روايات

رواية عشقتها رغم تمردها الفصل الثالث 3 بقلم ياسمين رجب

رواية عشقتها رغم تمردها الفصل الثالث 3 بقلم ياسمين رجب

رواية عشقتها رغم تمردها البارت الثالث

رواية عشقتها رغم تمردها الجزء الثالث

عشقتها رغم تمردها
عشقتها رغم تمردها

رواية عشقتها رغم تمردها الحلقة الثالثة

في أوقاف بنختار الشخص الغلط بس بالنسبة لينا هو كل حاجه بالرغم ان كل الي حوالينا قالوا اختيارك غلط بس احنا بنرفض نصدقهم علشان درجة الحب عندنا بتكون وصلت لمرحلة مينفعش فيها التراجع بس لما بنفوق من وهم الحب بنتصدم بالواقع وقتها بس بتعرف قد ايه اختيارك كان غلط وان ربنا بعد عنك الشخص ده علشان تقابل الشخص الصح بعدين وتتعلم من أخطائك
فاقت من وهم الحب على الواقع التي كانت رافضة انها تراه
بعد مغادرة يوسف ظلت تبكي كأنها لم تبكي من قبل أرادت ان تعاقب نفسها على سوء اختيارها لقد حظرها الجميع منه ولكن لم تصدق احد تم فسخ الخطوبة وبعثت له كل شيء يخصه
اما هي فكانت تجمع اشيائها حتى تستعد للذهب الي مركز تدريب المخابرات سوف تسافر في فجر يوم الاثنين تذكرت ما حدث معاها يوم وفاة اخيها
فلاش باك
جلست في ارض المشفى تبكي هل فقدت اخيها لن تستطيع العيش بدونه ماذا ستقول لأهلها كيف تخبر سارة ظلت تبكي حتى اتي إليها شخص في العقد الخامس من العمر انه اللواء محمود عبد السلام
محمود: نور
نظرت إليه ثم ارتمت بين احضانه تبكي على فقدان اخيها
نور: سيف راح يا اونكل محمود خلاص أنا انكسرت بعده
محمود: اهدي يا نور انتي أقوي من كده
نور: خلاص قوتي راحت مع سيف مبقاش ليا حد في الدنيا الي كان سندي في الدنيا مات مبقاش عندي طاقة اتحمل فراق اعز الناس على قلبي هو الوحيد الي كان مصدر قوتي وسعادتي مبقاش عندي حد أعيش علشانه
محمود: لا في والدتك وفي والدك وفي خطيبة سيف الي اصلان ملهاش حد غيركم
نور: بس انا مش هقدر أواجهم وقولهم ان سيف مبقاش موجود انا مش هقدر انا بقيت ضعيفة اوي
محمود: لازم تكوني قوية علشان تساعديني ننتقم من الي حرمك من سيف
نظرت إليه
نور: هو مين وانا اشرب من دمه اقسم بالله ما هرحمه
محمود: القانون هو الي هينتقم منه يا نور انتي لزام تساعديني
نور: وانا جاهزه
محمود: مش دلوقتي اهم حاجه امسحي دموعك دي من هنا لحد ما نأخذ حق سيف اوعي دمعة واحدة تنزل من عينك
نور: بس انا هساعدك ازي
محمود: هنقلك قسم المخابرات وان شاء الله اول ما تحسي انك احسن هاتيجي مركز التدريب
نور: بس أنت عارف اني مدربا على ايد سيف وهو علمنى كل حاجه خاصة بيكم
محمود: عارف بس ده اجراء لزام يتم
نور: وانا مستحيل أكون تحت رحمة حد وانت عارف ان بعد سيف مافيش في نظري اي حد يستاهل انه يكون أستاذي
محمود: اطمني يا نور خلاص ممكن نحل الموضوع ده اهم حاجه امسحي دموعك دي علشان مش عايز اشوفك ضعيفة تاني
نور: الفراق صعب اوي
محمود: عارف متنسايش انهم قتلوا بنتي من 4 سنين ده غير جوزها الي لحد النهاردة ميعرفش ان مرته ماتت مقتولها وكل الي يعرفه انها حادثه عربية
نور: وأنت ليه خبيت عنه موضوع مهم زي ده
محمود: لو كان عرف كان هايتحول وها يبقى وحش كاسر مفيش حد يقدر يوقفه عند حده كان هينتقم من اي حد وقتها مستقبله كان هايضيع وانا مستحيل اعمل فيه كده ده زي ابني مش بس كان جوز بنتي
نور: بس لو عرف الوضع وقتها هيكون اسوء
محمود: علشان كده انا عايزك انتي معايا في المهمة دي لزام نخلص من الكلاب الي حرمتنا من اغلي الناس أوعدك يا نور ان حق سيف وملك بنتي هناخده منهم بس بالقانون وده وعد مني اهم حاجه عايز انك ترجعي قوية زي الأول مش عايز اشوفك ضعيفة تاني انتي فاهمه عايزك ترجعي نور الي سيف كان بيقول عنها ب100 راجل علشان خاطر اهلك وخاطر سيف الله يرحمه
نور: أوعدك انك هتشوف نور تاني خالص غير الي الكل يعرفها ومن هنا لحد ما اخد حق سيف مفيش دمعة هتنزل مني
محمود : انا هبعتلك حد يجبلك لبس غير الي عليه الدم ده
نور: مفيش داعي انا كده كده مش هغسل الدم ده إلا يوم ما شوف الي قتل اخويا على حبل المشنقة وقتها هغسل الدم ده
انما دلوقتي انا لزام اروح اجيب سارة بنفسي علشان هي اكتر وحدة مش هتتحمل الخبر وأنت كلم بابا وماما قول ان سيف اتصاب وانا هقولهم الحقيقة لما يوصلوا
محمود: نور انتي متأكدة انك هتقدري تقولي لسارة علي موت سيف
نور: انا الوحيدة الي هقدر أقول لها الحقيقة
باك
جهزت كل شيء قد تحتاج إليه في مركز التدريب وعزمت أمرها على الذهاب الي هناك
بالنسبة لسارة فهي في السنة الأخيرة من كلية الطب تخصص جراحة و نور طلبت منها انها تعيش مع أهلها علشان هي مش هتكون موجودة على الرغم ان نور اصغر من سارة الي انها أقوي منها واذكي ويعتمد عليها عندها شخصية قوية جدا علشان كده الكل بيشوف نور جديرا بالمسؤولية
سارة بنت يتيمة أهلها ماتوا وهي لسه صغيرة وكنت عايشه في بيت عمها تبقى بنت خالت نور كانت بتحب سيف من وهي صغيرة وهو كمان كان بيحبها بنت طيبة جدا وجميلة
في فجر يوم الاثنين ودعت نور أهلها للسفر الي مكان معسكر التدريب واتصلت با اللواء محمود علشان يبعت حد يرشدها لمكان المعسكر وصلت نور للمكان الي فيه المعسكر وكانت بلد صغيرة بس جميلة جدا كلها أشجار نخل والبلد في النصف
كان في أتوبيس بيوصل لمكان المعسكر ركبت نور فيه وجت بنت تقريبا في سن نور ركبت جنبها
البنت: هاي
نور: اهلا
البنت: انتي من هنا من البلد
نور: لا
البنت: تب ايه الي جابك هنا
نور: شيء ميخصكش
البنت: اصلي أنا جايه معسكر التدريب ومش عارفه المكان وصحابي سافروا قبلي
نور: خلاص لما نوصل هقول لك
البنت: انتي كمان رايحه المعسكر يعني انتي ملازم
نور: اه تقريبا
البنت: انا اسمي ندى وانتي
نور: اللهم طولك يا روح اسمي نور
ندي: اسمك حلو
فضلت ندى تكلم في نور وتحكي عن حياتها وكل ده ونور سرحانه في شكل حياتها الي جي هيكون ايه ويا تري هتقدر تتحمل تكون تحت رحمة مدرب غير أخوها
وصل الاتوبيس لمكان المعسكر وكان في عسكري في انتظار نور علشان يوصلها المعسكر
العسكري: حضرتك الملازم نور
نور: اه انا
العسكري: بس سيادة اللواء قال انك لوحدك
نور: الملازم ندى الفرقة بتاعتها سابتها وهي اتأخرت
العسكري: تمام يا فندم سيادة اللواء عنده اجتماع دلوقتي تقدري تنتظري في الاستراحة بتاع الضباط
نور: خلاص اتفضل أنت واحنا هنلف شويه في المعسكر
ندي: بصي يا نور شايفه الضباط الي هناك دول ايه ده دول مززز
نور: نعم
ندي: ايه الي نعم شايفه الظابط الي هناك ده يالهوي شبه توم كروز
نور: لأ إله إلا الله انتي متأكدة انك ملازم معانا
ندي: والله العظيم ملازم ولسه متخرجه من الكلية
نور: تب يعني ينفع أنك انتي تعاكسي الشباب
ندي: يا اختي يعني حرام حتى نبص
نور: اللهم طولك يا روح يعني انتي بنت زي القمر ومفيش فيكي عيب واحد غير بس لسانك ده
ندي: سيبك مني تعالي نسأل على مكتب اللواء علشان ده انا هتتنفخ ده انا متأخرة أسبوع
في استراحة الضباط المستجدين
جاسر: هاه يا شباب عرفتوا مين الي هيكون المدرب الجديد
احمد: أنت عرفت هو مين
جاسر: المقدم اسر الجارحي
مصطفى: نهار ابوك اسود اسر الجارحي
جاسر: هو بشحمه ولحمه
ناصر: يعني بعد الرائد سيف يكون اسر الجارحي
احمد: الرائد سيف الله يرحمه كان زي البلسم انا بجد كان نفسي اكون زيه
مصطفى: الظاهر كده احنا هموت قريبا ونحصل سيادة الرائد
عادل:يعم سيبك ده كله كلام مانت سمعت كانوا بيقولوا ايه على الرائد سيف وفي الاخر طلع اطيب انسان في الدنيا
جاسر: معاك حق هو وقت الجد وحش وقت الهزار كان أخ لينا بجد
احمد: الله عليك يا حبيب والديك مين المزتين دول
عادل: ايه ده شايف البنت الي لبسه جينس والنضارة دي جامدة موت
مصطفى: الله يخرب بيتك منك له انتو فاكرين نفسكم فين احنا في المعسكر ودول اكيد طالبا هما كمان
نور: مساء الخير
عادل: يا مساء العسل
نور: فين مكتب اللواء محمود
عادل: تب مش نتعارف الأول
نور: والله انا مش جايه هنا علشان اتعرف على حد
عادل: خلاص اعرفك أنا عادل
نور: في حد هنا يعرف مكان مكتب اللواء محمود
جاسر: المكتب الي في الدور التاني على ايدك اليمين
نور:شكرا
ولسه نور هتمشي راح الي اسمه عادل مسك ذراع نور
نور: ممكن لو سمحت تسيب ايدي احسن لك
عادل: ولو ما سبتهش هتعملي ايه
نور:الاحسن انك متعرفش وسيب ايدي بدل ما يحصل شيء ميعجبكش
عادل:تؤ تؤ انا مش هسيب
نور: خلاص اتحمل بقه
في لمح البصر كان عادل على الأرض وبيصرخ لان نور كسرت ذراعه نور قربت منه وهمست
نور: اوعي تكون فاكرني بنت وسهل تمسك ايدي واسكت لا فوق ده انا اعلمك انت وكل المدربين الي هنا من اكبر واحد لحد أصغر واحد
كانت لسه هتمشي بس في حدا اتكلم وقال
الشخص: وانا بقه عايز اشوف تعليمك
الكل انتبه على الشخص الي بيتكلم ومحدش عارف هو مين
بصت نور ليه شافت شاب لسه في التلاتين من عمره كان لبس تشيرت اسود ضيق ظاهر كل عضلات جسمه شاب طويل وعريض بشرته بيضاء وشعره اسود وطويل وناعم جدا واول ما خلع نضارة الشمس الي لبسها وظهرت عنيه الي كان لونهم عسلي فاتح كان وسيم جدا
ندي راحت خبطت نور وقالت
ندي: ايه القمر ده معقولة انا اول مره اشوف حد قشطة كده
الشخص :أنت يا ابني روح شوف دكتور علشان ذراعك الي اتكسر ده لحد ما اشوف الانسة الي مش عجبها حد في المعسكر كله
يا تري مين ده وحكايتة هتكون ايه مع نور،،،،،،،،،
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها رغم تمردها)

اترك رد