رواية خلف أسوار القلب الفصل الأول 1 بقلم سهيلة عبد الجواد

رواية خلف أسوار القلب الفصل الأول 1 بقلم سهيلة عبد الجواد

رواية خلف أسوار القلب البارت الأول

رواية خلف أسوار القلب الجزء الأول

رواية خلف أسوار القلب الحلقة الأولى

“انتي فاكرة أنه اتجوزك عشان بيحبك ياحرام غلبانه اوي، دا واخدك استبن بيحاول ينساني بيكي ومش هينساني ومحبكيش ومش هيحبك باي باي ياقطة”
_____
نفخ بضيق وهو بيقلع نضارته_هنفضل كدا كتير يعني
-أعمل إيه يعني يامروان العجلة نامت
_طب تعالي هوصلك
-لا
_يلا يانور متعصبينيش
ربعت ايديها-شوفت ان انت اللي بتتعصب عليا!! مش هركب معاك ها
_خلاص ياستي اسف حقك عليا ممكن تركبي عشان كدا هتتأخري على كليتك وأنا كمان هتأخر على الشغل
-امم خلاص ماشي
-ساكته يعني مش عوايدك
_….

-طب عاملة ايه في كليتك
_الحمدلله ماشي الحال
-انتي شكلك لسه زعلانة مني
اتكلمت بعصبية_امبارح لا كلمتني ولا طمنتني عليك وتلفونك مقفول واول مافتح لقيتك مشغول افهم كنت بتكلم مين
ابتسم_كنت بكلم مريم حقك عليا
-الحمدلله اننا وصلنا نزلني هنا
_يبنتي استنى قدام شويه كدا هتمشي كتير
اتكلمت وهي بتفتح باب العربية-لا لا رنا هتستناني هنا
_طب ابقي استنيني وهاجي
اخدك اوعي تمشي
-لا
_بطلي عند
_____

_مالك ياصاحبي
-نور زعلانة مني ومريم بقالها مدة متغيرة معايا مش عارف أعمل ايه
_انت عملت لنور ايه
-كانت قلقانة عليا امبارح وتلفوني كان فاصل وانا اول ما فتحته كلمت مريم بدالها من ساعتها وهي زعلانة
_مش متخيل نور لما تيجي تتجوز مريم
-ولا انا والله
_طب ومريم مالها
-معرفش بقالها مدة متغيرة
-بص فكك انت عارف كدا كدا ان مريم بتحب تتقل وتعمل الحبتين دول كل شوية
-قلبي مش مطمن يايوسف
_طب ركز في المشروع اللي في ايدك وانا هروح على مكتبي عشان لو ابوك جه هيطردنا احنا الاتنين وحاول تنجز عشان حوار بليل
____
نور_ هو انا كل ما اروح اقعد في حته الاقيك جيت ورايا ماتلم نفسك يابني ادم انت
_عمرو
-افندم!

_بقولك اسمي عمرو ياجميل
نور اتعصبت_ لا دا انت قليل الادب كمان يلا يا رنا نقوم من هنا
نور_ بني آدم مش محترم
______
نور بتعب_ يختاي على دي محاضرة على دا دكتور ماشوفتش في رزالته يختاي بجد روحي هاتيلي يابنتي قهوة سادة
رنا_طيب
جابت رنا النسكافيه والقهوة وقعدوا مستنيين مروان ويوسف
نور كانت سرحانةوهي بتشرب القهوة لحد مافاقت على الايد اللي بتشد منها القهوة_ مروان في ايه هاتها
مروان بعصبية_ انا مش قولتلك بلاش قهوة تاني
نور:_وانت مالك انت هو انت كنت وصي عليا ولا حاجه.
مروان_اتكلمي عدل القهوة هتضرك
نور_ملكش فيه
يوسف_ يجماعه اهدوا بس فيه ايه
مروان_ سيبهالك وماشي وخدي قهوتك اهي
وسابهم ومشي
نور_ ماله دا
يوسف_ مروان متضايق يانور وكدا معلش استحمليه وبعدين هو خايف عليكي وانتي ردك كان مستفز
نور_ يووه! طيب انا رايحاله
…..
يوس_: ايه يست رنا
رنا_ ايه هتتخانق معايا انت كمان
يوسف_ياست وانا اقدر عامله ايه
رنا: الحمدلله وانت
يوسف انا تمم
___________________

في مكان تاني في الجامعه مروان قاعد لوحده وبيشرب قهوة وسرحان
نور قعدت جمبه_مالك يا مروان
مروان بعصبيه_انتِ مالك انت
نور سحبت منه القهوة_ مش عليا باين انك زعلان احكيلي مالك.
اتنهد بحزن_ مريم مغلباني يا نور وانا تعبت معاملتها معايا اتغيرت
ابتسمت نور بحزن_ ياعم فكك احنا كبنات بنحب نتقل وكدا فكك هي بتحبك متخفش
مروان هز راسه وسكت
نور _طيب يالا نروح ليوسف ورنا ومتقلقش انا هظبطلك حوار مريم دا
ابتسم وقاموا وراحوا لرنا ويوسف
______
يوسف كان بيتكلم بعصبية_يعني ايه متقدملك زفت
رنا_ والله هو دا اللي حصل وبابا موافق جدا عليه وعمال يزن عليا عشان اوافق
نور_اي يا جماعة شايلين طاجن ستكوا كدا ليه وصوتكوا جايب اخر الدنيا
يوسف _نا رايح بكرة اتقدم لرنا
رنا ردت بزهول: انت بتقول ايه
يوسف_ اهو اللي سمعتيه
مروان ونور اتكلموا في نفس الوقت_ طب وأنتو زعلانين كدا ليه
يوسف_ عشان الاستاذه متقدملها عريس وعاجب ابوها

مروان ونور بصوا لبعض وبعدين ليوسف ورنا_ عشان كدا
مروان _طب يلا ياجماعة احنا هنروح دلوقت
يوسف_تمم انا همشي كمان و رنا هتحصلنا
مروان_يلا يانور
نور_قلتلك لا هروح لوحدي
مروان _متعصبنيش واسمي الكلام عشان مزعلكيش
نور_ وان ما سمعتش
يوسف اتكلم بزهق_ انتوا علي طول ناقر ونقير كدا وبعدين انت من امتي وانت بتروح نور ما هي دايما بتروح بعربيتها
مروان_ مجتش بعربيتها عشان بايظه اسبها بقا تروح لوحدها في المواصلات
يوسف _لا يا نور بصراحه مروان عنده حق مينفعش تروحي لوحدك
نور_ لا ينفع وسحبت شنطتها من علي الكرسي ولسه ماشيه قام مروان شدها من ايدها ومشي
نور _ سيب ايدي بتوجعني
مروان_……
نور _ يعم سيب ايدي
قاطعهم عمرو وهو بيمسك في مروان انت ازاي ماسكها كدا وبعدين هي عماله تقولك سيبها ماتسيبها يعم
مروان زقه_ ملكش دعوة

عمرو مسك مروان من ياقة قميصه_ انت متخلف يالا
قام مروان ساب نور وضربه لحد ماجه يوسف وبعدهم عن بعض
مروان_ اتنيلي يالا وخشي العربيه
_هو لازم اي إثارة للجدل متعرفيش تقولي حاضر من غير عناد
-يامروان
مروان رد بعصبية_ انتي تخرسي خالص
نور_ ايه يعم انا عملتلك حاجه
مروان فضل يبرطم بالكلام_ برضو مصممه تبوظي اليوم ياللي منك لله
نور_يعم صلي علي النبي كدا واهدي وبطل برطمة
مروان_مسمعش صوتك لحد مانوصل يعني عجبك اللي حصل واللي انتي عملتيه دا
نور_ مانت شدتني جامد الله وكنت بتجرجرني بالعافيه ايه عاوزني اسكت
مروان_ لا صوتي ولمي الناس علينا
نور_قلبك ابيض بقاا خلاص
مروان_…….
نور _ ماقلنا خلاص هنتحايل عليك يعني
مروان_ خلاص بس اوعي تتكرر واما اقولك حاجه تسمعيها
نور_ان شاء الله
__________________

هبه_يالا يامحمود عشان نلحق نوصل
محمود_ اديني خلصت اهو
احمد_وانا كمان خلصت
محمود_يبقاا يلا توكلنا علي الله
_______
نور باستغراب_ انت موديني علي فين دا مش طريق البيت!!
مروان_ اسكتي انتي ملكيش دعوة
نور بتهديد_هصوت واقول انك خاطفني !!
مروان طلع شريط وغمي بيه عينيها – كدا يتأكدوا انك مخطوفه
نور_ بطل غلاسه والا هصوت
مروان_ صوتي يلا
نور- دا انت غلس غلاسه، يستار وبعدين لو صوت هياخدوك انت!!
مروان وهو بيشدها من خدودها_ خايفه عليا يا بطه
نور بعصبيه_ ولا ولا انا مش قلتلك تبطل بطه دي دا ومتمسك خدودي والا هلوشك
مروان_ طب اسكتي اهو خلاص وصلنا
نور _ وصلنا فين ! روح يا شيخ اشوف فيك يوم زي مانت واخدني علي عمايا كدا
مروان_ اسكتي بقاا
مسك ايدها ونزلها من العربية_ اطلعي السلمتين دول وخلي بالك
نور_ حاضر اهو

مروان انا هشيل الشريط
نور_ انجز
فك الشريط واتكلم :ايه رأيك
نور وهي بتبص ع المكان وكل اصحابها واهلها والتورته : الله ايه دا، دا عشاني؟
_عشانك، كل سنه وانتي طيبه ومعايا
يوسف_ايه رأيك يانور
نور_بجد تحفه
رنا_علي فكرة انا ويوسف اللي مظبطين الديكور، زي ماكان نفسك اهو
نور_ بجد ربناا يخليكوا ليا
فضلو يحتفلو بعيد ميلاد نور شوية
محمود_ خلاص يا مروان يابني نروح بقا عشان عندي بكرة حجات مهمه
مروان_خلاص يا عمي روحوا وسيبوا نور معايا ورنا كمان هتبقا معاها
محمود_ بس
قاطعه مروان: ياعمو متخفش عليها دي اختي
محمود_ خلاص ماشي بس متتاخروش
مروان_ حاضر متقلقش
_____________________

مروان_هنقعد انا وانتي لوحدنا شويه
يوسف_هنقعد معاكوا
مروان_ياباااااي يابني انت لازق في كل حاجه!!
يوسف_يعم انتوا ليه محسسني انكوا بتحبوا بعض وهتقولوا كلام رومانسي وبتاع
رنا قرصت يوسف في دراعه_ ملكش دعوة انت!
نور _ ايوا خدها وروحوا اقعدو لوحدكوا سبنالكوا انتوا الكلام الرومانسي!
يوسف_ اشطا .. بس انا براقبكم وهراقبكم
مروان_ اجري يلا من هنا
يوسف_ طيب اهو متزقش دا انتو عيال غلسه
مروان _كل سنه وانت طيبة وعلي طول معايا وسانداني كدا
نور_ وانت طيب ومعايا ،عمرك مانسيت تحتفل بعيدميلادي وبرضر بتعمله قبلها بيوم
مروان_يا..معلش ثانيه هرد على التليفون واجيلك
نور_ طيب
مروان قام يرد_ الو يا مريم مجيتيش ليه
مريم_ عادي المهم انا عازماكوا بعد بكرة علي خطوبتي
مروان بصدمه_ ايييييه!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف أسوار القلب)