رواية عشقتها منذ نعومة أظافرها الفصل السادس والثلاثون 36 بقلم مريم نصار
رواية عشقتها منذ نعومة أظافرها الفصل السادس والثلاثون 36 بقلم مريم نصار
رواية عشقتها منذ نعومة أظافرها البارت السادس والثلاثون
رواية عشقتها منذ نعومة أظافرها الجزء السادس والثلاثون
رواية عشقتها منذ نعومة أظافرها الحلقة السادسة والثلاثون
بسم الله نبدأ
نرمين : هشاام . هشاااام .
هشام : ها . اه . احم. معاكى . معاكى . يا.. اه يانرمين .
نرمين : بديق . قفلت الفيديو . وحطت الفون على الكومود . واتعدلت . ايه ياهشام روحت فين . بكلمك من بدرى . وانت كأنك فى عالم تانى . وايه يا .. ياا . دي انت نسيت اسمى بالسرعه دى . في ايه يا هشام .
هشام : اخد نفس عميق . واتنهد . وبيحاول يسيطر على دقات قلبه . احم . انا فعلا مش مركز . وكمان كنت فى عالم تانى .
نرمين : ادايقت . وحست انها اتسرعت وخسرت نفسها . طبعا لازم تحس كدا . لانها عامله حاجه غلط . وقالت . مش مركز . اه طيب يا استاذ هشام . وجت تقوم من جمبه .
هشام : شدها لحضنه . ايه يانرمين رايحه فين . احنا هنبدء احنا لسه فى أول يوم جواز . وايه يااستاذ دى .
نرمين : لا انا هسيبك في العالم التانى الل انت كنت عايش فيه ومش مركز معايا .
هشام : باسها من كتفها . مينفعش تسبينى . لانك كنتىى معايه فى العالم ده ..( وسرح بيها). عارفه . انا لما اتفرجت على الفيديو . تخيلت نفسي انا وانتى فى الفرح وانتى بالفستان الابيض . وبغنيلك وانتى تغنيلى . ونرقص مع بعض طول الوقت . وهمس فى ودنها وبيقرب منها اكتر . ونرمين سرحت مع أفكاره وتاهت فى همساته. وهو بيقول. واشيلك قدام كل الناس وأجرى بيكى على بيتنا . واشيلك واطلعك لحد هنا . واقلعك الطرحه والفستان بايدى واشيلك على السرير واعمل فيكى كدا . وقرب منها تانى .
.. لكن قلبه فى مكان تانى خالص . وبعد فتره . نرمين. فى حضنه بتكون مبسوطه .. لكن جواها حاجه مخوفاها . هشام واخد نرمين فى حضنه لكن عقله شغال وبيفكر فى رينو . وازاى يقابلها . وازاى يشوفها . واتكلم مع نرمين وجرجرها فى الكلام وعرف عن رينو شويه معلومات . وفاقو الاتنين على اتصال ام نرمين . ونرمين قامت بخضه . وكانها ناسيه انها عندها ام واخ اصغر منها . وقالت ل هشام ينهار اسود ماما بتتصل.
هشام : اهدي يانرمين . انتى معايا . وبكره الكل هيعرف . ردى عليها وانا مش هعمل صوت .
نرمين : بلعت ريقها بصعوبه . وردت . وكلمت امها . وقالتلها انها فى المستشفى . وهتروح بليل . وقفلت . هشام انا هدخل هاخد شاور لانى اتاخرت جدا على شغلى . هتوصلنى !؟ .
هشام :طبعا ياروحي . انتى تشاورى بس .
نرمين : جواها خايفه وجت تتحرك . هشام لوسمحتى ياحبيبتى ممكن تفتحيلى فونك . اتفرج على الفرح . علشان اشوف افكار جديده محدش عملها .
نرمين : ابتسمت بتكليف . ايوه طبعا . وفتحته . وقالتله ده البسوررد .
هشام : باس أيدها شكرا ياقلبى . ادخلى خدى شاور وانا هستناكى . بس ياريت متتاخريش علشان بتوحشينى .
نرمين : هزت راسها ودخلت تاخد شاور .
هشام : بسرعه فتح فونه . وحمل كل صور رينو . وفيديوهات صوتها . وكمان . دور على رقم فونها . واخدو وسيڤه عندو باسم مستعار .وقفل فونه . وجاب صوره ل رينو بيتأمل فيها . ورجع راسه لورا . انا مش عارف انتى عملتى فيا ايه . هو فى جمال كدا . انا حقيقى مستعد انى ابيع الدنيا واشتريكى انتى يارينو.
زياد خرج من الحمام . ورايح على الليفنح . لكن شم ريحة غاز . واستغرب . وفتح عينيه على الاخر . وراح على المطبخ . واتصدم شاف ماليكه واقعه على الارض . وفى ريحه غاز .
زياد : اتخض .. مااااليكه . وجرى عليها . وقفل صمام الغاز . وشال ماليكه بخوف . ودخل بيها الاوضه ونيمها على السرير . وقعد جنبها ماليكه. ماليكه ردى عليا . زياد برعب حقيقى . ومش عارف يعمل ايه بيخبط على خدها براحه . ومفيش فايده .وافتكر أن فى مستشفى قريبه جدا من البيت . قام بسرعه لبسها الاسدال بسرعه . وشالها ونزل وراح بيها على المستشفى .وكان خايف .
الدكتوره : كشفت على ماليكه . وفوقتها . الف مبروك يامدام انتى حامل .
مليكه : استوعبت بسرعه . وعيطت من الفرحه . وشكرت ربنا بقلبها .
الدكتوره : لازم تهتمى ب اكلك . وكمان متشليش حاجه تقيله . ومتعمليش مجهود كبير . عن اذنك انا خارجه . وانتى ظبطى نفسك . واتفضلي . دى روشته بالعلاج المطلوب .
مليكه : بدموع وفرحه . ممكن حضرتك . تبلغى جوزى الخبر ده هو واقف بره . ياريت تفرحيه . انا هظبط لبسى وطالعه وراكى .
الدكتوره : مفيش مشكله والف مبروك .
وخرجت .
الدكتوره . خرجت مبتسمه ووقفت قدام زياد مفيش خطوطين. . الف مبروك المدام حامل في شهرين .
زياد : حاسس انه مسمعش كويس أو الكلام ده لحد تانى . وبص حواليه .. وقالها . مين حامل .
الدكتوره : المدام الل حضرتك جبتها . هو انت مش جوزها !؟
زياد : بدهشه . انتى قصدك أن ماليكه مراتى انا حامل .
الدكتوره : ابتسمت . واضح ان حضرتك مصدوم . واظاهر انكم بقالكم سنين متجوزين مش كدا .!؟
زياد : ببلاها . ايوه احنا متجوزين من ٣شهور .
الدكتوره : اتصدمت . وضحكت . بصوت عالى من شكل زياد . مع خروج ماليكه الل شافت شكل الدكتوره . وهي بتضحك وكمان اتصدمت لما سمعت الدكتوره بتقوله انت مش معقول حضرتك .وضحكت تانى .وبصت على زياد الل فاتح بوقه بضحكه . مليكه نسيت خبر حملها وشاطط . وقربت منهم . ماتضحكونى معاكم .
زياد : بص لماليكه . ولسه هيحضنها بفرحه ويقولها مبروك . لكن فى ثوانى اتحركت . ومشيت من قدامه.
زياد : بدهشه . ومش فاهم .
الدكتوره : احم انا اسفه جدا . انا ضحكت غصب عني . واكيد مرات حضرتك فهمت غلط .
زياد : بص للدكتوره . يعنى ايه مش فاهم .
الدكتوره : مرات حضرتك خرجت من الاوضه وشافتنى واقفه بضحك مع حضرتك اكيد ده دايقها وحست بالغيره . وده سبب رد فعلها انها مشيت .
زياد : عينه على ماليكه الل ماشيه فى الطرقه متنرفزه . وابتسم ماليكه غيرانه عليا انا . وفتح عينيه .ماليكه مراتى حامل . وجري من قدام الدكتوره . مليكه. ماليكه . وحصلها وهو بيجرى . اقفى استنى ياحبيبتى .
مليكه : ماشيه فى وشها وندمت انها مجبتش الدكتوره دى من شعرها . ومتغاظه من زياد الل كان واقف بيضحك . وسمعته بينادى سرعت خطواتها اكتر ومردتش عليه .
زياد : لحقها ومسك ايديها. وبياخد نفسه . استنى . استنى . ايه ماشيه فى وشك كدا .
مليكه : بغيظ . نعم عايز ايه . وبتنادى ليه . روح كمل كلامك مع ال …. ومعرفتش تشتم تقول ايه سكتت بغيظ ونرفزه .
زياد : قلبه بيرقص . اكمل كلام مع مين بس الدكتوره دى ست محترمه هي بس…
ماليكه : اتنفست بغيظ . محترمه . طيب ياحبيبى روح للمحترمه بتاعتك عن اذنك علشان مولعش فيك وفيها . واتحركت خطوه .
زياد : شالها من غير مقدمات . وهي اتخضت . نزلنى لوسمحت احنا فى مكان عام .
زياد : بحب . مبروك يامليكت قلبى .
ماليكا : ضعفت بسرعه . يسلام . مبروك .
زياد : ماشى بيها . طبعا والف مليون مبروك كمان . جواكى حته منى ومنك . جواكى حب ٢٤ سنه يامليكتى .
ماليكا : نسيت العالم . وانت كمان مبروك يازيزو . انا مبسوطه اوى .
زياد : نزلها وركبت جمبه فى العربيه وهو ركب ولسه متحركش . انا عايزك على طول مبسوطه . انا الل مش مصدق نفسي .
مليكه : افتكرت . ااه طبعا وهتصدق ليه . هو انت فاضى . ماانت مشغول مع الدكتورة وقلدتها . اهاهاههه انت مش معقول حضرتك . وقحاه وقلة ادب .
زياد : لما شاف شكل ماليكه وهي بتقلدها . انفجر ضحك . هههههههههههه. صدقى ضحكتها كدا بالظبط هههههههه .
مليكه : اتغاظت . انت بتضحك على ايه يازياد . انت كمان واقف قدامها مزبهل ومتنح .
زياد : ياروحي والله انتى فهمتى غلط وانا مزبهل ليه بس . بصى الدكتوره خرجت وقالتلى وش كدا من غير مقدمات . مبروك المدام حامل في شهرين . انا فكرتها بتقول لحد تانى وبصيت حواليا مفيش حد . قولتلها مين حامل !؟ قالتلى المدام الل جوه انت مش جوزها !؟ قولتلها ايوه وانا من فرحتى معرفتش اقول ايه قولتلها مراتى انا حامل !؟ الدكتوره فكرت اننا متجوزين من زمان جدا . وسالتنى انتو متجوزين من سنين . وانا مش مركز معاها بفكر فيكى . رديت عليها قولتلها ايوه متجوزين من ٣شهور . بس ده الل حصل .
ماليكا : هههههههههههه .
زياد : هههههههههههه اهو شوفتى انتى كمان ضحكتى .
مليكه : كشرت . وانت بتضحك ليه دلوقتي . ماتتفضل تروح تضحك معاها .
زياد : مسك ايدها وباسها . لا ضحكتها مش حلوه . انا عجبانى ضحكت مليكتى حبيت زياد وبس .
مليكه : اتكسفت . وغمضت عينيها .بفرحه . انا حامل يازياد .
زياد : قلبه دق . تصدقى لو قلتلك انها منك ليها طعم تانى . وفرحه تانيه . الف مبروك ياحبيبتى . انا اكتر واحد محظوظ في الدنيا دى . ربنا يخليكي ليا يارب .
ماليكا : شهقت . ينهار اسود .
زياد : اتخض . ايه يامليكا بتعملى كدا ليه خضتينى .
ماليكا : القهوه . والغاز . القهوه كانت النار ..ينهار مش فايت . البيت هيولع يازياد .
زياد : اتنهد . اووف ياماليكه خضتنى والله حرام عليكي بجد . انا قفلت صمام الغاز متقلقيش .
مليكه : اتنهدت . الحمد لله . وبعدها ابتسمت . لما مامى وبابى يعرفو هيفرحو اوى .
زياد : تحبى تقوليلهم بنفسك .
ماليكا : نروح على البيت وهتصل عليهم وكمان ماما هدى وبابا حسام .
زياد : وليه تتصلى تعالى نروحلهم .
مليكه : بصت عليها وعليه . كدا بالشكل ده انت بالشورت وتيشرت بيتى . وانا بالاسدال.
زياد : ومالو . تعالى . تعالى حسى الفرحه من العيله وشوفيها بعنيكى . وانسى اللبس والشكليات . ها موافقه .
ماليكا : اممم موافقه .
زياد اتحرك بالعربيه . وراح على هدى وحسام الاول وعرفهم وكانو طايرين من الفرحه . وهدي عيطت . وصممت أن ماليكه طول فترة الحمل متعملش اكل ولا تتعب نفسها . وماليكا فعلا شافت الفرحه وحستها . وبعد كدا راحت عند جاسر وعرفو . وجاسر وملك فرحو بطريقه غير عاديه وان عيلتهم هتكبر . وملك طلبت من زياد أن ماليكه تقضى معاها اول فترة الحمل . لكن زياد رفض . واتفقو فى الآخر انهم هيهتمو ب مليكه بأنهم يبعتو الغدا كل يوم . وملك هتبعتلها بنت تنضفلها الشقه على طول . وجاسر . قدم ظرف ل ماليكه هديه . بيعبر فيها عن فرحتهم . وماليكا . قلبها فرح وكانت سعادتها مضاعفه بفرحة العيله . وطلبت من زياد انها عيزا تفرح خالها آدم وكمان مريم . وتشوف رد فعلهم بنفسها . وزياد أخدها . وراح عند آدم . ومريم لبست النقاب ونزلت . وآدم منتظر هيقولو ايه .والكل اتجمع تحت وزياد قال لماليكه قولى انتى الخبر . وماليكا قالتلهم بحرج . انا حامل . وشافت الفرحه الل بجد رينو سقفت واتنطتط . وكمان ريتال ضحكت بفرحه . وفريحه . سقفت وفرحت . ونور قربت عليها بسرعه حضنتها وباركتلها . وزين حضن زياد وبارك ليه ولماليكه . وآدم فتح ايديه ل زياد وقاله رفعت راسى يابطل . وحضنه وضحك وبارك ليه . وراح على ماليكه وحضنها بحب ومسد على حجابها . ومريم الل حضنت ماليكا بفرحه وسعاده . ودعت ليها أن الحمل يتم على خير . وشافت بجد أن الكل فرحان . وانها مش ندمانه انها سمعت كلام زياد . لانها حست الفرحه ولمستها . اكتر . وتخيلت انها هتبقى ام اخيرا . وقعدو شويه عند آدم . واتصلو على مالك الل فى المستشفى مع ساره . وفرح بالخبر . وبارك ليهم وقالها انه خارج من المستشفى مع ساره كمان يومين . وبعد كدا استاذنو من عند آدم وروحو . واتصلو على رنا وطارق وشيرين وعمتها هنا والكل فعلا كان مبسوط ل ماليكه . وقامت اتوضت وصلت ركعتين شكر لله .على الفرحه والخبر الحلو ده . وزياد كمان صلى . وشال مليكه نيمها على السرير .وقعد جنبها وباس بطنها . ونام واخدها فى حضنه واتكلمو مع بعض بخصوص الحمل والامنيات الل بيتمنوها فى المستقبل لحد مانامو .
——————–بقلمى Mariem Nasar
فارس قاعد على السرير وفاتح اللاب توب وشغال عليه . وخلص شغل حاليا . وقفل اللاب .وقام وخارج وراح يقعد فى الليفنج . لكن شم ريحه شياط وحاجه بتتحرق . واستغرب وراح على المطبخ . واتخض من الدخان .وشاف رودي واقفه خايفه . وجرى بسرعه وقفل البتوجاز . وشغل شفاط المطبخ. وفتح شباك المطبخ علشان الدخان . واخد نفس عميق بنفاذ صبر . وحط ايديه فى وسطه . وصك على اسنانه . وقال ل رودي . ممكن اعرف ايه الل انتى هببتيه ده .
رودي : اتنهدت باريحيه .وحطت أيدها على قلبها . اوووف الحمدلله .جيت فى وقتك .
فارس : مسح وشه بايديه . انا بسألك ايه الل انتى كنتى بتهببيه .
رودي : احم. ابدا زى ما انت شايف تجربه وفشلت .
فارس : بدهشه . تجربه وفشلت . انتى كان ممكن يجرالك حاجه . انتى كنتى هتولعى فينا . انتى كنتى ممكن تولعى في العماره كلها . وتقولى تجربه وفشلت . وبغيظ مكبت انتى كنتى بتعملى ايه . وايه الصوابع السودا الل فى الطاسه دى .
رودي : ههههه دى بطاطس . يلهوى . بطاطس بلاك ههههههههه.
فارس : مصدوم من رودي . انتى بتضحكى . وبطاطس ايه دى . متتكلمى انا عايز اعرف . وبعدين احنا اتعشينا من ساعه . ايه ده بقى .!؟
رودي : خافت من شكل فارس . احم حاضر انا هاقولك . بس بليز متزعقش اوكى .
فارس : بنفاذ صبر ضغط على شفايفه . اوكى .
رودي : انا بعد العشا . سبتك تشتغل وتركز . اتصلت على رينو . واتكلمنا مع بعض علشان النتيجه كمان اسبوع . ومتوترين . ولما قفلت معاها . فتحت التليفزيون . وكان فى فيلم اكشن حلو اوى .. وانا بتفرج . حسيت انى جعانه . قولت اكيد ده من التوتر . اصل انت متعرفش لما بتوتر باكل قد ايه . ولقيت نفسي جت على البطاطس . قومت اتصلت على رينو تانى وسألتها . قالتلى على الطريقه . وحاولت وضحكت ببلاها . وقشرتها وخليت كل صوباع زى التانى بالظبط . بس اخد منى وقت قولت بكره اتعلم . وحطيت الطاسه وفيها زيت على النار . وحطيت البطاطس . وبلعت ريقها بخوف . احم وخرجت اكمل الفيلم ونسيتها . وبعدها زى ما انت شايف كدا .
فارس : بصدمه . سبتى الاكل على النار ورحتى تتفرجي على الفيلم . وزعق انتى ايه الإهمال الل انتى فيه ده يارودى .
رودي : اعاااااا . اعاااااااا . انت بتزعقلى يفارس . اعاااااا.
فارس : فتح عينيه على الاخر . بتعيط ليه دى .انتى يابنتى هو انا كلمتك . انتى بتعيطى ليه .
رودي : اعاااا علشان انت بتزعقلى . وكمان خايف على البطاطس اكتر منى . ده بدال متقول كويس أن رودي مجرلهاش حاجه اعاااااا انا كنت هتحرق اعاااااااا . وانت بتزعق اعااااااا. فكرتك هتخاف عليا اعااااااا
فارس : بس خلاص بطلى واقفلى بوقك ده . ووطي صوتك .
رودي : اعاااااا كمان عياطى مش فارق معاك يفارس . . فارس مبقاش بيحبنى . انا ست بيت فاشله اعاااااااا . وسابته وراحت على الاوضه .
فارس : اتنهد وهز راسه. غبيه اومال انا كنت مرعوب على مين يعنى . واتحرك قفل الشباك وراحلها . وكانت قاعده على السرير وزعلانه .وراح قعد جمبها . ممكن اعرف ايه تفكيرك ده . وازاى تخيلتى انى مخفتش عليكى .
رودي : ايوه انت مكنتش خايف عليا . انا دخلت المطبخ . وشوفت الدخان ومكنتش عارفه اقفل البتوجاز . وكنت لسه هنادى عليك . وانت جيت فكرتك بعد كده هتاخدى في حضنك وتقولى انتى كويسه جرالك حاجه .
فارس : اخد راسها على صدره . والله يارودى انتى عبيطه. انا فعلا اترعبت عليكى . وخوفت جدا عليكى . ومن خوفى عليكى وانك ممكن تاذى نفسك زعقتلك . حبيبتي انا بجد والله خايف عليكي يارودي . انتى مش مصدقانى .
رودي : خلاص مصدقاك . بس متزعقليش تانى . انا اصلا مدايقه .
فارس : مدايقه من ايه .
رودي : كان فى بطاطسايه هموت عليها . هههههههه .
فارس : مجنونه والله . بصى ياحبيبتي . لو عايزه حاجه بعد كدا قوليلى وانا هتصرف . او ممكن نعملها مع بعض . لان الل انتى عملتيه ده غلط . علشان لاقدر الله كان ممكن يحصل اسوأ من كدا . المفروض هتعملى اكله سريعه زى كدا تفضلى واقفه فى المطبخ لحد ماتخلص . علشان نتجنب اى ضرر يحصل . رودي انا مش متخيل حياتى من غير المجنونه بتاعتى .
رودي : فكرت في كلامه . اممم . فعلا عندك حق . انا بعد كده هخلى بالى اكتر . لانى كمان مش عايزه اشوفك زعلان منى .
فارس : باس خدها . انا عمرى مازعل من مجنوتنى حبيبتى .
رودي : تسلم يانجم ربنا يخليك .
فارس : بدهشه . نجم . يابت انتى بتجيبى الكلام ده منين .
رودي : من كارفور هههههههههههه. اضحك يارايق .
فارس : هههههه . يخربيت ريأكشناتك ياشيخه .
رودي : اقولك نكته .
فارس : اممم قولى .
رودي : بيقولك مره مهندس كمبيوتر ابنه زعقله . فقاله مشاء الله كيبورد وبقيت تعلى صوتك عليا .نيهاااها .
فارس : مضحكش .. خلصتى !؟
رودي : والله حلوه بس انت الل كئيب . طب اسمع دى . بيقولك .مره اتنين كفار واحد تاب والتانى ايفون . هههههههههههه حلوه . والله حلوه .
فارس : شاف ريأكشانتها . هههههههههههه . والله مجنونه .
رودي : غمزتله . مجنونه بس عسل .
فارس : قرب منها . مجنونه بس بعشقك .
ردوى : قربت منه . مجنونه وبعشق التراب الل بتمشى عليه يافارس . وسكتت شهرزاد عن الكلام الغير مباح .
عدي يومين .
في المستشفى . مالك بيخلص الإجراءات علشان ساره هتخرج . اخيرا . وطلع وراح الاوضه وشافها واقفه بتبص من الشباك . ومربعه ايديها وسرحانه .
مالك : حبيبتي .
ساره : انتبهت . ها . بتقول حاجه ..
مالك : انا بكلمك من بدرى وانتى سرحانه فى عالم تاني .
ساره : اتنهدت . وبصت قدامها . ابدا . سرحانه فى الدنيا .
مالك : مالها بس الدنيا .
ساره : غداره يامالك . بنحارب بعض على حجات زايله . بنقتل فى بعض على حجات كتير وتافهه . تصور يامالك ممكن الام تبيع بنتها مقابل المال . تخيل اب ممكن يغتصب بنته . تخيل . اخ انه يتخيل أخته مكان مراته . تخيل عم يسرق ولاد اخوه . تخيل بنت تحط راس أهلها فى الطين لمجرد أنها صدقت أن واحد وعدها بالجواز . تخيل الاخوات يدمرو بعض ويكرهو بعض علشان الورث . تخيل الولد يدمر سمعت بنت لمجرد ليله واحده . تخيل الخال يرمي عيال أخته وميسالش . تخيل الجار يغتصب بنت جاره الل متمتش سنه . تخيل البلطجه . وأنك لما تدافع عن شرف بنت انك تتقتل . وحقك يدفن معاك . تخيل انك تكون نايم في حضن مراتك وعيالك . وفجأة تلاقى نفسك فى مكان تحت الارض ومش عارف انت فين ولا ايه الل حصل .تخيل الراجل يبقى شغال وشقيان ومسافر واتغرب علشان يوفر الراحه لمراته وعياله . وهي تخونه مع راجل تانى. تخيل أن فى شباب بتهون عليها نفسها وتشرب مخدرات علشان بس ينسو مشاكل الحياه وبعدها يكتشف أنه بيدمر نفسه . تخيل الست تبقى وفيه لجوزها وتدفن شبابها وجمالها وتشقى وتتعب معاه وتبقى فى ضهره وهو يخونها مع غيرها . تخيل الصاحب يخون صاحب عمرو علشان خاطر بنت . تخيل أن الأم تبقى نايمه في امان الله وتصحي على صوت الباب وتفتح تلاقى زميل ابنها بيقولها البقاء لله ابنك مات شهيد . تخيل كمية حروب وكمية اجرام وقتل علشان دنيا .
ودمعه نزلت منها تخيل أن فى واحده هتدفع تمن غلط هي مرتكبتوش . تخيل انك تكون طفل صغير وحابب الدنيا ونفسك تكبر بسرعه . وفجاءه تتحول حياتك لجحيم لمجرد انك ابن لام واب ميعرفوش ربنا . وعيطت وبصتله وكل ده ليه!؟ علشان دنيا !؟ دنيا زايله . جايين فيها ضيوف سنه . سنتين . أو ١٠٠ سنه وفى الاخر هتزول . هنستفاد ايه ممكن تقولى . ممكن اعرف ليه الدنيا غداره كدا . ممكن اعرف ليه كل الحقد والغل ده . وبصت فى عينيه ممكن تفسرلى يعنى ايه أم تعرى بنتها لراجل غريب . عايزه افهم ايه الدنيا دى وعيطت .
صوت من وراها . علشان الدنيا دى دنيئه ولا تساوى عند الله جناح بعوضه . وملعونه بكل ما فيها . ماعدا زكر الله وعالم .
مالك وساره لفو . يشوفو مين . وكان آدم ومريم . الل اتكلمت . انا اسفه سمعنا كلامك بالصدفه .
ساره مسحت دموعها بشبح ابتسامه.
مالك : اهلا ياخالو . اهلا ياخالتو .
آدم ومريم دخلو وسلمو على مالك وساره . ومريم قعدت واخدت ساره تقعد جمبها . وآدم ومالك قعدو جمب بعض .
آدم : احم عامله ايه دلوقت يا ساره .
ساره : هزت راسها . الحمد لله .وحضرتك عامل ايه .
آدم : حضرتي كويس . وياريت بلاش حضرتك دى . قوليلى يا آدم عادى . انا مش عارف العيال دى ليه مصممه اننا كبرنا . بزمتك يساره مش الل يشوفنى انا ومريم يقول علينا لسه عصافير وفى الجامعه كمان .
ساره : ابتمست . فعلا حضرتك انا اول مره شوفتكم فيها فكرت انكم مخطوبين .
آدم : ههههه شوفتى بقى ينفع تقولى حضرتك والكلام ده لجوز كناريا مخطوبين . وهقولك تانى بلاش حضرتك . انتى زى نور ورينو بنتى بالظبط .
ساره : ابتسمت برعشه . وسكتت .
مالك : بردو ياخالو حضرتك جيت وتعبت نفسك . انا قولتلك فى الفون اننا هنخرج كمان ساعه.
آدم : ايوه طبعا لازم اجي .ومفيش تعب ولا حاجه احنا عندنا كام ساره .
ساره : حست انها صعبان عليها نفسها . ودمعه نزلت منها .
مريم : مسحت ل ساره دموعها . حبيبتي . كفايه دموع . واتفائلى أن الل جاى خير . والدنيا زى ما فيها الوحش فيها الحلو . فيها ام بتضحى علشان ولادها . فيها اب يفدى أهل بيته بروحه . فيها عم بيربى عيال اخوه . فيها خال حنين وبصت على آدم بياخد بايد عيال أخته . فيها جار بيسأل ديما على جاره لو غاب عنه . فيها صاحب وفى مستعد يموت علشانه زي آدم طارق وبيتر . فيها اخ فى ضهر أخته . فيها بنت بترفع راس ابوها في السما . في ولد وبصت لمالك . بيقف جمب حبيبته وميتخلاش عنها ابدا ويتشرف بيها ويتجوزها قدام العالم . فيها امان . وفيها استقرار . الدنيا زى مافيها الوحش فيها الحلو ياحبيبي . هي الدنيا فعلا غداره . وكمان سيدنا محمد لعن الدنيا دى ٣ مرات إلا ذكر الله والعلماء . حبيبتي اكيد الإنسان بيمر بتجارب ومطبات لكن الحلو انك تعافرى علشان توصلى .
.. والرسول عليه الصلاة والسلام قال :
( لا عدوى ولا طيرة، ويعجبني الفأل الصالح: الكلمة الحسنة ) صدق رسول الله
.والطيرة هي التشاؤم. .اياكم والتشاؤم .
كلهم .. عليه الصلاة والسلام .
مريم : ها بقى مش هنشوف ضحكتك ولا ايه.
ساره : حست احساس غريب . لكن بردو مرعوبه . وابتسمت بشبح ابتسامه .
آدم : قام وشاور ل مالك وساره. يلا بينا .
مالك : لا اتفضل انت يخالو . انا هاخد ساره وهنطلع على الفيلا .
ساره : احم . مش هينفع يامالك .
مالك : بعدم فهم . ليه مش هينفع .
ساره : قامت وقفت . مش هينفع يامالك . انى ادخل بيتكو . وغير كدا حرام . انا عارفه انك وقفت جمبي وضعفت لانى كنت ضايعه . لكن انا كنت على حافة الموت . يعنى شوفت الموت بعنيه . مش هينفع اعمل اى حاجه غلط تانى . انا لازم اقرب من ربنا . وابدء من جديد حتى لو فتره بسيطه . لان انا عارفه أن حياتى في خطر . وكمان مينفعش ادخل بيتك علشان مسببلكش اى خطر وكمان احراج .
مالك : ايوه ياساره . بس انتى حاليا مفيش مكان تروحي فيه دلوقتي . على الاقل روحي معايه . وبكره ولا بعدو نشوف مكان . مؤقتا لانى مش هسيبك اكتر من كدا .
آدم : ممكن تأجلو الكلام ده لبعدين . ويلا بينا كلنا هنطلع على فيلا العدوي .
مالك .وساره : فيلا العدوي . طيب ليه .
مريم : ايه ياولاد مالكم استغربتو ليه . انهردا عيد ميلاد رينو . احنا اصلا مبنهتمش بأعياد الميلاد . لكن احنا مرينا بظروف صعبه . وكمان رينو خارجه من الامتحانات ومتوترين كلنا . آدم فكر اننا نعمل حفله عائليه للكل . ونقضى وقت مع بعض زى زمان . والبنات صممت انهم مش هيحتفلو من غير ساره . ها نمشى بقى علشان اتأخرنا . العيله كلها منتظرانا فى البيت .
ساره : احتارت ومش عارفه تعمل إيه . ولا عارفه هتروح فين . لكن فكرت أن امانها وسط العيله دى . وانهم وقفو جمبها رغم أنهم عرفوا اهم جزء من الحقيقه .
مالك : شاف انها فرصه مناسبه . علشان ساره من زمان مفرحتش . وقال . تمام . اتفضلو .
آدم : ها ياساره موافقه تحضرى عيد ميلاد رينو .
ساره : ابتسمت . كل سنه وهي طيبه.
آدم ومريم وانتى طيبه . واتحركو . على فيلا العدوى .
فيلا آدم العدوي .
كل العائلات متجمعه . عيلة السيوفي . والصاوى . وعزيز . وبيتر . وحسام .
البنات كلهم رحبو ب ساره جدا . واخدوها فوق . فى اوضة رينو .
رينو : قومى ياساره تعالى .
ساره : على فين .!؟
رينو : قومى بس اقعدى قدام المرايا دي .
ساره : قامت وقعدت . اهو قعدت .
رينو : ماليكه . ماليكه .
مليكه : نعم يارينو .
رينو : بما انك خبره فى الموضه . وعندك خلفيات عن الميكب والحجات دى . عايزاكى تظبطى شعر ساره . وتقصيه وتخليه متساوى . لان زى ما انتى شايفه مش مظبوط .
مليكه : ابتسمت . عينيه ل ساره . حاضر .
رينو : تسلممممي بجد ياماكى .
ساره : جواها مكسور . وحاسه أن الكل بيشفق عليها . واتنهدت بتعب . واستسلمت للشفقه دى . هي شايفه انها شفقه . لانها بنت عاصم .وتقبلوها رغم ماضي ابوها . بس ياترى لما يعرفو انى كنت راجعه انتقم هل هيسامحوني . وفاقت على ايد ماليكه على كتفها .
مليكه : ها جاهزه ياقمر .
ساره : بشبح ابتسامه . وهزت راسها جاهزه .
رينو : انا هنزل تحت علشان مالك اتصل عليا وقالى انو عايزنى تحت . واتحركت وماليكه بدءت تظبط شعر ساره .
وبعد فتره . مليكه قصت شعرها وظبطت كل حاجه .
رينو : طلعت . وشافت شعر ساره . ايوه بقى ايه الحلاوه دى . قمر .
ساره : ميرسى يارينو . ميرسى ياماليكه .
مليكه : لا ميرسى دى اجليها شويه .
رينو : تا تا تا . وطلعت علبه كبيره من ورا ضهرها . اتفضلى يستى . الاستاذ مالك بنفسه بعتلك الهديه دى . وفتحت العلبه وكان فستان جميل من اللون الزهرى . بكل مستلزماته . مليكه والبنات . واوو بجد جميل اوى ..
رودي : ايوه انهردا فستان . بكره ورد . ويعالم هييييح امتى بقى .
نور : هههه الله يكون في عونك يا فارس . ههههه . بس بجد الفستان تحفه .
ساره : واقفه ودموعها نزلت . ده علشانى انا .
فريحه : قامت حضتنها بهزار . وبعدين بقى فى النكد ده . الا قولولى يابنات ليه لما نفرح نعيط . ولما نزعل نعيط . ها ليه .!؟
ريتال : احنا يابنتى أساس النكد فى المجتمع احنا المستنقع في حد ذاته . كلهم : هههههههههههه .
رينو : يلا ياست الحسن والجمال . شوفتى الحمام ده.
ساره : هزت راسها ايوه . ماله.
رينو : هتدخلى زى الشاطره كدا . وتاخدى شاور حلو كدا . وتلبسى الفستان الحلو ده . وبعدها ماليكه تظبطلك شعرك . وتعملك ميك اب خفيف . علشان الكل منتظر تحت .
رودي : بت يارينو ابوكي جاب التورته .
رينو : ابوكى !!؟ بيئه اتجوزتى بردو ولسه بيئه .
رودي : ايوه صح هو مز مش باين عليه أنه متجوز اساسا . آدم مدوب قلوب العزاره
نور : شادتها من ودانها . عارفه لو قولتى كدا تانى . انا هخدرك وهقصلك لسانك ده . بابى انا محدش يدلعو كدا فاهمه .
رودى : رفعت ايديها باستسلام . خلاص . خلاص . هي الحقيقه بتزعل . اعمل يعنى حد قاله أنه كل شويه يحلو كدا دا عسسسل .
نور . ورينو : بتحذير . رووووودي .
رودي : احم خشى ياساره بقى استحمى .
كلهم : ضحكو عليها . وساره اتحركت . وقالتهم متخرجوش من الاوضه . والكل اكدلها أنهم منتظرينها .
ساره : دخلت . وهي تحت الدش . ذكريات قدامها . من التعذيب . تفتكر سوزى . ابتسام . دم . نار . ازاز . عريانه . ونفسها اتقطع تحت الميا . لكن شقهت . واتحركت بعيد عن الميا . وحاولت تهدى نفسها . واتاخرت . جوه . ورينو خبطت عليها . وساره رجعت للواقع . وخلصت الشاور . ووقفت قدام المرايا . وبتبص على شعرها . ووشها الل بقى بهتان . واستغربت أن شكلها كدا . ومالك لسه متمسك بيها . واتنهدت . وشافت الفستان وابتسمت . ولبسته بحب . واتخيلت أن مالك واقف جمبها بيساعدها فى لبس الفستان . وبعد ماخلصت خرجت من الحمام . وفاقت على. رودي الل صفرت . والكل اتخض من المجنونه دى . والكل انتبه على ساره . وان الفستان جميل عليها . كلهم مشاء الله عليكى قمر بجد .
ورينو راحت وقفت جنبها . ممكن نتعرف بالمزه !؟ كلهم ضحكو وساره ضحكت . ورينو اخدتها وقعدتها على كرسى التسريحه .
رينو : ماكى . يلا بقى ظبطيها . ماما استعجلتنا .
مليكه : في ثوانى حاضر . مليكه سرحت ل ساره شعرها ..وعملتها ميكب هادى . واخفت السواد الل تحت عينيها . وعلامات الجروح البسيطه الل لسه مختفتش .
مليكه : بااس كدا خلصنا .
ساره : فتحت عينيها وشافت نفسها فى المرايا . وحست انها رجعت شويه زى زمان .وسرحت . وفاقت على تصفير رودي .جامده يابت اقسم بالله .
كلهم : هيشدو شعرهم من الل مش عاتقه دى.
وكلهم . اهتمو ب ساره وقالولها قد ايه انها جميله . وساره شكرتهم على اهتمامهم رغم انهم مش مجبرين أنهم يعملو كل ده . واتكلمو معاها . واخدوها وخرجو من الاوضه علشان ينزلو .
آدم : قاعد مع الكل فى الليفنج . ومريم قالت ل سعاد والبنات يجهزو العشا لان محمد. جاى فى الطريق .
آدم : بيتكلم مع مصطفى واشرف . وأشرف اعتذر من آدم لان يوسف هيرجع متاخر من الشغل ومريم عزيز قاعده مستنياه فى البيت . آدم تفهم الأمر .
طارق : بيتكلم مع بيتر وجاسر وبيضحكو .
آدم : قام وقعد جمب بيتر . وقاله انه يصرف نظر عن عريس كارولين تماما. لان العريس مالوش شخصيه . وكمان ابو العريس أهدافه من الجوازه دى بيزنس مش اكتر . وبيتر اقتنع لان شايف ان ابو العريس مستعجل جدا على الجوازه .. وقرر بالرفض ..
وبيتر قاله : ان ديف اتعرف على بنت اجنبيه زميلته . وأعجب بيها . واتفقو على كل حاجه وكمان حددو معاد الفرح. وان بيتر وعيلته هيسافرو قبل الفرح بيومين . وآدم فرحله جدا وباركله على الخبر الحلو ده .
.. مالك قاعد مع زين . وزياد . وبيتكلمو أن مالك يرجع الشغل . ومالك لسه هيسال عن الشحنه الل وصلت . للشركه الام . إلا أنه قام من مكانه وعيونه اتعلقت بالملاك الل نازله على السلم وحوليها البنات الل مش شايفهم .
زياد . وزين استغربو لكن فهمو وابتسمو .
ساره : نازله على السلم . وجواها خوف مبهم من المجهول . وياترى هتعمل ايه بعد كدا . وشافت مالك الل وقف مكانه اول مشافها وعيونهم اتعلقت ببعض .ووقفت مكانها والبنات تابعو اتجاه نظرتها . وشافو انها ومالك فى اللاوعي حاليا .ونور ابتسمت . واتحركت ونزلت علشان تروح تستقبل محمد الل لسه داخل . وماليكه سابتها ونزلت . ورودي نزلت علشان تتصل على الفارس . وريتال وفريحه اتحركو . والكل انسحب من جنبها . ماعدا رينو . احم احم .
ساره : انتبهت . وبصت حواليها ملقتش حد غير رينو . واتحرجت . وبصت على مالك اال صحابو. بيضحكو جمبه لما قعد متلخبط . وابتسمت . مع ابتسامة رينو . واتحركو ونزلو .
ومريم : شافت ساره وقالتلها مشاء الله قمر ياساره . واخدتها تقعد مع البنات كلهم جوه وساره سلمت على الكل . والكل سلم عليها بحب . لكن هي شايفه نفسها غريبه .
فارس وصل بعد محمد . والعشا جهز. وآدم قام واخد العيله . وكلهم اتعشو الرجاله مع بعض. والحريم مع بعض .
——————–بقلمى Mariem Nasar
فى دبي .
فهد قاعد فى الفندق مع مراد الل اتحسن شويه . وبيتعشو .
مراد : بياكل . ولا يافهد .
فهد : بياكل اممم .
مراد : المدير كلمنى .
فهد : اممم
مراد : هو ايه الل اممم امممم
فهد : سامعك ياجدع باكل .
مراد : المدير كلمنى .
فهد : بنفاذ صبر . ساب المعلقه . وبص لمراد . ايوه وبعدين . اكيد كلمك علشان يطمن عليك . مفيش غير كدا .. لاننا يعتبر فى اجازه طويله شويه . فا هااا بقى هتقعد ترغى كتير .
مراد : المدير كلمنى .
فهد : صك على اسنانه . من برود مراد .
مراد : هههههههههههه . اهدا ياحوت . خلاص هقولك . وبص لفهد مبروك ياصحبى .
فهد : رفع حاجبه . مبروك لمين .
مراد : المدير اتكلم معايا . وكان فعلا بيطمن عليا . وسألته على ايلان والبنت قالى عليهم بلاوى سودا . وهيتعاقبو على كل البلاوى دى .ومحسن أو آرثر . اعترف بكل حاجه . وهيتحاكم .
فهد : هز راسه .
مراد : وقالى إن كل الفضل ل ربنا ثم انا وانت . وبالأخص انت . واننا كان هدفنا ارثر وبس . لكن انت قبضت على التلاته . ودي كانت ضاربه قاضيه للمافيا . وعلشان كدا فى مكافأة مالية كبيرة ليا وتكريم . وانت مكافأة مالية كبيرة وشقه . الف مبروك ياض يافهد .
فهد. : هز راسه وابتسم .
مراد : ياض يافهد ايه بقى . قصدى ياسيادة الرائد فهد السيوفى ..
فهد : اتصدم بدهشه . وبص ل مراد . انت قولت ايه .
مراد : هههههههههههه اه والله . الروس اتساوت ياجدعان . انا رائد وانت رائد .
فهد : قام وقف انت بتتكلم بجد يامراد .
مراد : وقف بحب. . مبروك يا فهد انت تستاهل اكتر من كدا .
فهد : حضن مراد بكل قوته .
مراد : ااااه حاسب يابغل . اااه .. ايه حيطه بتحضن .
فهد : خرج من حضنه . اوبس . معلش والله يامراد . من فرحتى بس معلش بتوجعك ورينى كدا .
مراد : حط ايدو على الجرح . وكلبش فى التيشرت . لاااا . مش معنى انك بقيت رائد .. هتفترى على خلق ربنا . وتستغل منصبك . واولهم انا . وغمزله عايز تشوف جرحى ليه يافهوده . جرحى وحشك اوى كدا .
فهد : مش مستوعب . الل مراد بيقولو . وكمان ريأكشن وشه . وهز راسه بعدم استيعاب . انت عبيط يالا . وحشنى جرحك ايه وعبط ايه .
مراد : برقه ودلع . اومال عايز تشوف جرحى ليه .
فهد : هههههههههههه . الله يكون فى عونك يافريحه يختى والله . متجوزه واحد متخل……
مراد : بتحذير . هااااا…. ولاا . اتلم . انا ممكن دلوقتى العبلك فى وشك البخت . وهخليك متشوفش قدامك . مش معنى انى متصاب . تفتكر انى معرفش اظبطك . واترزع خلينا نكمل اكل .
فهد : هههههههههههه . الطيب احسن يعم الصقر . وقعدو .
مراد : بصله انا فرحتلك من قلبى انت تستاهل بجد اكتر من كدا .
فهد : حبيبى يامراد . كله بفضل ذكائك . وارشاداتك .
مراد : هههههههههههه .
فهد : مط شفايفه . باستغراب . بتضحك على ايه تانى .
مراد : انا وجهتك انك تركز تخلى بالك من الخطوات وبس . وغمز ياترى الخنفسه عامله ايه دلوقتى . ههههه لا بس انت النيشان عندك جامد . ههههه .
فهد : هههههههههههه . يعم الله يخربيت فقرك . ملقتش حل غير ده .
مراد : والله صعبت عليا .. وكان نفسى اروح بنفسى واشيل الخنفسه . اكيد اتخضت من الل شافته .
فهد ؛ البنت !؟
مراد : لا الخنفسه هههههههههههه .
فهد : هههههههههههه . هتودينا في داهيه . وكل بقى علشان عايز انزل اعمل حاجه مهمه .
——————–بقلمى Mariem Nasar
فيلا العدوي
. بعد العشا .قعدو شويه .
وبعدها جابو التورته وكانت كبيره جدا ومتزينه بطريقه جميله . واحتفلو . ب لارين العدوى . الل غمضت عيونها واتمنت الفهد وبس .
والكل قدم هدايا . رودي راحت ل رينو وقالتها انها عملت ليها اشاره على الفيس بوك بعيد ميلادها . وكتبتلها كل سنه وانتي طيبه يا دكتور. شوفيها كدا . رينو قالتلها فونى فوق .لما اطلع هبقى اعلقلك على الاشاره ياتافهه وضحكو مع بعض .
وكانت حفله عائليه جميله . وبعد فتره كبيره من الاحتفال . معظمهم قام واستاذن ومشى . مصطفى وشيرين وأشرف وهنا . مشيو . وفارس وردى مشيو . وبيتر مشى .
.أما . جاسر وطارق ومحمد وزياد ومالك لسه موجودين بطلب من آدم أنهم ينتظرو .
فريحه . اخدت امها رنا ومريم نونو وطلعت اوضتها .
وزين استأذن واخد ريتال وطلعو اوضتهم يحتفلو مع نفسهم .
وماليكا لسه قاعد تحت مع مريم وملك ونور ورينو وساره .
بنت جت عند مريم . دكتوره . لارين
رينو : نعم يا زوزو .
البنت : ابتمست علشان اسمها زينت . لكن رينو بتدلعها . وانا بنيم تمارا . سمعت صوت موبيل حضرتك بيرن فى اوضتك ومرضتش أدخل . اطلع تانى اجيبهولك .
رينو : لا يازوزو . انا هطلع اشوف مين . وطالعه على السلم . اكيد حد من بنات الجامعه عايز يقولى كل سنه وانتى طيبه . ايوه ماهي رودي المجنونه عملت اشاره . بنت رهيبه رهيبه . وفتحت باب الاوضه . وكانت الرنه فصلت . ورايحه تمسك الفون ورن فى ايديها . ورقم غريب . وردت
رينو : الوو….
=كل سنه وانتي طيبه .
رينو : قلبها دق بقوه رهيبه . وحطت ايديها على قلبها . وبتتنفس بحب . ف .. فهد .
فهد : ابتسم . ايوه فهد يارينو .
رينو : قوتها بتقل . وارتجفت .من اسم رينو . وقعدت على السرير . ومش عارفه ترد .
فهد :بعد ما اتعشى مع مراد نزل وقال لمراد هجيب شويه حاجات واطلع تانى . ونزل وخرج من الفندق . وراح مكان هادى وقعد تحت شجره . وفكر فى رينو وعارف أن انهردا عيد ميلادها . وشاف أنه لازم ياخد خطوه . وان يوم عيد ميلادها جالو شقه ومكافأه واهم حاجه الترقيه ومبسوط . ومن غير تفكير طلع فونه واتصل . مره . ومردتش وزعل لكن استنى دقيقه وجرب تانى ودعا فى سره انها ترد . واخيرا ردت . ورحه ردت مع صوتها .
فهد : اتنهد . كل سنه وانتي طيبه . وعقبال ١٠٠ سنه .
رينو :غمضت عيونها وبلعت ريقها بتوتر . وردت بصوت مبحوح . و.و.ا.انت طيب يافهد.
فهد : بحنان . انهردا عيد ميلادك . وتسمحيلى بقى اقولك رينو . ومن بكره اقولك لارين اوكى .
رينو : لا ارديا . لاء . قولى رينو على طول يافهد .
فهد : قلبه دق . وابتسم . واتنهد بحب . حاضر يارينو
رينو : لعنت نفسها لتسرعها . وانها مش مركزه خالص اول ماسمعت صوت الفهد .
فهد : انتى عامله ايه يارينو !؟
رينو : بتنهديه . دوبته . انا تمام يافهد . انت الل عامل ايه !؟
فهد : انا كويس . وانهردا كويس جدا .
رينو : ابتسمت . يارب ديما تبقى كويس .
فهد : عملتو حفله .
رينو : رجعت بضهرها على السرير . ايوه حفله عائليه .
فهد : مبسوطه انهم عملوا حفله .
رينو : مش قوى عادى يعنى . لكن انت لو كنت موجود … وضغطت على شفافيها وغمضت عينيها بغباء وشتمت نفسها جواها غبيه غبيه هيقول ايه دلوقتي .
فهد : قلبه هيطلع من مكانه . لكن حس يتوترها . وحب يهديها . احم . طبعا أنا لو كنت موجود كنت جبتلك هديه . اممم عروسه تمشى معاكى .
رينو : حمدت ربنا انه مفهمش قصدها . احم . ميرسي يا فهد .
فهد : تعرفى انى مبسوط جدا انهردا وجالى خبر حلو قوي . وعايزك انتى اول واحده تعرفيه .
رينو : اتعدلت ومتحمسه . ها قولى خبر ايه . قول بسرعه قوول .
فهد : هههههه . حاضر حاضر . الخبر ياستى . اننا الحمدلله مهمتنا خلصت . وقبضنا على العصابه . واتحولو على مصر .
رينو : فرحت . بجد . بجد . يعنى انت هترجع مصر امتى .
فهد : رجع راسه على الشجره . انا عن نفسي . اتمنى حالا .
رينو : احرجت . احم … وسكتت .
فهد : بس مش ده الخبر الل عايز اقولو .
رينو : اتحمست اكتر . قول سمعاك .
فهد : انا اترقيت يارينو. الرائد فهد السيوفى.
رينو : شهقت بفرحه واتعدلت . وااو بجد . بجد يافهد اترقيت . بجد ده احلى خبر اسمعه انهردا . بجد دى احلى هديه ليا انهردا ..اااا …. وضغطت على سنانها . وضربت نفسها بالقلم .
فهد : بص فى الرقم تانى يتأكد ده رقم رينو ولا لا . وقالها هي الل بتكلمنى دلوقتي . رينو العدوي ولا انا اتصلت على حد تانى .
رينو : هههههه . ضحكت من قلبها .
.. وقلب الفهد خلاص .لما سمع ضحكتها . وكانت ع طرف لسانه بحبك لكن فاق وكح واتعدل احم . احكيلى بقى على الحفله عملتو ايه .
رينو : حست التوتر قل . وبدءت تحكي كل حاجه . واسم ساره دخل فى الحكايه . وسألها هي رجعت . وكانت فين!؟ ورينو حكتلو كل حاجه . وفهد زعل على مالك . وكمان أتصدم لما عرف انها بنت عاصم .لكن اكتفى بصوت رينو وهماستها . وضحكتها لما تحكى موقف يضحك . والوقت عدى بيهم من غير مايحسو
رينو : بس يسيدى .ولسه أغلب العيله موجودين تحت . لان بابى عامل العزومه دى مخصوص علشان يطمن ساره . ويفهم منها كل حاجه .
فهد : اممم . تمام تعرفى انا بحب تفكير آدم جدا .
رينو : بابي . دا فظيع . مشاء الله عليه .
فهد : انتى واخده منه كتير يارينو .
رينو : اممم مامي بتقولى كدا .
وفجاه جت رساله على رقم رينو . ثوانى يافهد في مسج جالى ع الفون .
فهد : ماشى .
رينو : فتحت الرسايل . وكانت رساله من رقم غريب . ومكتوب . كل سنه وانتي طيبه ياا اجمل ملاك . واستغربت . لكن مهتمتش .ممكن يكون رقم جديد من صاحباتها في الجامعه . ورجعت لفهد . تانى . الو.
فهد : معاكى .
رينو : دول اكيد صحابى البنات . بيقولولى كل سنه وانتي طيبه .
فهد : اكيد !!؟ انتى مش متاكده أنهم صحابك .
رينو : لا متاكده بس الرساله جت من رقم غريب . اصل رودي عملتلى منشن ع الفيس بوك بعيد ميلادى .
فهد : هز راسه . تمام .
الباب خبط . رينو ثوانى يافهد الباب بيخبط .
فهد ادايق . لانه مصدق ان فى كلام مع لارين . وقال ماشى .
رينو فتحت . وكانت زوزو . ست مريم بتقول لحضرتك انها قاعده فى الليفنج مع ست ملك وماليكه . والدكتوره نور . وبتقول لحضرتك انزلى اقعدى .مع ست ماليكه والدكتوره نور . علشان ست مريم وست ملك هيقعدو فى المكتب.
رينو اومال ساره فين .
زوزو . الاستاذه ساره دخلت المكتب مع آدم بيه . وست مريم هتروح تقعد معاهم .
رينو : ماشى يازوزو . قولى لمامى معاها مكالمه هتخلص وهتنزل . وزوزو نزلت وقالتلهم .
رينو ؛ رجعت المكالمه اسفه يافهد سبتك ع الفون .
فهد : ولا يهمك . روحي انتى انزلى اقعدى معاهم .
رينو ؛ زعلت لأنهم هيقفلو . واتنهدت . ماشى . وياريت تسلملى على أبيه مراد . هو معاك ولا فى مكان تانى .
فهد : لا مراد فوق فى الفندق . وكمان منبه عليا مكلمش حد من العيله خالص .
رينو : بعدم فهم . ايه ليه كدا .
فهد : لأننا بنجهز الأوراق وكل حاجه علشان نرجع . وهو عايز يعملها مفاجاه لفريحه وآدم ومريم . وقالى اوعا يافهد تتصل بحد . ولا حد يعرف بترقيتك غير لما نرجع .
رينو : ابتسمت وقلبها دق . لان فهد مسمعش كلام مراد واتصل عليها وقالها على خبر ترقيته اول واحده.
فهد : ياريت بقى متعرفيش حد انى اتصلت علشان مراد ميزعلش تمام .؟؟
رينو : برقه . حاضر يافهد .
فهد : غمض عينيه . وحط ايدو على قلبه . ومش عايز يقفل . ورينو قعدت على طرف السرير ومش عايزه تقفل . وكل واحد بيسمع انفاس حبيبه . لكن فهد شاف أنه لازم يقفل علشان كدا اتاخر على مراد . احم بصوت مبحوح . رينو .
رينو : سرحانه ومغمضه عينيها . اممم .
فهد : اتنهدت بكل احتياجه لمعشوقته الل هتخلى قلبه يطلع من مكانه . لكن لازم يقفل . انا . انا .
رينو : مغمضه بحب . انت ايه يافهد .
فهد : غمض عينيه . انا لازم اقفل علشان اطلع ل مراد .
رينو : فتحت عينيها . انت هتيجى امتى يافهد.!؟
فهد : قريب . اسبوع كدا ولا حاجه إن شاء الله .
رينو : قلبها رقص . ترجعو بالسلامه إن شاء الله .
فهد : ان شاء الله .
رينو : لا إله إلا الله يا فهد .
فهد : قلبه دق . سيدنا محمد رسول الله . خلى بالك من نفسك يارينو . والرقم الل بعتلك رساله ده لو متصلتش عليكي وكلمتك منه ومعرفتيش هي مين . اعمليله بلوك على طول .
رينو : ابتمست بفرحه . حاضر . وقفلو غصب عنهم . ورينو حضنت المخده ولفت بيها فى الاوضه من الفرحه . ونزلت مبسوطه . وشافت نور وماليكا بس الل قاعدين . واخدتهم وطلعو يقعدو فوق على ما المقابله فى المكتب تخلص .
وفهد : رجع الفندق وكان اسعد واحد في الدنيا . وحمد ربنا ان مراد نايم. وهو قال لرينو ان مراد منبه عليه أنه ميكلمش حد . علشان رينو متقعش بالكلام قدام حد خصوصا بالترقيه وان لو حد عرف مراد كدا ممكن يشك . وراح نام على السرير . وسرح فى المكالمه من تانى . وضحكتها . وفرحتها بالترقية .وانها دى هديتها منه ليها واتنهد بسعاده وكان بيسمع اغنية وبينا معياد . ل عمرو دياب.
آدم قاعد فى المكتب .——
آدم قاعد فى المكتب .
مع طارق وجاسر . ومحمد وزياد ومالك . وساره . ومريم دخلت وملك .لان مينفعش ساره تقعد معاهم لوحدها . وثانيا علشان متخفش وتطمن من وجود مريم وملك معاها .وسابو باب المكتب مفتوح . آدم اتكلم مع ساره ةبهدوء . وقالها انتى مالكيش ذنب انك بنت عاصم . لان محدش بيختار امه و ابوه . واحنا متقبلينك في العيله . وعمرنا ماهنتخلى عنك . لكن فى اسئله وإجاباتها عندك . واحنا مش هنضغط عليكى . حابه تتكلمى اتكلمى . مش حابه دي حاجه ترجعلك . وشجاعتك انك قولتى انك بنت عاصم دى تغفرلك اى خطأ . واتكلم معاها كتير بخبرة شرطي وادلها ثقه في نفسها . وكمان دفعا قويه . ومريم قاعده جمبها بتطمنها . وساره حست انها مؤهله تماما . وانها لازم تتكلم وتحكي . وقالت اخيرا .. انا هحكيلكم كل حاجه . من يوم ماتولدت على وش الدنيا لحد يوم متصلت على مالك . لكن بطلب منكم انكو تسمعونى للآخر من غير .. وآدم فهمها . وقالها . ساره انا بوعدك اهو من دلوقتي اننا هنسمعك للآخر ومحدش هيقاطعك في اى حاجه . غير لما انتى تكونى عيزا تاخدي رأي حد .
ساره : انا متشكره جدا . وبصت لمالك وقالتله ارجوك اسمعنى للآخر . ومتحكمش عليا من اول الحكايه . لأن حياتى المرادى متوقفه عليك انت . انا بستمد قوتى منك انت . فبرجوك متهدش قوتى وتحكم عليا بتسرع .
مالك : شاف دموع في عيون ساره . وصعب عليه . وحس انها متهمه وقاعده قدام وكيل النيابه مالك الصاوي . مش مالك حبيبها . وقام من مكانه وقعد جنبها ومسك ايدها وقالها بهزار يلا خدى منى شويه قوه . وضحك وهي ابتسمت .
مالك . انا جمبك ومعاكي . والغلط مش هيتكرر مرتين . وانا عمرى ما هسمح لاى حقيقه تبعدنا عن بعض .
ساره : كلبشت في ايدو . وكأنها استمدت قوه مضاعفه بوجود مالك جمبها . وبدئت تتكلم .
. والكل سامع ومترقب .
ساره : بصت لجاسر . بخوف تانى من ردة الفعل وقالت . . الست الل للأسف المفروض انها امي . تبقى سكرتيرة حضرتك زمان . سوزى او سوزان . كلهم اتصدمو . وجاسر هيتكلم .
.. آدم بنظره أن محدش يتكلم . ومالك اتصدم حرفيا لان كدا ساره بنت عاصم الغير شرعيه . وحس بسكينه اتغرزت فى قلبه . لكن هيكمل وعدو ليها ومش هيحكم عليها غير بعد ماتخلص .
. وساره كملت . انا اتولدت وكبرت فى الدنيا دى عند أهل سوزى فى طنطا . واهتمو بيا وفهمونى أن قريب سوزى الل اسمه صلاح السيد . فى شهادة الميلاد بتاعتى أنه ده ابويا . وامي مسافره ومش هترجع دلوقتي . وكنت يستغرب ان صلاح ده متجوز ومراته معاه . بس قالو انها مراته التانيه . وكبرت وسطهم لكن كان جوايا ايمان بالله وكنت ديما احب اكون لوحدى والعيله هناك كانت سيبانى على راحتى لحد ما بقى عندى ١١ سنه . وقالولى امك رجعت من السفر . انا كنت اعرف شكلها عن طريق الصور وبس . عمرى ماشوفتها . والحمدلله فعلا انى مشوفتهاش لان الل عرفته بعد كدا أن سوزى ولدتني فى السجن ومن سن يوم أهلها اخدونى . وكنت بتغذى صناعى وده بحمد ربنا عليه ليل ونهار أنى مشربتش من قسوتها وجبروتها . الكل بدء يتأثر مع ساره لكن آدم ومالك خايفين من نقطة انها بنت غير شرعية . وكملت وهي ماسكه فى ايد مالك . سوزى خرجت من السجن وانا عندى ١١ سنه . وكان معاها ست كبيره . الل عرفت بعد كده انها جدتى ابتسام . الكل دخل فى صدمه من تانى . وكملت . انا اول ماشوفت سوزى محستش بحاجه تجاها . حسيت انها عادىه . واخدتى فى شقه ليها فى طنطا اعيش معاها هي وابتسام . وكان صلاح ده بيزورنا من وقت للتانى . وبدءت اسالها هو بابا صلاح مش عايش معانا ليه . ليه بتدخلو الاوضه وتقعدو مع بعض وبعدها بينزل . فضلت تألفلى قصص انه متجوز واحده تانيه وكلام كتير وأنه خايف من مراته . وواحده واحده عشت معاهم واتعلقت بيها . حبيتها اوى لانها كان عندها حنان مزيف . ودمعه نزلت منها . وطيبه مزيفه . وعشت معاها وكبرت على كدا وبقى عندى ١٦سنه بدءت افهم . ان صلاح سنه اصغر من سوزى وبدءت أسأل عند شهادة جوازاها . لحد سوزى فى يوم قالتلى انتى كبرتى وان الاوان تعرفى الحقيقة . وحكتلى . انى أسمى هو ساره عاصم صلاح الصاوى . وان صلاح ده قريبها . وانا مصدقتهاش . طيب فين عاصم ده قالتلى مات . وفين صورته . وجابتلى صورته .
وبدءت تعيط . وحكتلى قد ايه أن عاصم كان طيب وكويس وضحى علشان علية الصاوى . وان كان ليه ابن عمه جاسر . وجاسر انتبه . وآدم مركز جدا وطارق ومحمد وزياد . اما مالك منتظر كلمة ان سوزى تكون متجوزه عاصم . وبعد كدا مش مهم الحقيقه .وساره كملت . قالت جاسر أنه راجل ظالم وقتل ابوه حسين الصاوى . وكلهم بيبصو لبعض بدهشه الا آدم مركز مع حركات ساره وانها بتقول الحقيقه ولا لا !!؟ وممكن تكون سوزى بعتاها من تانى بخطه اكبر . وساره كملت . وقالت إنها اتجوزت عاصم . ولما العيله عرفت بجواز سوزي وعاصم انقلبت عليهم . ومكنوش مصدقين أن عاصم اتجوزها . وانا سالتها طيب فين عقد جوازك ده من عاصم .!؟
..مالك قلبه دق بخوف . وبلع ريقه . وآدم منتظر الاجابه ومريم بتدعي بقلبها أن ساره تكون بنت حلال . وساره كملت . ولما سالتها عيطت لانى مش مصدقاها .. وقامت من مكانها ودخلت اوضتها وجابتلى عقد جوزاها من عاصم . وماضى عليه . وانهم اتجوزو قبل مايتسجن بشهرين . مالك قلبه دق براحه واتنهد . ومريم وملك فرحو وآدم لسه مطمنش لانه ممكن يكون عقد مزور . وساره كملت . وسوزى حكتلى على حاجه والل اكتشتفه بعد كدا . انها كانت حكيالى كل حاجه بالعكس . يعنى الل عمله عاصم . قالت ان جاسر هو الل عمله . وانا بدءت أصدقها وكانت ديما تحكي على شهامة عاصم . وكل يوم تحكيلى . وانا صدقتها . وقالتلى انتى الل هترجعى حق ابوكى الل جاسر سرقه . ولازم تنتقمى . وسكتت .. احم وبصت ل آدم بخجل وتوتر . ولازم تنتقمى من الل اسمه آدم لانه هو الل لفق التهمه لابوكى . مريم شهقت وحطت أيدها على بوقها . لكن آدم بنظره تحذير انها متتكلمش . ودمعه نزلت من ساره . انا اسفه بس انا كنت مغيبه . وبعد كدا بدءت اكبر وكل يوم سوزى بقصصها تخلى الكره يكبر جوايا . لكن اكتشفت انى طبعى مش عارفه اكون شريره . وبعدها دخلت الجامعه . وبصت لمالك . انا عندى ٢٤ سنه يا مالك. مش ٢٣ . وعيطت وهتشد ايديها من ايد مالك . لكن مالك مسك ايديها . وشاور براسه لا مش هتبعدى .
.ساره استمدت قوتها تانى . وكملت . وقالت من ٦ سنين . سوزى لما شافتنى كبرت ودخلت الجماعه . قررت تعيش فى مصر . علشان تجيب حقنا لكن لما ظروفنا تتحسن . وقالت إنها عندها شقه فى مصر وعرضتها للبيع بسعر كويس . علشان تشتري شقه ااقل .. بسعر ااقل علشان توفر فلوس وباعت شقتها واشترت الشقه الل كنا عايشين فيها قبل مايخطفونى . الكلمه نزلت عليهم واندهشو مالك بغل خطفوكى!؟
آدم : استنى يامالك . ومحدش يقاطعها كملى ياساره .
ساره : وعشنا فى الشقه دى سنيتن . وسوزى كانت بتشتغل . وضحكه مكسوره .قالتلى انها شافت شغل عند سيده اعمال كبيره وليها وزنها فى السوق. والست دى حبت سوزى وسعات بتحتاجها فى الفيلا يخلصو اوراق الصفقات . وبعدها سوزى جابت معلومات عنكم كلكم وعرفت كل حاجه وطلبت منى انى ابدء لكن انا كنت خايفه . ورفضت . لكن هي وابتسام كانو يمثلو بعياط انى خيبت أملهم . وكانو شايفين انى انا الضهر والسند ليهم بعد ماعاصم مات وكلام من دا كتير . وقعدو يقنعو فيا حوالى شهر واكتر . وبعد إلحاح وافقت . وسوزى هي الل حطت الخطه . وبصت لمالك . هي كانت بتراقبك . وعرفت مواعيد خروجك من الجامعه . وانت رايح الشركه . وشرحتلى بالظبط انا هعمل ايه . والحادثه الل حصلت كانت تمثيل . لكن انا معرفتش امثل كويس وانت خبطنى بجد . ودموعها نزلت . سوزى كان هدفها جاسر مش مالك . وان مالك هو الل هيدخلنى الشركه علشان اوصل لجاسر . وكانت عيزانى انى … انى ونزلت راسها فى الارض . وكلهم فهمو أن سوزى عيزاها توقع جاسر بطريقه مبتذله. ومالك صك على اسنانه وقبض على أيديه . وسمع صوت ساره بتتالم .ااه . ومالك فاق لانه قبض على ايد ساره وهي فى ايدو . وبعدها اتنهد وربت على ايديها اسف . ولكن كان جواه زعلان منها .
آدم : كملى ياساره .
ساره : بدموع . كانت عيزانى انى أتنازل عن نفسى مقابل انى اخد كل حاجه من جاسر . كلهم عيونهم وسعت من الصدمه . ومالك حس بالغيره من تخيل بس الكلمات . وشاط وعايز سوزى قدامه باي طريقه .
ساره : انا طبعا رفضت . او انى اغير من نفسي ولبسى وطريقتى . ولما كانو يدايقو منى يعيطو بتمثيل . واقولهم خلاص انا هعمل الل انتو عيزينو . ولما افكر واحاول الاقى نفسي مش عارفه وبصت لجاسر . وسألته حضرتك شوفت منى اى حاجه وحشه أو أسلوب مبتذل . فى الشركه او الفيلا .!؟
جاسر : مصدوم . وملك عينيها علي جاسر . وقال لا والله يابنتى انا ماشوفت منك غير كل أدب واحترام .
ساره : صعبت عليها نفسها وعيطت بصوتها كله .. لانها هتبقى في موضع شك وبتسال الناس عن اخلاقها .
..ومريم ربتت على ضهرها . ومحمد قام جابلها كوباية ميا . ورفضت تشرب . ومحمد شاور لمالك . الل اتنهد بتعب . واستسلم لدموعها واخد كوبايه الميا وشربت من ايدو . وسابوها تهدى . وبعدها كملت وحكت كل حاجه من يوم مقابلة مالك وكلام سوزى وابتسام . ووضحت انها شكت انها بتحب مالك . وان مالك مش هدفنا . لكن ساره أثبتت لكل الموجودين ول مالك انها فعلا حبته وازاى حبته . وحكت شعورها فى رمضان والفانوس وحكت كل حاجه والعزومات والحفلات . وانها بدءت تشك في ابتسام وسوزى . وعدم صلاتهم وصيامهم . ولبس سوزى . ولكن الشك بقي يقين .
وكملت . ولحد قبل فرح زين بشهر واحد عرفت كل الحقيقه وعرفت كل حاجه وسوزى وابتسام اتكشفو قدامى . وسكتت …
آدم : كملى ياساره .
ساره : كنت فى يوم راجعه من الشركه وتعبانه واول ماطلعت الشقه . شوفت .
… فلاش باك —-
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها منذ نعومة أظافرها)