رواية زواج غصب الفصل الرابع 4 بقلم هبة المعداني

رواية زواج غصب الفصل الرابع 4 بقلم هبة المعداني

رواية زواج غصب البارت الرابع

رواية زواج غصب الجزء الرابع

رواية زواج غصب الحلقة الرابعة

اسيل: قلتلها نبي نمشي لي حناي قبل ونبي شوية وقت نفكر ونرد عليكم
صالح: باهي بنتي براحتك واني توا غدوة نرفعك وانشاالله يدخلوك
اسيل :صحيت عمي
نجوى ومروة نصدمو من جواب اسيل
ركبت اسيل لي الدار واتصلت بي سارة وحكتلها كل شي
سارة :علاش درتي هكي
اسيل: لو طلعت نجوى كدابه حتوريني نجوم في عز الضهر
وبعدين اني قلت بنفكر ومش حنرد عليهم لين تطلع حناي وحنقول اني مش مواققه
سارة :ربي يعينك علي انتي فيه
اسمعي بنقولك الجامعه بتبدا الاسبوع الجاي
اسيل: اوووف تصدقي نسيتها مش وقتها توا وخاصة أن اني معنديش مصاريف اللي كان يخدم عليا اني وحناي توفى
سارة: واني وين مشيت اني نعطيك

اسيل :صحيتي يا عمري انتي بروحك تبي مية حاجه
نرجعو لي نجوى
مروة :ماما شكلها طمعت اسيل لمه قلتيلها أن معبي
نجوى :لالا اسيل مش من النوع هدا اكيد خافت ولا تفكر في حاجه
مروة :زي شنو
نجوى :منعرفش لكن مستحيل توافق بسرعه هده وهيا تبي تكمل قرايتها
مروة :هيا طلبت تشوف حناها زعمه شن حتقولها
نجوى :اني ماشية معاهم وحنعرف شن حتقول
مروة: انشاءالله متكونش تخطط لي حاجه بس
نجوى :انشاءالله
طبعا ندى مطلعتش من الدار بكل ومره مرة تخشلها مروة تصبر فيها وتحاول تهديها
أما اسيل فكانت سارة تهون عليها وتصبر فيها
في حوش سميرة
سميرة: يا مفتاح اني لقيت بنت كويسه وايتيمه وعاجبتني بنخطبها لي أوس
مفتاح: من هيا البنت
سميرة: مش قتلك ان خوي صالح مرته جابت بنت اختها عندها وحكيتلك قصتها
مفتاح :اي
سميرة :مشاءالله عليها جمال ورباية وهادية
مفتاح: انتي خديتي رأي ولدك تعرفي رأسه مصكر تو يحشمنه
سميرة: لالا قتله بنخطبلك او وافق
مفتاح: باهي مدامه هكي ربي يقدم اللي في الخير
سميرة انشاءالله واني فتحت الموضوع لي صالح وقالي خلي نسأل البنت ونرد عليك
مفتاح: باهي اني توا بنمشي للقهوة
سميرة: باهي
نرجعو لي أوس
أوس :مصطفى اني اليوم بنقول لي شيماء ان امي بتخطبلي وقتلي كان مش حتوافق حتغضب عليا
مصطفى: اصلا عندها عادي الحاجه الوحيده اللي بتزعل عليها أن بتبداء تصرف علي مرتك
أوس :مرت شنو خيرك انت اني بناخد علي خاطر امي باش ترضي وبعدين بنطلقها وبنتجوز شيماء
مصطفي :شنو بنت الناس لعبة علاش توافق من الاول قول منبيش
أوس: مصطفي متزيدش عليا بالله عليك
مصطفى: لا حول ولا قوة الا بالله امتى تفيق علي روحك بس وتعرف أن شيماء تستغل فيك
أوس معدلش علي مصطفى وامشي اتصل بشيماء
شيماء :الوو ياحبي

أوس :حبيبي كيف حالك
شيماء: الحمدالله وين اللي قتلك عليه
أوس :والله ما فضيت انشاءالله غدوة توا نجيبهملك
شيماء: باهي
أوس: نبيك في موضوع
شيماء :موضوع شنو
أوس :تعرفيني نحبك ونبي نتزوجك اليوم قبل غدوة
شيماء: اي لكن علاش تقولي فيه الكلام هدا شن فيه
أوس: امي قتلي نبي نخطبلك اني يعني تبي تاخدلي هيا واني قلتلها مش حناخد إلا اللي نبيها اني قتلي معناها مش حنرضى عليك ولا امك لا نعرفك
شيماء :كيف يعني وشن حيصير
أوس: اطريت نوافق انتي تعرفي اني الولد الوحيد ليهم
شيماء: كيف توافق واني شنو
أوس: اني حنتزوج علي خاطر امي وبعدين حنطلقها بحجة متفاهمناش ومتخافيش مش حنقربها وحنتزوجك انتي
شيماء :لالا لو حتتزوج فوتني
أوس :شيماء بالله عليك متصعبيهاش عليا والله نحبك
شيماء :كانت بتقعد معارضه لكن فكرت ان لو أوس فاتها حيضيعوا عليها الفلوس
شيماء :خايفه لو اتزوجت حتحبها وحتبعد عليا
أوس :مستحيل ياحبي اني انحبك انتي وحناخدك
شيماء: متأكد حبي
أوس :متأكد
شيماء :خلاص به
أوس :توا بعدين نتكالمو حبي
شيماء :اوكي باي
صكر أوس ورجع لي مصطفى
مصطفى: شنو قتلك
أوس :متبيش توافق اقنعتها بالسيف
مصطفى: اصلا هيا كانت حتوافق غير لازم منها الدسكه
أوس :مصطفى فكني منك
مصطفى :اني نحاول نفهمك بس
أوس :مشكور اني عارف روحي شنو اندير

#تسريع في الاحدات
ناضت اسيل الصبح وقعدة توتي في روحها باش تمشي لي حناها
صالح: نجوى شوفي اسيل كان وتت روحها
نجوى: حاضر
ركبت نجوى لي اسيل طقطقت فتحت اسيل
نجوى: شنو واتيه
اسيل: اي
نجوي :علاش تبي تمشي لي حناك
اسيل :والله اكيد مش لازم يكون في سبب أن نمشي لي حناي صح ولا
نجوى :اني اللي عندي قلته وحي عليك تطلعي تفكري في حاجه
اسيل :كان بتقعدي واقفه بتعطلينا
نجوى :هيا انزلي
نزلت نجوى وآسيل
اسيل: صباح الخير عمي صالح
صالح :صباح النور بنتي هيا اطلعو
طلعو ركبو في السيارة
وصلو للمستشفى
صالح: خليكم اهنايا خلي نكلم الدكتور
قعدة نجوى وآسيل وامشي صالح لي الدكتور
صالح: السلام عليكم
الدكتور وعليكم السلام
صالح :والله عنا الحاجه راقدة اهنايا ونبو نشوفوها ليها اسبوعين ومانعين عليها الزياره
الدكتور :شن اسمها
صالح اعطاه اسمها
الدكتور :للاسف هده تاعبه هلبا وممنوع الزيارة
صالح: والله عندها حفيدتها تبي تشوفها وعلي قولتك هيا تاعبه والدنيا فيها موت وحياة خليها تشوفها
الدكتور: متقدرش تتكلم
صالح: هيا بس تخشلها ومش حطول
الدكتور: باهي وياريت متعطلش
صالح: انشاءالله
رجع صالح لي نجوى وآسيل

صالح: الدكتور قالي ان مانعين عليها الزيارة لكن قدرت نقعنعه وقالي تخشلها وحده بس اسيل خوشي شوفيها ومطوليش عندها
اسيل :حاضر
طبعا نجوى كانت تبي تسمع اسيل شن حتقول لي حناها لكن مش حتقدر
خشت أسيل لي حناها واول ماشافتها بكت وامشت تجري شدت في ايدها
اسيل :حناي استحشتك قعدة بروحي مافيش علي مني نهدرز هيا نوضي متخلينيش بروحي انتي اللي قاعدتلي بس تعبت نبي نحكيلك شن صار معاي
فتحت خديجه عيونها
اسيل :حناي وقعدة تبوسلها في ايدها
اسيل: اني جامعتي بتبداء وبنبداء نقراء وبنطلع دكتورة زي ما تبي وحتشاركيني فرحتي
طبعا حناها تشبحلها وتبكي ومتقدرش تتكلم
اسيل: نوضي باش نرجعو لي حوشنا استحشت كلامك وتهدريزك معاي نوضي
نجوى تبي تزوجني لي ولد حماتها واني طلبت نشوفك قبل وقتلهم خلي نفكر اني منبيش نتزوج
خش الدكتور خلاص لازم ترتاح موعد دواها ياريت تطلعي
اسيل :مزال نبي نهدرز عليها حناي قولي كلمه
الدكتور: هكي اتاعبي فيها خليها ترتاح
اسيل :حاضر ودعت اسيل حناها وهيا تبكي
وحناها كانت تشبحلها وكأنها آخر مرة حتشوفها
طلعت اسيل
صالح متبكيش بادن الله حتطلع من المستشفى انتي دعيلها بس
نجوى :خلاص سلم بنتي اني زي امك
طبعا نجوى قدام صالح بس
مسحت اسيل دموعها وركبت السيارة
في حوش سميرة
سميرة :صباح الخير وليدي
أوس :صباح النور
سميرة :نبيك في موضوع

أوس: انشاءالله خير
سميرة :القيتلك بنيه مشاءالله عليها عاجبتني وحتعجبك حتي انت
أوس: ديري اللي يريحك امي
سميرة: ومتبيش تسألني مني البنت
أوس :المهم عاجباتك انتي عادي
سميرة :مرت خالك صالح هده بنت اختها بنيه ايتيمه امها وبوها ماتو وهيا صغيره رباها جدها وحناها
وجدها توفي وتوا حناها تاعبه في المستشفى جابتها مرت خالك عندها اني شفتها تبارك الرحمن عليها
كلمت خالك وقتله وقالي خلي نسالو البنت وانرد عليك
اوس: باهي يا امي انشاء الله خير
سميرة :معناها اول ما يرد عليا خالك وكانا وافقت البنت طول بنمشي نخطبها والعرس مش حنباعده
أوس :خيرك مستعجله يما
سميرة :نبي نفرح بيك
أوس:باهي يما لي تبيه ديري
عند اسيل روحت وكانت مطحتمه خشت نجوى لي أسيل
نجوى: شن قلتي تبي تقعدي اهنايا خدامة ليا ولي اصغاري ولا تتزوجي ونتفك من وجهك
أسيل:انتي من شنو مصنوعه انتي خاله حسباالله فيك
نجوى :فوتني من الدسكه الحزينه 😒شني ردي
اسيل:موافقه لكن مش حا نسمحك 💔
نجوى : منبيكش اتسامحني خلي نمشي نقول لي صالح وافقتي
طق طق
صالح: خشي
نجوى:اسيل وافقة
صالح:تمام معناها نكلم أختي نقولها وافقت

نجوى: اي اي كلمها
سميرة:الو
صالح:أهلين كيف حالك وحال أوس انشاالله بخير
سميرة:الحمدالله بشرني
صالح:لبنت وافقت لكن عندها شرط تكمل اقرايتها
سميرة:عادي مفيش مشكله ألمهم وافقت😍 نبي العرس خلال شهر
صالح:خيرك مستعجله 😅
سميرة:خير البر عاجله 😄
صالح:انشالله خير
نجوى :خيره شن قتلك
صالح:تبي العرس خلال شهر
نجوى :وانت منين اعرفت انها تبي اتكمل اقرايتها
صالح:اعرفت وخلاص بري اتفاهمي مع البنت وغدو نعطيك تشريلها ابتاتها
نجوى :قصدك انت لي بي تدفع
صالح:حاجه متخصكش
نجوى طلعت من ألداار امشت لي أسيل
نجوى :العرس خلال شهر
اسيل:لي هدي ادرجه تبي تتخلصي مني
نجوى :غدو نوضي بكري من نطلعو ناخدو حاجات ليك وحاجه ثانيه وافقت أنها تكملي اقرايتك
وطلعت ومعبرتش أسيل
طبعآ اسيل فرحت أنها حا تكمل اقرايتها
أتصلت بي سارة
سارة:ألو
أسيل:العرس بعد شهر ياسارة😭
سارة: مرات هكي خير خليك على الاقل تفتكي من خالتك

أسيل:منبيش نتزوج زواج تقليدي منبيش ناخد حد منعرفاشي الدنيا مش ناوية تضحكلي بس نقدر نكمل اقرايتي
سارة:بي جديات فرحتني خالتك هدي مش عارفه كيف هكي وشابحه روحها وهيا تقول شرشابيل 😑
اسيل:😂😂😂
سارة :ايو اضحكي ☺️
بعد مهدرزو
في حوش سميرة
سميرة:البنت وافقت
أوس:باهي اكويس
سميرة:شن متبيش اتشوفها
أوس:مش لازم
مفتاح :كيف مش لازم
اوس:امي ديرو شن تبي
مفتاح :انت ولا امك لي بي تتزوج🙂
أوس:ديرو شن تبو وناض
مفتاح :ولدك مش مطمني حركاته
سميرة:ألمهم ميخدش إلي ماتتسمه هديك
مفتاح :يديرو شن تبو اني نبي انشوف في لاخير شن بي ايصير
#تسريع في الاحدات
فات شهرة دارو بيان وطلعت اخدت شن لازمها وطبعآ هد كله فوق نفسها طبعآ اقرو الفاتحه
و أسيل رفضت ادير عرس على خاطر حناها
سارة:خلاص معاش تبكي مكياجك ييتنحا
أسيل:ياسارة اني لا اليوم منعرفش حتى شكله حتى رافض أن ايشوفني 😭
سارة :خلاص اقريب ايجو يرفعوك مش مصدقه متوقعتش هكي عرسك
أسيل: وين العرس بللهي
نجوى:أسيل حطي الكاب وصلو

اسيل:اهو خلاص بي تستريحي مني
نجوى:الحمدالله 🙂وهيا اطلعي
أسيل طلعت بس قلبها قريب يطلع من امكانها نزلت وركبت السيارة
أوس مباش حتى يشبحلها وصلت لي الحوش بس قلبي كان بي يوقف من الخوف
أوس:……..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج غصب)