رواية هوس اربعيني الفصل الثالث والعشرون 23 بقلم نورة عبدالرحمن

رواية هوس اربعيني الفصل الثالث والعشرون 23 بقلم نورة عبدالرحمن

رواية هوس اربعيني البارت الثالث والعشرون

رواية هوس اربعيني الجزء الثالث والعشرون

رواية هوس اربعيني الحلقة الثالثة والعشرون

دفعها عمر بقوه وصفعها بعنف حتى سقطت ارضا ليقول بقرف :مش هتسيبي وساختك الحق عليا اني سكت كل الوقت ده عشان اخويا بيحبك …بس يكون فعلمك ايامك بالبيت ده بقت معدوده..
ندا بدموع وقهر بتضربني ياعمر اقسم بالله لاندمك …والله لاندمك..والله لردك القلم ده اقلم
رمقها بنظرات حاده : رخيصه قالها وهو يغادر المطبخ ياخذ انفاسه بسرعه مش شده الغضب..حتى صدم برؤية جده امامه.
الحج حسن حصلني .
عمر ياحج انا..
الحج حسن اششش مسمعش صوتك وحصلني من غير كلام.
ليتبعه عمر بحرج
******
زين للأسف جيتي بالوقت الغلط..ياسهى..
سهى يعني ايه يازين موحشتكش سهى حبيبتك مش وحشاك..
زين كنت مستني مكالمتك دي طول الوقت بعد الثواني عشان اسمع صوتك بس انتي جتي بالوقت الغلط..انا هتجوز.
سهى بصدمه ايه
زين اخترت انسانه بتحبني وهتحافظ عليا وعلى بيتي..
سهى بدموع يعني نستني يازين نسيت حبيبتك..
زين …
سهى زين زين اسمعني ارجوك انا هسيب كل حاجه واجيلك ارجوك يازين عايزه فرصه وحده..فرصه وحده بس…
زين معدش ينفع بعد اذنك انا لازم اقفل..
سهى برجاء زين يازين ارجوك متقفلش السكه يا زين ارجوك
لكنه اغلق الهاتف ووضع رأسه بين يديه باختناق ..
زين يحدث نفسه هو ده الصح يازين انت مغلطتش انت صح ..صح كده..صح اوووي
ليصمت قليلا ويقول والهانم التانيه هعمل معاها ايه…. ايه اللي جرالها انا سبتها كانت طايره مالفرح عشان هتقدملها في ايه..
ايه اللي كركب حياتي كده ..ليستلقي على السرير بتعب يارب يارب دلني علي اللي فيه الخير ليا يارب حلها من عندك عشان انا تعبت وعايز اعيش زيي االناس مع البنت اللي شايفها مناسبه يارب سهل اموري يارب..ليغمض عينيه بوهن…
******
عمر ياحج والله دي حكايه قديمه كنت على علاقه بيها لما كانت تشتغل عندنا بس والله محصلش بينا حاجه عشان سبتها اول ماعرفت ان حسام بيحبها..
الحج حسن بحده وازاي تسيب اخوك يغرق بالوسخ ده ازاي ياكبير يا عاقل مش انت هتبقى الكبير من بعدي ازاي تعمل كده..
نظر عمر الى الارض بضيق انا شفت حب حسام ليها معرفتش اعمل ايه عشان كده لما اتجوزها قررت ابعد واسافر يمكن تحبه عشان حسام يتحب ياجدي بس. للاسف هي اتجوزته عشان تنتقم مني دي طلعت اقذر بكتيير من ماكنت متوقع..
الحج حسن هتستني ايه من ست بتحب اخو جوزها وبكل بجاحه بتبوسه. مش خايفه لا من رب ولا من بشر .
عمر ياحج اديني بس يومين والله هصلح كل حاجه بس يومين وهطلعها من حياتنا نهائي والحمدلله مفيش بينهم عيال..
الحج حسن هما يومين يومين بس ياعمر بعد كده انا اللي هرميها بررا حياتنا رميت الكلاب مش بس لو وقف حسام بوشي لو كلكم عارضتوني هعملها..
عمر ياحج انا بس عاوز اخرجها من حياتنا من غير ما حسام يتجرح…عشان خاطري…اديني فرصه اصلح الغلط ده..
الحج حسن ماشي ياعمر ماشي هشوف اخرتها معاك ومع العك بتاعك…..اتصل بزين وقوله اني عايزه يجي .مش عايز زين يفضل لوحده ويحس بالوحده تاني..
عمر نهض وقبل راسه حاضر ياحج بس انت ارضى عني ياحج مش هتحمل زعلك…
***********
مضى اليوم بسعاده على الجميع اتصل عمر بزين واصر عليه بالقدوم…
اما عمر فيحاول التظاهر بالسعاده وهو يفكر بفعل شيء ماا.لكي يتخلص من ندا .دون ان يحرج اخاه او يجرحه..
وزين يتهرب من اسيل التي تهتم به كثيرا وتحاول التقرب منه…
عمر مالك يازين..
نهض زين مفيش خلينا نمشي شويه لوحدنا عشان مخنوق وعايزك بكلمتين..
نهض عمر بقلق في ايه يازين..
زين هقولك بس خلينا نبعد شويه..
كانت شروق تراقب عمر
واسيل تراقب زين بحب وهيام…
عمر في ايه يازين قلقتني
زين بصراحه انا عاوز اتجوز..
عمر بسعاده بجد يازين يااااااه ومين سعيدة الحظ دي… واخيرا يازين هنفرح بيك..
زين مش باين ياعمر .
عمر ليه حصل ايه مالك يازين اتكلم..
زين مش عارف في ايه كل اللي عارفه اني سافرت وكانت مبسوطه عشان عرضت عليها الجواز ولما رجعت من السفر كانت متغيرره ورفضت..
عمر بصدمه رفضت …ومين دي اللي ترفضك ..
زين هو ده اللي جايلك عشانه..
عمر جايلي انا ليه هو انا اعرفها..
زين بحرج رحاب صاحبة شروق وانا بصراحه عاوز شروق تكلمها وتفهم ايه اللي حصل..
عمر بضحك والله كنت حاسس .. فاكر اليوم اللي شفتكم بيه..كنت متاكد بس انت انكرت ده .بس ايه انت طلعت جامد اوووي ازاي عرفت تعلق البنت دي ..
زين يابني بقولك رفضت معرفش ايه اللي حصلها
عمر اهدى وانا هكلم شروق تفهملنا الحكايه..
زين ياريت ياعمر عشان انا زهقت من العيشه دي وعايز استقر بقى..
عمر بضحك بركاتك ياست رحاب مش انت اللي كنت بتقول مش عاوز اتجوز وانا ماليش بالجواز..
زين البنت دي دخلت نفوخي حاسس انها هتعرف تحتويني وتعرف تربي عيالي ياعمر انا كنت رافض الجواز عشان مقابلتش حد شبهها بس هي غير …غير البنات دي كلها..
عمر انت حبيتها يازين..
زين حبيتها لا ياعمر الحب ده اخر حاجه بفكر فيها…بس وماله هي تستاهل تتحب وانا متاكد اني هحبها بعد الجواز لو ربنا اراد..
وضع عمر يده على كتف صديقه ربنا يسهل ويريح قلبك..
ليسمعوا صرخات. شروق واسيل… اسرعوا اليهما..
شروق بنتي ياعمر بنتي مريم مش عارفه راحت فين..
عمر بقلق اهدي اكيد بتلعب هنا والا هنا .
عمر امر جميع العمال في المزرعه بالبحث عنها..
نجيه وهي التي كانت توبخ شروق دائما وتهينها …شعرت بمراراة ماتعانيه لتحتضنها..
اهدي يابنتي وحدي الله ان شاء الله عمر هيرجعهالك..
شروق اراتمت بين احضانها خايفه ياخالتي انا ماليش بالدنيا دي غير مريم هي اللي طلعت بيها من الدنيا.
نجيه اهدي بس تلاقيها تلعب هنا والا هنا انت استهدي بالله بس
شروق ببكاء يارب يارب رجعلي بنتي يارب احفظهالي..
عند عمر ..
احد العمال عمر بيه انا شفت عربيه غريبه كانت واقفه هنا ولما روحت اشوفها مشيو بسرعه قلت لروحي يمكن غلطانين بالمزرعه ..
زين عربية ايه وامتى شفتها..
العامل من شويه يعني يمكن من ربع ساعه..
عمر اسرع الى السياره ليلحق به زين اما حسام وصل متاخرا ولم يسيطيع اللحاق بهما ليعود ليطمئن الحج حسن..
في تلك الاثناء رن هاتف شروق ..
اجابت بسرعه..
ادهم بنتي معايا ..
معاكي حل من اتنين ياتسيبي كل حاجه وراكي ومن غير ماتبلغي حد تجيلي عشان لو جبتي حد معاكي مش هتشوفي بنتك تاني..
يا تنسي ان ليكي بنت اساسا وتعيشي مع حبيبي القلب..
شروق هجيلك هجيلك انت بس قولي اجي فين ادهم شاطره ياشروق وبتسمعي الكلام انا عايزك كده زيي زمان فاكره..
شعرت بغصه بصدرها لتقول بخوف مريم كويسه مش كده ارجوك طمني عليها…
ادهم تعالي عشان تشوفيها بس من غير محد يحس عليكي..
شروق حاضر حاضر ياادهم جايه..جايه والله..
لتأتي نجيه بكوب من الماء البارد اشربي يابنتي واستهدي بالله..
شروق بارتباك لا اله الا الله ..
نجيه بنتك هترجع اطمني عمر والشباب هيلاقوها متقلقيش..
شروق نهضت وهي تمسح دموعها..
نجيه على فين يابنتي..
شروق انا انا هروح اشوف بنتي يمكن تكون هنا بالمزرعه هدور عليها..
اسيل هجي معاكي..
شروق بتسرع وكذب لا انتي خليكي هنا يمكن ترجع. تبقى تبلغيني..
نجيه شكلك تعبانه يابنتي ارتاحي..
شروق بغصه مش هرتاح وانا بمكاني كده من غير مااعمل حاجه لتنهض وتسرع لكي تغادر…
********
عاد عمر وزين بتعب ولم يجدا مريم
لكن الصدمه بان عمر لم يجد شروق بحث عنها ولم يجد لها اثر..اخبرته عمته واسيل بانها ذهبت لتبحث عن مريم داخل المزرعه ..حاول الاتصال بها لكنها لا تجيب …
زين عمر انا سألت العمال وبلغوني انها خرجت من الزرعه..
عمر زاد قلقه ايه …
ليقاطعهم صوت صرخات ملئت المزرعه وووو
عمر …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية هوس اربعيني)