رواية موج الرعد الفصل الرابع 4 بقلم سما الحملاوي

رواية موج الرعد الفصل الرابع 4 بقلم سما الحملاوي

رواية موج الرعد البارت الرابع

رواية موج الرعد الجزء الرابع

رواية موج الرعد الحلقة الرابعة

رعد بصوت عالي ارعبهم…انا قولت روحيييي هتعاندي
هنادي خرجت بسرعه وموج بصاله بخوف…
رعد قرب منها جامد ونزل على خدها بقلم جامد…
༺༺༺༺༺༻༻༻༻༻
عند وهيبه…
مدحت بصدمه…وهيبه وهيبه ارجوكي فوقي وهيبه لا يا وهيبه انا مقصدتش والله
بعد عنها بخوف وطلع يجري من الشقة…
وهيبه فتحت عيونها لما هو مشي وخدت نفس كبير…
وهيبه بكره…والله لوريك يامدحت وادفعك التمن غالي
دخلت بسرعه بدلت هدومها وخرجت من البيت ركبت تاكسي…
༺༺༺༺༺༻༻༻༻༻

عند رعد…
موج وقعت ودموعها نزلت وقالت بغضب…كل دا عشان دارين
رعد بعدم فهم…دارين ايه
موج قامت وزقته بغضب وانهيار…في ايههه هي الي جت هنتني وقالتلي اني خدامه عندها وانها ست البيت دا وانت جاي تضر*بني قولي تفرق ايه عنهم مرات عمي لما جابتني هنا قالتلي هيحميكي من ظلم عمك لقيت ان عمي ارحم منك حبستني للنمر اهانتني ومديت ايدك عليا رعبتني اناااا عملتتت ايه في حيااااتي عشان كل دا يحصل فيااا هااا عملت ايههه عشان ابويا وامي يسبوني ويمشوا عارف امي قالتلي ايه قبل ما تمشي قالتلي انا غلطت يوم ما خلفتك وفضلت جنبك كان المفروض نزلتك وعيشت حياتي ولا اني ارتبط مع ابوكي لكن ملحوقه دلوقتي الوقت جه واه هسبلك حساب ليكي كبير في البنك يكفيكي سنين عشان مش عاوزه اشوفك تاني قالتلي كدا فاكره كل كلمه منها وابويا مسألش عني ولا مرا ليه بتعملوا فيا كدا هاااا
رعد فكر في كلامها وحزن على الي عملوا وقال بأسف…موج انا اسف
موج بوجع…اسفك مالوش لازمه هيداوي ايه يعني
قاطعهم دخول وهيبه ولما شافت خد موج ومنظرهم قالت…ممكن افهم في ايه

موج بوجع…دا الي كان هيحميني من ظلم عمي شايفه عامل ايه فيا
وهيبه راحت لرعد وادته بالقلم وقاالت بغضب…تفرق ايه انت عن مدحت الي لسه كان بيموت فيا
رعد اتصدم من الي قالته ومهموش نفسه وقال…يموت فيكي ازاي
موج بخوف…في ايه ياماما
انعام نزلت ليهم وبصت على موج بوجع.ودموع….في ايه ياوهيبه
وهيبه حضنت رعد جامد وفضلت تعيط…مدحت عرف اني الي جوزتك موج وفضل يخنق فيا عشان يموتني وانا عشان اخلص منه عملت ان نفسي اتقطع لحد ما هو خاف ومشي
رعد بغضب جحيمي…والله لدفعه التمن عمره
موج حضنت وهيبه…اهدي ياماما اهدي ياحبيبتي عشان خاطري بس هو ازاي يمان بيشتغل مع رعد ومدحت موافق مع انه مش بيحب رعد
وهيبه…كنا مخلين يمان ميقولوش الظالم دا
انعام…معلش ياوهيبه حقك هيرجع بأذن الله
وبعدين قالت لموج بحزن…اعذريني ياعمري منزلتش لما رعد عمل كدا رغد خافت من الصوت العالي وقعدت اهديها
بعد شوية وهيبه هديت وخدت رعد بعيد وقالتله…كدا يارعد دي الامانه
رعد بأسف…ياعمتي اناـ
وهيبه بمقاطعه…استحمل سنه واحده بس سنه واحده وهي هتروح لخالتها انا سيباها امانه في رقبتك يارعد
وهيبه سابته وراحت لموج…

رعد حس بشعور جواه لما قالت تروح لخالتها وتسيبوا…
بص على موج ودموعها الي بتنزل بصمت وراح لها…ممكن تيجي معايا
موج كانت هترفض بس وهيبه وانعام هزوا ليها راسهم…
ف قامت معاه…
رعد خدها جناحه الخاص…
رعد بأسف…موج انا اسف انا عمري ما اعتذرت من حد حقيقي بس سامحيني عشان خاطري
موج بتساؤل…عملت كدا ليه
رعد بتهرب…الاجابة دي مش هقدر اجاوبك عليها دلوقتي ممكن نقفل على الموضوع دا ومتزعليش مني
موج…المرادي بس فرصه واحده يارعد
رعد حضنها من غير تردد هي هديت في حضنه واستغربت نفسها…
༺༺༺༺༺༺༻༻༻༻༻
عند مدحت…
رجع البيت ملقاش وهيبه…
مدحت بخوف…نهاري هيبئا اسود لو راحت لرعد انا اسلم حل اني اسافر برا البلد

كلم حد في الفون…
مدحت…انا عاوز اجيلك
المجهول…تيجي فين انت اتجننت
مدحت…وهيبه راحت لرعد عشان كنت هموتها وهي كانت بعداه عني ورعد لو وصلي هعترف بكل حاجه
المجهول… انت غبي خلاص عشان اخلص منك هجيبك اتحرك اتخبى في اي مكان لحد بكره
قفل مع المجهول ومشي بسرعه وخد هدومه…
༺༺༺༺༺༻༻༻༻༻༻
عند يمان…
قاعد مع صاحبه في كافيه…
يمان بقلق…انا قلقان على ماما معلش يامعتز همشي
معتز…طيب ما ترن عليها يابني
يمان رن لكن مردتش…
يمان قام…مردتش انا همشي يامعتز معلش
معتز…طيب ابئا طمني
يمان ركب عربيته وراح بيتهم…
فتح الباب وفضل ينادي…مامااا انتي فيننن
دخل دور عليها في البيت كلو ملقهاش…

وملقاش هدوم ابوه رن تاني شاف الفون واقع على الارض مسكوا والقلق اتملك منه والخوف على والدته…
يمان…الو الو يارعد انا مش لاقي ماما…بجد طيب انا جايلك حالا
خد فونها وركب عربيته وانطلق على بيت رعد…
وصل الفيلا ونزل جري على جوه…
يمان جري على وهيبه حضنها…ماما انتي بخير ياحبيبتي
وهيبه بحنان…انا بخير ياعمري متقلقش
يمان بص عليها وشاف وشها الباهت…ماالك ياماما
حكولوا…
يمان بغضب…والله لوري
رعد…متقلقش بعتت رجالتي يدوروا عليه
موج…اهدى يا يمان عشان خاطر ماما
رغد نزلت مع انعام…
وهيبه راحتلها بسرعه…ياحبيبت قلبي وحشتيني
رغد بحنان…وااننتي ككمان
يمان فضل باصص على رغد وعيونه مدمعه…
رغد بصتلوا وقالت بحزن…ييممان اززييكك
يمان بأبتسامه…الحمدلله بخير
رغد بفرحه…هتتقعدوا مععانا
موج بفرحه…ايوه اكيد يا رغد
يمان…لا انا هرجع بيتي
انعام…ما تخليك معانا يابني
رعد…سيبي يادادة يقول الي عاوزه اطلع يايمان اوضتك يلا وانتي ياعمتي اوضتك في الدور الي فوق على ايدك اليمين تاني اوضه جنب اوضة رغد

وبص على دادة انعام بخبث وهي فهمت وانسحبت من سكات…
وموج بصتلوا بصدمه وقالت…لـ
رعد بمقاطعه…ايوه ياموج عارف هتقولي ايه يمان هيقعد متقلقيش
يمان…يابني
وهيبه…خلاص بئا يايمان وافق
رغد..اه ييمان ووافقق
يمان بابتسامه…خلاص موافق
بعد شوية طلعوا كلهم…
موج كانت داخله اوضتها رعد سحبها اوضته…
موج بخضه… في ايههه
رعد بضحك….راحه فين
موج…اوضتي
رعد…بس دي اوضتك
موج…لا دي مش اوضتي دي اوضتك انت
رعد…بس اوضتك او الي كانت اوضتك فيها عمتي
موج…خلاص هروح اوضة تانيه
رعد…للأسف كلهم محتاجين تنضيف ف هتقعدي معايا انا
موج…مستحيييل
رعد قرب عليها وهي بتبعد لحد ما لزقت في الباب…في ايه

رعد قرب من وشها…مستحيل ليه
موج بتوتر…كدا
رعد قرب منها اكتر وقبلها بهدوء وشغف وهي اتجاوبت معاه وبعدين فاقت وزقته وجريت على الحمام…
موج بتوتر…في ايه اهدى ياقلببي بتنبض كدا ليه وانا ازاي ااتجاوبت معاه اااه اوف بئا
رعد…انتي هتفضلي جوا اليوم كلو
موج خرجت بخجل…انا هنام فين
رعد بضحك…على السرير
موج…وانت
رعد…على السرير
موج بصدمه…لا طبعا
رعد شالها وحطها على السرير ونام جنبها وشدها لحضنه فضلت تفرك قالها…بس بئا عشان عاوز انام
موج…بس انا مش هنام كدا سبني
فجأة رعد كتفها وحط وشها في وشه وغمض عيونه هي فضل قلبها ينبض جامد من قربه…
༺༺༺༺༺༻༻༻༻༻༻
عدا يومين مافيهمش اي جديد غير ان رجالة رعد بدور على مدحت وموج ورعد ناقر ونقير وهيبه قاعده مع انعام ورغد ديما ورعد بطل يكلم دارين لسبب ما وهي بتحاول توصله ديما…
عند موج في الكلية…

قاعده مع غادة في كافيتريا الجامعة…
موج…رعد بيقول هيعدي ياخدني
غادة…بجد ها في جديد
موج…ولا اي جديد ولا عارفه اتقبلوا ولا هو يتقبلني
غادة…اممم بس خير ياقلبي ان شاء الله
الي شغال الكافيه…يا انسه القهوة بتاعتك
غادة…لحظه هروح اجبها
راحت تجبها…
في مكان ما في الكلية…
بنت…شايف البنت الي هناك دي
الشاب…اه مالها
بنت…هديك ال ٢٠٠ج دي وعاوزاك تروح تتكلم معاها واول ما تشوف الشاب دا وطلعت صورة رعد تحاول تقرب منها
الشاب…اتفقنا
عند موج وغادة…
غادة…ها ياستي هنعمل ايه دلوقتي
موج…رعد كلمني قالي انه ٥د ويكون هنا
غادة بحزن…بجد يعني هتمشي
موج…اه هشوفك بكره بئا واوعدك هقعد معاكي
قاطعهم صوت شاب…انسه موج ممكن اتكلم معاكي لحظه
موج بأستغراب…اتفضل
الشاب…ممكن اصور منك محاضرة انهاردة
موج…اه اتفضل
خد منها الدفتر ورفع عيونه شاف رعد من بعيد جاي ف قرب منها شوية وخلص تصوير وقالها…اتفضلي ممكن اقولك حاجه
موج…اتفضل
الشاب شاف رعد قرب ويقدر يسمعهم…انا بصراحه معجب بيكي وـ
قاطعه رعد بغضب…معجب بمين يلا
الشاب بتمثيل…انت مين انت

رعد ضربة بالبوكس…انا جوزها
وفضل يضرب في ورعد شد موج الي كانت عماله تصرخ والجامعة كلها جت بس خافوا يقربوا لأن دا رعد الحناوي…
رعد بغضب جحيمي…اركبي
موج بخوف..رعد
رعد…اركبييييي
موج ركبت بسرعه وهو ركب وقال…مش عاوز اسمع نفس
واتحرك بالعربية بسرعه كبيرة…
عند الشاب…
البنت جت…معلش على الي حصلك وخد ٥٠٠ج كمان اهو
الشاب بغضب…مش هتعامل معاكي تاني هاتي
ومشي وسابها البنت قالت…والله لوريكي ياموج
༺༺༺༺༺༻༻༻༻༻

عند موج ورعد…
موج بخوف…يارعد خفف سرعة شوية هنعمل حادثه
رعد مش سامع هي بتقول ايه وعمال يسرع اكتر لحد ما وصلوا ل سرعة ٢٠٠…
موج بصراخ…يارعد عشان خاطري هدي السرعة
رعد عيونه حمرا من الغضب وبصلها وقال…اسكتي بئا انا مش طايق اسمع صوتك فااااهمه
موج بصراخ…رعد حاااااسب
فجأة ظهر قدامهم عربية كبيرة جه رعد يتفاداها العربية اتقلبت بيهم مرتين…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية موج الرعد)