رواية يوم زفافي الفصل الأول 1 بقلم مريم الشهاوي

رواية يوم زفافي الفصل الأول 1 بقلم مريم الشهاوي

رواية يوم زفافي البارت الأول

رواية يوم زفافي الجزء الأول

رواية يوم زفافي الحلقة الأولى

فتح الباب ولقا بنت بفستان فرح وشها مضر وب وبتنز ف من مناخيرها البنت اول ما فتح دخلت علطول ووقفت ورا الباب
كان يامن في حالة ذهول /انت مين
البنت بتعيط وبتشاورله بايديها/هووشششش
وقفلت الباب بإيدها بسرعة
يامن بعصبيه/اتفضلي اطلعي برا……
الباب خبط وهيه برقت واتوسلت اليه وبتقوله بصوت واطي /ارجوك ارجوك
فتح الباب ولقا راجل ببدله قدامه /لو سمحت مشوفتش عروسه بفستان فرح نازله من هنا
يامن بص للبنت الي واقفه ورا الباب وهي منهارة م العياط وبتشاورله لا
يامن رجع بص للراجل وابتسم/الف مبروك…
الراجل/الله يبارك فيك
يامن/انا سمعت جزمة بكعب نازلة بسرعة لكن مشوفتهاش
الراجل /نازله؟؟
يامن/ايوة من هنا

الراجل/بس انا سمعت باب بيتك بيتقفل و…
يامن بلا مبالاة/كنت برمي الزبالة وشوفتها نازلة زي ما قولتلك
الراجل/ تمام شكرا
نزل الراجل جري لتحت ويامن قفل الباب وبصلها/انت هربانه ليلة فرحك!
البنت لسه هتتكلم بس اغمى عليها يامن اتخض على حالتها وشالها دخلها جوا حاول يفوقها كتير بس مبتفوقش الظاهر اتعرضت لصدمة عصبيه
يامن/ياربي علكدمات الي في وشها والنز يف دا
حاول يقلل النز يف من وشها
جوز البنت نزل تحت ورن بموبايله على ابو البنت
الراجل/قسم بالله ان ما عرفتلي بنتك فين لاخليك علحديدة زي ما بيقولوا وهتاكل م الشارع انت واعيالك
ابو البنت(عاصي)/بنت الك لب لا يا باشا هجبهالك ولو هربت لكوكب تاني
الراجل بزعيق/تجيلي
عاصي/اجيلك ازاي بس المسافه طويلة اتصرف انت عبال ما انا اجي انا هلبس وجايلك شوف الكاميرات شوف راحت من انهي طريق
الراجل/طب اقفل اقفل
الراجل/مين ماسك كاميرات المكان هنا

*البواب معاه نسخة الكاميرات الي برا العمارة والي جوا العمارة
الراجل شرد شوية/الي جوا العمارة!
*ايوة بس مش هتلاقيه صاحي دلوقتي بيصحي علنهار كده خمسه سته
الراجل طلع شقته وبقا متجنن هي راحت فين
بعد فترة طويلة البنت ابتدت تفوق ويامن قاعد جنبها طول الوقت بيفحصها
البنت مقدرتش تقوم ودمعة نزلت على خدها
يامن/انت كويسه… انا حاولت افوقك كتير بس…..
البنت/انا آسفة لازعاجك….. لولاك كان خلص عليا ليلتها
يامن/خلص عليكي؟! هو مش دا الي انت اتجوزتيه النهاردة!
البنت بتعب/ارجوك مش عايزة اتكلم… شكرا ليك انك حاميتني منه
حاولت تقوم بس صرخت جامد
يامن بخضة /اهدي اهدي
البنت بعياط/اااااه ضهرييي
يامن بص على ضهرها واتصدم من الي شافه ضهرها كله د م
يامن مسكها يعدلها / لازم نوقف النز يف دا
البنت منهارة من العياط /مش قااادرة سيبني… سيبني ارجوك

يامن بزعيق/اسيبك ازاي انت مش شايفه منظرك
البنت اتخضت من زعيقه وصوتت اكتر
يامن حط ايده على راسه ومش عارف يعمل اي مره واحدة حضنها /اهدي… انا آسف
البنت غرست نفسها جواه وكإنها كانت مشتاقة لحد يحس بيها ويطبطب عليها
هديت شويه وهو عدلها وهي في حضنه بحيث يقدر يكشف ضهرها
بعد عنها
يامن بتوتر/انا هرن على دكتورة اعرفها هتيجي تداوي ضهرك ولو في كدمات او نز يف تانيه في جسمك توقفه
البنت شاورت براسها ماشي
يامن اتصل باخته/نورا عامله اي
نورا بنعاس/انا الحمد لله… اي التوقيت دا
يامن بص في الساعة لقاها اربعة الفجر/انا آسف والله يا نورا بس انا محتاجك اوي
نورا/خير
يامن/اطلعيلي وانا هفهمك مش هينفع في التلفون
نورا/انت عارف ان هشام نايم ومينفعش اطلع في وقت زي دا
يامن بقلق/ عندي واحدة اعرفها محتاجه تعالجيها ضروري

نورا بذهول/واحدة في شقتك!!!
يامن/بسرعة ونبي اطلعي بسرعة
نورا/حاضر هصحي هشام
يامن/تمام.. بصي.. هاتي غيار معاكي للبنت
نورا /غيار؟ غيار اي يا يامن انت عملت اي ومين دي
يامن/والله هقولك كل حاجه بس اما تطلعي
نورا بتصحي هشام جوزها
هشام بنعاس/اي يا نورا
نورا/يامن عاوزني اطلعله بيقول عنده بنت محتاجه تتعالج ضروري
هشوم/بنت.. جابها منين وبعدين الساعة كام دلوقتي
نورا/خمسه الصبح هطلع اشوفها بقا…
هشام/استني انا قايم معاكي
نورا/لا خليك دا يامن فوقينا الجو برد عليك دلوقتي انا خمساية وراجعة متقلقش
نورا ويامن اخوات ساكنين في عمارة واحدة مامتهم متجوزة وباباهم ميت

يامن قفل معاها/زمانها جايه
يامن/هو ضاربك بأي الواطي دا عشان يخلي ضهرك ينزف بالطريقة دي
البنت بصتله ومردتش استنوا نورا تيجي
نورا جات وعلامات الاستفهام على وشها
يامن/جوا
نورا/جبتها منين ولا عرفتها فين ومن اي اصلا
يامن/مش وقته اسئلة يا نورا هجاوبك بعدين ادخلي انقذيها
نورا دخلت واتصدمت من منظر البنت جريب عليها بخوف /انت… انت عروسه! بس اي كل الضر ب الي في وشك دا
عيونها دمعت وكملت /مين عمل فيكي كدا
يامن بنرفزة/انسان بلا رحمة.. جوزها الي عامل فيها كدا وهي هربت منه
نورا اتفاجئت/متقوليش… انت زفة العروسه الي كانت من كام ساعة دي
البنت هزت راسها ودموعها نزلت بألم
يامن/انا هطلع برا… جبتي غيار معاكي زي ما قولتلك
نورا/اه جبت سيبنا….
يامن طلع برا رايح جاي…. هيتصرف ازاي اي حكاية البنت دي هو لازم يجيب حقها ولا هيداويها ويخليها تمشي يعمل اي مش عارف يفكر وكل الي بيفكر فيه هو البنت دي حكايتها اي؟

نورا قلعتها الفستان بهدوء وعلامات الدهشه جاتلها /يا ربييي…. كل دا ضر ب.. انت استحملتي كل دا… دا حيوا ن اكيد مجنون مش طبيعي ابدا
البنت كانت بتعيط بقهرة نورا اخدتها في حضنها وعيطت معاها /متخافيش انت هتبقي كويسه… مش هنسيب الحيو ان دا وهنجبلك حقك حبيبت قلبي اهدي
نورا داوتلها جروحها وحاولت تتكلم معاها/في جر وح قديمة هو كان بيضر بك زمان برضو وانتو مخطوبين؟
البنت طلعت صوتها بالعافيه/دا… ابويا
نورا الدنيا لفت بيها ومش مستوعبه حالة البنت حاولت تواسيها ولبستها هدومها وخرجت برا
يامن/عامله اي دلوقتي
نورا اترمت في حضنه وبعياط/مش كويسه خالص يا يامن…. البنت متدمرة كل جسمها متبهدل تصور في جروح قديمه في جسمها بقولها مين قالت ان ابوها كمان كان بيضر بها… احنا لازم نجيب للبنت دي حقها يا يامن…. صعبت عليا اوي حطيت نفسي مكانها و…..
يامن بعدها عنه وبصلها بحب/هششش اهدي… البنت في أمان معايا انا هدخل افهم حكايتها ولو عرفت اساعدها مش هبخل عليها ابدا

نورا/اه ونبي يا يامن البنت محتاجه لايد تنجيها من الي عايشاه
يامن خبط على الباب /ممكن ادخل
البنت/اتفضل
يامن دخل وابتسملها /قولتي اسمك اي
البنت /اسمي فرح
يامن شد كرسي وقعد قدامها/معقوله يبقى اسمك فرح ودي تبقى حياتك؟
فرح ابتسمت بحسرة/نصيب… انا آسفة لازعاجكم… اول ما يطلع النهار همشي
يامن/تمشي تروحي فين
فرح/اي حته
يامن/انا ممكن اساعدك… عرفيني انت مين واهلك منين وصدقيني مش هسيبك…
نورا/احنا جنبك وفي ضهرك
فرح اول مرة قلبها يدق فيه امل وحاولت/انا من بورسعيد
نورا/طب متجوزتيش هناك ليه اي الي جابك لحد اسكندريه
فرح/كليتي هنا

يامن حاول يغير الموضوع/كلية اي
فرح/كلية علوم
نورا/طب هو عمل معاكي كده ليه وباباكي……
فرح بألم/لو سمحت مش قادرة اتكلم عن الي حصل… انا متشكرة انكوا استقبلتوني في بيتكوا وانا همشي….
يامن/مش هتمشي
فرح باستغراب/يعني اي مش همشي؟
يامن/زي ما سمعتي… انت هنا في حمايتي لحد ما نشوف اهلك فين بس مش هتتحركي لوحدك… انت مش شايفة حالتك محتاجه وقت عشان تبقي كويسه
فرح بنرفزة/انتو تعرفوني… شوفتوني قبل كده… ليه مديني الامان دا.. مش يمكن اطلع حراميه وبأفلم عليكو… انا همشي اول ما النهار يطلع وهروح في اي حته اشتغل واصرف على نفسي المهم ابعد عن اهلي وحياتي القديمة نهائي
يامن /تمام قومي…
قرب منها و مسكها من ايديها /باقي ربع ساعة والنهار يطلع يدوبك قومي يلااا
نورا/براحة يا يامن.. اعذر حالتها انت مشوفتش الي هي شافته بلاش تقسى عليها

يامن/هنشوف هتمشي ولا لا… يلا قومي امشي
فرح عاندته وقامت بالعافيه مشيت خطوطين لقدام بصعوبه وبعدها وقعت علأرض بتتوجع جامد
يامن قرب منها وشالها بين ايديه وحطها في السرير تاني
قعد قدامها وقال ببرود/يبقى تحكي…
نورا/فرح حبيبتي احنا مش حابسينك بس على الاقل امشي من هنا وانت كويسه
يامن/انا بسمع…
فرح/الحكاية بدأت من ساعت اخر يوم امتحانات ليا في سنه تالته كنت رايحة السكن بتاعي وفي شباب وقفوني و…….
صوت رزع علباب وخبط جامد
نورا جريت على فرح حضنتها ويامن قام بحذر
فتح الباب بعصبيه/اي الغباء دا في حد يصحي حد كده…. هبلغ عنكو على فكرة في ازعاج جار
الراجل/وانا هبلغ ان مراتي عندك يا حيو ان انا راقبت الكاميرات مع البواب تحت اما صحي وشوفت انها دخلت شقتك وسع….
يامن /ارجع مكانك احسنلك

الراجل ضرب يامن بالبوكس وقعه علأرض وطاح في الشقة /فرح…. انت هنا انا عارف… اطلعي احسنلك مش هتهربي مني… فرححح…..
دخل الاوضة الي فيها فرح ومرة واحدة حس بالمسد س على دماغه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوم زفافي)