رواية رحلة معرفة الحقيقة الفصل الثامن 8 بقلم زينب مجدي
رواية رحلة معرفة الحقيقة الفصل الثامن 8 بقلم زينب مجدي
رواية رحلة معرفة الحقيقة البارت الثامن
رواية رحلة معرفة الحقيقة الجزء الثامن
رواية رحلة معرفة الحقيقة الحلقة الثامنة
في منزل حسن
حسن….. اتبسطي في خطوبه صحبتك
جيهان…..جدا يا حسن….بس حصلت حاجه غريبه
حسن يإهتمام…. إيه إللي حصل
جيهان…..كان حسين أخوك قالي لو في واحدة من صحابي مناسبه ليه علشان يخطبها وكده قولته مفيش غير غاده… وغاده مش هتوافق….بقول انهارده قدام غاده….قالتلي إنها موافقة وعادي ييجي يتقدم
حسن بغضب….. يعني هي الدنيا خلصت مفيش غير غاده دي…تقولي لحسين عليها..ولما الموضوع خلص والحمد لله…روحتي قولتي لصاحبتك….يا بنتي إنتي بتدوري على المشاكل
جيهان بدموع…..مشاكل إيه إللي بدور عليها يا حسن… واحد سألني على عروسه وقولتله…وروحت قولتلها هي كمان فين المشكله
حسن….. المشكله إن غاده أنا مش موافق عليها ولو واحدة زيها دخلت بيتنا هتفرقنا عن بعض
جيهان….. أنا مش فاهمه إيه سبب كرهك لغاده…هي عملتلك إيه
حسن…..المشكله إنها عملالك إنتي غسيل مخ….مش عارف دي صحبتك إزاي
جيهان بدموع…. إحنا مش كل هنبات في مشاكل… أخوك سألني على عروسه وأنا قولتله….عايز يروح يتقدم هو حر….مش عايز…. برضه هو حر…طلعنا إحنا مش المشاكل دي ما إحنا كنا حلوين وكل يوم ضحك وهزار ودلع…. إيه إللي حصل….بقينا كل يوم في مشاكل ليه…. أنا مش بحب المشاكل يا حسن… أنا والله مش بحبها….خلينا نرجع زي ما كنا
حسن….. أنا آسف….بس المشاكل دي حصلت لما اتكلمتي ودخلتي اصحابك في حياتنا…. أنا آسف يا جي هنرجع زي الأول تاني وأحسن من الأول كمان…. وعلى العموم أمي شافت عروسه بتقول عليها كويسه…حسين هيروح يشوفها بكره
جيهان…. ربنا يقدمله إللي فيه الخير
………….. وانتهي هذا اليوم….واشرق الصباح بيوم جديد
في منزل ابراهيم
فايزه…..هو مين ده اللي كلمك على ريهام يا ابراهيم
ابراهيم…… واحد دكتور… إنما إيه يا فايزه حاجه تفرح القلب
محترم أوي
فايزه…. شافها فين يا ابراهيم
ابراهيم…. بقولك هييجي انهارده يشوفها تقريباً كده أمه هي إللي شافتها
فايزه…..والعريس ده إسمه ايه
ابراهيم….. إسمه حسين ….هيجي هو وأمه تجهزي عشا كويس كده حاجه تشرفنا… وأنا هشتري حلويات..وهجيب فاكهه
فايزه….دا إنت مهتم أوي بيه
ابراهيم…..بقولك عريس يفرح القلب… يارب يحصل قبول والموضوع يكمل على خير….البت ريهام تستاهل كل خير
فايزه……بت ياريهام إنتي يا بت
ريهام…..نعم يا ماما
فايزه…..هنزل السوق اشتري شويه طلبات… أرجع ألاقي البيت مرايه ماشي
ريهام وهي تدعي الغباء….ليه يا ماما هو في حد جاي انهارده
فايزه بفرحه….. جايلك عريس…وكمان دكتور يا محظوظه
ريهام وهي تمثل الكسوف….. إيه ده يا ماما أنا مش عايزه اتجوز دلوقتي
فايزه…..يلا يا بت شوفي أنا قولتلك تعملي إيه وبطلي رغي….ورنا جايه في الطريق هتساعدك وتقعد تجهزك كده
……………. ………………
في منزل جد أيه
أيه…….مالك يا جدي مبسوط ليه كده
الجد….. أصل عادل إبن عمك جاي من الجيش انهارده
أيه……. إنت بتحب أولاد عمي شوقي قوي كده
الجد……بحب أولاد عيالي كلهم……بس عمك شوقي ده بعد ما خلفته… قعدت عشر سنين لحد ما خلفنا ابوكي فتلاقيه ليه معزه كده خاصه شويه… وبعدين جبت عمك ناصر وبعدين عمك علي….واولاده دول أول أحفاد ليا جم البيت….فكانو غاليين أوي على قلبي…..كنت باخد احمد ده معايا في كل مكان…فتلاقيه واخد كتير اوي مني وجد شويه…. أما عادل خفة الدم والدلع والحنيه كلها..سكرة البيت
وإنتي جيتي بعد عادل بسنه ونص كنتو دايما تحبو تلعبو مع بعض… وأحمد كان دايما يرخم عليكم وضربكم علشان ما تلعبوش مع بعض
أيه….. باين عليه رخم من يومه
الجد….. لأ بلاش تغلطي في احمد دا حفيدي الغالي
عادل من خلفه…..هو حفيدك الغالي واحنا ولاد البطه السودا صح
الجد بفرحه….. ألف الحمد لله على السلامه يا غالي….اتأخرت ليه كده يا واد
عادل…….كده تقولي واد في بنات واقفه وأنا بدور على عروسه
الجد……احترم نفسك دي أيه بنت عمك خالد
عادل بهزار…… الحمد لله على السلامه يا أيه … والله فرحت لما احمد قالي إنك رجعتي…بيقولو إن إحنا كنا بنحب نلعب مع بعض واحنا صغيرين بس بصراحه مش فاكرك خالص
أيه بإبتسامه صفرا….. والله ولا أنا فكراك
احمد……يا أخي بطل رخامه… أدخل سلم على ستك وأمك لأحسن تاخد مخالفه
عادل….. لأ كله إلا الحكومه إللي جوه…. أنا داخل
الجد….. وأنا جاي معاك
احمد وهو ينظر في الأرض….. أيه أنا كنت عايز أطلب إيدك من جدي
أيه بخضه….. بسرعه كده هو إنت لسه تعرفني
احمد….. أنا أعرفك من ساعة ما اتولدتي….كنت بدور عليكي في كل مكان
أيه بحسم….. بصراحه يا احمد إنت ألف واحدة تتمناك…بس أنا مش عايزه اتجوز دلوقتي
احمد وهو يبتلع غصه في حلقه…. إحنا مش هنتجوز دلوقتي…. إحنا نقرأ فاتحه ويبقي معروف إنك ليا…ولما تكوني جاهزة للجواز براحتك…..صلي استخاره الأول طيب قبل ما ترفضي
أيه…. أنا أسفه يا احمد إني هقولك كده….بس أنا كنت بحب ياسر خطيبي…ولما عمل إللي عمله معايا حسيت اني بكرهه….بس دلوقتي حاسه اني بدأت أحن ليه تاني
احمد ……دا آخر كلام يا بنت عمي
أيه…… آه يا احمد آخر كلام . دور على بنت الحلال واتجوز
……………… …………….
في منزل حسن
دخل المنزل وجد جيهان في المطبخ تعد الطعام
حسن…..جي إنتي فين
جيهان….. الحمد لله على سلامتك يا حبيبي… أنا في المطبخ
حسن…..هغير هدومي دقيقه واحده واجي اساعدك
جيهان….. أنا خلاص خلصت.. هما كلهم شويه كبده
حسن…..طيب تعالي بقي علشان أنا قبضت
جيهان…. وأنا كمان قبضت
حسن….مبروك…..تعالي اقعدي معايا بقي علشان نقسم القبض
حسن….. إيه الفلوس دي
جيهان……دي فلوس القبض بتاعتي
حسن…..بس إنتي عارفه إني مش هاخد حاجه من الفلوس دي
جيهان…..حسن إنت مرضتش تاخد مني حاجه الشهر إللي فات…. وبعدين الحياه مشاركه وانت مش حارمني من أي حاجه….هعمل ايه بالفلوس دي…الدنيا غاليه أوي يا حسن
ولازم نساعد بعض
حسن….فلوسك دي حقك وتعبك….ومصروف البيت ملزوم مني أنا
جيهان….. والله العظيم هتاخدهم يا حسن…. إنت ليه بتعمل فرق بينا…دول كلهم الفين ونص
حسن….. إنتي بتحلفي ليه يا جيهان أنا مش عايزك تصرفي في البيت
جيهان….يا حبيبي الدنيا بقت غاليه أوي… أنا أخد الفلوس اشيلها….والبيت يكون محتاج للفلوس.دي… خلينا متشاركين كل حاجه في حياتنا
حسن….ماشي…خلي فلوسك دلوقتي بس
أنا دلوقتي قابض اربعه آلاف ونص
أول حاجه….٥٠٠جنيه هتخرج صدقه
وألف ايجار الشقه….والف كهربا وغاز
كده فاضل الفين….. هاخد ٨٠٠جنيه مواصلات…. هيفضل ١٢٠٠
دول ممكن يكفونا لآخر الشهر
جيهان….. إنت ناسي ال الفين ونص بتوعي
حسن…. علشان خاطري يا جيهان
جيهان…. علشان خاطري إنت يا حسن إنت ليه بتعمل فرق كده… والله هتاخدهم
حسن…. لا حول ولا قوة إلا بالله….ماشي يا جيهان…. إنتي هتاخدي ألف جنيه خاص بيكي لو احتجتي حاجه
وهاخد ٥٠٠نخرجها صدقه…. والألف التاني يتحط في مصروف البيت
…. يعني أنا أخد ألف وأنا البيت جمب المدرسة وبروح مشي وأنت إللي بتركب مواصلات تاخد ٨٠٠بس يدوب حق المواصلات بالظبط
حسن….يا حبيبتي إنتي إللي ملزومه مني مش أنا إللي ملزوم منك…. وإن شاء الله هدور على شغل بعد الضهر ومش هخليكي تصرفي جنيه في البيت ومش هخليكي محتاجه حاجه أبدا
جيهان…. لأ طبعاً شغل إيه إللي بعد الضهر…دا الوقت بتاعتنا… وبعدين إن شاء الله الفلوس هتكفي وتفيض وهنحوش منها وهنحوش منها كمان…بس إنت حطيت مبلغ كبير صدقه…. ألف جنيه مش كتير
حسن….. لأ طبعاً مش كتير….دي أهم حاجة في حياتنا الصدقه….تعرفي إيه اكتر حاجه بيتمناها الميت…. إنه يرجع علشان يتصدق…وده لأهميه الصدقه
ربنا في سورة التغابن قال…..وانفقوا خيراً لأنفسكم…..صدق الله العظيم
والرسول… صلى الله عليه وسلم.قال والصدقة تطفئ الخطيئة كما تطفئ الماء النار…صدق صلي الله عليه وسلم
وكمان يا جيهان…المتصدق بيكون في ظل صدقته يوم القيامة… كل امرؤ في ظل صدقته حتي يقضى بين الناس….
وكمان الصدقه بتداوي.. الأمراض الجسديه ..الرسول قال…داووا مرضاكم بالصدقه……
والصدقه بتطفئ غضب الرب
وبعدين في الجنه يدعي صاحب الصدقه من باب الصدقه
عارفه يا جيهان الميت بيفرح أوي بالصدقه لما حد يعمله صدقه بترفعه في الجنه..وتزودو في النعيم لو كان من أهل الجنه….وتخفف من عذابه لو كان من بيتعذب
لما نموت أهلنا أو اصدقائنا هيتصدقو عننا مره اتنين تلاته وبعدين هيتلهو في الحياة…ليه إحنا منتصدقش لنفسنا… والله الصدقه بتبارك في الرزق…مش بتقلله
وبعدين الفلوس دي بتروح لمين…. ربنا من تمام عدله وحكمته…خلانا ندي الفلوس دي للأيتام… والفقراء والمحتاجين والمساكين…. وفي المقابل ثواب عظيم جداً هننبهر بيه يوم القيامة….والناس المحتاجه دي متحسش بالظلم… إن ده معاه وأنا لأ…. إنتي عارفه يا جيهان…لو أطبق الاسلام صح…. استحالة هتلاقي شخص واحد فقير في البلد
جيهان بابتسامة….مكنتش أعرف فضل الصدقه بس بعد كده هتصدق على طول
حسن…..إنتي عارفه لو كل يوم جنيه واحد على قد مقدرتك وتشيله في شنطه وآخر الشهر تطلعي المبلغ إللي عملتيه… هتتكتبي كل يوم من المتصدقين…. والله فضل الصدقه عظيم أوي يا جيهان
…………….. ……………….
في منزل ابراهيم
حضر حسين ووالدته وقام ابراهيم وزوجته بالترحيب بهم
ريهام في الداخل…. أنا خايفه أوي أوي يا رنا
رنا….. متخافيش…هو شكله محترم…اهدي وفكري في الكلام قبل ما تقوليه…واسأليه في كل حاجه…ده جواز
ريهام… نفس الكلام إللي قولتيه لايه لما اتخطبت لياسر
ابراهيم من الخارج… يا ريهام يا ريهام
وضعت ريهام يدها على قلبها…..قلبي
رنا….اقرإي أيه الكرسي وإنتي خارجه ومتخافيش
خرجت ريهام وجلست أمام حسين…وتركها الجميع وخرج
حسين بابتسامة…. أنا أسمي حسين عندي سبعه وعشرين سنة…دكتور أسنان
ريهام وهي تفرك يدها…. المهم إنت بتصلي
حسين بابتسامة…. الحمد لله بصلي الصلوات في أوقاتها
ريهام…. حافظ قرءان
حسين…..خاتم القرءان وحفظه بالقراءات العشر… وإنتي بقي خاتمه القرءان
ريهام بابتسامة….. ماشاء الله… أنا خاتمه وعملت إجازه…بس مكملتش قرءات
حسين….. إن شاء الله لو حصل نصيب تكملي….ارفعي عينك وشوفيني على فكره إحنا في رؤيه لازم تشوفيني كويس
رفعت ريهام رأسها واخفضتها ثانيه بسرعه وقالت….هصلي استخاره وابلغك ردي مع بابا….عن اذنك…وخرجت ريهام بسرعه
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية رحلة معرفة الحقيقة)