روايات

رواية عروس الالفا (الهجينة 2) الفصل التاسع 9 بقلم ماهي أحمد

رواية عروس الالفا (الهجينة 2) الفصل التاسع 9 بقلم ماهي أحمد

رواية عروس الالفا (الهجينة 2) البارت التاسع

رواية عروس الالفا (الهجينة 2) الجزء التاسع

رواية عروس الالفا (الهجينة 2) الحلقة التاسعة

شريف : ده .. ده .. ده مش اثار ضرب .. ده مكياچ
(ولاء بقت تضحك علي شريف ومابقيتش قادره تبطل ضحك وهي بتبص لملامح وشه اللي كانت علامات الصدمه باينه عليها )
شريف : يعني .. يعني احنا .. احنا ماحصلش بينا حاجه
ولاء : لاء طبعا وانا هسيبك تقرب مني ولا ايه
مش معنى كده انك محاولتش بس انا مسكتلكش وعضيتك ونيمتك علي سريرك تاني
شريفى: يابنت ال .. انتي فكراها لعبه
( بعدت عن شريف خطوه )
ولاء : بنت .. بنت ايه كلمه تاني ووالله هقول لغرام انك بتشتمني
شريف : انا خلاااااص انا لو جايب بنت اختي اربيها مش هتعمل كده ارحميني بقي
( شريف بيبص لقى الفون بيرن طلع الفون من جيبه بسرعه لقاه مكالمه ڤيديو من عز )
شريف : امسحي .. امسحي المكياج ده بسرعه
( شريف رد علي عز وبقوا شايفين عز وغرام صوت وصوره )

 

عز : ازيك ياشريف عامل اي
شريف : عز انا كنت فين انا كنت قلقان عليك جدا
عز : عارف وحقيقي معرفتش امسك الفون غير دلوقتي
طمني عليك
شريف : انا كويس .. ازيك ياغرام
غرام : فين ولاء
شريف : طيب علي الاقل ردي السلام
( عز بص لغرام )
عز : معلش اصلها تعبانه شويه تلاقيها ماسمعتش او حاجه
( شريف استغرب وولاء جت قعدت جنب شريف)
ولاء: غرام ازيك
غرام : ولاء وحشتيني اوي .. قوليلي عامله اي مرتاحه هناك
مع شريف
( ولاء بصت لشريف)
ولاء: اوي .. اوي الحمدلله المهم طمنيني عليكي مبسوطه في شهر العسل
غرام : الحمدلله .. عايزاكي تخللي بالك علي نفسك ياولاء واحنا هنرجع في اقرب وقت
ولاء : ماتقلقيش المهم انتي تكوني مبسوطه
عز : شريف عايزك تعمل مكالمه شغل وتوصلني علي اللوكيشن اللي هبعتهولك قبل طلوع الفجر
شريف : تمام .. حاضر ياخويا
(عز قفل مع شريف )
عز : برضوا ياغرام
غرام : ارجوك ياعز انا مش هرتاح الا لما اعرف الحقيقه
عز : هنعرفها .. صدقيني هنعرفها
شريف قفل مع عز وهو بيسأل نفسه ياترى في اي يخللي غرام تتجاهله كده
—————————( بقلمي مآآهي آآحمد )——————-
(يزن بقي يدور علي ميرا في كل مكان بيبص لقاها راجعه هي ورعد وداخلين علي البيت يزن قرب منهم ووقف قدام ميرا )
يزن : ميرا محتاج اتكلم معاكي شويه
( رعد وقف قدامه)

 

رعد : وهي مش عايزه تتكلم معاك
يزن : رعد ارجوك الموضوع ده بيني وبين ميرا
رعد : انت عايز منها ايه ما تسيبها في حالها
( ميرا قربت منه )
ميرا : رعد ارجوك ..
( بصت ليزن )
ميرا : عايز تقول اي يايزن
يزن : ميرا انا عارف اني غلطت بس ارجوكي انا مش وحش اوي كده
ميرا : مين قال انك وحش .. بالعكس انا اللي وحشه وماقدرتش قيمه نفسي العيب عمره ما كان عليك .. العيب عندي انا
يزن : ميرا انتي مافيش اي عيب عليكي
ميرا : لما اصدق واحد انا عارفه ومتأكده ان قلبه مشغول مع غيري يبقي العيب من عندي .. لما كل تصرفاتك ونظراتك تقول انك بتحبها واصدق لسانك اللي بيقول انه بيحبني .. يبقي العيب من عندي .. لما اصدق واحد زيك يبقي العيب من عندي انا يايزن مش منك خالص
يزن : ميرا انا اسف انتي انا ماستهلكيش
اديني فرصه اشرحلك
ميرا : اديني فرصه اسألك لو خيروك بيني وبينها هتختار مين
يزن : انا .. انا
رعد : كفايه كده يايزن .. كفايه

 

( رعد اخد ميرا ودخل جوه ويزن مابقاش عارف يعمل اي ويصلح الموقف ازاي كان نفسه يكلم ساره بس مش قادر بيبص لقاها نور اوضتها مفتوح كانت وحشاه عايز يطمن عليها من بعيد طلع علي الشجره وبقي بيطلع علي الشجره بالراحه اوي وبقي يبص عليها من شباك اوضتها لقاها قاعده علي السرير وحاضنه مخدتها وبتعيط )
(يزن بقي يبصلها وبص لدموعها اللي بتنزل بسببه )
( اتعدلت وقعدت علي السرير وبقت تدعي ربنا )
ساره : يارب.. يارب طلعه من هنا .. يارب طلعه من قلبي .. يارب هو واجعني اوي .. يارب حاسه بشرخ جوايا محسيتش بي قبل كده .. يارب انساه ..
(يزن بصلها اكتر ودمعه نزلت منه وهو بيشوفها وهي بتدعي ربنا انها تنساه .. بقي بيتكلم بصوت واطي وهو شايفها قدامه بتتألم )
يزن : لو نستيني .. مش هبقي عايز حد غيرك يفتكرني ياساره
—————————( بقلمي مآآهي آآحمد )——————–
( داغر طلع هو وهدير من السينما )
داغر : لا بس حلو الفيلم
هدير : اه فعلا حلو اوي
داغر : شوفتي البطل وهو كان سايق ونط بالعربيه في المايه وشاف التمساح
هدير : داغر مكانش في تمساح اصلا وبعدين ده فيلم رومانسي وانت نمت في نصه
داغر : اعمل ايه يعني .. ما انا مابحبش ادخل السينما انا داخل عشانك بقيت اتخيل هما بيعملوا اي من الصوت بس الفيلم ممل اوي فنمت

 

هدير : بقى كده
داغر : تعاالي اعزمك علي العشا بقي
( داغر دخل المطعم هو وهدير وبقوا يطلبوا العشا )
داغر : اشرحيلي بقي كل حاجه هنا بالالوان
هدير : بالالوان كمان
داغر: اااايوه
(بصت شمال ويمين )
هدير : بص ياسيدي المطعم كله رجاله مافيهووش ولا ست واحده
داغر : غريبه مع اني شايف برفانات حريمي
( مره واحده لقى في بنت بتغني )
داغر : اي ده والصوت اللي بيغني ده برضوا صوت راجل
هدير : ده .. ده اغنيه متسجله
داغر : لا والله .. تصدقي صدقتك
هدير : يعني انا كدابه
داغر : اه .. بس احلى وارق كدابه
( داغر قام وانحني قدام هدير)
داغر : ياترى الكدابه تسمحلي بالرقصه دي
( ابتسمت ومدت ايدها لداغر وبقت ترقص معاه وحضنته اوي داغر بقي يشوفها بقلبه مش بعنيه )
داغر : انتي ازاي كده
هدير : ازاي ايه
داغر : انتي ازاي بتقدري تشيلي اي وجع جوايا بمجرد قربي منك ازاي
هدير : حبيتك .. حبيتك اوي .. بس
داغر : بس ..هو الحب يعني بيعمل كل ده
هدير : لاء طبعا .. ياما ناس كتير بتحب بس قليل اوي اللي بيعرف ازاي يحب انت عارف اول مره شوفتك فيها قلبي قالي هو ده مش عارفه ازاي وامتي ولا حتى ليه هو دق .. دق وبس
( داغر رفع ايده وهدير لفت وهي ماسكه طرف ايديه ورجع ضمها لحضنه تاني)
داغر : اللي بيدور علي علاج لاي وجع مافيش قدامه غير حل واحد انه يحب وانتي علاجي ياهدير اللي شيلت بي كل الوجع اللي جوايا عايزك تتحمليني في وقت غضبي .. انا عارف اني بغضب كتير وبهمل فيكي اكتر بس عايزك تتأكدي من حقيقه واحده بس انك لو لفيتي الدنيا كلها مش هتلاقي حد يحبك ربع الحب اللي بحبهولك
———————–( بقلمي مآآهي آآحمد )———————–

 

( مرال كانت في اوضتها وقاعده علي فونها ومشغله الاغاني )
مرال : انا هدخل اصلي وبعد كده انام
مرال : مابلاش تصلي ياماما الايام دي قدام ميوان
الام : مرال بلاش نتكلم في الوضوع ده
مرال : هتفضلي لحد امتي كل ما اتكلم في الموضوع ده .. من وقت حادثه عماى وانتي بقيتي متغييه ده طبيعي ابنك ومات قدام عنيكي .. لكن ليه تأسلمي ليه .. حاجات كتيييه اوي نفسنها نلاقيلها اجابه وانتي مابتجاوبيش ليه مسميه عماي بأسم مسلم وده ماينفعش احنا مسيحيين ازاي توافقي ان كمال ننده بميوان برضوا مابتنطقيش طيب سيبك من كل ده ليه جيبتينا هنا بعيد عن الناس بعد ما بابا مات واسلمتي
ايه اللي خلاكي تترددي عن دينا
ساعات بفكى واقول ميوان عنده حق .. عنده انه يعاملك بالطييقه دي وايجع واقول بس انتي امي ماينفعش .. ماينفعش ابقي قاسيه عليكي انتي بعدتينا عن كل الناس وعن كل قرايبنا عشان نيجي هنا وتأسلمي
الام : انا مغصبتكوش علي حاجه .. انا مغصبتكيش ولا انتي ولا اخوكي علي انكم تأسلموا
مرال : انا عارفه بس لييييه عايزه اعيييف ليه جاوبي عشان خاطيي جاوبي
( مره واحده بيبصوا لقوا الباب بيخبط )
الام : بس .. بس عشان مروان جه ولو فتح في الموضوع ده مش هنخلص النهارده
( الباب بقي بيخبط اكتر لحد ما انكسر )
الام : مرال استخبي يامرال استخبي
صابر : لتاااني مره جيت ازورك بعد زمن
(الام بقت خايفه جدا )
الام : انتوا عايزين مني اي تاني .. وعرفتوا طريقنا منين عمار واخدتوه عايزين مننا ايه
صابر : هتعرفي دلوقتي

 

(مرال بقت ترجع لورا بخطوات بطيئه وهي بتترعش من الخوف )
مرال : ابعدوا عني .. ابعدوا عني ماتلمسونيش
انتوا عايزين مني ايه
( واحد منهم ضربها علي راسها اغم عليها وشالها واخدها معاه )
صابر : كنتي فكره انك هتقدرى تهربي مننا ان نقدر نجيبك من تحت الارض
( صابر طلع مسدسه وضر”ب الام باالنار ووقعت في الارض )
————————–( بقلمي مآآهي آآحمد )——————–
( بربروس كان قاعد في المزرعه هو وياسين علي جه عليهم )
دكتور علي : اي التجمع العظيم ده
ياسين : مافيش مش جايلي نوم
دكتور علي : خايف من اللي هيحصل بكره
ياسين : انا مابخافش
بربروس : ولماذا لا تخف .. ولماذا هذه المعركه من البدايه انا لا افهم شيئاا لا احد منكم يريد ان يخبرني ما الذي يحدث بحق الله
ياسين : عايز تعرف ايه
ياسين : كل شىء .. كل شىء بالحرف وتفصيله .. تفصيله
( ياسين بض جنبه لعلي وبرأله بعنيه )
ياسين : بعد الزمن بتاعكم .. الزمن بقي بيطور وبعد ما الاسلام انتشر وبقي طلعوا جماعه من البشر بيقولوا انهم ضد الاسلام وعايزين يخلوا البنات تبقي بشعرها يا أخ بربروس
بروبروس : اتقصد بدون حچاب
ياسين : أجل .. أجل يا أخ بربروس
فقد بدأوا بدينآ چديد يدعون هذا الدين بعبده الشيطان
بربروس : وما هذا الدين
ياسين : استغفر الله العظيم ده دين وحش اوي بيخلوا البنات تبقي مع ولااااد يا أخ بربروس وانت عارف اذا اجتمع البنت والولد مين بيبقي تالتهم

 

بربروس : الشيطان والعياذ بالله
( ياسين خبط بكف ايديه علي ايديه التانيه )
ياسين: أيرضيگ .. أيرضيگ يا أخ بربروس الفئه الجديده دي تخللي الدنيا بلا دين
بربروس : لا والله بعقد الهاء
ياسين : المهم المدعوه شمس دي هي الاساس البنات كلها بيمشوا وراها فا احنا بقي عايزين نجيبها علشان نحجبها والبنات كلها تلبس الحجاب زيها ونرجع الدنيا زي زمان
بربروس: وما المشكله في ذلك ايها اللعين انها مجرد فتاه
(ياسين رفع كف ايده )
ياسين : لا والله بعقد الهاء .. اصلها مش لوحدها حاوليها ناس بتساعدها واقويا اوي يرضيك .. يرضيك يا اخ بربروس البنات تمشي بشعرها في الشارع ويعبدوا الشياطين
بربروس : لا والله لا يرضيني
ياسين : هو ده اهوه احنا بقي بنعمل كل ده علشان نرجع الدنيا للزمن بتاعك زمن العفه والطهاره وعدم التبرج
بربروس : ولكن .. لكن حسام هذا الشرير اللعين لا يظهر عليه اي شىء من التدين
ياسين : من الغضب .. من الغضب من اللي بيحصل تخيل انهم بياخدوا البنات الصغيره بيمشوهم في استغفر الله العظيم بيبقوا اطفال واحنا عايزين نخلص العالم منهم
بربروس : نعم .. لديگ كل الحق فعندما خرجت من هذا المكان الكئيب وجدت فتاه متبرچه وليعاذ بالله
ياسين : شوفت بقي مش انا قولتلك .. عشان كده بقي بقولك ان البشر بقوا ضدنا عشان احنا في صف الخير وهما في صف الشر
بربروس : لم يدخل كلامك في ذمتي ايها اللعين ولكن اذا كان كلامك فيه شيئآ صحيح فا انا معكم
دكتورعلي : كفايه بقي ياياسين
ياسين : مش بفهمه علي اللي هيحصل

 

دكتور علي : افهمني يابربروس .. احنا ملعونين .. اتلعنا من واحد اسمه المهدي كان كبيرنا وللاسف الوحيده اللي تقدر تفك اللعنه دي هي شمس احنا مش هنأذي حد احنا عايزين نعيش مش اكتر
احنا كائنات زينا زيهم .. من حقنا نعيش ونتعايش .. كل واحد وقراره انا عمرى ما هأذي حد وانت لو اخدت القرار ده يبقي ده الصح اللي هناك دوول عابزينا ميتين مع اننا ما بنأذيهمش
بربروس : لهذا فهمت ولكني لن اقت”ل احدا في الغد
لن تتلوث يدي بالدما”ء
دكتور علي : احنا هنشل حركتهم مش اكتر لحد ما ناخد شمس منهم هنفك اللعنه وهنسيبها تروح لحالها
(ياسين بص لعلي باستغراب )
ياسين : هو انت ازاي مستذئب وبريء اوى كده
دكتور علي : عشان ده اللي لازم يتعمل احنا نعيش وهي كمان تعيش
ياسين : الدنيا مش منصفه ياصديقي
دكتور علي : لاء منصفه .. منصفه كفايه وخليتك بقى عندك قلب وبتخاف علي غيرك زي ما خوفت عليا النهارده
ياسين : مش هكذب واقول اني مخفتش عليك بس عارف انت اكتر حد يقعد معايا الفتره الطويله دي ممكن عشان كده حسيت بالخوف عليك
دكتور علي : وانا مابقيتش اخاف منك زي الاول وبقيت اخاف عليك وعشان كده عايز اوصيگ لو بكره جرالي حاجه ومو”ت خللي بالك من علي وزهره دوول امانه في رقبتك
ياياسين
بربروس : الف لا بأس عليك ولماذا ذكر المو”ت
دكتور علي : احساس مش اكتر ممكن بكره نروح كلنا ومانرجعش اللعنه لو مانفكتش وقت اكتمال القمر كلنا هنم”وت بس لو اتفكت وانا لوحدي اللي مت خللي بالك علي بربروس وزهره وقولها اني بحبها
بربروس : ولماذا هذا الابله هو الذي يرعاني فا انا سوف ارعاه
ياسين : انا مش هسمح ان يجرالك حاجه بكره وبطل كلام اهبل اللي بتقوله ده .. انت معايا من غير اخر عشان احنا مالناش اخر ياعلي .. وهجوزك الوليه اللي فوق دي غصبا عنها مش برضاها وهنفضل دايما سوا وبعد مانفك اللعنه هتقول ياسين قال
(دكتور علي ابتسم لياسين وبربروس ضحك معاهم ومره واحده حسام جه )
بربروس : ها قد أتى هادم اللذات ومفرق الچماعات
حسام : طيب يلا يابربروس ياخويا الطياره جاهزه
دكتور علي : بالسرعه دي

 

حسام : يادوبگ عايزين نكون هناك علب الفجر القمر هيكتمل بكره بالليل لازم شمس تكون معانا
دكتور علي : طيب انا .. انا هطلع فوق اجيب حاجه واجي
حسام : ماتحاولش لو رايح لزهره فزهره معانا
كله علي الطياره ياحبايب اخوكم
دكتور علي سابه ومشي وراح لزهره لقاها راكبه الطياره بأرادتها
دكتور علي : زهره انا ههربك
زهره : وتهربني ليه انا عايزه اروح لبنتي وانتوا رايحينلها يبقي مالهوش لازمه الهروب
دكتور علي : ايوه بس
(العربي جه من وراه)
العربي : بس ايه ياعلي
علي : بس .. بس زهره مالهاش ذنب في كل ده
العربي : ومين لي ذنب في اللي بيحصل ده كله .. المهدي هو المذنب في كل ده
المهدي يازهره ولا نستيه
(زهره بصت قدامها وماتكلمتش )
بربروس بص للطياره وبقي مستغرب
بربروس : ماهذا ايها اللعين
ياسين : اركب يابربروس مش وقتك ده احنا جايبينلك طياره خصوصي
بربروس : اتطير
ياسين : لاء .. بتعوم
(بربروس ركب هو وياسين والطياره اتحركت)
———————-( بقلمي مآآهي آآحمد )———————–
(داغر رجع هو وهدير من سهرتهم وكانت سهره حلوه اوي بيبص لقاهم كلهم مستنيين داغر في الدور اللي تحت كلهم بلا استثناء )

 

داغر : انتوا عارفين ان بكره يوم مهم بالنسبه لكل واحد فينا
كل واحد هنا موجود لغرض معين كل واحد هنا لي مصلحه ولازم يخلصها بكره )
داغر : عمارانت عارف هتعمل اي كويس
عمار : عارف
داغر : يزن ورعد
يزن : ماتقلقش كل حاجه معمول حسابها
ساره وميرا
ميرا : جاهزه
عز : الاسل”حه وصلت
داغر : غدير وهدير وغرام وشمس .. مش هيبقوا موجودين بكره في البيت هايروحوا علي قصر وانا وعز وعمار ويزن ورعد هنفضل طول الليل نظبط البيت من كله وننفذ الخطه
يزن : لازم يبقي في خطه بديله
ماينفعش نعتمد علي عمار وبس
داغر : قصدك الذئاب
يزن : الذئاب وغيرها لازم يبقي في خطه تانيه نعتمد عليها لو الخطه الاولى فشلت
داغر : غرام غدير شمس وانتي ياهدير اطلعي غيري هدومك رعد هياخدكم علي القصر
( شمس شاورت بأيديها لداغر )
داغر : ساره بتقول ايه
ساره : بتقول سيبوني انا الخطه البديله
داغر : مش فاهم
(شمس طلعت بره وغمضت عنيها وبصت لفوق وبقت ترفع ايديها الاتنين بالراحه جدا الارض بقت تتحرك من تحتها وحبات التلج بقت تترفع حركت ايديها علي شكل دائري وبقت تحرك الحبيبات دي علي شكل عاصفه )
كلهم بقوا بيبصولها وهما مذهولين من اللي بتقدر تعمله وهي بتحرك العاصفه دي مناخيرها بقت تنزل د”م وشفايفها ازرقت ومره واحده وقعت في الارض وحبيبات التلج نزلت معاها في الارض والعاصفه وقفت )
عمار جرى عليها
عمار : انتي كويسه
( شاورتله براسها بأنها اه كويسه حاولت تقوم معاه ومسحت نقط الدم اللي نزلت من مناخيرها )
( شمس بقت تشاور ان القوه دي عرفت بيها من قريب وكل ده هيختفي لو اللعنه اتفكت وهتبقي مجرد بنت عاديه )
داغر : يبقي شمس هتفضل معانا بس كلنا هنحميها ولو فشلنا تبقي هي خطتنا
عمار : ايوه بس

 

عز : من غير بس ماتقلقش عليها كلنا هنبقى حواليها
( اليوم ده محدش نام فيه ورعد راح ودا غرام وهدير والطفله القصر وكلهم كانوا بيشتغلوا وبينفذوا خطتهم اللي متفقين عليها )
———————-( بقلمي مآآهي آآحمد )————————-
( ومع اول ظهور فجر جديد لليوم الموعود وصل بربروس وياسين ودكتور علي وحسام وكان معاهم شويه رجاله من رجاله العربي والعربي وزهره فضلوا في الطياره )
(ياسين اول ما نزل العربي نده عليه )
العربي : ياااسين
( ياسين بص وراه )
العربي : خللي بالك زى ما اتفقنا شمس ترجع في ايدك
( ياسين مشي قدام وبقي حسام والدكتور علي وبربروس التلاته ماشيين وراه وقف بره السلگ الشائك بتاع البيت وبقي ينده علي داغر )
ياسين : داااااغر .. داااااااااغر
ياسين : انا عارف انگ سامعني وعارف ان گلكم جوه متخبيين زي الفيران .. وعارف ان بعد السلگ ده في الف فخ وفخ محطوط .. ( بص شمال ناحيه البيت من الجنب )
لقي ساره بصاله وهي ماسكه مسد” س بص يمين لقى ميرا وماسكه مسدس ورا البيت
ياسين : حلو جو البنات ده
( شاور بصوابعه )
بيبقي دمهم لذيذ وانا بغرز سناني جواه واحده فيهم بحس بطعم كده يا اخي غير الرجاله خالص بيبقوا مسكرين زياده عن اللزوم والظاهر كده اني هحلي بيهم النهارده
( مره واحده عمار نزل من فوق السطح واقف وهو وشه متغير ولون عنيه باللون الاحمر )
( وداغر وعز طلعوا من البيت وواقفين وراه )
ياسين : تؤ .. تؤ .. تؤ ياساتر يارب انا مش عارف انا ليه خايف
(داغر وعمار وعز كلهم ساكتين مكانش حد بيرد عليه )
ياسين : هو انتوا ما بتتكلمووش ليه هي القطه بلعت لسانكم
عمار : عشان اللك للحريم والفعل للرجاله
( حسام داس علي سنانه من الغضب ولسه هيتحرك ياسين شاورله بأيده انه يقف )
ياسين : ماتبقاش متهور ادخل جوه السلك ده ومش هترجع تاني
( ياسين رفع صوابعه الاتنين وشاور وراه رجاله العربي جم من وراه وكلهم بقوا يجروا ودخلوا جوه السلك الشائك بقت الافخاخ تنفجر كانوا بيدوسوا عليها علشان يفج”روا كل فخ موجود ويمو”توا معاها )
الانفج”ار بقي في كل مكان حرفيا لحد ما مره واحده الانفجارات وقفت وكام راجل بقوا لسه عايشين
(ياسين بص قدامه )
ياسين : خلاص .. خلصتوا العابيكم
(عمار في لحظه كان واقف قدامه وبقي شكله مرعب وطلع ضوافره )
عمار : لاء لسه
( ضربه ضربه شديده في صدره رجعته لورا عشره متر )
(ياسين طلع ضوافره و غرز الارض بضوافره ووقف قدامه بصله نظره خبيثه )
ياسين : ابتدينا

 

بربروس بص شمال ويمين هو وحسام .. حسام بيبص لقى داغر واقف قدامه
حسام : أخيرااا .. انت عارف انا استنيت قد ايه وعملت ايه عشان اقف قدامك الوقفه دي من جديد بس المره دي مابقيتش حسام الضعيف قدام داغر الوحش بقيت حسام القوي اللي هيخلي داغر الوحش يركع تحت رجليه
داغر : رغي كتير .. مابحبوش
(داغر مره واحده غرز ضوافره في بطن حسام ورفعه بأيديه الاتنين حسام بقي يجيب دم اسود من بوقه )
داغر : ده حق جدتي اللي انت دبح”تها قدامي
( داغر وقع حسام في الارض وحسام اترمى وبقي بيطلع د” م اسود من بطنه ومن بوقه وبقي جسمه كله يترعش )
داغر : مستنيك تقوم .. الحركات دي مش عليا
(حسام ابتسم وجرحه لم في ثواني ووقف مره تانيه )
حسام : يبقي نلعب علي المكشوف
( حسام في لحظه كان عند داغر وسرعته كانت رهيبه وبقي بيضربوه في ضهره بضوافره داغر بقي بيتلفت حوالين نفسه شمال ويمين عشان يلحق سرعته الرهيبه )
( يزن ورعد كانوا راكبين بتاعت التزحلق علي الجليد وكل واحد فيهم بيصوب مسدسه ناحيه بربروس وبيضربوا نار عليه هو وعلي بربروس وقف في ضهر علي والاتنين مكانوش عايزين يمو” توا حد
علي : خللي بالك اوعى حد فيهم يمو”ت
بربروس : لاتخف فقط سأجرحهم وليس بجرحآ عميق
عز سمع كده استغرب جه من وراه وبقي بيضر” ب نار بالمدسد”سات بتاعته
دگتور علي : بربروس خليك معاهم هدخل انا جوه البيت
بربروس : حسنآ ..

 

(دكتور علي ابتدا يتحرك ويقرب من البيت شويه بشويه بيبص لقي رجاله تبع عز طالعين من جوه البيت ومعاهم مسدساتهم مش اقل من ٥٠ واحد وفجأه انتشروا في المكان كله بقوا واقفين حوالين علي وبيضربوا بالنار علي رجع لورا وفي لحظه ما بقاش موجود الرجاله اتلمت حوالين بربروس .. بربروس جرح واحد فيهم من ضهره بضوافره وشم ريحه الدم مابقاش حاسس بنفسه اول ما شم ريحه الدم وابتدت انيابه تطلع عليهم علي شاف كده من بعيد قرب منه
علي : بربروس .. لاء اتحكم في نفسك ..
بربروس بعد علي وبقي بيضرب في الرجاله راجل ورا التاني وبقي يمص دمهم
العربي كان واقف من بعيد بيتفرج علي اللي بيحصل واول ما شاف بربروس كده ابتسم
عز جاب سلاسل من حديد وانتهز فرصه ان بربروس مشغول في مص دمهم راح جاب السلسله ولفها وحطها علي رقبه بربروس وبقي هو ورعد يرفعوا فيه في الشجره والرجاله بتضرب عليه نار
ياسين : شمس ليا .. مهما عملت ياعمار
عمار : شمس عمرها ما كانت ليك مهما حصل يا ياسين
(ياسين هجم علي عمار مره واحده الاتنين كانوا بيقطعوا في بعض )
داغر مسك حسام من رقبته ورماه في الارض
داغر اتحرك بأسرع ما عنده والدنيا أكنها بتمطر رصاص من رجاله عز يزن اتخبي هو ورعد وبقول يضربوا نار من بعيد عليهم برضوا ساره طلعت فوق السطح لاقت يزن طالع وراها
يزن : هتعرفي تستخدميه
ساره : هعرف داغر علمني
يزن بقي واقف جنب ساره وكان بيضرب نار علي اي حد يقرب من البيت
عمار : مش قولتلك شمس مش بتاعتك
ياسين مسك عمار من ايده وطلع ضوافره من جواه
ياسين : ده علي جثتي حتي لو قوتك زادت اضعاف عارف .. عارف يعني ايه علي جثتي
ياسين وقع في الارض عمار قوته مايستاهنش بيها ولسه هينهي علي ياسين
العربي بص عليهم لقاهم بيقعوا واحد ورا التاني وبربروس متعلق علي الشجره بالسلاسل الحديد وياسين واقع في االارض وحسام خلاص بيخلص عليه داغر

الجزار جه من وراه

 

 

الجزار : وانا مستني اني اساعدك

داغر بيبص لقى طيارات هليكوبتر وصلت ورجاله نازله من كل مكان بتضرب نار وعربيات jeep ورجاله مالهاش عدد

عمار لقي رجاله جايه بتضرب نار من كل حته ساب ياسين وبيبص لقى كل اللي حواليه بقوا بيضربوا عليه نار بص شمال ويمين وفي لحظه اختفى

الجزار : هاتووه اوعى يهرب من ايديكم المره دي انتوا فاهمين

ياسين جرحه لم بسرعه وقام وقف من جديد وبقي عمار وداغر وعز واقفين في ضهر بعض مره

بربروس فك السلاسل الحديد ومره واحده وقع في الارض وابتدى بعد ما كان خلاص عمار هو اللي هيكسب المعركه العربي وياسين اتكاتروا عليهم بكتر رجاله الجزار

عز وداغر وعمار وقفوا في ضهر بعض والرجاله بقت حواليهم وياسين قرب من عمار وبقي عمار سريع جدا كان بيموت عشر رجاله في اقل من دقيقه بس كانوا عاملين زي النمل كل ماتموت منهم شويه يزيوا ما يقلووش حسام جه بكل غله وبقي بيغرز سنانه في رقبه كل راجل من رجاله عز يقف في طريقه ومره واحده قرب من داغر وداغر كان مشغول بكتر الرجاله اللي حواليه وغرز ضوافره اللي مليانه سم في بطنه داغر وقف والثواني اتجمدت
والدم بقي بينزل من بوقه

(عمار شاف كده )

عمار : دااااااغر

عمار في لحظه كان عند داغر وجاب حسام من ورا ضهره وغرز ضوافره في رقبته ومسك داغر بقي يشيله وعز بقي بيرجع البيت واحده واحده وهو بيحمي داغر وعمار ودخلوا البيت وقفلوا الباب

عمار : داغر .. داغر انت كويس

داغر : ضوافره .. ضوافره مش طبيعيه .. في .. في سم ضوافره

يزن نزل هو وميرا وساره ورعد ودخلوا جوه البيت

 

 

عمار : شممممممممس .. فينك
الحقي داغر .. داغر بيمووووت

( شمس اول ما شافته كده دموعها نزلت منها ومن غير تردد جرحت ايديها وهي عارفه انها لو اديته دمها هتضعف اكتر وبقت تنزل دمها علي مكان الجرح .. الجرح بقي بيلم ودمها طرد السم )

يزن : وبعدين ايه اللي جاب الجزار للعربي عرفوا بعض ازاي
ميرا : يبقي اكيد في ما بينا خاين
ساره : احنا هنا كلنا بنثق في بعض مافيش ما بينا خونه
عز: احنا هنفضل نتكلم كده كتير
قوم معايا ياداغر

داغر قام انا .. انا بقيت كويس مجرد ما السم اطرد بقيت احسن

يزن : داغر الذئاب

داغر طلع فوق الرووف وبقي يعوي .. يعوي للذئاب الرجاله بقت تبص حواليها لاقت الذئاب طالعه ما بين الاشجار ومش مجرد قطيع داغر .. ده ذئاب مالهاش عدد

عمار : هنكمل
داغر : هنكمل

شمس طلعت بره وبقوا كلهم حواليها

مسكت حبات التلج وفركتها بأيديها وبقت العاصفه شديده الجزار والعربي وياسين وبربروس ودكتور علي بيبصوا حواليهم العربي لقي حسام واقع في الارض شدوا بسرعه هو والرجاله ودخلوا علي الطياره

العربي : عمار .. عمار قدر يجرحك جرح زي ده
طلع حقنه وغرزها في قلب حسام ابتدي يفوق مره تانه وجرحه ابتدى يلم

 

داغر مهما كان بشر السم اه اطرد من جسمه بس الجرح مالمش بسرعه زيهم وده قلل من حركته العاصفه كانت بتجيل وتودي في الرجاله ومناخير شمس بقت تنزل دم بطريقه صعبه وعمار وداغر بقوا بيتحركوا في العاصفه بسرعه جدا والذئاب اتلمت حوالين بربروس ويزن وساره وميرا ورعد كانوا بيضربوا نار في كل حته لحد ما شمس وقعت في الارض من كتر التعب بس كانوا موتوا عدد كبير منهم ياسين قرب من شمس مع انشغال عمار وانشغالهم كلهم

ياسين مسكها من شعرها بكل قوته

ياسين : اخيرا .. اخيرا رجعتي لحضني ياشمس

داغر تعب مش قادر الجرح مش قليل
عمار شافوه كده

عمار : يزن دخلوه البيت بسرعه

يزن دخل داغر وبقي بيسنده وهو بيضرب نار عليهم ودخلوا القبو وخباه حسام دخل وراهم وميرا كانت معاهم

داغر مره واحده اغم عليه ماحسش بنفسه ويزن قفل عليه القبو بسرعه

يزن : ساره استخبي

ساره استخبت تحت السرير
وميرا استخبت ورا الباب

ويزن بقي واقف وهو عارف ان حسام دخل البيت

حسام : هديييييير .. دااااااااغر

حسام : ابن عمك جه ياهدير ابن عمك حبيبك وصل وداغر مش هيحميكي مني المره دي

حسام سمع صوت خطوات بتمشي في الاوضه فتح الباب لقى يزن قدامه بقي يضربوا بالنار في كل حته في جسمه

حسام : تفتكر البتاعه اللي في ايدك دي هتموتني

بص جنبه لقي ميرا ورا الباب

حسام : ااااااااه ميرا القمر اللي باعتني لداغر

( سمع صوت نفس تاني في الاوضه )

حسام : اي ده .. انت معاك حد تاني في الاوضه دي اكيد ساره اصل احنا عرفنا ان الاتنين بيحبوك ياترى انت بقي بتحب انهه واحده فيهم

( مسك ميرا من شعرها وقربها لي )

 

 

ميرا : ااااااه

ميرا : الخاينه اللي خانتني وباعتني لداغر وكانت فاكره انها هتضحك عليا ولا ساره اللي مستخبيه تحت السرير وخايفه تطلع .. هاااا جاوب

يزن : ابعد عنهم مالكش دعوه بيهم انا قدامك اعمل معايا اللي انت عايزه ..

( حسام لقي حبل قدامه حدفه ليزن)
حسام : اربط نفسك بالحبل ده
يزن : انت بتقول ايه

( قرب من ميرا وحط ضووافره علي زورها )
حسام : مابحبش اكرر كلامي مرتين

يزن ربط ايديه بسرعه

حسام : مممممم لاء روحي ياميرا اربطيلوا ايده احسن

ميرا ربطت ليزن ايده وهي خايفه وبتترعش

حسام : شطوره ميرا شطوره دلوقتي بقي تقدر تختار حد من الاتنين ياميرا ياساره هااا قولي بقي تختار فيهم يعيش ومين فيهم يموت

يزن : انت اكيد اتجننت
حسام : حااااالا .. تحب اجيب اللي تحت السرير من شعرها وادبحها قدامك ولا اخليها واموت ميرا وادبحها هي قدامك
يزن : موتني انا .. اقتلني انا .. مالكش دعوه بيهم

حسام : مممممم كده بقي انا زعلت .. يبقي هيموتوا هما الاتنين

حسام جاب ساره من شعرها من تحت السرير

وحط ايديه الاتنين حوالين زورهم

حسام : قدامك ٣ ثواني .. ٣ ثواني تقدر تنقذ واحده فيهم يا اما الاتنين هيموتوا قدام عنيك
( يزن بقي بيبص لميرا وساره والاتنين الرعب باين في عنيهم ودموعهم بتنزل منهم وبيبصولوا )

 

 

حسام : واحد

اتنين

تلا

يزن : ميرا .. ميرا

( ميرا بصت ليزن وابتسمت )

ميرا : كنت عارفه

حسام عض ميرا من رقبتها جابها في الارض وبقت تنزل دم من رقبتها وطلعت في الروح وماتت

يزن بقي يصرخ

يزن : ميرااااااااااااااااااا

( جري بسرعه علي ميرا ووطى عليها ودموعه نازله منه ومش قادر يتمالك نفسه ساره بصيتله وهو قاعد علي ركبه وبيبكي وبصت لحسام وابتسمت )

ساره : مش قولتلك لو خيروك ما بيني ومابينها هتختارني
يلا ياحسام اتأخرنا علي بابا

( يزن رفع راسه وبص لميرا وهو مش مصدق اللي سمعه بودانه معقول ده بيحصل وقف مكانه وهو جنب ميرا ماتحركش الدنيا كلها وقفت عن اللحظه دي )

حسام طلع هو وساره

حسام: فين داغر
ساره : في القبو

( حسام نزل هو وساره بقي يدور علي داغر مالقهووش )

 

حسام : انتي بتكذبي عليا

ساره : اقسملك كان في القبو انا حطيته هنا انا ويزن بأيديه

حسام وساره طلعوا بره لقوا شمس مع زهره و بقوا الاتنين في ايدين ياسين وعمار مش موجود ورعد متعلق علي الشجره هو وعز والذئاب معظمها ميت وفي ذئاب شرسه موجوده مكانهم

ياسين : خلاص بقت في ايدينا .. يلا بينا
حسام : مش قبل ما لاقي داغر
دكتور علي : القمر خلاص قدامه ساعات ويكتمل مافيش وقت يا اما كلنا هنموت

حسام : عندك حق هو فعلا احنا في منا هيموت بس مش كلنا
اضعفنا بس

يعني زهره مثلا مش محتاجينها

حسام جه عشان يغرز ضوافره في زهره علي بسرعه راح مكانها وغرز ضوافره في ضهر علي بس المره دي حسام جاب خنجر مسموم

ياسين بقي مش مصدق ولا هو ولا بربروس

بربروس : علللللللللي

ياسين : علي .. لييييه قتلته ليه

زهره بسرعه جريت علي دكتور علي واخدته في حضنها

العربي : ضعيف كان لازم يموت

بربروس جه يروح لعلي عشان ينقذه مره واحده السلاسل بقت حوالين بربروس وياسين وبقوا يشدوهم لورا

 

 

العربي : عايز بربروس بس وموتوا ياسين

علي بص لزهره وهو بيموت وزهره بقت تصرخ من كل قلبها علي

زهرة: قوم ياعلي .. قوم انت هتعيش
علي : البصه في .. في عيونك حياه يا انسيه

( ياسين وبربروس بقوا يحاولوا يفكوا السلاسل اللي متربطه عليهم ماقدروش كانت سلاسل من نوع خاص كانت بتحرق جلدهم )

العربي بقي بيغرز حقن في جسم بربروس عشان يهدى

بربروس : عللللللللللي
ياسين : علللي .. ماتموتش ياعلي

علي دمعه نزلت من عنيه وهو بيطلع في الروح

علي : يمكن .. يمكن أكون مش .. مش من بني جنسگ لكن القلب عشقگ يا انسيه

زهره : علللللللللللي

( ياسين مبقاش يتحرك اول ما شاف علي مات قدامه مابقاش يقاوم ولا يتحرك حركه من مكانه حسام شاف كده ابتسم ورجاله العربي بقوا يشدوا شمس من مكانها واخدوها ومشيوا القمر خلاص بقي احمر
الجزار : يلا مافيش وقت القمر خلاص

العربي بقي بيشد السلال عشان ياخد بربروس معاه هو والجزار

بربروس شاف كده بقي بكل قوته مره واحده شد السلاسل اتقطعت وحسام كان لسه هيغرز ضوافره جوه ياسين بربروس راحله بسرعه وحدفه بعيد زقه عشره متر ورا

 

 

حسام والعربي ماقدروش علي بربروس وخلاص القمر بيكتمل كان لازم يتحركوا سابوا ياسين وبربروس واخدوا شمس معاهم وساره راحت معاهم

العربي : ياسين كان لازم يموت

حسام : المهم نفك اللعنه

( العربي اخد شمس عند الجزار في القصر بتاعه وبقي يبص للقمر شمس بقت مربوطه بأيديها الاتنين من دراعتها بالسلاسل الحديد
العربي جه يقرب منها مره واحده شمس صرخت وكانت اول مره تنطق نطقت صرخت بأسم ياسين

شمس : يااااااااااااسين

يتبع..

لقراءة الفصل التالى : اضغط هنا

لقراءة باقي حلقات الرواية اضغط على : (روايةعروس الالفا (الهجينة 2))

تعليق واحد

اترك رد