رواية قلبي على ولدي الفصل الأول 1 بقلم يارا عبدالسلام

_هتجوزها هتجوزها غصب عنك وعن الكل محدش هيقدر يقف قصادى..

_لو اتجوزتها ولا انت ابنى ولا اعرفك عاوز تتجوز رقاصه يا حسن دي آخرة تربيتى فيك ،انا اكتشفت انى مربتكش اصلا ولا شوفت ريحة التربيه كمان ..

_بقولك اي بطلى الكلام دا ومتصدعنيش انتى عمرك ما بتعمليلي الحاجه اللى عاوزها دائما كل حاجه غلط ..

_علشان انت كل اختياراتك غلط مفيش اختيار صح في حياتك يذكر

_لا في هى هى بتحبنى

_مش بتحبك دي بتحب فلوسك يا ابنى صدقنى ابعد عنها يا ابنى مش هيجيلك من وراها الا وجع القلب أنا امك وخايفه عليك وقلبي مش مرتاح ليها صدقنى لو لمرة واحده ارجع عن اللى في دماغك دا …

_يوووووه انتى اي لوك لوك لوك اي مبتزهقيش ،على العموم أنا هعمل اللي انا عاوزه وهتجوزها وهنا كمان في البيت دا علشان دا بيتى وليا حق هنا وهتجوزها غصب عن عين اي حد انتى فاهمه..

وسابها ومشي .

قعدت مكانها بدموع وبدأت تعيط وتحسبن عليها وتدعى أن ربنا يردلها ابنها ويرجع عن اللى في دماغه …

بصت على صورة جوزها اللى متعلقه:مشيت وسيبتنى اعانى في الدنيا لوحدي لي يا ابو حسن مشيت وسيبتنى اسمع الكلام دا واتحمل فوق طاقتى لو كنت موجود مكنش يقدر يقف قدامى كدا ويكلمنى بكل بجاحه وكأنى مش أمه ،يارب خدنى علشان ابنى يرتاح ويعمل اللى هو عاوزه أنا تعبت ومش هقدر استحمل اقعد مع واحده زي دي فى بيت واحد …

على الناحية التانيه .

كان قاعد معاها في حضنها ..

_انا بحبك اووي يا شمس ومش هقدر ابعد عنك ارجوكى متسبنيش أنا محتاجلك …احنا احنا لازم نتجوز..

شمس بمسكنه:هنتجوز ازاي وامك معترضه يعنى يخويا اهم حاجه رضا ام بس انت شكل امك مش بتحبنى مع انى بحبها لكن هى مش عوزانى في البيت فشكلى كدا مش هوافق أنا طبعا مش هرضى انك تغضب امك لسمح الله اهم حاجه رضاها..

_لا أنا مقدرش اعيش من غيرك وهتجوزك غصب عنها وفى البيت كمان هى ملهاش حاجه عندى ..

_هتعمل اي يعنى يا حسونى..

بصلها بعلامة استفهام:هطردها يا اما هقتلها..

_اي؟

يتبع..

لقراءة الفصل التالي : اضغط هنا 

لقراءة باقي حلقات الرواية اضغط على : (رواية قلبي على ولدي)