روايات

رواية حب غير مقصود الفصل السادس عشر 16 بقلم منة

رواية حب غير مقصود الفصل السادس عشر 16 بقلم منة

رواية حب غير مقصود البارت السادس عشر

رواية حب غير مقصود الجزء السادس عشر

رواية حب غير مقصود الحلقة السادسة عشر

بعد ما اتفقنا ع ان خطوبة ياسر و دعاء.. و عادل وابتسام يوم الخميس.. مع كتب كتاب عمرو وشهد..
الكل بدا يجهز لليوم ده..
ثاني يوم اتفقوا الشباب ع القاعة وهتبقا قاعة مختلطه الشباب والبنات مع بعض عادي..
_______
عند شهد و دعاء..
دعاء قامت من النوم ع صوت رنت فونها وكانت شهد لسه نايمه.. دعاء مسكت الفون واتصدمت لما شافت الرقم…
الرنه خلصت ورجع رن تاني..
دعاء ردت : الووو
هاني : ايوه ي حبيبتي اخبارك ايه متعرفيش انتي وحشاني قد اي..

 

دعاء بعصبيه : اسكت خالص.. مش عايزه اسمع منك ولا كلمه بترن تاني ليه هااا؟؟ ما تسيبني ف حالي بقا مش انا رميتلك الدبله عايز اي تاني..
هاني : اسمعيني بس..
دعاء : اسكت يا كل. ب.. بتلعب ببنات الناس.. وهل بقا البنت اللي معاك عارفه انك خاطب ولا انت كمان ضاحك عليها المسكينه..
هاني : انا مضحكتش ع حد دي مراتي..
دعاء بصدمه : نعم؟!!!! مراتك؟! و دي بقا متجوزها قبل ما تتقدملي ولا بعد..
هاني : لا دي مراتي من زمان وانتي هتبقي مراتي بردو..
دعاء ضحكة بسخريه : هبقا مراتك.. هههههههه اي الثقه دي؟! طب بقولك اي انا بعزمك ع خطوبتي يوم الخميس وكتب الكتاب والفرح بعد الخطوبة باسبوعين و… متنسااش تجيب المدام معاك.
هاني اتعصب : مين الحي. وان اللي اتجرا وقربلك ده انا ادفنه مكانه وهو عايش..
دعاء بثقه : ياسر مش حي. وان ياسر ده زين الرجال..
هاني : اوعي تقولي ياسر ادهم حجازي!!!
دعاء بثقه : ايوه هو.

 

هاني بضحكه هزت كيان دعاء : ههههههههههههههه.. بقا ياسر ههههه زين الرجال هههههه.. ياسر اللي حاول يغت. صب بنت عمه.. بقا زين الرجال هههههه..
دعاء بصدمه من اللي سمعته صرخت : اسكتتتتتتت يا حي. وان ولا كلمه انا مش هسمحلك تقول عنه حاجه.. هو انت مفكر كل الشباب شياط. ين زيك..
هاني : ياسر ده ابليس عنده افكار الشي. طان مقدرش يفكر فيها.. اه اصل ياسر ده صاحبي.. كنا بنعمل كل حاجه مع بعض..
دعاء اتعصبت وقفلت الفون وقعدة تعيط بانهيار..
صحيت شهد بخضه : ف اي يابت مالك..
دعاء اترمت ف حضنها : هاني ياشهد.. هاني. وعيطت بزياده..
شهد طبطبت ع ضهرها : اهدي بس.. و اي اللي فكرك بالزفت ده مش كنا خلصنا منه..
دعاء قالت لشهد كل حاجه…
شهد : استغفر الله.. لا مستحيل ياسر يعمل كده.. لا لا.
دعاء : انا عارفه ان هاني بيوقع بينا انا و ياسر.. وانا مش هصدقه و هثق ف ياسر.. ياسر يستاهل كل الثقه..
شهد طبطبت ع ضهرها.. طب قومي اغسلي وشك وصلي..
دعاء ماشي يلا وانتي كمان.. وقاموا.
________

 

عند ايمن وعايده..
عايده مسكه باطنها بتعب ودموعها ع خدها وراحه جايه ف الاوضه بتعب..
قام ايمن وراح عليها بخوف : عايده مالك ف اي..
عايده : تعبانه اووي ي ايمن.. حاسه اني همو. ت..
ايمن حضنها بخوف : بس بس يا عايده متقوليش كده.. بصي البسي وانا هلبس ع السريع واخدك عند الدكتور.. و ريم ورحيم هيروحوا عند ماما يقعدوا معاها..
عايده هزت راسها بالموافقه و حاولت تلبس بتعب..
وبعد شوية وقت ايمن خلص لبس وجهز ريم ورحيم ومشوا..
______
هدى واقفه ف المطبخ بتجهز الفطار علشان ادهم هينزل الشغل.. جرس الباب رن..
هدى : يا عمرووو.. شوف مين ع الباب..
عمرو : حاضر
عمرو فتح الباب وشاف ايمن..
عمرو : ايمن.. خير ف حاجه ولا ايه.. تعالي ادخل..

 

ايمن : لا مفيش وقت خد ريم ورحيم قعدهم معاك.. وانا راجع هفوت عليهم اخدهم..
عمرو : ف اي ي ايمن..
ايمن : عايده تعبانه و هي مستنياني تحت هاخدها ع المستشفى.. متعرفش حد حاجه غير لما اشوف مالها علشان محدش يقلق..
عمرو : تمام.. ربنا يطمنك عليها..
ايمن نزل جري واخد عايده ع المستشفى..
_______
ف المستشفى..
كنت تابعت كذا حالة و مكنش ف حاجه اعملها روحت اقعد مع نجلاء وانا ماشيه ف الطرقه شوفت ايمن و هو شايل عايده.. قلبي وقع من الخوف..
جريت عليهم : اايمن.. استنى.
ايمن شافها ووقف : الحقي ي نسمه.. عايده اغمى عليها.. طول الطرق كانت بتقول انا بمو ت..
ندهت ع الدكتورة وبسرعة دخل ايمن وحط عايدة ع السرير و واقف جنبها و هيموت من الخوف..
الدكتورة اجت وكشفت عليها..

 

الدكتورة هي اكلت اي انهارده.. واخر مرة اكلت امتى اصلا..
ايمن : هي ماكلتش حاجه من امبارح حوالي الساعة 10..
الدكتورة : المدام حامل ف الشهر التامن و هنضطر نولدها.. لان ف خطر ع حياتها وحياة البيبي..
ايمن الخوف اتملك منه واتكلم بعصبيه : ي.. يعني اي خطر ع حياتها.. اومال انتي دكتورة ليه.. لزمتك اي..
روحت مسكت ايده : اهدى ي ايمن..
ايمن : اهدى اي.. دي بتقولك خطر ع حياتها..
الدكتورة : انا دلوقتي هفوقها و هعملها التحاليل و بعد كده هتولد.. بس قبل ما تدخل العمليات انا عايزاك تمضي ع ورقة بانك موافق ع عملية الولاده..
ايمن : انا موافق.. بس اهم حاجه مراتي تكون بخير..
الدكتورة : ان شاء الله..
اخدت ايمن علشان نشوف الورق اللي هيمضي عليه قبل دخول العمليه..
الدكتورة فوقت عايده..
عايدة : ااااااه مش قادرة هموت..

 

الدكتورة : مدام.. انتي هتدخلي العمليات تولدي انهارده.. بنتك هتنور حياتك..
عايدة بتعب : ب. بس ده مش ميعاد الولاده.. هي بنتي كويسه صح.. بنتي هتبقا ف حضني.
الدكتورة : ايوه بس انا عايزاكِ تبقي قوية وان شاء الله بنتك هتبقا ف حضنك..
عايدة ابتسمت بدموع : بنتي مستعجله تيجي..
الممرضة اجت وبدات تساعد الدكتورة وعملوا كل حاجه..
ايمن دخل لعايدة..
الدكتورة : و كده المدام جاهزة علشان تولد..
ايمن شال عايدة و نقلها ع الترول ولسه هتتحرك.. عايدة مسكت ايد ايمن واتكلمت بدموع : ايمن.. انا مش عارفه هدخل واخرج مع بنتي.. وبلعت ريقها بتعب وضغطت ع ايد ايمن.. مش عارفه هخرج مع بنتي.. ولا دي هتكون النهاية ليا.. بس انا كان نفسي اسميها رحمة اوعدني انك هتسميها رحمه 🥺
ايمن اتخنق و دمعة نزلت منه : عايدة بلاش توجعي قلبي عليكِ اكتر من كده انتي هتخرجي و هتربي عيالنا ف حضنك..
الدكتورة ونسمه واقفين و دموعهم نازله..
الدكتورة : متقلقش ي استاذ والله هي هتخرج وهتبقا تمام باذن الله..
واتحركت ودخلت عايدة اوضة العمليات..
_______
اتصلت ع ماما عرفتها.. واتصلت ع الاء اخت عايدة و عرفتهم ان عايدة بتولد.. والكل راح المستشفى بقلق..
وبعد حوالي ساعة و كان ايمن هيموت من القلق وكلام عايدة خوفه اكتر..
خرجت الممرضة و ف ايديها ملاك صغير..

 

جريت عليها..
الممرضة : دي الطفله..
ايمن : هي مراتي كويسة..
الممرضة : اطمن المدام كويسه وكمان الطفلة زي الفل بس هنضطر ناخدها الحضانه..
اتكلمت بخوف : ليه؟!
الممرضة : لان هي مولودة صغيرة.. هاخدها واول ما تبقا كويسة تقدروا تاخدوها معاكم البيت.. بس احب اطمنكم ان حالتها كويسة ف مش هتقعد كتير ف الحضانة..
ايمن راح شالها بين ايدية و اذن ف ودنها.. وقال نورتي حياتي ي احلى رحمة.. الممرضة اخدت رحمة الحضانة..
وعايدة راحت اوضة عادية.. و ف الوقت ده العيلة وصلت.. بس ريم ورحيم قعدوا ف البيت مع ابتسام..
___________بقلم/Princess Menna
ايمن دخل لعايدة.. وعايدة كانت نايمة وباين عليها التعب وملامحها باهته..
ايمن قرب عليها وباس راسها.. وبص ف عيونها بحب : تتربى ف حضنك يا ام رحمة يارب 🥺🥺
عايدة ابتسمت بدموع : شوفت رحمة ي ايمن..
ايمن : تشبهك اوي ي روحي..
عايدة : ايمن انا عايزة اشوفها..
ايمن للممرضة : هو ممكن تجيبي رحمة لامها تشوفها بس..

 

الممرضة : هروح اشوف الدكتورة.. لو وافقت هحيبها ع طول..
ايمن : تمام..
الكل دخل.. وانا روحت قعدة جنبها واطمنت عليها..
الكل اطمن عليها وباركوا ليها.. ودخلت الممرضة وهي شايلة رحمة بين ايديها.. عمرو كان واقف عند الباب وهو اول حد شالها وباسها من خدها : ماشاء الله دي صغيرة اوي..
قربت فاتن وشالتها : ماشاء الله.. بكرا تكبر وتبقا عروسة قمر..
هدى اخدتها : الله اكبر.. ربنا يحميكِ ي بنتي.. نورتي العيله..
اخدها ايمن وحطها ف حضن عايدة..
عايدة ابتسمت وقربت منها وكانها بتشم ريحيتها.. نورتي حياتي ي قلب ماما..
ايمن مسك ايد عايدة ومبتسم وبيحمد ربنا ان بنته و مراته بخير قدامه..
الممرضة اجت واخدت رحمة تاني.. وعايدة كانت زعلانه اوي.
هدى : معلش ي حبيبتي كلها كام يوم وتبقا ف حضنك لاخر العمر..
عايدة هزت راسها بدموع..
اجت الاء اخت عايدة وكانت شايله بنتها نورهان ع ايديها و راحت قربت حضنة عايدة وباسة راسها : حمدلله ع السلامة ي عيوني..

 

عايدة : الله يسلمك ي حبيبتي..
الاء : سميتي بنتك اي؟!
عايدة : رحمة..
الاء : ماشاء الله ربنا يحفظها ويبارك فيها و تتربي ف عزك انت واستاذ ايمن..
كلهم : امين… وبعد شوية الكل بدا يمشي و عايدة هتفضل يومين ف المستشفى وبعد كده تخرج.. ايمن مسابهاش خالص..
____
تاني يوم بالليل..
شريف رجع من الشركة تعبان حط المفتاح والفون ع التربيزه : نسمه.. يا نسمه.
و دخل الاوضة شافها واقفه قدام المرايا بتحط روج و سايبه شعرها مفرود ع ضهرها ولابسه فستان قصير باللون الكشمير و كانت تجنن..
شريف قرب عليها : بسم الله ماشاء الله.. اي الجمال ده ي نسمه.. براحة ع قلبي شوية..
نسمه بضحكه : بقيت بتجامل كتير اوي ي شريف..
شريف شدها ف حضنه من ضهرها وهمس ف ودنها : بصي كده ف المرايا هتلاقي قمر.. او الماس.. جوهرة بتلمع.. وباسها من خدها..
نسمه طلعت من حضنه ومسكت ايده : انا بحبك اوي ي شريف..
شريف قرب ليها اكتر : وانا بعشقك ي قلب شريف..

 

نسمه غمضت عينيها : شريف..
شريف بهمس : قلبه..
نسمه : شريف انا حامل..
شريف بعد عنها وبص ف عيونه : نسمه انتي بتقولي اي..
نسمه ابتسمت بكسوف : احم.. تعبت انهارده ف المستشفى و اكتشفت اني حامل..
شريف بفرحة شدها ف حضنها ولف بيها كتير : بحبك يا نسمه.. بحبك بحبك بحباااااك..
نسمه : وانا كمان بحبك..
شريف نزلها و قرب منها و… 🙈
_________________
تاني يوم..
شريف : نسمه بالله عليكِ بلاش مجهود.. وبلاش تجري ع السلم زي ما حصل قبل كده..
نسمه : حاضر والله ي حبيبي..
شريف مسك ايدها وحطها ف دراعه واخدها كالعادة يوصلها المستشفى بس المره دي مطلعش ع الشركه ع طول لا طلع معاها..

 

عند عايدة : والله يا ايمن معتش قادرة اقعد ف المستشفي اكتر من كده… بيتي واحشني و ولادي وحشوني اوي..
الدكتورة خبطت ودخلت..
عايدة : هو انا هخرج انهارده..
الدكتورة بابتسامه: زي ما تحبي.. بس الوقتي بقت حالتك احسن و كمان بنوتك يعني تقدروا ترجعوا تنوروا بيتكم..
عايدة : شكرا.. خلاص احنا هنرجع البيت انهارده..
الدكتورة : تمام..
هدى و ادهم و عمرو وطبعا نسمه و شريف راحوا لايمن.. وكانت هدى معاها الاكل..
عايدة بفرحة: هرجع انهاردة بيتي ي ماما.
هدى : والله البيت ملهوش طعم من غيرك ي بنتي..
نسمه بفرحة : بجد… ياااه اي اليوم اللي كله اخبار حلوة ده..
حازم : انتم عندكم اخبار حلوه.. طب قولوا..
شريف حاوط نسمه بدراعه : احب اقولكم ان نسمه حامل.
الكل فرح وبارك وايمن حضنها : ياااه هبقا خالوا.. الف مبروك ي قلبي..
نسمه : الله يبارك فيك ي حبيبي..
هدى بدموع فرحة : والله انا فرحتي مش سيعاني.. ربنا يفرحكم يا ولادي يارب..

 

كلهم : يارب..
نسمه استاذنتهم وراحت تشوف شغلها.. وشريف نزل الشركه..
وعايدة اخدت رحمة ومشيوا رجعوا البيت..
________
عند ابتسام..
ابتسام بتكلم دعاء ف الفون..
ابتسام : خليها بكرا علشان نسمة تيجي معانا..
دعاء : خلاص ي مزة اتفقنا.. هنروح نجيب الفساتين والحاجات الناقصه و نخرج كلنا مع بعض نتمشى..
ابتسام : بس الشباب قالوا انهم هيبقوا معانا..
دعاء : عادي.. ما هو ياسر يبقا اخوكي.. وشهد اختي.. وعمرو اخو نسمة و عادل هيمشي مع ياسر عادي..
ابتسام : خلاص هعرف بابا و نشوف هنعمل اي..
دعاء : ماشي.. سلام
_______
ف نفس اليوم بالليل..
نسمه نايمة و شريف اخدها ف حضنه وقاعد يخطط هيعمل اي ف المستقبل.. وهيسمى عياله اي..
شريف : لو ولد هسميه سيف..
نسمة بنعس : ان شاء الله بنت وهسميها بسمله..
شريف : ليه مش ولد ان شاء الله..

 

نسمه : انا مش بعترض.. كل اللي يجيبه ربنا حلو.. بس لو بنت هعرف ادلعها وهلبسها فساتين و كل حاجه انا نفسي اعملها..
شريف : امممم.. قولتيلي يعني عايزه تحققي احلامك ف عيالك..
نسمه : بالظبط كده..
شريف رفع حاجبه باستغراب 🤨: الا قوليلي انت ليه مقولتليش عايزه اجيب ولد ويكون شبهك و الكلام ده زي ما بيحصل ف الافلام و الروايات..
نسمه : علشان بحب البنات..
شريف حس بغيظ : نامي يا نسمه.. نامي ي حبيبتي..
___________
عند ايمن و عايدة..
ريم و رحيم ناموا.. لكن رحمة بتعيط..
عايدة قعدة ع السرير و مرجعه ضهرها لورا وشايله رحمة بتسكتها لكن مش بتسكت..
ايمن : ممكن تكون جعانه..
عايدة بتعب : لا شربتها لبن وحاولت معاها تاني لكن هي شبعت…
ايمن : يبقا عايزه تنام.. نيميها..
عايدة : هو انا مسكاها ما تنام.. ما انا بعمل اي بلعب معاها مثلا ما انا بنيمها..
ايمن : خلاص ي حبيبتي متتعصبيش.. هي بدات تهدى اهو الظاهر انها بتنام.
_______

 

تاني يوم..
منزلتش المستشفى علشان اروح مع ابتسام و دعاء وشهد يجيبوا الحاجات اللي ناقصاهم.. ونجيب الفساتين..
نزلنا كلنا و كانوا الشباب معانا حتى شريف اجى معانا..
اشترينا الفساتين بتاعتنا بالحجاب بتاعها.. وكانت الفساتين كلها واسعه ومش ضيقه اوي وساترة..
بعد ما جيبنا الفساتين روحنا جيبنا الحاجات الاخيرة اللي ناقصة ف الشقة وبعد لف حوالي 4 ساعات حسيت بالتعب..
: شريف
شريف : ايوه ي حبيبتي..
: انا تعبت و جعانه اوي..
شريف : تعالي كلنا ندخل ناكل ف مطعم هنا قريب بس مش عارف فين بالظبط بس اكيد عادل عارف…
وسالوا عادل وكان فعلا عارف المكان وراحوا هناك..
….
_________
ياسر : دعاء انا عايز اقولك حاجه مهمه انتي لازم تعرفيها ولكِ الحرية تكملي معايا او… لا
دعاء :…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مقصود)

اترك رد