رواية الجامحه والبدوي الفصل الرابع عشر 14 بقلم ميفو السلطان

رواية الجامحه والبدوي الفصل الرابع عشر 14 بقلم ميفو السلطان

رواية الجامحه والبدوي البارت الرابع عشر

رواية الجامحه والبدوي الجزء الرابع عشر

رواية الجامحه والبدوي الحلقة الرابعة عشر

خرجت رودينه من مكتب حمزه وهيا مشوشه من كلماته وهجومه لتندفع الي الحمام وتغلق علي نفسها وتجلس لتهدا فقلبها سيخرج من مكانه مما حدث بينهم لتظل ساهمه لتنساب مشاعرها.. ايه ده حمزه بيحبني.. وكان بيغير عليا.. كل تصرفاته وغضبه ده غيره.. حمزه بيحبني انا.. لتحس بمشاعرها تثور وتحس بسعاده بداخلها.. اه هو قال بيحبني وعايزني بتاعته يعني مش بيضحك عليا. لتتنهد.. ايه يا رودينه هتنسي معاملته الزباله عشان قالك بيحبك خلاص وقت اما يحب سعاته تقولي حاضر وامين.. لتسهم.. بس انا انا بحبه ايوه بحبه هضحك علي نفسي انت بتحبيه يا رودي انت من زمان بتحبيه وزيه وما كتيش حاسه.. لما كنا في الرحله كت هموت عليه لو بص لحد تاني ولما كنت بين ايديه ماحسيتش بنفسي وعايزه ابقي معاه دانا بسيح معاه وقلبي هيقف طب ايه وبيقلك بقيتي بتاعته يعني عايزني حمزه عايزني لتبتسم وتجلس سعيده لتقطب جبينها اه وسيادته بقه لما يقول كده هسمع الكلام ماهو فاكر نفسه فوق الكل وانا اقطم لا لازم يفهم اني زيي زيه ويحفي عشان يوصلي.. لتبتسم وتهتف بغباء يبقي خلاص يتربي الاول ويموت علي مايوصلي وبعدين اوافق واقعد احب فيه براحتي يخربيته دا قمر وبيدوخني طب ايه اعمل ايه.. لتبتسم بخبث مفيش الا ادهم يقهره لتضحك طب يا حمزه والله لاوريك ان ما ألففك حوالين نفسك لا وامه دي هعمل فيها ايه اه لازم يلمها هو يتصرف معاها وساعتها اقبل اتجوزه لتجلس سعيده بيحبني الجزمه من زمان ومبهدلني يخص عليه ماشي يا حمزه بنت امينه هتربيك الاول هوقف قلبه الاول وبعدين ارشق في حضنه يحبني زي ماهو عايز..
عند سهيله كانت قد استيقظت لتسمع اصوات بالخارج لتجد عدد من البدو وأتي عدد من النساء لتصطحبها لتبهت قليلا لتجد جواد بجوارها.. دول اهلي وعيلتي ليتجمع الجميع ويرحبون بها فهيا العروس المنتظره وهيا لا تعرف ماذا تفعل وهو ملتصقا بها والكل سعيد بوجودها لينتقلا الي مكان به الكثير من الخيم لتندهش من ذلك المكان كان مكان بجوار احد البحيرات به خيم مبيره الحجم متباعده وفي المنتصف حلقه كبيره َمجلس كبير كان المكان رائعا ليذهب جواد اليها. ياخذها بعيدا لتهتف جواد من فضلك اعقل انا عايزه امشي من هنا ماتخلنيش اعمل حاجه تخلي شكلك مش كويس اهلك شكلهم طيبين ليه كده
ليضحك لا هما شكلهم طيبين بس لو عرفو انك هتخلي شكلي وحش ماقلكيش اللي هيجرالك.. سهيله احنا هنتجوز ودا امر واقع
لتهتف بغضب.. انت متسلط مفيش حاجه بتتبني عافيه هكمل معاك ازاي وفاكرني هسكتلك طب وبعدين لما نتنل هنا ايه اللي هيحصل وابقي وسط اهلي مانا هسيبك انت عقلك فين.
ليضحك احنا نتحوز هنا وهناك هتصرف اضمنك هنا الاول انت ليه موقفه دماغك ومش قادره تقتنعي اني مش هسيبك.
لتهتف… طب يا جواد اعمل اللي في دماغك ولما نرجع اخبط راسك في الحيط والله لاخلعك وابقي اتفضح بقه.
ليضحك… والنبي عسليه وفاكر نفسك جامده دا قلبي هيسيح هنا ويبسطني ولما نروح هناك هيرشق في حضني دانا جواد واقترب منها وشدها القمر ده بتاعي هنا وهناك.
لتدفعه بارتباك.. اوعي بقه دانت مريض عبوشكلك وتركته وذهبت الي الخيمه لتدخل عليها النساء تحضرها للزواج والكل علي قدم وساق والنساء سعيدات فجواد مكانته عاليه في القبيله ليتجمع الرجال ويقيمون الاحتفالات وتلبس سهيله لبسا بدويا رائعا وتظل تنتظر مكانها لياتي اليها جواد وعند دخوله وقف سارحا في جَمالها.. ليقترب منها.. ايه القمر ده بتاعي ده كله ليا لتخجل من نظراته ليشدها اليه انت حلوه اوي يا سهيله انا حاسس اني دخلت الجنه.ليشدها يقبلها ويظل محتضنا اياها وهيا متخبطه ونشاعرها تدفعها اليه. ليخرج بها لتحس بالرهبه فالكل متجمع صغير وكبير لتبدا مراسم الزواج بينهم وياتي شيخ القبيله ويعقد عليهَ وتتم الزيجه العرفيه ليهتف الشيخ مبارك عليك يا ولدي زوجتك العمر كله ليقترب منها جواد ويهتف.. عارفه يعني ايه دا معناه مفيش حاجه هتفرقنا الا الموت البدوي جوازته العمر كله
لتنظر اليه وقلبها يرجف ليقبل راسها وانا هشيلك في عيوني العمر كله ولا يوم ازعلك.. كانت تقف تنظر لعيونه ومشاعرهما تنساب لياخذها ويبدا في الدخول الي حلبه الرقص والجميع حولهم والصياح هنا وهناك وهما يمسكان يدي بعضهما وعيَنهما متعلقه ببعضهما وهو يدور بها ويرقص حولها رقصات بدويه وهيا واقفه لا تفعل شئ سوي التعلق بعينيه لتحس بمشاعرها تهتاج وقلبها سيخرج من مكانه كان يدور حولها ويتلمسها بحب وهيا اصبحت في عالم الخيال فالاجواء والموسيقي والصياح والنيران من حولهم تلهب قلبها وتأجج مشاعرها وعيونه لا تحيد عنها لتحس انها ذابت تماما واستعادت شخصيتها الجميله الحنونه لتعود البراءه اليها وتشعر بسعاده غير عاديه وان قلبها ينبض بوجوده امامها حتي لو كان كل ما فيه غصبا الا انها سعيده به وبما هيا فيه ليقربها اخيرا وياخذها ويحملها الي احد العربات ويرحل بها ليذهب بها الي مكان الخيمه المنصوبه بعيد بجانب البحيره كان المكان مزين ورائع ليذهب اليها وينزلها لياخذها بجوار النيران ويقف بها محتضنا اياها بجوار البحيره كانت صامته وقلبها يرجف والخيم البعيده كانت مزينه والنيران في كل مكان والشموع كانت الاجواء خياليه تبعث الي الرهبه ليشدها اليه دون صبر ويقبلها بشده كان قد تعالت رغبته واحس انه سيجن من وجودها ليقبلها بقوه لتحس انها ذابت بين يديه ليبعدها اخيرا.. احلي عروسه في الدنيا قمر انا قلبي هيقف من الفرحه اخيرا بقيتي بتاعتي..
لتبتعد عنه مرتبكه وتجلس بعيدا ليبتسم ويهتف طب ايه هتسيبسني كده لوحدي من اولها.
لتقطب جبينها ليضحك… طب يلا يا مزتي انا بقه هموت من الجوع نشوف عاملينلنا ايه ليذهب الي احد الطاولات ويزيح المفارش ليجدا جميع اصناف الطعام ليبتسم ويهتف لا دول متوصيين بينا اوي ليذهب ويشدها ويجلس بها يلا مدي ايدك والا اكلك..
لتتنهد وتهتف لا هاكل.. ليشرعا في الاكل وهو يداعبها َهيا مشتعله من مداعباته ويطعمها ولا يتركها لنفسها لحظه كان هجومه عليها كبيرا يهلكها لتحس انها لم تعد تقدر علي قربه لتهتف بطل بقه مانا باكل اهوه.
ليهتف.. بس انا عايز اكل حبيبي حد يبقي جنبه القمر ده ويسيبه كده..
لتهتف… جواد بطل بقه طريقتك دي ادينا انغرزنا في جوازه مالهاش لازمه اهَدي بقه.
ليضحك واقترب من وجهها…. يا بنتي بقه بمخك ده حد يقول كده ليله فرحه..
لتهتف بسخريه… فرحه.. انت مصدق نفسك
ليضحك…. اه مصدق مراتي ومعايا وباحبها وقمر جنبي ماصدقش ليه ليمد يده الي وشاحها ليزيله لينسدل شعرها.. يخربيت كده قمر ماتشيلي بقه الباقي.
لتشهق وتنظر اليه غاضبه ليضحك بشده…. ايه مانا عارف ملبسينك ايه تحت هو انا اهبل.
لتنظر اليه بغضب… احترم نفسك بقه انا سكتالك من الصبح بقله ادبك وقامت وابتعدت عنه.
ليهب احترم نفيسي في ليله زي دي انت باينك هبله يا قلبي ليقترب منها ويشدها لترتعش بين يديه ابعد بقه هو ايه عافيه. سيبني في حالي بقه مش عملت اللي في دماغك.
ليبتسم بحب…. . لا لسه ماعملتش لسه يا قلبي.. ليشدها ويذهب بها الي المياه ويضغط علي احد مشغلات الموسيقي لتصدح في الافق موسيقي رائعه ليرجف قلبها وياخذها بين يديه ويظل يدور بها وهيا قلبها سينخلع ليهمس بجوار اذنها بحبك لترتعش بين يديه ليرفع وجهها وينظر اليها ليجدها تائهه جميله ليقبلها قبلات رقيقه.. انت حلوه اوي يا سهيله اخيرا بقيتي بتاعتي ملكي.
لتهمس… جواد اعقل بقه احنا مانعرفش بعض
ليهمس ويداه تتحركان علي جسدها…. انا عارف كل حاجه فيكي قلبي حافظ حبيبه انت اللي مغلبه روحك انت جواكي نار كبتاها ليه مش عارف.
لتهمس… جواد انا مش زي اي حد حرام عليك انا تعبانه.
ليهمس… انت اللي تاعبه قلبك قلبك بيدق نار بين ايدايا عيونك عايزه وانت رافضه سيبي نفسك بتعذبينا ليه
لتهمس…. مش عايزه جواد انا انا.. لتصمت..
ليهتف… انت خايفه تسيبي نفسك وتفتحي قلبك خايفه مني بس انا بحبك وعمري ماهوجعك..
لتهتف… جواد حرام قلبي خلاص مش قادره سيبني في حالي.
ليهتف… ماقدرش ولو قدرت مش عايز انا عايزك من يوم ماشفتك عارف انك بتاعتي لو سيبتك ابقي سيبت روحي.. انتي هتبقي مراتي هنا عشان لما نرجع ماتعرفيش تعملي حاجه ليشدها اليه وينهال عليها يقبلها وهيا تقاومه. كان كل شئ فوق طاقتها كان عاشقا رائعا ومحبا متفانيا لتحس انفاسها ستنقطع بين يديه كان لينا معطاءا لتحاول ان ترجعه لتهمس جواد بالله عليك سيبني جواد سيبني والنبي قلبي هيقف..
ليهمس بحب… اسيب روحي اسيب ازاي مش قادر والله ماقدر وقلبي هيقف اكتر منك الف مره سيبي نفسك يا قلبي كانت محاوله لتبعده.. لتهمس… بالله عليك بلاش طب لما نتجوز سيبني..
ليتنهد ويحس برعبها ليضمها اليه بحب ويقبل راسها ويحملها ويذهب بها للفراش ليهمس اهدي طيب واراحها وقلبها يرجف ليظل فتره ينظر في عيونها ليهمس انت بتاعتي دلوقتي وبعدين انت كلك ليا لتغمض عينيها فمشاعره طاحنه لقلبها ليقترب من شفتيها ليهمس بحب القمر اعمل ايه في قلبي ده انحني يتلمس شفتيها بحب وهيا ترتجف ليهمس حاسس اني هفطس.. لينهال عليها ليتوهاوهيا سقطت كل دفاعاتها ليظل طويلا ملتصقا بها ليبتعد اخيرا وقلبه سينفجر لياخذها في احضانه ليهمس حاسس اني ملكت الدنيا ليشدها اليه ويهمس نامي يا قلبي نامي في حضن حبيبك.. لترتخي هيا بين يديه من كم مشاعرها وحنانه المفرط لتنام اخيرا ولاول مره تحس بالامان وتعود سهيله لشخصيتها الحالمه القديمه اما هو فظل كثيرا يحاول ان يهدا والسعاده تشق قلبه انه اخيرا ملك تلك الجامحه التي اقتحمت حياته كحوريه خرجت من الماء تخطف قلبه.
عند رودينه كانت تجلس مع ادهم ليهتف طب ايه مش هتيجي معانا يا بنتي والله هنهيص واحنا شله كبيره..
لتهتف… طب يا ادهم بس سببني بلاش انهارده خليها بكره.
ليهتف… وليه مش انهارده داحنا متجمعين كلنا
لتهتف… يا سيدي خلاص تتجمعو بكره مش مستعده انهارده.
ليهتف….. طب خلاص بس بكره اخر كلام لتبتسم له ليهتف انت حلوه اوي يا رودينه لتلمح حمزه يخرج لينصرف لتقترب من ادهم وتهمس بجد يا ادهم حلوه
ليبتسم ادهم ويقترب.. يا لهوي دانت مزه طحن يا بنت الايه عسليه كان حمزه قد راهم من بعيد ليقترب وهو مشتعل ليسمع كلامه ليهجم عليه ويمسكه من هدومه ليصرخ هيا مين يا روح امك اللي مزه طحن ماتحترم نفسك.
ليهتف ادهم ويهتف…. ايه يا حمزه انت اتجننت
ليهتف حمزه…. ماهو لما تتجاوز حدودك يبقي لازم ليك وقفه.
لتهتف رودينه… فيه ايه يا حمزه مالك بيه هو ايه ده وماعملش حاجه.. لتراجع مذهوله ليهتف نعم ياختي
لتهتف… ايه احنا اصحاب مافيش بينا تكلف وخلي بالك بقه انت من كلامك.
ليهتف ادهم بشماته.. اظن كده ما اتجاوزتش حدودي يا حمزه بيه والا ايه.
ليظل ينظر اليهم بغل ليهتف.. حسابك بيتقل يا بنت عمي ومش هعديهالك ليستدير وينصرف غاضبا
لتهتف هيا…. ادهم من فضلك خلي بالك من كلامك انا مارضيتش احرجك قدامه انا مابحبش التجاوز.
ليهتف بمرح.. الله هنقلبها غم ليه ماكنا حلوين..
لتهتف… انا قلتلك بقه وانت حر انا ماشيه خلاص.
ليهتف طب اكلمك بالليل نتفق عالخروجه لتهز راسها وتتركه َتنصرف ذهبت الي الاسانسير وما ان انفتح الاسانسير حتي وجدت حمزه يهجم عليها ويوقف الاسانسير ويدخل وينزل بها ويضغط علي زر الوقوف لتنظر اليه بخبث.. ايه يا حَمزه انت ماروحتش
ليمسكها من ذراعها ويهتف بغضب.. انت خلاص عايزه حد يرقعك علقه يموتك انت ايه فلتي مابتحترميش نفسك ليه انت عايزه تهبلين.
لتهتف بهدوء…. اهبلك انا مالي بيك اساسا.
ليصرخ…. بت انت لمي نفسك انا علي اخري والزفت ده يبعد عني.
لتضم يديها وتهتف…. يبعد ليه انا مبسوطه وجايز ربك يوفق رسين في الحلال عشان امك ترتاح يا حمزه من ولاد امينه.
ليصرخ…. راس لما تفلق دماغك بت انت اتعدلي مافيش حد هياخدك غيري.
لتضحك وتهتف… طب وماما يا حمزه مش شايفالك عروسه مابتجريش ورا فلوسكو لا كده تزعلها وتاخد بنت امينه السهله الرخيصه.
ليصرخ…. مالك بيها انت ليكي انا ايه.
لتهتف بدلع.. انت ايه يا ميزو
لينظر اليها بحب.. انا بحبك يا رودي اعمل ايه طيب عشان تعقلي والله بحبك.
لتهتف وهيا تهز كتفيها.. مش حاساك يا حمزه ماتتعبش نفسك ماحدش بيحب مره واحده الواحد الاول يحن ويدلع وبعدين يحب انما اللي حصل كله نطح وتعالي وقله ادب من سيادتك وتكبر احسك ازاي.
ليهتف… طب اديني فرصه ادلع واعمل الي تقولي عليه والله هغرقك دلع.
لتهتف.. تؤ تؤ تو تو وقتك فات يا ميزو ودخل دنيتي حد تاني بيدلع ويطبطب من غير نطحح.. ماعتقدش ينفع.
ليصرخ… هو مين يا زفته الطين اللي بيدلع نهارك اسود ماتتلمي بقه وتحترمي نفسك
لتهتف…. شوف بتكلميني ازاي وهو بيكلمني ازاي..
ليصرخ…. انت مالك بيه من اساسه ربنا ياخده بت اعقلي بقه انا علي اخري.
لتهتف… اخرك ايه ماعتش هتحبني خلاص يكون احسن وسيبني ليه احسن.
ليشدها اليه ساعتها تكون روحك طلعت لو اسيبك لحد تاني غيري وانت تتلمي عشان والله ما هستحمل ولا هسكتلك.
لتنظر اليه وتهتف… اعلي ما في خيلك اركبه يا ميزو.
لينظر اليها بغضب ويهتف…. انت مش راضيه تتلمي صح طب يا رودينه وشدها اليه يقبلها بعنف وهيا مستكينه مستسلمه بارده لا تفعل شيئ ليبتعد غاضبا.
لتهتف…. ايه خلصت.. نمشي بقه ممكن
لينظر اليها بذهول.. لتهتف ايه عايز كمان. لتضحك ليصرخ…. ماتحترمي نفسك بقه
لينفتح الاسانسير ليشدها وهيا ورائه سعيده بغضبه ليضعها في العربه ويندفع بها حتي وصلا البيت لتترجل من العربه وتدخل بيت جدها لتجد الجميع لتجلس ليهتف الجد عامله ايه يا حبيبه جدك في الشغل..
لتهتف.. تمام يا جدو ربنا يخلي عمي وابن عمي.
لتهتف والده حمزه.. اه ياختي مبسوطه انت اكيد هو فيه زي ابني
ليهتف حمزه بغضب.. ماما من فضلك
لتهتف رودينه… ليه ماتسيبها وماتبسيطش ليه يا طنط مش شركه عمي وابن عمي
ليدخل كريم.. لا يا رودي دي شركتكو قبل ماتكون شركتنا يا حبيبتي..
لتهتف والده حمزه… اه دا اللي كان ناقص
لتهتف الجده.. ما خلاص بقه هو فيه ايه.. قومو يلا حضرو الاكل عشان ناكل
لتهتف رودينه…. امال ماما فين
لتخرج امينه انا هنا يا قلبي تعالي خدي الاكل ليقوم الجميع ويضعو الطعام ويجلس الجد حزينا فبعد رودينه عن حمزه اتعبه ليهتف كنت عايزك يا حمزه بعد الأكل.
ليهتف حمزه…. دانت تؤمر يا جدي
ليمر الوقت وينتهي الطعام وياخذ الجد حمزه ويبدا في الكلام…. اسمع يا حبيبي انا شايفك َحاسس بيك وعارف انك عايز رودينه بس هيا ماعرفش مالها كانت كويسه ايه اللي حصل انا حاسسها متغيره البت اتبدلت فيه ايه يا حمزه حصل بينكو حاجه زعلتها يابني.
ليرتبك حمزه.. لا والله يا جدي هيا بس اللي خافت من الجواز مره واحده وانت عارف ماما صعبه وخافت.
ليهتف… طب يابني انا وافقتها تفسخ الخطوبه بس قلبي واكلني.
ليبتسم حمزه… اطمن يا جدي رودينه هتبقي مراتي في القريب اوي وهلين دَماغها هيا بس خايفه.
ليهتف… طب يا حبيبي فرحني الاهي يريح بالك ماتسيبهاش يا واد طمنها وخليها تامنلك رودينه طيبه وهبله سهيله صعبه واتغيرت انما رودي هبله حاول تكسبها قبل ماتقلب بومه زي اختها قلبي واجعني عليهم.
ليهتف حمزه… اطمن يا جدي قريب خالص هاجي اقلك حدد ميعاد الجواز والشقه جاهزه ومفروشه فاضل حاجات بسيطه انت عارف اني بحضرها من زمان علي مزاجي يا دوب رودي بشنطه هدومها تنورها.
ليبتسم الجد… عارف يا حبيب جدك واه ابعتلي امك اديها كلمتين تحل عن سما امينه وولادها عشان شغل النسوان والتقطيم ده بدل ماطين عيشتها انا سكتلها كتير.
ليهتف حمزه… ربنا يهدي يا جدي.
ليخرج حمزه ويرسل امه لتاخذ نصيبها من الجد حتي تكف عن ملاحقه امينه واولادها وكف لسانها عنهم..
بحث حمزه عن رودي ليجدها في البلكونه تقف تنظر الي الفضاء كان الجو رائعا والسماء صافيه والمنظر امامهم واسع ورائع فكان البيت يطل علي مساحات خضراء واسعه تاخذ العقل ليدخل عليها ويحتضنها من الخلف ويهتف.. وحشتيني.. لتبتسم داخليا وتتنهد ليقبل خدها لتستدير بهدوء وتهتف ايه قررت تبقي حنين مره واحده.. حلوه الدخله دي.
ليتنهد.. انت مخك ايه ارحميني بقه رودي اعقلي عايز اكلم جدي نتجوز والنبي يا رودي مش حاسه بيا انا بحبك يمين بالله بحبك.
لتهتف…. اممم بتحبني يا ميزو يا حرام اعملك ايه.
ليهز راسه ويتنهد…. رودي بطلي بقه غباوه انا ماعتش قادر.
لتهتف بدلع… مش قادر ايه يا ميزو انت لحقت.. ايه زهقت قوام.. طب معلش بقه ماعطلكش وهمت ان ترحل ليشدها ويهتف بغضب هو ايه اللي زهقت ما تتنيلي تقفي انا نطقت استغفر الله.. رودي انت عايزه ايه قولي طلباتك اللي عايزاني اعمله هعمله
لتهتف بدلع.. الله وانا مالي ماتعمل اللي عايزه والا اقلك اسال طنط هتعرفك تعمل ايه بدل ماتقع وقعه ماتعجبهاش.
ليهتف ساخطا.. يادي السيره الزفت.. رودي انا عارف ان ماما غلطانه وبتتجاوز بس صدقيني هقفلها مش هسيبها تكلمك.
لتهتف… وتكلمني بتاع ايه انا مالي ومالكو.
ليهتف بغضب.. ما تتعدلي بقه الله انا كلمت جدي. هنتجوز خلاص وانت اعملي حسابك علي كده.
لتضحك وتقترب منه وتهتف.. لا بجد كيس جوافه انا طب وهتتجوزني من غير مالست الوالده توافق لا عيب رضي الام وكده.
ليصرخ… انت مالك بيها ماتخليكي في حالك
لتهتف… اممم تصدق نصيحه كويسه هعمل بيها وابعد عنكو واخليني في حالي.
ليهتف… رودي انا بحبك انا عارف اني كت غبي وحمار وطور كمان وماشفتيش مني حاجه كويسه بس والله عرفت كل ده كنت بحبك وبغير عليكي دانا في الرحله كنت هموت ولما ماما عملت اللي عملته كنت هموت الف مره والله بعشقك يا قلبي واتمني قلبي يحن عليا انا عارف وحاسس اني جواكي يا بت والله بحبك اموت نفسي.
لتقترب منه وتهتف…. لا تموت ايه بس انا مش حاسه اعمل ايه مش حاساك يا ميزو لتشير لقلبها…. هنا مابيدقش شوف مابيدقش والله..
ليسهم من دلعها ليشدها اليه ويهتف انا هخليه يدق وشدها َانهال عليها يقبلها بحب وحنان وهيا تستجيب له واعطته مشاعر جياشه ليتمادي وينهال عليها يحتضنها بحب ليبتعد اخيرا ويضع راسه علي راسها ويهمس لسه مش حاسه..انت بين ايدايا زي مانا عايز.
لتبتسم له َتبتعد لتهتف… لا يا ميزو دا زي ما انا عايزه انا اللي بوريك اهه اني ممكن ابقي ليك بمزاجي انا وكيفي انا مهما عملت انا اللي اقرر كان يقف مغتاظا ليرن هاتفها لتنظر اليه لتهتف.. اوبس.. دا ادهم شوفت بقه عطلتني عنه كان مستني ارد لترفع اصابعها وتتلمس شفتيه.. اسيبك يا ميزو واروح اشوف مصلحتي واستدارت وتركته مشتعلا.
ليهتف يمين بالله لاكون قاطم رقبتك عشان تتلمي ونتجوز ونخلص وذهب ورائها ليجدها تجلس بجوار والدتها وتتحدث بصوت هامس ليجلس وينظر اليها بغل وهيا تضحك و َتبتسم وهو يجلس كانه علي مراجل تقتله.. كان ادهم يحدثها عن ميعادهم في اليوم التالي وهيا تسمع له وتوافقه لتتفق معه انها ستصاحبه غدا الي ذلك المكان مع اصدقائه لتقفل الخط علي ميعاد ليغلق ادهم الخط ويهتف بمكر.. والله وجيتيلي يا قطه عالطبطاب هتهيص يا ادهم بت مزه تتاكل وجتلك سهله مقشره دوس َيلا وعلم عليها خليها تبقي بتاعتك تمز فيها براحتك انصرف وفي نيته السؤ لها

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجامحه والبدوي)