رواية أنت مرادي الفصل التاسع عشر 19 بقلم علا عبدالعظيم

في المستشفى ..

عمر : يلا يا صحبي نمشي ؟

مراد : امشي و اسيب ملك !

عمر : قعدتك مش هتفيدها بحاجه .

مراد : بس على الاقل ابقا جمبها .

عمر بخبث : طب اي رأيك تأخد حقها وترجع تقعد جمبها ؟

مراد بصله و فهم قصده : يلا .

خرج مراد و عمر من المستشفى و راحوا الجراش بتاع مراد و كان موجود فيه رجالة داليدا ..

مراد : مين اللي بعتكوا ؟

واحد من الرجاله (1)وكان وشه بينزف : مفيش حد يا بيه .

مراد بثقه : لا داليدا اللي بعتتكوا وانا كنت مستنيكوا اصلا . ..

الرجاله بصوا لبعض وواحد(2) منهم قال : تؤمر بـ اي يا باشا واحنا ننفذه بس سيبنا ..

مراد بمكر: بس دا شكله قرارك لوحدك .

الرجاله : كلنا نفس الرأي يا بيه المهم تسيبنا .

مراد بخبث : كدا عال اوي . .. اسمعوا بقا هقول اي وتنفذوه بالحرف الواحد

الرجاله : حاضر يا بيه .

مراد : .كل اللي مطلوب منكم………….

عمر : محتاجني في حاجه ولا اروح دلوقتي؟

مراد : لا روح وتعالى بكرا .

عمر : تمام ..

خرج عمر بس تليفونه رن بص في الاسم وكانت مريم ، قفله و حطه في جيبه و ركب العربيه و راح على بيته .

وفي بيت محمود و عبير

باب اوضة مريم اتفتح و دخلت عبير

عبير : اي اللي مصحيكي لحد دلوقتي ؟

مريم بدموع : عمر مش راضي يرد عليا .

عبير : طب اهدي يا بنتي هو اكيد زعلان سيبيه شويه يهدأ ويكلمك.

مريم : لا انا مش عاوزاه ينام زعلان مني .

عبير : هتعملي اي يعني !

مريم : معرفش يا ماما .

عبير بحزن على بنتها: طيب حاولي معاه تاني و أن شاء الله هيرد .

مريم : يارب يا ماما .

عبير : انا هروح بقا ل ابوكي لانه على اخره هو كمان…

مريم بتحاول تبتسم : تصبحي على خير .

عبير : وانتي من اهل الخير يا حبيبتي.

خرجت عبير من الاوضه وقفلت الباب و مريم رجعت تحاول تتصل على عمر تاني .  

و في قصر ابراهيم السيوفي .

رجع ابراهيم من بره و طلع ل اوضة روز وخبط على الباب ..

روز : ادخل ..

دخل ابراهيم و قعد جنبها ..

روز : خير يا بابا ؟

ابراهيم : هو انتي اللي عزمتي فاطمه على الخطوبة وفرح مراد ؟

روز بعدم فهم : ايوه يا بابا فاطمه زميلتي في الكليه و عزمتها ، في اي؟

ابراهيم : ومتعرفيش أن فاطمه تبقا بنت خالة داليدا ؟

روز بصدمه : ازاي دي عمرها ما قالتلي !!

ابراهيم : ومكنتش هتقولك ..

روز : طب في حاجه حصلت بسبب العزومه دي ؟

ابراهيم بإستهزاء : لا ولا حاجه غير أن مرات اخوكي اتضرب عليها نار و دلوقتي بين الحياه والموت .

روز بدموع : اي اللي انت بتقوله دا يا بابا ! ملك كويسه صح ؟

ابراهيم : لا ملك مش كويسه و حسك عينك حد يعرف بالكلام دا حتى مراد .

روز : هو مراد ميعرفش؟

ابراهيم : مراد ميعرفش اني عرفت .

روز وهي بتمسح دموعها : مش هقول لحد يا بابا .

ابراهيم وهو بيقوم عشان يخرج : أما نشوف .

روز جريت حضنته : انا اسفه يا بابا بس انا بجد مكنتش اعرف .

ابراهيم طبطب عليها : خلاص يا حبيبتي حصل خير المهم نطمن على ملك .

روز : انا من الصبح هروحلها .

ابراهيم : احنا قولنا اي! مش عاوزين حد يعرف اننا عرفنا لحد ما مراد يقولنا .

روز : بس انا عاوزه اطمن عليها.

ابراهيم: متقلقيش انا بعرف اخبارهم اول باول و هطمنك .

روز : حاضر يا بابا .

ابراهيم: يلا نامي بقا وانا هروح انام انا كمان .

روز : حاضر ، تصبح ع خير .

ابراهيم : وانتي من أهله .

تاني يوم قام مراد ولبس و راح المستشفى يطمن على ملك ..

مراد : اي الأخبار يا دكتور .

الدكتور : مفيش اخبار جديده للاسف .

اتغيرت ملامح مراد للحزن و خرج وقعد جمب اوضة ملك .

وبعد شويه جاله  عمر

عمر : اي مفيش اخبار جديده ؟

مراد بحزن : لا   .

عمر قعد جمب مراد : حبيتها للدرجادي ؟ انا اول مره اشوفك مكسور كدا ..

مراد بصله بحزن : وانا اول مره احس اني مكسور ، معرفش هي عملت اي علقني بيها كدا .. انا طول الليل حاضن هدومها وبشم ريحتها فيهم عشان اعرف انام .. انا مكنتش كدا ، كنت مفكر اني كنت بحب داليدا بس لما حبيت ملك عرفت اني عمري ما حبيت قبلها ، ممكن كنت متعود على وجود داليدا و دلوقتي عرفت أن في فرق بين التعود والحب .

اتنهد عمر بحزن على حاله وحال صاحبه..

مراد : انت مالك فيك اي ؟

عمر : بعدين لما نطمن على ملك الاول .

مراد : بس شكلك مخنوق من امبارح.

عمر : فعلا ، انا مش عارف اي اللي بيحصلي دا ؟

مراد : لو عاوز تحكي انا سامعك ..

عمر : بعدين مش وقته ، واكيد مليش غيرك احكيله .

مراد : ربنا يخلينا لبعض .

عمر : يارب يا صحبي .

و في اسكندريه و تحديداً في قصر إسماعيل ..

‏كان هادي بيلم هدومه و نازل بالشنط .

‏اسماعيل : على فين أن شاء الله .

‏هادي ببرود : رايح على بيت اللي ماتت بسببك .

‏اسماعيل بنرفزه : تاني هتقولي ماتت بسببك ، اقولك..غور عشان حتى مسمعش السيره دي تاني .

‏هادي بسخريه : حسستني للحظه أن السيره بتأثر فيك ، وكمل بجمود : انا ماشي بمزاجي و لو رجعت هيبقا بمزاجي برضو

‏

خرج هادي و ركب عربيته و نزل القاهره ، وساب اسماعيل بيأكل في نفسه من الغيظ .

و في بيت محمود و عبير…

عبير : اصحى يلا يا مريم عشان تفطري..

مريم بتعب : انا منمتش اصلا .

عبير بزعل : يا بنتي حرام عليكي نفسك ..

مريم : انا هروحله يا ماما .

عبير : لو دا اللي هيريحك روحي ..

دخلت مريم تلبس عشان تروح لعمر….

و في مكان تاني . 

داليدا بتوتر : اي اللي اخركم كل دا ؟  و اي اللي في وشكم دا كمان. ..

واحد من الرجاله : اصل يا ست هانم …

داليدا : في اي احكي ……