رواية انتقام الفصل الثالث 3 بقلم منار ضيفي

رواية انتقام الفصل الثالث 3 بقلم منار ضيفي

رواية انتقام البارت الثالث

رواية انتقام الجزء الثالث

رواية انتقام الحلقة الثالثة

ايهاب “يإما الرقص يإمااااااا
نتزووج ايه رأيك
ايمان” غصب عني اول ما سمعت الكلمه قومت ورفعت ايدي عليه لازم ياخد قلم يفوقه بس هو كان أسرع مني ومسك ايدي وقال
ايهاب” اياكي اياكي تتجرأي وتعملي غلطه تندمي عليها عمرك كله كل اللي بعمله معاكي دا حساب بيني وبين ابوكي بحركه زي دي وغلطه منك هتخلي الحساب يبقي ليكي انتي بس ودا صعب انتي مش قده فنهدا ونبطل تسرع وقلة أدب
ايمان ” أدب تعرف ايه انت عن الأدب انت واحد مختل مريض انا مستحيل اتزوجك انت مرييييض
ايهاب بإنهيار ” انا مريض فعلا بس ابوكي السبب ف دا مريض بالانتقام من ابوكي مريض بان ابوكي يبكي دم بدل الدموع هو اللي جابه لنفسه هو اللي حرمني من ابويا لو مكانش ابويا مات مكنتش هتبقي دي حالتي ولا كنتي شوفتيني انا بكرهك وبكره ابوكي وهتعيشي اسود ايام حياتك بسس عشان اسمك ع اسمه
ايمان بدموع ” بابا مستحيل يعمل كدا
ايهاب ” انا هنزل للشغل وهرجع بالليل تكوني اخدتي قرارك بس اتأكدي اللي هتختريه مفيش مفر منه هيبقي حاضرك ومستقبلك
مكانك زي الجزمه زيك زي الكرسي هنا متتحركيش من مكانك والا انتي عارفه انا هعمل فيكي ايه
*********************
ف الألفي جروب
أسر ” ايهاب كفايه لحد كدا انت رجعت مجموعتك ورجعت فلوسك بصفقاتك اللي عملتها كفايه بقي دور الطار وعرق الصعيدي اللي فيك دا
ايهاب ” وحياة امك. وابويا رجعلي لما الفلوس رجعت رجعلي مع الشركات بقلك ايه يا أسر اطلع من دماغي
أسر” لا مش طالع ابوك مش هيرجعلك باللي انت بتعمله دا كفياك لحد كدا
ايهاب” ايه دا انت مال قلبك بقي خرع اوي كدا مش انت اللي كنت بتشجعني مش انت اللي قومتني من تاني بقلك ايه يا أسر الطيبه الزايده دي مش بتنفع ف الزمن دا
أسر ” ايهاب بصراحه انااا صعبان عليا اللي بتعمله ف البت ، البت ملهاش ذنب يا ايهاب ف كل دا
ايهاب ” ملكش دعوه بعدين انا معملتش حاجه ما خفي كان اعظم
بقلك ايه انت رغاي وانا ف الف حاجه ف دماغي سلام
******************

رجعت القصر هلكان ومصدع دخلت اوضتي عشان اريح بس انصدمت من اللي شوفته مين اللي نام ف سريري دا
ايه دا مين دي
انت يا بيه انت مين
ايمان ” ايييييييه انت حيوان مش تراعي حرمة اللي خاطفها ازاي تدخل الاوضه من غير ما تخبط
ايهاب” أوضة مين يا زبالة انتي دي اوضتي انتي ايه اللي جابك هنا مش كنت سايبك ف المخزن برا القصر مين الحيوان اللي جابك هنا
ايمان” والله يؤسفني أن اقولك انك انت الحيوان اللي جبتني هنا
ايهاب ” اخرسي
كنت همد ايدي عليها بسبب طول لسانها لكن وقفت لما افتكرت أن انا فعلا الحيوان اللي جبتها هنا وهي مغلتطش ف حاجه ،،،
اااا ايوه صح صح افتكرت انا اللي جابتك هنا المهم ها فكرتي
ايمان ” هههههههههه واضح أن فعلا الشرب لحس دماغك
ايهاب ” وانتي ايش عرفك أن بشرب ولا بأكل انتي مالك بيا اصلا
ايمان ” ريحتك مقرفه الخمره وريحة النسوان مغرقاك
ايهاب ” بصتلها بصه كنت عايز اكلها بستاني اول مره حد يتكلم معايه بالبجاحه دي بس هي مكذبتش انا فعلا شارب وكنت مع نسوان وانا اصلا مبعملش غير كدا هي مالها بيا وانا مالي بيها سبتها ومشيت روحت انام تحت انا مش طايق ابص ف وشها
ايمان ” خاطف وشرير و بيشرب وبتاع نسوان وبيعمل كل حاجه غلط هكتشف فيك ايه تاني يا ايهاب الألفي
**********************
خادم “صباح الخير يا ايهاب بيه الفطار جاهز حضرتك
ايهاب ” متشكر يا عم اسماعيل انا بس هاخد دش واظبط نفسي
روح انت دلوقت
،، طلعت اوضتي بفتح الباب
ايه دا دي لسه نايمه حلو اوي هتتحاسبي بقي ع بجاحتك وطولة لسانك امبارح مسكت كوباية ميا تلج ودلقتها ع وشها
هههههههه ايه دا دي طلعت بتتخض
ايمان بشهقه وعياط ” ايييييييه اللي انت عملته دا كان ممكن اموت من الخضه
ايهاب ” زي ما اوبكي قتل ابويا بالصدمه
متخفيش انا معملش حاجه زي دي
بس دا عقاب ليكي اولا عشان بجاحتك معايه امبارح وانا مكنتش ف وعيي ثانيه عشان نمتي ف سريري وانا مبحبش حد يقرب من ممتلكاتي ويلا اطلعي بقي بره اوضتي عشان محتاج أخد راحتي رباعيه كمان وعايز ردك كفايه انتي اخدتي فرصتك ف التفكير
،، خدت الدش ونزلت لقيتها قاعده ع السفره
قلتلها بحده فزعتها
انتي ايه اللي جابك هنا وايه اللي مقعدك هنا انتي مكانك مع الخدم مش هنا
ايمان ” طب ومالو هما الخدم وحشين
مش قاتله نفسي عشان ابص ف وشك ولا اطفح معاك انا مستنياك عشان اقلك قراري جايز اخلص من اللي فيه دا
ايهاب بغموض ” ويا تري بقي اخترتي ايه
ايمان” اخترت ان اا

ايهاب” استني قبل ما تختاري اللي هتختاريه هيكون ج
ايمان بعصبيه ” عارفه هيكون زفت جحيمي بس مش علطول انا اخترت اننا نتزوج بس متفرحش عشان الزواج دا مش هيدوم لكن انا عندي ابقي ف جحيمك ولا أن ابقي تحت لعنة ربنا
ايهاب ” ههه انتي جايبه الثقه دي منين انتي فاكره ان هتزوجك عشان انا عايز اتزوجك
لا يا حلوه انتي محدش يبصلك اصلا
انتي لا ستايلي ولا شكلي و لا وجه ليا قدام الناس
طرحه مترين و عبايه سوده دا انتي حتي مبتفهميش ف الموضه والارتست دا انا مكسوف لما الخبر هينزل وصورتك جمب صورتي
بس معلش كله يهون ف سبيل أن اقهر رياض عزمي
ايمان ” اسمه خمار مش طرحه اسمه دريس مش عبايه اسمه تبرج مش ارتست
ايهاب ” هو دا اللي فرق معاكي
ايمان ” انا مش خايفه منك ع فكره و عارفه ان هخلص منك قريب
يلا
ايهاب ” ع فين
ايمان ” ع المأذون مش هنتزوج برضو ولا غيرت رأيك
ايهاب بإستغراب ” يلا
مش عارف ليه مكنتش مطمنلها وحاسس ان ف حاجه بتدور ف دماغها معرفتي عنها انها قويه ومش بتستلم بسهوله زي أبوها بالظبط بس ع مين
ايمان ” فوقت ع كلمة المأذون المشهوره اللي كنت اتمني اسمعها بس مش بالطريقه دي مش من الانسان دا لا انسان ايه دا حيوان
ايهاب ” يلا
ايمان ” ع فين
ايهاب ” ع جحيمك الابدي
ايمان ” يمكن يكون جحيمي بس الاكيد أنه مش الابدي
ايهاب بثقه ” انتي ببنتي ايه هو اي هبد وخلاص انتي بقيتي مراتي خلاص هتنفدي مني ازاي
ايمان برفع حاجب ” هنشوووف ،،،
هو انا كنت بهبد اه والله انا فعلا مش عارفه هفلت منه ازاي لكن لازم مضعفش قدامه ولا استسلم
رجعنا البيت سبته وطلعت ولسه هدخل الاوضه لقيته جاي والفرحه ماليه وشه
ايهاب بفرحه ” يااااه ههههههههه الخبر نزل اد ايه احنا ف بلد عظيمه
ايمان ” خبر ايه

ايهاب ” خبر زواجنا يا حلوه
اسمعي شاهد ابنت رجل الأعمال رياض عزمي تركت منزلها لتتزوج من فارس أحلامها دون علم ابيها
ايمان ” والله انا مش مدايقني ف الموضوع غير فارس أحلامها دي
ايهاب ” دي فكرتي انا
انا مبسوط
ايمان ” خلاص عملت اللي ف دماغك انتقمت يلا بقي طلقني وسيبني امشي
ايهاب ” ايه حيلك حيلك دي اللعبه لسه بتبتدي
بصي بقي دلوقتي انتي ابوكي عرف مكانك وشويه وهيوصل بكتيبه من الجيش والشرطه واحتمال يجيب مصر كلها كمان عشان خاطر بس ياخدك
انتي هتعملي ايه وقتها ؟؟
ايمان ” هجري عليه واروح معاه طبعا واحكيله انت عملت فيا وهقوله ميرحمكش
ايهاب ” هه لا حلو السيناريو دا
بصي يا بتاعه انتي هتسمعي الكلام وتقولي اللي انا هقوله دا بالحرف لا تزودي ولا تنقصي
ايمان ” وانا ايه اللي يجبرني ان اعمل حاجه زي دي
ايهاب ” هو احنا مش اتزوجنا
ايمان ” اه
ايهاب ” وبقيتي مراتي ودي اول ليله من زواجنا
ايمان ” اخلص عايز تقول ايه
ايهاب ” ااقصد يعني اي اتنين متزوجين بيبقي اول ليله بينهم دي حاجه مميزه بيحصل فيها بقـ
ايمان بترفع أيدها وتديه بالقلم ” انت اتواقحت كتير انا مستحيل اعمل حاجه زي دي ولا هقول حاجه بابا ممكن يروح فيها ولو انا عملت معاك كدا انا كمان هروح فيها
ايهاب بصوت عالي ” وبالنسبه لبابا اللي راح فيها دا عاااااادي ان ابوكي ينصب ويسرق ويقتل دا عاااااادي
ايمان ” بابا ميقتلش باباك مات قضاء وقدر افهم بقي
ايهاب ” هههه لا حلوه قضاء وقدر دي
باب الاوضه اللي هما فيها بيخبط
ايهاب ” ادخل
الخادم ” ف ناس عايزه حضرتك تحت يا فندم
ايهاب ” ناس مين
الخادم ” معرفش بس هما ناس كتير وفيهم واحد بيقول عايز بنتي ومعاهم ظابط
ايهاب “ماشي بلغهم اني نازل
ابوكي شرف يا ست

وشرفك اللي احتمال يتبعتر الليلادي لو مقولتيش اللي فهمتك عليه لأكون عامل اللي قلتلك عليه لا ابوكي ولا اتخن تخين هيقدر يحوشني ف الاول والاخر انتي مراتي فاهمه
ايمان بعياط ” بس انا كدا بابا ممكن يروح فيها
ايهاب ” وايه يعني هو مش كان الموت بالنسبالك قضاء وقدر
هنزل وانتي ورايا علطول
لعلمك ايدك اللي علمت ع خدي دي وحياة امك لاخليها تترجاني ان ارحمك
ايمان ” نزل وسابني الحيوان ف حيرتي وضياعي
ايه دا دا صوت بابا بيتخانق
رياض ” فين بنتي يا بن محمد الألفي عملت ف بنتي ايه
ايهاب ” مالك ومال بابا يا حمايا ما كفايه اللي عملته فيه انت مش عاتقه حي ولا ميت
رياض جري عليه ومسكه من بدلته ” بقلك بنتي فييبن هوديك ف ستين داهيه
ايمان ” انا هنا يابابا
رياض جري ع ايمان وحضنها ” انتي كويسه
ايمان ” اه كويسه
الظابط ” ايهاب انت مطلوب القبض عليك بتهمة اختطاف قاصر
ايهاب ” مين دي اللي قاصر دي عندها 21 سنه
رياض ” يلا بينا يبنتي وسبيه هو ياخد حسابه
ايمان ” لا يا بابا انا مش هقدر اروح معاك مش هقدر اسيب بيت زو زوجي
رياض بصدمه ” ايه الهبل دا انتي اتجننتي
ايهاب ” زي ما سمعت يا رياض باشا بنتك بقت مراتي خلاص ومش هسمحلك تاخد مراتي معاك
الظابط ” ايه اللي يثبت أنها مراتك
ايهاب ” كنت عامل حساب حركه زي دي عشان كدا طلبت من المأذون يطلعنا قسيمه بأسرع وقت
الظابط ” انا اسف يا رياض باشا القسيمه بتثبت أنهم متزوجين وكمان بنتك راشده تقدر تاخد قراراتها بنفسها متوقفش قصاد سعادتها
رياض ” سعادتها ايه قول دماراها دا كذب بنتي بتكذب اكيد مهددها بحاجه انا بعرفها لما تكذب
ندا ” ايوه يا حضرة الظابط ايمان اتخطفت وقدام عيني
ايمان ” لا يا ندا انا متخطفتش دي خطه كانت مني انا وايهاب عشان ابان أن اتخطفت قدام بابا
رياض بيرفع ايده كان هيضرب ايمان بالقلم بس ايهاب مسكه

ايهاب ” تؤتؤتؤ حركه زي دي تدفعك كتير دي مبقتش بنتك دي مراتي خلاص
الظابط ” يلا بينا يا رياض باشا كفايه لحد كدا احنا اسفين يا ايهاب ولا واني مش مطمنلك انت تحت عيني
ايهاب ” هو القانون بقي يحط اللي يتزوج ف دماغه ولا ايه يا باشا دا انتزوجت مقتلتش زي ناس
هييييح اخيرا اول ضربه تمت بنجاح وغاروا خلاص
برافو عليكي يا ايما
ايه دا هي راحت فين نهار أبوها اسود لو بتخطط لحاجه
طلعت أجري اشوف الداهيه دي غارت ف انهي مصيبه
وقفت ع صوت عياط
ايه دا صوتها الباب كان موارب شوفتها قاعده بتبكي ورافعه أيدها وباصه للسقف معرفش هي بتعمل ايه او بتقول ايه اول مره اشوف منظر زي دا قدامي بس كررت كلمة يا رب اكتر من المره اللي مش فاهم معناها
انتبهت لوجودي وقامت بسرعه وجات ناحيتي وقبل ما تتكلم سبقتها بسؤال
انتي كنتي بتعملي ايه
ايمان ” كنت بدعي أن اخلص منك ومن غبائك وجنانك
ايهاب ” هو انتي فاكره أنه هينجدك بتبصي للسقف فاكره انك كدا هتخلصي مني هيخلصك مني هو يعني
ايمان ” هو مين دا
ايهاب ” اللي قاعده بتدعيه دا و ف معتقداتك أنه هينقذك مني ع اساس حد سامعك أو شايفك
ايمان بعدم فهم ” مش مستوعبه معلش قصدك ايه
ايهاب ” اللي انتي قاعده بتعبدييه
ايمان بصدمه ” انا مش قادره استوعب اا انا مش فاهمه يعني انت مش مسلم لا مسلم ايه انت مش بتؤمن بوجود إله
ايهاب ” لأ
**********************

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية انتقام)