رواية البنت غير الشرعية الفصل الثالث والستون 63 بقلم ياسمين
رواية البنت غير الشرعية الفصل الثالث والستون 63 بقلم ياسمين
رواية البنت غير الشرعية البارت الثالث والستون
رواية البنت غير الشرعية الجزء الثالث والستون
رواية البنت غير الشرعية الحلقة الثالثة والستون
خممت نشوف كرية هنا نخلصها بدراهم ذاك الزبل وندبر كاش خدمة في صالون دوتي ولا ريسطورون نشد يدي حتى نجيب ديبلومي ونشد بيه خدمة خلي نكمل الاختبارات هذي السمانة وممبعد نتكل على ربي ، كملت الاختبارات و المذكرة كنت ديجا دفعتها بقيت كل يوم نبكر الصباح ندور على خدمة ولا كرية بصح والو الكرا غالي وزيد كي يعرفو راح نسكن وحدي ميبغوش وانا شا ندير ها أمي ربي يرحمها ، جبت 15 يوم ندور حتى حفاو رجليا بلا نتيجة ،كنت مرة مرة نعيط لخالتي نسقسي عليها ومزال محكيتلها والو اليوم كي هدرت معاها قاتلي جاتني دلال وراها مسلمة عليك قتلها يا مزالت جيك قاتلي واه مسكينة مبعدتنيش قاع ربي يعطيها ويمنيها قتلها آمين قتلها اعطيني نومروها قاتلي منعرفش كي يجي ولدي يبعثولك قتلها هيا مليح ،فالليل لحقني نومرو دلال علابالي ضوكا فالخدمة حتى الغدوة منو بعد الظهر بعثتلها ميساج انا بسمة وعيطتلها شحال فرحت وسبتني هكا تغيبي ومتتفكرينينيش قتلها سامحيني سقساتني على روحي وعلى يوسف قتلها
لاباس قاتلي واش كيفاه نتي وياه قتلها نورمال كيما موالف قاتلي علاه حاسة مكيش مليحة وكاين حاجة مخبيتها قتلها مكان والو نتي برك زايدة فيها حكينا شوية وكوبيت ، غير يطيح عليا الليل يكثر عليا التخمام ياربي وفرجها ياربي الخرجة وين للصباح وانا قاعدة نضت غسلت ورحت لافاك اليوم ناقش المذكرة كي دخلت للقاعة سقساني البروف على سي راجلي قتلو مسافر مهوش هنا المهم ناقشتها وكملتها مدولي العلامة 18 رجعت للاقامة خرجت على عقلي بالبكا في لافاك الدنيا مقلبة زغاريت وعايلات جايين يفرحو بتخرج ولادهم غير أنا وحدي مكان لي حضر معايا حتى صفية في دارهم مع 8 خلاص ضياق عليا الحال مقدرتش نقعد يا ربي واش ندير جبت تيليفون وعيطت لدلال قتلها علابالي تخدمي بصح محتاجاتك قاتلي منيش خدامة غير اهدري حكيتلها لي صرا وبلي طلقني قاتلي ونتي حمارة ولا واش نورمالمو كي خرجتي من السبيطار كنتي تسقسيه علاه
حتى ضربك تفهمي الحكاية قتلها راني نقولك خرجني من السبيطار وداني رماني عند لاجونس وطلقني وين رايحة انا نسقسيه قاتلي خلاص أنا ضوك نعيطلو قتلها لالا محال متذلينيش ضوك يقول مهيش قادرة بلا بيا وتحوس نرجعها قاتلي ايه لازم ارجعي عندو خير قتلها ماأمنت ربي فكني منو حابتني نرجع عندو كون يبقى غير هو راجل موحال نرجع عندو قاتلي بسمة برمي متخشني في راسك قتلها دلال مفوتيش معاه واش فوت انا محال نرجع ليه خلاص حكاية تسكرت قاتلي واش ناوية حكيتلها واش خممت قاتلي ودرتي عقلك وقيلا علاه حابة تبقاي تم إذا على جالو أوكي قتلها لالا موش على جالو بصح منقدرش نرجع ويستشفاو فيا الناس وزيد كي نرجع عندمن نرجع الدار وباعوها قاتلي والله مراني عارفة شا نقولك كملنا هدرتنا وكوبيت وبقيت غير نطلع ونهبط ياربي سلاكها وين.
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)