رواية يوم زفافي الفصل الثالث 3 بقلم مريم الشهاوي

رواية يوم زفافي الفصل الثالث 3 بقلم مريم الشهاوي

رواية يوم زفافي البارت الثالث

رواية يوم زفافي الجزء الثالث

رواية يوم زفافي الحلقة الثالثة

يامن/السلام عليكم يا عم صبحي اي الاخبار
عم صبحي/وعليكم السلام يامن باشا.. اي اخبارك ليك واحشه والله
يامن/وانت والله اكتر
عم صبحي/جاي لمدام ناهد
يامن/اه هي موجودة
عم صبحي/ايوة يابيه موجودة
يامن/تمام
راح عربيته يجيب فرح منها وشالها بين ايديه
عم صبحي باستفهام/تطلع مين يا بيه
يامن /قريبتي…. بس من بعيد شوية وهي تعبانه فنايمه شوية
يامن كان ملبس فرح نقاب عشان محدش يحقق معاه لو شافها بحالتها دي وهي نايمه ممكن يتهموه بخط فها والجر وح كمان الي في وشها
يامن طلع على شقة ناهد
ناهد/ايوة جايه… يامن حبيبي ليك واحشه و….. استغربت من الي شايلها
يامن/ازيك يا عمتي عامله اي.. استأذنك بس تدخل احطها في السرير لانها تعبانه ونايمه

يامن دخل اوضة وحط فرح في السرير ورفع النقاب من عليها
ناهد اول ما شافت وشها والجر وح الي فيه /يالهوي… مين عمل فيها كده… يامن فهمني مين دي وجايبها منين وجيت بيها عندي ليه
يامن /حاضر يا عمتي بس نطلع برا ونسيبها عشان نايمه
طلعوا برا ويامن اول ما قفل الباب اتنهد/اقعدي هحكيلك على كل حاجه
يامن حكالها من ساعت ما خبطت فرح على بابه لحد ما جابها هنا
ناهد دموعها باقت بتنزل /انت فكرتني بذكريات مكنتش عايزة افتكرها
يامن/اعتقد اني اختارتك انت عشان انت اكتر واحدة هتبقى متعاطفة معاها لانك عيشتي التجربه دي قبل كده…..
ناهد بصتله بحزن وبصت للأرض
يامن بأسف/انا آسف… حقك عليا ….ممكن البنت تفضل عندك لحد ما نجبلها حقها واهو تبقى بعيدة عن الانظار وفي آمان
ناهد/طبعا يا حبيبي دي هتبقى في عيني مانت شايف محدش عايش معايا وقاعدة لوحدي.. اهي تونسني
يامن ابتسم/شكرا… بجد شكرا ليكي
ناهد/بس كان الاولى انك تاخدها المستشفى
يامن/انا فعلا فكرت في دا… ونورا كانت هتاخدها علمستشفى الصبح بس عماد اما ظهر والنوبه الي جاتلها معرفناش نتحرك بيها لانها باقت في خطر هيه نورا حاولت تنضف الجر ح كويس وحتى الازاز الي كان معو رها شالته بحذر انت عارفة نورا جراحة شاطرة وخيطت الجرو ح لمدة لحد ما الشوشره تخلص وهناخدها علمستشفى تعمل تحاليل واشعة لان منعرفش هل في جر وح داخليه ولا لا

ناهد~طيب يابني ان شاء الله هتكون كويسه
يامن/ان شاء الله
موبايله رن
يامن/الو
عيسى/انت فين يابني
يتمن/مش هقدر اجي النهاردة لان…
عيسى/دا القسم مقلوب عليك
يامن استغرب/مقلوب عليا؟
عيسى/حد مبلغ انك خاطف مراته وانك عشيقها في السر وهربانين انتو الاتنين
يامن قام وقف بذهول/انت بتقول اي… لا طبعا… عشيق مين…. مرات…..
فجأة فهم الحكاية وعرف انهم بيلعبوا معاه /يا ولاد ال….
عيسى/يعني انت عملت كدا فعلا….
يامن/بس يا عيسى بطل هبل… الموضوع مش كده خالص
عيسى/اومال الموضوع اي احكيلي عشان اعرف ادافع عنك هنا دا في حريقة
يامن/لا انا جاي سلام…..
ناهد/في اي يابني

يامن/مشكله في القسم هحلها واجي… ادويتها في الشنطة دي لو فاقت ونبي ما تنسي تدهالها يا عمتي
ناهد/حاضر.. طب اقعد كلك لقمه انت لسه مفطرتش اكيد
يامن/مش هينفع والله اما ارجع… تسلمي يا عمتي ربنا يخليكي
باسها من دماغها ونزل من الشقه وهو بيش تم في سره على لعبه عماد
يامن ركب عربيته وتلفونه رن كانت نورا
يامن بعصبيه وهو سايق/مش وقتك يا نورا
نورو فضلت ترن كتير لحد ما رد/ايوة.. مش فاضي يا نورا
نورا/قلقتني عليك انت وفرح… وديتها عند عمتو
يامن بزعيق/ايوة وديتها…. سلام
نورا/بتزعق كدا ليه
يامن/عشان الحيوان رافع عليا قضية قال اني عشيقها ومهربها معايا
نورا/يالهوي… طب وهتعمل اي
يامن بزعيق/مش عارف انا مش عارف افكر رايح علقسم اشوف اي الحوار…..
نورا/طب اهدى ربك موجود وعمره ما هيقف مع الشر….
يامن/يارب…
نورا/متنساش تطمني عليك ونبي وانا هصلي وادعيلك ربنا يفرجها عليك اكيد معارفك في القسم مش هيصدقوا
يامن/ان شاء الله خير
نورا /سلام يا بابا خلي بالك من نفسك.. في حفظ الله

يامن قفل وساق وهو متنرفز/مش كفاية الي عملته فيها… كمان عايز ترجعها بالاكر اه دا اكيد مش بني ادم
وصل للقسم واول ما دخل صحابه اتلموا عليه
عيسى/المقدم سامح مستنيك جوا
ابراهيم/انا مش مصدق انك تعمل كدا يا يامن
سعيد/يامن… اوعى تكون
يامن سابهم منغير ما يتكلم ودخل على المقدم سامح
سامح/اتفضل يا يامن كنت مستنيك
يامن قعد وبصله/حضرتك مصدق الكلام دا
سامح/لو كنت صدقته كنت خليتهم يقبضوا عليك فورا لكن انا جبتك هنا عشان تفهمني
سند على المكتب/انا الي مربيك ومعتقدش انها تطلع منك ابدا
يامن/البنت الي هر بت من جوزها بسبب عن فه ليها…. في اثار عن ف كتيرة في جسمها ودي كانت ليلة فرحهم… فلبنت استنجدت بيا وانا مسيبتهاش ولا هسيبهاله.. البنت في خطر يا باشا لازم نساعدها
انا معايا صور للجر وح الي في جسمها هتنفعنا في التحقيق
سامح شاف الصور واتفاجئ من منظر البنت
يامن/البنت كانت بتتعرض للعن ف من ابوها وكمان من الي بيسموه جوزها
سامح/طب وهي وافقت علجوازة دي
يامن/انا معرفش لسه ياباشا انا لسه محققتش معاها… بس الي عاوز اقولهولك اننا لو سمعنا كلام البني ادم الي بيدعي انه جوزها البنت هتم وت….. او هتم وت نفسها لانها متدمرة تصور يا باشا اول ما شافته نوبة فز ع جاتلها موقفتش الا بمهدأ…. اعتبرها زي بنتك يا باشا واحميها معايا… البنت محتاجانا وربنا اراد انها تستنجد بظابط عشان ياخدلها حقها من كل الي اذوها دي مش اول بنت تتعرض للعن ف من جوزها في مصر حالات كتيرة من النوع دا بس في الي ساكته عشان بيتها ميتخربش وفي الي مهددة وخايفة يجرالها حاجه وفي الي بتستنجد بأي حد عشان يقدر يساعدها ومش عايزة تقع في الدوامة ومتتطلعش منها الا وهي مي ته……. ساعدني وساعدها تاخد حقها….

سامح اتأثر بكلام يامن جدا بس حاول ميبينش/انا هستنى تحقيق منك بإي الي حصلها ليلة فرحهم عشان اقدر اقدمه للنيابه العامه ولو الجواز بالاكر اه فهو باطل وكل واحد هيروح لحاله والموضوع هيتحل… بس هاتلي اقوال البنت دي بسرعة….. انا هعتبرك لسه هر بان
يامن قام وقف وابتسم بفرحة/شكرا يا باشا شكرا لاخلاقك وكرمك عن.. عن اذنك يا باشا عن اذنك
اول ما خرج اتلموا صحابه عليه
عيسى/اي كل دا….
ابراهيم/عملت اي…. سامح باشا عمل معاك اي
يامن/انا مش عايز بني ادم واحد يعرف اني جيت هنا وانا اعتبروني لسه هر بان هفهمكوا بعدين… انا مستعجل.. سلام
عيسى/لاحول ولا قوة الا بالله ماله دا…
سعيد/انا مش فاهم حاجه…
يامن طلع عربيته وجاله مكالمه من عم منعم بواب عمارته
عم منعم/باشا…. انا مصدقتش ولا كلمة من الي عماد بيه قالها واخدوا مني نسخة مفاتيحك ولما ملقوش حد في الشقة شافوا كاميرات المراقبه الي برا واثبتوا انك الي اخدت البنت.. سامحني يابيه
يامن غمض عينيه/دا الدليل الي ساعدهم يرفعوا القضيه….
عم منعم/حقك عليا يا بيه والله ما اقصد….. عماد بيه ضربني وخلاني اجيب الكاميرات لانه كان لسه شايفهم ومعرفتش اقولهم حجة ان الكاميرات بايظه زي ما قولتلي حقك عليا يا بيه

يامن نفخ/خلاص يا عم منعم مش ذنبك…
عم منعم/بس انا مش متصل عشان دا وبس يابيه
يامن/اي تاني
عم منعم/حابب اساعد البنت يا بيه واخد الثواب انا كمان ممكن اني انقذ حياتها من ايد الراجل دا لاني سمعت صويتها بليل وقلبي واجعني عليها قوي يا بيه واما شوفت منظرها في الكاميرات مع عماد بيه وهي بتخبط على شقتك قلبي اتقبض وخوفت على بنتي منى هي زي بنتي برضو
يامن ابتسم/تسلم يا عم منعم يا غالي… معاك دليل لحاجه معينه
عم منعم/اه يابيه… بس انا خايف من عماد بيه ل…
يامن وقف العربيه عشان يركز في كلامه كويس /محدش هيقربلك على ضمانتي… انت بس قولي اي دليلك وتقدر تساعد البنت في اي
عم منعم بلع ريقه وقال بصوت واطي/من كام يوم… عماد بيه خلاني اشوف بتاع كاميرات مميز كان عاوز كاميرات خفيه تتحط في بيته انا معرفش ليه الصراحة
يامن امل اتفتح جواه/هايل يا عم منعم… تعرف نلاقي تسجيل الكاميرات دا فين
عم منعم/لا يا بيه معرفش والله….
يامن خبط على الدركسون بنرفزة
عم منعم كمل/ بس عماد بيه كان قايلي اطلع سعاد مرتي عشان تنضف الشقة ممكن اخليها تدور علكاميرات وان شاء الله تطلع في الشقة
يامن ابتسم/طب يا عم منعم ارجوك بلغني اول بأول… وليك حقك هديهولك
عم منعم/والله ابدا ولا مليم هاخده انت عايز تضيع عليا اجر الثواب يا بيه

يامن ضحك/ماشي يا راجل يا طيب سلام
عم منعم/استنى يا بيه.. فلنفترض لقينا تسجيل الكاميرات هنجيبه ازاي
يامن/اااااه طب انا لازم اقابلك يا عم منعم هعرفك تجيب التسجيل ازاي
اتفق يامن يقابل عم منعم في مكان بعيد عن العمارة
يامن/خد الفلاشه دي
عم منعم/وبعدين
يامن/دي هتحطها في الجهاز وهتنزل الفولدر على الفلاشة وتجيب الفلاشه وتجيلي
عم منعم /بس سعاد متعرفش في التكنولوجيا… وانا مش هعرف اطلع فوق
يامن/مشكله….. طب مين هينقل التسجيل
عم منعم فكر شوية ومره واحدة قال/البت منى بتي… عارفة في الكمبيوتر شوية ممكن تطلع مع سعاد بحجة انها تساعدها ولو لقت الكمبيوتر الي عليه تسجيل الكاميرات تخلي منى تنقلها
يامن/هايل… هتعرف تفهمها تلاقي الفولدر منين وتنزله ازاي
عم منعم/عيب يا باشا… انا بواب انتر ناشونال
يامن ضحك وضربه في صدره بهزار/يلا يا راجل روح شوف حالك وابقى طمني عليك

سابه ومشي ركب عربيته واتصل بنورا بس كان تليفونها مشغول
حس ان الدنيا بتلف بيه والنوم غلبه وهو في عربيته هو مطبق ومفطرش نام غصب عنه
عند عماد
عماد رايح جاي/هيظهر امتى
عاصي/اهدى شوية…. احنا لسه مقدمين البلاغ هيلف علاقسام وهيجيبوه هو معروف اصلا
عماد/الواد دا عاوز اجيبه تحت رجلي
عاصي/باينه مش سهل…
عماد/طبعا… مشوفتش هددني ازاي اما دخلت شقته ورفع عليا المسد س
عاصي بتوتر/طب يا باشا انا لازم ارجع بورسعيد… شغلي واهلي هناك ابقى كلمني عملت اي ولو فضيت هنزلك
عماد/انت مش هتتحرك من هنا غير اما بنتك تكون معايا
عاصي/طب وعيالي وشغلي وبيتي مين هيحميهم
عماد/مليش دعوه… والا قسما بالله لارميك انت وعيالك بمراتك في الشارع
عاصي قعد علكنبه وبص لعماد بحقد وغل وقال وهو بيكز على سنانه/الي تأمره يا باشا
عماد/اه صح… الست مرات البواب قولتلها تيجي تنضف الشقة لازم ننزل انا وانت لانها مبترضاش تنضف وهو حد في الشقة
قام هو وعاصي ونزلوا
عماد/متنساش الشقة يا عم منعم

عم منعم/حاضر من عيني اتوكل على الله وهترجع تشوفها بتلمع
عماد وعاصي طلعوا وركبوا العربيه ومشيوا
عم منعم/ها يا منى زي ما قولتلك… تطلعي تدوري وامك بتنضف متسيبيش حته في البيت
منى/حاضر يابا…..
سعاد طلعت الشقة هي وبنتها وباقت بتنضف ومنى بتدور في كل ركن سندت على برواز طويل وقعدت علأرض /اه ياما انا تعبت… مش لاقيه حاجه خالص مفيش غير الفتاح دا لقيته ومعرفش بتاع انهي اوضة جربته في كل الاوض الي هنا يمكن بتاع شقة تانيه؟
سعاد/خلاص يا حبيبتي كفاية انت تعبتي انزلي انت وانا هخلص الشقة وانزل
منى/طب مش عايزة مني مساعده
سعاد/لا يا قلب امك… انزلي
قامت منى وهي قايمة سندت علبرواز اتزحزح شوية عن مكانه
منى/يالهوي كان هيقع كل دا برواز دا واخد لحد الارض تحت
شالته براحه عشان تعدله بس شافت!…..
منى /اما… اما… في باب ورا البرواز
سعاد سابت المقشه وراحتلها
منى زحزحت البرواز
وجات تفتح باب الاوضة
منى/مش بيفتح……ممكن……المفتاح….المفتاح الي لقيته ممكن يطلع بتاع الاوضة دي
جابت المفتاح بسرعة وحطته في باب الاوضة…..وفتح

منى بفرحة/فتح ياما…
سعاد بفرحة/يا سيد النبي….
فتحو الاوضة كانت ضلمه
سعاد/خدي كشاف الموبايل
كانت الاوضة متكونه من مكتب ومسد سات وفي كومبيوتر جنب المكتب
سعاد بفرحه/يبقى هو دا الي عليه تسجيل الكاميرات… منى/الحمد لله يارب
فتحت الكومبيوتر ودورت كتير ولقت حاجات غريبه!…. هي مستغربه من الحاجات دي لانها اول مره تشوفها مهتمتش وفضلت تدور علفولدر واخيرا لقته كان عليه كل تسجيلات الشقه خدت الفولدر كله و نقلته علفلاشه بسرعة وطلعت برا الاوضة قفلتها زي ما كانت ورجعت البرواز
منى/انا هنزل ادي الفلاشه لابويا
وسعاد كملت تنضيف في الشقة ونزلت
عم منعم/ها عملتي اي
منى بفرحه~جبتلك الفولدر كله
عم منعم حضنها بفرحة… ربنا يجازيكي كل خير يا منى اتصل بقا بيامن باشا
منى/ابا وانا بدور لقيت…. لقيت حاجات تانيه م…….
عم منعم~استني دلوقتي خلينا نفرح البيه
يامن كان نايم في العربيه وبعد مدة فاق على اذان المغرب واول ما سمع تلفون بيرن رد بسرعة اول ما اتصل بيه/انا استنيتك من ساعتها ارجوك قولي اخبار حلوة
عم منعم/الفلاشه معايا يابيه هتستلمها ولا اخليها معايا
يامن بفرحه/يعني لقيت التسجيلات… ياربي علفرحة يلا يا عم منعم تعالى في نفس المكان انا واقفلك فيه بسرعة
عم منعم/عنيا يا بيه دا انت تؤمرني هصلي المغرب واجيلك يا بيه
منى/كنت عاوزة اقولك اني لقيت…..

عم منعم/البيه فرحان اوي مش قولتلك.. يلا انا هروح اديله الفلاشه
سابها وراح صلى وبعديها راح جري علمكان
يامن قفل معاه وهو فرحان/والله انت بنت حلال يا فرح… امورك بتتسهل من عند ربنا… ربنا يعديها على خير يارب
نزل هو كمان يدور على جامع قريب يصلي فيه
قابل عم منعم واخد منه الفلاشه كان فرحان اوي وحضنه بفرحه وشكر ربنا
وركب عربيته طالع جري على بيت ناهد لفرح…. يفرحها…. يقولها انها هتبقى في أمان… يقولها ان حياتها هتتعدل للأحسن وهتعيش الحياة الي تستحقها
بص في موبايله لقى ناهد متصله يجي ست مرات بيه
اتصل بيها بخوف وقلق/خير يا عمتي ف.. فرح كويسه
ناهد بعياط/هربت…. اول ما صحيت قولت اعملها لقمه فتحت الباب ونزلت يا يامن… انا آسفة والله انا……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوم زفافي)