روايات

رواية البنت غير الشرعية الفصل التاسع والخمسون 59 بقلم ياسمين

رواية البنت غير الشرعية الفصل التاسع والخمسون 59 بقلم ياسمين

رواية البنت غير الشرعية البارت التاسع والخمسون

رواية البنت غير الشرعية الجزء التاسع والخمسون

رواية البنت غير الشرعية الحلقة التاسعة والخمسون

جبت سمانة في السبيطار عجوزتي وعمو دائما يجو يطلو عليا ، عجوزتي زينب جات مرتين ،محمد دايما يجي واميمة مرات يليق كي تكون عجوزتي نصيرة فالدار باه جي هيا وتخلي بنتها عندها قاتلي راني نخاف على بنتي منهم قتلها استهدي بالرحمن هذوك فالزوج جداتها واحدة خالتها والأخرى عمتها واش راح يديرولها وهذاك الوحش مشفتوش قاع ، اليوم فالليل جاتني الفرملية قاتلي وقيلا غدوة تخرجي أف مزية الصباح نضت لبست دخلت الطبيبة شافتني عطاتلي لوغدونونس وعطاتلي سرتفيكة قاتلي هاكي درتلك عجز 15 يوم وروحي اشتكي متسمحيش من حقك هزتلها راسي قاتلي استناي أهلك يخرجوك قتلها لالا نروح وحدي حنا نهدرو حتى دخل يوسف عندنا غير شفتو خفت منو قالي هيا قاتلو الطبيبة شكون نتا

 

قاللها ونتي واش دخلك خدمتك درتيها خلاص بلعي فمك خرجت معاه ركبت اللوطو وقلبي في سروالي خلاص ميتة بالرعب كلمة منطقتها لا انا لاهو مشى شحال ممبعد قارا اللوطو جبد كارني صفر رماهلي في حجري بقيت نقلب فيه بصح معرفتوش واش هو قالي هذا كارني لابونك راني حطيتلك دراهم تما وزاد جبد بيلة دراهم قالي وهذو شدي بيهم الطريق لداركم هاهو قشك اللور ارفديه والباقي ممبعد نبعثولك وهاهي لاجونس قدامك اركبي لولايتك لداركم منزيدش نشوف خليقتك قدامي في حياتك متخميش تخرجي قدامي خاطر هذي المرة صح نكمل واش خليت ناقص وردي بالك نسمع رجعتلي لخدمتك القديمة ولا نسمع بيك كاش ما درتي راني قتلك ونعاودلك أقسم بربي هذي المرة نذبحك ومكان لي يسلكك رجعتلو الكارني والدراهم قتلو موش محتاجتهم وانا راجعة لدارنا بلا مزيتك وراح نديرلك الخلع قالي متشقيش روحك راكي مطلقة بالثلاث كي سمعتها منو قلبي حسيتو حبس ياك كنت نحوس عليها علاه جسمي راه كامل يرجف زاد قالي

 

الدراهم ممديتهملكش محبة فيه هذو حق الاضرار قتلو قول حق ما اغتصبني قالي ايه حق ما ديت حاجة متخصنيش ورقتك عن قريب تلحقك وهدرتي منعاودهاش هيا طريق السد نزلت ونزلت فاليزتي ودخلت لاجونس جيت على كرسي داهشة موش مامنة دموعي غير يطيحو والناس الرايح والجاي يشوف معايا كاين لي جاوني سقساوني بصح والو مهدرتش كامل معاهم .

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية البنت غير الشرعية)

اترك رد