رواية حورية في قلب الليل الفصل الأربعون 40 بقلم ميفو السلطان

رواية حورية في قلب الليل الفصل الأربعون 40 بقلم ميفو السلطان

رواية حورية في قلب الليل البارت الأربعون

رواية حورية في قلب الليل الجزء الأربعون

رواية حورية في قلب الليل الحلقة الأربعون

استيقظ ليل في الصباح الباكر ليجد حبيبته ملتصقه به ليحس بسعاده طاغيه ليهتف.. يادي الهنا احلي صباح جلبي نايم في حضني.. يا جمالو جمر ربنا يهديكي يا جلبي. عايز اهرب بيكي افرح بجلبي شويه جمر جط الصغير مابيعملش غير انه طيب ودمر.
ليداعبها لتتململ بأريحية وسعاده ليهمس جلبي هيفط وانت جمر اكده.
ليسمع خبطا بالباب.. ليتنهد.. هو اني لو جتلت لؤلؤ حوريه هتزعل جوي.. اسمها والا احدفها من علي اي مصرف تفطس وابور حرج يا ساتر.
ليقبل حوريه.. حوريتي اصحي…
لتسمع خبطا لتهمس.. ايه يا ليو عايزه انام
ليتنهد.. يمين بالله واني كمان بس ألبومه جت.
لتسمع صريخ لؤلؤ.
لتهب.. ايه ايه لؤلؤ.. لؤلؤ هتضربني.
ليتنهد بغلب.. خايفه من امك اياك اطلعلها.
لتهب.. قوم قوم.. استخبي احنا متخاصمين قوم وإياك تقلها انك بت هنا.
ليهتف بمشاكسه .. طب هاتي بوسه طيب.
لتضربه.. قوم بقلك احنا مش متصالحين قوم.
ليقترب بخبث. هعلي صوتي لو ماادتيني واحده تريح جلبي داني مهري.

 

لتهتف.. لا مش هديك انت وحش وانا خلاص ماعتش مراتك وهسيبك.
ليرفع جبينه… كنه اكده… ليستدير ليفتح الباب لتندفع تشده ليحتضنها بيده ويداعبها بالآخري لتهمس بخجل .. ايه عيب عيب ايه قله ادبك دي
ليضحك ليهتف.. هتجيبي من سكات والا افتح الباب ويبقي شكلك وحش واتصالحتي بسرعه
لتغضب.. انا مش هتتصالح بسرعه بقلك اهوه.
ليضحك…. ليرفعها ليهمس واحده بس عشان خاطر ليل.
لتتنهد بغلب ولؤلؤ تصرخ بالخارج.. لتقترب وتقبله علي خده ليستدير ويركنها عالحائط ليهمس.. لاه ماتبقاش اده ليركنها ليقبلها ويتوه فيها وهيا مستسلمه ولا تفعل شئ لتتوه وتتوه لتلين وترتخي ليحتضنها ليهتف.. منك لله يا لؤلؤ البت سورجت في حضني يا جمالو جمر حبيبي سايح وجمر. هموت وهفطس ليقبلها ليهمس حوريتي…. فوجي اني عادي افتحلها بس هتعض فيكي يا جلبي..
لتفيق وتهمس…. ليو
ليهتف.. جلبه وعيونه… ليو هيفطس لتنتفض عندما سمعت لؤلؤ لتدفعه.. ليتنهد ويذهب وراء الستاره لتفتح للؤلؤ.. لتدخل.. ايه بقالي ساعه قافله ليه.
لتهتف.. هاه قافله.. اه عشان ماحدش يخش عليا.
لتتنهد حوريه.. ايوه جدعه.. الحلوف ده ماتخليهوش يقرب.
لتذهب وتجلس بجوار الستاره لترتعب حوريه…
اسمعي الحلوف ده لو قرب منك تقفيله..
لتتنهد حوريه ليخرج ليل راسه وينظر الي لؤلؤ بغضب.

 

لتهتف.. بصي سيبه ليا انت عبيطه انا هتصرف هوريه زفت ده .
كان الباب مفتوحا ليمر جاسر ليدخل ليلمح ليل وراء الستاره ليضحك.. ليشير اليه ليل ياخذ لؤلؤ.
ليهتف… بدور علي ليل من بدري تعرفي فين يا حوريه.
لترتبك.. هاه هاه ماعرفش.
لتهتف لؤلؤ.. وهتعرف منين سي زفت فين مالنا بيه هاه لتكون فاكرين انكو هتضحكو علينا لا.. لتنظر لاختها… شفتيه سي طين ده امبارح.
لتهتف حوريه.. هاه شفته.. لا لا.
لتنظر لجاسر بغضب.. اهوه ماشفتش ومش هتشوف وهتسود عيشته احنا مش عبط.
ليضحك هو… لاه ازاي داني اللي عبيط انا وعيلتي.يا بختك يا ليل بت متهني.
لتقطب لؤلؤ جبينها.. متهني متهني انت بتقول ايه.
ليتنهد.. بجول.. مابجولش يا جلبي يلا هتفضلو جاعدين اكده.
لتهب حوريه.. تعالي نشوف الولاد. لتقوم لؤلؤ.. ماشي يلا.. لتنظر لجاسر.. قول للحلوف ان حوريه مش هتتصالح ويبعد عنها بدل مافلقه نصين لتستدير وتشد اختها لتخرج.
لينفجر جاسر ضاحك لينظر لاخيه.. خيبه عالرجاله.
ليخرج ليل غاضبا.. منك لله انت ومرتك
ليضحك جاسر شكلك مسخره.. بس ايه يا واد انت بت اهنه.
ليبتسم ويتذكر حبيبته ليسهم..

 

ليهتف جاسر.. انت اتهنيت يا واد وانا بعض في حالي ومرتي بتعض فيا..
ليخبطه ليل.. بتجر علي ايه يا حلوف انت اني لحجت.
ليتنهد جاسر يا بختك مرتك لينه.. ربنا يهديكي يا لؤلؤ. ليتنهد يلا نشوف اشغالنا. لياخذه ويخرج يرو اشغالهم.
ذهبت لؤلؤ تجلس مع اولادها ومعها حوريه لتدخل عليهم ساره لتصرخ وتتجه اليهم وتحضنهم بحب وحشتوني وحشتوني كده تسيبوني زي اليتيمه مع جوز غربان يا لهوي داحنا شفنا مرار كانت عيشه سوده..
لتهتف لؤلؤ… كت عايزانا نعمل ايه يا ساره بعد ماترمينا.
لتهتف ساره بحزن.. والله يا خيتي الحربايه العجربه صابحه هيا السبب. دا لبست وجالت انها انت يا لؤلؤ وادته التصويره وجالتله اني عتمانيه وزكريا الطين كان جايبه ليها فاتحبكت انك عتمانيه وتخيلي بقه كان ابوي هيتجتل واعيه لدي..
لتتنهد لؤلؤ.. اه واعيه بس احنا ذنبنا ايه..
لتهتف ساره…. مالكوش ذنب والله بس خواتي برضك معذورين وبجالهم سنه في نار. تخيلو… جاسر الحنين النسمه كان نار عصبي مابيطجش حد ومابيخرجش من َمجعدكو جاعد جار هدومك يملس عليها دخلت مره لجيته بيبكي تصدجي اخوي بيبكي.
لتبهت لؤلؤ ويدق قلبها لتحس بوجع..
لتكمل ساره… عارفه كان زي المجذوب وكل شويه من حرجته يخش يطحن في صابحه ويروح يطحن في زكريا. ومره اتعارك مع عتماني عشان بيجوله هناخد بناتنا وهنتجوزهم. راح الواد غزه في كتفه وجه سايح في دمه. اتجمع عيال العيله وجفو ليهم يحوم جاسر يحجف ويجول مالكوش صالح اهل مرتي يعملو مابدالهم.
كان داخل علي ليل سايح في دمه جولنا ليل هيجلبها حرجه دخل جاسر وجعد كيف الجطه مانطج وليل شرحه بس جام داوي جرح اخوه من سكات وجاله اتحمل احنا نستحج اكتر من اكده… وابوي جاعد مامصدجش. ومرت عمي فتحت بقها مسكها من رجبتها كان هيموتها.

 

لتهمس حوريه.. يا حرام جاسر طيوب اوي..
لتنظر اليها ساره.. ايوه جاسر حنين واللي في جلبه بيطلعه لدرجه ان ابوي دخله كتير واتخانج معاه وكت ليله وجاله لو هفضل عمري كله مستنيها. والله يا لؤلؤ جاسر بيحبك
لتدمع عين لؤلؤ وتحن الي زوجها فصابحه مكيدتها كانت نافذه الدور عليهم
لتقترب حوريه… جاسر حنين يا لؤلو ما تتغابيش عليه
لتهتف ساره وليل يا حور مش حنين.. لتطرق حوريه لتكمل ساره دا اخويا اتبدل ليل اصلا شديد وواعر كل اللي كان بيعمله يمسك وشاحك معاه منين ما يروح ويروح عند النيل مطرح ما لجاكي. والله يا حوريه ما كان بيجي من اهناك وابوي كان بينوح انه فجد اولاده التنين. واحد حابس روحه فوج والتاني شارد بيملس علي وشاحك كنه مخبول. ليل اه صعب بس جواه حنيه ورغم اللي حوصل طول غيابك ماشفتهوش متعصب ساكت مابينطجش اي حد يعاركه مابيردش كن روحه انسحبت. اللي كان وابور هو جاسر الحال اتبدل والمحروجه صابحه حابسها ليل مستني حبيبته تاجي تاخد حجها..
لتتنهد حوريه وتهتف.. اخد حقي. اخده ازاي مابعرفش.
لتذغدها لؤلؤ… عشان متخلفه دا طور يتهبش فيه.
لتتذكر لمساته في الصباح… لتهمس حوريه بحب.. ليل دا ليل حنين والله.
لتهتف ساره….. يا عيني عالحب.
وتهتف لؤلؤ… وايه كمان يا معدوله ياللي هتهربي من الدنيا بتاعته.
لتقول ساره…. اقول فيكو ايه هتسيبو رجالتكو اكده وبنات العيله هتموت عليهم. اه غلطة بس اتربو والبت الزينه ماتسيبش راجلها. دا البنات من ساعه مامشيتو عملو فرح البندراويه مشو والدنيا خلت وبقت سيبه.
دا البت سعديه ما صدجت وكل يوم نط لجاسر اهنه ومرت عمي كت كل يومين تجيب عروسه لليل.

 

لتهتف لؤلؤ…. مين مين اللي بتنط نط عليها عفريت والنحنوح كان مبسوط بقه علي كده
لتضحك ساره….. يا بنتي بجولك حابس نفسه تجولي نحنوح. بس برضك دا راجل وسعديه بت جمر فايره اكده وعينها علي جاسر. بس اجولك امها بتزوجها علي ليل عشان الكبير واكده وعندها بت تانيه مسخوطه اكده عندها تمنتاشر سنه بس فرسه اصل امهم حلوه وجويه عايزاها تجفش في ليل واهه كتر الزن هتخربو علي حالكو.
لتقف حوريه…. يعني ليل بص للبنت الصغيره دي هيا اسمها ايه.
لتهتف ساره.. اسمها فوجيه بس اجولكم الحج هما عيله كويسه وبنات كويسين بس امهم عجربه وبتفطمهم يعملو ايه..
لتندفع حوريه الي لؤلؤ…. الحقي هياخدو ليل ويجوزوه.
لتهتف لؤلو بغضب…. والله كت اخرب بيوتهم بيبصو علي ستات اه ما هم رجاله وقلاله الادب والله لاطين عيشته اللي اسمه جاسر ده.
لتهتف حوريه…. طب وانا
لتصرخ لؤلؤ….. وهطينلك عيشه ليل ماتقلقيش
لتهتف ساره بخبث.. ايوه اكده ماتسيبوش رجالتكو ربوهم انما تسيبوهم لمين عاد ينفع جاسر عنده عيال جمرات مايربيهمش عاد ويروح يتزوج احنا اهنه الراجل بيتزوج عادي علي مرته
لتصرخ لؤلؤ….. ودين النبي كت شقيته نصين
لتهتف حوريه بحزن…. طب ماليل ماعندوش عيال هيتجوز صح.
لتهتف ساره….. وانت هتسيبيه يا بت الناس.
لتقف… والله ماهكلمه واطين عيشته بس مش عارفه اطينها ازاي.
لتهتف ساره…. تعالي وانا اجولك وانخرطت تبث اليها ما تراه في مصلحه اخواتها حتي تلم شملهم..

 

مر الوقت واخذت الخادمات الاطفال وقامت لؤلؤ وحوريه وساره ونزلو جميعا ليتجمعو علي الفطار.
ليقترب كل من جاسر وليل ليقبل جاسر زوجته ويقترب ليل من حوريه ويهَمس وحشتيني جوي مش عارف اجعد علي بعضي من صباحيه ربنا.
لتنظر اليه بغضب وتهتف….ليه بتفكر في المسخوطه مش كده ودفعته وذهبت وهو واقف لا يفهم شئ….. مسخوطه ايه اللي هفكر فيها ومالها زعلانه اكده اول مره تتعصب اكده ليذهب ويجلس بجوارها ويظل يراعيها وهيا غاضبه لا تنظر اليه.
ليقوم الاب ويستدعي حوريه ولؤلؤ
ليهب ليل وجاسر معهم ليهتف بدران.. لاه اني عايز مراتت ولادي مالكم انتو.. ليدخل بيهم الي المقعد الخاص بالضيوف.
ليهتف اجعدي يا بتي…. اني ماشفتكوش لما جيتو وحبيت ارحب بيكو. نورتو الدار وعارف انكو جايين غصب. وليل حكالي كل حاجه وعارف انكو مش طايجين الدار باللي فيها.
لتهتف حوريه.. لا يا عمي انت الخير والبركه.
ليهتف…. كتر خيرك يا بتي بت اصول.. اسمعو البيت ده داركو وليكو فيه اكتر من البهمتين اللي بره انتو اهنه ستات الدار وانكتب ليكو.
لتهتف لؤلؤ…. مش بالكتابه يا عمي هنستفاد ايه واحنا موجوعين
ليهتف.. خابر زين بس اني بترجاكم تدو ولادي فرصه. ولادي عشجوكو واللي شفته في السنه دي وعيت انهم اتبدلو. جاسر كان متل المجنون وليل مابيكلمش حد وساكت ما مصدج انه ما بيتعصبش كاتم جواته زي مايكون بيعاجب حاله علي عملته.. ليقترب من حوريه.. ليل حنين يا بتي بس هو متربي راجل صعيدي واعر انت اللي تخرجي حنيته. هيتجن عليكي والله يا بت كنت اصدج في جاسر انما ليل ما مصدج انه عشج.

 

لتهتف لؤلؤ…… ماهو السبب يا عمي هو اللي ضربنا وطردنا وخلي جوزي يطلقني.
ليهتف….. خابر يا بتي بس الحربايه بت اخوي خططت صوح وحكايه التصويره اللي عملتها وجولك انك هتحرجي جلبه خلاه هاج. وكانت الجيامه هتجوم لولا زكريا واد عمكو جال واعترف وليل كل يومين يروح يضرب فيه من حرجته. وجدك مابينطجش والعيله كلها. جدك وجدتك محصورين انهم السبب في اللي جرالكو وصحتهم راحت. والله يا بتي الطلجه جت زي مايكون خير اهي لمت العيلتين وبجينا حبايب تجومو انتو تبعدو وتهملو الدار.. لاه بناتنا مايسيبوش دارهم واصل.
ليقترب ويمسك لؤلؤ…. هتسيبي دارك ودار عيالك لمين لحد غيرك. هتهملي جوزك لحرمه تانيه. انتو عتامنه شداد وخابر انك شديده اه تطلعي روحه انما تسيبي حالك لغيرك لاه يا بتي انت اعجل من اكده.
لتخفض راسها ليقول….. صوح يا بتي البت الزينه ماتسيبش راجلها حتي لو غلط. اهو راجع يحفي وندمان. وانت يا حوريه وانت فعلا حوريه هتجدري دانت الحنيه وناسها يا بتي. لتقول.. لا يا عمي ماقدرش.
ليبتسم….. يبقي خلاص اكده اهو بره جوز تيران هخرج اجول اني اقنعتكو انكو تجعدو اهنه عشاني وعشان العيال. ولو الحال ما عجبش هبنيلكو دار تجعدو لحالكو او تعاودو تاني ويبقي حد ينطج واي حاجه تجولوهالي اني اهنه سندكو ماشي يا بتي.
لتحتضنه الفتيات ويخرجو ليعلم جاسر ما قرره الاب ليقف.. دار ايه يا ابوي اللي هتبنيهالهم والا يهملونا ويمشو.
ليهتف بدران…. اني جولت كلمه.
لينفعل ليل…. شهر ايه اللي هيجعدوه ويمشو انت خابر اللي جولته.
لتهتف لؤلؤ…. اه هيبنلنا بيت عشان مانطردش منه والا نسيبلكو الدنيا اصلا.
لينظر اليها ليل بغضب لتقف حوريه… وانت زعلان ليه مش كت مبسوط يا اخويا والمسخوطه رايحه جايه خلاص خليك في حالك.

 

ليقف ليل مبهوتا ليهتف جاسر…. مسخوطه ايه يا واد اللي مبسوط بيها هيا مرتك اتجننت ومالها جلبت عفريت اكده دي كت جطه صغيره.
ليهتف ليل…. ماخابرش دخلت عند ابوي خرجت مجلوبه ربنا يستر.
كانت زوجه عمهم لم ترحل بعد وستمكث فتره حتي يجهزو البيت ولكن ليل امر ان لا تخرج صابحه من مقعدها حتي ترحل ليجد لؤلؤ وحوريه سعديه واختها فوقيه قد حضرا وكانت فتاتان في غايه الجَمال لتجلسا مع زوجه عمهم…
لتهمس ساره إلحجو الحربايتين جم مش جولتولكو..
لتقترب فوقيه من ليل وتهتف.. بجولك ايه يا واد عمي كنت عايزاك الفرسه بتاعتي تشوفها مالها الا بيها حاجه وانا ماخبراش.
ليهتف….. مالها يا فوجيه.
لتقترب منه وتهتف بدلع.. تعبانه وماخابرش مالها باينها عينها علي فرس شديد وجوي
لتقترب لؤلو من حوريه التي تاكل روحها لتذغدها.. انت يا حزينه إلحجي البت بتسبل للواد.
لتهتف حوريه.. هموت ماله ده وعنيها هتطلع علي حبيبي اعمل ايه شَوفي واقفه تتمايع والتاني مبسوط.
لتهتف لؤلؤ… روحي ارشقي فيهم ماتسيبهوش. ابو ديل ده.
لتقترب حوريه منهم وتلتصق بليل الذي بهت من تصرفها.
لتمسك يده.. ايه يا ليو مش تقلي يا قلبي عندنا ضيوف كانت تتدلع عليه.
ليحس بقلبه ينبض.. مالها دي هيا اتجننت ليو ايه اني بجيت ليو ليضع يده علي وسطها سعيدا.. دي.. دي فوجيه بت عمي..
لتهتف…. اه اهلا حبيبتي نورتي بيتنا. لتنظر لليل بهيام مش بيتنا يا ليلي.
ليبتسم ابتسامه بلهاء.. هاه بيتنا.. ايوه بيتنا يا جلبي.

 

لتهتف فوقيه…. منوره براجلها زينه الشباب.
لتنظر اليها حوريه…. اه طبعا جوزي حبيبي ربنا يخليهولي. لتركن علي صدره… لتلتفت مش كده يا قلبي..
ليقف مبهوتا وقلبه يرجف .. اكده.. اه اه اكده صوح.. ليهتف لنفسه البت اتخبلت ملبوسه اياك دا كات غضبانه من شويه.
لتهتف فوقيه بغيظ…. طب هروح لمرت عمي وابقي اجيلك واخدك ونروح لفرس لتتركهم وتنصرف.
ليحتضن ليل حوريه.. ما تجيبي بوسه وانت جمر اكده.
لتدفع حوريه يد ليل.. اوعي بلا مسخره… وتبقي بقه تروح معاها لاطين عيشتك.. هاه ابقي اعملها يا ليل َلو فاكر اني هبله وهسكتلك لا وهطين عيشتك ومش هكلمك والله وهتشوف ودفعت يده وهو واقف كالابله لا يفهم شيئا مالها دي البت اتجلبت هيا المحروجه لؤلؤ عملت فيها ايه.
كان الكل يجلس وزوجه عمهم تجلس مع البنات وساره تنظر الي زوجات اخواتها بخبث فحوريه تغلي من داخلها ولؤلؤ ستنقض علي زوجها وخصوصا ان سعديه لا ترفع عينها من علي جاسر.
لتخبطه لؤلؤ…. قوم من هنا قاعد مع الستات ليه.
ليهتف…. ستات ايه انا جاعد مع مرتي وعيالي فيه ايه.
لتقرصه ليهتف.. اتجنيتي اياك مالك وابور اكده.
لتهتف….. وابور في عينك يا بتاع سعديه والبت راشقه عنيها فيك والله لاطين عيشتك عندك عيال اتلم.
ليبهت.. سعديه ايه اني مالي بيها.
لتهتف…. اه مالك بيها وهيا عينها هتخرم جتتك
ليهتف….. طب انا مالي طيب.

 

لتقول….. ماهو اكيد اديتها ريق حلو مانتو رجاله بديل.
ليهتف….. مبهوتا اني بديل.
لتهب…… انا سيبالك الحته تبص براحتك وتهز ديلك بس والله لاقطعهولك.
ليقف مذهولا…. هو فيه ايه.
لتذهب الي حوريه وتشدها.. يلا انجري قدامي.
لتنظر الي ليل لتقول….. لا خليني قاعده البت هتيجي تقعد جنبه.
لتصرخ لؤلؤ….. قومي عشان لو قعدت دقيقه هقوم اهجم عالحربايتين دول..
لتتنهد حوريه بغلب لتقوم لتجد فوقيه ستقوم لتجلس بجوار زوجها لتعود وتاخذه من يده وتشده معها.
لتهتف لؤلؤ….. انت بتعملي ايه انت.
لتقول حوريه….. اطلعي جايالك.
لتشد ليل الذي لا يعلم هل زوجته لبست ام ماذا جرا لها لتقف َتهتف….. بص بقه انا هطلع مع اختي وانت تخرج من سكات والله يا ليل لو قعدت لاطين عيشتك.
ليتنهد بغلب…. طب مش تديني فكره هطينيها ليه وايه اللي جلبك اكده. كتي عسليه وطيبه مالك جلبتي كيف الوابور كيف اختك.

 

لتخبطه علي صدره فغيرتها جعلت قلبها ينهشها لتقول.. اه مش مبسوط عايزني افضل هبله صح وانت تلعب بديلك. انت البت جايه تقعد جنبك والله كت موتك.
ليهتف….. بت مين مالك يا جلبي اكده والعه مش تجوليلي طيب.
لتصرخ…… اسمع بقه انا ماعتش عبيطه والزفته فوقيه دي ماتقعدش جنبك ولا تكلمك.
ليهتف….. طب ليه جرا ايه.
لتصرخ….. كده مالكش دعوه بيه.
ليهتف…. طب اعجلي اكده هعض في الناس اياك البت طالبه خدمه.
لتهتف.. خدمها عفريت مالك بيها انت تخدمها ليه والله ماسكتالك واياك تروح معاها انت حر.
ليهتف….. فيه ايه هروح للفرس..
لتهتف بحرقه.. اه فرس شديد وجوي لتقلدها في الكلام.. البت دي لو قربت منها هموتك نصين فاهم.
ليهتف.. اعجلي يا جلبي بلاش فضايح.
لتمسك يده وتشده بعيدا.. بقي مش عايز فضايح ابعد عن النحنوحه هاه وايدك تتمد عليها هموتك فاهم لتستدير غاضبه لتعود لتمسك يده تعضها بقوه.
لتهتف.. ابقي امسك ايدها بقه. لتدفعه وهو يقف مذهولا لتعود اليه مره اخري وتحترم نفسك َماتبصلهاش انت متجوز وانا مش هسكتلك ماشي بقه اهه والله ماهسكتلك وتركته ورحلت.
ليقترب جاسر وليل يقف مبهوتا ليهتف جاسر…. مرتك غيرانه يا حزين

 

ليقف ليل مبهوتا فتره ليعي ما يحدث ليبتسم فجأه ويحس ان قلبه سينفجر من السعاده.. اكده صوح يا جلبي دا غيرانه صوح يا جمالو وهو غيران اكده طب ايه يا واد جلبي هينشج من فرحته. بس مجهور ابوك واجف وخربطها.
ليهتف جاسر بخبث…. لا خلاص مش بيغيرو يشوفو بقه االي هيجرا تعالي قه ام نشوف هنرجع المزتين ازاي.. وذهبا معا يخططا كيف يستعيدا من وقع لهم قلبهم والعشق يهري قلوبهم من البعاد.
وقف ليل.. واد يا طين انت مرتك ماتسيبش مرتي منك لله اني عايزها.
ليهتف جاسر.. ماتكتم بقه اني براضي مرتي مالي بيك. وهيا والعه من جيه بنات عمك عارف هتسود عيشتي.
ليتنهد ليل طب اعمل ايه رايد تحن عليا شويه تعبت من بعدها.
ليهتف جاسر….. نعمل ايه يعني.
ليظل ليل يفكر ليهتف جاسر.. ايه رايك احدفك جدام اتومبيل تتعور تخاف عليك البت ماهي هبله وهتصدج. .
ليخبطه ليل.. عايزني اموت وهتحن عليا فين في تربتي منك لله.
ليهتف.. طب هربطلك راسك واسندك واحط لك مكركروم ويبان انه دم ايه جولك. لتلمع عين ليل.. طب هتعرف ازاي.
ليهتف.. هجول لاختك ساره ماهي في صفنا. ليقوم ويربط راسه ليجلس ليل ويتصنع الوجع ليهتف جاسر.. عارف لو انفضحت ولؤلؤ كشفتك اني ماليش صالح فاهم.
ليهتف ليل.. اني عارف ان مرتك عجربه بس حاول تشغلها.
ليخبطه جاسر.. اتلم مرتي مافيش زيها .
ليهتف ليل.. طب يلا يا نحنوح.
ليذهب جاسر ويخبر اخته
لتندفع الي حوريه ولؤلؤ. لتهتف إلحجي يا حوريه.

 

لتهب حوريه… ايه فيه ايه.
لتهتف ساره.. الاتومبيل خبط ليل وراجد في فرشته والداكتور جال لازمن مراعيه.
لينخلع قلب حوريه لتهب لتمسها لؤلؤ.. ايه اهدي استني اروح اشوف.
لتهتف حوريه.. اوعي تشوفي ايه لتندفع للخارج لتبتسم ساره لتقطب لؤلؤ جبينها ليدخل جاسر لتخرج ساره وتغمز له.
لتقف لؤلؤ.. هيا بتغمزلك ليه هو ايه اللي حصل.
ليتنهد ويجلس متصنعا الزعل.. ليقول.. كان بيوصل البت فوجيه وهو راجع خبطه الاتونبيل.
لتهتف ساخطه…. احسن عشان يبقي يبطل يهز ديله ابو ديل.
ليهتف.. ديل ايه طيب ماتفهمني.
لتنظر اليه ساخطه ولا تنطق. ليتنهد ويقترب.. طب اني عايز اعرف طيب مالك من الصبح وابور اكده.
لتهتف ساخطه.. مافيش ومالكش دعوه لتستدير ليشدها اليه.. لاه ماليش ازاي.. دانا وراك يا جمر لما علبه الأحمر تنفتح.
لتقطب جبينها.. احمر احمر ايه
ليضحك.. احلي احمر عالابيض هتبقي مردغه بس اروج وتحلي يا عسليه.
لتنظر اليه غاضبه فكانت تحترق… لتهتف.. وقاعد ليه امال فين المسخره والهئ والمئ.
ليبتسم… جصدك ايه مسخره ايه.
لتهتف.. مفيش مفيش… كانت تاكل روحها… ليظل ينظر اليها مبتسما يعلم انها تغار عليه. ليهتف.. أما اجوم انزل اشوف سعديه كت طالبه حاجه.لتهب هيا مره واحده وتشده.. رايح فين في ايامك الطين دي.
ليبتسم نازل عايزه حاجه يا جلبي.

 

لتظل تاكل روحها ليهتف اما اجوم اشوف البت.. لتظل تاكل روحها لا تعرف كيف ترجعه لتمسك بطنها وتتاوه ليستدير ويندفع ايه فيكي ايه.
ليرجف قلبها من لهفته لتلين فهيا خافت بشده لتهمس بالقرب من وجهه.. تعبانه شويه.
ليحتضنها ويذهب بها للفراش.. مالك يا جلب جاسر فيكي ايه.
لتتنهد.. بطل انت كداب.. ال جلب جاسر.
ليبتسم ليلتصق بها لتشيح بعيونها ليهمس يمين بالله جلبه ومافيه غيره متربعه وجاعد متسلطن جوا يا لؤلؤتي.
لتتنهد فلمساته تعشقها واشتقت لها وغيرتها كوت قلبها. لتهمس كداب وعمري ماهصدقك.
لينحني يقبل وجنتيها لتغمض عينها ليستعجب كيف لانت هكذا لينسعد ويهمس.. يمين بالله ماكداب وحبيبي انت مافيه حبيبي غيره.
لتفتح عيونها ليجدها كالماء الصافيه. ليبتسم وينزل يقبلها بهيام غير مصدق لينها هكذا لتستجيب له ليحس انه سيجن من سعادته ليداعب جسدها لتعود لنفسها وتنتفض وتنكمش وتدفعه ليتنهد طب بتبعدي ليه ماكنا رايحين.
لتقوم ووجهها احمر.. انا راحه اشوف حوريه هقوم انا اشوف سي زفت ده عنده ايه واجيب اختي.
ليندفع.. لا لا لسه.
لتقطب جبينها.. لسه هو ايه اللي لسه.
ليرتبك.. هاه.. لسه لسه.. اه لسه تعبان والتومبيل خبطه وضهره بيوجعه.
لتقطب.. ضهره.. ضهره والا راسه.
ليهتف.. هاه راسه….ماهو ماهو..

 

لتهتف.. هو فيه ايه بالضبط مش مرتحالك
ليهتف.. لا ماهو ضهره وراسه اه افتكرت.
لتقترب.. جاسر انت بتكدب. ولو ماكتش تقول الحقيقه انت حر.
ليهتف مسرعا…….. طب لو قلت هتهدي مالك جلبتي رمادي اكده
لتهتف.. انت بتكدب صح..
ليهز راسه.. مبتسما.
لتنظر اليه غاضبه.. يعني مش عيان.. ليبتسم ويهز راسه.. لتقول.. اممم يعني بتضحكو علينا.
ليهتف.. ماليش دعوه ده هوا يا جلبي والله.
لتصرخ بقي كده.. طب وديني ليه والله لاموته لتندفع وتذهب من امامه.
ليتنهد.. ليلتك طين يا ليل.. روبه معلهش بقه انت حظك فجر.
اندفعت حوريه لتفتح الباب علي ليل لتندفع مرعوبه عليه لتقترب وتحتضنه.. ليل مالك قلي فيك ايه جرا ايه والنبي قلي قلبي بيوجعني.
ليبتسم بحب علي لهفتها… ليهتف بوجع.. تعبان حاسس اني هموت يا جلبي.
لتقترب وتحتضنه….. بطل بطل تقول كده لتنزل دمعه من عينها ليرفع وجهها.. ماتعيطيش يا جلبي اني كويس.
لتضع يدها علي صدره ….حاسس بايه طيب قول.
ليتنهد.. موجوع جوي وحاسس بنفسي بيروح.
لتهمس….. طب اجيب دكتور.
ليهتف.. لاه بس رايد حاجه خايف ترفضي نفسي فيها بس اطولها واموت بعديها.

 

لتهتف…. بطل اقول كده ايه هيا.
ليفتح ذراعيه لها لتندفع الي احضانه ليشدد عليها ويقبل راسها لتكلبش فيه خوفا وهلعا عليه ليظل يمسد عليها لتندس اكتر ليهمس.. جلبي انت والله ولا أجدر ابعد عنك دا حبيبي هموت عليه.
لتهمس…. طب حاسس بايه.
ليهتف.. حاسس اني طاير لو مت دلوك هكون طلت السما.
لترفع وجهها لينهال شعرها عليه ليبتسم لتهمس بطل تقول كده قلبي بيوجعني.
ليحاوطها بيديه ويركن فوقها ليهمس.. ابطل اجول اني من غيرك جلبي مابيدجش. اني ماعتش شايف جدامي الا انت ماشي سرحان فيكي ومابفكر الا فيكي.
لتهمس.. لا والنبي بطل خاف علي روحك كنت هتروح.
ليتنهد.. اروح.. ماني روحت من زمان في بعدك ولو ماحبيبي رجعلي هروح اني خابر روحي
لتهمس…. بطل ماتوجعش قلبي.
ليقترب.. لو رحت هتتوجعي صوح ماهتفرحيش عشان وجعتك لتهز راسها ليهتف.. يعني لو كت مت هتزعلي يا حوريه.
لتضع يدها علي شفتيه بطل تقول بقه.
ليقبل يديها.. ابطل اجول ايه اني ميت في بعدك والله ميت يا جلبي ورايد اموت ماعايزش اعيش بعيد عنك.
لتهمس.. ليل بطل هعيط والله.

 

ليقبل راسها بحنان.. واني ماهسيبش دمعه تنزل من حبيبي دا حبيبي حنين وطيب ومارايدش الا هو في حضني والله هو وبس. ليمد يده يداعب وجهها بحنان لتغمض عينها تستشعر لمساته التي تحتاجها بشده فحوريه من داخلها مازالت تلك الحوريه التي تريد امانه وهو ليل الرفاعي ليقترب ويتلمسها بحنان لتتوه اكتر ليهمس… اني ماستحجش الجمال ده دا كتير عليا. حبيبي جمر وهادي ورايج يا جلبك يا ليل. ليظل ينظر اليها ليهتف.. رايدك الف مره رايد اعيش وافرح بجمري واتهني.
لتهمس.. ليو بطل.
ليهتف.. ماعت جادر ولا عايز عايز اكون ليكي كيف ماتريد.عايز اتربي من اول وجديد لأجل اتشكل وابقي الحبيب اللي تستحجه. لو اموت الف مره وارجع تاني من جديد ليكي انت.
لتهمس بطل تجيب سيره وحشه قلبي بيوجعني.
ليقبل قلبها.. جلب حبيبي ده بيوجعه. الجمر ده موجوع عشاني.. لا عشت ولا كنت اوجعك يا جمري.
لتهمس.. ليو بطل تقول كده انا مش متحمله.
ليقبل شفتيها بهيام كيف ماتامري هبطل.
لتهمس… هتبطل كل الحاجات.
ليهتف.. هبطل يا جلب ليل يمين بالله.
لتهمس.. ومش هتضايقني خالص وتبقي حلو وكيوت.
ليضحك.. كيوت.. عيوني وجلبي من جوا.
لتهمس بدلع

 

ومش هتروح للفراسات وتمشي مع فوقيه دي.
ليبتسم.. يا لهوي هفطس من دلعك ده.. انت بس تاشري يا جلبي انا انفذ.
لتهمس بهيام.. هتبقي ليلي وبس.
ليقترب يهمس علي شفتيها.. هبقي زي مابتريدي بس سيبيني ابقي واتهني هموت.
لتهمس ليلي انا انا. لتتوه في نظراته ولمسات
ليهمس.. لاه تسكتي بقه اني ماعتش جادر لينحني عليها لينزل عليها ويتوه معها لتستجيب له بحنان ليتوها معا ولا يحسا بشئ. كانت هائمه طائعه وهو احس انه سيملك الدنيا فحبيبته لانت واستجابة له.
لتاتي الرزعات والصرخات عالباب لينتفضا ليحس ليل انه سيقتل لؤلؤ. لتنكمش حوريه ليبتعد ليل ويسب اختها ليقوم ويفتح الباب لتندفع وتنظر اليه بغضب لتقترب من اختها وتشدها انت ايه اللي مقعدك للكداب ده.
لتبهت حوريه لينظر ليل لجاسر غاضبا ليرفع يديه استسلام.
لتقترب لؤلؤ وتشد الضماده من علي راسه لتشهق حوريه. لتهتف الكداب بيضحك عليكي عشان انت هبله و تصدقيه. لتدفع الضماده في وجهه لتشد حوريه لتنظر لليل بغضب وتتركه وترحل ليقترب من اخيه ليتراجع خوفا ليرزعه بوكسا ليصرخ جاسر.
ليهتف.. انت عيل سو منك لله كت في حال وجت العجربه مرتك منك لله اعمل ايه دلوك بطلع دخان يا كافر انت ومرتك.
ليقف جاسر يهتف اعمل ايه طيب ماهي فجستني.
ليدفعه ليل ويجلس مشتعلا يدعي علي زوجته من حرقته.

 

مر اليوم والفتيات مختفيات وساره معهم معظم اليوم ليصعد كل من ليل وجاسر ووقفا عند الباب وهتف جاسر…. هو كل ليله اكده هنام جارك وناكل حالنا اكده وبعدين اني متغاظ دلوك.
ليهتف ليل……. طب استني بقه انا عندي فكره ما هتخرش الميه ونزل مسرعا واحضر شيئا وذهب الي حجرتهم ومعه اخيه ليهتف ايه الي في يدك ده.
ليهتف ليل اصبر بس.. ونط علي السور وذهب الي بلكونه الفتيات ووضعه وعاد الي اخيه وهتف.. يلا بينا علي المجعد.
ليهتف جاسر انت كت فين بجولك ماهنامش جارك اني عايز مرتي دا ايه المرار ده.
ليهتف ليل…. طب بس تعالي هتنام وتنبسط بس تعالي وذهب الي حجرته وجلس ينتظر بخبث ليسمع صرخات مفاجأه لينفجر ضاحكا عندما

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حورية في قلب الليل)