رواية موضوع عائلي 3 (بيت الهنا) الفصل الثامن والعشرون 28 بقلم رحاب القاضي
رواية موضوع عائلي 3 (بيت الهنا) الفصل الثامن والعشرون 28 بقلم رحاب القاضي
رواية موضوع عائلي 3 (بيت الهنا) البارت الثامن والعشرون
رواية موضوع عائلي 3 (بيت الهنا) الجزء الثامن والعشرون
رواية موضوع عائلي 3 (بيت الهنا) الحلقة الثامنة والعشرون
لا تلمسوها حتى بأعينكم … إنها تخصني.
ــــــــــــــــــــــــــــــــــــــــــ
ـ صحي يوسف تاني يوم الصبح واتصدم اول ما شااف نيللي نايمه جنبيه وهو مش لابس هدومه، فقاام بسرعه من جنبيها ولبس هدومه بسرعه وكان لسه هيمشي بس هي صحيت وقالتله بحده..
نيللي
استني يا يوسف..
غمض عيونه بضيق وبصلها وقال
انا مش فاكر اي حاجه من اللي حصلت..
نيللي بدموع
وماله افكرك..
ـ قالت كلامها ورفعت اللحاف من علي جسمها اللي كان حرفيا كله كدمات بسبب عنفه معاها، فبص للنحايه التانيه بحزن وندم وهي قالت ببكاء..
نيللي
انت خليتني اندم اني في يوم وثقت في حد واتعاملت معاه بحسن نيه، انت واحد حقير ودلوقتي كنت عايز تهرب..
يوسف بنبره غاضبه
والله ما فااااكر حاجه والله، انا مش عارف انا ليه جيتلك بس كنت مدايق ومش عارف انا بعمل ايه؟
نيللي
وانا ذنبي ايه؟
يوسف بضيق
تتحل ليها الف حل وانا معاكي ممكن تشوفي دكتور وو..
نيللي بحده
غور في داهيه انا مش عايزه اشووف وشك تاني، والله العظيم لو شوفتك حتي صدفه يا يوسف هفضحك وهقول لاهلك واهلي علي اللي عملته فيا ده..
يوسف بقلق
طيب اللي حصل بينا ده انتي كنتي بنت وو..
زعقت فيه وقالت وهي دموعها بتنزل
يا سلام ما انت فااكر كويس كل حاجه اهو بتعمل فيها ناااسي ليه، ومالكش دعوه انا اللي غلطانه والناس كلها هتقول انا اللي غلطانه فسيبني احل مشكلتي لوحدي..
يوسف
انا هسيبك تهدي بس انا مستعد اعمل اي حاجه لانه غلطي انا مش غلطك انتي..
نيللي بسخريه
هتعمل ايه هتتجوزني وانت بتحب رضوي؟!
_اتنهد بضيق وسابها ومشي واول ما رجع البيت كانت قااعده شهد في الجنينه وبتشرب القهوه بتاعتها وهي ماسكه موبيلها، فراااح قعد جنبيها ونام براسه علي كتفها وقال بحزن..
يوسف
انا تعباان اووي يا ماما..
بصتله شهد بخوف وقالت
تعبان في ايه مالك وكنت فين لحد دلوقتي، كنت بايت فين يا يوسف؟
اتنهد يوسف بضيق وقال
في اليخت..
وبص لخدها اللي كان باين عليه أثر ضرب يونس ليها وقال
انتي ليه سكتي يا ماما وقاعده هاديه كمان، ليه ما تطلقيش منه انا بحب ابويا ومش هكرهه بس زعلان منه وتعبان اووي بسبب اللي بيعمله معاكي ده..
ابتسمت بهدوء وقالت
وهو ايه اللي حصل اصلا كويس انها جات فيا انا وما جاتش في اختك، وبعدين ما تركزش معايا انا وباباك انت كبير وفاهم ان في خصوصيه خليك في حالك بقي، وقووم يلا رووح خد شاور وغير هدومك دي عشاان تروح شغلك مع باباك وهنساافر بكره مع عز الدين وابنه الصعيد..
يوسف
حاضر يا ماما بعد اذنك..
_وسابها يوسف وراااح اوضته وهي خلصت القهوه بتاعتها وراحت ليارا وياسمين اوضتهم ولقيتهم صاحين وقاعدين بيتكلمو مع بعض..
شهد
طيب مدام. صاحيين شويه وتجهزو عشان هتيجو معايا نشووف هنجيب ايه ناخده معانا واحنا مستفرين للناس اللي رايحين عندهم…
يارا بقلق
مامي انا كنت عايزه اتكلم معاكي وو
شهد بحده
وانا مش عايزه اتكلم معاكي، وما تتكلميش معايا خالص انتي تقولي حاضر وبس بعد كده، وانتي كمان يا ست ياسمين ما تتكلميش معايا برضو عشاان تبقي تسمعي كلامها وتمشي وراها كويس بعد كده..
_قالت شهد كلامها وطلعت وياسمين فضلت تضحك ويارا قالتلها بغيظ..
يارا
انتي بتضحكي علي ايه انتي كمان؟
ياسمين
حسيتها مامتي اووي وهي بتعاقبني معاكي كنت هزعل لو كانت طنشتني وعاقبتك لوحدك..
ابتسمت يارا غصب عنها وقالت
والله بجد هم يضحك وهم يبكي..
ياسمين
بس هو زين عملك بلوك بجد؟
يارا
انتي بتفكريني ليه اخرسي يا ياسمين..
ياسمين كتمت ضحكتها وقالت
حقه والله الواد تعب معاكي وانتو لسه في البدايه كده ما بالك في اللي جاي..
ضربتها يارا بالمخده وقالت
اطلعي بره يا ياسمين ده انتي رخمه بجد..
_وفي اوضة شهد ويونس دخلت شهد لقيته خلص لبسه وكان خارج من الاوضه بس لما شافها بصلها بحزن وقبل ما يتكلم قالت هي بهدوء..
شهد
الفطار جاهز تحت ويزن بيفطر ويوسف شويه ونازل كان بايت في اليخت امبارح وتقدر تسأله انت برضو براحتك..
يونس بهدوء
انا اسف حقك عليا..
شهد
لا عادي يا يونس انا اتعودت منك علي كده..
يونس
لا لا بصي انا قدامك اهو اضربيني نفس القلم ومش هزعل منك، بس انتي ما تزعليش انتي ما تعرفيش انا كنت حاسس بأيه وقدام الظابط ونيللي بنت الجرجيري دي وزين واخواتها وهما بيقولو انها كانت مع واحد في اوضته، لا وكمان كان بيحاول يعتدي عليها، انا بنتي يحصلها كده يا شهد؟
شهد بسخريه
ما خوفتش ليه عليها كده وانت كنت كل يوم والتاني سهران مع واحده شكل وبتعمل علاقات مقرفه معاهم، ما خوفتش ليه علي بنتك ان اللي بتعمله في بنات النااس يتكرر معاها، مش فالح بس غير انك. تجيب الحق عليا انا، بس عادي انا هشيل الغلط ده لوحدي وهخلي بالي من بنتي وولادي كلهم بعد. كده من غير ما انت تقولي..
يونس بهدوء
تمام مش هتناقش معاكي في اي حاجه دلوقتي لان حقك تزعلي عشان طلعت عصبيتي كلها عليكي، بس والله ما كنت اقصد وبعدين هو انا مين بيستحملني غيرك يا مراتي يا حبيبتي..
شهد بضيق
اوعي يا يونس لو سمحت انا مش فيقالك والله ومش فضيالك وانت كمان عندك. شغل اتفضل بقي روح وسيبني في حالي..
يونس بقلق
طيب هخلي السواق يستناكي عشان يوصلك شغلك
شهد
شغل ايه ما خلاص انت اخدت قرار هو من امتي يونس الصاوي بيرجع في قراراته؟
يونس بضيق
يوووه يا شهد ما بقولك كنت متعصب شويه خلاص بقي واعتذرت اهو وبقولك اللي عايزااه اعمليه وما عملتش جريمه يعني
شهد بحده
وانا مش راجعه الشغل ده تاني وزي ما انت عملته انهيه، علي الاقل مش هترجع تزلني بأن الشركه دي انت اللي عملتها بفلوسك
يونس
ومالو اللي انتي عايزااه يا شهد هانم..
_ وسابها وطلع بس ما نزلش يفطر، رااح لاوضة يارا وخبط علي الباب فقالت ياسمين بهدوء..
ياسمين
ايوه ادخل..
_دخل يونس واول ما شافته يارا اتنفضت بخووف وهو قال لياسمين بجمود…
يونس
انزلي افطري يا ياسمين مع اخواتك تحت لحد ما اتكلم مع يارا شويه..
ياسيمين بهدوء
حاضر يا اونكل..
_ونزلت ياسمين وهو قفل الباب ورااح قعد جنب يارا وبصلها بغضب وقبل ما يتكلم حضنته جامد وفضلت تعيط وقالت..
يارا ببكاء
حقك عليا يا بابا انا اسفه وندمانه والله علي اللي حصل ده، بس هما ضحكو عليا وانا ما كنتش فاهمه حاجه..
ـ ولعبت يارا فعلا علي نقطة ضعفه واستغلت عاطفته كأب ليها، فأتنهد بضيق وبعدها وقال بجديه..
يونس
اخواتك الولاد عندي في حته وانتي في حته تانيه خالص، من اول ما اتولدتي وانا بقول لامك دي هتبقي ملكه وسط بنات جيلها كلهم، انا عمري طلبتي مني حاجه وقولتلك لا، حتي موضوع زين دوست علي نفسي وعلي زعل اخواتك ووقفت جنبك فيه لكن في حاجات تانيه يا يارا بتبقي غلط لما اقولك عليها لا تبقي لا علي طول..
يارت بدموع
حاضر والله ودي غلطه علمتني كتير، انا الخوف اللي شوفته هناااك هيخليني غصب عني بعد كده ما اصدقش حد ولا اعمل حاجه تاني من ورااك..
حضنها يونس وقال بهدوء
ما تخفيش يا قلب بابا انا ديماً معاكي، واقسم بالله وغلاوتك عندي لاخلي الواد اللي خوفك ده وحاول يدايقك هو واي حد. كان سبب في اللي حصل ده يسف تراب الارض من اللي هعمله فيه هو واهله..
ابتسمت يارا وقالتله
اخاف ازاي انا بقي وانا ابويا يونس الصاوي، بجد والله ما تزعلش مني وانا مش هكررها تاني ولا هعمل اي حاجه تاني من ورااك انت ومامي، وعلي فكره انا اللي غفلت مامي انا وياسمين ورحنا من وراها، ودي اول مره اعملها لانها ديما بتبقي عارفه عني كل حاجه بس اللي حصل ده كان غلطه ومش هتتكرر..
يونس بهدوء
ان شاء الله يا حبيبتي يلا تعالي معايا واعتذري لاخواتك وصالحيهم هما برضو بيحبوكي زي ما انا وامك بنحبك وبيخافو عليكي..
يارت بحمااس
حاضر يلا بينا..
ــــــــــ #بقلم_الكاتبه_رحاب_القاضي ــــــــ
ـ في بيت الاستاذ حسن رجع من شغله اخر اليوم وهو مبسوووط جدا واول ما دخل البيت كانت ليلي قااعده في الصاله هي وعزالدين وريناد وهنا وروز وقدامهم كراتين كتير…
حسن
ايه ده كله انتو بتعملو ايه؟
عز
بنجهز الحاجات اللي هناخدها بكره لعلياء..
حسن
كل ده انتو واخدين البيت معاكم ولا ايه؟
عز
قول لمراتك انا ما جيبتش حاجه..
ليلي
يعني هي اللي بتجيبه علياء وهي جايه قليل وما تنسااش يا حسن ان دلوقتي بنتنا عندهم يعني الوضع غير الاول…
حسن
الكلام ده لو حد غريب مش مع اختي، المهم روفان فين؟
روز
قاعده علي موبيل ريناد جوه..
حسن قرب من روز وشالها وقال
طيب يا جماعه نبارك كلنا لروز اللي كالعاده بتطلع الاولي علي المدرسه…
فرحو كلهم وباركولها وليلي قالت بقلق
وروفان طمني عملت ايه هي كمان؟..
حسن.
تتوقعو عملت ايه؟
ليلي
بس زي كل سنه ما نجتش في ماده او مادتين..
عز
تعوض السنه الجايه مالكوش دعوه بيها..
حسن
انت اللي مالكش دعوه بيها لما اتلهيت في ابنك. عنها شويه البنت نجحت السنه دي..
اتصدمو كلهم وليلي قالت
انت بتتكلم بجد روفان نجحت دي ما ذاكرتش غير ايام الامتحانات..
حسن.
سبحانه بقي… هدخل اقولها الخبر ده..
_ودخل حسن الاوضته بتاعت روفان وروز لقاها قااعده تحت السرير..
حسن.
بتعملي ايه عندك..
روفان
سمعتك بتقولهم بره النتيجه ظهرت وربنا ما انا طالعه..
حسن
يا بنت الهبله اطلعي انتي نجحتي..
روفان
انتو هتضحكو عليا عشان اطلع وانت ومراتك تضربوني..
حسن ضحك وقال
والله نجحتي انا مش عارف ده حصل ازاي بس نجحتي..
طلعت من تحت السرير بسرعه وقالت
انت بتتكلم بجد يا سونه نجحت نجحت اللي هو مش ساقطه في ماده او اتنين..
حسن
لا نجحتي نجحتي يا مفعوصه ايوه مش طالعه من الاوائل زي اختك بس انا معاكي لحد ما تبقي اشطر واحده زي اختك، المهم بعد ما نسافر البلد ونرجع هاخدكم افسحكم فسحه حلوه اووي..
روفان
انت هتضحك عليا بتكلم عيله صغيره حضرتك..
حسن
اومال انتي عايزه ايه يا وليه يا صغيره؟
روفان
عايزه خاتم الماااظ زي اللي جابه عبدالله لروان في شبكتها..
حسن
يخربيتك اجيبلك انا واحد زي ده. منين، ده انتي تسقطي احسن بطلباااتك دي..
روفان
خلاص نسرق بتاع روان..
حسن بغيظ
غوري من قدامي يا بنت الجزمه وسيبي اختك. في حالها، وانتي يا روز عايزه ايه يا حبيبتي؟ ..
بصتله روفان بغيظ وروز قالت
انت كنت واعدني بتابلت جديد بس لو مش معاك تجيبه خلاص كفايه الفسحه..
حسن.
شايفه يا ست روفان، والله انا ما خلفت غيرها السكر دي وهجيبلكم التابلت يا حبيبتي انتي واحد واختك واحد بس الشهر الجاي اتفقنا..
روفان
جاي علي نفسك ليه وهتجيبلي..
حسن
بس يا حجه اسكتي طفله بلساان واحده عندها 70 سنه..
دخل عندهم عز وقال
حسن هنساافر كمان شويه بدل بكره.
حسن
ليه ما بكره كويس..
عز.
عشان نلحق نقعد هنااااك شويه، وانا كلمت يونس وهبعتله زين يجيبهم ويروح معاهم عشان الطريق..
حسن.
مااشي يا عز علي بركة الله..
ــــــــــ #بقلم_الكاتبه_رحاب_القاضي ــــــــ
_وفي شركة يونس الصاوي كان قااعد علي مكتبه وقداامه عاادل وسليم ابنه اللي حاول يعتدي علي يارا وعادل قال بخوف..
عادل
انا جيبته لحد. عندك اهو يا يونس بيه هيتأسف ويبوس رجلك قبل ايدك، وهو قالي انه ما كاتش يعرف انها بنت حضرتك..
يونس بس لسليم اللي قاعد مدايق وقال بجمود
كنت تعرف انها بنتي يالا ولا لا؟
بص سليم لباباه بتوتر وقال
لا ما كنتش اعرف.
يونس قاام وقف وقال
ما كنتش تعرف ايه؟
_وقف سليم بخوف اول ما لقي يونس وقف قدامه وقال بتوتر اكبر ونبره مرتجفه..
سليم
مم ما كنتش اعرف انها بنت حضرتك..
_اول ما خلص كلامه ضربه يونس بالبوكس في وشه خلاه وقع علي الارض، وقام عادل بسرعه وقال بخوف..
عادل
ارجوك يا يونس بيه ابني لسه صغير وطايش، هو اتعلم الادب خلاص ومش هيبص لبنتك تاني حتي ولا ليه دعوه بيها..
يونس
انا ضربته عشان كده ولولا انك راجل كبير انا كنت عملت فيك زيه واكتر، خد. ابنك وغور من هنا وتحمدو ربنا اني خايف علي سمعة بنتي كان زمان ابنك امبارح ما طلعش منها بس لو حصل ودايق بنتي تاني بأي حاجه او جاب سيرتها علي لساانه هوجع قلبك عليه اوووي..
عادل
والله اللي انت عايزه هيحصل قوم يا سليم يلا بينا..
_قام. سليم وطلع مع ابووه وهو متعصب جدا وقال لابوه وهو بيشاور لمناخيره اللي بتنذف…
سليم
هو ده اللي هنيجي نعتذر ومش هيعملنا حاجه..
رد. عليه ابوه وهو ماشي جنبيه وقاله
احمد ربنا انها جات علي قد كده معاااك، الراجل ده ايده طايله والكل عارف عنه ان دماغه مقفله وما بيتفاهمش وتربية شوارع وحواري وبلطجي قديم، وبعدين ما لقيتش غير بنته اللي تعمل معاها كده..
سليم
ما فيش واحده احلي منها، البنت زي القمر..
عادل
انت تركز في مذاكرتك ومستقبلك ولو قربت من البنت دي تاني ابوها مش هيعديها علي خير لا معاك ولا معايا، اتنيل قداامي يلا…
ــــــــــ #بقلم_الكاتبه_رحاب_القاضي ــــــــ
_وفي شغل رضوي كانت واقفه هي ويزن بيراجعو الشغل بتاعهم..
يزن
كده تمام انتي هتاخدي اجازه كام يوم؟.
رضوي
يوم الاحد هكون هنا ان شاء الله..
يزن
تمام انتو مسافرين النهارده علي فكره..
رضوي
النهارده ازاي بكره هنسافر كلنا واهلك معانا..
يزن
مش عارف انا لسه بابا قايلي أنهم مسافرين بالليل..
رضوي
طيب انا همشي بقي عشان ما اتأخرش عليهم..
وجات تمشي بس رجعت تاني وقالتله
معلش بس كنت عايزه أسألك علي حاجه..
يزن
خير يا رضوي؟
رضوي
هي مين نيللي البنت المحاميه اللي كانت موجوكه امبارح معاكم في القسم؟..
يزن بخبث
دي بنت ناس معرفه يعني وان شاء الله لو حصل اتفااق بينها وبين يوسف هتبقي في خطوبه رسمي..
بان علي ملامحها الحزن وقالت
ما انا قولت كده برضو ربنا يتمملهم بخير…
يزن كتم. ضحكته وقال
يارب وعقبااالك..
رضوي بجمود
بعد. اذنك..
يزن
اتفضلي..
مشيت رضوي وهو قال بسخريه
يخربيت دماغك يا يوسف عرف يوقع البنت بجد..
ــــــــــ #بقلم_الكاتبه_رحاب_القاضي ــــــــ
_وفي مول كبير كانت ماشيه هناك شهد ومعاها يارا وياسمين وهما بيتفرجو علي محالات الملابس..ووقفت شهد قدام محل محجبات وقالت..
شهد
تعالو يا بنات هندخل هنا..
يارا
ادخلي انتي يا ماما وانا وياسمين هنروح نشرب حاجه..
شهد
لا انا داخله عشانك انتي يا ست يارا..
يارا
وانا مالي يا ماما باللبس ده، مش استايل لبسي الحاجات دي
شهد.
احنا كنا متفقين انك هتتحجبي يلا بقي جه وقت اللحظه دي وانا معلمااكي ازاي تلبسي الحجاب وتنسقي لبسك عليه
ياسمين
بجد يا طنط انا نفسي اوي اشوف شكلك بالاستايل ده…
يارا بضيق
يا ماما انتي قولتيلي بعد ما اخلص الثانويه ابقي البسه مش دلوقتي..
شهد بنبره غاضبه
لما كنتي بتسمعي كلامي انا كنت كمان بسمع كلامك وبعملك كل اللي عايزاااه، انما دلوقتي انا اللي اقوله يتنفذ وبس يلا قداامي..
يارا بدموع
يعني انتي بتعاقبيني باني البس الحجاب وانا مش عايزه..
اتنهدت شهد بضيق وردت عليها بهدوء وقالت
الحجاب مش عقاب يا يارا وانا لو هعاقبك علي اللي عملتيه مش بأني اخليكي تلبسي الحجاب..
يارا
اومال اللي انتي بتعمليه دلوقتي ده ايه؟
شهد
بحافظ عليكي الحجاب مش هم ولا حاجه عيب ووحشه عشان اعاقبك بيها، الحجاب اللي انتي زعلانه عشان هتلبسيه دلوقتي اول حاجه هو فرض عليكي لانك بنت مسلمه ولازم تلبسيه وسيبك بقي من كلام ان دي حريه شخصيه، احنا مسلمين والحجاب فرض عليكي وعلي كل بنت مسلمه، ثانيا بقي الحجاب هيقربك من الناس اللي شبهك في اللبس وفي التعامل وهيبعد عنك اي نظره وتفكير مش كويس..
يارا
ومين قالك بقي يا مامي ان كل اللي لابسين الحجاب كويسين
شهد
انا ما قولتش كده كل حاجه فيها الحلو وفيها الوحش، بس علي الاقل مش هتلاقي بنات ملتزمين في لبسهم شبه منه والشله بتاعتها ولا ايه يا ياسمين انتي كمان؟
ياسمين بأقتناع
معاكي حق يا طنط انا اقتنعت واول ما هكلم بابي هقوله اني هلبس الحجاب..
يارا بصدمه
ياسمين انتي بتهزري صح ده انتي قبل كده كنتي بتقولي مستحيل البسه..
مسكت ياسمين في ايد شهد وقالت
لو هبقي حلوه زي مامي شهد كده في الحجاب ما عنديش مشكله اني البسه وبعدين انا كلام طنط اقنعني..
شهد ابتسمت وقالت
طنط ايه بعد كده انا مامي شهد ما تقوليش غير كده اتفقنا.
ضحكت ياسمين بهدوء وقالت
اتفقنا يا مامي..
بصتلهم يارا بضيق وشهد قالتلها
هصالحك وكأن ما فيش حاجه حصلت لو جيتي واختارتي معايا الحاجات اللي هتليق عليكي وسمعتي الكلام زي ياسمين كده..
يارا بضيق
اوكي يا مامي حاضر.
_ابتسمت شهد بأتسااع واخدتها ودخلو المحل ومعاهم ياسمين، وبدأت شهد تختارلها هدوم محتشمه لايقه علي سنها ولبست فعلا يارا الحجاب وكانت نسخه من شهد علي اصغر..
ــــــــــ #بقلم_الكاتبه_رحاب_القاضي ــــــــ
ـ وبالليل في بيت يونس الصاوي كان يوسف واقف وبيجهز في شنطته ويزن قاعد قدامه علي السرير وقاله بضيق..
يزن
وبعدين عملت ايه؟
يوسف بضيق
ولا حاجه سيبتها ومشيت كنت هعمل ايه يعني؟
يزن
يعني دمرت البنت واعتديت عليها وضيعت شرفها وفي الاخر بتقول كنت اعمل ايه، يا برودك يا شيخ انت ما عندكش دم والله..
يوسف
وطي صوتك يا يزن وبقولك ما كنتش في وعيي ومش عارف انا كنت بعمل ايه…
يزن
والعمل دلوقتي لو بلغت اهلها هيحصل ايه؟
يوسف
مش هتبلغ هتخاف علي سمعتها عشان شغلها اللي هي بتحبه جدا ده وابسط ما فيها اقول اللي حصل كان بمزاجها وانا كنت في شقتها..
يزن
يووسف ما تبقاش ندل انت بنفسك قولتلي ان ما كانش برضاها فخليك راجل واتحمل نتيجة الغلط ده..
يوسف بنبره غاضبه
واعمل ايه اروح اتجوز واحده مش بحبها، انا غلطت بس هي كمان غلطت لما خلتني ادخل عندها وانا بالحاله دي وهي تتصرف بقي المهم انا يا اتجوز رضوي يا مش هتجوز خالص، مش هتجوز انا واحده ما بجبهاش واخلف عيال يتعقدو بينا..
يزن
بس الموضوع كبير..
يوسف
لا كبير ولا حاجه الموضوع اتقفل ومش هيتفتح وما تخلنيش اندم اني فضفضت معاك بكلمتين..
يزن
طيب كفايه انت واخد الهدوم دي كلها معاك ليه؟
يوسف
مش عارف سرحت معاك وعمال احط في هدوم وخلاص، ما تيجي معانا
يزن
لا مش فاضي ورضوي سايبه الشغل علي دماغي مش هينغع امشي انا وهي..
دخل يونس عندهم وقال
تعالو معايا زين تحت..
يوسف
جاي ليه دلوقتي؟
يونس
مسافر معانا عشان ما نعرفش الطريق وكده، واخلص يلا انت وهو..
يزن
انا فاصل من الشغل وهنااام قابله انت ويوسف..
_وفي الوقت ده كان قاااعد زين في مكتب يونس مستنيه، ودخلت عنده يارا وهي ماسكه صنية القهوه واول ما شافها زين بالحجاب ابتسم وقال..
زين
انتي اتحجبتي امتي؟
حطت القهوه قدامه وقالت
النهارده وقولي بقي قبل بابا ما ينزل انت لسه زعلان مني؟..
زين
ايوه وجدا كمان..
يارا
لدرجة انك ما تردش عليا وتقول اني زي اختك، يعني خلاص كده يا زين؟
زين
لا هو زعلي منك مالوش علاقه باللي انا قولته، وايوه ما بردش عليكي عشااان زعلان..
بصتله يارا بعدم فهم وهو ابتسم بهدوء وقال
قولت انك زي اختي لان في اتفاق بيني وبين ابوكي ان ما حدش يعرف موضوع الجواز ده غير بعد ما تخلصي الثانويه وما كانش ينفع اقول حاجه غير اللي احنا متفقين عليها عشان ما اطلعش عيل قداامه او ابان اني استغليت الوضع وعملت اللي عايزه، فهمتي بقي قولت ليه انك زي اختي ولو كنت زعلان فبعد ما شوفتك بالشكل القمر ده خلاص مش زعلان…
ابتسمت يارا بهدوء وقالت
ده صوت بابا هخرج انا بقي عشان ما يزعلش..
_طلعت يارا وراااحت لاوضتها هي وياسمين وهي مبسووطه جدا وقالت..
يارا
زين صالحني..
ياسمين
هو مش انتي اللي مزعلاااه؟
يارا
عادي المهم انه خلاص مش زعلان وكمان قالي ان شكلي قمر اووي في الحجاب
ياسمين
اليوم كله انا ومامتك بنقنعك ان شكلك حلو بالحجاب وانتي قالبه وشك علينا ودلوقتي لما سي زين قالك شكلك حلو وشك بقي كله فرشاات وعنيكي بتطلع قلوب..
ضحكت يارا وقالت
هو قالي بطريقه حلوه اقنعني بيها، انتي مش مجهزه شنطتك ليه؟
ياسمين
لا ما هو انا ماشيه الصبح
يارا
ليه انتي مش جايه معانا الصعيد؟
ياسمين
لا بابي كلمني وقالي انه خلي حد. يحجزلي ومسافره عنده بكره..
يارا بحزن
لا ما تسافريش هو يجيي احسن..
ياسمين
ما انا عايزه ابقي جنبه لحد ما يخف ونيجي مع بعض، وبعدين احنا كل يوم هنتكلم وقبل الدراسه ما هتبدأ انا هكون جيت..
يارا
طيب احنا هنسيبك لوحدك؟
ياسمين
لسه كنت بكلم مامتك وقالتلي ان يزن بكره قبل ما يروح الشغل هياخدني يوصلني المطار..
يارا
كنتي عايزاكي تيجي معايا اووف..
ضحكت ياسمين وقالت
معلش بقي عشان بابي محتاج اني ابقي جنبه، مره تانيه بقي اكيد هنروح تاني..
_وفي مكتب يونس كان قااعد زين قدام يوسف اللي بيبصله بضيق ويونس اللي قاله بجديه..
يونس
بص يا زين لو الموضوع اللي حصل مع يارا ده هيخليك تغير وجهة نظرك عن الاتفاق اللي بينا فمفيش مشكله، واحنا هنفضل حبايب زي ما احنا وهنروح الصعيد برضو معاكم وكأن ما فيش حاجه حصلت..
يوسف
عادي يا بابا كل حاجه نصيب، ربنا يرزقك ببنت الحلال يا زين..
زين
ايه الكلام ده يا اونكل يونس اللي حصل مع يارا ده غلطه اي بنت في سنها ممكن تغلطها وانا عارف اخلاق يارا كويس ومش موقف زي ده هيخليني اسيبها ولا ابعد عنها، انا مستحيل اسيب يارا ولسه عند اتفاقي مع حضرتك..
يوسف
ليه يعني سحرالك مثلا انا لو مكانك اقطع علاقتي بالعيله دي خالص..
يونس
يووووسف بطل هزارك الرخم ده، وروح بلغ امك واختك اننا هنتحرك دلوقتي يلااا..
قام يوسف وسابهم ويونس قال بابتسامه بسيطه
اخواتها بيغيرو عليها جدا فأنت. تعتبر نفسك ما سمعتش حاجه مهما قال لا منه ولا من. اخوه تمام..
زين ضحك بهدوء وقال
حاضر ومقدر حاجه زي دي جداً..
يونس
يا اخي انا نفسي افهم انت ازاي ابن عزالدين سبحااانه..
ــــــــــ #بقلم_الكاتبه_رحاب_القاضي ــــــــ
_ وفي الصعيد كانت قااعده لميااء هي وعليااء مع بعض واسرار قاعده مع رضوي بنت كمال اللي قالتلها..
رضوي
اقولك علي سر يا أسرار بس ما تقوليش لروان اني قولتلك
اسرار
لا لو سر بينك وبينها انا مش عايزه اعرفه عشان هي ما تزعلش..
رضوي
بس هي زعلانه اووي..
اسرار
زعلانه ليه؟
رضوي
مش عارفه هي جات عندي امبارح قالت عايزه تنام جنبي وفضلت تعيط اووي وما نامتش عشان صحيت لقيتها بتعيط..
اسرار
هي فين دلوقتي؟
رضوي
كانت قاعده فوق بتقولي مستنيه اهلها يجو وهتنزل..
اسرار
طيب خليكي قاعده مع جدتك هنا وانا شويه وجايه..
_وسابتها أسرار وطلعت فووق لقيت روان قاااعده لوحدها وباين عليها الحزن جداً وهي بتبص من فووق..
أسرار
هدايقك لو قعدت معاكي شويه..
مسحت روان دموعها بسرعه وقالت
لا خالص تعالي يا أسرار..
قعدت أسرار جنبيها وقالت
ليه قااعده لوحدك هو انتي مدايقه مني في حاجه؟
روان
لا طبعا بس انتي ليه بتقولي كده؟
أسرار
مش عارفه بس قولت يمكن وجودي معاكم مدايقك…
روان
بصراحه كنت الاول بدايق عشان كنت بغير منك علي عبدالله بس خلاص انتي وعبدالله زي الاخوات وانا فاهمه كده كويس دلوقتي..
أسرار
طيب انتي ايه اللي مزعلك وليه قااعده لوحدك، لو حاجه مديقاكي اتكلمي معايا بدل ما تقعدي لوحدك وانا اوعدك اني ما هقولش عليها لحد خالص والله..
اتنهدت روان بضيق وقالت
انا وعبدالله هنطلق..
أسرار اتصدمت وقالت
ازاي يعني علي فكره عبدالله بيحبك قووي، هو ممكن يبقي عصبي شويه الفتره دي بس اللي حصل معاه وموت عمر اخويا اثرو فيه قووي، اتحمليه شويه وهو والله بيحبك وكلنا عارفين كده..
روان بدموع
هو انتي فاكره ان انا اللي طلبت الطلاق يا أسرار، لا هو اللي ما بقاش بيحبني زي ما انتي بتقولي وما بقاش عايزني خلاص..
أسرار
عبدالله ما بقااش يحبك انتي مستحيل طبعا، وايه اللي حصل طيب يخليه ياخد قرار زي ده..
روان بتوتر
هحكيلك بس الكلام ده ما يطلعش بره يا أسرار..
اسرار
اكيد طبعا بس قوليلي في ايه؟
_وقالتلها روان علي اللي حصل بينها هي وامير قبل جوازها من عبدالله ومعرفة عبدالله بالموضوع كله..
ابتسمت أسرار وقالت
علي فكره تصرفااته دي برضو دليل انه بيحبك ولسه بيغير عليكي..
روان
بطلي عبط بيحبني يقولي نطلق.
اسرار
وقت الجد مش هيطلقك بس بلاش تحسسيه انك زعلانه قوي اكده..
روان
لا مش فاهمه قصدك ايه؟
اسرار
قصدي ارجعي اتعاملي بطبيعتك بلاش تبااني مطفيه كده وتساعديه في القرار ده..
روان
يعني اعمل ايه برضو؟
اسرار
مش انا اللي هقولك تعملي ايه ده. جوزك انتي واكيد. عارفه نقطة ضعفه، قصدي تستغلي نقط ضعفه انك تخليه بتراجع عن القرار ده ويتأكد انه ما يقدرش يعيش من غيرك..
روان
لا لا هو بطل يحبني..
اسرار
جربي مش هتخسري حاجه..
ابتسمت روان بخبث وقالت
والله معاكي حق اصلا عبدالله ما بيحبش الشخصيه الضعيفه، انا بقي هعمل زيه ونشووف مين فينا اللي هيكسب..
طلعت الشغاله في الوقت ده وقالت
الست علياء بتقولكم العشا جاهز وهي في انتظاركم..
روان
انا مش جعااانه قوليلهم روان عامله دايت مش هتاكل بعد كده معاكم..
ضحكت اسرار وقالت
ايوه هي دي روان اللي احنا نعرفها..
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت سيف وشرين كانو قااعدين قدام التلفزيون وشرين قالتله بقلق..
شرين.
هو كمال ابن خالتك ده كان عايزك في ايه؟
سيف
بيقول انه هيصالحني انا وعبدالله علي بعض وهرجع الشغل، يا ينتي هما يفهمو فيها ايه دول ما يقدروش يستغنو عني اصلا..
ابتسمت شرين بسخريه وقالت
انت هتقولي المهم انت جيبت الفديو اللي مع طليقتك
سيف
قصدك الفديو اللي بتضربي فيه تيا بنتي؟
شرين بحده
تاني يا سيف ما انا بررتلك اللي حصل
سيف
مش قصدي بس لسه معاها انا مسحت اللي عند ماما، وهكلم ريناد واخد منها الفديو في اقرب وقت..
شرين
ارجوك يا سيف تجيبه منها قبل ما تأذيني بيه، وكمان شووف حل عشان ناخد بنتك منها وتتربي معانا..
سيف
لا تيا معاها احسن..
شرين
وانا وانت نقعد من غير ولاد وانت مش راضي تخلينا نتبني طفل، انا عايزه بنتك تتربي معايا هنا يا كل واحد فينا يروح لحاله..
سيف
ايه الاوفر ده وانا اجيبلك بنتي ازاي وهي في حضانة امها..
شرين
لا سيب الموضوع ده عليا انا، وتصالح قرايبك وترجع شغلك زي الاول عشان اقدر اعيش في نفس المستوي اللي انت وعدتني بيه، واهم حاجه يا سيف تجيب الفديو من طليقتك..
سيف
اوكي يا شرين هعملك كل اللي عايزااه سبيني بقي اركز في الماتش..
ــــــــــ #بقلم_الكاتبه_رحاب_القاضي ــــــــ
_وبعد شويه خلص عبدالله شغله في مكتبه وطلع اوضته وهو فااكر ان روان نايمه عند رضوي بنت اخوه، بس اتفاجي اول ما دخل اوضته ولقاها قااعده قداام المرايا ولابسه فستان قصير شويه وشعرها مفرود وبتظبط في المكآب البسيط بتاعها..
حاول يبعد نظرااته عنها وقال
انتي بتعملي ايه في الوقت ده؟
روان
ولا حاجه مستنيه اهلي رضوي قالتلي انهم علي وصول نص ساعه بالكتير وهيبقو هنا..
عبدالله
هيوصلو وهما تعبانين وهينامو اقفلي النور ده احنا كمان هنام..
روان
ناام انت براحتك انا هنزل استناهم..
وجات تطلع بس هو قال بحده
استني عندك انتي نازله بالمنظر ده؟
روان
ايوه عندك مشكله؟
عبدالله بغضب
ايوه طبعا ازاي يعني تنزلي بالمنظر ده انتي اتجننتي
روان
انا كنت باجي قبل ما اتجوزك هنا وكان لبسي بيبقي كده ما كنتش بتتكلم وقتها..
عبدالله بغيظ
لو كنت اطول وقتها اكسر راسك كنت عملتها بس ما كانش ليا الحق، انما انتي دلوقتي مرااتي ومن حقي انك تسمعي كلامي وتنفذيه
روان
بس احنا هنطلق وانت ما بقتش تحبني فليه بتغير دلوقتي..
_اتوتر من كلامها ورااح قفل الباب بالمفتاح وهي كتمت ابتسامتها وقبل ما تتكلم قال هو بجديه..
عبدالله
ولا كلمه ما فيش نزول من الاوضه دي غير باللبس اللي انا راضي عنه، ولو مش عاجبك يبقي ما تنزليش خالص..
روان
طيب انا مش جايلي نوم..
عبدالله
عايزه ايه يعني في ليلتك دي؟
اتنهدت روان بضيق وقالت
اوووف انا مش عارفه ازاي هتحمل اليومين دول كده معاك، بس انت طلع معاك حق يعني بعد ما هنتطلق انا هرجع لحياتي وو..
عبدالله بنبره غاضبه
هترجعي تتصرمحي علي حل شعرك..
روان بنبره هاديه ردت عليه وقالت
بالعكس ده انا اخدت درس حلو اووي منك ومن غيرك، واتعلمت حاجات كتير فلما هرجع لحياتي القديمه في حاجات كتير هتتغير علي الاقل لما اختار شريك حياتي بعد كده اختار حد بيحبني بجد. ومنااسب ليا..
عبدالله
شريك حياتك؟! يعني ناويه تتجوزي تاني؟
روان ضحكت بسخريه وقالت
وما اتجوزش ليه تاني هو انا وحشه ده انا شكلي زي القمر واقعد واحط رجل علي رجل واختار الراجل اللي علي مزاجي..
_زادت عصبيته وغضبه وقرب منها بخطوات بطيئه خلتها تبدأ تخاف منه وقالت بتوتر وقلق..
روان
يعني بعد ما اطلق منك اكيد مش دلوقتي..
مال عبدالله عليها وهي قااعده علي الكنبه وقال بجمود
انتي لسه مرااتي وعيب اووي تجيبي سيرة الجواز والرجاله علي لساانك يا مدام..
روان
وايه العيب في اني هتجوز بعد ما اطلق ولا انت فاكرني هفضل عايشه علي ذكراااك
عبدالله بغيظ
مش هطلقك..
روان
ليه؟
عبدالله بغيظ
مزاج بقي مش هطلقك يا روان غير بمزاجي
روان
هقول لبابا ان انا اللي عايزه اطلق..
عبدالله
لا ابوكي ولا الجن الازرق هيخليني اعمل حاجه انا مش عايزها
روان
وانا اللي عايزاااه هعمله ولو سمحت ابعد عني انا خلاص هنام..
عبدالله
هتنامي علي الكنبه..
روان
ما انا ضيفه مؤقته عندك دلوقتي فهبقي ضيفه خفيفه لحد. ما امشي..
عبدالله
قولتلك مش هطلقك والموضوع يتقفل..
روان
وانا هطلق لاني مش هستني اشووفك وانت بتتجوز عليا..
عبدالله
املي عيني واثبتيلي ان الراجل الوحيد اللي في حياتك ووقتها مش هتجوز عليكي..
روان
هاتلي تصرف واحد. من يثبت ان الزفت ده لسه في حياتي، وبعدين انا مش هفكر ازاي ارضيك تاني انت عاجبك حالي علي كده براحتك مش عاجبك مش مهم هلاقي حد اكيد قابلني بكل حاجه فيا مش بينقي يحب ايه ويكره ايه..
عبدالله بغيظ
اتخمدي واياااكي اشوووفك طالعه من الاوضه باللبس ده، عشان الفستان ده بالنسبالي قميص نوم ما يتلبسش لحد غير ليا..
روان
بس انا مش لابسااه ليك انت، وابعد عني قولتلك….
عبدالله
قولي حاضر واسمعي كلامي من غير مناهده معايا..
روان
اووف حاضر اهي هانت وهخلص خااالص..
ضربها علي كتفها بقوه وقال
خلصت روووحك ومش هطلقك يا روان عِند فيكي مش هطلقك..
روان
لا هو مش عند فيا انت ما تقدرش تبعد عني يا عبدالله..
_قالت كلامها وذقته بخفه وقاامت قلعت الجزمه بتاعتها ومسحت الميكآب بتاعها وقفلت النور وراحت نامت علي السرير وقالت..
روان
بما اننا مش هنطلق يبقي براحتك نام مكان ما تحب..
اتنهد بنفاااذ صبر وقال
صبرني يااارب بدل ما اولع فيها المستفزه دي..
_ورااح غير هدومه وكان هينااام علي الكنبه بس رجع ونام جنبيها علي السرير وهي ابتسمت بأبنتصار لخطتها اللي نجحت ورجعت تاني نامت..
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي بعد ما سافر هو ويوسف وشهد ويارا مع زين كان واقف يزن في المطبخ بيجهز اكل لنفسه وجات الشغاله وقالت..
نعمه
محتاج حاجه يا يزن بيه؟
يزن
لا ميرسي يا نعمه روحي نامي انتي انا بعمل حاجه بسيطه
نعمه
طيب لو احتاجت اي جاجه انا تحت امرك..
يزن
ياسمين اكلت قبل ما تنام ولا لا؟
نعمه
ايوه وطلعت تصحيك عشان تتعشي معاها بس حضرتك كنت نايم وخبطت كتير عليك وانت ما ردتش..
يزن
تمام يا نعمه تصبحي علي خير..
نعمه
وحضرتك من اهل الخير..
_ ومشيت نعمه وهو حط الاكل يسخن وقعد مستني ومسك موبيله وابتسم بأتسااااع اول ما شااف الاستوري بتاعت ريناد اللي كانت صوره ليها هي وبنتها اللي تعتبر نسخه منها صغيره، وكالعاده احتفظ بصورتها علي موبيله زي ما بيعمل مع اي صوره جديده بيشوفها ليها، وبعدين اخد الاكل بتاعه وقعد. ياكل وهو مشغل اغنية ميااده الحناوي واللي كانت كلماتها..
“.. ♡
ياللي حياتي بتحلم بيك وبشوف كل الكون بعنيك
انت العمر الحلو اللي زمان كان متأجل عشت وشوفته جوه عينيك في معاده بيوصل..
ليه عايزين ياخدوه من قلبي… ليه يلموني الناس علي حبي
كل كلامهم مش هيأثر وانا لا هبعد ولا هتغير يمكن حتي هقرب اكتر مهما يحاولو الناااس بالعكس
♡….”
_ساب الاكل ومسك موبيله وبعت الكوبيله كامل لريناد علي الوتسااب وكتبلها..
يزن
“الاغنيه الاقرب لقلبي وواثق برضو انها هتعجبك”
ـ وكمل اكله وهو مستني ردها بعد ما شافت رسايله، وبعدين قااام وطلع فووق بس قبل ما يروح شقته رااح لاوضة ياسمين وقاال..
يزن
ياسمين انتي صاحيه؟
ياسمين
ايوه يا يزن في حاجه..
يزن
لا بس بطمن عليكي انا برضو صاحي بخلص شغل فووق لو احتاجتي حاجه ا…
قبل ما يكمل كلامه فتحت هي الباب بسرعه وقالت
ايوه خليك صاحي لحد ما انا انام عشان انا خايفه ومش عارفه انام من بدري..
ابتسم بهدوء وقال
خايفه من ايه يا عبيطه انتي، ويلا نامي عشان عندك طياره الصبح..
ياسمين.
حاضر بس انت هتفضل صاحي…
يزن
ايوه.. تصبحي علي خير….
_قال كلامه وسابها وطلع لشقته فووق ورااح قعد في الصاله وهو ماسك اللابتوب بتاعه وبيتابع شغله، وفي الوقت ده موبيله رن برقم ريناد فقال لنفسه بقلق..
يزن
يا نهار اسوود لاكون عكيت الدنيا وفهمت الاغنيه غلط ومتصله تهزأني، فينك يا يوسف دلوقتي..
واخد نفس عميق ورد وقال
الو ازيك يا ريناد؟
ريناد
الحمد لله كويسه وسوري لو بكلمك وقت متأخر..
يزن
انتي تتكلمي في الوقت اللي انتي عايزااه انا تحت امرك..
ابتسمت بهدوء وقالت
شكرا… انا بس كنت بقولك اني رايحه بكره الحضانه اللي قولتلي عليها عشان اشوف الوضع هناك ولو هتفق مع الاداره وكده..
يزن
اوكي قوليلي هتروحي الساعه كام وانا هستناكي هناك، هروح الاول طبعا..
ريناد
لا ما فيش داعي تتعب نفسك ابعت بس اللوكيشن وانا هروح..
يزن
طيب قوليلي هتروحي الساعه كام وانا هبعتلك اللوكيشن..
ريناد
الساعه 11 الصبح كده..
يزن
اوكي الساعه 10 ونص انا هكون هنااااك واستناكي اتفقنا..
ريناد
مالوش لزوم بجد. تتعب نفسك..
يزن
ما فيش تعب ولا حاجه ولو حاجه هتتعبني من غير ما تقولي انا ما كنتش هعملها، بس انا عايز اروح معاكي وقوليلي سمعتي الاغنيه اللي بعتهالك؟..
ريناد بتوتر
ايوه سمعتها..
يزن بهدوء
انا اعرف الاغنيه دي من زمان والنهارده سمعتها بالصدفه، بس مع كل كلمه اتقالت فيها انا كنت بفكر فيكي انتي..
ريناد ابتسمت بخجل وقالت
شكرا.. والاغنيه حلوه مع السلامه..
ـ قالت كلامها وقفلت في وشه وهو ضحك بهدووووء وحط الفون جنبيه ورجع يكمل شغله،وكل شويه بيفتكرها مع نفسه ويبتسم بتلقائيه..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح بدري نزلت رضوي من اوضها في بيت القاضي ولقيت ليلي وعلياء ولمياء واقفين في المطبخ….
رضوي
انتو بتعملو ايه هنا؟
لمياء
امك وعمتك غاويين تعب قال عايزين يجهزو الفطار بنفسهم..
رضوي
طيب كويس انا هساعدكم..
لمياء
فرحانه اووي يا رضوي اصلا انتي ايه اللي جابك غاويه تتعبي نفسك وخلاص…
اتنهدت ليلي بضيق وعلياء قالت
بقولك ايه يا لمياء لو مش هتساعدينا اطلعي اقعدي في الجنينه كده شمي هوا واهدي..
لمياء
انتي زعلتي يا ليلي والله مش قصدي وبصراحه كده انا كان نفسي اجي احضر فرح كمان ورضوي مين اسرار دي كمان اللي هيتجوزها..
ليلي بحده
الجواز قسمه ونصيب يا لمياء وبنتي لسه نصيبها ما جاااش..
علياء
واسرار بنت زي السكر يا حظه كمال بيها، وخلاص ننسي اللي عدا وخلينا في الوقت اللي احنا فيه..
ليلي
روفان انتي يا زفته..
جات روفان من بره وقالت
نعم يا ست ماما حتي هنا برضو بتنادي عليا..
ليلي
تعالي امسكي الحاجات دي مع اختك عشان تودو الفطار للضيوف..
رضوي
ضيوف مين؟
ليلي
اهل يوسف قاعدين في بيت جدك جنبينا..
رضوي
لا لا انا مش هروح لحد..
لمياء
ما تسمعي كلام امك يا بت ولا عايزانا احنا اللي نشيل ونروح، انتي مش عارفه تربي يا ليلي عيالك كلهم لساانهم طويل..
ليلي بغيظ
شايفه بتسمعيني كلام من عمتك ما تقولي حاضر وخلاص..
رضوي بضيق
طيب والشغالين فين؟
علياء
اجازه النهارده هنقعد عيله كده لوحدنا من غير حد غريب..
رضوي
طيب روان فين انا ما شوفتهاش لحد دلوقتي؟
علياء
شويه هينزل عبدالله من فوق وهتلاقيها نازله معا..
لمياء
سبحان الله مين كان يصدق ان روان تبقي بالعقل ده لما تتجوز عبدالله..
ليلي
الله واكبر قولي الله واكبر يا لميااء..
لمياء
جرا ايه يا ليلي هو انا هحسد ولاد اخواتي ولا ايه
علياء
ما تقصدش وما تقفوش لبعض علي الواحده انتو الاتنين بقي كبرتو خلاص ما بقنااش صغيرين، خدي يا رضوي امسكي انتي الصنيه دي وانتي يا روفان امسكي الصنيه الصغيره دي..
_واخدت رضوي الاكل هي وروفان وراحو لبيت جدها اللي قاعدين فيه عيلة يونس الصاوي، وحطت روفان الصنيه علي السلم وقالت..
روفان
خدي بقي انا هروح استني عبدالله يصحي..
رضوي
خدي يا بت انتي خبطي علي الباب..
خبطت روفان علي الباب وقالت
خبطت اهو كملي مع نفسك بقي..
_وجريت روفااان ورضوي فضلت واقفه وهي ماسكه الصنيه وفتح يوسف الباب وقبل ما تتكلم قال هو..
يوسف
مش عايزين النهارده..
_وقفل الباب في وشها وهي اتعصبت جدا وقالت وهي بتحط الصنيه جنبيها علي الارض..
رضوي
ااه يا ابن كوم الجزم هو انا جايه اشحت منك..
_وخبطت علي الباب جامد وهي متعصبه واول ماا اتفتح الباب قالت..
رضوي
انت حيوان يالا اا…
سكتت فجأه اول ما لقيت يونس في وشها وقالت بتوتر
اا ازاي حضرتك يا يونس بيه؟
يونس بعدم فهم
انا كويس في حاجه ولا ايه؟.
رضوي
لا ما فيش حاجه بس ماما وعمتو باعتين الفطار…
يونس
طيب اتفضلي يا بنتي، يووسف تعالي دخل الحاجه مع رضوي…
جه يوسف وهو كاتم ضحكته وقال
ايه ده رضوي صباح الفل…
_بصتله بغيظ وما ردتش عليه واخدت صنية الاكل دخلتها وهو دخل الصنيه التانيه وقال بهدوء..
يوسف
انتي اللي عامله الاكل ده؟
رضوي
لا وعلي فكره قلة ذووق انك تقفل الباب في وشي..
يوسف
بهزر معاكي ما تبقيش قفوشه كده، بس حركه جامده انك تبجي تحضري فرح الاكس..
رضوي
ايوه صح هو انت ايه اللي جابك؟..
يوسف
ده بدل ما تقوليلي اهلا وسهلا نورت بلدنا، انتي بقي اتربيتي هنا في البيت ده؟
رضوي
ااه عشت عشر سنين هنا قبل ما نستقر في القاهره..
يوسف باهتمام
كنتي بتقعدي فين بقي؟
رضوي
في الاوضه اللي هناك دي وو وانت بتسأل ليه؟
يوسف
فضول عادي يعني
رضوي
ومبرووك صح يزن قالي انك داخل علي مشروع خطوبه.
يوسق بخبث
تقريبا يعني نيللي اللي شوفتيها ايه رئيك فيها حلوه؟..
رضوي بغيظ مكتوم
عاديه يعني..
يوسف بصلها بحب وقال
بالنسبالك..
رضوي
قصدك ايه؟
يوسف
قصدي انا مش شيفاها عاديه بالعكس دي حلوه جدا احلي بنت شوفتها في حياتي..
رضوي بحزن
واضح… علي العموم مبروووك..
_قالت كلامها وجات تمشي بس قبل ما تمشي نزلت شهد من فوووق وقالت..
شهد
علي فين يا حبيبتي مش تسلمي عليا الاول..
رضوي
سوري كنت فاكره حضرتك لسه نايمه، عامله ايه طنط..
سلمت عليها شهد وقالت بهدوء
الحمد لله يا حبيبتي، تعبتو ليه نفسكم بس كده علي الصبح..
رضوي
لا تعب ولا حاجه ده الواجب، انا همشي بس عشان ماما مستنياني..
_قالت كلامها ومشيت فقربت شهد من يوسف اللي قعد يااكل وقالتله..
شهد
استني باباك واختك عشان ناكل مع بعض، وقولي مزعلها ليه؟
يوسف
مش عارف انا بعمل كده ليه، هي بتغير عليا وزعلانه اني هرتبط بواحده تانيه طيب ما تنطق ما تتكلم..
شهد
وعامل فيها بتاع بنات ومش عارفه ايه وانت مش فااهم حاجه، يا حبيبي لو ايه حصل ما فيش بنت محترمه وعندها شخصيه تروح لولد وتقوله انها بتحبه لاي سبب من الاسباب..
يوسف
بس انا قولت الاول وقدمت كتير الدور عليها..
قعد يونس جنبيه في الوقت ده وقال
هو انت مش راجل الراجل ما يستنااش من الست حاجه، الراجل اللي بجد ياخد اللي عايزه بمزاجه، التقل وانك تستمي هي اللي تيجي والحركات دي بتاعت البنات انشف كده وهات الفطير ده..
يوسف بغيظ
يا يارااااااا تعالي الحقي الفطير قبل ما يخلص..
شهد
علي فكره ابوك معاه حق انت الراجل ومدام حاسس انها بتحبك قولها تاني وتالت ورابع مش عيب..
يوسف
حتي بعد ما روحتلها لحد البيت البيت ورفضتني..
يونس
لا هي كانت حركه غبيه انك تروح من غير ما هي تعرف انك رايح تتقدملها..
يوسف
قولي صح يا بابا عشان استفااد منك انت خطبت ماما ازاي قولتلها انك رايح تخطبها قبل ما تتقدم ولا ايه؟..
ردت عليه شهد وقالت
انا كنت رفضااه قبل ما اشوفه اصلا..
يونس بخبث
بس لما شوفتيني بقي حصل ايه؟
ابتسمت بخجل ويوسف قال بسخريه
هيكون حصل ايه لبست الخازوق الوليه..
ضحكت شهد ويونس قاله بحده
طيب يلا من هنا وحياة امك ما انت دايق لقمه تاني..
_قام يوسف بسرعه وهو بيضحك وخبط في يارا اللي كانت نازله وهي مدايقه فزعقت فيه وقالت..
يارا
ما تفتح يا حمار..
يوسف
لمي لساانك يا بتاعت زين..
يونس
خد يالا هنا في حد يقول لاخته كده؟!..
يوسف
هو انا قولتلها كده قدام حد غريب…
يونس
ما تتكررش يا زفت وهي مش بتاعت حد لا بهزار ولا بجد ما تقولش لاختك الكلام ده
يارا
يا بابا ما يقصدش بيهزر معايا عادي، وانا ويزن بنقوله يا بتاع رضوي..
يوسف
وما بتكلمش عشان انا بتاع رضوي فعلا..
بص يونس لشهد وقال بغيظ
شااايفه عيالك ما تردي انتي عليهم..
شهد
لما يشتكولك من بعض اتكلم ما تدخلش بينهم..
يارا
الله ده فطير مشلتت..
يوسف بصوت واطي
خليلي حته يا بت ما تخليش ابوكي ياكله كله..
_ وسابهم وطلع وطلع وبص حواليه وهو مش عارف ولا مكان فكلم رضوي اللي ردت عليه وقالت..
رضوي
عايز ايه؟
يوسف
طيب انا دلوقتي طلعت من البيت ومش عارف حاجه اروح فين ولا اعمل ايه اكيد مش هفضل قااعد في البيت..
رضوي
زين صحي وكمان شويه عبدالله ابن عمي هيصحي تعالي اقعد معاهم..
يوسف
طيب انتو قاعدين فين بالظبط؟
رضوي
البيت اللي قدامك ده بس ادخل يمين هتلاقي الباب، الغفير هيدخلك علي طول..
يوسف بسخريه
ااه دوار العمده ده مش كده؟
رضوي
يا ظريف اخلص انا في الجنينه اهو تعالي وهندهلك زين..
_قفلت معاه وهو كان مااشي زي ما هي قالتله وفجأه خبط في شعباان اللي كان مخبي وشه بالملفحه بتاعته..
يوسف
سوري مش قصدي..
شعبان
انت مين وبتعمل ايه اهنا؟
يوسف
انا يوسف ضيف عندكم هنا..
شعبان
ايوه يعني ضيف تبع مين؟
يوسف
تبع النااس اللي ساكنين في البيت ده..
_قال كلامه وهو بيشاور علي بيت القاضي وشعبان رد عليه وقال بفضول..
شعبان
ايوه تبع مين فيهم بالظبط؟
يوسف
اونكل عزالدين..
شعبان
مين يا اخويا؟!..
يوسف
الحج عز الدين الهواري..
شعبان
اااه انت تبع الفرافير بتوع البندر…
يوسف
فرافير؟! عيب طيب ده انا حتي ضيف عندكم…
شعبان بغيظ
ما عدناش احنا ضيوف، انت ضيف عند اللي جابك وخلانا نشووف وشك وسع اكده من قدامي…
_قال شعبان كلامه وسابه ومشي، وفي الوقت ده كانت رضوي قااعده في الجنينه مع رضوي بنت كمال اللي بتلعب مع روفان ودخل كمال بعربيته واول ما شافها اتفاجئ بوجودها ونزل من العربيه بسرعه وراحلها وقال..
كمال
اخر حاجه كنت اتوقعها انك تيجي هنا في يوم زي دي..
رضوي
وما اجيش ليه يا كمال مش انت ابن عمتي ولازم اجي اعمل الواجب واحضر فرحك..الف مبرووك.
كمال
الله يبارك فيكي وعقبالك، مش لو كنتي سامحتيني يا رضوي كان زمانه فرحنا بس انتي ديما اختياراتك غلط..
وقفت رضوي قدامه وقالت ببرود
معاك حق واكبر اختيار غلط اخدته في حياتي يوم ما اتعميت وحبيتك..
_قالت كلامها وسابته ومشيت وراحت وقفت مع يوسف اللي كان لسه داخل البيت، زلما شافه كمال ادايق ورااح قاله..
كمال
الواد ده بيعمل ايه هنا؟
يوسف
اسمي يوسف يا جمال..
رضوي
اسمه كمال..
يوسف بصوت واطي
عارف بس بردهاله اسكتي انتي..
كمال
ماشي ياللي اسمك يوسل بتعمل ايه هنا؟
يوسف
معزوم علي فرح واحد اسمه كمال يا جمال..
كمال
انت معزوم علي فرحي..
يوسف
مش معقول انت كمال مش كنتي قولتيلي اسمه جمال يا رضوي..
كتمت رضوي ضحكتها وقال كمال بغيظ
لولا انك ضيف هنا انا كنت عملت فيك زي ما عملت قبل كده يوم فرح اخويا..
قرب منه يوسف وقال
لا انا نسيت تعالي نفتكر سوا وشووف المره دي انا هعمل فيك ايه..
رضوي
خلاص بقي انتو الاتنين وعيب يا كمال اللي انت بتقوله ده زيزو هو اللي عزمهم وضيوفنا فنتلم شويه..
_بصلهم كمال بغيظ وسابهم ودخل البيت وما اخدش باله من اسرار اللي كانت واقفه في شبااك اوضتها وسمعت كل حاجه، ورضوي رااحت قعدت جنب روفان ورضوي اللي كانو لسه بيلعبو مع بعض.
قعد يوسف جنبيها وقال
انتي لسه زعلانه عليه اومال لو كان اتمسك بيكب يا رضوي، يا بنتي ده الزمالك اتمسك بزيزو اكتر ما هو اتمسك بيكي..
ضحكت رضوي بهدوء وقالت
مش زعلانه عليه عادي، قولي صح هو انت اهلاوي ولا زملكااوي؟..
يوسف
وايه السؤال المحرج ده بقي..
رضوي
خلاص عرفت تبقي زملكاوي..
يوسف
وليا الشرف واقفلي الموضوع ده لو سمحتي انا مش بحب اعرف لحد ميولي..
سكتت رضوي وهو قال
العريس اللي كان معاكي في الموضوع الموضوع وصل لايه؟
رضوي
هو انت بعد اللي عملتو الموضوع هيتم انتهي في وقتها..
يوسف
امم مالكيش نصيب معلش، وانتي ناويه تعملي ايه؟
رضوي
انت عايز مني ايه يا يوسف؟..
يوسف بهدوء
انتي عارفه كويس انا عايز ايه؟
رضوي
بس خلاص ما بقااش ليه لازمه انت لقيت احلي بنت شوفتها في حياتك وناوي اهو تخطب وتتجوز..
يوسف
انتي شايفه كده؟
اتنهدت بضيق وقالت
هدخل اندهلك زين…
ـ وسابته ودخلت جوه، وفي الوقت ده في اوضة عبدالله وروان طلعت من الحمام وهي لابسه فستان لونه بني طويل للارض وباكمام طويله وقالت..
روان
ده اكتر حاجه مقفوله وطويله عندي واصلا بتاع ريناد وجه معايا بالغلط..ومش هغير تاني علي فكره..
قام عبدالله وقرب منها وقال
اللبس حلو بس مراتي ما تحطش مكيااج لحد..
_ومسك منديل من علي الترابيزه ومسحلها الميكآب كله وهي غمضت عينيها بخجل من قربه منها، وبعدين قرب من ودنها وقال بصوت واطي..
عبدالله
حتي من غير المكيااج شكلك ملفت، اعمل ايه عشاان ارتاح من الموضوع ده؟
بعدت عنه بسرعه وقالت
قريب اوي هتطلقني وهترتاح ممكن انزل بقي عيب كده اهلي جم من امبارح وانا لحد دلوقتي ما سلمتش عليهم ولا شوفتهم..
عبدالله بضيق
لمي شعرك ده وتعالي ورايا..
رضوي
هو انت مش ما بتحبنيش وبقيت شايغني مش كويسه غيران اووي ليه عليا كده..
_بصلها بطرف عينه بنظره غير مفهومه ليها، وسابها ونزل من غير ولا كلمه وهي لمت شعرها ونزلت ورااه بسرعه وكان قااعد حسن وليلي مع لميااء وعليااء وكمال اللي لسه واصل..
فقام حسن بسرعه وروان جريت عليه وحضنته وقالت
وحشتني اوووي يا بابا..
حسن
وانتي كمان يا حبيبتي عامله ايه؟
بعدت عنه روان وقالت
الحمد لله يا حبيبتي..
وقامت ليلي اللي حضنتها هي كمان وقالت
وحشتيني اووي يا روان البيت مالوش حس من غيرك..
قالت روفان اللي لسه داخله
بقي هاديييي اوووي…
ليلي
اخرسي يا سوسه وايه يا عليااء ايه اللي انا شيفااه ده؟
علياء
في ايه يا مرات اخويا شايفه ايه؟
ليلي
البت خست النص ووشها بقي قد اللقمه..
ضحكت علياء وقالت
وانا مالي عندك جوزها اهو حاسبيه هو…
عبدالله
وانا مالي انا كمان يا امي هو انا بشيل الاكل من قدامها يعني..
حسن
سيبك منهم يا ابني مش هتخلص انت من الكلام ده، وطمني اخبارك ايه واخبار شغلك ايه؟
رد عليه عبدالله وفضلو يتكلمو مع بعض وجات رضوي وقعدت هي وروفان وروز مع روان، ورولن قالت لروفان بقلق..
روان
في ايه يا روفان بتبصيلي كده ليه من لما جيت؟
روفان
عايزاني ابصلك ازاي بعد ما اخدتي الكرااش بتاعي
ضحكو كلهم وعبدالله قال
ياااه انتي لسه فاكره يا روفااان
روان
ولا تزعلي نفسك يا روفان انا هسيبهولك هتنازل عنه خديه..
بصلها عبدالله بغيظ وروفان قالت
مش دلوقتي استني اما اكبر شويه..
دخل في الوقت ده زين وقال
هو بابا لسه ما صحيش؟
لمياء
ولا هيصحي ده غيبوبة نووم..
زين
طيب النااس اللي عزمهم هنسيبهم لوحدهم مش واجب برضو يصحي يقعد معاهم ويستقبلهم كويس..
حسن
ولا تزعل نفسك انا هاجي معاك ولما يصحي ابوك يحصلنا وابقي تعالي يا ليلي اقعدي مع الست مرات يونس بيه وبنته..
علياء
حاضر يا حسن هنروحلهم والله..
قام عبدالله مع حسن وقال
وانا هاجي. معاك يا خالي دول برضو ضيوفي انا كمان..
كمال
وانا هطلع انام بقي عشان بقالي يومين مطبق..
علياء
خد بنتك في ايدك الليل كله كانت معدتها وجعاها وما نامتش خدها في حضنك كده وخليها تنام..
كمال بضيق
يا ماما بقولك تعبان وعايز انام مش ناقص دوشه خليها عندك..
قال كلامه وطلع اوضته ورضوي قالت لروان
هو بيتعامل مع بنته كده في العادي؟
روان
واكتر من كده كمان ده بيزعقلها وسعات بيمد ايده عليها بس عمتو علياء بتتخانق معاه فبطل يمد ايده عليها، بس زي ما انتي شايفه حال اليتيم احسن من حال بنت كمال اللي باباها ومامتها عايشين وكأنهم ميتين..
رضوي بحزن
صعبت عليا اووي بس والله الحمد لله كتير اووي اني خلصت من كمال بجد.
روان
المهم هي ريناد ما جاتش معاكم عشان لسه زعلانه مني..
رضوي
والله موضوع وخلص ولو كلمتيها هتكلمك عادي هي بس زعلت عشان قولتي لصحابها تفاصيل طلاقها
روان
والله ما كنت اقصد وبعدين ما تكلمنيش هي ليه؟
رضوي
معاها ضغط كبير بسبب تيا والاهتمام بيها والحضانه اللي هتقدملها فيها، وفوق كل ده مشاكل سيف معاها فمعلش انتي كلميها وكلمي طارق اهو ده اللي زعلان منك لحد النهارده..
روان
لا مش هكلم طارق هو يصالحني بس هبقي اكلم ريناد..
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن كانت ريناد بتلبس في بنتها وهي مشغله اغنية ورده…..
“ناسيه هنا ناسيه ايااام كانت قاسيه… ناسيه معاك سا عيوني وفاكرني هخااف يلموني”..
دخلت هنا وقالت
ياااه بقي الروقان ده كله عشاان يزن؟
ريناد ابتسمت وقالت
ما تخلنيش اندم اني قولتلك حاجه..
هنا
هو انا قولت حاجه بس الاغنيه حلوه ولايقه عليكي وعليه..
ريناد
عارفه يا بت يا هنا انا ما تخيلتش ابدا ان بالسرعه دي حد يدخل حياتي، يعني بعد طلاقي من سيغ قولت خلاص هاخد سنين لحد ما اقدر ارجع احب واصدق ان في حد بيحبني وابدأ من جديد ده لو عفت، انما في شهور يحصل كل ده، يزن يظهر في حياتي ويبدأ يأثر فيا لحد ما تفكيري كله يبقي فيه هو، وكمان عايز يتجوزني ومش خايفه منه يعني فكرة الجواز منه مش مخوفااني…
هنا
طيب في ايه بقي ما تقوليلو كده؟
ريناد بحزن
وبنتي لازم اخد بالي من كل حاجه بعملها عشان تيا يا هنا، هي مالهاش حد غيري وانا ما ينفعش ابقي انانيه واتجاهل حقها..
هنا
مش عارفه بجد اقولك ايه بس زي ما هو قالك اكيد ليها حل..
ريناد
اللي فيه الخير بقي يقدمه ربنا، انا همشي بقي وهبقي اكلمك علي تلفون البيت عشان اطمنك عليا..
هنا
ماشي يا ريناد وخلي بالك من نفسك ومن تيا..
_ومشيت ريناد وهنا راحت وقفت في البلكونه وفجأه شاافت علاء زميلها اللي اتعرفت عليه في فترة الامتحانات واقف تحت البيت وبيشاورلها تنزله..
هنا
يا نهار اسود بيهبب ايه ده هنا..
ـ واخدت مفتاح الشقه ونزلت بسرعه ووقفت قدام العماره وهو قرب منها وقال بأبتسامه واسعة..
علاء
انا بقالي 15 يوم باجي هنا كل يوم تلات او اربع مرات علي امل اني اشووفك، من لما موبيلك اتقفل وانا عايز اطمن عليكي بأي طريقه
هنا بضيق
علي فكره انت كده بتعملي مشااكل، وبعدين تطمن عليا ليه خلاص موضوع مساعدتك ليا خلص في ايه تاني؟
علاء
لا ما خلصتش احنا لسه هندخل الجامعه مع بعض، وانا هفضل جنبك وخدي انا جيبتلك موبيل هو بسيط شويه بس علي قد فلوسي بقي وفي اي وقت ابقي ادفعيلي تمنه المهم بس تاخديه واعرف اتواصل معاكي واطمن عليكي..
_قبل ما ترد عليه كان نزل طارق من فوق في الوقت ده وسمع كلامه ليها ووقف جنب هنا وقال لعلاء بحده..
طارق
انت تاني يالا وايه الكلام اللي سمعته ده؟
هنا بقلق
ما فيش حاجه يا طارق هو بس جاي يطمن عليا..
طارق بحده
انتي تخرسي خالص وكلامنا بعدين، وانت اقسم بالله يالا لو لمحتك بس قريب من البيت تاني هفرج عليك الشارع كله، غور من هنا يلا..
بص علاء لهنا بحزن فذقه طارق وقال بغضب
انت ايه هتنح يلا يا حبيبي من هنا..
ـ مشي علاء وكانت النااس بتبص لطارق بقلق وواحد من جيرانهم قال بجديه لطارق..
– في حاجه ولا ايه يا طارق يا ابني؟
طارق
لا يا استاذ حلمي ما فيش حاجه متشكرين..
_ ومسك ايد هنا وضغط عليها بكل قوته واخدها فوووق، وهي قالتله وهما طالعين علي السلم..
هنا
سيب ايدي انت ايه اللي بتعمله ده؟
_ما ردش عليها وفتح باب شقتهم اول ما وصلو قدامها ودخل وهي معاه وقفل الباب فقالتله بقلق وخوف..
هنا
افتح الباب ده وامشي..
طارق بحده
هو ده اللي انتي رفضتيني عشان، العيل ده يا هنا؟
هنا
لو سمحت يا طارق ما ينفعش كده وجودنا في بيت واحد لوحدنا غلط..
طارق بنبره غاضبه
وجودنا في بيت واحد غلط، بس العيل ده يجيلك تحت البيت عادي ويجيبلك موبيل ويتكلم ويتمحن عليكي وانتي عادي واقفه ومستجيبه لكلامه..
اتملت عيونها دموع وقالت
خلصت كلامك اتفضل بقي سيبني في حالي….
طارق قرب منها وقال بغضب
لا اعرف الاول ايه اللي بينك وبين الواد يخليه يجيبلك موبيل ويجيلك لحد البيت، كنتي بتعملي ايه معاه يخليه يجيبلك موبيل ما هو مالهاش تفسير غير كده..
بصتله بصدمه وقالت بنبره غاضبه
بعمل معاه اللي جه في بالك، خليك في حالك بقي ومالكش دعوه بيا..
_اول ما خلصت كلامها مسكها من شعرها جامد لدرجة ان حجابها اتفك وقال بعصبيه وغضب..
طارق
طيب مدام كده بقي انا اولي من الغريب…
ـ قال كلامه وذقها جامد علي الكنبه اللي وراها وقرب منها جدا وشد الحجاب من علي شعرها وقطع البجامه بتاعتها وبكل عنف قرب منها وو؟؟؟
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية موضوع عائلي 3 (بيت الهنا))