رواية سينا أصبحت قدري 2 الفصل السابع 7 بقلم مي محمد

رواية سينا أصبحت قدري 2 الفصل السابع 7 بقلم مي محمد

رواية سينا أصبحت قدري 2 البارت السابع

رواية سينا أصبحت قدري 2 الجزء السابع

رواية سينا أصبحت قدري 2 الحلقة السابعة

ف صباح اليوم التالى (يوم الهجو’م)
تنظر حور لنفسها بفتور ف المرآة وهيا ترتدى حلتها الرسمية ..
رعد بابتسامة وهوا يحتضنها من الخلف ..
: حبيبى ماله مكشر ليه ..
حور وهيا تحتضن يده ..
: بفكر ف كل حاجة ..المهمة هتبقا صعبة وانا مصدقت لقيتك وبقيت جمبى . خايفة اخسرك تانى صدقنى مش هقدر اقوم منها المرادى يا رعد..
يديرها رعد له..
: كل ضابط وعسكرى بيدخل سينا بيكون عنده حلم أنه يستشهد فيها ..والشهادة بتختارنا مش احنا ال بنختارها ..وانتى المفروض تفتخرى لما جوزك يستشهد وهوا بيأدى واجبه وبيحمى وطنه ..
حور بدموع تسقط تلقائيا وهيا تمسك يده..
: ويوم استشهادك هوا يوم استشهادى لاننى مش هسمح لاى حاجة تئذ’يك مهما حصل ..
رعد بضحك يحاول إخراجها من تلك الحالة ..
: احب انا القط الشرس ده هههههههه
تضربه حور بغيظ..
: بس بقا يا رخم ..
*********************

يصل احمد وروز ومنعم فى نفس الوقت ..
احمد وهوا ينادى منعم ..
: اخيرررا ايه ياعم كنت فين كل ده ..
منعم..
: كنت ف مهمة كده وخلصتها ..
روز ..
: عرفت الخطة ال تفقنا عليها وال لا..
أشار لها احمد بالصمت …
احمد
: خلونا ندخل نشوف رعد وسيف زمانه ع الطريق ..
*********************
دلف احمد ومنعم وروز لمكتب رعد بعد أن أذن لهم رعد بذلك ..
رعد ..
: اومال سيف فين ..
روز ..
: زمانه ع الطريق .
رعد ..
: تمام يالا ع ساحة التدريب وجيبوا كل العساكر الموجودين في المقر وعاوز الشبكة تتقطع عن المنطقة دى كلها ..عشان محدش من العساكر الخو’نة يقدروا يطلعوا حاجة براا ..
قاموا جميعا وذهبوا لتنفيذ أوامر رعد ..
رعد بضحك..

: جاهز يا بطل ..
حور بثقة..
: عيب عليك جاهزة ف اى وقت ..
وقاموا ليلحقوا بالفريق للتدريب ..
*********************
وصل سيف أيضا لهم بعد أن دله عسكرى على مكانهم ..
سيف. ..
: هوا رعد مش قال إنه منقولش حاجة للعساكر ..جامعهم كلهم ليه ..
احمد ..
: احنا مش هنقول حاجة للعساكر ..احنا هنتدرب كويس عشان نستعد للمهمة وهما هيتدربوا بالنسبالهم كتدريب عادى ..
سيف ..
: بس الخو’نة ال عارفين معاد الهجو’م اكيد هيعرفوا أنه احنا عرفنا بالهجو’م وهيبلغوهم ..
روز ..
: عشان كده قطعنا الشبكة عن المنطقة كلها محدش يعرف يتواصل مع حد ..وكمان منعنا خروج أو دخول أى حد سواء عسكرى أو غير ..
دخل رعد بشموخ وبجواره حور بقوة ..
نظرت حور لمنعم الذي يبدوا أنه ليس على ما يرام هناك ما يشغل عقله ..
بدأ رعد حواره ..

: السلام عليكم يا ابطاال..
الجميع ..
: وعليكم السلام يا فندم ..
رعد ..
: كلنا عارفين أنه احنا ف سينا معرضين لاى هجو’م من التكفير’يين ف اى وقت ..فلازم ناخد احتياطاتنا فالنهاردة هيتم تدريبكم على أنواع تدريبات مختلفة ..واعرفوا أنه انتو هناا مش بس لحماية الوطن وحماية اهلك وناسك انت هنا عشان تاخد تار ال سبقوك بردو ..كل ال استشهدوا ع الأرض دى حافظوا عليها لاخر نفس فيهم وادوهالنا أمانة واحنا مش هنفرط فى الأمانة دى ابدااا صح يا رجالة ..
الجميع بقوة ..
: صح يا فندم ..
وأشار لهم رعد أن يبدأوا التدريبات ..وبدأت التدريبات على قدم وساق ..كان الجميع يبزل قصارى جهده فى التمرينات الا بعض الخو’نة الذين يحاولون أن يتواصلوا مع ريان وجماعته لكى يخبروهم بالذى يحدث الان …ولكنهم فشلوا لأن رعد قطع الشبكة عن المنطقة بأكملها ..ومنهم من حاول الخروج من المقر لكى يستطيع إبلاغ الجماعة بالأخبار ولكنهم فشلوا أيضا فى الخروج ..
وتم ضبطهم جميعااا وحبسهم فى زنزانات متفرقة كما امر رعد ..
حور ..
: كل الخو’نة ال اشتبهنا بيهم وحاولوا يعملوا اتصالات وال حاول يهرب من التدريب وكمان ال كان قلقان ومتوتر ف التدريب احنا ضبطنا الكل وحبسناهم كل واحد ف زنزانة مختلفة عن التانى ..
رعد ..
: عاااش ..وانا كمان شوية رايح مخصوص لكل واحد ..

حور ..
: تمام وانا هخلص حاجة وهجيلك ..
رعد وهوا يغادر ..
: تمام ..
*********************
تذهب حور وتقف أمام منعم ..
حور ..
: عارفة كل ال حصل..
نظر لها منعم بخوف ..
: بس انا معملتش حاجة والله مش انا الخا’ين ..
حور ..
: احنا لو شاكين بس انك خا’ين مكنش زمانك واقف قدامى دلوقتى يا منعم ..انا عارفة انه جوز اختك الوحيدة إرها’بى وهوا معاهم ..وانت ليك كامل الحرية إذا مكنتش عاوز تطلع المهمة بس أنه تسكت عن المعلومات ومتقولهاش للقادة بتوعك دى تدينك ..انا لو مكنتش بعتبرك اخويا وعارفاك ع ايه كان هيبقى ليا تصرف تانى معاك ..
منعم ..
: يعلم ربى انا بعتبرك ايه يا حور ..بس دى اختى الوحيدة هتترمل وعيالها هتتيتم ..ازاى اعمل كده فيها …
حور ..
: انت ال وصلته لكده يا منعم ..لو مكنتش خبيت المعلومات كان زمانه معانا دلوقتى واهو يتسجن احسن ما يتقت’ل …وافتكر كويس يا سيادة الملازم احنا هنا مسئولين عن حياة ملايين مش حياة اهالينا وبس عشرات النساء بيترملوا كل سنة بسبب ال شبه جوز اختك ..احنا هنا عشان ننضف مصر من أمثالهم ..واختك اكيد تستاهل شخص احسن من ده يسعدها هيا وعيالها ويكونوا ف امان ..ومرة تانية بقولك لو عايز متطلعش المهمة دى ..
منعم ..

: لا طبعا ..انا اسف يا فندم على الغلطة دى معدش هتتكرر وان شاء الله بكرا هتلاقينى اول الناس ال بتحميكم وبتحمى أرضها…
حور ..
: وده العشم فيك يا بطل ..
**********************
يدخل رعد لاكثر خا’ين مشتبه فيه ..
: ازيك يا نبيل ..
نبيل بخوف ..
: ف ايه يا فندم ..انا غلطت ف ايه بس ..
رعد ..
: بقا يا راااجل بزمتك كل ده وبتسألنى غلطت ف ايه..
نبيل بتوتر ..
: انا عملت ايه بس يا فندم !!؟
رعد ..
: نبييييل ..انا وانت عارفين كويس انت عملت ايه ..كنت بتحاول تتصل بمين هنا ف سينا بقا يا نبيل !؟
نبيل وهوا يتصبب عرقا من الخوف..

: اا انا م ممم متصلتش على حد ..
رعد ..
: بس اهدى كده الجو مش حر اوى كده يعنى عشان تعرق كده ..وبعدين يعنى سجل فونك مبيقولش كده خالص ..بيقول انك عامل اتصال من نص ساعة لا وكمان الاتصال لرقم موجود هنا ف سينا ..
كاد نبيل أن يرد بتوتر ..لكن قطعه رعد بغضب وهوا يمسك رقبته بغضب..
: ولااا مش ناقص فرهدة ..يا تقول يا موتك على أيدى النهاردة ..وانت عارف أنه رعد عز الدين مبيسميش على خا’ين..
نبيل بإختناق ..
: هقول ..هقول ..
تركه رعد ..ليكح نبيل بألم من اختناقه ..
نبيل ..
: اخر حاجة عرفتها أنه هيهجمو’ا علي المقر والأوامر جاية أنه اى عسكرى على سينا لازم يمو’ت ..مش هسيبوا اى حاجة ليها علاقة بالحكومة ف سينا ..
رعد ..
: اممم والعملية ال رئيسكم ناوى يعملها ف نفس وقت الهجو’م ايه اخبارها..
صدم نبيل من معرفته كل شئ ..
رعد .
: مش وقت صدمة يا روح امك ..خلص قول ..
نبيل ..
: المفروض أنه بعد ما نخلص عليكم نروح على ……نتمم العملية وبعدها الرئيس هيسافر وهناخد سينا ..
رعد بغضب ..

: خا’اين ..بتخو’ن وطنك عشان شوية فلوس يا حقير متستاهلش الرحمة ..
نبيل ..
: يا فندم والله ما عشان الفلوس ..دول ناس واصلة اوى خا’طفين اهلى وبيهدد’ونى بيهم ولو موصلتش ليهم المعلومات هيقتلو’هم ..
رعد ..
: ده مش مبرر ..كان لازم تيجى وتبلغ القيادات وكانو اكيد هيتصرفوا وهيضحوا بنفسهم عشان ينقذ’وا اهلك ..بس انت عندك انه تضحى بوطنك عشان اهلك ال من الاساس كده كده كانو هيقتلو’هم بس كانو بيستغلوك يا غبى ..
وتركه رعد فى حسرته وندمه لما فعله ..
*******************
تتابع روز التدريبات بقوة ..لتدوخ فجأة وكادت أن تسقط إلا أن لحقها احمد ..
احمد بقلق ..
: مالك يا حبيبتى ..
روز ببعض التعب ..
: انا كويسة متقلقش يمكن دوخت من التدريبات بس ..
احمد ..

: لا مش كويسة ..ارجعى ع البيت مفيش داعى تكملى المهمة ..
روز بإصرار..
: لا هكمل معاكم المهمة للآخر
كاد أن يعترض لكن منعته نظراتها الملحة ..فعلم أنها لن تسمع له ..ولكنه سيظل مراقبا لها حتى لا يصيبها مكروه ..
********************
رعد .
: كده كل العساكر جاهزين ..
سيف ..
: كله جاهز ومستعدين ..
احمد ..
: بس لسا الدعم موصلش ..
حور ..
: الدعم هيلحقنا على هناك ..
رعد ..
: كده تمام اوى ..هنمشى ع الخطة ال اتفقنا عليها ..
الجميع ..
: تمام يا فندم ..
ف تمام الساعة الثالثة فجرا ..
يذهبون جميعا ومعهم العساكر ويتمركزون فى أماكنهم يترقبون وصول اولائك التكفير’يين لينالوا جزاؤهم ..
احمد ..
: الدعم فين يا حوور..

حور ..
: الدعم ع الجهه التانية عشان لما نهجم نكون دائرة وهما المركز هننهيهم بسرعة ..
ثم نظرت لرعد ..
حور بغيظ وهيا تمسك يد رعد..
: اطلع عايش لا تمو’ت ولا تختفي والا صدقنى هجيبك لو كنت سابع ارض وهقت’لك بإيدى ..
رعد بابتسامة ..
: بوعدك مفيش حد فينا هيصيبه حاجة وحشة ..ان شاء الله كلنا هنطلع سالمين غانمين ..
بدأ التكفير’يين بالظهور بسياراتهم للهجو’م على المقر..
رعد بزعيق…
: توكلنا ع الله يا رجالة ..
وبدأ الهجو’م والقتا’ل بضراوة من جهه الجيش المصرى الذى يحاصر بقوة التكفير’يين ويقتلو’هم واحدا تلو الآخر ..وما ساعدهم على ذلك عنصر المفاجأة..
ريان وهوا يتفادى إطلا’ق النيرا’ن بغضب ..
: فكرك مع ال عملته بردو يا رعد مش هسمحلك تطلع من المعر’كة دى الا وخسران يا رعد ..
رعد وهوا مشغول بإطلا’ق النا’ر ..
: مرة تانية يا رياان لانه الليلة بتاعتنا ..
ريان وهوا يصوب سلاحه على حور المشغولة بقت’ل كل تكفير’ى تقع عينها عليه..
: لا ماهو خسارتك مش هتكون الحر’ب خسارتك هيكون قلبك يا رعد ..وأطلق النا’ر على حوور..
رعد بصرااخ ..
: حوووووووووووور .

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية سينا أصبحت قدري 2)