رواية البنت غير الشرعية الفصل الخامس والأربعون 45 بقلم ياسمين

رواية البنت غير الشرعية الفصل الخامس والأربعون 45 بقلم ياسمين

رواية البنت غير الشرعية البارت الخامس والأربعون

رواية البنت غير الشرعية الجزء الخامس والأربعون

رواية البنت غير الشرعية الحلقة الخامسة والأربعون

كملت ماكلتي لقيتو حبس عند واحد لي بوتيك قالي هيا كاش ما تشري قتلو راهم عندي الحوايج بزيادة غير مكالاه قالي هيا معليش راكي تقراي هبطت أنا وياه شرالي لبسة رحنا عند الصبابط قتلو والله عندي بزيادة ديجا منلبسهمش نحب نلبس بيما ولا كونفاغس بقينا ندورو حتى شاف كونفاغس قري بالروز قالي شوفي هذي قتلو هايلة شراهالي قالي هيا نروحو اشري مكياج وروايح قتلو لالا ماكالاه ديجا غير جبتلي هذوك من ايطاليا كرهت كامل لي عندي ولا يضحك قالي شفتي كي تدي حاجة دوريجين تكرهي لوخرين كيما أنا كي كليت بيتزا مارغريت نتاع الصح لهنا منيش نقدر ناكلها قتلو عليها مكليتش موقبيل بقينا ندورو ممبعد رحنا لصالون دوتي هو جاب قهوة وانا ديت جي جينا في بلاصة شابة كانت شتا طيح بقيت نتفرج عليها من الزجاج شوية قالي هيا نروحو دخلنا لسونتر كوماغسيال درنا شحال وخرجنا ركبنا اللوطو قالي وين نتعشاو قتلو وقيلا حابة على بيتزا ضحك قتلو تعرف كيفاه جيبلي بيتزا ونروحو كاش ريسطورون تعشا نتا قالي تدلي هيا راح جابلي بيتزا ودخلنا

لريسطورون باه يتعشى هو طبيعتو يدومندي شوا كي حطولو البلا نتاعو بقيت غير نشوف معاه قالي واش بسمة بقيت ساكتة قالي تاكلي حشمت هزيت غير راسي دوموندالي وبقى يستنى حتى جابولي بدينا ناكلو بقيت نشوف معاه كيفاه ياكل هزلي راسو واش قتلو بدلي قالي واش نبدلك زربت بدلت الطباسة وطحت ناكل كي المخلوع شوية عاودت بدلتلو الطباسة قالي يا طفلة شاراكي ديري قتلو معلاباليش بصح كي نشوفك تاكل نسخف على طبسيك ولا يضحك قالي شهر لي مكليتيهاش راح تاكليها قاع اليوم يا طفلة بالعقل ليسطوما تطرطق رجع فرغ الطبسي في خوه وحطو فالوسط قالي هيا ناكلو مع بعض كلينا حتى كملنا قالي تزيدي حشمت على روحي بصح والله مقادرة نحبس معرفتش واش صرالي قتلو ايه بصح حابة على كبدة وحدها هو كان جايب ميلونج كبدة سكالوب ولحم قالي صحا زاد جابلي كليت قالي تزيدي قتلو لالا خلاص الحمد لله خرجنا في الطريق قتلو ياه هذي الشبعة يليق موراها لاكريم قالي هبلتي لاقلاص في هذا البرد قتلو والله هايل قالي والو عندك ما خلطتي ماكلة وحابة تزيدي لاقلاص هيا للدار ضوكا ،رحنا طول للدار كي دخلنا لقينا هم كامل تما

يتعشاو شديت في يوسف ودورت راسي موش حابة نشوف شيخي هو قاللهم السلام ردو عليه قاتلنا عجوزتي اقعدو تتعشاو قاللها لالا تعشينا تصبحو بخير حتى شيخي نطق قالو استنى قالي الله يصبرك في يماك واسمحلي مدريتش كون جيت حضرت الجنازة قتلو البركة فيك معليش وطلعنا لشومبرتنا دخلت نجري للدوش كنت محصورة خرجت جبدت بيجامة باش نلبسها حتى قالي يوسف غدوة خملي قشك وشوفي شكون تروح معاك كريمة ولا امينة قتلو علاه ووين يروحو معايا قالي للدار كيفاه وين قتلو وامينة وكريمة علاه يروحو معايا قالي تروح واحدة تبقى معاك تعاونك وباش متبقايش وحدك قتلو وكي نبقى وحدي واش راح يصرا ياكلني الذيب ولاقول تعسني خايف نخرج من وراك قالي بسمة اسكتي علينا علاه متعرفيش تهدري قتلو اسمحلي منيش كيما ست الحسن لي كانت عندك جاملتها زين وظرافة قالي واش هذي الهدرة ومنين جبتيها

قتلو معندي منين جبتها راني نقولك فالصح ياك تالمو تحبها حتى وليت على جالها من بار لبار وزيد حتى دارك موش قادر تروح ليها قالي بسمة علابالك والله غير خصرتي علينا الخرجة زعما خرجنا ودرنا شوفي ما احلانا سمطتيها علينا بهدرتك الباسلة قتلو مكان حتى مشكل راح تتهنى مني ومن هدرتي قالي كيفاه قتلو طلقني المصلحة لي تزوجتك عليها راحت ونتا ديت مصلحتك مني خلاص مالا زيرلي على وجهي وبقى يدي ويجيب فيا قالي عارفة روحك شا تهدري ولالا طبعتو بقوتي وجريت لدوش دخل من بعدي وحش قلت لر#ك الف مرة متزيديش طبعيني…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)