعوزنيش. اني ماتعازش ازاي ده.. يا مرارك الليله هبلتك وانت نازل طحن في حالك وجتتك مش راضيه تسكت لاه و جالتها صراحه في وشك لاه والمسخره عايزاني اتجوز هو اني كت لحجت اتهبب واشبع لما اروح اطين علي دماغي.. اه جولت الزفت كله اعمل ايه عاد دلوك اني ههملها كيف ماتريد داني عزيز بلا مسخره ماعايزاش تبصلي حتي.. .. اما اروح اشوف حالي بدل ما َانجلط..( هنخليها تبصلك حاضر ولا تنجلطش ابدا احنا عندنا كام عزيز 😁😁😁 )
اما هيا فخافت بشده من جَملته.. لتهتف.. هيفلجني نصين ليه انا ماعملتش حاجة .. ليه اكده يابن الناس هتعملنا نعمات وصابر مره تانيه لتنزل دموعها لتسمع بعد فتره خبط عالباب لتقوم لتجد فوزيه تدخل بصنيه الاكل لتقول.. البيه امر بالوكل يا ست ورد اول ما تخلصي هطلع اخده. ميفوميفو
لتبتسم لها وتقول.. تسلمي يا خاله تعبتك.. وتنهدت هو بيعمل ليه اكده بس انا مش فاهمه حاجه..يطلعلي وكل ويمسك يدي جدامهم وعايزني ماخدمش انا مش فاهمه حاجه.. هو انجلب ليه اكده..
في دار جابر الهلالي كانت تجلس جليله والقهر ينهش قلبها وابنتها بدور تجلس تلعب في تليفونها وتراسل ذلك الشاب الذي تكلمه من غير حيا كانت علي علاقه وطيده به ولا يعلم احد بذلك لتقول جليله بغل.. شفتي يا بت اللي جرا امبارح شفتي وسَمعتي ضرب النار اللي كان مالي البلد كلياتها يا جهرتك يا جليله دانا جولت هيذلوها يجومو يعَملو اكده.. اطولها منين دلوك يعني هتجعد متهنيه عنديهم بعد ما كانت خدامه اهنه لاه انا لازمن اروح واشوف الا الجهره هتجطع جلبي…(اشوفك متجطعه عالاسفلت😎😎) استغفرك ربي.. ميفوميفو
لتهتف بدور انت مالك يا اماي شاغله حالك ما غارت في داهيه خلينا في حالنا..
لتنهض اخرسي يا بت انا ماهسيبهاش تتهني واصل وهتشوفي.. لتخرج من الحجره…
لتفتح بدور التليفون كانت تعرف شابا من البلد كانت علي علاقه به من ده لتقول.. كيفك يا بكري اتوحشتك كتير..
ليهتف الشاب.. وانا كَمان يا جلب بكري ونفسي اشوفك واملي عيني منك..
لتهتف مانا كنت معك اولت امبارح انت مابتزهجش..
ليقول.. ازهج من روحي يا بت عايزك مرتي وحلالي
لتهتف بفرحه.. الا صوح يا بكري عايز تتجوزني
ليهتف نفسي بس انا ماحدش هيوافج عليا دانا بشتغل اوجري عند الناس وانتو ناس عاليه جوي انا فين وانتو فين..
لتهتف لاه ماتجولش اكده دانت عندي الدنيا كلياتها يا جلبي
ليقول وهنستفاد ايه هنتجوز ازاي ماينفعش لازم ابعد يا بت الناس
لتصرخ لاه كيف ده دا انا اموت يا بكري..
ليقول طب تعالي اشوفك ونتكلم ونشوف حل نخليهم يجوزونا ايه موافجه..
لتهتف موافجه.. هجابلك اخر النهار يا جلبي.. وتقفل التلفون
ويبتسم هو ابتسامه خبيثه والا وهتحلو يا بكري وهتتنغنغ وتعيش في العز.. لازم تجيب بوزها يا بكري عشان تملكها َتجز منها فلوس كتير.. وذهب وهو يخطط للنيل منها.. ليشاء ربك ان تنستر من ليس لا ذنب وتنفضح اخري من جراء يديها..
كان الحاج جابر جالس بمفرده يتذكر ما فعلته ابنة ولده واحس بقهر السنين فهي من رفعت راسهم و رجعت لهم سمعتهم بعد ان كرس عابد الجبالي شباب الجباليه كلهم للتعبير عن فرحتهم بهذا الشرف.. احس انه تخلي عن حفيدته ليقهرها ولده الذي تمكن منه شيطانه ليدخل عليه وهدان وصابر ليقول.. جول للحريم يا وهدان يحضرو صباحيه كبيره تليج ببت الهلاليه.. انا عايز صباحيه اولتها دارنا واخرتها دار الجبالي فاهم يا وهدان عايز حاجات تشرف تكون جاهزه توصل نشرف بتنا اللي رفعت راسنا..
ليستجيب وهدان ويذهب ليقطب صابر جبينه ليه اكده كله انت بتبعزج فلوسنا علي الفاضي ليه يا ابوي عشان حاجه ماتسواش..(انت حلوف ليه كده يادي الجدع🙄🙄)
ليقوم جابر والغضب ياكله ويقترب من صابر ويرفع يده ويصفعه علي وجهه لينصعق صابر ليقول.. اخرس يا خلفه الشوم.. انت ايه يا اخي جبروتك دا جايبه منين.. كانت بت حرام اياك. دي لو كيف الكلبه كنت حنيت عليها.. انت ايه جايب الجساوه دي منين.. كات عملت ايه اياك.. بتنا رفعت راسنا وخدت حجنا واحنا كنا كيف النسوان.. انت ايه ما بتحسش ولا عندك دم ولا شفت تربيه َمن اساسه اتجوزت بت كيف الورده ومن غيرتك وجرفك وجسوتك طفشت من خلجتك وجرفك سنين ضرب وذل واهانه عشان مريض مابتعرفش تحب من اساسه ويوم ماطفشت عملت بتك كيف مرتك وكملت عليها وحبستها وذليتها ولما اتحدتو وهفلطو بالكلام العيبه عليها ما عملتش حاجه واصل سيبت البلد كلياتها تاكل وشنا ولا كانها بتك.. ويوم ماتتجوز يجي راجلها يهينها ويتبجح كاننا كلاب عبيد عنده سكت ولا نطجتش ويومها البت وجفت كيف الوحش دافعت عنك وعن شرفك يا اللي في وسط الرجاله ماتساويش.. بتك اللي موتها بيدك رجعت شرف عيله الهلالي بت صغيره كيف الملاك وجفت كيف الجطر وداست عالكل وبعدها لا عايزه تعرفنا ولا عايزه تبجي ليها حاجه لينا.. يا جادر يا كافر والله يا ريتني اتبريت منك ومن جرفك…الله اكبر.. ميفوميفو
ليهتف صابر والدمع في عينه كل ده يا بوي كل ده وتضربني عشانها…
ليصرخ جابر واجتلك يابن جابر والله في سماه لو ماتعدلت لكونك طاردك بره الدار ويمين بالله لكون كاتب كل الاراضي لبتك ورد عشان تبجي تتبجح جوي يا جليل الربايه.. وحط في حسابك انك هتروح وتنجط بتك نجطه مافيش بت في البلد خدتها هتديها ارض وفلوس عشان تبقي في وسط الجباليه ماحدش جدها ويلا غور من هنه ماشوفكش تدخل عليا المجعد مش طايجك بجرفك بخت ربنا كان خدك وريحني منيك..
ليخرج جابر والقهر يأكله وكيف انه اصبح لحاله مالوش اللي يقف َمعاه فخسر بنته ومرته والاخر خسر ابوه..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اشواك الورد)