رواية تزوجتها غصبا الفصل الثاني عشر 12 بقلم هيا رحيم

رواية تزوجتها غصبا الفصل الثاني عشر 12 بقلم هيا رحيم

رواية تزوجتها غصبا البارت الثاني عشر

رواية تزوجتها غصبا الجزء الثاني عشر

رواية تزوجتها غصبا الحلقة الثانية عشر

يونس : السلام عليكم ورحمه الله وبركاته ازيك يا روح .
روح : الحمد لله تمام .
يونس : معلش يا روح ممكن تحطى الاكل عقبال ما اغير عشان مأكلتش حاجه من الصبح و جعان جدا و عايز اكل و انام عشان تعبان جدا .
روح بأبتسامه خبيثه: حاضر ثوانى و الاكل يكون جاهز ………..
يونس بتعجب : ايه دى …
روح بأبتسامه : باميه ويكا .
يونس : ويكا انا اصلا مش باكل الباميه العاديه تعملى ويكا …ديه جبتيها منين ديه .
روح بأبتسامه : ناس معارف بابا جم النهارده. من البلد وكانوا جيبنها معاهم زياره وانا بقى بحبها جدا و سوسو بتعملها تحفه خلتها تعملها و اخدت منها طبق لينا .
يونس : ايوه بس انا مش بحبها ولا هى ولا الباميه العاديه .
روح بضحكه داخليه : ايه ده بجد انا معرفش معلش بقى فى عيش و جبنه اجبلك .
يونس ببعض من الغضب : ماشى اى حاجه .
………………………..

روح ( ايه احطها على ودانه و ازمر بيها لا لا اخاليها بعيد شويه لحسن ودانه تتخرم وبقى انا السبب ).
يونس بخضه : بسم الله الرحمن الرحيم ايه ايه فى ايه .
روح ببراءة : مافيش حاجه بصحيك بس عشان تلحق الصلاه .
يونس : فى حد يصحى حد بزماره التشجيع ياروح كذا مره اقولك صحينى براحه مش كده انا حاسس انى قطعت الخلف خلاص .
روح ببراءه : معلش ما عرفش انك هتتخض كده .
يونس : ماشى يا روح بس ارجوكى صحينى بطريقه احسن من ديه .
روح ببراءة : حاضر من عينى .
………………………
يونس : روح …..روح …
روح : ايوه يا يونس نعم .
يونس : فين الشربات بتعتى يا بنتى مش لاقى ولا شراب .
روح بخبث : دور كويس اكيد هتلاقيهم فى الدرج مكانهم .
يونس : مافيش ولا شراب فى الدرج يا روح شوفيلى كده فى الغسيل .
روح : ايه ما فيش هدوم مغسوله اصلى معرفش. ان كل شراباتك متوسخه لو كنت اعرف كنت غسلتهملك ..
يونس ببعض من الغضب : طيب البس الجزمه ازاى بقى .
روح ببراءه : خد شراب من شراباتى .

يونس : الفوشيا بقى ولا البمبى انتى بتهرجى يا روح .
روح ببراءه : طيب هاجبلك واحد من عند بابا .
يونس : ماشى امرى الى الله .
………………………
بعد عدت ايام .
يونس : الحمد لله يا على انت اخبارك ايه .
على : الحمد لله تمام انا قلت انت مش بتسأل بقالك كام يوم قلت اسئل انا .
يونس : فيك الخير يا دكتور .
على : ايه مالك صوتك عامل كده ليه ايه روح لسه زعلانه .
يونس : والله يابنى انا ما عارف هى زعلانه ولا بتنتقم منى .
على : ليه كده خير .
يونس : يابنى كل يوم مقلب شكل ديه فى مره حطتلى الملح فى الشاى بدل السكر و قالتلى ما كنتش اعرف ما أخدتش بالى و المشكله كل مصيبه و التانيه ترسملى الوش البرئ معرفش اعمل فيها حاجه وكل الى يطلع عليها معرفش ما اخدتش بالى معلش .
على : ههههههههههه والله عجبتنى برافو عليكى يا روح بترد هالك.
يونس : لا والله عجبتك انت معيا ولا معها .

على : انا مع الحق و هى من حقها تعمل فيك اكتر من كده روح يا يونس و اقعد اتكلم معها ولو انت عايز تكمل معها راضيها .
يونس : انا كنت ناوى اعمل اكده النهارده ان شاء الله لحسن انا اكتفيت مقالب .
………………………
روح : انت بتعمل ايه .
يونس : ابدا يا روح كنت بغير هدومى عشان عايز انام عشان انا ما نمتش من امبارح وراجع تعبا من الشغل .
روح : ورامى الهدوم ديه كده ليه .
يونس : مش رميها يا روح انا حطتها على السرير .
روح بعصبيه: برده رميها على السرير كده ليه مش فى حاجه اسمها سبت غسيل للهدوم المتوسخه .
يونس: ما انا كنت هخلص لبس و هأخدهم احطهم فى السبت .
روح بعصبيه: يا سلام ما السبت قدامك ما تقلع و ترمى فيه على طول انت اصلا ما كنتش هتحطهم وهتسبهم مرمين كده لحد ما الخدامه الى هنا تيجى تشيلهم .
يونس : فى ايه يا روح ما تهدى كده ، انا مش عارف ايه الى حصل لكل ده الموضوع ما يستاهلش العصبيه ديه .
روح بعصبيه: امال ايه الى انت عارفه وايه الى يستاهل انت اصلا كل حاجه مش عارفها وكل حاجه ما تستاهل بالنسبالك .
يونس بغضب : روح كفايه كده فى ايه كل ده عشان حطيت الهدوم على السرير مش فى السبت اهيه ( و بطول ايدى رمتها فى السبت ) تحبى ارميهالك فى الزباله عشان ترتاحى .. …… لا حول ولا قوه الا بالله ممكن بقى تخروجى بره عشان انا هغير و هنزل ممكن .

روح : هتروح فين مش قلت تعبان و هتنام .
يونس : هتخروجى ولا …..طيب خليكى( اخدت هدومى و دخلت الحمام و رزعت الباب ورايا ، انا مش فاهم هى هتفضل زعلانه منى لحد امتى ) …..
………………………..
نزلت وانا مش طايق نفسى ولا طايق الى بيحصل فضلت اتمشى بحاول اهدى روحت بدور عليها فى البيت ما لقتهاش نزلت اشفها عند سعاد ..
يونس : ازيك يا سعاد ناديلى روح لو سمحت .
سعاد : رورو مش هنا يا آبيه .
يونس بصدمه : نعم يعنى ايه مش هنا امال راحت فين .
سعاد : مش عرفه والله يا آبيه بس هى لما خبطت عليا عشان تقولى انها نزله كانت بتكلم كبده .
يونس يكتم غضبه : ماشى يا سعاد انا هكلمها ادخلى انتى ،
( وقتك انت كمان يا زفت تبقى مقفول ………… مش بترودى ليه بقى ……….. ماشى يا روح برحتك لما تيجى ) .
…………………………..
يونس بيجز على سنانه: حمد الله على السلامه .
روح بخضه : بسم الله الرحمن الرحيم ايه الي مخليك قاعد فى الضلمه كده .
يونس بحده : كنتى فين .

روح ببرود : كنت فى مشوار .
يونس بغضب مكتوم : كنتى فين يعنى وازاى اصلا تنزلى من غير ما تقوليلى .
روح ببرود : عادى هو فى حد بياخد أذن صحبه بكل خطوه بيعملها .
يونس بغضب : انتى نسيه يا هانم انى جوزك ولازم تبلغينى رايحه فين .
روح ببرود و بنظره قوه : والله احنا اتفقنا مش بيقول كده بيقول ان احنا اصحاب و اخوات .
يونس بيتكلم بعصبيه و نظراته مقابل نظرتها مع كل كلمه كان بيقرب منها : انتى بتستهبلى يا روح اصحاب و اخوات ديه عشان نقرب من بعض و نتعرف على بعض اكتر لاكن انا جوزك و قدام الناس ديه كلها انا جوزك ومن حقى اعرف انتى بتعملى ايه ورايحه فين و جيه منين انتى فاهمهه .
روح بهدوء ونظرات قوه و حزن : طيب سيب دراعى انت بتوجعنى ، وعلى العموم بص على الواتس هتلاقينى بعتالك رساله بقولك انى رايحه عند ناهد وكده هيوصلنى .
يونس بيحاول يسيطر على غضبه و بعد عنها خطوه : طيب ما كلمتنيش ليه .
روح بقوه: ماتحولش تلمسني تانى لو سمحت ، وعلى فكره كلمتك و موبايلك كان مقفول .
يونس بحده : وانتى ما تعصبينيش .
روح ببرود : حاضر .
يونس : استنى هنا انتى رايحه فين .
روح : داخله اغير هدومى عشان انام ، و ياريت لو سمحت ما تدخولش تنام فى الاوضه عشان انا عايزه انام لوحدى .

لقراءة باقي حلقات الرواية اضغط على : (رواية تزوجتها غصبا)