رواية إختيار خاطئ الفصل الثاني 2 بقلم إيناس طه

رواية إختيار خاطئ الفصل الثاني 2 بقلم إيناس طه

رواية إختيار خاطئ البارت الثاني

رواية إختيار خاطئ الجزء الثاني

رواية إختيار خاطئ الحلقة الثانية

عالية بصدمة : أنت
ممكن أعرف حضرتك بتعمل إيه هنا وتقصد إيه بكلامك
سكتت شوية وبعدها قالت بنرفزة : هو أنت اللي…
و قطع كلامها مازن
مازن : ممكن تهدي وأنا هفهمك كل حاجة
أيوة أنا اللي ببعتلك الرسايل يا عالية
عالية بتلم حاجاتها وماشية ومازن وقف في طريقها
مازن : أنا بحبك يا عالية ونفسي بجد تديني فرصة واحدة
عالية : إيه اللي بتقوله ده أنت مجنون
مازن : أنا مجنون بيكي وبحبك فوق ما تتخيلي
عارف إنك اتفاجئتي بكلامي و كمان عارف نظرتك عني بس رغم كل ده مقدرتش امنع نفسي من إن أصارحك بمشاعري
عالية سكتت و معرفتش ترد
مازن : أنا مش عايزك تردي عليا دلوقتي
خدي وقتك و فكري..سلام

وسابها ومشي
عالية كانت طايرة من الفرحة مش مصدقة اللي حصل
و بتقول لنفسها : معقول طلع بيحبني ومعجب بيا زي ما أنا معجبة بيه
حاسة إن أنا في حلم جميل ومش عايزة أصحي منه
وبعد شوية ملك جات
ملك : لا إنتي حالتك غريبة أوي النهاردة من كام ساعة كنت حساكي خايفة وكأن في حاجة ودلوقتي بتضحكي مع نفسك وفرحانة أوي
طب ما تفرحيني معاكي يا ستي
عالية بفرحة: ما إنتي لو عرفتي اللي أنا فيه هتفهمي
و تعذريني
أنا مبسوطة و فرحانة أوي يا ملك
ملك : يا ستي ربنا يسعدك ويفرحك كمان وكمان بس ممكن أعرف بقي إيه سر الضحكة دي
عالية : هحكيلك
وفعلا قالت لملك علي كل حاجة وملك ساكتة مش عارفة تفرح ولا تزعل
عالية : مالك ساكتة كده ليه
ملك : خايفة أتكلم تزعلي من كلامي أو ميعجبكيش
عالية : قولي يا ملك علي طول
ملك : عالية انتي عارفة اني بحبك وبخاف عليكي بس بلاش اللي اسمه مازن ده
ده بتاع بنات ومغرور وإنتي نفسك عارفة كده كويس
عالية : انا معاكي بس أكيد هيتغير مع الوقت وهتشوفي
ملك : مفيش حد بيتغير من يوم وليلة بس مع ذلك أتمني يكون كلامك صح
يلا بقي علشان منتأخرش
عالية : يلا
___________________________

عند مازن في البيت
نور أخته : أبيه أنا خارجة عايز حاجة
مازن : لا يا حبيبتي رايحة فين
نور : رايحة النادي مع صاحبتي وبعدها هشتري شوية حاجات و راجعة
مازن : تمام خلي بالك من نفسك وخلصي واتصلي بالسواق يجيلك
نور : حاضر…يلا باااي
مازن : باي
وفتح موبايله وكان محتار يبعت لعالية ولا لأ
قرر يستني شوية و بعدين يكلمها
__________________________________
عند عالية
أول ما رجعت البيت دخلت أوضتها وكانت مبسوطة بكلام مازن وسرحانة فيه…وقطع شرودها رسالة من مازن
مازن : عالية إحنا لازم نتكلم بكرة عايز أعرف رأيك إيه
عالية : تمام هشوف و أرد عليك
وفعلا تاني يوم اتقابلوا في نفس المكان اللي كانت قاعدة فيه
مازن : فكرتي في كلامي
عالية : شوف يا مازن أنا مش زي البنات اللي تعرفهم و قصة اننا نتصاحب والجو ده مش تبعي
مازن : أنا معاكي ومقولتش كده و ده اللي شدني ليكي إنك غير أي واحدة عرفتها
أنا معنديش مشكلة ان أجي واتقدم لأهلك بس علي الأقل لما أخلص مش معقول هروح أتقدملك وأقولهم إن أنا لسة طالب في الجامعة
يا عالية أنا كل اللي عايزه إننا نتفاهم
و اعتبرينا بنتعرف علي بعض لحد ما أتخرج و ساعتها أجيب أهلي ونطلب إيدك رسمي…هااا قولتي إيه
عالية بتوتر وفرحة : موافقة
مازن بفرحة : بجد
عالية : أه بجد
عدت فترة طويلة وعالية ومازن بيتكلموا كتير وبيتقابلوا بس من غير ما عالية تقول لملك أو تعرفها أي حاجة
___________________________

وفي يوم عالية كانت خلصت محاضرات وقعدت في مكان ولقيت ملك جاية عليها وملامحها غريبة
عالية بقلق : في إيه يا ملك
ملك بتوتر : عالية أنا مش عارفة أقولك إيه
عالية : ما تتكلمي يا بنتي وفهميني في إيه
ملك : مازن
عالية اتوترت : مازن..ماله حصله حاجة
ملك ساكتة
عالية بخوف وعصبية : قولي يا ملك حصل إيه و ماله مازن
ملك : مازن خطب أخت داليدا اللي معانا في الجامعة
عالية : ….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية إختيار خاطئ)