رواية جريمة عشق 3 الفصل السابع عشر 17 بقلم مريم نصار

رواية جريمة عشق 3 الفصل السابع عشر 17 بقلم مريم نصار

رواية جريمة عشق 3 البارت السابع عشر

رواية جريمة عشق 3 الجزء السابع عشر

رواية جريمة عشق 3 الحلقة السابعة عشر

عدى كدا ع ابطالنا الحلوين سنه كامله .ونقول نبذه مختصره عن الأحداث الل مرت ..
مريم عزيز . تم حملها ع خير وولدت . وزياد كان اول واحد جمب أخته . وجابت للعيله الجميله دى . مصطفى عزيز الصغير . ولكم ماتتخيلو عن كمية الفرحه الل غمرت العيله كلها . والكل بارك وهنا . واحتفلو وعملو عقيقه . ومصطفى عزيز الصغير كان ميكس من مريم ويوسف . وكان فيه شبه كبير من كريم اخوه الل فرحان بيه جدا وبيقضي اغلب الوقت معاه . ودلوقتى مصطفى الصغير عندو 6 شهور . واول ما كريم يرجع من الحضانه يجرى ع اخوه الصغير . والبيت اتملا بالحب والسعاده . وشيرين روحها ف مصطفى الصغير واهتمت بيه . ومريم مبسوطه مع يوسف . وهنا مهتمه بالبيت كله وحياتها الخاصه مع اشرف مليانه سعاده .
ساره الصاوى : عدت فترة حملها وكانت متعبه شويه بالنسبالها . وقعدت من الشركه بناءا ع طلب من مالك وجاسر وملك . لانها تعبانه . وملك كانت قايمه مع ساره بدور الأم . وعوضتها ع قد ما تقدر . وكمان جاسر كان مهتم بيها وبيعوضها عن ابوها . ومالك كان ليها الاخ والحبيب . وكانو كلهم معاها لحظه بلحظه . والحمد لله . ولدت ع خير . وخرج للنور آسر الصاوى. وآدم ومريم كانو جمبها اول ناس . وبعد كدا العيله كلها . ومالك وساره . كانو فرحانين جدا بوجود الحفيد الاول لعيلة الصاوي . وساره كانت بتعيط بدموع . ومالك وقف جنبها . وعملو حفله كبيره جدا وكانت عقيقه مميزه. وجاسر كان طاير من الفرحه . واتعلق ب آسر الل بقى عندو ٤ شهور وزي القمر واخد مكيس من العيله . وملك كانت مهتمه ب آسر والعيله الجميله دى .
فارس وردي . فارس اتعلق ب چود جدا . الل تمت سنه وشهر . ووارثه الجنون من طارق ورودي ودمها خفيف جدا. وحركاتها بتجبر اى حد انه يحبها . ورودي دلوقتي ف اخر سنه ف الكليه . ورنا اهتمت ب چود وسابت رودي تركز ف اخر سنه ليها . وطارق مجنن رنا بأسلوبه مع چود . ورودي متعلقه ب چود جدا وعقلت شويا ف تصرفاتها بره البيت ولكن مجنونه ف بيتها وسط عيلتها وفارس حبه ليها زاد ورودي امتحنت الترم الاول ونجحت وخلاص الترم التاني ع الابواب .
زياد وماليكه . ع نفس الحاله . وياسين تم سنه و3 شهور . وعامل جو ف البيت جميل .زياد حنين عليه جدا وبيتعلم من آدم . وعايز يكون صديق واخ واب لابنه . وماليكه شايفه كل امور البيت ورافضه ان زياد يجيب شغالين ف البيت من غيرتها ع زياد وكمان بتحب تعمل كل حاجه بايديها . ومبسوطه لأن هدى وحسام محسسينها انها بنتهم . وحبهم ل ياسين واضح جدا عليهم .

 

آدم : طلع عمرة رمضان مع مريم زى ماوعدها . وكمان الحج ومريم وآدم كانو ف عالم تانى من الخشوع وجواهم سعاده كبيره وبيدعو ف الحرم بكل صدق ودموعهم نازله وبيتمنو المغفره من رب العالمين.
وأغلب العيله راحت الحج زى كل سنه .
وآدم طلع كمان سعاد وطلعت زى ما وعدهم . وكانت فرحت سعاد وطلعت لا توصف . وطلعت دعى ربه بذل وانكسار أنه يسامحه . وشكر ربنا إن شهد بنته اتجوزت . ودعالها كتير انها تقوم بالسلامه لانها حامل .
مريم : كانت ديما تحس بدوخه وزغلله ف عينيها . لكن عمرها لا اشتكت ولا حبت تقلق العيله . واستنتجت أنه ممكن يكون ضغط . او نظر . وضربات قلبها السريعه . وخصوصاً بليل . ولما آدم سألها . قالتله انها قامت علشان تصلى قيام الليل . وبردو اتوقعت ان ضربات قلبها زادت من العشا متآخر . او القهوه . والارهاق . ولما تحس انها بقت تمام . ترجع تنام ف حضن ال آدم من تانى .
محمد ونور ع نفس درجة عشقهم وبيزيد . ونور بقى ليها ند جديد وهي تمارا . الل بدءت تتكلم وبتحب محمد جدااا وبتغير عليه من نور . لدرجة أنها بتروح اوضة النوم بتاعة محمد . وتقف قدام الحيطه الل كلها صور محمد ونور . وكان ف وسط الصور دى صوره ل محمد وهو نازل ع ركبه قدام نور وبيقدملها الخاتم .. وتمارا تقف وتحط ايديها ع محمد ف الصوره وتصرخ وتزعق وتقولو قوووم محمااد قووووم وتعيط كتير جدا . ونور تشيلها وتهديها . لكن متسكتش غير مع محمد وبس . ومحمد من جواه مبسوط جدا بتمارا . لكن شكله كدا هيعملها الف حساب . لأن تمارا ف الغيره ع ابوها اقوى من نور . ونور طبعا من جواها مبسوطه لانها مرت بالإحساس ده . وتيم بيروح الحضانه . ويطلع ف الباص سعات ع المستشفى ومحمد ياخدو من الباص . يا اما يروح عند آدم ومريم ورعد الله ياخدو من الباص او زين لو موجود . وعلاقت تيم ب رينو مقلتش . ولما فهد طلع مهمه رينو كانت بتاخد تيم . ويبات معاها ف الشقه لما تشتاق للفهد .

 

ونور : بتحضر رسالة الدكتوراه . ومحمد واقف جمبها ف كل خطوه وبيساعدها .
مراد : وفريحه عايشين بنفس درجة السعاده . والضحكه ع وشهم . وآدم الصغير متعلق بفريحه جداااااا . وده مخلى مراد مش متفائل وان الدنيا كدا هتبقى دواره فعلا .
فريحه : بتحضر رسالة الماجستير . ومراد قالها أنا معاكي ف اى حاجه اتعلمى لحد ماتقولى انا اكتفيت . وفريحه حبت ده جدا من مرادها .. ومريم نونو كبرت ومتعلقه ب آدم رقم واحد ومراد رقم 2 وبتغير ع آدم من اى حد . ولما آدم يقعد يتفرج ع التلفزيون . لازم مريم نونو تكون قاعده ف حضنه .
مراد : طلع هو وفهد. مهمه وخلصوها ف اسبوعين . ومراد رجع بنفس الطريقه وعمل مفاجئه ل مريوم وفريحه . وحكى ل آدم كل التفاصيل . وقعد مع فريحه اجازه كبيره . واستغرب أن الجهاز مطلعهمش مهمات من بعدها . هما بس بيروحو المكتب عادى وشغل بسيط ويرجعو . مراد بيحب شغله جدا والمغامرات ..لكن أنه موجود ف وسط عيلته ومراته وأولاده دى الل أهم عندو . ومراد كان ياخد فريحه وأولاده ويقضو وقت ف شقتهم كا عيله صغيره . لكن جو العيله الكبيره ليها مذاق خاص . وكان يروح يقضي السهره مع آدم ومريم . ويرجع ع شقته وعاشو السنه دى ف سعاده وحب وجنون .
زين وريتال : عايشين مع بعض بحب كبير . وريتال كان قلبها بيرقص من العشق لانها ف يوم كانت خارجه من الشركه ومنتظره زين وآدم علشان يرجعو ع البيت. وجه شاب شاف ريتال واقفه ولابسه فستان رقيق وحجاب وماسكه شنطة اللاب توب وبتبص ف الساعه . واتخضت واتوترت لان الشاب ده بيعاكسها وبطريقه مش كويسه وقال الفاظ مش حلوه. وريتال طبعا من جواها خافت ومردتش وهترجع ع الشركه .لكن الشاب ده مسكها من دراعها . وقبل ما امن الشركه يتحرك عند ريتال .

 

 

كان زين جاب الشاب ده من قفاه ورنه العلقه التمام وطلع عينه من الضرب .. وريتال وقعت الشنطه ع الارض وخافت من شكل زين وهو هيموت الشاب ف ايده . وآدم واقف بيتفرج ومبسوط من رجولة زين . لكن آدم شاور للأمن يخصلو الشاب من بين ايدين زين لان الشاب نزف ووشه بقى كله دم . وآدم راح وقف جمب ريتال وجاب الشنطه وقال ل ريتال اركبى العربيه ومتتكلميش مع زين دلوقتي . وريتال جريت وركبت العربيه وقعدت ترتعش واتوترت . وآدم راح ل زين الل كان شايط ومش طايق نفسه . لانه سمع ألفاظ الشاب وكمان ايدو لما مسكت ايد مراته . آدم قاله اهدى خلاص . انا هتصرف تعالى اركب جمبى وانا هسوق . وزين اتحرك بغضب وركب قدام جمب آدم ومتكلمش وريتال قاعده وساكته .. آدم شاور للأمن وقال بعلو صوته الكلب ده تبعتوه ع القسم لسيادة اللوا طارق السيوفى . علشان يحرم بعد كدا يقرب من اى بنت او ست ماشيه ف الشارع . وهيتعلم وغصب عنه أنه يحترمها . وراح ركب العربيه وساق . ووصلو البيت . وريتال نزلت جرى من العربيه . وطلعت ع اوضتها جرى .خايفه من زين وكمان مش قادره تنسى كلام الشاب ده ليها ورمت نفسها على السرير وعيطت . لكن اتخضت من دخول زين عليها .وبلعت ريقها بتوتر . زين دخل الحمام وغسل ايديه وبيحاول يهدى . وخرج وشاف دموع ريتال وخوفها منه .واتنهد بديق . وراح قعد جمبها واخدها في حضنه . لانها ملهاش زنب . وحاول يهديها واطمن عليها . وفهمها أنه مدايق من الموقف نفسه . وريتال تفهمت ده وجواها كانت مبسوطه من غيرت زين عليها . واريان وليليان متعلقين ببعض . وزين متعلق بي ليليان وكمان هي متعلقه بيه وآدم.. واريان بيحب مريم وريتال جدا .
——————–بقلمى Mariem Nasar
اما عشق الفهد .
بعد رجعوهم من المانيا . فهد كان يوصلها الجامعه ولحد السيكشن . وكانت نظراته حاده لمعتز . ومعتز نده ع رينو بره السيكشن وسط الجامعه. ورينو قالتله انا اسفه جدا جوزى لما شاف حضرتك واقف معايا وسط الجامعه ادايق ونبه عليا ان ده ميحصلش تانى انا اسفه وسابت معتز واقف ومشيت .ومعتز قلبه وجعه وبيحاول ينساها لكن مش معارف ولا قادر يبعد.
.ورينو كانت مبسوطه . لكن غيرت فهد الشديده عليها تعبتها نفسيا . رينو كانت بتحاول تتفاهم وتتناقش معاه وتفهمو ان اي بنت بتتعاكس . وكانت تقلب خناقه بينهم ورينو طبعا كانت تزعل وتاخد جمب من فهد وهو الل يروح يصالحها ويفهمها أنه غصب عنه احساس جواه بيسيطر عليه . وانه نفسه يخبيها جوه قلبه .. ورينو من حبها لفهد تسامحه . وفضلو ع الحال ده يتخانقو ويتصالحو .وكان فهد مصمم ع إن رينو تتمرن . وكان مخصصلها وقت ورينو اتعلمت من فهد حجات كتير .

 

وحاليا رينو ف سنه خامسه طب وبطلت وسيلة منع الحمل بطلب من فهد لانه مشتاق انها تخلف منه حته شبها. وكانت مبسوطه بقرار فهد. لانها نفسها تخلف وبتتمنى تكون شبهه . لكن غيرته الشديدة لأ .. و فهد جاتله مأموريه . ورينو لما عرفت زعلت وعيطت كتير . وقالت لفهد انها مبقتش تحب شغله . علشان بياخده منها .وقالها انها مهمه خفيفه لجمع معلومات .وهكلمك كل يوم وفيديو كمان وفعلا كانت احسن مهمه بالنسبه لفهد ومراد . ورينو كانت لما تشتاق للفهد تروح الشقه وتاخد تيم معاها ف إجازته من الحضانه وتقضى يومين ف شقتها بعد محايلات ع آدم أنه يوافق . وآدم علشان خاطر دموع بنته كان يوافق .ومكنش بيأمن لحد غير رعد . وعين رعد انه يقف تحت العماره الل فيها رينو علشان ياخد باله منها . وبعد اسبوعين فهد رجع وراح فيلا العدوي لمعشوقته الصغيره . وكانت فرحة رينو كبيره جدا . وكان عايز ياخدها ويسافر لكن الدراسه لسه ف أولها . وقالتله ف إجازة الترم الاول . وعدت الأيام وفهد يوصل رينو ويرجع ع الشغل . ومن الشغل يروح ياخد رينو من الجامعه او فيلا العدوي. وعاشوا ف سعاده . ورينو امتحنت الترم الاول ونجحت . وقبل ماتسافر بيوم كان فهد بيرتب كل حاجه ف المطار ومش موجود معاها ف البيت وحست بدوخه بسيطه وبعدها راحت بسرعه ع الحمام ورجعت . وسافرت مع الفهد دبي وعاشو اجمل اسبوعين .
ورجعو قبل بداية الترم بكام يوم .
——————–بقلمى Mariem Nasar
ونقول عوده للوقت الحالى .
رينو واقفه ف المطبخ وبتجهز الغدا . وواقفه تغنى ومبسوطه . وفونها رن . الوو حبيبى .
فهد : ف العربيه . قلب حبيبك عامله ايه ياروحي .
رينو : اممم عامله نجرسكو . وفراخ ههههه.
فهد : ههههه ياروحي تسلم ايدك . بس انا بسأل عليكى انتى . عامله ايه دلوقتى احسن !؟
رينو : بتعتطس . الحمد لله .
فهد : ههههههههه يرحمكم الله يستى ههههه هو انا مش هعرف انتى عامله ايه ولا ايه هههههههه ..
رينو : ماسكه المنديل .وحطاه ع بوقها . هههههه. انا الحمد لله ياحبيبى واحسن بكتير جدا .

 

فهد : طيب تمام . انتى بتعملى ايه دلوقتي !؟
رينو : انا لسه مخلصه الاكل حالا وف انتظارك
فهد : رينو لو حاسه انك مش قادره تعملى حاجه ارتاحي انتى وانا ربع ساعه واكون عندك ياروحي .
رينو : ربنا يخليك ليا يا فهد . انا كويسه كان دور برد شديد من تغيير الجو . وخلاص خفيت . وكمان مامي اتصلت وكانت هتبعت غدا لكن انا صممت انى اعمل الاكل بنفسي .
فهد : تمام ياحبيبتى . انتى هتحتاجي حاجه اجبهالك وانا جاي !؟
رينو : ايوه طبعا .
فهد : عايزه ايه يانجمتى .
رينو : بحب . عايزاك انت يافهد .
فهد : وفهد بين ايديكى ياقلب فهد .
رينو : ابتسمت توصل بالسلامه ياحبيبى.
فهد : الله يسلمك ياحبيبتي . وقفلو .
وبعد الغدا .
فهد نزل راح يطمن ع رنا وطارق وقال ل رينو ترتاح شويه لانها داخت ورجعت بعد الغدا. ورفضت تكشف ..وقالتلو ده من البرد بس روح انت ومتقلقش . وضحكت معاه وكانت كويسه . وفهد قالها ولو هتحتاج حاجه وهو راجع ..
.قالتله يجيب لب وسودانى وشبسى وشوية طلبات تسالى . علشان يسهرو مع بعض علشان بكره اجازه . ونزل وراح ل رنا وطارق .. واتصل ع رينو وكانت كويسه .. وخرج من عند رنا وجاب الل رينو طلبته وكمان جابلها الشوكيلت ودخل البيت . وبينده عليها . نجمتى. نجمتى انتى فين .
رينو : من اوضه النوم . انا هنا يااافهد .

 

فهد : حط الطلبات ع طربيزة الليفنج ودخل عليها . ولما شاف رينو وقف مكانه بدهشه ايييه دااا . وقرب منها . وبيبتسم . اييه ده يارينو ايه القمر ده . بجد قمر .
رينو : بتلف قدامه . هههههههههه . بجد انا قولت أجربها هي طويله شويه وواسعه بس انا قعدت اظبط فيها . وايه رأيك فيها . وكمان ف شعرى وهو ديل حصان وانا لابسه الطقيه ههههه حسيت انى فعلا مخابرات ههههههههه .
فهد : ههههه . قمر ف البدله الميرى . بجد تحفه عليكى ههههههههه . الحمد لله يارب انك مش ظابط مخابرات . عد الجثث يافهد .
رينو : لابسه بدلة فهد الميرى . وكانت جميله فعلا عليها . وطلعت سلاح أبيض من جيب البنطلون الخلفى .وبتتقمص دور الظابط .. وبتلف حوالين فهد . اممم . وحاولت تكتف فهد ومش قادره عليه .
فهد : هههههه . وحاول يبينلها انها اقوى منه . اااه حرام عليك ااه انا برئ ياحظابط .
رينو : بتلف دراعه ورا ضهره . قر واعترف يامجرم . انت الل سرقت السوبر ماركت .
فهد : كاتم الضحكه غصب عنه . وبيكمل معاها . انا . انا محصلش . محصلش برئ يابيه
رينو : امممم انت شكلك هتعزبنى . بس ع مين انا الرائد رينو العدوى . وهتعترف لانى هعذبك بشتا الطرق . امشي قدامى لو سمحت . احم قصدى انجر قدامى يامتهم .
فهد : بيضحك بصمت غصب عنه . وماشي قدامها .
رينو : افتح باب الاوضه وأخرج قدامى . وحطت السلاح ف جمبه بحزر .
فهد : افتح الباب وارفع ايدى لفوق ياحظابط .
رينو : ايوه ايوه صح كنت ناسيه . ايه دا انت بتتكلم معايا يامجرم . ارفع ايدك وامشي قدامى . وخرجو وراحو الليفنج . وبصت ع كيس الطلبات . امممم وادي المسروقات . افتح وخلينى اشوف بعينى انت سرقت ايه .وعلت صوتها بسيط اسمع الكلام يامتهم .
فهد : اتحرك بتمثيل . حاضر . حاضر ياحظابط . وفتح الكيس . ده لب ابيض . وده سودانى بالملح .وده مارشيملو . وده شبسي. وكانز . وشوكليت . وشوية بسكوتات ع شوكلاتات مختلفه حضرتك .
رينو : مكشره عينيها وبتبص ع الحاجه . ايه ده مجبتش مولتو ميجنام .

 

فهد : الطلعه الجايه إن شاء الله ياحظابط .
رينو : بصتله بشرز . انت هتستهبل ياواد انت تعالى هنا ومسكته من كتفه وحطت السلاح جمب رقبته . انت سرقت الحجات دي ليه . وايه المبرر اي الل خلاك تفكر انك تسرق . وايه اقوالك . وياريت تعترف علشان خولقى ديق . والإنكار مش هيفيدك . فاهم ياروح …. احم ماما.
فهد : هههههههههههه هههههههههههه . والله قمر يارينو . انتى فعلا لو ظابط وبالطريقه دى هنلاقى كل ساعه متهم هههههههههههه . والدنيا باظت خالص هههههههههه .
رينو : هههههههههههه لا خلى بالك . انا روح الظابط جوايا . بابى كان مقدم . واخويا رائد .وجوزى رائد . يعنى ظابطه بالفطره .
فهد : هههههههههههه هههههههههههه . ظابطه . اااه يانا يما ههههههههههه .
رينو : كشرت عينيها . انت بتضحك عليا اوكي اوكي . انا اصلا محبتش اكون ظابط علشان اسيبكو تاكلو عيش ع رائي بابى .
فهد : والله ياحبيبتي دى احسن حاجه عاملتيها . لانك لو كنتى ظابط وباالجمال ده والبراءه دى كنتى هتلاقينى كل يوم والتانى . بدفن واحد ولا اتين . وسلمت سلاحي ومستقبلى باظظ خالص . ههههههههه انتى كنتى عايزه مولتو ميجنام ف المسروقات ههههههههه .. فكرينى اجبلك سلاح باللون البينك . هههههههههه اااه ضحكت من قلبى والله ههههههههه . ولما قولتى امشى قدامى لو سمحت . ههههه ..
رينو : هههههههههههه ظابط كيوت وقمر
فهد : بصلها بحب .. الرائد لارين العدوي . اجمل ظابط فيكى ياجمهوريه . وارق ظابط فيكى يابلد .
رينو : اتكسفت . احم انا جوعت ع فكره . وقالت بطفوليه . انت مجبتش مولتو ميجنام لييه بقى !؟
فهد : اخدها وقعدها ف حضنه . عم سعيد قالى خلص يافهد يبنى . وربع ساعه وهيكون موجود . وقالى اول مايوصل هيبعتلى مع ابنه . وجرس الباب رن . اهو ياستى . اكيد ده المولتو ثوانى . وقامت من حضنه . وفهد بص من العين السحريه وكان الولد ومعاه كيس فيه المولتو . وشاور لرينو تتدارى . وفتح الباب واخد الكيس وشكر الولد . وقفل . وراح لرينو وقعدها ف حضنه . اتفضلى يقلبى . احلى مولتو ميجنام باظظ خالص . لرينو قلب الفهد .
رينو : حبيبى يافهد تسلم لقلبى بجد .

 

فهد : اخد واحده مولتو من الكيس وفتحه . واآكل رينو . حبيبتي انا تحت امرك . ها قررتنى هنسهر فين قدام التلفزيون . ولا نلعب بلايستيشن مع بعض .
رينو : بتاكل . اممم اى حاجه . اقوم بس اغير البدله دى . والبس بيجامه .
فهد : لا خليكى قاعده معايا وانتى لابساها انا حبتها اوى عليكى .
رينو : من غير مقدمات . باسته ف خده برقه . حبيبى . انا عايزه اقولك ع حاجه .
فهد : قولى يقلبى حاجه ايه !؟
رينو : بصت ف عينيه بحب . وانا بحط الهدوم ف الدولاب . شوفت سلسله . واستغربت شكلها . حاستها انها انتيكا من زمن فات وعجبتنى جدا . وكملت بحرج . احم وفضولى خلانى افتحها . وابتسمت بحب وعيونها لمعت . ولما فتحتها وشوفت فيها صورتين ليا . حقيقي فرحت جدا يافهد . بجد معرفتش اوصف أحساسي ساعتها كان ايه . وخصوصاً انها صورتى انا وانت ف فرح محمد ونور . وكان فيها كمية حب كبيره جدا . فهد انا بجد بحبك اوى . انا مقدرش اتخيل حياتى من غير فهد ارجوك اوعدنى انك عمرك ماتبعد عنى . ومهما اكون عنيده انت بحبك ليا رجعنى لحضنك تانى .
فهد : كان بيسمعها بحب كبير . وافتكر لما اختار صورته مع رينو وأيديه ف وسطها وايديها ع كتفه . وصوره تانيه وشها بس . وكانو اجمل من بعض . وان السلسله دى معاه ديما . واتنهد بحب . لكن استغرب نبرة صوتها وانها عايزه منه وعد انه مايبعدش عنها .وقالها
رينو حبيبتى ايه الل انتى بتقوليه ده ؟. انتى عارفه ان انا لا عمرى هبعد ولا مستحملش عنادك . حبيبتي اه سعات بنشد شويه انا وانتى . علشان انا بغير عليكى . انما يوم ما ابعد عنك دي !؟ اعرفى انى ساعتها مت . رينو انتى روحي . انتى كيانى . قلبى ده عايش جوه قلبك يعنى ميعرفش يعيش من غيرك . من غير لارين وبس . وسكت .
رينو : عرفت لما قال لارين أنه ادايق من كلامها . وحبت تفكه شويه . وباسته من خدو . انا اصلا لا اقاوم ههههه . ويلا بقى مستعد علشان هتخسر ف البلايستيشن انهردا !؟ . بص انا هخليك تترجانى انك تكسب دور ههههه
فهد : ابتسم . امم على يدي !! ياحبيبتى انا بسيبك تكسبي حلاوة روح بس علشان ماتحبطيش ههههه .
رينو : هيهيهيى عسل . انت عارف انى مبعرفش العب حتى كاندى كراش . وانا هركز ف الطب ولا ف التفاهات دى .
فهد : انتى بس ركزي ف عشق الفهد . وكل حاجه هتبقى تمام .
رينو : انتهدت . وهو انا بعمل حاجه غير انى ادوب ف عشق الفهد.
——————–بقلمى Mariem Nasar

 

تانى يوم الضهر .
. فهد نايم ورينو كلها في حضنه وصحي من النوم . وشال شعر رينو من ع وشه وكتفه . وبص عليها وكانت نايمه زي الاطفال وابتسم وباس جبينها. وسحب ايدو . وقام وسابها نايمه . دخل الحمام وفرش سنانه واتوضى وصلى الضهر . واستغرب رينو كل ده نايمه . ودخل المطبخ . وعمل قهوه لنفسه .واخد الفون. والقهوه وقعد ف الليفنج . وفتح الفون وكان مراد متصل عليه ٤ مرات . وفهد رفع حاجبه باستغراب . واتصل . الو ياصقر .
مراد : لا والله حمدلله ع السلامه ياخويا . واضح ع صوتك انك لسه صاحي .
فهد : براحه عليا ياوحش . ايوه لسه صاحي . واول ماشوفت رقمك كلمتك . خير يبنى احنا كنا مع بعض امبارح ف الجهاز .
مراد : خير ياخويا . مدير الجهاز كلمنى انهردا الساعه ٩ الصبح . وكنت لسه صاحي قبلها بدقايق . واستغربت انهردا اجازه والمدير كمان مسافر و بيتصل !؟ ورديت بسرعه . وقالى بعد بكره الساعه ١١ تكون عندى انت وفهد اجتماع مغلق ف غرفة الاجتماعات السريه للاهميه . وصوته كان مدايق أو مخنوق الله اعلم . وقولتله تمام يافندم . وقالى أنه هيوصل مصر بكره بعد الفجر .. وقفلنا ع كدا .
فهد : بدهشه .انه يتصل يوم الاجازه . وكمان وهو مسافر . ويقولك غرفة الاجتماعات السريه . ده شكل الموضوع مهم وكبير .
مراد : امم شكلها كده ياض يا فهد . احنا من زمان مطلعناش مهمات . وحاسس كدا ان ف مأموريه .
فهد : اتنهد بزعل . شكلها كده . خلاص تمام . بعد بكره إن شاء الله هنكون هناك قبل 11 .
مراد : اشطا . انما قولى البت رينو فين !؟
فهد : رينو لسه نايمه .
مراد : امم طيب بقولك ايه . صحيها وتعالى انت ورينو ونقضي اليوم هنا . وكمان هتصل ع محمد ونور . ونتغدى كلنا مع بعض ف الجنينه .
فهد : خلاص اشطا . بقولك ايه . خلينا نعمل باربيكيو . جهز كل حاجه وانا هصحيها ونيجي وشوف لو هتحتاج اي طلبات اشتريها وانا ف الطريق .
مراد : اشطا خلاص . ومش هعوز منك حاجه . يلا بقى اقفل علشان الحق انزل واظبط كل حاجه انا وزين . ومتتاخرش متجيش تاكل ع الجاهز ههههه.

 

فهد : ههههههه . لا متقلقش انا هاجى واختى فريحه حبيبتى هتاأكلنى بايديها . وانت خلى راشا تاآكلك هههههههههه
مراد : شتمه وقفل السكه ف وشه .
فهد. : هههههههههههه . رينو صحيت وخرجت ع صوت فهد . وحضنته من الخلف وهو قاعد ع الكنبه . صباح الخير ياحبيبى .
فهد : ابتسم . صباح الإدمان . ورفع راسه وباسها . صحيتى من صوتى مش كدا .
رينو : اممم . ومن طريقتك عرفت انك بتكلم ابيه مراد . صح !؟
فهد : فك أيدها ولفها ليه وقعدها ف حضنه. امم ابيه مراد اه . ويستى سأل عليكى . وقلتلو الكسلانه بتاعتى نايمه. وقالى طيب صحيها وتعالى علشان نقضى كلنا مع بعض وقت حلو وهيتصل ع محمد ونور . وبصلها . وقولتلو يعمل حاجه مهمه جدا انتى كنتى نفسك تعمليها .
رينو : بتفكير . اممم حاجه ايه !؟
فهد : فكرى شويه . من كام يوم واحنا قاعدين مع بعض . وقولتيلى عارف يافهد نفسي ف ايه ؛؟
رينو : فتحت عينيها . ايووووه حفلة باربيكيو مع عيلتى صح يافهد !؟
فهد : هههه صح ياقلب فهد ..
رينو : واااو بجد . يعنى ابيه محمد ونور . وكلنا هنكون موجودين عند بابى . وكمان حفلة باربيكيو واااو بجد يا فهد انا بحبك اوى .هنروح امتى بقى .
فهد : بص ف الساعه . يدوبك انتى هتقومى زى الشاطره كدا . تتوضى وتصلى الضهر . وتلبسي . وانا هكون شربت القهوه الل هتبرد دي . واعملك شوب اللبن . ونفطر اي حاجه ع السريع كدا . والبس وننزل اوكى .
رينو : بطفوليه . يوووه بقى . هو لازم اللبن . بجد بيقلب معدتى مش عايزه .
فهد : اوكي ع راحتك . قومى بقى وانا هتصل ع مراد واقوله مش هنيجى .
رينو : خنقته من رقبته بغيظ . خلااااص . ومتحطش سكر ف اللبن علشان مرجعش . وقامت وهي بتنفخ وبتبرطم بكلام مش مفهوم .وهي رايحه ع الاوضه .
فهد : سامعك ع فكره . هااااا . اتصل ألغى الحفله .
رينو : من الأوضه. يووووه هو انا اتكلمت .
فهد : هههههههههههه .

 

وبعد كدا شرب القهوه . وجهز شوب اللبن . وسندوتشات . وحطهم ف الصنيه . ودخل عليها . وكانت خلصت صلاه وبتشيل سجادة الصلاه .
فهد : تقبل الله ياروحي .
رينو : منا ومنكم ياحبيبى . وبصت ع اللبن وعايزه ترجع .
فهد : حبيبتى يلا خدى اللبن واشربى .
رينو : احم مسكت الكوبايه . وقفلت مناخيرها وبتشرب .
فهد : بيضحك بصمت . وحاسس أنه معاه طفله صغيره . اتفضلى . ساندوتش اهو . وانا كمان هاكل معاكي . وبسرعه بقى علشان منتاخرش .
رينو : شربت اللبن بصعوبه . وبتنهج . وبصت لفهد . لأ لأ لأ . بالله عليك والله ماقادره اكل اى حاجه.حاسه لو اكلت هتعب جدا .
فهد : لارررين . امسكي .
رينو : قافله بوقها . وهزت راسها بلاء . وقالت خلاص لو عايز نلغى الحلفه الغيها انا بجد مش قادره اكل . وخصوصاً أنى لسه صاحيه من النوم . انت عارف انى مبحبش أفطر بعد ما اصحي ع طول . انا شربت اللبن خلاص بقى.
فهد : اتنهد . هتعذبينى انتى . تمام خلاص قومي البسي . ومريم تبقى تتصرف معاكى . واخد الاكل ومفطرش هو كمان .
رينو : طيب انت مش هتفطر .
فهد : من المطبخ . مالكيش دعوه .
رينو : اوووف . وقامت وراحت عندو ومسكت الساندوتش . افتح بوقك القمر ده .
فهد : جاي يخرج .
رينو : مسكته من دراعه . ارجوك بقى يافهد. والله ماليش نفس . انا شربت اللبن علشان خاطرك انت. خد بقى كل دى من ايدى علشان خاطرى انا . ورفعت أيديها ببرأه كل بقى علشانى انا اوكي .
فهد : باصص ليها ومبيردش عليها .

 

رينو : اظاهر بقى .ان الظابط رينو العدوي ليها تأثير كبير . تحب اجبهالك وصدقنى المرادي فيها حبس. وانفرادى كمان . هي ظابطه شاطره أوى .
فهد : غصب عنه ضحك . ههههههه . ظابطه ههههه .
رينو : بتضحك عليا بافهد . طيب .ووقفت ع كرسي المطبخ من الخلف ونطت ع ضهرو . كل بقى . انا ها آكلك غصب عنك اظاهر انى مش عارفه اسيطر عليك .
فهد : شايلها ع ضهرو . هههههه يامجنونه . طيب طيب خلاص هفطر انزلى .
رينو : تؤ هتفطر وانا كدا . وبصت حواليها صدق المطبخ شكله حلو من فوق .
فهد : هههههه . ايون . فاكره لما كنت بقولك يااوزعه وكنتى تزعلى ههههه اااهممم
رينو : وهو بيضحك حطت الاكل ف بوقه . كل بقى . وبعدين يبنى البنات القصيره دى كيوت كدا وجميله . ايش فهمك انت . وانت دور تانى.
فهد : بياكل . يامجنونه . نص الساندوتش مره واحده . وماشي بيها ورايح الاوضه . وطي راسك علشان متخبطيش ف الباب يافرعه .
رينو : حطت الاكل تانى ف بوقه . هيهيهي عسل . كل بقى اخرتنا .
فهد : نزلها بشويش . وبياكل . خلاص انا رايح البس . وانتى البسي اوكي .
رينو : اوكي . خد بس كل دى كمان . وكدا يبقى تمام اوى . واكلته .
فهد : باس جبينها . بصلها ع فكره انا لسه زعلان منك علشان مفطرتيش ماشي !؟
رينو : حطت راسها على صدره . حبيبى والله ماليش نفس .علشان خاطر رينو قلبك متزعلش منى اوكي .
فهد : ضمها بحب . وباس راسها . ماشي ياقلب فهد . مش زعلان . انا هاروح اخد شاور بسرعه ف الحمام الخارجي . وانتى ظبطى حالك هنا والبسي ومن غيرررر لمسات خفيفه اووووكي يا لاررين .
رينو : اوووف اوكي يافهد .

 

فهد : قمر وانتى بتسمعى الكلام . واتحرك واخد هدومه وخرج .
رينو : خبطت برجليها ع الأرض .اووف ايه القرف ده حتى الروج .
فهد : من بره هاااا سمعتك . ألغى !!!؟
رينو : زعقت بطفوليه . هو انا قووووولت حاااجه . انا بلبس اهو . وراحت ع الدولاب . وحست بدوار . واللبن قلب معدتها . وجريت ع الحمام ورجعت . وبعد شويه غسلت وشها . وخرجت قعدت ع السرير . وغمضت عينيها . وافتكرت نور اول الحمل . وفتحت عينيها على الاخر . وقالت ممكن !!!!؟ وحطت ايديها ع بطنها ورفعت راسها للسما ياااارب يارب تكون الأعراض دى اعراض حمل . وفكرت انا هشترى اختبار علشان أتأكد ومفكرش كتير . وقامت بحظر . ولبست فستان وسرحت شعرها . وبتتخيل لو حامل . وسرحت بخيالها لحد الشهر التاسع وبتولد وفهد جنبها .
فهد : الووووو انتى يابنتى .
رينو : فاقت . هااا .!! احم وبلعت ريقها . وشافت فهد لابس وخلص كل حاجه . احم اسفه ياحبيبى . ثوانى وهخلص .
فهد : بنفاذ صبر . جاب الفرشه .وبيسرح شعرها . كنتى سرحانه ف ايه بقى !!؟
رينو : احم . ومش عايزه تقوله علشان هي مش متاكده وفهد يعيش ف الوهم . وخصوصاً انه قالها انا هموت واخلف منك حته شبهك . احم ابدا . ف الجامعه . انت عارف انها الاسبوع الل جاي . ونظرى وعملى وعايزه تركيز .
فهد : حبيبتي متقلقيش الايام بتعدى بسرعه . واحسن حاجه أن محمد ونور بيساعدوكي ف المراجعه .
رينو : ميرسي يا حبيبى ولمت شعرها . فعلا عندك حق . ابيه محمد ونور . موفرين عليا جهد كبير . ولبست الحجاب . وبصتله احط روج .
فهد : يااربنا . هاتى وحطلها لمسه اخف من كل مره ويعتبر محطش اصلا.
رينو : بصت ف المرايا . وااااو . بجد تحفه . وهزت راسها بنفاذ صبر . اعمل فيك ايه !؟. اعمل فيييك ايييه !؟
فهد : باسها من خدها . اعشقى الفهد .
رينو : اتنهدت وابتسمت . وهو انا ورايا حاجه غير عشق الفهد .
ولبست النقاب . تمام انا جاهزه .
فهد : قمر يارينو ياحبيبتى . يلا بينا . ونزلت مع فهد وايدها ف دراعه .
وفتحلها باب العربيه . وركبت وهو ركب وساق . مراد بيتصل اكيد هيشتم علشان اتاخرنا . ردي عليه انتى .

 

فيلا العدوي .
مراد نزل . وقال ل آدم ومريم ع فكرة الباربيكو . ورحبو جدا . وآدم اتصل ع محمد ونبه عليه أنه مش هيقبل اى اعذار . ومحمد قاله خلاص ساعتين كدا ونكون عندك . ومراد اخد زين يجهزو كل حاجه .
وبعد شويه مريم راحت لسعاد وزينب . علشان يجهزو السلطات . وكل حاجه .وخارجه من المطبخ وسندت ع العمود لانها داخت وكانت هتقع .
سعاد : بخوف . ع مهلك ياست مريم .
آدم : سمع سعاد . ونزل مريم نونو وقام بسرعه . مريم !!! وجري عليها بخوف .مريم مالك وسندها .
مريم : قلبها بيدق بسرعه . وحاولت تتماسك . لما شافت خوف آدم . ووشه لونه اتخطف . ومثلت . وابتسمت . اهدو يجماعه انا خارجه اتكعبلت ف السجاده. وكنت هقع وسندت ع العمود . وبصت ل آدم حبيبى مفيش حاجه صدقنى .
آدم : نفخ . واتنهد باريحيه . الحمدلله . طيب تعالى علشان جسمك بيرتجف . وسندها . ورايح بيها ع الليفنج وقعدت وقعد جنبها . ومسك ايديها بترتعش . وبيدلكها مش تخلى بالك يامريم . طيب جسمك بيرتجف كدا ليه !؟ مريم لو ف حاجه قوليلى .
مريم : بتحاول تهدى . حبيبى صدقنى مفيش حاجه . وبعدين طبيعى أن جسمي كله يرتجف . مش كنت هقع .
آدم : مريم . بكره هنروح للدكتوره واطمن . انا مش مستريح . ده غير انك مبقتيش بتتعشي زي الاول .
مريم : آدم . وبعدين معاك . انا كويسه صدقنى . وبعدين انا قولتلك موضوع العشا المتاخر ده بيتعب اى حد . وانا بتعشى بس بدرى شويه . وانا لو حاسه بحاجه مش هقولك يعنى .!؟
آدم .بيدلك ايديها بخوف .
مراد وزين داخلين . وشافو آدم واضح عليه أنه مدايق . وبيدلك ايد مريم وخايف. وجريو عليهم .
مراد : بخوف حقيقى بابا !! مالك يامريم وقعد جمبها .
زين قعد ع ركبه قدامها مالك يامريم حاسه بايه .
مريم : اتنهدت . حبايبى مفيش حاجه . انا اتكعبلت ف السجاده وكنت هقع . وابوكو زي ما انتو شايفين كدا . وسحبت ايديها . حبيبى والله متقلقش عليا . انا كويسه يا جماعه .

 

مراد : حط ايدو على قلبه اوووف ع الخضه . ومسك ايدها وباسها حرام عليكى انا لما شوفت الحاج بيدلك ايدك متعرفيش حسيت بايه .
زين : غمض عينيه ..الحمد لله . خلى بالك يامريوم . احنا منسواش حاجه من غيرك انتى والحج . والله قلبى كان هيقف من الخضه .
مريم : قلبها وجعها . وابتسمت . ربنا مايحرمنيش منكم ياولادى . ولا يحرمنى منك يا آدم . انا كويسه وبخير . وسلامة قلبك يازينى انت ومرادي . وحبت تفكهم . هههههه انا اروح اشكر السجاده بقى . انها خلتنى اشوف خوفكم عليا .
آدم : بعتاب . عندك شك يامريم .!؟
مريم : بصتله بحب . ولا صفر ٪ يا آدم .
وربتت ع ضهر مراد الل ساكت . ولعبت ف شعر زين . ايه بقى . جهزتو كل حاجه ولا لسه .!؟
مراد : اتنهد . رعد بيجهز الفحم . وانا وزين كنا داخلين ناخد الحاجه الل هتتشوى .
مريم : كل حاجه جهزت . جوه . قوم ياحبيبى . انت وزيني ! جهزو الحاجه الساعه داخله ع ٣ . وزمانهم ع وصول .
مراد : حاضر يامريوم . انا اتصلت ع فهد ورينو قالتلى أنهم ف الطريق . ومحمد قالى بنلبس ومش هيتأخرو .
مريم : يوصلو بالسلامه إن شاء الله .
مراد : يلا يازين . ودخلو المطبخ واخدو الحاجه الل هتتشوى وخرجو ع الجنينه …
مريم : بصت ع آدم وشافتو ساكت . وباين عليه الزعل . ابتسمت . ومسكت ايديه . آدم .
آدم : من الخضه مش مستوعب أنه ممكن يحصل لمريم حاجه ف يوم من الايام . الفكره نفسها خنقته . بص ليها نعم يامريم .
مريم : مالك ياحبيبى . احلف طيب علشان تصدق انى كويسه .
آدم : رفع ايدو ومسد ع شعرها . واتنهد ربنا يخليكي ليا . ولا يحرمنى وجودك في حياتي .
مريم : ابتسمت بوجع . لأن نظرة آدم ليها قالت كل حاجه . وحطت راسها على كتفه . ولا يحرمنى منك ولا من ولادك يا حبيبى .

 

وسمعو صوت عربية فهد .
مريم : اهو فهد جه . حبيبى هتقعدو ف الجنينه ولا هنا .
آدم : بدء يفوق . هنقعد هنا علشان تاخدى راحتك انتى ورينو . ووقت الغدا . نطلع كلنا .
فهد : نزل من العربيه . اذيك يا رعد .
رعد : فهد باشا الحمد لله وحضرتك عامل ايه !؟
فهد : الحمدلله تمام . ايه الدخانه دى . مراد بيولع ولا ايه !؟ هههههههه.
رعد : هههههههه . لا بعد الشر ياباشا . مراد باشا بيشوى مع زين باشا . اتفضل .
فهد : اتحرك وشاور ل رينو .
رينو : راحت ومشيت جمبه ورايحين لمراد وزين .
رينو : بزعل . ع فكره بقى .متقولش ع ابيه مراد كدا تانى اوكي .
فهد : هههههههههه . حبيبتي هو كدا حاجه . هههه انتى لو شوفتى اخوكي مراد وهو بيجرى ورايا . وقالها بخبث . اسالى اخوكي كان عايز ينتقم منى ليه ف المهمه الل قبل الأخيره مش انا حبيبك بردو ؟
ووصلو عندهم . السلام عليكم يابنى ادمين.
= وعليكم السلام . وسلمو على بعض .
رينو : ابيه مراد بابى ومامي فين !؟ وفريحه وريتال !؟
مراد : آدم ومريم ف الليفنج . وفريحه فوق مع آدم والرساله بتاعتها دي . وبص ل زين .
زين : ريتال بترجملى ميل مهم . وقربت تخلص ونازله ياقلبى .
رينو : اوكي وبصت لفهد .انا رايحه ل مامي .
فهد : يلا بينا . علشان اسلم . وبصلهم هسلم ع عمي ومريم وراجعلكو ياشباب .
وبعد شويه فريحه وريتال نزلو .و محمد ونور وصلو . وكلهم واقفين حوالين الباربيكو شباب وبنات وبيهزرو . ومراد بيغيظ ف الفهد . وفهد غمزله وبيهددو ب رشا . ومراد يتغاظ منه . وضحكهم كفيل يطلع مريم وآدم من الل جواهم . وآدم ومريم كانو مبسوطين جدا بالعيله الجميله دي .

 

والغدا جهز . وتيم قعد جمب رينو . وفهد يااكل رينو ورينو تأكل تيم . وتيم متغاظ من فهد . ويااكل رينو ويقول لفهد متاكلش رينو تانى اكل اختك ويقصد فريحه والكل يضحك عليه . وكان وقت مميز وقضو اليوم كلهم مع بعض . واخر السهره الكل روح ع بيته .
——————–بقلمى Mariem Nasar
تانى يوم الضهر .
فهد ف الجهاز . واتصل يطمن ع رينو .
رينو : قاعده ع السرير . وفاتحه اللاب توب . وبتتكلم مع رودي ع النت . وفونها رن . وابتسمت وردت ع طول . الو بيبى هههههه.
فهد : ههههههههه . احلا بيبى دى ولا ايه .
رينو : هههههههه . سورى بقى اوعا تكون لسه زعلان .
فهد : دا انا لما اجيلك بس . علشان الكلام بقي بيقع منك . اخوكي مراد من الصبح هارينى بيبى .
رينو : هههههه . سورى والله ياحبيبى غصب عني قولت قدام الكل امبارح بيبى . قلبك ابيض بقى .
فهد : لأ لأ . انسي . بقى انا . اخوكي مراد . يخبط ويدخل ويقولى حضرة الرائد بيبى السيوفي موجود !؟
رينو : هههههههه ومسكت بطنها ههههههههه والله ابيه مراد ده قمر هههههه.
فهد : بت انتى بتضحكي ع جوزك .؟
رينو : حطت ايدها ع بوقها . وكتمت الضحكه .واتلخبطت وهزت راسها بلاء.
فهد : انتى يابت روحتى فين .
رينو : هههههههه . اسكت يافهد بجد بتخيل ابيه مراد وهو بيقولك حضرت الرائد بيبى السيوفي هههههههههههه والله ماقادره .

 

فهد : تحذير . هاااا .
رينو : بتاخد نفسها . اوكي اوكي اسفه خلاص . المهم انك متكونش زعلان من رينو حبيبتك . وقالت بدلع .وانا اكيد يعنى مكنتش اقصد . هي طلعت لحظة حب يافهوده .
فهد : اممم .ومالو يقلب الفهد . وقولنا بلاش فهوده ده .
رينو : حاضر ياحبيبى . وبصت ف الفون حبيبى ف رقم مجهول بيتصل عليا .
فهد : بتحذير . مترديش ماشي . وابعتيلى ام الرقم ده ف رساله .
رينو : اهدا يافهد مش كدا . سعات ناس بتتصل بالغلط .
فهد : بديق . تانى يالاررين تاااانى حسن النيه ف ام الارقام والرسايل !؟
رينو : خلاص يافهد بقى . ورن تانى . وتالت .حبيبى الرقم رن ٣ مرات ممكن يكون حد يعرفنى . علشان خاطري هرد ولو محدش رد . او حد معرفوش بلوك ع طول وهبعتلك الرقم اوكي .
فهد : نفخ . اوووف ماشي وردي وانا معاكي .
رينو : حاضر . وعلقت المكالمه . وردت السلام عليكم .
ناديه : وعليكم السلام . دكتور لارين آدم العدوي !؟
رينو : بعدم فهم .. ايوه يافندم مين معايا !؟
ناديه : انا استاذه ناديه . من الشؤون ف الجامعه .
رينو : ايوه اهلا بحضرتك . خير إن شاء الله!؟
ناديه : انا اتصلت ع حضرتك علشان اقولك ان ف اجتماع بكره الساعه 12 عند عميد الكليه .
رينو : بعدم فهم . إجتماع !؟ طيب حضرتك متعرفيش ليه !؟

 

ناديه : لا يادكتور . انا قدامى قائمه بالاسماء المطلوبه . وبتصل ع حضراتكو . والعميد أكد عليا إن الكل لازم يبقى موجود لانه اجتماع مهم جدا .
رينو : هزت راسها . خلاص تمام إن شاء الله هكون موجوده في الميعاد .شكرا لحضرتك.
ناديه : العفو يادكتور وقفلو . ورجعت لفهد .
فهد : ايه يالارين كل ده !؟ ومين الل اتصل !؟
رينو : اهدا ياحبيبى دي واحده من الشؤون ف الجامعه .
فهد : بعدم فهم .اشمعنى اتصلت عليكى وعايزه ايه !؟
رينو : حكتله المكالمه .
فهد : اوكي ياحبيبى . بس ف مشكله . انا بكره لازم اكون ف الجهاز 11 بالدقيقه . واستحاله هوصلك من 10 وتفضلى قاعده ساعتين هناك
رينو : مفيش مشكله . انا ممكن اكلم ابيه زين . او ابيه محمد .
فهد : اتنهد تمام ياحبيبتى . وهعدى عليكى ف الجامعه إن شاء الله . واتكلمو شويه . ومراد دخل عليه . بيبى السيوفي هههههههههههه .
وفهد : قفل مع رينو . وبص لمراد . شكلك كدا عايز فريحه تعرف بموضوع رشا . ومسك السلاح ورجع ضهره ع الكرسي . ويسلاااام لما تعرف إن رشا كانت بتنام ع سريرك وعقمت لمووراد الجرح .
مراد : هههههههههه . وانت بتقولها تبقى خدنى معاك . عيب عليك يسطى ابن العدوي مبيخافش يا !!؟؟ بيبي ههههه ..
تانى يوم الصبح ——-

 

تانى يوم الصبح
. فهد لبس . وقال لرينو أنه اتصل ع محمد وهيجي ياخدها الساعه 10 ويوصلها الجامعه وانا هاجي اخدك من الجامعه . لأن زين ف المينا من بدرى . وسلم ع رينو ونزل علشان يلحق الاجتماع .
ورينو : قامت بعد ما فهد مشي واتوضت وصلت الضحى . وبعد الصلاه بتجهز هدومها .وافتكرت اختبار الحمل . ودخلت بسرعه ومتوتره . وعملت الإختبار . وبتقري الفاتحه وآية الكرسي . ومتوتره جدا . ودخلت تشوف الإختبار . وجسمها رجف . وقعدت ع طرف البانيو بتضحك بدموع . حامل !!؟ ا.ا.انا حامل !؟ ههههه . وخرجت فرحانه واتصلت ع فهد . لكن غير متاح .وافتكرت انه قالها ف اجتماع مغلق . وقعدت ع السرير فرحانه اووووى . وعيطت كتير وحمدت ربنا وشكرته . وقامت لبست . وبتفكر هتقول لفهد ازاى . وبعد تفكير قالت . لأ انا مش هقول لفهد غير واحنا ع العشا انا هعمل عشا رومانسي . واقولو اول واحد الخبر ده . واااو بجد هيفرح اووووى . انا مبسوووطه اوووى اووووى . وبعدها هاقول لمامي والعيله ههههه . فااااهد انا حامل يافهد ههههه . هيفرح اووووى لما يعرف الحمد لله يارب .
وبعد فتره . محمد وصل رينو الجامعه . واتاكد من أن فعلا العميد طالب رينو بالاسم وطلع معاها لحد مكتب العميد . ودخل معاها . وكان ف طلاب موجودين ف المكتب منتظرين العميد . ومحمد ما تحركش غير لما العميد جه وسلم ع الطلاب ومحمد أتأكد وده بناءا ع طلب من فهد أنه يتأكد فعلا أن العميد الل طلبهم . ومحمد رجع ع المستشفى . والعميد بدء يشرح سبب الاجتماع ..
——————–بقلمى Mariem Nasar
مدير الجهاز . واقف قدام شاشة عرض . وكان واضح عليه الزعل . لأن مراد وفهد هيطلعو مهمه خطيره جدا ..وهي عباره عن ميكروفيلم

 

وفيه اخطر اسرار موجوده وتخص دول عربيه .وموجود مع اخطر مافيا .
مراد . وفهد . واكرم . و2 رتب اكبر من مراد وفهد واكرم .قاعدين ع تربيزة الاجتماعات . والمدير بيعرض الصور . وبدء يشرح .
المدير : دي صورة كيڤين . وده اخطر مافيا ف ايطاليا . وزى ما انتو شايفين قاعد ع كرسي متحرك . لانه من 3 سنين اتصاب من أحد الظباط . والرصاصه صابت عموده الفقرى . وفقد الحركه تماما .
ودي : صورة جيسيكا . ودي بنت كيڤين وهي الل مسكت شغل ابوها بعد ما اتصاب . والمعلومات بتقول انها اخطر من كيڤين بمراحل . ومفيش عمليه دخلت فيها وطلعت خسرانه . وع أعلى مستوى من التدريب ولياقه بدنيه تفوق القدره على اى منافس قوي يقرب منها . والمعلومات الل وصلت لينا إن الميكروفيلم موجود مع زعيم عصابه خطير جدا . ولما جيسيكا وكيڤين عرفو بالخبر . كيڤين ادي اشاره لجيسيكا .اتفقت مع زعيم العصابه ده انها هتاخد الميكروفيلم مقابل مبلغ مالي كبير جدا . ووافق . ويوم الاستلام جيسيكا استلمت الميكروفيلم من غير ماتدفع دولار واحد وصفتهم كلهم مكانهم . ومن فتره وصلتلنا معلومات أن جيسيكا . عرضت الميكروفيلم ده ع زعيم تنظيم مافيا كبير جدا من أخطر اخطر رجال العالم وموجود ف الصين . مقابل (تاج ملكي آثري) مصنوع كاملاً بالزمرد واللؤلؤ النادر جدا . وتمنه حاليا معدى مليارات الدولارات . موجود ف المتحف . وجيسيكا قالتله الميكروفيلم قصاد التاج . والزعيم وافق . والتاج اختفى من يومين .
وبص لمراد وفهد وأكرم . مهمتكو جيسيكا وكيڤين وترجعو بالميكروفيلم . وبص للرتب الاعلى من مراد وفهد . وكان عميل 1 وعميل 2 وقالهم مهمتكو تعرفو التاج الملكي موجود فين بالظبط . وتبلغو عميل 3و4و5 الل هما مراد وفهد واكرم . وشرحلهم كل حاجه . وفهمهم ع الخطه . والخطه البديله . وانه مش عايز اى غلط .وانهم يكونو موجودين في المطار بكره الساعه 9 صباحا .
والعميل 1و 2 فهمو كل حاجه . واستلمو الصور واستاذنو وخرجو . واكرم خرج .
مراد وفهد قامو علشان يخرجو .

 

المدير : بصلهم واتنهد بزعل . مراد وفهد . انا حاولت ابعدكم عن المهمه دي بكل الطرق . لكن الاداره شيفاكم انسب 2 للمهمه دي .
مراد : إن شاء الله يافندم هتعدى زى اي مهمه عدت متقلقش .
المدير : انت مش عارف حجم الخطر يامراد
البنت دى خطر كبير جدا . وكمان الجارد الل معاها محترفين جدا .
فهد : اطمن يافندم . إن شاء الله . هنرجع ومعانا الميكروفيلم والبنت كمان . وهنسلمها زى الل قبلها .
المدير : غمض عينيه : ومش عايز يقلقهم ويقولهم ان البنت دى قاتله اكتر من رتبة ف ايطاليا ودول تانيه . واتنهد . تمام وانا واثق فيكم انتو رجاله بجد ويعتمد عليكم . اتفضلو انتو . وأجهزو وتكونو ف المطار. ع الوقت
مراد وفهد . تمام يا فندم . وودعو المدير وخرجو . وكان جواهم قلق مبهم . واول مره يقلقو كدا .وان المدير قلقان بالشكل ده يبقى ف حاجه اكبر . !!
مراد راجع ع البيت علشان يعرفهم وزعلان جدا .
وفهد : مخنوق جدا . وساق العربيه ورايح يجيب رينو من الجامعه .
عميد الكليه : قعد وبيشرح للطلاب سبب وجودهم . وان ف بعثه عباره عن بدل طلاب . يعنى 15 طالب وطالبه من بريطانيا هيحضرو الترم ف الجامعه هنا . و15 طالب وطالبه من عندنا هيسافرو بريطانيا . ف جامعة
(أوكسفورد Oxford)
الكل انبهر . لانها اشهر جامعه ف بريطانيا . وصعب الوصول ليها بسهوله . والطلاب بدءت تهمس لبعض بانبهار . ورينو شهقت بصوت مهموس وقالت جواها يابخت الل هيكون ف البعثه دى . فرصه ع طبق من دهب .
العميد : هدوء لو سمحتو .
والكل انتبه .
العميد : دلوقتي طلاب بريطانيا . هوصلو قبل الترم بيوم . واختارو أكفأ 15 طالب وطالبه عندهم وبعتوهم عندنا .
والدكتور : معتز اختار أكفأ 15 طالب وطالبه عندنا وهيسافرو ف البعثه دى . وال15 دول هما وشاور ليهم . هما حضراتكم .
الكل : شهق بانبهار ومش مصدقين . ورينو ضحكت بدموع وشهقت . وفرحت جدا .
العميد : هدوء لو سمحتو . دلوقتي البعثه دي

 

ليها مميزاتها . انكم هتتعرفو ع النظام التعليمي في بريطانيا .
. هتكتسبو خبره اكتر ف مجال التشريح . وهتكون اضافه مميزه ليكم . والاقامه كامله ع تكاليف البعثه . بما أن البعثه فيها شباب وبنات احنا هنأمن مكان خاص للبنات . ومكان منفصل للشباب . ورعايه متكامله وشامله . وصدقونى . البعثه دى هتفيدكم كتير جدا جدا بعد كده . ف رسالة الماجستير والدكتوراه . وكمان احدث التقنيات موجوده عندهم . وابتسم بصراحه انا بحسدكم عليها . الدكتور معتز كان مبهور جدا اول ما عرف الخبر ده . وقال . أكفأ الطلاب موجودين وع رأسهم الدكتور لارين آدم خالد العدوي . والكل بص ع رينو. وفيهم الل فرح . وفيهم الل غار منها .
رينو : برجفه . احم ميرسي لحضرتك .
العميد : شرح البرنامج اليومي الل هيتم هناك . وكمان قالهم ياريت اعرف رايئكم النهائى . والاستاذه ناديه ف الشؤؤن هتتصل ع حضراتكم بكره . يكون الكل اخد رأي الاهل . علشان لو حد اعتذر نشوف طالب مكانه .
والكل قام وخرج . وكلهم مبسوطين . وبياكدو بالموافقه لبعض لان جامعة (أوكسفورد Oxford) فرصه ذهبيه ومش هتتعوض .
رينو : ماشيه ف الجامعه وحاسه انها فراشه ومبسوطه جدا جدا . ونفسها تجرى ع فهد . وتقولو اجمل خبرين . انها حامل . وكمان جاتلها بعثه وهي ع رأسهم . وكانت سعيده اووووى .
معتز : احم دكتور لارين .
رينو : انتبهت ع الصوت ولفت . وف نفس اللحظه كان فهد داخل من بوابة الجامعه .
رينو : ايوه !؟
معتز : انا اسف انى وقفتك ف وسط الجامعه . لكن احنا ف اجازه زي ما انتى عارفه . وكنت عايز اعرف عميد الكليه اتكلم معاكم .

 

رينو : بعفويه . أنا بشكر حضرتك جدا يادكتور معتز انك حطيت اسمى ف قايمه الاسماء .
معتز : قلبه بيدق . متشكرنيش. درجاتك وكفأتك تجبر اى دكتور انه يتشرف ويكتب اسمك . انا بتمنى انك تسافرى بجد . صدقينى فرصه لا تعوض .
رينو : ابتسمت إن شاء الله . انا متشكره جدا لحضرتك . وانا لازم امشي بعد اذنك . ومستنش انه يرد . واتحركت .
معتز . اتنهد بتعب . اتفضلى .
فهد : لما دخل من بوابة الجامعه كان مخنوق جدا .و كان بيدور عليها . و بيتصل ع رينو .وفونها مغلق . وبيرفع راسه وشافها واقفه مع معتز . ووقف مكانه وصك ع اسنانه بغيظ وغل .
رينو : ماشيه مبسوطه وطلعت فونها . وبتفتحه ومركزه فيه . وخبطت ف حيطه قدامها . وشهقت من الاحراج . لكن اتنفست باريحيه . ف ..فهد الحمد لله انى خبطت فيك . اوووف . وابتسمت بسعاده . حبيبى انا مبسوووطه اوووى اووووى انهردا . عارف ده اجمل يوم ف حياتى كلها .
فهد : قابض ع ايديه . وصل ع اسنانه . وعيونه على معتز لحد ما اختفي . وبص ع رينو . كنتى واقفه مع معتز ليه يا لارين !؟
رينو : حبيبي ارجوك بلاش خناق انهردا. نروح البيت وهحكيلك كل حاجه . انا مبسوووطه اوووى يافهد عندى ليك اخبار تجنن .
فهد : اتحرك . وركب العربيه ومفتحش باب العربيه ل رينو.
رينو : محاولتش تزعل من فهد . لانها عارفه انه بيغير . وخصوصاً معتز . وركبت وقعدت بسعاده وبتفكر تقولو انهي خبر الاول . ياترى اقولو الحمل !؟ ولا البعثه !؟ امممم انا هاقوله البعثه الاول علشان هو مدايق من معتز وهفهمه الل حصل . وابتسمت انا مبسوطه اوى.
فهد : سايق بغل . ومتغاظ جدا . من معتز وأنه واقف مع رينو ف وسط الجامعه. وكمان ف الاجازه .طيب انا مسافر بكره . ويعالم هرجع ولا لأ . اووووف انا مخنوق اوى .

 

بعد فتره من الوقت .
فهد قاعد ع السرير . وبيكلم مراد ف الفون . ومراد قاله أنه قالهم ف البيت ومريم وفريحه نازلين عياط . وآدم طبعا زعلان لكن مش مبين . وسأله انت قولت ل رينو !؟ فهد قاله بزعل حقيقي لسه . مرضتش اقولها غير لما تتغدى انت عارف أختك . مراد قاله طيب يلا روح قولها الساعه ٦ يدوبك تجهز كل حاجه . فهد قاله مش دلوقتي هنزل اروح اقول طارق ورنا وفارس . ولما ارجع هاقولها . وقفلو وفهد نزل . ورجع الساعه 9 بليل .
رينو : شافت فهد مدايق جدا . وحاولت تعرف ماله . لكن رفض وبعد مانزل . جهزت عشا رومانسي ولبست طقم . وقاعده منتظره الفهد واخيرا وصل .
فهد : دخل البيت وشاف رينو مجهزه العشا لكن جواه مخنوق جدا . وكل ما يحاول يهدى مش عارف هو مخنوق من كل حاجه المهمه ومعتز ورينو مسمعتش كلامه ووقفت مع معتز رغم أنها قالتله يافهد انا قولت لمعتز مايكلمنيش وسط الجامعه تانى . وحدف المفاتيح ع التربيزه والفون وقعد ف الليفنج مخنوق جدا .
رينو : من جواها زعلت ع تجاهله ليها . لكن راحت وشدته من ايده وقعدته ع السفره علشان يتعشو . وبدءت تتكلم . حبيبى انا عارفه انك مدايق لما شوفتنى واقفه مع الدكتور معتز ف وسط الجامعه . لكن انا هحكيلك كل حاجه موافق تسمعنى !؟
فهد : اتنهد . وبص ليها سامعك وعايز اعرف ايه سبب انه يتجرأ تانى ويوقفك ف وسط الجامعه بعد ما قولتيله انى رافض ومينفعش يوقف معاكي ؟.
رينو : حاضر ياحبيبى . انا هاقولك كل حاجه . ورينو بتحكي لفهد عن البعثه وكانت مبسوطه جدااا . ومش مصدقه انها جاتلها الفرصه دى . وبتتخيل لما هتكون ف اكبر جامعه وكمان من غير ماتتعب ف الوصول ليها . وان معتز كتب أكفأ 15 طالب وطالبه وهي ع رأسهم لانها ديما امتياز مع مرتبة الشرف وبتطلع الاولى ع الجامعه . وقالت لفهد أن مديرة الشؤون هتتصل ع الكل بكره علشان تاخد الموافقه علشان يجهزو كل حاجه للسفر . هاا ايه رايك ف الخبر ده يجنن مش كدا انا مبسوطه اوى!؟
فهد : بيسمعها . ومن جواه بدء يشيط من الغضب . هتسافر لوحدها وصك ع اسنانه بغيظ لا وكمان معاهم 5 شباب . ومعتز الكلب هو الل كاتب اسمها . وبص ل رينو .

 

رينو : مبتسمه وهتقوله ع حملها. وحطت أيدها ع بطنها . وبتقول الخبر الت—–
فهد : قطع كلامها . واتكلم بغضب مفيش سفر . وموضوع البعثه ده انسيه تماما .
رينو : بصدمه حقيقيه . وشالت ايدها من ع بطنها . وقامت .مش موافق !!؟ مش فاهمه مش موافق ازاى !؟
فهد : مش موافق يعنى مش موافق هي ليها شرح تانى .
رينو : بدموع .طيب ممكن اعرف سبب رفضك لحاجه كويسه زى دي!؟
فهد : قام بغضب . السبب انك هتسافرى بلد تانيه ولوحدك . وكمان معاكي شباب .وف جامعة بريطانيا ناس أجانب يعنى أغلبهم معندهمش اي اخلاق ولاعيب ولا حرام . لارين قفلى ع الموضوع ده . مفيش بعثه ..
رينو : مسحت دمعه نزلت منها بسرعه . طيب انت ممكن تاخد اجازه وتسافر معايه . ولو صعبه الاجازه عليك انت ممكن تجيلى مره او مرتين ع الاقل . وهكلمك كل يوم . ارجوك يافهد ماتحرمنيش من الفرصه دى .!
فهد : بصلها . انا مسافر بكره مأموريه .
رينو : بدموع . ايه هتسافر !؟
فهد : ايوه يا لارين مسافر . وياريت متتكلميش ف حوار البعثه ده تانى لانه مش هيتم فاهمه ..
رينو : فهد . ارجوك .
فهد : زعق . قولت لأ انتى فاهمه .
رينو : اتخضت . وبصت لفهد بدهشه . وقالتلو لأ!!؟ اومال فين كلامك ليا ووعدك ليا . ذاكرى يارينو ! اهتمى بدراستك يارينو ! انا مش عايزك بعد الجواز تجيبى جيد جدا.. وفين فرحتك لما كنت بنجح وبتفوق . طيب البعثه دي من ضمن تعليمى وهتوصلنى لنتيجه كويسه زى ماشرحتلك . وكمان انا معلقتش ع كلامك وانك قولت انى مسافره مع شباب . قولت اكيد انت غيران عليا . لكن بردو انا وضحتلك ان البنات هتكوون منفصله عن الشباب وانا مش هسافر لوحدي يافهد لأ انا هسافر مع ٩ بنات غيرى . وكانو مبسوطين جدا لانها فرصه حقيقيه والبنات أكدت أن اهلهم هيوافقو لانها ع حساب الجامعه . ودي حاجه تشرف اى حد . وكمان هاخد شهاده من هناك معتمده وهتريحنى كتير ف رسالة الماجستير والدكتوراه . فهد ارجوك متحطمش حلمى .
فهد : بصلها بصدمه . انا !؟ انا هحطم حلمك .

 

رينو : بتصميم . ايوه . انك ترفض انى اتعلم ف مكان مرموق زي ده يبقى بتحبطنى . وبصتله بزعل . ارجوك وافق انى اسافر لو سمحت !؟
فهد : بتصميم أكبر مفيش سفر يالارين والموضوع ده اتقفل خلاص .
رينو : ادايقت جدا . وزعقت . يعنى ايه مفيش سفر !؟. وكمان يعنى ايه انك تقفل موضوع بالاهميه دي . فهد انا هسافر انا استحاله اضيع فرصه زي دي .
فهد : مهتمش لكلامها .. انا مسافر بكره . انا داخل اجهز حاجتى . وسابها وراح ع الاوضه وغضبان جدا . وبيحاول ماينفعلش اكتر من كدا
رينو : صكت على أسنانها . ودخلت وراه . انت انسان انانى ع فكره .
فهد : مردش عليها وبيجيب الشنطه .
رينو : بدموع . بجد انا مصدومه فيك . انا كنت مفكره انك بتحبنى وديما بتشجعنى بس للاسف كل ده طلع مجرد وهم مش اكتر .
فهد : زعق بصوته كله . انا انااانى!؟ . انا مبحبكيش !؟ علشان ايه .!!؟ . علشان رفضت سفريه جايه لمراتى وكمان لوحدها !؟. ومع شباب . وانا مسافر ف شغل ومش هكون مطمن عليها . ولا عارف ايه الل بيحصل معاها هناك . انا انانى علشان بخاف عليكي !؟ . انا مبحبكيش يالارين . اناااا !؟
رينو : زعقت . ايوه مبتحبنيش . انت لو بتحبنى كنت هتدعمنى . كنت هتوافق . طيب البنات الل هتسافر دي مالهاش أهل بردو بيخافو عليهم وبيثقو فيهم. ولا انا بس الل ليا أهل . وكمان شكلك مبتثقش فيا يافهد !!
فهد : وصل للقمه . وقرب منها ومسكها من دراعها جامد . انتى اتجننتى يالارين . انتى مستوعبه انتى بتقولى ايه .

 

رينو : بتتألم . وبصت ف عينيه بدموع . لا مجننتش يافهد واظاهر دي الحقيقه . لانك لو بتثق فيا . كنت فرحت لفرحي . وكنت وافقت . وحتى رفضك مالوش أسباب مقنعه . هتقولى بخاف عليكي . هاقولك مش هسافر لوحدي واكيد البنات دى اهلهم كمان بيخافو عليهم . هاتقولي شباب معاكى . هاقولك الشباب مسافره تدرس . وكمان من أكفأ الطلاب يعنى رايحين بتعلمو ويحققو هدفهم. مش رايحين علشانى . هاتقولى الأجانب هاقولك انا ماليش دعوه بيهم انا رايحه اتعلم واكتسب خبره . وبصتله اوى . اومال بقى لما احضر الماجستير والدكتوراه . واسافر مؤتمرات هتعمل ايه يافهد !؟
فهد : بيسمعها . وبص ف عينيها كتير . ومعرفش يرد ع سؤالها ! لكن قلبه متغاظ منها لانه بيثق فيها اكتر من اى حد .. وساب كل الكلام ده وركز ف كلمة ثقته ف رينو . وساب دراعها. ورد عليها بزعل . انا مبتثقش فيكى يالارين !؟
رينو : بتتالم من ماسكة فهد وحطت ايدها ع دراعها . وردت من غير ماتبصله . للأسف ايوه انت مبتثقش فيا .
فهد : قبض على ايده وصك على اسنانه وزعق بصوته كله . اناااا لو مبثقش فيييكى مكنتش هواااافق انك تسافرى مع محمد ع المانياااا . ولو مبثقكش فيكى مكنتش هخلى فارس يوصلك الجامعه وانا مسافر . لو مبثقكش فيكى وبخاف عليكى كنت فهمت وقفتك غلط مع معتز ف وسط الجامعه . انا لو مبثقكش فيكى مكنتش هخلى محمد يوصلك بنفسه انهردا الجامعه .
رينو : زعقت بصوتها كله . خلااااص بما انك بتثق فيا وافق انى اسافر واحقق حلمى .
فهد : مسكها تانى بقوه اكبر .
رينو : صرخت بصوت مهموس اااه .
فهد : صوتك مايعلاش . وقالها ف نظرة تحدى
.وكمان انا قولت الل عندى ومش هتسافرى يا لارين . استحاله اخليكى تسافرى لوحدك وافهمى زى ماتفهمى .!!!
رينو : بعند اكبر . هسافر يافهد حتى لو وقفت ع طلاقي ….——

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جريمة عشق 3)