رواية التضحية الفصل الرابع 4 بقلم آية حسن

روحت شهد وكانت عادية جدا لان عارفة عبدو منو وشن اختيارها

لكن ماخطمتش عليه لان عندها خدمة في الحوش وبتمشي تكمل حاجات المدرسة.

عبدو عنده بضاعة جديدة يستف فيها و لاهي علي شهد ما كلمهاش وشهد عندها علم بشغله وعلاش مغطس عليها خلاته علي راحته يخدم علي حاله

روبين روحت لبست بنطلون ابيض وتيشيرت ابيض كت وفوقه تجاكة دجين ووشاح اسود وفي طريقها لعبدو

وصلت ندى لعبدو وكالعادة كان يتصل بشهد لكن ما تردش من لما روحت، خيرها زعما؟

بعد حوالي اسبوع ……!

روبين: السلام عليكم، عبدو كيف حالك؟

عبدو باستفزاز: الحمد لله، تفضلي

روبين: عبدو اني قداش ليا شادة روحي، اني نحبك

عبدو.: كييف؟ شن تخرفي انتي؟ اني مرتبط ي بنت

روبين: صار منه موضوعك؟ وانت كنت تتقزز من البنات؟

عبدو: نحبها عندك مانع؟ ربي جمعني بيها غيرت رايي

روبين: منو به؟ هات ما يثبتلي انكلامك حق مش كدب؟

عبدو اعصابه في حالة: شهد صاحبة ندى واني معترف بيها وعيلتي كلها تعرف وفخور باختياري

روبين: شهد! اني من اسبوع قلتلها نحبك ونبيك وماقالت شي!

عبدو: اطلعي برا ومعش نبي نشوف وجهك طول عمرك، شهد كيف بنديرلها توا؟

شهد ماتردش علي تليفونها هي كانت مشغولة، لكن عبدو مايعرفش، يحساب علي خاطر كلام روبين، قعد يضرب في الحيط ولعن سلسفيل اهل روبين عاللي ادير فيه

روبين طلعت والشر في عيونها ومن هني نقوللكم ان نار الحقد بدت عند روبين من ناحية شهد

عبدو: اسمعي توا تكلمي شهد تقولليها ترد عليا توا

ندى: باهي تو نكلمها غر خيرك متعفلق شنفي؟

عبدو سكر عليها وقال في سره: حي عليا شن درت في عمري البنت ضاعت مني كيف الحل توا؟….. احسن شي نكلم احمد ونحكيله……..!

احمد : هدي روحك شهد مش هكي ولو القصة تطورت برا لبوها طول وبلا مماطلة وكلمني كان في جديد

عبدو: باهي به يصير خير خلي نشوف ندى

في مكان تاني …شهد تتفرج علي فيلم بعد ماكملت ضمان وتليفونها صامت وقعد في الشنطة،

كلهم قالبين عليك الدنيا وانتي تتفرجي

ندى متصلة قريب 17المرة منغير عبدو اللي فاتو 50 وشهد ولا كأنها هي هايمة في الفيلم وجوها لوز

ندى: اسمع راهو ماتردش كيف الحل؟

عبدو: البسي عبايتك جايك نلقاك لوطة بسرعة ندى

ندى: علاش غر قول…. حي سكر عليا

يادوب لبست ندى عباية ووشاح كلمها : هياااا قلت هيااا

نورية: وين ماشية؟ وخيره وجهك احمر !

ندى: والله مانعرف هذا ولدك يبيني معاه.

نزلت ندى تجري خايفة من عبدو ولما ركبت السيارة لقاته حق والع

عبدو: تعرفي حوش جدها وين؟ اني نعرف الشارع بس

ندى: اي نعرفه الحوش. …لكن شن في بس؟

عبدو: مافي شي بنمشولها وتخليها تطلع معاك توا فاهمة؟

وصلو للحوش نزلت ندى اطقطق، شهد مزال تتفرج

فتحت امل الباب: اهلا يا بنتي كيفحالك اليوم؟

ندى: الحمد لله شهد وين؟ خيرها مش واتية؟

امل: علاش عندكم حاجة؟ … شهد …يا شهد تعالي

شهد: ندوشتي اهلا، خيرك شن في؟

ندى: نسيتي، المدربة تبينا عندنا امتحان….. وغمزت

شهد فهمت: اهاا اي صح نسيت هي خلي نلبس ونجيك

امل: والله ما وقته توا لكن البنت جاتك خلاص، منو بيرفعكم لان المغرب اذن بتمشو بروحكم والجو صقع

ندى: خوي عبدو يستنى فينا برا

لبست شهد عباية ووشاح عبدو المفضل وبخت ريحة وساعة في يدها وطلعت هي وندى، ندى ركبت من الخلف زي ما متفقة مع عبدو وشهد بتركب جنبها ناض الفالح

عبدو: لالا تعالي هني فجنبي

شهد: هني روحك مش ح نركب هني لاا

عبدو: يا تركبي يانلم عليك الناس توا بكلمة واحدة

شهد: ووووه مابعدي منك وماحرفك ها ركبت سكر فمك

عبدو: اني سكر فمك باهي توتشوفي عليها وباسها من خدها

شهد تحشمت لان ندى معاهم وفنصت فيه

نزلت ندى من السيارة: هي سلام عبدو يبيك في موضوع هي بعدين نهدرزو بااي

عبدو تفكر الموضوع: اقعدي هني عندي معاك هلباا كلاام

شهد: وين رافعني وانشالله خير

عبدو والع: تسكري فمك وتسكتي مادخلكش وين رافعك

شهد. مصدومة اول مرة تشوف عبدو متعصب هكي

عبدو قعد مرة مرة يشوفلها لان عارفها فيسع ما تبكي وهي فعلا بتبكي خلاص شادة روحها بالسيف مشو وقفو ع البحر وكان الجو مطر وصقع والدنيا ظلام والجو مشحون عندهم

لما وصلو قعدت تبكي خلاص من العياط عليها مسحلها دموعها وعطاها امية

عبدو: احكيلي شن صار بينك وبين روبين وبلا لف ودوران

شهد بصوت مبحوح: ما صار شي هي تبيك وتحبك اني سكتت وفوق من هذا كله جاي تعيط عليا شن مزال تبي؟

عبدو : اسف وربي لكن كله منها الدحناسة وربي خفت عليك منها بعد ماقلتلها اسمك، لكن لو تكلمك تعرف حسابها

شهد تتكلم: لما عيط عليا نحسابه في حاجة وهو هدا كله علي خاطر موضوع روبين نزلت من السيارة لاني كنت خلاص مخنوقة منه كيف جي ضدي ولو اني نبي انكد الحق معاي كيف وحدة تقولي معجبة بحبيبي ونسكت نزلت قعدت نبكي مع السحاب وفجاة لقيته حاضني من الخلف

عبدو: سامحيني ي اعز مانملك جت الفصلة فيك انتي

شهد تلفتت وحضناته: مسامحاتك لكن بشرط، الحضن هدا ليا اني بس، اني بس ندفى فيه

عبدو: هههه وعد وربي وعد مني مايدفيه غيرك هالحضن

ركبو السيارة لان خلاص مبلولين ولعو الدفاية وقعمزو شوية وعبدو يبي يدير حاجة لكن مش معروف شن هي

شهد: غدوة اول يوم مدرسة بنمشي بروحي ع الصبح

عبدو: الساعة كم تطلعي من الحوش؟ كلميني اول ما تطلعي

وباسها من شفايفها وكانت اول بوسة للاتنين

شهد ذابت ولاول مرة وبعدين فاقت علي روحها

شهد.: هي روح بيا وقت عليا

عبدو: ههههههه خفتي؟ماتخافيش منديرش حاجة اضرك

روح بيها وصلو قدام الباب والمرة هادي شهد باست عبدو لكن من خده مش جريئة بش تبوسه زيه

كلمتها ندى: مرت خوي شلونك

شهد: ندى مش وقت برادة كيف خشيت للحوش

ندى: شن صار بينكم اكيد حاحة خطيرة.. قولي

شهد: سكري فمك ماصار شي بلا عار

ندى: هههه نبصر وبعدين نعرفك عاقلة، المهم بتمشي غدوة للمدرسة؟ ولا لا؟

شهد: اي بنمشي ماخاطريش تعرفي لكن خايفة من هالسنة

حقا يوم الخميس عيد ميلاد عبدو شنو الراي زعما؟

ندى: اي راح عن بالي قداش ليه مااحتفلش بيه من لما بوي حي الله يرحمه

شهد: الله يرحمه، اسمعي نديروهوله عندكم في الحوش لكن منغير علمه قولي لامك الكلام هدا وردي عليا.. سلام

ندى: سلامات ليلتك سعيدة

جي عبدو في جنب ندى: اسمعي بنتكلمو جديات توا تمام؟

ندى: انشالله خير شن في؟ قول وخيي

عبدو: انتي طيبة واني نعرفك لكن معش كل شي تقولي عليه لو تبي حاجتك ادوم عندك الناس حقودة رااه

ندى: روبين ولا؟ ااخ منها وخلاص كل مرة مصيبة

عبدو: تو نشوفولها تصريفة من حياتنا ماتخافيش

ثاني يوم ……شهد تتكلم …نضت الصبح بدلت وفطرت وكلمت عبدو ماردش عليا قلت اصلا اكيد راقد عادي …واني طالعة في حد يلاحق فيا خفت الحق وقعدت نمشي بالشوية وتليفوني في الحوش كيف بندير؟ جيت بنعيط في الشارع ويشدلي فمي طلع عبدو يخوف فيا ع الصبح

اول ما شفته حضنته طول من الخوف والراحة اللي بعده

عبدو: عارفك ماشية بروحك قلت نكلمك نشوف امتا بتطلعي؟ بنوصلك للحوش بروحك لا

شهد: غاير ولا خايف عليا ولاماعندكش ثقة فيا ولاكيف بالزبط؟

عبدو: مادخلكش فيا هي بري للمدرسة بسرعة وقت عليك

خشت شهد للمدرسة وهدرزت وخشت للفصل وقرت شوية لان اول يوم وبعدين وهي طالعة لقت عبدو يستنى فيها وقفت في نص الشارع مصدومة

عبدو: اركبي بلا عاار بسرعة بنمشي للمحل هيااا

شهد: مانيش مروحة بنمشي للسوق قبل برا توكل علي ربي

عبدو سكر السيارة لبس نضاراته خايف علي عيونه الزرقونزل من السيارة: هي وين بتمشي، رجلي علي رجلك

شهد: حي عليا وين معاي يا نهاري لاحرف منك

عبدو: بلاعار راك في الشارع واسي وشاحك وهيا قدامي

شهد في بالها بتاخد هدية لعبدو هدا علاش ما تبيشي معاها

عبدو: شن بتاخدي؟ في حاجة معينة في بالك؟

شهد: نبي كريمات لوجهي وحاجات زي هكي

عبدو: وربي الا تهبلي بلا كريمات فوتيهم وراس اميمتك

شهد: اخر وحدة بس نشوفها ونطلع اصبر

عبدو: تعالي هني غادي رجاليات ت وربي الا بلوة انتي

شهد تتكلم: كنت نساوم في الحاجات الرجالية والنسائية لان اصلا مقررة هديته تكون بوكس كريمات ومعاهم سبيدرو.

شهد: ماتقولش ي حبي خيرك عليا بنساوم بش نعرف منو فينا بيتعب بعدين اكتر بس

عبدو: ريحي روحك ما نبيكش تتعبي اني بكل غر هيا بنطلع

شهد: باهي ي ودي طالعة وووووه مابعدي منك

عبدو: مابعدك ايي صدقت، تعرفي شن تبي توا؟ تبي حضن قدام الناس

شهد: اي بش نلم عليك الناس توا ولا؟

عبدو: لالا نلمو الناس في عرسنا هيا كبدي طابت من الكمامة

طلعو الزوز من السوق ويديهم متشابكين ركبو السيارة وشهد تفكر كيف بتولي للسوق مع العشية وصلو للمحل من جيهة باب المخزن بش ما يشوفهم حد شد جاية بتروح شدها من يدها: تعرفي اني من بكري شاد روحي بالسيف اعطيني حضن حرام عليك حبيبك لين نطلبه

شهد طول قدمت حضناته مع ان هو كان طويل هلبا عليها هي قصيرة هلبااا هو احتراما لمشاعرها قامها بش تطول

وحدة من الحواجز تخطوها وكان يومهم حلو هلبا

شن مخبيتلنا الحلقة الخامسة؟ غدوة نعرفو

يتبع…

• لقراءة الفصل التالي:اضعط هنا
• لقراءة باقي حلقات الرواية اضعط على (رواية التضحية)