رواية قضية خلع 4 الفصل العاشر 10 بقلم عمرو راشد

رواية قضية خلع 4 الفصل العاشر 10 بقلم عمرو راشد

رواية قضية خلع 4 البارت العاشر

رواية قضية خلع 4 الجزء العاشر

رواية قضية خلع 4 الحلقة العاشرة

ابني يا طارق.. في ناس هج*مو عليا وخط*فو الواد ، الحقني
= أنتي بتقولي ايه.. مين الناس دي
معرفش يا طارق معرفش.. تعالى بسرعة
= جايلك حالا
” قفل المكالمة و بص ليا
في ايه يا طارق
= الواد اتخط*ف
مش انت بتقول انك باعت ناس على هناك
= اكيد مش هيروحو هناك بالسرعة دي.. دا انا لسة قافل معاهم من دقيقتين
امال مين اللي عمل كدا يا طارق
= مفيش غيره.. هو الكلب اللي اسمه حسام
وهو حسام هيخط*ف ابنه ليه

= فاكر انه كدا هيدوس عليا بس وحياه امي ما هسيبه
” قام بسرعة من جنبي و دخل الأوضة يغير هدومه ، بعدها خرج ونزل بسرعة من الشقة.. حاولت اتصل ب حسام اكتر من مرة بس مكنش بيرد لحد ما زهقت وفضلت قاعدة مكاني..
” نزلت بسرعة و ركبت العربية.. و سوقت بأقصى سرعة على بيت حسام.. وانا في الطريق كلمت الرجالة اللي كنت باعتهم ل نادية و لغيت العملية.. وصلت هناك و رنيت الجرس أكتر من مرة بس المشكلة ان كان في صوت اغاني عالية جدا طالعة من جوا.. الباب اتفتح واللي فتحته كانت واحدة باين عليها شمال من شكلها ولبسها.. دخلت الشقة لقيت واحدة تانية قاعدة جنبه اما هو فمكنش حاسس بنفسه اصلا من كتر الشرب.. الازايز قدامه في كل حتة.. اول ما شافني ضحك وقال
ابن حرا*م يا طارق والله.. جيت في وقتك تعالى اختارلك واحدة منهم واقعد اشربلك كاس
= انا مش جاي اشرب.. الواد فين يا حسام
واد!! ، ،وايه اللي هيجيب واد وسطنا يعني هيكون معايا اتنين زي القشطة و هجيب واد برضو.. دا انا هجيب توأم
” شد*يته من القميص بتاعه
قوم اقف وفووق كدا.. فؤاد فين يا حسام
= فؤاد اخويا وصاحب عمري دا كان لسة قاعد هنا من شوية بس زهق لما انت اتأخرت وقام رجع التربة تاني
تربة ايه.. انت بتقول ايه… فووق معايا كدا ، ابنك اتخط*ف ومنعرفش مين اللي عملها
= سيبه يعتمد على نفسه وهو هيرجعلك تاني

يا ابني انت فووق.. بقولك ابنك اتخط*ف ولازم تيجي معايا دلوقتي
= يا عم عرفنا انه مخطو*ف عرفنا.. اكيد بيعمل فيكو مقلب وهتلاقيه كمان شوية ظهر وقل*ع الماسك وهيطلع ياسمين عز في الآخر
” مكنش في فايدة معاه ، سيبته ومشيت و نزلت ركبت العربية و روحت على بيت نادية.. راجعت كل الكاميرات اللي حوالين المكان وفعلا شوفتهم بس مكنش باين اي حاجة منهم حتى العربية اللي كانت معاهم من غير نمر.. مش عارف اعمل ايه.. مكنش عندي حل غير اني استنا اللي خط*فه يتصل بينا.. وصلت شقة نادية ودخلت قعدت
ابني فين يا طارق.. فؤاد اتخط*ف صح
= هنلاقيه يا نادية متقلقيش
الواد اتخط*ف يا طارق.. اتخط*ف ومش هشوفه تاني
= الواد هيرجع.. بالذوق أو بالعافية هيرجع.. مش عايزك تقلقي انا هعمل المستحيل عشان ارجعلك ابنك
” المشكلة اني كنت بقول كدا وانا مش عارف فعلا هعمل ايه أو هتصرف ازاي ، مكنش عندي حل غير اني ااخد تسجيلات الكاميرا و اروح ابلغ البوليس.. وفعلا تاني يوم عملت محضر بالتسجيلات اللي معايا.. كانت الساعة لسة 12 الضهر.. وانا خارج من القسم تليفوني رن.. كان رقم غريب
الو

= اسمع يا طارق هقولك كلمتين ومش هكررهم.. ابن مراتك معانا ولو عايزه هتدفع 5 مليون جنيه
ايوا بس دا كتير أوي.. احنا ممكن نتفاوض وانا هعملك اللي أنت عايزه بس المبلغ اللي انت طالبه دا كتير أوي
= انا كنت عارف انك هتتعبني بس ماشي ومالو.. تقدر تستلم جث*ة الواد بكرا
لا لا استنا خلاص هدفعلك اللي انت عايزه بس متأذ*يش الواد
= ايوا كدا انا بحب اللي بيتعاون معانا.. واهم حاجة يا طارق انك متبلغش البوليس.. لو البوليس دخل بينا مش هتشوف الواد تاني
متقلقش هجيلك لوحدي، بس عايز اعرف المعاد والمكان
= اول ما تجهز فلوسك كلمني
” قفل المكالمة.. جريت بسرعة على البنك وسحبت من حسابي 5 مليون جنيه دا طبعا بعد مشاكل كتير بسبب صعوبة الموضوع و اني كان لازم ابلغهم قبلها.. خدت الفلوس ومشيت من البنك كانت الساعة 3.. كلمت الرقم أكتر من مرة بس تليفونه كان مقفول.. فضلت قاعد في العربية مستنيه يتصل.. فضلت مستني كتير جدا ما يقارب ل 10 ساعات.. الساعة كانت 1 بليل ولقيته بيكلمني وقالي على العنوان.. روحت بسرعة على العنوان اللي قالي عليه.. وصلت هناك وكانت منطقة مهجورة مفيهاش أي حد.. فجأه وانا قاعد في العربية لقيت اللي واقف وبيخبط على الازاز.. فتحت الازاز
فلوسك معاك؟
= الواد فين
معانا في العربية
” بصيت على العربية اللي كانت واقفة ورايا
= سلمني الواد الاول وانا هسلمك الفلوس
لا انا مبحبش الكلام الكتير.. يإما تديني الفلوس وتاخد ابنك او هاخده وابيعه بمعرفتي
” كنت مضطر اديله الفلوس.. وفعلا سلمته الشنطة اللي فيها 5 مليون جنيه

مظبوطين دول؟
= تحب تعد
لا محبش خليهم ببركتهم كدا
= اظن كدا خدت حقك.. سلمني الواد بقا
دا انا مش بس هسلمك الواد.. دا انت كمان ليك عندي مفاجأه
= مفاجأه ايه
” لقيته طلع مسد*س وضرب طل*قة في كاوتش العربية و جري ركب العربية اللي كانت معاه وهربو
يا ابن الكل*ب… يا ابن الكااال*ب
#بقلم : #عمرو راشد
” فضلت ماشي مسافة كبيرة جدا لحد ما لقيت مواصلات.. ركبت فيها و روحت البيت عند نادية.. اول ما دخلت من باب الشقة
ايه يا طارق لقيته.. لقيت الواد يا طارق.. حد كلمك منهم؟
= كلموني و اديتهم 5 مليون بس هربو من غير ما يسلموني الواد
يعني ايه يعني.. انت شكلك هدد*تهم زي عادتك.. طبعا ماهو مش ابنك.. لو كان ابنك كنت دفعت وانت ساكت
” قومت مسكتها من رقبتها
انا رميت 5 مليون في الهوا عشان خاطرك أنتي.. خسرت نص فلوسي بسببك وبسبب ابنك.. تصدقي بالله حسام دا المفروض يدخل الجنة على انه فضل مستحملك المدة دي كلها.. انا مش عايز اشوف وشك تاني.. اطلعي برا يلا
” بدأت تعيط
لا يا طارق متسبنيش.. عشان خاطري أنا مليش غيرك.. طارق خليك معايا
= أنتي طالق يا نادية
” مشيت وسيبتها وهي بتصرخ
لا يا طارق استنا.. استنا يا طارق.. استنا
” خرجت من العمارة.. ركبت تاكسي و روحت على بيت فريدة. دخلت الشقة وقعدت وحطيت ايدي على دماغي.. حاجات كتير بتروح مني.. خسرت 5 مليون جنيه من الهوا.. خسرتهم في موضوع انا مليش علاقة بيه اساسا.. دي كانت من غلطتي من الاول ، لقيت فريدة جاية تقعد جنبي

ايه اللي حصل يا طارق.. عملت ايه
= اتنصب عليا في 5 مليون
ينهار ابيض.. دا مبلغ كبير أوي
= تقريبا نص فلوسي يا فريدة
طب والواد
= معاه ربنا بقا.. انا عملت اللي عليا
دا زمان نادية قلبها محروق عليه
= تولع هي مبقتش تلزمني خلاص
ازاي مش فاهمة
= انا طلقت نادية
ياااربي ليه كدا بس يا طارق.. يا حبيبي كل دا عشان خاطر الفلوس يعني
= أنتي متعرفيش انا تعبت قد ايه عشان اجمع الفلوس دي
واللي يخليك تعوض خسارتك
= ازاي
عندي طريقة بس لو جابت نتيجة معاك هتجيبلي عربية جديدة
= اتفقنا
” عرفت منها موقع مشهور جدا بتاع مراهنات.. رهان عادي بس وانا قاعد في مكاني وماسك تليفوني، رهان على اي حاجة.. وفعلا بدأت اجرب.. ومع اول مرة راهنت ب مبلغ صغير.. كان حوالي 2000 جنيه بس اللي انت متعرفوش بقا اني كسبت أكتر من 50 الف جنيه.. الموضوع مربح جدا وشكلي هعوض خسارتي بجد زي ما فريدة قالت.. كملت رهان بس المرادي راهنت ب مبلغ اكبر حوالي 10 الاف جنيه وللاسف خسرته.. الموضوع كان اشبه بالادمان حرفيا.. كملت فيه و ركزت معاه بطريقة غريبة لدرجة اني مبقتش اروح المكتب.. مبقتش ارد على اي مكالمات.. كانت هي دي الحاجة الوحيدة اللي شاغلة دماغي.. عدا 3 شهور وانا على نفس الحال دا بس الموضوع مكنش ماشي زي ما انا عايز.. مجموع اللي كسبته في 3 شهور كان حوالي

200 الف جنيه اما مجموع اللي خسرته كان مليون ونص.. بس موقفتش وكملت و استمريت في تجاهل كل الناس بما فيهم فريدة لحد ما عدا 7 شهور وكنت خسران كل حاجة.. مكنش فاضل معايا غير 300 الف جنيه بس.. ساعتها أدركت اني خلاص هقع ل سابع ارض.. كان عندي شركة صغيرة للاستيراد والتصدير بس للاسف بسبب اني انشغلت عنها الشركة بقت عبارة عن مكاتب بس.. كل الموظفين اللي فيها مشيو بسبب انهم مبياخدوش رواتبهم.. عرضت الشركة للبيع فورا على امل ان حد يقبل يشتريها.. كانت فريدة هي اللي بتساعدني في الموضوع دا.. وعرضت هي الإعلان على النت.. بعد اسبوع بالظبط لقيتها جاية فرحانة وبتقولي ان في شخص كلمها وموافق انه يشتري الشركة
بتتكلمي بجد.. طب امتا
= بيقول بكرا
خلاص ردي عليه بسرعة وقوليله اننا موافقين وهنستناه بكرا في الشركة عشان نمضي العقود و ابعتيله العنوان والمعاد الساعة 9 الصبح
” كنت فرحان جدا.. صحيت تاني يوم و روحت الشركة انا وفريدة ، مكنتش مصدق نفسي وهي اينعم مش هتعوض اللي انا خسرته بس مكنش عندي حل غيرها.. مبقاش عندي غير الشركة والمكتب و 300 الف جنيه في حسابي في البنك ، دا غير كمان ان بلغوني ان العملاء بتوع المكتب بيمشو واحد ورا التاني بسبب اني مش موجود واللي ماسك القضايا بتاعتهم محاميين لسة تحت التدريب.. الساعة كانت 10 الصبح ولقيت الراجل داخل الشركة وبالمناسبة كان اسمه سليم
انا اسف جدا على التأخير.. بس الطريق زحمة جدا
= ولا يهمك المهم انك جيت
قولي بقا ايه اسباب البيع بالظبط
= في الحقيقة انا محامي وعندي مكتب خاص بيا ومشغول جدا فيه ومعنديش اي وقت اني اتابع أعمال الشركة

طب ما كنت تعين شخص وهو اللي يمسك الشركة مكانك
= والله يا استاذ سليم هو كان ينفع فعلا بس انا مبثقش في حد
وحضرتك عايز تبيع بكام
= اظن انت شوفت في الإعلان
ايوا بس نص مليون جنيه دا مبلغ كبير أوي على شركة لسة هبدأ فيها من الصفر
= اضمنلك انك هتعوض النص مليون دول في خلال شهرين بالكتير
بعد اذنك يا استاذ طارق ياريت منكدبش على بعض لان لو الشركة كانت هتجيب نص مليون في شهرين يبقا حضرتك مستحيل كنت هتسيبها
= قولتلك اني مش مشغول
لو عندك كنز زي دا و تسيبه بحجة انك مشغول يبقا بصراحة كدا يعني حضرتك راجل مجنون.. سوري متزعلش مني
= من الاخر كدا هتدفع كام
150 الف جنيه
= نعم!!.. لا مع السلامة مش هنبيع
” لقيت فريدة بتش*دني من ايدي
استنا يا طارق متتسرعش.. احنا ممكن نعلي السعر شوية
= سعر ايه دا بيقولك 150 الف
استنا بس انا هتصرف
” فريدة مشيت معاه ودخلت أوضة المكتب جوا.. فضلت واقف مستني تقريبا 10 دقايق وبعدها خرجو
خلاص يا طارق.. استاذ سليم هيزود السعر وهيدفع 200 الف جنيه

= لا طبعا برضو قلي..
” فريدة قربت مني وقالت
هو دا اخره ومش هيدفع جنيه زيادة واحنا منضمنش لو سيبناه هنعرف نلاقي مشتري تاني ولا لا.. احنا محتاجين كل جنيه يا طارق.. ركز
” مكنش قدامي حل غير اني اوافق.. بدأنا نمضي العقود.. ومضيت على عقد بيع الشركة بس لفت نظري اسم المشتري
استاذ سليم هو مش حضرتك اللي هتشتري الشركة؟
= لا مش انا.. اللي هيشتري الشركة هو استاذ
” فجأه لقيت اللي واقف قدامنا وبيقلع النضارة
استاذ حسام الهواري
” قومت من مكاني وانا مصدوم.. مش مصدق اللي بيحصل بس هو لقيته ابتسم وقال
معاك حق بس معلش اصل الهواري لما يظهر بيكركب الدنيا خالص
= انت اللي اشتريت الشركة
امممم ايوا انا واقولك على الاحلى كمان.. انا اللي خط*فت الواد وانا اللي طلبت منك 5 مليون وانا برضو اللي نصبت عليك.. كدا انت مبقاش قدامك غير المكتب اللي انت اشتريته مني صح.. فاكر يا طارق؟ ، بس عايز اقولك ان المكتب بتاعك حالا البوليس بيحجز عليه بتهمة ايه بقا.. فكرني يا سليم بتهمة ايه
= تقريبا عشان لقو مخدرات في المكتب يا استاذ حسام

” رجع بص ليا تاني
وعلى فكرة انا اللي حطيت المخدرات دي في المكتب.. هو انت فاكر انك هتاخد مني حاجة وانا هسيبهالك عادي كدا ، ناقص بقا حاجة واحدة بس
” لقيته طلع مسد*س و موجهه ناحيتي
يلا نكتب النهاية سوا يا طارق.. بس للاسف انت مش هتكون فيها عشان دورك خلص لحد هنا.. تبقا عبيط لو فكرت للحظة انك هتدوس عليا وانا هخاف منك و اسكت ، العبد لله ملوش كبير!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية قضية خلع 4)