رواية جريمة عشق 5 الفصل الخامس 5 بقلم مريم نصار

رواية جريمة عشق 5 الفصل الخامس 5 بقلم مريم نصار

رواية جريمة عشق 5 الجزء الخامس

رواية جريمة عشق 5 البارت الخامس

رواية جريمة عشق 5 الحلقة الخامسة

ف شقة محمد عزيز..
محمد : واقف قدام المرايا بيلبس.الكراڤت.
علشان رايحين فيلا العدوي..
نور : خرجت من الحمام..وشافته وابتسمت..وراحت عند الدولاب..وفتحته وجابت علبه صغيره..وراحت عند محمد..وضمته من ضهرو..وقالت بابتسامه جميله.. بحبك..
محمد : ضحك بسعاده..ولف ليها..وقال بحب..
من قبل الحادثه بيومين مسمعتش الكلمه ال بتنعشني دي..
نور : حطت ايدها ع خدو..حقك عليا..انت تستاهل كل دقيقه اقولك بحبك وبموت فيك.
محمد : حاوطها من وسطها..وابتسم..وانتى عايزه كل ثانيه ابص ف عينكي..كل كلام الحب هتلاقيه بيتقال تحت تأثير عيونك.يانوري.
نور : رفعت ايديها ع صدرو..وبتفك الكراڤت..وقالت. محمد انا بجد مش عارفه اقولك ايه ع ال انت عملته معايا الفتره الاخيره..
محمد : رفع حاجبه بتعجب..طيب افهم بتفكي الكراڤت ليه؟ وبعدين نشوف حوار عملت ايه ده؟
نور : بضحكه رقيقه..طبعا ياحبيبى..ثانيه واحده.. وحطت الكرافت ع السرير..وجابت العلبه..وفتحتها..وقالت..عشان دي..!!
وكانت جايبه كراڤت جديده هديه ل محمد..
محمد : بإعجاب..اممم..جميله جدا..بس ليه تعبتي نفسك ياروحي..
نور : بتلبسه الكراڤت..وقالت بتنهيده..تعبك ديما راحه..والهديه دي انا جايبهالك قبل الحادثه بيوم..وقولت هقدمهالك. بعد. ماترجع من عيد ميلاد الشركه..واعزمك ع عشا رومانسي..بس ال حصل بقى.!!
محمد : ابتسم..وهز راسه لأ..مبقاش ف مجال للحزن خلاص..كانت محنه وعدت بفضل الله ..وال جاي كله فرح بإذن الله..
نور : حطت راسها ع صدرو..وغمضت عينيها بأمان..وقالت أنا اتعلمت منك حجات كتير اوي يامحمد..اتعلمت منك الصبر والقوه..وقدرة التحمل..انت وقفت جمبي كتير اوى. عمرك ما ف يوم نهرتني وضايقتني..دايما بتصبر عليا.. انت معايا احن من آلام ع بنتها..راعتني زي ما بابي ما راعانا..كملت مسيرة آدم ومريم..واخدتني من عندو بنته ل بنتك..عمرك ما زعلتنى ولا كسرت بخاطري يوم..ولا نيمتني زعلانه..ديما كنت ومازلت نعم السند والحبيب والصديق..
صدقني انا عايزه اقدملك كل السعاده ال ف الكون كله..انا بحبك..بحبك اوى يامحمد..!!
محمد : بدقة قلب ضمها لقلبه بحنان كبير..واخد نفس عميق واتنهد..وقال يااااه.انا كل ده يانوري..!!
نور : غمضت عينيها بأمان..وقالت انت اكتر من كده بكتير يامحمد..انا مهما قولت مستحيل اوفيك حقك..ربنا يباركلي فيك ياحبيبى..
محمد : ضمها لقلبه اكتر..وابتسم..وقال..انا معملتش حاجه اكتر من ال المفروض يتعمل..انا طبقت شرع الله.. وسنة رسوله. عليه الصلاة والسلام..
ربنا أمرنا بالموده والرحمة..واللين ف المعامله. وانتي وصية الرسول..ازاي ماراعيش ربنا فيكي. المعامله الحسنه هي ال بتخلي الزوج والزوجه يعيشو ف حياه هاديه..الاحترام والتقدير.من اسباب نجاح العلاقه مهما كانت الظروف..انا معملتش حاجه معاكي يانور..تخليكي تمني عليا. وتشكريني..
نور : خرجت من حضنه..وباست ع ايدو بحب كبير..وقالت دومت لي نعم الزوج والسند..
محمد : باس جبينها بحب اكبر..بحبك يانوري..
——————بقلمي مريم نصار.
فيلا تيم عزيز ..
تيم : نايم وميرو ف حضنه. والمنبه..رن..
ميرو : فتحت عينيها بكسل..
تيم : فاق..ورفع ايدو فصل المنبه..ورجع ضم ميرو لحضنه وكمل نوم..
ميرو : فاقت وابتسمت..وداعبت أنف تيم..وقالت بهمس صباح الخير..
تيم : مغمض عينيه وابتسم..وقال بنفس الهمس..صباح الخير ياروحي..
ميرو : بصت حواليها..وشافت انها ف اوضتها الجديده..ف الفيلا..
وافتكرت انها صممت تعيش جمب جدها آدم الفتره دي قبل السفر للدراسه..
وافتكرت..وشهقت بصوت عالى وقالت ياخبر.. علاج بابا آدم…!!!
تيم : اتعدل واتخض..ايه..ايه ف ايه يا مريم..!!
ميرو : قامت بسرعه..وهتجري ع الحمام..وقالت قوم بسرعه ياتيم مفيش وقت..
تيم : قام بسرعه وشدها لحضنه…
ميرو : شهقت وشعرها جه ع كتفه..وقلبها بيدق.!!
تيم : ضمها اكتر..وقال بمكر..قوليلي بقى ماله بابا آدم..!!
ميرو : بلعت ريقها بتوتر..وقالت بلخبطه..اء..احم.. ا.انت عارف إن بابا آدم..احم. صمم انه يرجع..وجه الصبح بدري وجاب ماما مريم ع البيت..
.و..ورفض انه يفضل ف المستشفى اكتر من كده..وا..هيكمل علاجه ف البيت..و…وف علاج وليه مواعيد لازم يمشي عليها..
تيم : ابتسم لارتباكها ال بيحبه.. ورجع شعرها ورا ودنها..وكمل بمكر..انا عارف كل ده..انتى بقى رايحه فين؟
ميرو : بلعت ريقها بتوتر..اء..انا رايحه ل بابا آدم.احم هو المفروض نروح انا وانت. عشان نطمن عليه هو وماما مريم..ويفطرو عشان العلاج..
تيم : قرب من خدها..وهمس بخبث طيب وانا..!!!
ميرو : غمضت عينيها وقلبها بيدق بسرعه كبيره..وقالت بتلعثم..اء..انت ايه؟
تيم : باسها برقه..وقال أنا تيم حبيبك وانتي امبارح قولتي إني وحشتك..ولا انا سمعت غلط؟
ميرو : مسكت هدوهها..واتوترت اكتر..لكن قالت بتوهان.. لأ انت سمعت صح..
تيم : بخبث..سمعت..!!! ال هو ايه؟
ميرو : بدقة قلب.. إنك وحشتني..!!!
تيم : بإشتياق..وانتي وحشاني ياملاكي..وقرب منها بحب كبير..واخدها لعالمه الخاص..!!!
——————بقلمي مريم نصار.
فيلا آريان العدوي.
آريان : بيصلى الضحى..
تمارا : اتصلت ع الشغاله..الو صباح الخير يابطه..
بطه : صباح الخير ياست هانم..صباحك نادي إن شاء الله..
تمارا : تسلمي..ياريت تجهزي الفطار بسرعه..
بطه : حاضر من عينيا..
تمارا : قفلت..وقربت من اريان بابتسامه..تقبل الله ياحبيبى.
آريان : شال السجاده..وابتسم..منا ومنك ياقلب حبيبك..
تمارا : مسكت ايديه..وبصت ف عينيه بدموع الفرح..وقالت..انا مبسوطه لفرحتك اوي يا آريان..!!
آريان : باس كف أيدها..وقال مش عايز اقولك ياروحي.. انا فرحان ومبسوط قد ايه..رجوع بابا آدم لينا.خلاني اعرف قد ايه وجوده نعمه كبيره ف حياتنا.
تمارا : بفرحه..فعلا يا آريان..شوفت مملكة العدوي دبت فيها الروح من تاني.. كأن موسم المطر جه قبل أوانه..وجودهم خير ف الدنيا..ربنا يديمهم نعمه كبيره ف حياتنا..
آريان : مسك وشها بايديه وباس جبينها..وقال. تيما انا عايز اشكرك ع وقفتك معايا.وكلامك ال قواني وصبرني ع الابتلاء ده..
تمارا : بابتسامه..تشكرني..!! اومال انا بقى اقول ايه؟ اقولك مليون شكر..ع إنك اتحملت تعبي النفسي والتوتر طول الفترة الاخيرة؟
ولا اقولك مليون شكراً. ع إنك بتساعدني ف مراجعة المواد..مع أنه مش مجالك.. آريان..!! انت إنسان عظيم وجميل جدا..وانا ال أشكرك مش انت..!!
آريان : بضحكه.خلاص يبقى مفيش بينا شكر خالص.. انتى بنتي الحلوه ومراتي ودنيتي..وواجبي اني اكون ديما جمبك ف أي وقت..وشدها لحضنه..
تمارا : ضمته بفرحه كبيره..وقالت حبيبى ربنا يباركلي فيك ولا يحرمني من وجودك جمبي..
آريان : ولا منك ياروحي..يلا عشان نفطر..وننزل نطمن ع بابا آدم وماما مريم..!!!
——————بقلمي مريم نصار.
شقة كريم..
كريم : قام من النوم واتوضى وصلى..
وليليان لسه نايمه..وراح قعد جمبها يصحيها..وقال بتفائل.. لي لي..
ليليان : …………!!!
كريم : انتي يابت ياليليانو..ايه كل ده نوم..!!
ليليان : بنوم..بس ياكريم سبني انام ف حضنه..!!
كريم : تنح…وبص ليها بزهول..تنامي ف حضنه؟ وهزها من كتفها بغيره..انتي يازفته انتي حضن مين ال تنامي فيه؟
ليليان : فتحت عينيها..وبتتاوب..واتعدلت بكسل ..صباح الخير يا كيمو..
كريم : بغيظ..صباح القرطسه ياليليان هانم..
ليليان : بنفاذ صبر..ف ايه ع الصبح ياكريم. مالك مضايق ليه؟
كريم : كشر عينيه ليها..ومسك شعرها براحه..وقال بغيره واضحه.. أنا عايز اعرف..انتي كنتى عايزاني اسيبك تنامي ف حضن مين..!؟ هااااا.!!؟
ليليان : بدهشه..وبعدها انفجرت ف الضحك.. هههههه هههههه.
كريم : صك ع أسنانه بغيظ..وقال اللهم طولك ياروح..
ليليان : مسكت كريم من خدوده..وقالت انتي بتغيري عليا من بابا آدم يابيضه انتي..بحبك مووووت ياكيمو..
كريم : مسك أيدها وكتفها وشدها ع صدرو بهزار..وقال بيضه؟ ع آخر الزمن بقت انتي وبيضه؟ انتي عايزه تشوفي وشي التاني يابت..؟
ليليان : مثلت الخوف..وقالت لا لأ بليز بليز ياكيمو قلبك ابيض.خلاص والله انت سيد الرجاله كلهم..
كريم : رفع حاجبه..ايوه كدا ناس مابتجيش الا بالعين الخضرا.
ليليان : هههههه واحلا عيون خضرا ياكيمو باشا..وباسته من خدو..وقالت بمرح يلا بقى نفطر ونلبس ونروح ل بابا آدم..!!
كريم : بغمزه وايه المقابل اليليانو..
ليليان : هههههههه خد قلبي كله ياكريم..بس يلا بليز عشان منتأخرش..وبعدين انا عندى ليكو مفاجأه هتعجبكم جدآ..
كريم : كشر عينيه بعدم فهم وقال..مفاجأة ايه؟
ليليان : ضغطت ع شفايفها بحيره كبيره. وقالت جواها..طيب أقوله ولا اقول قدام كل العيله..اوووف لأ ياليليان انتى مجنونه..ماينفعش كريم يعرف زي الباقيين ويتفاجيء وقتها ممكن يضايق ويعملى مشكله كمان..يوووه انا كان نفسي افرح بابا آدم..
كريم : بصوت عالى.الووووو انتى يابنتي..بنادي عليكي روحتي فييين..!!
ليليان : انتبهت..ها..!! وقالت بحيره..معاك..انا معاك اهو ياكريم..
كريم : بتعجب.. اله؟ انتي مش بتقولي ف مفاجأه؟ ممكن بقى اعرفها؟
ليليان : قامت بسرعه..وقالت نلبس الأول اوكي؟ ودخلت الحمام..وبتفكر ازاى تقول خبر حملها..كريم الاول ولا كل العيله الأول…!!!
بعد شويه..
ليليان : خرجت من الحمام..ولبست الاسدال وصلت الضحى..وفطرو..
كريم : بيلبس..وبيفكر ياترى ايه هي المفاجأة..
ليليان : بتلبس واخدت القرار..!!
كريم : واقف قدام التسريحه بيسرح شعرو..
ليليان : من وراه ندهت برقه..كريم..!!!
كريم : لف ليها..وابتسم بحب وقال عيون كريم..ايه القمر ال قدامي ده؟
ليليان : ابتسمت بحرج.. ميرسي ياحبيبي..ومسكت ايد كريم وحطتها ع بطنها..وبصتله..
كريم : كشر عينيه بعدم فهم..وبص ع ايدو وبص ع ليليان..وهز راسه..وقال باستفهام.. ايه؟
ليليان : وشها بقى احمر جدا..وقالت دي المفاجأه ياكريم..!!
كريم : ببلاها..ها..!!وبص ليها بزهول..وقال بتنبيه.. ليليان..اء انا بشوف الحركه دي ف التليفزيون..بالله عليكي اوعي تكوني بتهزري؟
ليليان : هزت راسها بضحكه..وقالت لأ مبهزرش..انا حامل..حامل ياكريم..!!
كريم : قلبه دق بقوه كبيره..وشال ليليان ولف بيها كتير..وضحك بفرحه كبيره..وقال بصوت عالى جدا.. بحبببببببببك..بحبببببببك ياليلياني..بمووووت فيكي..
ليليان : غمضت عينيها وبتضحك بسعاده كبيره.
وأخيراً.داقت طعم وحلاوة فرحتها بالحمل.
.والفرحه هلت..ودخلت ع قلوبهم برجوع الامبراطور.. والأخبار الحلوه بعدها..
كريم : نزلها..وضمها لقلبه بفرحه كبيره..وقال بسعاده انا مش مصدق بجد ياليليان انتى حامل بجد؟
ليليان : مسحت دموعها وضحكت بسعاده وقالت..بجد ياروح ليليان..انا حامل ف الشهر الأول.
كريم : باس ع راسها..وقال يا احلى اخبار دخلت ع قلبي..الف مبروك ياحبيبتى..
ليليان : حضنت دراعه بحب كبير وقالت بسعاده..الله يبارك فيك ياحبيبى..!!!
وكملت بتوتر.وقالت.احم بس ليا طلب عندك..!!!
كريم : بفرحه. ايه بتتوحمي.؟قولي نفسك جايه ع ايه؟ عايزه رنجه؟ ولا وحمك من النوع إل بياكل صابون وكلام من ده؟ قولي ياحبيبتي..ال نفسك فيه هتلاقيه..!!
ليليان : بدهشه..صابون..!!؟ صابون ايه ياكريم انت كمان..!؟ وبعدين لسه بدري ع الوحم..انا طلبي غير كدا خالص..
كريم : طيب ياستي الحمدلله.. المهم اؤمري ياعيون كريم..
ليليان : ابتسمت بحب..تسلملي..بص ياكيمو..احم. انا طبعا هاقول الخبر الحلو ده قدام بابا آدم والعيله..ف انا عايزاك تتفاجيء كانك متعرفش وكدا يعني..!؟
كريم : كشر عينيه بعدم فهم..وقال ل نفسه..هي هرمونات الحمل بدأت ولا ايه؟
ليليان : بنفاذ صبر..كريم انت سامعني؟
كريم : ها..! اه معاكي ياروحي..احم..طيب ممكن اعرف ليه؟
ليليان : حطت راسها ع دراعه وقالت بحب..نفسي افرح بابا آدم وماما مريم..بعد المحنه ال كنا فيها.. وخصوصاً بابي ومامي..نفسي اقولهم أنهم اول حد يعرفو ..معرفش ليه..بس نفسي اعمل كدا.
كريم : أبتسم..وقال مجنونه..هي يعنى الفرحه هتقل ف قلبهم..!! بس عادي يقلبي بما انك عايزه كدا.. انا معاكي..المهم اني عرفت اول واحد..والباقي بعد كده سهل..
ليليان : بحب كبير..حبيبى انا ياكيمو..ربنا مايحرمنيش منك ابدا ياروحي انا..!!
كريم : باس ع راسها..ولا يحرمني منك ياقلب كريم..!!
——————بقلمي مريم نصار.
ف شقة فهد..
فهد : نايم وواخد رينو ف حضنو. نايمين ف أمان الله..
آرين : طبعا مبسوطه اوى برجوع الامبراطور ل مملكته.. وقامت وقفت ع السرير..وفردت ايديها بسعاده كبيره..وقالت..
Here we are again..and the kingdom has returned with a ray of hope. The Emperor Adam Al-Adawy and his princess Maryam Al-Adawy returned safely across the borders of the Kingdom. And the weddings and the navigator’s nights Автор: Меріам Насар..Автор: Меріам Насар
will return.. and the working hour has arrived..Автор: Меріам Насар In my name, I am Arin Fahd Al-Seyoufi.. I welcome you all..in the kingdom of the legacy of love..
Bravo. Bravo. Bravo..
ها قد عدنا من جديد..وعادت المملكه بشعاع الأمل. وقد عاد الامبراطور آدم العدوي و أميرته مريم العدوي عبر حدود المملكه بسلام.
وستعود الأفراح وليالي الملاح..ودقت ساعة العمل ..
ف بأسمي انا آرين فهد السيوفي .. أرحب بكم جميعا.في مملكة ميراث العشق ..
برافو. برافو. برافو ..
فهد : فتح عينيه..
رينو : ف حضنه وحست بيه..وقالت..اطمن دي المجنونه بنتك..رجعت للجنان من تاني..
فهد : بضحكه..والله اتخضيت..وبص ل رينو..وباس أنفها..صباح الورد يانجمتي الحلوه..
رينو : اتعدلت بكسل..صباح الخير ياحبيبى..وباسته من خدو..
فهد : حط ايدو ع بطنها..وقال صباح الخير ع حبيبتي وقلبي..
رينو : بضحكه..رغم وجعها انها خسرت حته منها..لكن حمدت ربنا..وقالت يسلام وكمان حددت نوع البيبي.؟
فهد : باس بطنها.وقال والله انا راضي بكل ال يجيبه ربنا..ولد بنت كله رزق وخير..وكفايه انه هيبقى حته منك..
رينو : بتمسد ع شعرو..وابتسمت وقالت بحب..ربنا يحققلك كل امنياتك ياحبيبى..
فهد : شاف ابتسامتها.وضمها لقلبه. ودفن وشه ف شعرها..واخد نفس عميق واتنهد بحب..وقال أخيراً يانجمتي. شوفت ضحكتك ال بتنور قلبي..
رينو : رفعت ايديها حوالين رقبته..وقالت بحب كبير.. انا عايزه اشكرك لانك ف حياتي يافهد..
فهد : طلعها من حضنه وباس خدها..وقال بتشكريني ع ايه يانجمتي..!!!
رينو : بصت ل عينيه وقالت بإمتنان كبير.. شكراً لانك حسيت بوجعي وقدرتني. شكراً لانك قدمت ليا الدعم رغم خسارتنا احنا الاتنين.. شكرا لانك احتوتني رغم انشغالك مابين شغلك والمستشفي.وقضية بابي.
شكراً لانك كنت ليا أب وأم واخ وصديق وزوج وحبيب وعاشق. بجد بشكرك من قلبي. رغم الحزن مسيطر علينا كلنا.. إلا أنك كنت ف ضهر الكل قبل مني. ربنا يباركلي فيك ويديمك نعمه كبيره ف حياتنا..
فهد : مبتسم..وبيرتب شعرها كالعاده..وقال.اولا ده واجبي وفرض عليا.. ثانياً والأهم.. أنا ال بشكر ربنا انه خلقك من قسمتي ونصيبي..
وعايز اقولك يانجمة قلب فهد..مفيش بينا كلمة شكرا دي..انتي فعلا بنتي قبل اختي وأمي قبل مراتي..وعشقي قبل حبي..انتي كل حاجه حلوه يا لاري..!!!
رينو : عيونها لمعت بدموع السعاده..وحطت راسها ع صدرو. وغمضت عينيها بأمان كبير..وقالت ربنا بيحبني.. لانه رزقني بنعم السند..!!!
آرين : خبطت ع الباب بتذمر..ياااااااابي..ماااااامي.. قووومو بقى عشان اروح ل بابا آدم..
رينو اتخضت..وفهد ضحك بصمت..
رينو : صكت ع أسنانها بغيظ واضح..وبصت ل فهد.. مستحيل تعقل..مفيش أمل واحد ف الميه..
فهد : بضحكه.. آريني تعمل ال هي عايزاه.
رينو : بتذمر..طيب يافهد..قوم بقى اتصرف معاها..عشان مقلبش عليكو انتو ال اتنين.
فهد : ضحك..وقام بسرعه..وقال أنا هفتح اهو..
رينو : قامت بسرعه وشهقت. لأ لأ استنى..وجريت ع الحمام عشان لبسها ماينفعش بنتها تشوفها بيه..وبصت ل فهد بتوعد..وقفلت باب الحمام بغيظ..
فهد : ضحك من قلبه..
آرين : بغيظ..يوووه بااااااااابي قوووووم بقى..!!!
فهد : لبس التيشرت..وفتح الباب.. بابتسامه.. صباح الورد..
آرين : اتشعلقت ف رقبته..صباح القمر والسكر والعسل وكل حاجه حلوه.ع اجمل بابي ف الدنيا..
فهد : ضمها لقلبه بحنان..صباح النوتيلا. ممكن اعرف ليه بقى رجعتي تعملي دوشه من تاني..
آرين : كشرت عينيها..وقالت.نو نو نو.دي احلا حاجه الدوشه.انتو ال نسيتو قواعد آرين فهد السيوفي..وبعدين مش كفايه أننا بقالنا فتره كبيره مفرحناش..
فهد : راح ع المطبخ.وبيمسح ع شعرو..وقال ع فكره رينو مبتعرفش تنام كويس من دوشتك دي ع الصبح.. وبعدين انتي صوتك كان عالي ليه ف اوضتك. يا مجنونه انتي..!!
آرين : بمرح..واو. وانا مسمعه اوي كدا.. ههههه. اوكي انا بعتذر من مامي القمر طبعا..بس انا كنت برحب بجدو القمر..
فهد : ابتسم..وبيعمل القهوه..وقال طيب ادخلي البسي..وانا هجهز الفطار عشان تلحقي محاضراتك..
آرين : قعدت ع الكرسي بتذمر..وقالت ايه؟ محاضرات ايه يابابي انا ف اجازه تلات ايام..
فهد : جاب اللبن من التلاجه..وبص ليها بعدم فهم. وقال اجازه؟ إجازة ايه؟ بتهايألي ف مناسبات الفتره دي ولا اجازه رسميه..!!!
آرين : مثلت الذكاء.. وقالت.ايوه انا عارفه كل ده.. بس انا ال أديت لنفسي اجازه..
فهد : لف ليها. وقال نعم…!!!
آرين : قامت بمرح..وضحكت بتمثيل الترجي..بابي حبيبي هو ف احلا من مناسبة إن بابا جدو آدم حبيبى قام بالسلامه..!؟ ها؟
فهد : بتفهم.. امممم..بقى انتي عايزه تاخدي اجازه عشان كدا..طيب هو يوم واحد بس..!!
آرين : بزعل طفولي..بابي بليز خليني اقعد مع بابا آدم التلات ايام ارجوك..
فهد : ابتسم بغيظ. وقال بتحذير..انا قولت هو يوم واحد بس..!! يا اما مفيش خالص وتدخلي تلبسي عشان اوصلك..قولتي ايه؟
آرين : باستسلام.وتنهيده..قولت اوكي بقى..!!
فهد : لاعب شعرها..وقال حبيبت قلبي ال بتسمع كلام أبوها..
آرين : صكت ع أسنانها بغيظ مكبت..واتحركت خطوه وبتبرطم..!!
فهد : بتحذير..هااااا..!!!
آرين : بتمثيل العياط..هو انا قولت حاجه..انا اهو سمعت الكلام..
فهد : شاطره ياحبيبتي..ادخلي البسي عشان نفطر وننزل للعيله..!!!
——————بقلمي مريم نصار.
فيلا العدوي..ف جناح آدم..
مريم : انت مش بس ونعم الزوج..انت رفيق رحيم .خفيف الروح .هيّن الطبع.. وجودك ل مريم جنه.
آدم : بابتسامة عاشق. انتي جنة آدم ع الأرض يامريم….!!!!
مريم : قلبها انتعش. وبقى أشبه ببستان زهور..وخرجت من حضن آدم بابتسامه..لكن بصت حواليها..وقالت بتعجب..اله..ده الجناح بتاعنا؟ انا جيت هنا ازاى؟
آدم : ابتسم..وقال بهدوء..انا..
أنا قولت مستحيل ابعد عنك يوم واحد بعد كل ده.. وللأسف بقى مراد ال شالك وطلعك لحد هنا..
مريم : بدهشه..وحطت أيدها ع جرح آدم..وقالت بقلق.. إزاي؟ ازاي تخرج وانت لسه تعبان يا آدم؟
آدم : حط ايدو ع ايدها..وقال. انا كويس جدا الحمدلله..وكفايه قاعده ف المستشفى اكتر من كده..
مريم : بقلق..محمد ازاي يسمحلك بالخروج؟
آدم : بضحكه..انتي نسيتي قدرات جوزك ولا ايه يا اميرتي..!!؟وبعدين متقلقيش.انا بخير صدقيني. وكمان انا عايز منك تكوني بخير عشاني..
مريم : بتنهيده..ربنا يجعل اسمك وصوتك ف الدنيا ولا يحرمنا منك.. ويمد ف أجلك..ربنا يديك ع قد رحمته وكرمه يا آدم..
آدم : بابتسامه..يبقى كدا انا ف أمان ليوم الدين ياقلب آدم..!!!
ف الليفنج..
مراد : نازل من ع السلم..وجمبه فريحه.وبيقولها..اكيد ماما صحيت دلوقتي واتفاجأت انها ف البيت..
فريحه : بسعاده.مش مهم جت ازاي..المهم إن البيت هيرجع زي الاول انا مبسوطه اوى يامراد..
. وبعدها وقفو مكانهم..
فريحه : اتخضت وقالت بدهشة..ياستار يارب. الحق يامراد البيت بيتحرق..ايه الدخانه دي..
مراد : بقلق..مش عارف..فعلا دخانه كتير جدا..خليكي مكانك..
فريحه : بتكح..وبتتنفس بصعوبه..وقالت..اووف ياستار يارب..
مراد : نزل بسرعه..
زين : نازل بسرعه..وقال بدهشه..البيت بيولع..ينهار مش فايت..ونزل بسرعه..
زينب : مولعه بخور..وماشيه ف الدور الاول كله بترقية..وبتقول..بسم الله الرحمن الرحيم.قل اعوذ برب الفلق من شر ما خلق..ومن شر غاسق إذا وقب .ومن شر النفثات في العقد..ومن شر حاسد إذا حسد..صدق الله العظيم..
رقيتك واسترقيتك..من كل عين دخلت البيت وشافته ولا صلتش ع النبي..
رقيتك من عين الحرس واحد واحد..ومن عين عوض..ومن عين عوض تاني..ومن عين البت الصفرا سوسن بتاعة الخضار..ومن عم طلعت اللبان..ومن عين فتحيه..ومن عين فتحيه تاني..ومن عين فتحيه تالت. الله أكبر ف عينيها..هي بعينيها المدوره دي ال جايبه البيت الأرض..كانت داخلتها سودا..
ف نفس الوقت..فهد ورينو وصلو..ووراه تيم وميرو و آريان وتمارا..
مراد بيكح..وقرب من زينب..وحط ايدو ع بوقه.. وقال. بتنيلي ايه يازينب؟
زينب : بفخر..ببخر البيت يسي العقيد المقدم الرائد مراد بيه..
مراد : من بين أسنانه..بتبخري؟ ولا بتولعي فينا يازينب..؟
زين : بيكح. ايه ده ف ايه بالظبط..انا مش شايف حاجه..
فهد : دخل والكل اتخض ويسأل ف ايه؟
رينو : مستحملتش ريحة البخور..ومعدتها قلبت عليها وجريت ع الحمام..و آرين راحت وراها تتطمن عليها.
ميرو : بتكح وتمارا..
آريان : بتعجب ف ايه؟ البيت كله دخان ليه؟
تيم : بيكح وقرب من زينب..ايه الإختراع بتاعك ده ياداده..
زينب : بشهقه..اختراااع؟ ده بخور انا بعت جبته مخصوص من السيده زينب.. وكويس اوي انكو جيتو دلوقتي..
وقالت..اقعد هنا يسي مراد بيه..وقعدته ع الكنبه وانت كمان يسي زين بيه..اقعد..ايه ده العقيد المقدم الرائد فهد بيه..تعالى اقعد جمبهم..
فهد : قعد جمب مراد..وقال باستفهام..هتولعي فينا ولا ايه يازينب؟
زينب : مسكت دراع تيم..وقالت..انتو محسدوين ولازم رقوه تطلع العين من جتتكو..
آريان : قعد جمب تيم..وقال جتتنا؟
تيم : بهزار..ال هي الجثه يعني..شوفي شغلك ياداده.. الاختراع ده عجبني؟
زينب : وقفت وراهم وبتبخرهم كلهم..وقالت بسم الله الرحمن الرحيم. قل اعوذ برب الناس ملك الناس إله الناس من شر الوسواس الخناس الذي يوسوس في صدور الناس من الجِنة والناس..صدق الله العظيم..اعوذ بكلمات الله التامة من كل شيطان وهامة..
رقيتكو واسترقيتكو ياشباب العدوي والسيوفي وعزيز من كل ال يشوفكو ولا يصليش ع النبي..رقيتكو من كل عين خبيثه..ومن شر كل ست ناويه الاذيه..
مراد وفهد وزين بيبصو لبعض ببلاها..
فريحه وريتال والبنات واقفين يضحكو ويكحو..
زينب : رقيتكو من عين فتحيه وا….
مراد : قام وقف..وقال باااااس..كفايه يازينب..
زينب : بعفويه..اقعد يسي مراد..انا لسه مخلصتش الرقوه..
مراد : بتريقه..رقوه؟ هي دي اسمها رقوه..دي تعاويذ يازينب..دي طلاسم..قال من عين فتحيه قال.؟.. وبعدين تعالى هنا..مين فتحيه وسوسن ها؟ ولا هو اي هري وخلاص..!!
الكل ضحك..
زينب : كشرت عينيها وقالت..بشهقه.هييييي انت مش عارف مين فتحيه؟..دي بت اشتغلت هنا اسبوع وغارت ف داهيه..كانت عينيها مدوره ومقوره قد كدا..وصفرا..الهي لا يرجعها البعيده..من اول ما دخلت هنا والدنيا اتشقلب حالها…
فهد : ضحك بصمت..
زين : طيب كفايه كده يازينب الحمد لله أنا بعد الرقوه حاسس بكمية باور رهيبه..صح ياشباب..
آريان : قام وقف وقال بهزار فعلا..انا كان عندي مشكله ف كتفي اليمين.. ودلوقتي مش حاسس بحاجه..
زينب : ايوووه..هي دي العين..وطلعت من كتفك الحمدلله..
الكل كاتم الضحكه..
مراد : من بين أسنانه..عين طلعت من كتفه.؟
.زينب لو الدخانه الهباب دي طلعت ل جناح الحج انا هطلع منك العين بطريقة المخابرات..فاهمه..!؟
زينب : عوجت بوقها..اهو العين بانت عليك واتعصبت..انت عايز رقوه خميس وجمعه.. انت اكتر واحد محسود..اسم الله عليك..
الكل ضحك..
مراد : بغيظ..بص للكل انتو بتضحكو ع ايه؟ الكل يفتح الشبابيك عشان الدخانه دي غلط ع بابا وماما..يلا اتحركو..
الكل اتحرك بسرعه وفتحو الابواب والشبابيك..
فهد : هههههههه رقوه خميس وجمعه هههههههه.. انت يبني لو روحت لشيخ هتفضل ع طول متخلف..
مراد : بتريقه..مابلاش انت يافهوده..ال عليك غبي ومبيشوفش قدامه..
رينو : خارجه من الحمام وتعبانه..
زينب : بعفويه..اهو ست الدكتوره رينو..اول واحده العين طلعت من عليها .اومال ايه.ده بخور اصلى من السيده زينب..
رينو : هزت راسها بنفاذ صبر..وقالت بتعب..بخور ايه بس يازينب..الله يهديكي كل ده بدعه يازينب..ف حاجه إسمها الرقيه الشرعيه..مش بخور وكلام فاضي..انا تعبت من الريحه دي..
ميرو : بضحكه صافيه..خلاص ياجماعه حصل خير..وداده زينب اكيد نيتها خير مكانتش تعرف انها بدعه..
زينب : اي والله ياست ميرو..انا نيتي خير..
ميرو : بابتسامه..تعالى ياداده معايا المطبخ عايزاكي.. وراحو ع المطبخ..
آرين : واقفه ع باب الفيلا. وشافت هارون وعوض شايلين ورد كتير وجايين ع البيت..
وسقفت وقالت واو ورد كتير جدا..!!! ———

آرين : واقفه ع باب الفيلا. وشافت هارون وعوض شايلين ورد كتير وجايين ع البيت..
وسقفت وقالت واو ورد كتير جدا..!!!
عوض : داخل..وقال احم احم..ياساتر..تعالى ياستاذ هارون..ودخلو وحطو الورد ف الصاله الكبيره..
مراد : ايه ده ياهارون؟
هارون : باحترام..ده ورد ل آدم باشا من رجال الأعمال..بتهنيه لرجوعه لينا بالسلامه..ياباشا..
مراد : مط شفايفه اممم.واتفتش؟ ولا جبته ع طول؟
هارون : طبعا اتفتش كويس..واي حد يبعت بيتفتش هو والورد ياباشا..
مراد : هز راسه تمام..بس خلي بالك ياهارون..ومش عايز اي غلط..
هارون : اطمن يامراد باشا..والصحافه جت الصبح وكانت عايزه تقابل حضرتك..بس انا بلغتهم زي ما سيادتك أمرت..
مراد : ربت ع كتفه..ماشي تسلم ياهارون..واي حد يسأل.. لسه الباشا تعبان وممنوع اي مقابلات صحافيه أو عن طريق الزياره حتى..لسه شويه..
هارون : تحت امرك ياباشا..وخرج هو وعوض..
——————بقلمي مريم نصار.
ف المطبخ..Автор: Меріам Насар
ميرو : اسمعي ياداده..انا عايزه كوباتين لبن ل بابا آدم وماما مريم..
زينب : شاورت ع عينيها..وقالت من عينيا حاضر..
ميرو : بابتسامه تسلم عينيكي ..وياريت تحليهم بعسل أبيض..
زينب : حاضر ف ثواني ويكون جاهز..
آرين : خرجت ف الجنينه..وراحت ل عوض.. وقالت.. عمو عوض..
عوض : اؤمريني ياست البنات..
آرين : ميرسي جدا..بص ياعمو عوض..انا عايزه طبق فاكهه كبير طازه من الشجر ال ف الجنينه..عشان اقدمه ل بابا آدم وماما مريم..ممكن؟
عوض : بحماس.. يسلام.. إلا ممكن من عينيا الجوز.. اتفضلي استريحي انتي .
.واني هجبلك من كل نوع موجود يسلام هو هيجيلنا اعز من الباشا الكبير..
آرين : بابتسامه ميرسي جدا ياعمو..
تمارا : دخلت المطبخ.. داداه زينب القمر..
زينب : بضحكه..ست البنات دكتورتنا العسل.. خير يانور عيني..عايزاني اعملك حاجه..انا بجهز الفطار اهو..
تمارا : هزت راسها لأ تسلمي يقلبي..احنا فطرنا قبل ماننزل..انا بس عايزه كوباتين عصير فريش طازه عشان بابا آدم وماما مريم..
زينب : بإستغراب همست..لبن وعصير؟ يلا وماله بألف هنا..وبصت ل تمارا حاضر ثواني ويكون جاهز..
تمارا : بابتسامه تسلم ايدك مقدما بس متحطيش سكر ف العصير..
زينب : حاضر من عينيا…
ليليان : وصلت وسلمت ع الكل وقالت. أنا رايحه ل داده زينب…
بعد لحظات.. ف جناح آدم..
مريم : صلت الضحى..وقاعده ع سجادة الصلاه..ورفعت ايديها وبتدعي بترجي..وقالت..
اللهم إنّك وهبت لي زوجي واولادي وأحفادي من غير حول مني ولا قوة..فاحفظهم بحفظك بلا حول مني ولا قوة، اللهم أغنهم بحلالك عن حرامك وبفضلك عمّن سواك.
ربّ متعني ببرهم في حياتي وأسعدني بدعائهم بعد مماتي..
ربّ أبعد عنهم أمراض القلوب والأبدان، وبلغني فيهم غاية أملي بحولك وقوتك يا كريم يا منان.
اللهم احفظهم من أي مكروه يصيبهم ومن كل شر وضرر..
ربّ ارزقهم صحبة الأخيار وخصال الأطهار والتوكل عليك يا قادر يا جبار.
اللهم اجعلهم من صالح عبادك وحفظة كتابك ومن أحسن الناس ديناً وعبادة وأخلاقاً.. ومن أسعدهم حياة وأرغدهم عيشة..
ربّ كما حفظت كتابك إلى يوم الدين، احفظهم من الشيطان الرجيم.
اللهم احفظهم من الأسقام والأمراض..اللهم أجرهم من الفتن ما ظهر منها وما بطن..اللهم لا تجعل ابتلائي فيهم.
اللهم حبب إليهم الإيمان وزينه ف قلوبهم..
وكرِّه إليهم الكفر والفسوق والعصيان..واجعلهم من الراشدين..فضلاً منك ونعمة وأنت خير الرازقين.. يارب إن عائلتي هي من أجمل هداياك.. ومن أغلى مارزقتني..فاحفظهم لي وأسعدهم.
اللَّهُمَّ اقْسِمْ لَنَا مِنْ خَشْيَتَكِ مَا يُحُولُ بَيْنَنَا وَبَيْنَ مَعَاصِيكَ، وَمِنْ طَاعِتِكَ مَا تُبَلِّغُنَا بَهِ جَنَّتَكَ.
اللَّهم عافهم فِي أبدانهم وأسماعهم وأبصارهم وأنفسهم وجوارحهم، اللهم واجعلهم من المعافين من البلاء برحمتك، والمعصومين من الذنوب والزلل والخطأ بتقواك، والموفقين للخيروالرشد بطاعتك.
وآخر دعوانا أن الحمد لله رب العالمين والصلاة والسلام ع أشرف المرسلين سيدنا محمد وع اله وصحبه وسلم..
آدم : قاعد ع السرير.ومرجع ضهره.ومغمض عينيه..وسمع دعائها..وقال بابتسامه..اللهم آمين..
مريم : قامت..وشالت السجاده..وبصت ع آدم ومبتسمه ومبسوطه لوجوده..
آدم : تقبل الله منك ياروحي..
مريم : ومنك يارب ياحبيبى..وقعدت جمبه..وقالت..انا هتصل ع زينب..تجهزلك كوباية لبن..وتفطر عشان علاجك..
الباب خبط.. بهدوء..
آدم : ابتسم..وقال تعالى ياميرو..
ميرو : دخلت..ببهجه وسعاده كبيره..وقالت صباح الايام الحلوه..
آدم ومريم..صباح الخير ع عيونك..
مريم : حطت اللبن ع الكمود..وقربت من آدم
. وباست ع ايديه..وقالت بابا حبيبي عامل ايه دلوقتي؟
آدم : ربت ع أيدها..جدك بخير ياروحي..
ميرو : بدقة قلب وضحكه..انت مش جدو..انت بابا آدم وبس..
آدم : ضحك بصمت..وقال..فعلا انا بابا آدم وبس..
ميرو : اتحركت بسرعه..وحضنت مريم..بشوق كبير..وقالت بدموع الفرح. ماما مريم حبيبتي..وحشاني اوي..ووحشني حضنك وصوتك..وباست ع ايديها..
مريم : بابتسامه صافيه..مسدت ع خدها..ميرو نور عيني انا..عامله ايه ياروحي..
ميرو : بسعاده كبيره..انا كويسه جدا..ومبسوطه جدا اني شوفتك اخيرا بخير..ربنا مايحرمنيش منكم ابدا..
مريم : اللهم امين..
ميرو : مسحت دموعها..وقامت..يلا بقى انا جيتلكم اتنين شوب لبن..تشريوهم قبل الفطار..ولسه بتمسك الكوبايه..
تمارا : خبطت.والباب مفتوح..ودخلت بسعاده..صباح الوجوه ال بترسم السعاده لقلوبنا كلها..
آدم ومريم وميرو..بابتسامه صباح الخير ع عيونك..
تمارا : حطت العصير..وجريت حضنت آدم بشوق كبير..وباست ع ايديه..وقالت بفرحه..لو قولت لحضرتك إن روحي رجعت ليا مع رجوعك لينا هتصدقني صح؟
آدم : باس جبينها وقال بحب..طبعا اصدقك..يابنت الغالي.
تمارا : بضحكه..ماما مريم..اخيرا شوفت ضحكتك..واترمت ف حضنها..وبعد كده قالت انا جبتلكم اتنين عصير فريش..قبل الفطار إنما ايه عشان يدي باور عالي كدا..
ليليان : خبطت ودخلت ..وقالت بمرح..الله ع اجمل امبراطور وامبرطوره.. خطفتو قلبي والله..
.وحطت الصينيه وسلمت عليهم.. وقالت…انا جبت تمر باللبن قبل الفطار لاحلي بابا و ماما ف الدنيا..
آرين : دخلت بسعاده ومرح..وقالت بصوت عالى شويه..صبااااح الورد والفل والياسمين..صباح كل حاجه حلوه..وحطت طبق الفاكهة..وجريت ف حضن آدم..وقالت بابا آدم حبيبى انا..وباست ع ايديه.عامل ايه دلوقتي..تعرف يابابا حضرتك نورت مملكة العدوي كلها..وكمان مامتي القمر.
آدم : بضحكه..وهمس ف ودنها..ع فكره وحشتيني ياروحي..
آرين : بنفس الهمس.. أنت اكتر وربنا.. وشهقت..ماماااا مريم .اخيرا..اخيرا رجعتي لينا. واترمت ف حضنها..وقالت أنا مبسووووطه اوي اوي اوي..
مريم : بضحكه..ربنا يسعد اوقاتكم ياحبايب قلبى..
آرين : قامت ومسكت طبق الفاكهة..وقالت أنا جبتلكم طبق فاكهه طازه.. لسه حالا من ع الشجر..عشان تاكلو منه قبل الفطار..ومسكت تفاحه..وقالت يلا يابابا كل من ايدي..
آدم ومريم بصو ع الاحفاد..
ميرو ماسكه كوباية اللبن..وتمارا ماسكه كوباية العصير..وليليان ماسكه كوباية التمر باللبن.. و آرين ماسكه التفاح..وتالين واقفه ع الباب وشايله صينية فطار..
آدم ومريم بصو لبعض..والابتسامه مرسومه ع وشهم..وكمان الحيره..
موقف جميل جدا.. إنك تلاقي ثمرة تعبك وصلت لقلب احفادك.. وإن البنات فيهم حنية الدنيا كلها.. ويقدمو روحهم هديه ف مقابل ابتسامه واهتمام وحب صادق من القلب..
نور و رينو..طلعو يطمنو ع آدم ومريم..ولما شافو الموقف ده. قلبهم دق بسعاده كبيره. وسابو للاحفاد مساحه اهتمامهم بالجد والجده..
ونزلو مبسوطين من الذريه الصالحه..وبيحكو بفخر كبير جدا. لشباب العيله ع الموقف الجميل ده…
ميرو : قعدت ع طرف السرير..وقالت بحب..بابا آدم مش هيزعلني وهيشرب من ايدي مش كدا يابابا؟
تمارا : قعدت ع الطرف التاني..وقالت..وانا واثقه إن بابا وماما مش هيزعلوني ابدا..
ليليان : بتذمر..ع فكره بقى..انا عندي خبر حلو..ولو ماخدتوش مني التمر ده..انا هزعل ومش هقول لحد ع المفاجآه بقى ها..!!!
آرين : بغيظ واضح..ع فكره بقى..اللبن ممكن يتشرب بعدين وكمان العصير .اما الفاكهه مفيده جدا..ولازم ياكلو فاكهه كتير. صح يابابا..؟
تالين : قربت منهم..وقالت بهدوء..الفطار اهم من كل ده..لازم جدو وتيته..يفطرو عشان العلاج..صح ياتيته؟
آدم ومريم بسعاده كبيره..ف صوت واحد..واحنا عمرنا مايهون علينا زعلكم..!!
كلهم ابتسمو بفرحه كبيره..
مريم قالت..خلاص ياحبيباتي..انا و آدم هناخد من كل واحده حاجات بسيطه..عشان محدش يزعل..وكفايه تقديركم و تعبكم يانور عيني..
ميرو : بابتسامه..شربت جدها شويه صغيره. وجدتها..
وبعد كده..تمارا وكانت مبسوطه..
وليليان : و آرين..وبعد كده فطرو حجات
بسيطه.واخدو العلاج.والكل كان مرضي ومبسوط..
تيم و آريان وكريم..طلعو..وخبطو..ودخلو..
تيم : قرب من آدم وباس ع ايديه الاتنين..وراسه. وقال بابتسامه..عامل ايه دلوقتي يابابا..
آدم : ربت ع كتفه.. الحمدلله ياحبيب جدك..
تيم : لف الاتجاه التاني..وباس ع ايديها وجبينها..وقال بعتاب. اهون عليكي الفتره دي كلها..ده انا تيمو إبن قلبك..ولا ايه؟
مريم : حطت ايدها ع خدو..وابتسمت..حقك عليا يانور عيني.غصب عني مش بأيدي..بس أنت هتفضل طول عمرك إبن قلبي وروحي وعمري..
الكل قال اوووو. مريم الجزار خلفت كل التوقعات..وضحكو..
آريان : بيسلم ع جدو..وقال والعا معاك ياعم تيم..انا بقى إبن قلب بابا آدم..وباس ع ايديه..
آدم : بضحكه.. طبعا..انت الغالي ابن الغالي..وكلكو ف قلوبنا وزهرة شبابنا..
كريم سلم عليهم..
محمد : خبط ودخل وقال السلام عليكم يا اهل الدار..ونور معاه..
كلهم وعليكم السلام
محمد : ها اخبارك ايه دلوقتي يا آدم؟
آدم : الحمد لله يادكتور..
محمد : سلم ع مريم..وقال لو سمحتو حد يجيلي جهاز الضغط عشان نطمن ع آدم ومريم..
تالين : قامت بسرعه..وقالت حاضر وخرجت بسرعه..
نور : حطت شنطة العلاج..وقعدت جمب آدم..وباست ع ايدو..نورت البيت بجد يابابي.. الدنيا كانت وحشه اوي من غيركم..
آدم : مسح دموعها..وقال ابوكي رجع ليكي من تاني..ومش عايز بقى حد يعيط..خلاص كفياكم حزن..
نور : سلمت ع مريم..عامله ايه دلوقتى ياست الكل..وحشتيني اوي اوي يامامي..وحطت راسها ف حضنها..
مريم : ربتت ع ضهرها..انا بخير طول ما الكل بخير بانور عيني..
مراد : دخل بمرح احجووووج..ايه ياجدعان الزحمه دي..وبص ل مريم..وقال ايه يامريومه..ايه الجمال ده..الله اكبر الحج آدم سره باتع..ولا ده بخور زينب. ولا ايه النظام.. هههههههه
آدم : هز راسه بنفاذ صبر..وقال بغيظ.. إبن كلب جبله..وعايز ياخد ع قفاه..
مراد : بضحكه..سامعك ياغالي.بتدعيلي صح ههههه..وباس ع ايدو..عامل ايه دلوقتي ياحجوج..
آدم : كشر عينيه..وقال بصوت واطي..ماتتلم يابارد..
مراد : حط ايدو ع قلبه..بمرح.وقال…الله يسلام..هو ده الحج آدم بصحيح..وهمس ف ودن أبوه وقال..شوفت وش مريومه نور ازاي برجوعك..رجعت موزة المزز..
آدم : شاور بعينيه ل مراد وقاله قرب مني اقولك..
مراد : بعفويه قرب من آدم اؤمرني ياكبير….
آدم : رفع ايدو ولسعه ع قفاه..وقال عمرك هتفضل جبله..
مراد : حط ايدو ع قفاه تسلم ايدك ياحج..والله.. والله ولا ليك عليا حلفان انت منورنا..منوووورنا ولا ايه ياشباب..
الكل بيضحك ومبسوط..وقاله طبعا الامبراطور منور ف كل مكان..
تالين : جابت الجهاز..اتفضل حضرتك يادكتور..
محمد : بيضحك ع شكل مراد..واخد الجهاز..شكرا يا توتا..وهمس ل مراد..شكلك وحش جدا.. ههههه.
مراد : كشر عينيه..ماتخليك محضر خير ادكتره..
فهد : ورينو دخلو..السلام عليكم..
كلهم وعليكم السلام..
رينو : راحت تسلم ع مريم..مامي حبيبتي وحشتيني ياروحي..وحشتيني اوي..
فهد : قرب من آدم..وسلم عليه..حمدالله ع سلامتك يا عمي..
آدم : بابتسامه الله يسلمك يا فهد..اومال ابوك فين.؟
فهد : بص ف الساعه وقال ع الساعه ٣ الكل هيكون موجود إن شاء الله..
مريم : مسدت ع حجاب رينو..وقالت أنا بخير يانور عيني..
رينو : قامت ولفت وسلمت ع آدم..وقالت بدموع..بابي حبيبى..واترمت ف حضنه..
آدم : حبيبت قلب ابوكي..عامله ايه يا روحي..
رينو : مسحت دموعها وابتسمت بفرحه..وقالت انا مبسوطه اوى اوى بجد..البيت وكل مكان دبت فيه الروح من تاني..بجد ربنا ما يحرمنا منكم ابدا..
محمد : قاس الضغط..وقال لأ تمام اوي. الحمد لله الضغط مظبوط وعال العال..هنعلق بس ليك محلول وفيه نوعين حقن هتاخدهم وتبقى زي الفل..ومريم ليها تلات انواع برشام وهتكون كل حاجه تمام..
نور : علقت المحلول ل آدم..
رينو : عطت العلاج ل مريم..
——————بقلمي مريم نصار.
فريحه وريتال طلعو..والكل قاعد ف جناح آدم. ومبسوطين..وبيهزرو مع بعض لحد ما المحلول خلص..وكان وقت جميل جدا..والكل كان عندو طاقه وحماس كبير..وقلبهم رجع يفرح من تاني..
فريحه : نزلت ل زينب..وقالت. زينب..العيله كلها ع هتكون موجوده ع الساعه ٣ عايزه غدا وضيافه محصلتش..اعملي كل حاجه ماما مريم معوادكي عليها..وكل حاجه تحت اشرافك انتي يازينب..
زينب : بحماس..من عينيا حاضر ياست الدكتوره..انا مش عايزاكي تحملي هم اي حاجه..كل حاجه هتم زي ما متعودين عليها بالظبط..
فريحه : تمام ياحبيبتى ربنا معاكم..وطلعت الجناح من تاني.والكل كان بيضحك.وقعدت جمب ميرو..
كريم : ههههه..اه والله مصطفى ده واد مشكله انا مش عارف اوصل ليلفل تفكيرو..
ليليان : هههه اسمعو بقى الموقف ده.. ماما مريم عزيز كانت مستعجله ع الصيدليه..وصوتها كان عالي.وبتنادي ع مصطفى عشان يوصلها الصيدليه قبل ما يروح الجامعه.. ومصطفى كان هادي جداً..ونازل وكأنه ولا ع باله اي حاجه..
ماما مريم بتزعقله..وهو بيصفر ومكبر دماغه..ف انا ضحكت عليه..وبقول بكل هدوء صباح الخير يا مصطفى..
مصطفى لقيته بيزعق كأنه متعصب اوي..ورد عليا وقال بنرفزه..صباح الخير دي تتقال لحد عايش ف باريس..هنا إحنا المفروض نصحي نقول لبعض معلش..
وبعدها رقص حواجبه..وضحك وقالي صباح القمر يابنت عمتو وسابني ومشي..
الكل ضحك..
آرين : بتضحك..وقالت طيب هقولكم ع موقف حصل مع مصطفى..ف يوم بين المحاضرات.اتقابلنا انا وچود زى كل مره..ولقينا مصطفى قاعد لوحدو..وكان واضح عليه أنه مخنوق اوى وحسيته لدرجة انه مش طايق نفسه..چود قالت تعالي نشوفه ماله..وروحنا وچود سألته مالك يامصطفي؟
مصطفى : هز راسه كأنه مضايق وقال..مُشكلتي انّي كتوم يعني أسراري مستحيل أطلعها برا مصر..وسابنا ومشي..
الكل ضحك من قلبه..
ريتال : بتضحك..لا مصطفى إبن اخويا عدا الكل بمراحل..
مريم : كف أيدها ف أيد آدم..وبتضحك بسعاده..
آدم : بيسرق ليها النظرات كأنه بيسترد صحته من ضحكتها…
ليليان : قامت وقفت وقالت بحرج..احم انا عندي خبر حلو عايزه اقوله..ل بابا وماما..
آدم ومريم انتبهو..
الكل قاعد ف انتظار المفاجأة..
كريم : مثل أنه مش عارف حاجه..رغم دقات قلبه المبسوطه انه هيبقى أب..
ليليان : حطت ايدها ع بطنها.وقالت بسعاده ممزوجه بحرج..انا حامل..!!!
الكل : فتح عينيه بدهشه وفرحه..وبصو لبعض وضحكو وقاله بسم الله ماشاء الله..
ريتال : متنحه ومش مستوعبه انها هتبقي تيته..
زين : قلبه دق بفرحه كبيره..وقام اخد ليليان ف حضنه وبارك ليها..
كريم : مثل الدهشه..وكمل فرحته الحقيقية..
البنات فرحت جدا وباركت لليليان..
والشباب باركو ل كريم..
ريتال : استعوبت وباركت لبنتها..
ليليان : قربت من آدم ومريم..وباركو ليها..
آدم ومريم كانو مبسوطين جدآ..
فريحه : بسعاده الف مبروك ياحبيبتى..وعقبالك ياتيما انتي وميرو إن شاء الله..
تيما : بحرج إن شاء الله..ياعمتو..
ميرو : بحرج..احم انا لسه بدري..انا وتيم اجلنا الموضوع ده لبعد الرساله..
بعد شويه..
آرين : قامت وقفت وقالت بدهشة.. ياخبر…
الكل انتبه ف ايه؟
آرين : بابا آدم..ف بوكيهات ورد كتير جدا جت لحضرتك..وانا عايزه اقرأ الكروت ال عليها.بليز.بليييز.
الكل ضحك..
محمد : قام وقال..ع فكره آدم ممكن ينزل تحت ويقعد..بس من غير مجهود..
تيم : وانا هساعد بابا آدم ينزل..
مريم : ابتسمت بحب.. آدم هيسند عليا..
آدم : بابتسامه ف وجود أميرتي مش هحتاج لكتف حد..
بعد شويه..
آدم نازل ومريم جمبه..والكل قعد ف الليفنج..
ورجعت الروح والسعاده ل مملكة العدوي..ورجعت تتجمع من تاني..والكل عرف قيمة واهمية وجود الأب وآلام..والجد والجده ف حياتنا..
الكل قعد..مراد قال يلا يا آرين شوفي شغلك وسمعينا الهدايا دي من مين؟
آرين : وقفت قدام مجموعة الورود. ومبهوره من الكميه. وبدأت تقرا الكروت..وقالت دي باقة ورد من رجل الأعمال الشوربجي..بيتمني لسيادتكم دوام الصحه..
ودي باقه من رجل الأعمال وضحكت عمو بيتر.. ويتمنى لصديقه وتوأم روحه الصحه وطول العمر..
ودي باقه من رجل الأعمال..رياض المنشاوي. ويتمنى لسيادتكم دوام الصحه..
ودي باقه من الدكتور مروان..
ودي باقه من جدو جاسر. وكمان عمو مالك الصاوي..وكمان باقه من جدو أشرف عزيز..
وبصت بانبهار..وقالت واو الباقه دي تحفه بجد..ياترى من مين..واخدت الكارت وقالت بفرحه دي من عمو زياد جمال..وبيتمنى للأب والصديق والحبيب آدم العدوي طول العمر..
وباقة الورد التحفه دي من عمو رعد الجوهري..وببيتمنى لصديقه ومثله الاعلى الصحه والعافيه وطول العمر..
ودي باقه..من رجل الأعمال..زكي هيكل.. وباقه تانيه من..!!؟ وضحكت وقالت.. آسر الصاوي..
وكمان عمو فارس .وعمو يوسف.وياسين..واو وكريم..
وكملت بانبهار..واو بجد..دي تحفه جدا..دي من الدكتور محمد عزيز..!!
ههههه واو شاهين كمان وكاتب..نتمنى لسيادتكم الشفاء العاجل..
آدم : بيسمع آرين ومبسوط من أصدقائه المقربين..
عوض من بره يارب ياساتر.. ودخل تعالى ياستاذ هارون..ودخلو ومعاهم باقتين ورد اجمل من بعض.. وجمالهم لفت أنظار الموجوين..
آرين جريت ع الورد..وانبهرت..وقالت دي من عمو سليم بدر الدين..
اجمل عبارات الفرح والتهاني نصوغها لك بمناسبة عودتك لمنزلك ونتمنى لك الشفاء العاجل..
.وكمان عمو خالد الشرقاوي..بجد الورد يجنن.. ومكتوب ع الكارت..مصر كلها نورت برجوعك يا امبراطور الحياه..ربنا يبارك ف عمرك.. إبنك خالد الشرقاوي..
آرين : شافت بوكيه ورد متوسط..والورد كله لون واحد ف وسطهم ورده باللون الاسود..وكشرت عينيها وجابت البوكيه..واخدت الكارت من عليه..وكشرت عينيها بعدم فهم..وقالت الكارت ده عليه تلات حروف انجليش بس؟
مراد : انتبه وقام راح ل آرين. ومسك الكارت. وهمس حرف الW وحرف ال H وحرف ال A وكان ع حرف ال A دايره وعليها علامة ال × وكشر عينيه..وقال حروف غريبه..!!!
وكمان مين زكي هيكل ده.!!!!؟
زين : ف حاجه يامراد؟
مراد : ها..؟ لأ يازين كله تمام..!! وحط الكارت ف جيبه.. وحاوط آرين من كتفها وابتسم..وقال بتحبي الورد انتي صح..!؟
آرين : بمرح اوى اوى ياخالو..
مراد : بص ع بوكيه الورد بتركيز..وهز راسه..واخد آرين وقعدو مع العيله..
فهد : لاحظ شرود مراد..وقال..ف حاجه حصلت ولا ايه؟
مراد : بتنهيده.. وقال..بعدين..بعدين يافهد..!!!
——————بقلمي مريم نصار.
بعد شويه..كل العيله بدأت تتجمع عند آدم..
چود نازله من العربيه..وشايله بوكيه ورد..وماشيه..
مصطفى : من وراها..قال بسخريه..ورد؟ ده اخرك ياتراب القمر..!!!؟
چود : اتخضت..وقالت الله يخربيتك ياشيخ..انت ايه يابني انت..ديما كدا بتطلع زي العفريت مره واحده..
مصطفى : بتريقه اومال اطلع ع مرتين هههههه..
چود : هيهيهيهي..يخربيت الظرافه..
مصطفى : ببرود..هيهيهي ع بيت اللطافه..ايه ال انتى جايباه ده؟
چود : بغيظ..ايه انت اتعميت؟ ده ورد يافاشل..
مصطفى : ورد؟ وفاشل؟ ده اخرك يعني؟
چود : استغفر الله العظيم يارب..اومال الناس تجيب ايه ف مناسبه زي دي؟
مصطفى : أكل..الناس تجيب اكل..هيعملو ايه هما بالورد ده ها؟ هيستفتادو ايه؟ بيرفع نسبة الأنيميا ف الدم مثلاً؟ لا طبعا ..ده حتي بيشفط الأكسجين
.يابنتي طول ما الجهل وعدم التفكير ده موجود..احنا مش هنتقدم خطوه..
چود : جابت آخرها..ولا أخفى من وشي السعادي.. بلا انيميا بلا معرفش ايه. انت واحد جاهل مش زنبي بقى..
مصطفى : قرب من وشها وقال..يخربيت جمال امك..عسل وانتي متعفرته..
چود : بارتباك..وغيظ..انت بتقول ايه..غور من وشي بدال ما انادي بابي..
مصطفى : رقص حواجبه..وقال..اوعي تفتكري عشان عاكستك تبقي حلوه لأ ياماما فوقي انا ال قليل الأدب متربتش. س س سلام..وسابها ودخل الفيلا.
چود : واقفه مصدومه..وقبضت ع ايدها..وقالت ماااااشي يامصطفي..انا بقى هوريك من هي بنت السيوفي..حااااضر..!!!
كل العيله اتجمعت والشباب ف مكان ومبسوطين جدآ بعودة ال آدم..
والستات ف مكان وطايرين من الفرحه برجوع مريم بالسلامه..
والكل اتفق ع حفله ل آدم بمناسبة رجوعه بالسلامه بعد اسبوعين..
الشباب والبنات بتقفو ع هديه مميزه..
تيم : بحيره..ميرو ميرو..قوليلى نختار هدية ايه؟
ميرو : ببرود..سوري ياتيمو.. فكر مع نفسك انا رايحه للبنات باي باي.. وخرجت وكاتمه الضحكه..
كريم : جري ع ليليان..وقال ليليانو حبيبت قلبي..انتي ال هتختاري الهديه المميزه صح يقلبى؟
ليليان : مثلت الدوخه..وقالت..اااه ياستير يارب. دوخه فظيعه فظيعه ياكريم..انا رايحه للبنات يمكن افوق شويه..سي يو ياكيمو..وخرجت وكاتمه الضحكه..
آريان : جري ع تمارا..وقال بلهفه..تيما ال هتنقذ جوزها حبيبها..وهتقولي ع نوع خاص للهديه..مش كدا ياروحي..!!!
تمارا : كشرت عينيها..وقالت ايه ده؟ ف حد بينادي عليا..اهاااا… دول البنات سوري يا آريان..مستعجله جدآ..باي ياحبيبى..وسابته ومشيت بسرعه وبتضحك.
تيم : واقف ومكشر عينيه ومتغاظ..
آريان : وقف جمبه..ومتغاظ من البنات..
كريم : وقف جمبهم..وقال أنا حاسس أنهم بيشتغلونا يابرو..
تيم : بغيظ..حاسس مش متأكد؟ تعالو نشوف شباب العيله يمكن حد فيهم يطلع بيفهم ونختار هديه مميزه..
كريم : هز راسه..يلا بينا..
——————بقلمي مريم نصار.
البنات كلهم ف الجنينه..
همس : ايوه يعني انتو عايزين هديه ازاي؟ عباره عن ايه؟
ميرو : بحيره..مش عارفه ياهمس..احنا وبنات العيله كلها عايزين نعمل هديه تجمع بين بابا آدم وماما مريم..وتكون قيمه جدا.. ومحتارين..
كل البنات واقفين يفكرو..
كارما..ايه رأيكم..نجيب مثلا حاجه دهب وفيها صورة جدو وناناه مع بعض ونقدمها ل ناناه مريم؟
حياة : لأ يابنتي احنا عايزين هديه نقدمها للاتنين..كدا الهديه ل ناناه مريم بس..
كارما : تفهمت..اها..ايوه ايوه فهمت..
تمارا : اسمعوا يابنات..ايه رايكم في كتاب يجمع بين قصة بابا آدم وماما مريم؟
كلهم اعجبو بالفكره..
آرين : بزهق..بس دي هتاخد وقت كبير..وانتو قولتو عايزين نقدمها ف حفلة بابا آدم.. كمان اسبوعين..!!
كلهم : اتنهدو بحيره..وبيفكرو..
ميرو : سقفت بس لقتها..
كلهم ها ايه هي؟
ميرو : رفعت حاجبها بكبرياء..وقالت شجرة العيله..
كلهم بصو لبعض..
ميرو : ضحكت..وقالت هفهمكم..احنا نجيب تابلوه كبير جدا..ونتفق مع متخصص..ويعمل شجره كبيره..ونكتب فيها اسماء كل العيله..ونسيب مكان فاضي.. لأطفالنا إن شاء الله..وأول ما يتولد طفل بإذن الله يتكتب إسمه..ونقدم الشجره دي..لبابا آدم وماما مريم..وتتعلق ف جناحهم..
كلهم واو بجد فكره جميله اوي..
آرين خلاص اتفقنا..وكلنا هنشارك فيها..
كلهم بحماس…اوكي اتفقنا..!!!
مصطفى : كان واقف ورا الشجره وسمع الفكره..وراح بسرعه للشباب..
آريان : ها يامصطفي..عرفت هما بيفكرو ف ايه؟
مصطفى : عيب عليك يانجم..
تيم : طيب أنجز قول بيفكرو ف ايه؟
مصطفى : هرش ف قفاه..
كريم : بغيظ ماتنجز يابارد..
مصطفى : حاضر اسمعو بقى البنات فكرو يعملو………….!!! وقالهم ع الفكره…
ياسين : بإعجاب..بصراحه ياشباب فكرة جامده جدا..
چواد : بحيره..بس دي فكرة البنات..ازاي احنا هنعملها..
مصطفى : ماتجمد ياض..ده تحدي..وهنشوف مين الل هيعمل هديه احلا من التاني..
تيم : بتفكير..انا عندي فكره تانيه..بصراحه غلط أننا ناخد فكرتهم كتحدي..
مصطفى : رفع حاجبه بمكر..ايوه ايوه..فين السيطره ادكتور..ولا هي عشان فكرة ال…احم الدكتوره..!!!
تيم : لسعه ع قفاه. وقال السيطره موجوده لو تحب تشوف ف سباق ملاكمه بيني وبينك يالمض..بس فعلا ماينفعش..
ياسين : وانا كمان بأيد الدكتور تيم .ماينفعش ناخد افكارهم لمجرد اننا خايفين إن هديتهم تكون احسن من هديتنا..
آريان وكريم وچواد. وأسر صح الكلام..
تيم اسمعو بقى. هما هيعملو شجرة العيله كلها بالاسماء. بس احنا هنعمل العكس شجرة العيله كلها بس بالصور..وكل عيله ف برواز ع الشجره..ايه رايكم..
كلهم امممم فكره جامده..خلاص اشطا ماشي.
تيم خلاص. كل واحد فينا. يختار صور عيلته ويحطها ف برواز ونروح لمتخصص ويظبطلنا الشجره..
——————بقلمي مريم نصار.
عند آدم..Автор: Меріам Насар
بيتر : بفرحه. عارف يا آدم..بجد مش كلام وانت تعبان..انا مكنتش حاسس بطعم اي حاجه..الفتره دي كلها كانت عباره عن ليل وبس.
آدم : ربت ع رجله..معلش يصحبي غصب عني..يمكن ال حصل ده خير..واكيد هو خير..
طارق : تعرف ياض يا آدم..انا عدا عليا الفتره دي..وكأني كنت أنا ال ف غيبوبه..والله يصحبي كانت ايام ثقال فعلاً..بس الحمدلله قدر ولطف..
مراد : بتريقه همس ف ودن طارق..ع أساس مكنتش بتاكل وتشرب يعني.ههههههه..اطاروق..
طارق : بغيظ..بص ل آدم..صدق ياض يا آدم. أنا ندمان ع كل ثانيه ربيت فيها الواد ده..
الكل ضحك..
آدم : بمكر..فعلا ياطارق..الواد ده انا عايز اشد عليه بس متخفش يصحبي انا هظبطه..
طارق : بلهفة اب..ع الله تيجي جمب مراد. فاهم . إلا الواد ده..انا بقولك اهو..
آدم : ضحك بصمت..
مراد : بضحكه .احبيبي اطاروق. ههههه.
طارق : بص ل مراد تعرف ياض يا مراد..انا اكتر موقف كرهتك فيه ولعنتك فيه..يوم ما روحت ل رؤوف الزفت قبل ما يتعدم. اقوله انطق اتكلم..وهو طبعا لسانه مقطوع من تحت ايدك..وقتها كنت عايز اضربك..اي والله..
مراد : بمكر..واهون عليك ياطاروقه..
طارق : بغيظ..انت ياض بتتكلم كدا ليه؟
آدم : بتريقه..تربيتك يا أسد..
طارق : بغيظ..تربيه مايعلم بيها الا ربنا..قوم ياض من جمبي..
مراد : بهمس.وخبث.. اروح ل فريحتي..!!؟
طارق : بغيره..شد مراد اترزع جمبي ياض..!!
الكل ضحك..
زياد قاعد بيتأمل آدم.. كأنه نفسه ياخدو ف حضنه تاني ويتأكد أنه رجع من تاني..
آدم : بص ل زياد..وابتسم ل نظرته..وقال عامل ايه يازياد..
زياد : اخد نفس عميق واتنهد بأمل..وقال أنا بخير ياعمي.. بخير طول ما حضرتك بخير..
آدم : ابتسم..وقال..طيب احنا عايزين نفرح بقى..!!
زياد : ياخبر اؤمرني أمر..
آدم : الأمر لله ياحبيب عمك..انا بقول نفرح بياسين وهمس آخر الشهر ده؟
زياد : ضحك بفرحه..وقال كلامك سيف ع رقبتي..واعتبره تم ياكبيرنا..
آدم : هز راسه بفخر..وقال كفايه تأخير ع ياسين. وياريت تروح ف أقرب وقت..تتفق مع رياض المنشاوي ..ع ميعاد مناسب..ولا ايه ياشباب..!!
كلهم.. كلامك مظبوط..
آدم : بتنهيدة راحه..ربنا يتمم بخير..
آخر اليوم.. آرين شافت احمد إبن عوض شايل بوكيه ورد باللون الابيض والاحمر..تحفه فنيه..وانبهرت بيه..
احمد : وصل عند الباب..ومدخلش..وقال ل آرين.. اتفضلى ده بوكيه ورد لسه واصل ل آدم باشا..
آرين : اخدت البوكيه..ومبسوطه جدا..وجريت ع جدها..وبتشيل الكارت وبتشوف بإسم مين؟..لكن وقفت مكانها..بدقة قلب قالت.. آدم…!!!
عدا حوالي أسبوعين..
وزياد اتفق مع رياض المنشاوي..ع فرح ياسين وهمس ع آخر الشهر وبلغ آدم وكل العيله..وعدا من الشهر اسبوعين..
.وتيم وميرو اتفقو ع السفر بعد فرح ياسين..
و آدم الحمد لله استرد صحته كاملة..
وجه وقت الحفله..والكل بيجهز..
ومراد نفذ وعده ودبح خمس عجول من ماله الخاص..ووزعهم ع المساكين..
وكمان طارق وزين..!
بعد شويه..
الكل واقف بيسقف ويضحك..
وفجاءه الكل انتبه..وبصو ع الصوت ال جاي من عند الباب….!!! ———

يتبع….

لقراءة الفصل التالي : اضغط هنا

لقراءة جميع حلقات الرواية اضغط على : (رواية جريمة عشق 5)