رواية البنت غير الشرعية الفصل الثامن والخمسون 58 بقلم ياسمين
رواية البنت غير الشرعية الفصل الثامن والخمسون 58 بقلم ياسمين
رواية البنت غير الشرعية البارت الثامن والخمسون
رواية البنت غير الشرعية الجزء الثامن والخمسون
رواية البنت غير الشرعية الحلقة الثامنة والخمسون
واش صرا ممبعد معلاباليش المهم مذبحنيش وهاني حية فطنت لقيت روحي في السبيطار معلقينلي سيروم وشادينلي راسي كل حاجة فيا تسطر جيت نطلع راسي ماص ضربتني فيه لقيت غير عجوزتي حكمتني بالعقل بنتي بقاي مسطحة بقات تشوف معايا وتبكي يا بنتي واش لي صرا واش بيكم قتلها سقسي وليدك لقيت عمو تاني هنا قالي يا بنتي قولي واش صرا واش لي وصلو لي ذي الحالة راه قريب ذبحك غير ربي ستر ولحقت الدقيقة التالية قتلو معلاباليش والله معلابالي بصح يا ريتو ذبحني وهناني من هذي الدنيا قالي واش راكي تهدري كون قتلك كون راه رشى فالحبس حتى دخلت الطبيبة قاتلو هكا وترشيه فالحبس هذا حيوان موش عبد قاتلي ردي بالك تسمحي من حقك اشكي بيه يربوه الكلب قاتلها عجوزتي يا بنتي هديها متزيديش عليها قتلها الحاجة إذا تهمك بنتك كي تخرجيها منا تديها للكوميسارية منا تشتكي خاطر هذا الوحش إذا متحطش عند حدو راح يعاود فعايلو بقات مسكينة غير تشوف معايا وتبكي سقساتني الطبيبة واش تحسي قتلها كلشي فيا
حاساتو مكسر وراسي باغي يطرطق قاتلي جسمك صح راه مكسر عندك زوج ضلوع مكسرين ويدك اليسرى العظم مشقق عندك ارتجاج فالمخ من قوة الضرب على الراس واش بغيتيني نزيدك ربي يشافيك ختي وكيما وصيتك محال تسكتي عليه ممبعد قالت لعجوزتي هيا الحاجة لازم تخرجو راكم طمنتو عليها باستني وقاتلي غدوة نجي ليك قتلها ان شاء الله ، جيت نوض كيما حاولت مقدرتش دخلت عندي الفرملية دارتلي الدوا قتلها شحال الساعة قاتلي الواحدة ليل قتلها كيفاه راه الليل ياك كنا فالصباح قاتلي كي جابوك كان الصباح وحالتك متنشافش كنتي في غيبوبة هذا وين فطنتي بقيت غير نحاول نتفكر واش صرا بصح متفكرتش ، الصباح جاوني عجايزي فالزوج نصيرة تسقسي فيا وزينب غير ساكتة منيش عارفة علاه حاستها خايفة قعدو معايا شحال، غدوة فالليل جاني محمد واميمة قالي غير عيطتلي يما زينب وقاتلي جينا طايرين بسمة واش بيكم كيفاه وصلتو لذي الحالة قتلو منيش عارفة سقسيه وكي تعرف قولي قالي بسمة هو من البارح ما شافوهش وراني غير
نعيطلو تيليفونو طافي قتلو منعرف عليه قالنا ذوك نجي وخرج بقيت مع أميمة قاتلي بسمة زعما موش مروى وامال سبة قتلها منيش عارفة علاه قاتلي لي فالدار قاع موش عاجبيني سيرتو هوما زوج غير وتوتو مع بعض وغير قال محمد راح نعاونها ونشتكي بيه وجوهم تبدلو وسيرتو ماما زينب ولات تقولو لالا وهذا خوك كيفاه..تكملة الجزء 58
ونشتكي بيه وجوهم تبدلو وسيرتو ماما زينب ولات تقولو لالا وهذا خوك كيفاه جي معاها عليه خلي يحلو مشكلهم بيناتهم قاتلي راني حاسة هوما ورا هذا الشئ وراني خبرت محمد و راح نعاونوك ختي قاع متتقلقيش ضحكت بالم قتلها أميمة هذو ماليك وزيد غير متدخلوش وتلصقو في مشاكل كبار خلوها تعيا ويفرجها ربي جا محمد قالي بسمة متخميش راني معاك ختي وراح نجيبلك حقك وراحو بقيت غير ندور في هدرتهم في راسي ونربط فالاحداث بصح ملقيت والو بقيت نخمم قلت ضوك يتلاصقو الخاوة بين بعض خلي غير نريح نرجع لدارنا ونرفع عليه قضية خلع ونتهنى
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)