رواية لعنة جمالك الفصل الأول 1 بقلم منة هشام

صباح يوم من أيام فصل الصيف حيث تشرق الشمس وشعاعها حامي للغاية و حرها شديد نجد فتاة غاية في الجمال تقف أمام المرآه وتضع مستحضرات التجميل وعندما نقترب منها نجدها لا تتزين بل تجعل نفسها قبيحة فقد جعلت لون بشرتها أغمق و وضعت عدسات بنية بعينها و ارتدت بروكة ذات شعر كيرلي وارتدت ملابس واسعة تتسع ل أثنان من حجمها و وضعت تقويم مستعار واختتمت هذا اللوك بنظارة أكبر من وجهها فصارت أيقونة الجمال شخص بشع 

أماندا ل نفسها : بس كدا تمام اوي أما أنزل بقا عشان ألحق أفطر واروح الإنترفيو 

في الاسفل ..

زين : قوم ي وسيم نادي أماندا 

أماندا : مين بيجيب في سيرتي 

وسيم بخضه : ياما إي دا …أعوذ بالله من الشيطان الرجيم..إنصرف ..إنصرف ..ي بابااااااا 

أماندا وهي تضربة في كتفه : جرا إي ي ببلاوي شوفت عفريت ولا إيه 

وسيم : أوسخ من العفريت ي أختي والله ..هو إنتِ بصيتي في المرايا قبل ما تنزلي 

أماندا بغرور مصطنع : طبعاً ولقيت نفسي قمر 

وسيم : آمر بالستر ..آمر بالستر 

زين : خلاص بقا ي وسيم سيبها هي حُرة مش كُل يوم نفس الحوار 

وسيم : بس….

زين : مفيش بس هي حُرة 

غياث : ها هتعملي اي 

أماندا : هخلص فطار و هروح الانترفيو 

غياث : ربنا معاكِ ي وحش الكون 

أماندا : تسلم ي قلب وحش الكون ..أومال ماما فين 

زين : بتجهز الشنط عشان هسافر أنا وهي باريس 

أماندا : آه ي بابا ي شقي عايز تعيد الأمجاد تاني 

زين : بنت عيب كدا أنا رايح شغل 

أماندا بغمزة : طب وماما إي النظام شغل بردوا 

زين : لأ ي لمضة ..أنا مبقدرش أروح مكان من غيرها 

أماندا وهي تنهض : ربنا يخليكم ل بعض …أطير انا بقا ي برنس 

زين : أطير و برنس …مين دي 

غياث : دي الشغالة ي باشا متخدش بالك 

زين : أنا قولت كدا بردوا 

غياث : طب سلام بقا عشان هروح الجهاز عشان اللوا طلبني 

زين : سلام 

نتجة إلي بطلنا الوسيم آصف وهو يقف بهيبة وغرور أمام المرآه ويضع اللمسات الأخيرة فكان وسيم ببدلته شديدة السواد ومن أسفلها قميص أسود وحذاء أسود لامع و ربط الجرافيت و وضع عطرة المميز ونزل إلي الأسفل 

في الأسفل حيث مائدة الطعام 

آصف : صباح الخير 

مروج و مروان : صباح النور ي آبيه 

آصف : يلا عشان تفطروا و أوصلكم النادي 

مروج : متتعبش نفسك ي آبيه معندناش تمرين النهاردة 

آصف : ما الدادة مش هنا وأنا مش هينفع أسيبكم لوحدكم هنا 

مروان : خلاص نروح عند وسيم 

آصف : وسيم الهلالي 

مروان : أيوة 

آصف : طب وأختك ي فالح 

مروان : طنط لينا هناك وكمان عندهم أخت بس مش فاكر إسمها 

آصف : طب تمام لو خلصتوا يلا بينا 

مروج : يعيش آبيه آصف يعيش 

آصف : يلا ي بكاشة 

مروج : هي بقت كدا يعني 

آصف وهو يضربها بخفه علي قفاها : أيوة 

مروج : تسلم إيدك ي سيد الناس 

ركب آصف وإخوته السيارة وإنطلقوا نحو قصر الهلالي 

في جهاز المخابرات 

غياث : سيادة اللوا جوا 

العسكري : أيوة ي فندم إتفضل هو مستني حضرتك 

غياث : تمام 

اللواء : سيادة الرائد اقعد 

غياث بعدم استيعاب وصدمة : شكراً ي فند…حضرتك قولت إيه

اللواء بضحك من مظهرة المصدوم : بقولك ي سيادة الرائد ..مبروك ي إبني علي الترقية حقيقي تستاهلها 

غياث بسعادة : الله يبارك في حضرتك ي فندم 

اللواء : حفلة تكريمك يوم الخميس الجاي وتقدر تجيب عيلتك كمان 

غياث : تمام ي فندم ..حاجة تانية 

اللواء : لا .. تقدر تاخد اليوم أجازة 

غياث وهو ينصرف : تمام ي فندم 

في قصر الهلالي 

الخادمة : وسيم بيه في واحد برة بيقول إنه صاحبك 

وسيم : مقالش إسمه 

الخادمة : قال مروان الزيني 

وسيم : وسعي كدا وأنا هروح ليه 

علي باب القصر الداخلي 

وسيم وهو يحتضن مروان : وحشتني ي ابن الزيني فينك 

مروان : قدامك أهو 

وسيم : طب أدخل يلا دا أنا نزلت شويه ألعاب هقطعك فيهم كلهم زي كل مرة …إي دا آصف باشا بنفسه هنا 

آصف : لسه فاكر 

وسيم : معلش ي باشا مخدتش بالي 

آصف : ولا يهمك ..هي ولدتك موجودة 

وسيم وهو يضع يده علي فم آصف : بس هنروح في داهيه كُلنا 

آصف وهو يزيل يدة : إبعد إيدك في إيه 

وسيم : عارف لو كان زين هنا وسمعك بتسأل علي لينو كان علقك علي باب القصر 

آصف : ي غبي بسال عليها عشان لو موجودة هسيب مروج معاها لو مش موجودة هخدها معايا الشركة 

نظر وسيم خلف آصف فرأي سارقة فؤادة فقال بصوت هامس : لا تاخدها فين دا أنا مصدقت شوفتها 

آصف : بتقول حاجة 

وسيم وهو يتدارك نفسه : بقول لينو جوا ..تعالو ندخل يلا 

آصف : خلاص هسيبهم وأمشي 

وسيم : إستني بس …لينو ي لينو 

لينا : شو في حبيبي 

وسيم : عندنا ضيوف ي قمر إنتَ 

لينا : هلا بيهم …بس هما مين 

وسيم : أولاد الزيني 

لينا : حبايبي شو أخباركم 

آصف : بخير …أنا آسف علي الإزعاج وإني جاي بدري

لينا : كيف بتقول هيك ..إنت تيجي بأي وقت 

آصف : تسلمي ..معلش هسيب مروج معاكِ ومروان مع وسيم 

لينا : يشرفوني ي حبيبي 

آصف : عن إذنك عندي شغل 

لينا : بس لساتك ما تضايفت 

آصف : مرة تانية عشان متأخر 

لينا : تمام حبيبي الله معك 

خرج آصف وإتجه إلي شركته وعلي مقربة من الشركة صدم فتاة بسيارتة فنزل من السيارة 

الفتاة : مش تفتح ي أعمي إنتَ 

آصف : بتكلميني أنا 

الفتاة : هو في غيرك ي عنيا 

آصف : إتكلمي عدل ي بتاعة إنتِ 

الفتاة : يعني كمان أعمي وبتبجح في خلق الله 

آصف : لمي لسانك ي بتاعه إنتِ ..إنتِ مش عارفة أنا مين 

الفتاة بسخرية وهي تقلدة : إنتِ مش عارفة أنا مين ….نينينيننني 

آصف : أنا آصف الزيني واحدة زيك تكلمني كدا 

الفتاة : طظ 

آصف بصدمة : نعم 

الفتاة : طظ ..إيه مسمعتش 

آصف : عارفة إللي مانعني عن ضربك إن أبويا قالي متمدش إيدك علي واحدة ست 

الفتاة : جدع ..إسمع كلام بابا وإخلع من هنا بقا 

آصف : إدعي إنك متشوفنيش تاني عشان ساعتها هطلع روحك في إيدي 

الفتاة وهي تمشي : حصلنا الرُعب ي إسمك إي