رواية رحلة معرفة الحقيقة الفصل الثاني 2 بقلم زينب مجدي

رواية رحلة معرفة الحقيقة الفصل الثاني 2 بقلم زينب مجدي

رواية رحلة معرفة الحقيقة البارت الثاني

رواية رحلة معرفة الحقيقة الجزء الثاني

رواية رحلة معرفة الحقيقة الحلقة الثانية

ام جيهان…يعني خلاص عريسك سابك يوم فرحك يا جيهان
جيهان ببكاء …. أكيد لأ يا ماما حسن مش هيعمل فيا كده
أم جيهان…. أهو عمل يا أختي وفضحنا قدام الناس….المعازيم دلوقتي يقولو علينا إيه
الناس دلوقتي هتقول عليكي إنتي إيه…يخرب بيت الفستان إللي بوظ الفرح
جيهان….كفايه بقي يا ماما.. أنا تعبانه بجد… إن شاء الله هييجي
والدتها….هييجي امتي بقي ما هو مشي بقاله ساعتين ومرجعش
جيهان….بابا بيكلمه على التليفون وهيفهم منه هو راح فين
والدتها تحدث نفسها….طلعت عيل يا حسن .انا إللي قولت عليك راجل طلعت متعرفش حاجه عن الرجوله ..تحطنا في الموقف ده قدام الناس وتكسر فرحة البت
جيهان….يا ماما كفايه بقي
دق الباب فتحت والدة جيهان ووجدت حسن أمامها

 

 

 

والدة جيهان…. أخص عليك يا حسن ده موقف تحطنا فيه
حسن….. أنا آسف بس أنا مكنش ينفع مراتي تنزل كده قدام الناس وشاور بيده إلي الباب…دخلت منه فتاه تحمل في يدها فستان جميل
نظر إلي جيهان التي كانت تنظر له بدموع
حسن…..دي ميكب ارتست ومعاها فستان فرح يناسب المحجبات هه المحجبات..لفيت كتير أوي علشان أعرف اجبلك الفستان والميكب ارتست دي
أنا هنزل للمعازيم تحت ولما تخلصو يبقي رنو عليا أطلع
جيهان….حسن أنا أسفه
حسن….. للأسف يا جيهان حطينا في موقف وحش اوي انهارده..بس مش وقته الكلام ده نعدي الليلة وبعدين نتعاتب
نزل حسن إلي القاعه ونظرت جيهان إلي والدتها بفرحه
رجع اهه يا ماما وكمان جايبلي فستان تحفه علشان اقولك حسن مش ممكن يأذيني كده
والدتها….. أنا اعصابي ادمرت… الحمد لله…خلينا نعدي اليوم ده بقي..ادخلي البسي وأنا هناديلك اصحابك إللي إنتي طردتيهم دول… دلوقتي زعلانين منك
……………….. …………….. ……….

 

 

 

في منزل أيه
أيه بصدمه….. إللي أنا سمعته ده بجد أنا أمي قت لت أبويا
وكمان أمي لسه عايشه وأنا معرفش
أيه وهي تتحدث بذهول.وجنون
طيب قتلته ليه…عملها إيه هو علشان تقتله
يتمتني لييييييه….لو مش مستريحه معاه كانت أطلقت.. إنما تقتله إيه الجبروت ده….كان عملها إيه لكل ده
حد يرد عليا قولولي الحقيقة
زوجة خالها….. أهدي يا بنتي هتموتي نفسك
أيه…. أهدي…هو بعد إللي أنا بسمعه ده في هدوء
هي شيطان علشان تقتل جوزها…بس الشيطان حتي ميعملش كده قولي يا خالي قتلته ليه
وازاي متعدمتش وأنا كنت فين وازاي مش فاكره حاجه خالص كده
خالها…..اهدي يا بنتي .. أنا فضلت مخبي عليك طول عمرك بس دلوقتي خلاص عرفتي
أيه بإنهيار….احكيلي يا خال إيه إللي حصل

 

 

 

 

خالها…. محدش يا بنتي يعرف إيه إللي حصل… البلد كلها صحيت على صويت أهل ابوكي
إن ابوكي مات
جريت علشان أشوف إيه إللي حصل لجوز أختي لقيت الدكتور قال إن الوفاة مش طبيعيه ولازم يروح المستشفى يعرفو سبب الوفاة
نقلوه أهله وهناك عرفو إنه مات مسموم
طبعاً أمك اتقبض عليها من ساعتها كل حاجه ضدها…واليوم ده بالذات مخرجش من البيت ولا نزل لأمه ..كل الادله ضدها
أيه بإستنكار….. يعني أمي حطت لأبويا السم ..طيب مدفعتش حتي عن نفسها
خالها….. أمك من ساعتها وجالها صدمه وفاقده النطق وقاعدة في مصحه بعد ما عقلها ذهب
أيه.ببكاء…. إيه إللي أنا بسمعه ده…..كنت زعلانه من جوايا علشان أنا يتيمه….ياريتني فعلاً كنت يتيمه ولا عرفت إللي عرفته ده…ياريتني مت قبل ما اسمع الكلام ده
زوجة خالها….احتضنتها وقالت….اهدي يا أيه يا حبيبتي هو ده نصيبك يا بنتي
أيه….طيب ليه محدش قالي…ليه سيبتوني كده
خالها. بدموع.. .كان نفسي تعيشي حياة طبيعية يا بنتي وتتجوزي وتخلفي .. الماضي إنتي ملكيش يد فيه
أيه….وفين أهلي انتو قولتولي إني مليش أهل وطلع ليا أهل هما فين

 

 

 

خالها…..للأسف اهلك مش عايزينك يا أيه.وكانو هيموتوكي
أيه….. وأنا عملت ايه علشان يموتوني
خالها….. إنتي بنت إللي قتلت ابنهم ….لما المحكمه محكمتش عليها بالاعدام…قررو يا خدو تارهم مني أنا
أخوه خبطني بالعربيه ودي الحادثة إللي رجلي اتقطعت فيها
وبسببها بمشي بطرف صناعي
كانو مصرين يقتلوني بس خدتك وخدت مراتي وعيالي وهربت…ومرضتش اتهمه رغم إني شوفته وهو بيدخل فيا بالعربيه….وجدك وجدتك مرضيوش ييجو معايا قالو مش هنسيب بلادنا..بس أصروا إني اخدك معايا… علشان اهلك كان الغضب عاميهم وكانو هيأذوكي
قامت أيه وهي تردد بتوهان….يارب اكون بحلم..يارب يكون ده حلم مش حقيقة …. الكلام إللي بسمعه ده اكيد مش حقيقة يارب يكون مش حقيقة
دخلت خلفها زوجة خالها وقالت
إحنا لما بنكون تعبانين يا أيه بنلجأ لربنا قومي اتوضي وصلي
إللي حصل ده كله إنتي ملكيش يد فيه… إنتي الطرف الوحيد إللي اتظلم في الموضوع ده
أيه…..وابويا إللي مات مقتول متظلمش.وجدي وجدتي واعمامي إللي اتحرمو من ابنهم ما اتظلموش

 

 

 

إزاي ممكن حد يعمل كده… إزاي قدرت تحطله سم في الأكل…وليه أصلا…ليه تعمل كده
يتمتني منها لله…..كسرت قلبي وكسرت عيني وسط الناس منها لله
زوجة خالها……قومي صلي يا أيه وكفايه تفكير….التفكير هيجننك يا بنتي…..قولي فوضت امري ليك يارب
وهو وحده القادر إن يربط على قلبك بعد إللي سمعتيه ده
صلي ونامي جمب بنات خالك يارب يصلح حالك يا بنتي
……………….. ……………….. … ………….
عند حسن
كان يقف أمام جيهان ويتطلع عليها بفخر
شوفي كده إنتي قمر إزاي…الستر جميل
نزل حسن إلي القاعه برفقه جيهان….انفجرت القاعه بالتصفيق والتصفير
دخلو وسط الزفته وامامهم المعازيم يهنئون ويباركون
كانت جيهان سعيده جدا… طالما كانت تحلم بهذا اليوم…الذي يجمعها بحسن..فهي تراه الرجل المثالي في كل شئ. منذ أن تقدم لخطبتها وأصر على كتب الكتاب حتي يتمكن من الكلام معها.بصراحه ولا يغضب الله إن خانه لسانه في التعبير وهو يتحدث
بدأ الدجي بأنشوده
الله دا المولي حارسهم

 

 

 

الله يبارك فرحتهم
والله دا الفرح الليله جمع على الحب احبابهم
بينا يا حبايب بينا بينا
نغني ونصلي على نبينا
جيهان لحسن…..الله الفرح اسلامي…. إنت مقولتليش
حسن قولت اعملهالك مفاجأة
جيهان…. مفاجأة جميله
حسن….هنقعد شويه…. وإنتي هتقومي وسط البنات تهيصو وتفرحو براحتكم وأنا أقوم مع الشباب
جيهان…..والرقصه السلو
حسن….. لأ دي نرقصها في شقتنا براحتنا إنما قدام الشباب لأ يا جوجو ماشي
جيهان….. يعني مش هنقعد هنا تاني
حسن…..كل ما تتعبي روحي على الكوشه وأنا اجيلك نقعد شويه وتروحي تاني
رقص قدام الشباب لأ يا جيهان… وأنا معرف إللي بيصور الفرح إنه ميجيش الجنب بتاع الستات نهائي ..طول ما هما متجمعين على جمب
جيهان بابتسامة….حاضر…. أنا هقوم أروح عند اصحابي بقي

 

 

 

ذهبت جيهان إلي اتجاه السيدات والتف حولها البنات
وقضت جيهان أجمل اوقات في حياتها وعندما تشعر بالتعب تذهب إلى الكوشه ويأتي إليها حسن يقول لها النكات التي تضحكها بشده وعندما تشعر بالراحه تذهب إلي البنات مره أخري
انقضي هذا اليوم الذي بدأ بخوف وقلق وشد اعصاب….وانتهي بفرح وسعادة وسرور على الجميع
وذهب العروسان إلي عشهما الجميل يبدأو حياة جديدة على طاعة الله…ودعتهم والدة جيهان بالدموع..ووالدة حسن بالدموع
……………….. ………………… …………..
في منزل أيه
ظلت أيه طوال الليل تناجي ربها وتتمني ان يكون هذا حلما وتدعو الله أن يكون حلماً وينتهي…كما تشعر أن حياتها انتهت
وعندما أذن الفجر وصلت فرضها ذهبت الى خالها وقالت
لو سمحت يا خالي تقولي على مكان أهلي فين أنا قررت اروح لهم
خالها بفزع…..تروحي فين دا ممكن يقتلوكي
مرات خالها…..استهدي بالله يا بنتي إنتي عايزه تسيبينا وتمشي… إنتي بنتا يا أيه ومنقدرش نعيش من غيرك
أيه….ولا أنا والله اقدر أعيش من غيركم.. بس لازم اعرف أهلي مين وفين
أنا أسفه يا جماعه بس أنا قررت أعرف مين أهلي حتي ولو هيقتلو ني
رحلة معرفة الحقيقة…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رحلة معرفة الحقيقة)