Uncategorized
رواية قلبي ليس بيدي الفصل الثامن والاربعون 48 بقلم حسناء رمضان
رواية قلبي ليس بيدي الفصل الثامن والاربعون 48 بقلم حسناء رمضان
 |
| رواية قلبي ليس بيدي الفصل الثامن والاربعون 48 بقلم حسناء رمضان |
رواية قلبي ليس بيدي الفصل الثامن والاربعون 48 بقلم حسناء رمضان
بعد مرور 6 شهور….
فيروز: تعالى ياجاك افطر..
جاك بجد: لا مليش نفس..
فيروز: انت كل شويه تقولي مليش نفس!.. ولما يجرالك حاجه دلوقتي!
جاك: قولتلك مش عايز.. انا ماشي.. واحتمال اتاخر..
هند نزلت…
هند: في اي..
فيروز: جاك.. متغير من ساعة اللي حصل.. مش عارفه اعمل معاه اي..
هند: هينسى مع الوقت…. اللي حصله مش سهل بردو..
فيروز: مظنش.. المهم تعالي افطري عشان جامعتك..
البنات نزلوا وقعدوا يفطروا وشويه ومحمد نزل…
قعد معاهم من غير كلام وملامحه كلها جد..
فيروز: طب قول صباح الخير حتى!..
بدأ ياكل ومردش عليها..
هند: مالك يامحمد!
محمد: مالي ياجماعه.. مانا عادي اهوو.. انا طالع بره.. خلصوا عشان نمشي..
ـــــــــــــــــــــــــــــــــــــــــــــــــــــــــــــــ
ـ يلا ياادم عشان متتأخرش..
ادم: جيت اهو.. بس انا مليش نفس.. واصلا مش عايز اروح..
ـ ليه يابني!
ادم: هكدب عليكي لو قولتلك الجامعه ليها طعم من غير جاكي..
ـ ربنا يرحمها يابني.. والله بدعيلها ف كل صلاه..
ادم: انا مش مستوعب الى الان… مش مصدق انها مشت..
ـ متغلاش ع اللي خلقها.. يلا عشان متتأخرش..
ـــــــــــــــــــــــــــــــــــــــــــــــــــــــ
محمد وصل البنات وراح جامعته…
دخل المحاضره وخرج قعد لوحده بيذاكر…
اسلام: لا ماهو كدا مش طبيعي… انت بقالك كتير ع الحال دا.. اي اللي شقلب حالك كدا!
محمد: عايز اي يااسلام!
اسلام: متغير معانا ليه!
محمد: مش متغير..
اسلام: لا متغير طبعا.. مبقتش بتكلمنا ولا بتخرج معانا ولو حد فينا رن عليك مش بترد عليه.. انت هتشوف نفسك علينا ولا اي ياسطا!
محمد: كل الحكايه اني بطلت اعمل اي حاجه حرام.. وانتوا سكتكوا كلها حرام…
اسلام: اي دا اي دا.. الشيخ محمد قاعد قدامي..
محمد: لا شيخ ولا غيره… طلعني من دماغك يااسلام.. انا مش فايقلك..
اسلام: ماشي… ماشي يامحمد…
سابه ومشي وبعدين منه جت…
منه: هتفضل كدا كتير!
محمد: نعم انتي كمان!
منه: مالك يعم داخل فيا حامي كدا ليه!
محمد: امشي..
منه: انت عينيك حمرا كدا ليه!
محمد: هو انتي عبيطه!!.. انا مش قولت امشي!
منه: الحق عليا بتطمن عليك يعني!
محمد: متشكر ياست.. اتفضلي بقاا.. ولا اقولك انا اللي قايم…
سابها وراح دخل المسجد…
ابراهيم: مالك يامحمد… بقالك كتير مش ف حالتك..
محمد: مفيش..
ابراهيم: طب فك ياراجل.. مالك عامل كدا ليه..
محمد: يلا عشان المحاضره..
ــــــــــــــــــــــــــــــــــــــــــــــــــــ
ياسين: هنفضل مأجلين لحد امتى!
هند: معرفش.. بس دا مش وقت خطوبه خالص..
ياسين: ياهند انا متعلق كدا بقالي كتير… وبعدين عدى كتير ع اللي حصل.. مش هنفضل كدا العمر كله..
هند: محدش مستعد للكلام دا دلوقتي.. بقالنا كتير الاجواء متوتره ومش عارفين نعيش طبيعي..
ياسين: انا مقدر زعلكوا عليها… بس مش للدرجادي ياهند… عدى وقت كتير..
هند: معلش… شوية وقت بس..
ـــــــــــــــــــــــــــــــــــــــــــــــــــــــــــــــ
سيف: مفكره ان كدا خلاص!.. محدش هيعرف حاجه!
.. ههه تبقى خلطانه ياقمر…
نور: انت عايز مني اي… مش كفايه اللي حصل!
سيف: وحياتك لاندمك ع اللي اتعمل فيا… بقا انتي تبعتيلي ناس تضربني!!!
نور: ياخي طلعني من دماغك بقاا.. انت عارف اصلا لو جاك عرف الموضوع دا هيحصل اي!
سيف: عارف.. هيموتك.. ومحدش ليه عندي حاجه.. انتي كنتي عندي بمزاجك… وكل حاجه واضحه ف الفيديو..
نور: والفيديو خلاص اتمسح..
سيف: ههه تبقي غلطانه… انا ف ايدي امحيكي..
ـــــــــــــــــــــــــــــــــــــــــــــــــــــــــــــ
ـ اتفضل يافندم..
جاك: اي دا..
ـ دي المواعيد بتاع الاسبوع دا كله..
جاك: تمام.. بس الغي اي مواعيد النهارده..
ـ ايوه بس.. حضرتك في معاد مهم جدا النهارده.. مينفعش يتأجل..
جاك: خلاص.. خلي مالك يقعد معاهم…
سابها ومشي….
قعد يتمشى ع البحر وهو سرحان…فجأه خبط ف بنت والكتب وقعت ع الارض… قعدوا هما الاتنين يلموها…
جاك: اسف.. مخدتش بالي..
رفعت وشها بس كانت لابسه كمامه وكاب…
بصتله شويه وهزت راسها ومشت..
بصلها باستغراب وكمل طريقه…
فونه رن…
جاك: الو..
مالك: انت فين ياجاك!!.. انت عارف ان الميتينج دا مينفعش متحضروش..
جاك: مليش مزاج احضر حاجه… مانت موجود…
مالك: بس هما جايين عشانك..
جاك: معلش يامالك اتصرف.. سلام..
ــــــــــــــــــــــــــــــــــــــــــــــــــــــ
ـ اي يابنتي كنتي فين!.. ومين المز اللي كنتي واقفه معاه دا..
ـ دا واحد خبطني وانا ماشيه.. وبعدين اوعي كدا عشان المدير هيهزقني…
ـ كنتي فين يا ملك!
ملك: انا اسفه يافندم.. بس قومت متأخر..
ـ هو لعب عيال ياملك!.. دا شغل..
ملك: انا اسفه يافندم.. مش هتتكرر تاني..
ـ يلا ع شغلك..
ــــــــــــــــــــــــــــــــــــــــــــــــــــ
عبد الله: اي دا جاك!.. بتعمل اي هنا!
جاك: ازيك ياعبد الله… مختفي فين كدا!
عبد الله: اهو مشاغل.. انت وراك حاجه!
جاك: لا..
عبد الله: طب في كافيه قريب من هنا.. ماتيجي نقعد شويه..
جاك: تمام يلا..
مشوا مع بعض ودخلوا كافيه…
عبد الله: لو سمحتي…
ملك: اتفضل يافندم..
جاك رفع وشه لقاها نفس البنت وهي بصتله بس ودت وشها بعيد..
عبد الله: تحب تشرب اي!
جاك:…..
عبد الله: جاك!..
جاك: نعم..
عبد الله: تحب تشرب اي!
جاك: قهوه..
عبد الله: تمام.. اتنين قهوه مظبوط لو سمحتي..
ملك: حاضر..
لسه هتمشي بس جاك نده عليها..
جاك: لو سمحتي..
مالك: نعم..
جاك: هو انتي اسمك اي!
ملك: هاا.. ليه..
جاك: صوتك مش غريب عليا.. وبعدين عادي
ملك: ملك يافندم..
جاك: ااه.. طب شكرا..
سابته ومشت وهي بتاخد نفسها..
عبد الله: قولي بقاا..
جاك:….
عبد الله: يابني بتسرح ف اي!.. هي عاجباك ولا اي!
جاك: لا انا بشبه بس.. المهم قولي.. عامل اي..
ــــــــــــــــــــــــــــــــــــــــــــــــــــ
ـ اي يابنتي مالك..
ملك: مفيش.. بس معلش ممكن انتي تاخدي القهوه ليهم..
ـ ليه ماتوديها انتي.. اهو المدير بيندهلي اهو..
ملك: استني…
خدت القهوه وودتها بس من غير ماتقصد القهوه اتدلقت ع جاك..
ملك: احيييه… ا قصدي.. انا اسفه يافندم مخدتش بالي.. هنضفه حالا..
جاك: اهدي.. حصل خير.. بس هو انتي ممكن تشيلي الكمامه دي او ترفعي الكاب دا!
ملك بتوتر: ليه يافندم!
جاك: هتاكد من حاجه بس..
ملك: هجيب لحضرتك قهوه غيرها.. عن اذنك..
ــــــــــــــــــــــــــــــــــــــــــــــ
فيروز: يلا ياعطيات بسرعه.. هيرجعوا جعانين..
نهى: مالك يافيروز.. وشك مقلوب ليه!
مردتش عليها…
نهى: ع فكره الموضوع عدى من زمان.. انا مش فاهمه اي الاوڤر دا.. ماخلاص.. ربنا يرحمها..
فيروز: انجزي ياعطيات..
عمو احمد دخل…
فيروز: كنت فين!
عمو احمد: كنت ف الشغل..
فيروز: لا انت بقالك فتره مش مظبوط… بتختفي تروح فين!
عمو احمد: هكون بروح فين يعني!.. قولتلك شغل.. سيبيني بقاا عشان انا تعبان وعايز انام..
ـــــــــــــــــــــــــــــــــــــــــــــــــــــ
عدى اليوم والبنات رجعوا ومحمد رجع…
فيروز: يلا عشان تاكلوا…
نور: هو جاك لسه مرجعش…
ـ جيت اهو..
فيروز: طب كويس.. يلا عشان تاكلوا..
ادخلي ياسما نادي ابوكي…
دخلت والكل اتجمع ع السفره…
عمو احمد: عامل اي يامحمد ف الجامعه!
محمد: كويس..
فيروز: دا بسم الله ماشاء الله مش بيقوم من ع الكتاب..
عمو احمد: عايزين امتياز بقاا
محمد: ان شاء الله..
عمو احمد: ع فكره ياجاك… العيال اللي اتقبض عليهم دول خدوا عشر سنين سجن… وكمان اخيرا اعترفوا ع اللي قالهم كدا…
نهى شرقت وفضلت تكح…
جاك: ومين تعيس الحظ!
عمو احمد: بيقولوا واحد اسمه محمد بس مش عايش هنا… وهما لسه بيدوروا عليه…
جاك: والله لو خدوا مؤبد… بردو مش هيفلتوا من تحت ايدي…
نهى: ماخدوا جزائهم وخلاص.. ماتنسوا بقااا..
جاك بصلها بحده..
جاك: ننسى ازاي!… انتي عارفه انا لما امسك اللي عمل كدا هعمل فيه اي!!… صدقيني مين ماكان.. لاخليه يتمنى الموت…
نهى بتوتر: وانت هتعرفه منين!
جاك: هعرفه… هعرفه يانهى… وهيندم ع اليوم اللي اتولد فيه…
نور: اللي عمل كدا لازم يتعاقب.. مينفعش دول بس اللي يتحبسوا..
جاك: متقلقيش… مسيره هيقع..
ــــــــــــــــــــــــــــــــــــــــــــــــــــــــــــــ
ـ خلصتي ولا لسه!
ملك: خلصت اهو.. همشي بقاا عشان المذاكره اللي ورايا دي…
ـ ماشي.. يلا باي..
ملك: باي
ــــــــــــــــــــــــــــــــــــــــــــــــــ
خلصوا وجاك طلع…
لسه هيدخل اوضته بس عينه جت ع اوضتي… خد نفس ودخل…
قعد يلف ف الاوضه ويتفرج عليها ويفتكر اللي كان بيحصل فيها…
لمح الرسمه بتاعته… راح مسكها وقعد ع السرير..
فيروز دخلت…
فيروز: انت هنا وانا بدور عليك!
يابني كفايه بقاا.. انت مش حمل الوجع دا..
جاك: هفضل حاسس بالذنب…
فيروز: انت ملكش ذنب يابني.. دا قدر..
جاك: معرفتش انقذها..
فيروز: قوم ياجاك… قوم يابني ارتاح..
جاك: روحي وانا هطلع وراكي..
سابته وخرجت وهو اتنهد وافتكر اللي حصل لاسيل..
رقد ع السرير وغمض عينيه ونام..
ـــــــــــــــــــــــــــــــــــــــــــــــــــــ
ـ رايح فين دلوقتي بس ياجميل!
ملك: وانت مالك.. انت هتفضل تطلعلي كدا!
ـ امال اطلع لمين بس.. وبعدين انت مش هتحن ولا اي ياجميل…
ملك: ماتبعد عني بقاا.. دا اي القرف دا…
رجعت البيت وقفلت ع نفسها وفضلت تذاكر..
ـــــــــــــــــــــــــــــــــــــــــــــــــــــــــــــــ
تاني يوم…
عمو احمد: انا ماشي يافيروز..
فيروز: رايح فين بدري كدا…
عمو احمد: مشوار ع السريع كدا وبعدين هطلع ع الشغل..
فيروز: مشاويرك كترت ياحمد…
عمو احمد: يافيروز حلي عني بقاا.. هكون بعمل اي يعني..
فيروز: معرفش… بس انت مش طبيعي..
عمو احمد: لا طبيعي.. طلعيني من دماغك انتي بس..
فيروز: وبالنسبه لياسين!.. الواد عمال يكلمني..
عمو احمد: بيني وبينك انا عايز اعمل الخطوبه دي.. حالة الولاد مش كويسه.. واظن لو عملناها هيطلعوا شويه من الحاله دي..
فيروز: ياريت والله… هما من زمان مفرحوش…
عمو احمد: خلاص انا هبلغه ونشوف الدنيا فيها اي..
ــــــــــــــــــــــــــــــــــــــــــــــــــــــــــــــ
ف الكافيه..
ملك: اتفضل يافندم..
ـ لو سمحتي كنت عايز نسكافيه..
ملك: حاجه تاني!
ـ ااه.. هو انتي اسمك اي
ملك: ليه!
ـ اي اللي ليه!.. بقولك اسمك اي!
ملك: اسمي ملك يافندم..
ـ امم.. طب تمام روحي…
سابته ومشت..
ـ ماله دا يابت..
ملك: انا عارفه!.. عيل ملزق كدا..
ـ يابت فكي وشك دا مع الناس.. اللي بييجوا هنا دول ولاد ناس قوي..
ملك: وانا مالي بيهم..
ـ والله انك هبله.. روحي وديله طلبه ياختي..
ـــــــــــــــــــــــــــــــــــــــــــــــــــــــــ
فيروز: جاك.. جاك..
فاق ع صوتها..
جاك: اي..
فيروز: اي اللي نيمك هنا يابني!
جاك: امم.. نعست وانا هنا..
فيروز: طب يلا.. يلا عشان تفطر وتروح الشغل..
جاك: لا انا مش رايح الشغل..
فيروز: ليه..
جاك: مليش مزاج.. هطلع اتمشى شويه…
فيروز: مش هتفطر!
جاك: لا..
سابته ونزلت وهو غير هدومه ونزل…
نور: صباح الخير..
جاك: صباح النور يااحلى نور… “باسها من خدها”
نور: ع فين كدا…
جاك: هطلع شويه عشان مخنوق.. وانتي روحي جامعتك وخلي بالك من نفسك..
نور: حاضر ياقمر..
سابها ومشي… ومحمد نزل…
محمد: هو جاك رايح الشغل!
فيروز: لا قال هيطلع شويه بس مش هيروح الشغل..
محمد: ماشي…
فيروز: يلا افطروا بقاا عشان متتأخروش..
ـــــــــــــــــــــــــــــــــــــــــــــــــــــــــــ
جاك اتمشى شويه ع البحر وبعدين راح نفس الكافيه..
جاك: لو سمحتي..
ملك سمعته بس عملت نفسها مخدتش بالها…
ـ بينادي عليكي ع فكره..
ملك: اسكتي مانا عارفه… بقولك اي روحيله انتي..
ـ هو هياكلك!.. ماتروحي انتي.. وبعدين حد يرفض يروح للمز دا..
جاك: لو سمحتي..
مشت عليه
ملك: نعم يافندم
جاك: مش عايزه تردي ليه!.. هو انا بعُض!
ملك: لا مش قصدي.. انا بس مخدتش بالي..
جاك: صوتك فيه حاجه..
نور: احم.. تحب تطلب اي..
جاك: قهوه.. وياريت تعمليها بنفسك..
ملك: نعم!
جاك: انا عايز اشرب القهوه منك.. وبسرعه لو سمحتي..
ملك: ايوا بس…
جاك: سمعتي انا قولت اي..
ملك: حاضر..
سابته ودخلت تعمل هي القهوه… ياخي يخربيت رخامتك.. انا مالي انا.. وبعدين انت كل شويه هتنطلي هنا!!….
خلصت القهوه وطلعت وهو كان قاعد يقرأ ف الكتاب..
ملك: احم.. القهوه…
مسك الفنجان وشرب وهي كانت ماشيه…
جاك: جاكي!!
وقفت بصدمه..
ملك: نعم يافندم!!
جاك: انتي جاكي!!
ملك: احم.. لا حضرتك غلطان يافندم..
جاك: طب شيلي بعد اذنك الكاب دا كدا..
ملك: عن اذنك يافندم…
سابته ومشت بسرعه وهو مشي وراها…
دخلت قلعت لبس الشغل وطلعت تجري ع البحر…
جرت كتير ووقفت ترتاح وهي بتنهج.. بصت وراها ملقتهوش…
ـ بتهربي ليه!..
بصت قدامها تاني بصدمه..
ملك: احم… عن اذنك..
جاك: استني… انتي مين!
ملك: سيبني لو سمحت..
راح شال الكاب اللي كان مداري وشها وشال الكمامه بسرعه…