رواية البنت غير الشرعية الفصل الرابع والستون 64 بقلم ياسمين
رواية البنت غير الشرعية الفصل الرابع والستون 64 بقلم ياسمين
رواية البنت غير الشرعية البارت الرابع والستون
رواية البنت غير الشرعية الجزء الرابع والستون
رواية البنت غير الشرعية الحلقة الرابعة والستون
زدت يامات نحوس وندور على خدمة وعلى سكنة بصح مكان والو خلاص الاقامة رايحة تغلق هذي السمانة يا ربي والحل كيفاه عيات معايا صفية أيا تروحي معايا لدارنا بصح شحال راح نقعد عندها يا ربي سمانة ويولو اهلها يسقسو عليا أصلا مهوش حل اطلاقا دلال قاتلي ارجعي هنا خير هذي بلادك وتعرفيها مليح تعرفي وين تخدمي والله معرفت شاندير بصح عندها الحق خلي نرجع والعمالة على ربي ، رجعت لولايتي غير وصلت تلاقيت انا ودلال قتلها وضوكا كيفاه وين نروح قاتلي ارجعي عند خالك قتلها مرتو محال تخليني قاتلي شوفي قولي غير لخالك وهي سكتيها بكاش كذبة ودفعي دوسيك للخدمة حتى تلقاي خدمة قوليلها وسكتيها بالدراهم ونتي تهنيتي مانظنش تمشي عليها مرت خالي عودة من الكبار وراح تفيقلي بصح هيا معندي ماندير رحت لخالي هدرت معاه قتلو بلي طلقني مبغيتش نحكيلو التفاصيل قتلو حابة نبقى عندك نهارات ومذابيا متقولش لمرتك قالي خلاص معليش رحت على سعدي شريت شوية صوالح ورحت عندهم للدار بقات مرت خالي كي
عوايدها تبحث وكيفاه جيتي ومنا قتلها شوفي هو عندو خدمة ومسافر وموالف يخليني عند ماما خاطر موش متفاهمة مع دارهم قاتلي كيفاه شفت عجوزتك فالموت شحال تعزك ولا غير قدام الناس قتلها لالا هي صح مليحة معايا بصح كاينة مرت باباه وختو معايا فالدار مشربينلي المرار قاتلي عليا انا نعلمك ونقريك وتعياي مخرجتهم من الدار ياحسراه يا مرت خالي هوما خرجوني وفات الحال ، المهم ستقبلتني السمانة الاولى لاباس ومتهلية بنت خالي فاقت بيا قاتلي راجلك علاه ميعيطلكش مشفتكش قاع تهدري معاه قتلها لالا فالنهار خدام وفالليل نحكي معاه بلاكام ياك شفتيني نشعل البيسي وانا نشعلو ونبقى نسمع موسيقا ونتعذب خلاص وليت نمبر وان فالكذب ، زدت سمانة وبدات مرت خالي تتململ وراجلك راه طول ووينتا مروحة وكذا وكذا يا الرب العالي كي ندير حطيت السيفي نتاعي في شحال من بلاصة ومزال معيطوليش لحق علينا رمضان حالي يدري بيه غير لي خلقني بدات مرت خالي تنقرش تلعبها راهي على بناتها بصح علابالي راها عليا خرجت عند دلال قتلها عاونيني خلاص راح نهبل قاتلي واش نقدر نديرلك قتلها نجي نقعد عندك حتى يفرجها ربي قاتلي بسمة غير هذي لالا
متعاوديهاش كون يسمع بيك ماميدو كيفاه ديري نتي سلكك من تم غير يوسف ذي المرة إذا رجعتي والله تحصلي سيرتو راكي هجالة يا بسمة غير خطيك قتلها راح نبقى معاكم فالدار منرجعش للبار قاتلي وكون يبيعوك لبنات لي ثم معايا (خاطر هي ساكنة مع بنات يخدمو معاها في سكنة ماميدو ) قاتلي الحل خالتي بختة روحي اقعدي عندها قتلها واش نقوللها قاتلي الحقيقة واش باغية تزيدي تخبي خلاص راه عندك كثر من 3 أشهر ملي طلقك سيبون راكي مطلقة كملتي العدة ضوكا ميقدرش يرجعك إلا بعقد جديد قتلها هيا تروحي معايا وامري لله رحنا عندها معرفتش قاع منين نبدالها قاتلي بسمة كيفاه جاية مرتين بلا راجلك قتلها طلقني قومت الدنيا وقعدتها يا طفلة كيفاه يا طفلة واش تهدري
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية البنت غير الشرعية)