رواية حنين الليل الفصل السادس 6 بقلم أميرة رمضان

رواية حنين الليل الفصل السادس 6 بقلم أميرة رمضان

رواية حنين الليل البارت السادس

رواية حنين الليل الجزء السادس

رواية حنين الليل الحلقة السادسة

جالك عريس وعمك قاله موافقين وفرحك الشهر ده.
_ااااااااااي مستحيييييييل ماما انتي اكيد بتهزري معايا ي سوسه انتي
حضنتني جامد وبكت : انا عارفه اني مش قادره اسعدك وخليت عمك يتحكم فيكي زياده عن اللزوم بس حقك عليا
(لحظه صمت عدت عليا عشان استوعب )_ماما انتي بتتكلمي جد
ماما بانهيار: ايوا لسه قايلي الصبح وكمان العريس ده مطلق
رديت بصدمه : كمااااان
ماما بدموع :انا مش عارفه اعمل اي حاسه ان قلبي هيقف من الزعل عليكي
(ثانيه كلو عندي الا ماما مستحيل اخليها تزعل ويجرالها حاجه رميت حزني علي جنب وقولتلها بمشاكسه)
_وانتي بتعيطي ليه كده ولا عشان مش هتلاقي حد يغسلك الموعين وينضف الشقه
بصتلي وهي مش مصدقه اني اتقبلت الموضوع
_مش انتي نفسك اني اتجوز وتشوفي عليالي قبل متودعي ادينا اهو هتجوز وكمان خلال شهر عشان اجيب العيال بسرعه تشوفيها وتتكلي علي الله بقا 😂

ماما بشك : يعني انتي موافقه
رديت بضحك : طبعا موافقه وهو لو كويس يبقا ربنا بيحبني مش كويس يبقا ربنا بيبتليه هو علي اللي هعملو فيه وعادي يعني لما يبقا مطلق مره كمان
ماما بخضه : طلاااق
_ ياست بهزر معاكي خلاص هطلقو من الدنيا خالص واكون ارمله
ماما بخوف : متخوفنيش عليكي ي بنتي
_ متخافيش ي مامتي اطمني بس قوليلي اهم حاجه امه عايشه ولا ميته
ماما : مش عارفه بس تقريبا عايشه عشان امه اللي جات لعمك وطلبت ايدك منه
_ ربنا يستر علي اللي هيحصل فيها لو عملتلي فيها الحما الحربايه 😂 هدخل اغير لبسي واجيلك
_______#بقلمي_اميره_رمضان
دخلت اوضتي وقفلت الباب وانا عايزه اصرخ واطلع كل الوجع اللي جوايا
حاجه صعبه اوووي ان جوايا بكون بتدمر بس لازم اضحك عشان محدش يشيل همي وبعد الانتظار ده كلو اتجوز واحد مطلق
منظري هيبقا اي قدام اصحابي وانا بترسم عليهم واقولهم مش هرتبط بحد الا لما ياجي قره عيني وهبقا مز وجنتل وجاي من السماء
هيقلولي اي لما يعرفه اني هتجوز واحد مطلق وياترا بقا عندو عيال ولا لاء ياربي ليه بيحصل فيا كده يارب اللهم اني لا اسالك رد القضاء ولكني اسألك اللطف فيه
فضلت فتره كبيره ابكي وبعدين اتوضيت وصليت ودعيت ربنا كتير شويه والتليفون رن
سندس : هتروحي بكرا الحضانه
_ مش عارفه
سندس : مال صوتك
_ مفيش
سندس : لاء فيه قولي
_ ي حبيبتي مفيش انا كويسه
سندس : لاء مش كويسه انا هجيلك دلوقتي اشوف فيه اي
_________#بقلمي_اميره_رمضان
في بيت عمي
عمي سيد : انا مش عارف ازاي خلتيني اوافق علي العريس ده من غير مشوفه
مرات عمي (سوسن): انا شوفته متقلقش وبعدين انت شايل همها ليه كده تكونش خايف عليها
سيد : اخاف علي مين انتي اتهبلتي ي وليه
سوسن : طب زعلان ليه بقا
سيد :انا مش زعلان انا حافظك مش بتوافقي علي حاجه الا لما حد يديكي فلوس
سوسن قامت فتحت الدولاب وطلعت منه فلوس كتير
سيد بصدمه وفرحه : اي ده

سوسن : العريس عطاني الفلوس دي عشان نوافق عليه وانا خليتك توافق من غير متشوف العريس عشان الفلوس دي كلها مبالك لما انت اللي تقابل العريس وتجوزها ليه هيديك عشر اضعاف المبلغ ده
سيد بجشع : طلاما فيها فلوس دانا اوافق يتجوز ندي مع حنين كمان
سوسن بضحكه طمع: اهو جاي بكرا عشان يشوف الهانم ونقراء الفاتحه ونحدد ميعاد لكتب الكتاب وشوف بقا العز اللي هنعيش فيه
سيد : ياجي بالف سلامه ده احنا نفرش ليه الارض ورد
_________
نزلت عند عمي
بسمه فتحتلي الباب وحضنتني اوووي
بسمه : عرفتي اللي عمك عمله
اتكلمت بهدوء_عرفت
بسمه : طب وانتي هتعملي اي
ندي : حنين متسكتيش ابويا قراره ده ممكن يخرب حياتك عادي جدااا
_ طب هو فين
ندي : باباااااااا كلم
عمي : جاي تقولي انك موافقه صح
_ انت ازاي توافق من غير متاخد رايي
عمي ببرود : خدنا رايك كتير وكنتي بترفضي زهقنا من الحوار ده فوافقنا احنا
_ والله ..!! طب ومين بقا العريس
عمري : مرات عمك عرفاه كويس وشيفاه مناسب ليكي اوووي
_ اي ده بجد وهي مرات عمي من ايمتي وهي شايفه حاجه مناسبه ليا
عمي : اهو اللي حصل والعريس جاي بكرا يشوفك ويقراء الفاتحه واحتمال كمان نكتب الكتاب
رديت بسخريه : طب منعمل الفرح بكرا بالمره
مرات عمي بشماته: وليه لاء
اتضايقت اوي وطلعت رزعت الباب ورايا
__________#بقلمي_اميره_رمضان
بعد شويه مرات عمي
الو ايوا ي مدام العروسه موافقه وكلنا موافقين
=بجد طب كويس
سوسن : مستنينكم بكرا تنورونا
=ماشي جاين وهحليلك بوقك

سوسن بفرحه وطمع : تنورينا ي هانم والله
________
سندس دخلت البيت
طنط صحتك عامله اي
ماما : كويسه ي قلبي
سندس : امال حنين فين عشان فيه موضوع مهم اوي عايزه احكيلها عليه
ماما : في اوضتها
دخلت سندس الاوضه بسرعه
حنين في اي مالك احكيلي
حضنتها اووي : جالي عريس مطلق وعمي وافق عليه وفرحي الشهر ده
سندس بصدمه : نعااااام
_ انا مش عارفه اعمل اي انا هموووووت
سندس بعصبيه : ارفضي طبعا مستحيل تتجوزي كده
_ حاولت اني ارفض بس مش حل اني ارفض علي اساس انك مش عارفه عمي
سندس : خلاص لما تاجو تكتبو الكتاب والمؤذون يقولك موافقه قولي لاء
_ والله عايزاني افضح نفسي وعيلتي قدام الناس انتي عبيطه

سندس : يبقا مفيش غير حل واحد
_ اي هو الحقيني بيه بسرعه
سندس : اهربي دلوقتي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حنين الليل)