رواية جريمة عشق 5 الفصل السادس 6 بقلم مريم نصار
رواية جريمة عشق 5 الفصل السادس 6 بقلم مريم نصار
رواية جريمة عشق 5 الجزء السادس
رواية جريمة عشق 5 البارت السادس
رواية جريمة عشق 5 الحلقة السادسة
فيلا العدوي..ف نفس اليوم..
آرين : اخدت البوكيه..ومبسوطه جدا..وجريت ع جدها..وبتشيل الكارت وبتشوف بإسم مين؟..لكن وقفت مكانها..بدقة قلب قالت.. آدم..!!
وقلبها غلب عقلها..ولفت وجريت بسرعه ع الجنينه..
هارون : واقف مع شاهين وكل الحرس..
آرين : وصلت عند البوابه..وبتنهج.. وسألت بأمل..لو سمحت..!!
شاهين : دخل ليها بسرعه..تحت امرك ياهانم..!!
آرين : بحرج..احم.هو مين جاب بوكيه الورد ده؟
شاهين : ده شاب من محل الورد ياهانم.وانا فتشت البوكيه كويس..لكن مفتحتش الكارت..!!
آرين : هزت راسها.بخيبة أمل وإحباط..ورجعت للفيلا..وبتكلم نفسها..طيب ليه يا آدم متصلتش..!!؟ ليه مسألتش عليا..!!!؟
وبصت للورد..وعجبتها ورده..وابتسمت بحنين كبير
.ودخلت الفيلا..وجريت ع الليفنج..وقالت بحماس.
بابا آدم..المرعب..كح كح كح..احم..قصدي آدم إبن خالو بعت لحضرتك بوكيه ورد..!!!
كلهم ابتسمو بحنين..وفريحه عينيها لمعت بدموع.وهمست آدم حبيبى..
مريم : عيونها لمعت ودعت بقلبها لحفيدها..
آدم : حس بلهفة آرين..وشاور ليها..تعالي اقعدي جمبي..واقريلي الكارت..
آرين : قعدت..وضمه الورد بإيديها.. كأن الورد ده جاي ليها هي مش لحد تاني.
وفتحت الكارت..وقالت..احم.. الي
بابا آدم..و ماما مريم..قرة عيوننا بسلامتكم..
شفاك الله ياقلبا لم نعرف منه سوء قط.. ولا رأينا منه أذى..يامن بروئيته معافى.. أري الضي ف عيوني..حفيدك آدم مراد العدوي..!!!
آرين : بعد ما قرأت آخر جمله..قلبها دق بقوه كبيره.. كأن آدم باعت ليها رساله خاصه..
وإن سلامة كل العيله ف وجودها هى.. وإن سعادة آدم ف وجوده ضيه. وابتسمت بحب كبير…
آدم : هز راسه بإبتسامه.وشاف تملُكها للورد..ومسد ع حجابها..وقال بطريقه غير مباشره..
آرين تعبت اوي انهردا وكفايه انها مهتمه بالكروت وتقرا كل حاجه لجدها..
وحط ايدو ع بوكيه الورد وقدمه ليها.. وقال..
وانا بقى حابب اهديها بوكيه ورد خاص ليها..وكمل بمكر..بوكيه من آدم ل آرين..
آرين : قلبها دق بقوه كبيره..وفرحت جداً..انها هتاخد ورد آدم..!!!
——————بقلمي مريم نصار.
بعد شويه.
مراد : واقف وماسك الكارت..وبيبص للحروف بتركيز كبير..!!! وهمس W-A-H….!!!
زين : خارج من باب الفيلا..
مراد : شافه..ونده عليه بسرعه..وقال زين تعالى عايزك..
زين : راح عندو وقال خير يا مراد..!!
مراد : بطريقه غير مباشره..خير يازينو.. وماشاء الله. رجال الأعمال بعتو ورد كتير جدا..ولا بقى سيدات الأعمال..مش عارف انا هنعمل ايه بكل الورد ده..!!
زين : بفخر..يبني محدش ليه جميل ع الحج..بابا موجب مع كل ال انت شايفهم دول..
مراد : رفع حاجبه اممم.اكيد طبعا..الحج طول عمره. صاحب واجب. بس تعرف ف اسماء رجال أعمال غريبه..زي الشوربجي وزكي هيكل.. هههههههه اول مره اسمع عن الشوربجي..
.بس اسم هيكل ده حاسه مش غريب عليا..
زين : ليه يعم عادي جدا..ورجل الأعمال الشوربجي ده.؟ راجل محترم جدا..وبيحترم بابا بطريقه كبيره.
مراد : بمكر. امممم. وال اسمه زكي هيكل ده؟
زين : بغيظ مكبت.. لأ ده واحد حيوان بس راح لحاله..
مراد : بتركيز..ازاي ممكن تفهمني..!!!
زين : يبني ما انت عندك خلفيه عن الموضوع..انت مش فاكرو؟
مراد : مط شفايفه.. لأ وانا لو فاكر هو مين هسالك ليه؟
زين : طيب هقولك..فاكر يوم ما كنت عندي ف الشركه..لما انا عملت مكالمه..وقولت ارجع ياهيكل رصيدي ف البنوك صفر..!!لما حكيتلك ع الحوار بتاع الصفقة! وبعدها انفجرت عربيتك انت وفهد.. افتكرت..!!
مراد : ااه..ايوه ايوه..افتكرت..طيب ولما هو نصاب كدا. وانت كشفته.ازاي يبعت ورد ل بابا مش غريبه دي؟
زين : ولا غريبه ولا حاجه..اصل هيكل لحد دلوقتي مايعرفش اني كاشفه..ولا يعرف إن بابا كان عارف عنه كل حاجه..
وانا معاملتي معاه بقت ف اضيق الحدود..ومبقاش ف بينا بيزنس خالص..
وانا طرقته من الشركه بطريقه شيك.. وانتهى الحوار ع كدا..
مراد :بيسمع زين..وباصص للكارت بتركيز..!!!وقال اممم..تمام يازين.تمام..!!
زين : طيب هروح اوصل حمايا للعربيه.سلام..ومشي.
مراد : بص من الشباك وحط ايدو ف جيبه..واتنهد.
وقال بنبرة غامضه..الحج بس يقوم بالسلامه.ونشوف حوار اللغز ده..!!!
——————بقلمي مريم نصار.
عدا حوالي أسبوعين..!!!Автор: Меріам Насар
وزياد اتفق مع رياض المنشاوي..ع فرح ياسين وهمس ع آخر الشهر وبلغ آدم وكل العيله..وعدا من الشهر اسبوعين..
.وتيم وميرو اتفقو ع السفر بعد فرح ياسين..
و آدم الحمد لله استرد صحته كاملة..
وجه وقت الحفله..والكل بيجهز..
ومراد نفذ وعده ودبح خمس عجول من ماله الخاص..ووزعهم ع المساكين..
وكمان طارق وزين..!
***
ف جناح آدم..
زينب خبطت..
مريم : ادخل..
زينب : دخلت..ست الكل..الست صابره وصلت. و موجوده تحت..
مريم : هزت راسها..ماشي يازينب..قدمي ليها ضيافه وانا نازله ليها..
زينب : حاضر ياست الكل. ونزلت.
آدم : خارج من الحمام.. وكشر عينيه باستفهام..وقال الست صابره؟ ودي جت هنا ازاي؟
مريم : قامت وقفت قدامه. وقالت بهدوء.. أنا ال بعت وجبتها..
آدم : بتعجب..طيب ليه؟ دي ست غلبانه وملهاش علاقه بال حصل..!!!
مريم : بغموض..يلا بس تعالى اساعدك ف اللبس. وهحكيلك كل حاجه.. وهننزل ليها مع بعض..!!!
ف جناح مراد..Автор: Меріам Насар
فريحه : لابسه فستان رقيق جدا..و واقفه قدام المرايا..بتسرح شعرها..
مراد : خبط ودخل عليها..
فريحه : لفت ليه بابتسامة. وقالت مراد كويس انت متاخرتش..
مراد : قرب منها..وباسها من خدها..عمري ما أتأخر ع فريحتي ابدا..
فريحه : بضحكه صافيه..حبيبى يامرادي..يلا بقى ادخل خد شاور..وانا هجهزلك البدله ف ثواني
..للحفله..
مراد : غمضي عينيكي يافريحه..
فريحه : كشرت عينيها…!!!
مراد : يابت بقولك غمضي مش تكشري..!
فريحه : ضحكت..وقالت حاضر يا حبيبى..اهو غمضت عينيا..ياترى خير..!!!
مراد : طلع من جيبه علبه صغيره. وفتحها.وطلع منها خاتم جواز الماس..ومكتوب جواه مراد وتاريخ كتب كتابهم..
فريحه : بتفكر ياترى هديه ولا ايه؟
مراد : مسك الخاتم..ومسك ايد فريحه..وشال ليها الخاتم القديم..
فريحه : اتخضت بقلق.. وجسمها اتشد..وقالت مراد..!!! بتعمل ايه؟ ده خاتم جوازنا…!!!
مراد : مردش عليها..ولبسها الخاتم الجديد..وباس ع أيدها..وقال فتحي عينيكي يافريحتي..
فريحه : بقلق..فتحت عينيها..لكن فتحت بوقها بانبهار..وقالت ماشاء الله…ايه دا يامراد..؟
مراد : مسك دقنها..وبص ف عينيها..وقال..دي حاجه بسيطه جدا ليكي يافريحه..
انتي الفتره ال فاتت.استحملتيني..وكنتى ف ضهري وبتقويني لما بضعف..تعبتي كتير معايا عشان نخلي البيت زي ما هو…
هان عليكي شغلك وعيادتك ف سبيل إن العيله متقعش..
وقفتى جمبي وكنتي اكبر دعم ليا. كنتى بتحاولي توفقي بين البيت والمستشفي وطلبات العيله..
مدتيش فرصه للضعف يعرفلي طريق..انا بحبك اوى يافريحه..
انا عرفت قد ايه ربنا بيحبني أنه كرمني بيكي.
ورزقني الزوجه الصالحه..انا بموت فيكى يابنت طارق..
فريحه : عيطت من الفرحه..واتشعلقت ف رقبته..وقالت انا بموت فيك يامراد..بحبك اوى..بحبك اكتر من نفسي..
مراد : رفعها لحضنه..ودفن وشه ف شعرها بحنان..وقال ربنا يباركلي فيكي يافريحتي…
فريحه : بتضحك ودموعها نازله..
مراد : طلعها من حضنه.ومسح دموعها..وقال.انتى عارفه اني اكتر حاجه مبحبهاش اني اشوفك بتعيطي..
فريحه : مسكت ايديه.. وبتترجف..وقالت بدموع الفرح..
غصب عني يامراد..وانت عارف انها دموع من فرحتي بكلامك ليا..
مراد انا مستعده اقدم روحي ليك هديه..انت متعرفش انا بحبك قد ايه..ومتعرفش انا متعلقه بعيلتي قد ايه..
بابا آدم مش مجرد اب ليك او حمايا لأ..
بابا آدم احنا فتحنا عينيا ع الدنيا. وكان جمبنا ومعانا.كان اخ وداعم لبابي .
ماما مريم هي ال مربيانا..وكانت جمبنا ف كل خطوه..معاملتهم لينا واحتوائهم يجبرونا إننا نفضل معاهم للآخر..انا معملتش غير واجبي يامراد. ومستعده اقدم اكتر من كده.بس انت تفضل جمبي وتحبني ديما..انت انهردا جبرت بخاطري اوي يامراد..
مراد : مسح دموعها.وباس جبينها..وهمس بحب.. انا طول عمري بموت فيكى.وبموت ف قربك يافريحتي. وشال جبينه من ع جبينها..وابتسم وقال..وكمان عندي ليكي هديه تانيه..
فريحه : قلبها بيدق بسرعه..وبصت ل عينيه بعشق..وساكته..
مراد : بغمزه..اسبوع اجازه انا وانتي لوحدنا ف اي بلد تشاوري عليها..
فريحه : شهقت بفرحه كبيره جدا..وقالت بجد..بجد يامرادي .
مراد : بسعاده..بجد ياقلب يامرادك…
——————بقلمي مريم نصار.
ف الليفنح..
زينب : قدمت الضيافه للست صابره..اتفضلي ياحاجه..
صابره : بقلق..احم يزيد فضلك يابنتي..
زينب : تعيشي ياحاجه..ودخلت المطبخ.
صابره : منزله عينيها..وباصه ف الأرض..ومن جمال الفيلا..كل شويه تقول..بسم الله ماشاء الله. اللهم صل على النبي..
آدم : لابس بدله ف منتهى الجمال..ودي هديه من زين وريتال..
مريم : لابسه فستان رقيق جدا وبرضو هديه من زين وريتال للحفله.. ونازلين جمب بعض ع السلم..وايدها ف دراع آدامها..ومعاها علبه..
آدم : نزل..وقال بهدوء..مساء الخير يا ست صابره..
صابره : قامت بسرعه وقلبها بيدق بخوف..وقالت بقلق..مس..مساء الخير يابيه..اء.. ألف حمدلله ع السلامه يابيه..
آدم : شاور ليها..اتفضلى استريحي..
صابره : العفو يابيه..العين ماتعلاش ع الحاجب..
مريم : قربت منها..ومسكت أيدها وقالت اتفضلي..استريحي ياست صابره.. ومتقلقيش من حاجه..
صابره : قعدت ع طرف الكرسي..وقالت بخوف..عدم الاموءاخذه ياست هانم..انا يعني معرفش انتو جبتوني هنا ليه؟
مريم : قعدت جنبها..وقالت بابتسامه..انا ال طلبتك ياست صابره..عشان اشكرك بنفسي..
صابره : بعدم فهم..تشكريني؟ ع ايه بس ياست هانم..
مريم : عيونها لمعت..وقالت. لأنك انقذتي حياتي..وانقذتي حياة عيله كامله من الإنهيار..
صابره : هاتتكلم…..!
مريم : لو سمحتي خليني اكمل كلامي.. انتي ربنا بعتك ف الوقت المناسب عشان تنقذي جوزي من خطر حقيقي.
.ولولاكي..كان الله اعلم ايه ال حصل..لكن ديما ربنا بيحط الابتلاء وقصاده درجة التحمل..والصبر ع المصيبه..
انا لو قدمت ليكي الدنيا كلها ف ايديكي..ع لطف الله و ال حصل بسببك مش هقدر ارد جميلك ياست صابره. لكن انا هحاول اقدم ليكي حاجه رمزيه.
وكمان ربنا جعلنا ليكي سبب.. إننا نأمن ليكي ول اولادك مستقبلهم…اتفضلي..وقدمت ليها العلبه..
صابره : هزت راسها..وقالت أني مش فاهمه حاجه ياست هانم..وايه العلبه دي..؟
مريم : بحب كبير… فتحت ليها العلبه..وقالت اتفضلي..دي تذاكر سفر للسعوديه..عمره ليكي ول اولادك..وكمان…..!!!
صابره : شهقت بفرحه.. وعيطت بعدم تصديق..ايه؟ عو…عمره.؟.. عمره.؟..اء..اني هعمل عمره..يعني اني هشوف الكعبه..وبصت ل مريم..وقالت سايق عليكي النبي ياست هانم..ماتضحكي عليا. والنبي متعشميني..ده حلم وصعب يتحقق..
مريم : قلبها وجعها ع حالتها. وربتت ع ايدها.وقالت..
.حاشا لله إني اضحك عليكي ياست صابره..
انتي فعلا إن شاء الله..هتطلعي عمره..
وكمان ده عقد بيع وشرا للعماره ال انتي مأجره فيها.. دلوقتي كلها بقت ملكك انتي واولادك..
وآدم جوزي..هيتكفل بتجديد العماره وفرشها..وجواز اولادك..وهيأمن ليهم شغل محترم..!!
صابره : رفعت عينيها وبصت ل مريم ومصدومه..هي بتحلم..!!؟
ولا هي ال مش مقصوده بكل الخير ده؟
مريم : دمعه نزلت منها..ومسحت دموعها وابتسمت بحب..وقالت…
كل ده مايجيش نقطه ف بحر من ال انتي عملتيه ياست صابره..
رقم تليفون البيت ده معاكي ف العلبه..اي وقت احتاجتي فيه لاي حاجه..مملكة العدوي بابها مفتوح ليكي ديما..
صابره : فاقت..وصدقت انها مش بتحلم.. وإن ربنا كريم.. وكرمه ملهوش حدود..!!!
وإن اكيد كان ف سبب من إن حاجه جواها تقولها قومي روحي عند الشركه. واكيد ال حصل انه ف قلب المحنه منحه ومكافآه كبيره ليكي ياست صابره..
وعيطت.ودعت كتير جدا ل آدم ومريم.وجت تبوس ع أيديهم.
لكن هما سحبو ايدهم بسرعه..
مريم : ربتت ع ضهرها.وقالت ربنا يكرمك يا ست صابره.ويستجيب منك إن شاء الله..
صابره : قامت وخارجه.وبتعيط بفرحه كبيره..ولسانها بيردد من الدعوات ل آدم ومريم..بالستر والصحه وبركه ف العمر.
آدم : ل هارون..خلي السواق يوصل الست صابره لحد بيتها..
هارون : تحت امر معاليك ياباشا..
آدم : قلبه مبسوط جدا.بال اميرته عملته..وحاوطها من كتفها..وقال.. أميرتي ديما بتفاجئني..
مريم : مسحت دموعها وابتسمت..وقالت بجد انا ممنونه للست صابره طول عمري..
آدم : طيب انتي ليه مقولتيش ليها ع المبلغ ال تحت العقد ف العلبه.؟
مريم : بتنهيده..هي لما تروح وتشوف المبلغ هتفرح اكتر..انا محبتش انها تتحرج..
آدم : باس ع أيدها..وقال ربنا يباركلي فيكي..يانور حياتي..
مريم : ضحكت…نور حياتك؟
آدم : بغمزه التغيير مطلوب ولا ايه يا أميرتي؟
مريم : حطت راسها ع كتفه..وقالت..أنا عندي ليك هديه ومتأكده انها هتعجبك..
آدم : بمكر..همس ف ودنها..يارب يكون شهر عسل يارب…!!!
مريم : شهقت..وشالت راسها..وبصت ليه. بدهشة..وقالت شهر عسل ايه يا آدم الله يهديك..!!
آدم : بمكر..اله..هو انا مش لسه خارج من غيبوبه..لازم شهر عسل..واتصرفي عايزين نشتري طقمين ولا تلاته كدا ماشي..وغمز.
مريم : فتحت عينيها بزهول..ووشها أحمر..وقالت اعمل فيك ايه؟ ياراجل انت ف ايه ولا ايه؟ احنا كبرنا الله يكرمك يا آدم بطل بقى..
آدم : هههههههه..وشد راسها ع كتفه تاني..وقال ما علينا هنشوف حوار الطقم بعد الحفله..المهم قوليلى ايه هي الهديه..!؟
مريم : ضحكت ع مرواغة آدامها ال بتعشقها..وقالت أنا هطلع انا وانت بإذن الله موسم الحج السنادي..!!
آدم : ضمها لقلبه اكتر..وقال بحب..كنت متوقع منك ده يا سلطانة آدم..
——————بقلمي مريم نصار.
ف جناح زين..
زين : قدم هديه ل ريتال نفس الفستان ال كان عاجبها وكان مقطوع..
جابلها واحد نفس التصميم..وجاب ليها اسوره الماظ..
ريتال : بإعجاب كبير..واو بجد روعه جدا..الفستان تحفه اوي يازينو..وباسته من خدو..ميرسي جدا ياحبيبى..
زين : مبسوط..ولبس ليها الاسوره..وقال دي اقل حاجه ليكي ياروتي..انتى ديما واقفه جمبي..واتحملتي عصبيتي ف الفتره الاخيره..
وكنتي ديما تدعميني وتقويني..وشيلتي مسؤلية البيت.
وقدرتي تسدى مكان العيله. ومقصرتيش ف اي حاجه.ربنا يباركلي فيكي ياروتي..
ريتال : حضنته بسعاده كبيره..وعيطت من الفرحه..وقالت أنا مستعدة اعمل كل حاجه تسعدك يازينو..بس تكون جمبي ومعايه ومبسوط ديما ياحبيبى..
زين : باس ع ايديها..انا مبسوط بوجودك جمبي ياريتال..!!
ريتال : بدقة قلب..بحبك يازين..
زين : رجع خصلة شعر ورا ودنها..بعشقك ياعمر زين..
Автор: Меріам Насар
بعد لحظات..
فون آدم رن..وبص ل مريم..وابتسم وقال..ثواني ياروحي مكالمه مهمه وراجع..
مريم : بابتسامه..ربنا معاك ياحبيبى..
آدم : دخل المكتب..ورد ايوه يارعد عملت ايه؟
رعد : كله تمام ياباشا..انا لسه خارج من المخزن حالا..
آدم : تمام..ومضو؟
رعد : بضحكه..دول ماصدقو ياباشا.عامر والجارسون.اول ما عرفو أنهم هيخرجو ويشوفو النور من تاني.قالو هنمضي ونبصم كمان..ومضو ع كل الأوراق..
آدم : هز راسه تمام..
رعد : بحيره..احم..
آدم : اممم قول يارعد عايز تقول ايه؟
رعد : ابتسم..وقال ماشاءالله عليك ياكبير..عموما انا بس كنت عايز أسأل..لو آدم الصغير عرف بأن عامر والجارسون طلعناهم من المخزن. ايه موقفه وقتها..
آدم : بهدوء..متقلقش يارعد..انا هفهم حفيدي اول ما يرجع..!! بس انجز انت وتعالي الحفله ع وشك..
رعد : تحت امرك ياباشا..اروح بس البيت اغير هدومي..واجيب هيلينا واجي ومعايا الاوراق..
آدم : كشر عينيه..وابنك وبنتك؟
رعد : سفيان سافر عشان الجامعه..وباري..عند والدتي ف البلد.. ههههه مش عارف كل ما انوي اجيبهم. يحصل حاجه..
آدم : لعله خير..!!! وكل شيء ب آوان..
رعد : ونعم بالله يا باشا..
——————بقلمي مريم نصار.
فيلا سليم بدر الدين..
سليم : لابس بدله شيك جدا..وجاهز ونزل المكتب..
فتون : لابسه فستان تحفه فنيه..سليم جايبه ليها من بره مصر مخصوص تحضر بيه الحفله ف مملكة العدوي..
فتون : نازله ع السلم. والفستان ليه ديل طويل. وكانت فاتنه فيه..
سليم : بص ف الساعه..وقام قفل الخزنه..
فتون : خبطت..وقالت برقه. سليم..!!
سليم : قال بإعجاب..نزلت ع الوقت بالظبط..ولف ليها..وبيقول نعم يا قلب سي……!!!!ووقف مكانه بإعجاب كبير..وقلبه دق بمشاعر مختلفه وأغلبها كانت مشاعر حب مع غيره كبيره..
فتون : بضحكه رقيقه.. مسكت الفستان وقالت..أجنن مش كدا..؟
سليم : ف اللاوعي..ده انتي تهبلي..وانتبه. وقرب منها. ومسك ايديها الأتنين..وقال ديما فاتنه. ومضيعه عقلي مني بجمالك.
ايه يافتون ياحبيبتى الجمال ده.. بجد فتنتي قلبى وروحي..!! ورفع أيديها وباس عليهم..وقال برنسس فتون بدر الدين..!!!
فتون : بضحكه صافيه ودقة قلب..حبيبى ربنا يباركلي فيك..وانا مكنتش هكون بالجمال ده..لولا الفستان التحفه ده تسلم ايدك وزوقك..!!
سليم : حاوطها من وسطها..وقال بمكر.. الفستان برضه ال مخليكي جميله؟
وهمس ف ودنها الفستان بقى ليه قيمه..لما بقى بين ايدين فتون سليم بدر الدين.. وبجد انتى تجنني.
وكمل بغيره.انا مش عارف ازاي هتخرجي كدا..!!
فتون : بضحكه صافيه..حضنت سليم..وقالت حبيبى انا ياسيمو..ديما بتغير من ااقل حاجه..
سليم : طلعها من حضنه..ومسك دقنها..وقال بحب.. لو مغرتش عليكي هغير ع مين يافاتنه..وبيقرب منها..
فونه رن وكان خالد..
سليم : غمض عينيه بغيظ كبير..وقال..الله يخربيتك ياخالد الكلب..ديما بتتصل ف الوقت الزفت ع دماغك..
فتون : ههههههه..معلش ياحبيبى..اكيد بيستعجلك..ع ميعاد الحفله..
سليم : مسح وشه بايديه ونفخ بنفاذ صبر..ورد ع خالد بنفور..نعم..!!!
خالد : هههههههه ع طول كدا حبك ليا واضح من صوتك..
.اكيد كالعاده ياساده اتصلت ف وقت مناسب
..ههههخخ..
سليم : قبض ع ايدو..وقال بغيظ..انا يالا بكرهك صدق بقى..؟
خالد : بدلع مش من قلبك ياسولي..
بس بجد بزعل من اهمالك ليا..مش هتقولى مالك بقى..وايه مغيرك؟ هههههه..
سليم : غصب عنه ضحك..عيل فصيل اقسم بالله..أنجز ياعملي الاسود..عايز ايه؟
خالد : ياعم الحفله هتبدأ..أنجز الشباب وحشوني.عايزين نقضى الحفله من أولها..
سليم : ابتسم..تمام ساعه وهنكون هناك إن شاء الله..!! وقفل..
فتون : بضحكه..ع فكره انا عزماك ع العشا بعد الحفله. ع اليخت..
سليم : بابتسامه ومكر..وايه المقابل يابنت مهران..!!
فتون : ههههه. هقولك بعدين ياسيمو.ياملاكي الحارس. يلا بينا؟
سليم : حط ايدها ف دراعه..وقال بحب كبير.. يلا بينا ياجمل برنسس فتون..!!!
——————بقلمي مريم نصار.
فيلا تيم عزيز..
تيم بيلبس..للحفله.
ميرو : بتلبس وفونها رن وكانت هبه..وردت عليها..وقالت بابتسامه..الو هوبا القمر..
هبه : بضحكه..ميرو الموزه عامله ايه ياقلبي..!!
ميرو : بضحكه الحمد لله بخير..ايه انتى لسه منزلتيش من البيت؟
هبه : بحرج..معلش بقى ياميرو مش هقدر اجي الحفله..
ميرو : بزعل..ليه بس ياهبه؟
هبه : بتهيده..اصل ولاد عاشور اخويا التلاته تعبانين..بدور برد شديد وسخونيه..ومرات اخويا مش عارفه تعمل حاجه منهم..وطلبت مني إني اروح اقعد معاها..وانا بصراحه اتكسفت اقولها اني عندى حفله..وبرضه مش عايزه عاشور يزعل مني..مهما كان عاشور عمره ما رفضلي طلب ولا زعلني..
ميرو : بحيره..اممم. فعلا عندك حق..ماشي ياحبيبتى.تتعوض مره تانيه إن شاء الله..والف سلامه عليهم..
هبه الله يسلمك ياقمر..وشهقت بتفكير..وقالت صح يامريم ف حاجه كنت عايزه اقولك عليها. وع طول بنسى..
تيم : شاور ل مريم.وقال بهمس.. اتأخرنا..!! الحفله بدأت..!!
ميرو : هزت راسها..وقالت ثواني ياهوبا.هفتح الاسبيكر بس وهسمعك وانا بلبس الحجاب. وفتحت الاسبيكر وحطت الفون ع التسريحه..
وتيم : بيسرح شعرو قدام المرايا التانيه..
ميرو : بتلبس الحجاب..اه سمعاكي ياهوبا..حاجة ايه بقى؟
هبه : بصي من فتره كدا. وانا ف الجامعه..جت بنت سألت عليكي..!!
ميرو : كشرت عينيها بعدم فهم..بنت مين؟ ياتري زميلتنا ف الجامعه ولا ايه؟
هبه : بصراحه مش عارفه يامريم.. إن كانت زميلتك ولا لأ؟
ميرو : ههههه يابنتى انتي مجنونه..ما انتي عارفه اني ماليش صحاب غيرك..وباقى الدفعه زمايل عاديه وانتي عارفاهم كلهم..ازاي بقى مش عارفه؟
هبه : بحيره..منا قولت كدا برضه..لانها قالت إنها صديقتك..بس بصراحه يامريم طريقتها ف الكلام خوفتني..!!
ميرو : بعدم فهم..ياستير ليه كدا قالتلك ايه..وقالتلك اسمها ايه البنت دى؟
هبه : بتريقه..رووووح.. ههههه..اه والله قالتلي كدا..ونطقت اسمها كأنها بتحضر عفريت..
ميرو : بتفكير..روح..!!!؟ بس انا معرفش حد بالاسم ده خالص ياهبه..
هبه : مش عارفه بس ازاي..دي فيها شبه منك كبير جدا..!!!
تيم : فتح عينيه بصدمه..ولف ل مريم..وهمس كامليا..!!!!!؟
ميرو : بعفويه..!! شبهي؟ لأ معرفش حد. انا…..!!
تيم : اتحرك بغضب..ومسك الفون بسرعه..وقال بصوت غضبان..هبه..البنت دي عينيها تشبه مريم؟ ونفس الطول تقريباً؟ وعندها شامه ف جبينها؟
هبه : اتخضت..لكن جاوبت بقلق.اء..ايوه فعلا يادكتور..
تيم : صك ع أسنانه بغيظ واضح..وقال..احكيلي بالظبط البنت دي قالتلك ايه؟
ميرو : واقفه مستغربه تصرف تيم..لكن فتحت عينيها بصدمه..وقلبها دق بخوف..وهمست..معقول تكون كامليا؟
هبه : بلعت ريقها.. وقالت جواها..استر يارب هو انا نيلتها ولا ايه..؟
وحكت ل تيم كل ال حصل..وردها ع كامليا..وأسلوب كامليا ورد فعلها..!!!وكملت..بس انا لما قولتلها انكم سافرتو بره مصر..اتجننت وسابتني ومشيت..!!!
تيم : قبض ع ايدو بغضب شديد.ويتنفس بغيظ..
ميرو : شافت ملامح تيم..واتوترت..واخدت الفون منه. وقالت بقلق..ما…ماشي ياهبه ياحبيبتى..انا هكلمك بعدين..وقفلو..
تيم : من بين أسنانه بتوعد ممزوج بغضب..اقسم بالله..لا ادمرك ياكامليا..وساب مريم وخارج بسرعه..
ميرو : جريت وراه بسرعه..وبتنادي عليه بعياط وخوف..تيم .تيم..رايح فين..استنى بس.
تيم : نازل ع السلم بسرعه..ومبيردش عليها..!!
ميرو : نزلت بسرعه..وكانت هتقع.. لكن لحقت نفسها..ونزلت تجري عليه..تيم استنى بالله عليك..
تيم : لسه هيخرج من باب الفيلا..
ميرو : جريت ووقفت قدامه..وقفلت الباب..وبتنهج..
تيم : صك ع أسنانه بغضب..وقال بصوت عالى ابعدي من طريقي يامريم..!!!
ميرو : قربت من بعياط.. ومسكت دراعه..وقالت بترجي.. لأ لأ ياتيم مش هبعد..ارجوك اسمعني وحاول تفهمني..
تيم : مسك مريم من دراعتها بغضب..وهزها..وقال..بصوت منحور..اسمع وافهممم اييييه؟ افهم ايه يا مريييم؟ افهم أنها كانت عايزه تدمرك وتدمرني؟ افهم أنها مبتحرمش بعد كل ال حصل معاها؟ انا لازم اوقفها عند حدها واقفل الموضوع ده نهائى..انا ممكن اقلبها قضية رأي عام. وافضحها وادفنها بالحيا..واحده زي دي..كانت المفروض تحمد ربها إننا سبناها..لكن لا..هي مصممه تخسر نفسها وعيلتها..انا رايح لابوها وال يحصل يحصل..
ميرو : مسكت قميصه بترجي كبير..وعيطت بصوت موجوع. ارجوك ياتيم بلاش..احنا مصدقنا الفرحه ترجع لقلوبنا من تاني..
ومسكت وشه بايديها. وبصت ف عينيه وقالت بحب ممزوج بوجع..انت وانا تعبنا سنين كتيره اوي عشان نوصل لل اللحظه ال تجمعنا..وكمان فكر بإيجابية..هي خسرت وانا وانت ربنا عوضنا ببعض.. وبعدين أنت قولت باباها مريض.وانها بنته الوحيده.يعني اكيد مش هيتحمل ال انت هتقوله عن بنته..وممكن يجراله حاجه.. أنت وقتها.مش هتقدر تسامح نفسك..
تيم : قلبه رق لدموعها..ومسح دموعها وقال بعتاب..يعني عايزاني اسكت يا مريم؟ عايزاني اسيبها تتمادى ف شرها؟ عايزاها تفتكر أن سكوتي ده ضعف؟
ميرو : ابتسمت بدموع لهدوئه.. وهزت راسها بالنفي.. لأ ابدا. انت عمرك ما كنت ضعيف ابدا ياتيم.. ال يحاول ينقذ سمعت العيله ويخاف ع بنات العيله كأنهم بناته وأخواته عمره ما يكون ضعيف ابدا..ال يحاول يخلى مراته مبسوطه ويتحملها وقت ضعفها وخنقتها عمره ما يكون ضعيف ابدا..
ومسكت أيديه.. وقالت..طيب فكر تاني بإيجابية.. وإن هبه قالت ليها إننا سافرنا ومحددتش البلد..يعنى اكيد هي هتستسلم ف الوقت ده..
اكيد لما تقعد مع نفسها وتفكر..هتقتنع انها غلطت..وتندم انا متاكده..صدقني .
تيم : ضحك بسخريه..تقتنع؟ مين دي ال تقتنع يامريم؟ انتي مفكره كل الناس ف برائتك وطيبتك؟ لا ياحبيبتي فوقي..صوابعك مش زي بعضها..وبعدين ال قلبها تجيله الجراءه وتعمل حاجه بشعه ووقحه زي دي..عمرها ما تحس بالندم أبدا..دي مش بعيد يكون قلبها مات اكتر من الأول..وعايزه تنتقم بطريقه أشد..
لو سمحتي سبيني انا اتصرف بطريقتي..وانهي الموضوع ده انهردا..!!
ميرو : بترجي..عشان خاطري بلاش ياتيم.. انت شايف إن كل العيله ماصدقت ترجع ليها الفرحه من جديد..ارجوك. طيب بلاش عشاني انا..عشان بابا آدم وماما مريم..بالله عليك ياتيم تنسى الموضوع.. كلها اسبوعين ونسافر..بالله عليك أرجوك..!! واترمت ف حضنه وعيطت..وقالت بوجع..انا مش عايزه اخسرك انا معنديش استعداد اقف ع رجليا من غيرك..ارجوك بلاش تسبنى..حلفتك بالله ياتيم..!!!
تيم : قلبه اتخنق عشانها..وضمها لقلبه بحنان كبير..وقال..هشش..طيب خلاص اهدى مش رايح ف مكان.. خلاص بقى..
ميرو : طلعت من حضنه بسرعه..وقالت بأمل وحماس..بجد..بجد ياتيمو؟
تيم : بضحكه..بجد يا قلب تيمو..بس وحياتي بلاش عياط.
ميرو : حضنته بمرح..حبيبى تيمو انا.. حاضر ياروحي مفيش عياط..بس انت خليك جمبي..
تيم : ضمها لقلبه بسعاده.. وقال.عمري ما ابعد عنك يوم واحد..ياعمر تيم..!!!
——————بقلمي مريم نصار.
الحفله بدأت ف جنينة مملكة العدوي. Автор: Меріам Насар
والأمن مستتب والكل بيتفتش بلا استثناء.. ومراد زود حراسه امنيه مشدده..لحماية آدم وباقي أفراد العيله..
وكل الضيوف حضرو..
وكالعاده اهم الضيوف كانو سليم وخالد ومتألقين وواخدين مكانهم ووضعهم ف قلب المملكه.. ومحمد ومراد وفهد وزين مرحبين بيهم جدآ..وعرفوهم ع باقي شباب العيله..
الصحافه وصلت..وعملت لقاء مع آدم..
لكن بحرص شديد..وف وجود الأمن والحرس.كانو زي الاسود حوالين الامبراطور.محاوطينه من كل الاتجاهات. بأمر من مراد.
.ولاول مره ناس كتير اوي..تدخل حدود المملكة
واتفتشو كويس جدا..بأمر من مراد وفهد..والأمن موجود..والكل كان حذر جداً..
رجال الأعمال وسيدات الأعمال ف الجنينه..
وحريم العيله جوه الفيلا..ومعاهم فتون وحنين وهيلينا..وبيحتفلو..
وممنوع الخروج بره باب الفيلا..وكل زوج منبه ع زوجته وبناته محدش يخرج..
وكان وقت جميل جدا. والكل كان مبسوط. وفرحه عارمه ف قلوب كل محبين الامبراطور..
والحفله تمت وعدت ع خير..والكل ودع العيله الجميله.. واتحركو..
آدم وكل العيله موجودين ف الليفنج..
البنات قامو كلهم..ووقفو جمب بعض..
ميرو : بحماس..احم احم.. لو سمحتو ياريت الكل يركز معانا ثواني .
كل العيله انتبهت..وبصت ليهم..
ميرو والبنات جابو البرواز وكان كبير جدا..وماسكينه بحذر..
تمارا : ابتسمت بحب كبير وقالت..بابا آدم..وجدو. واخويا الكبير. وصديقي المفضل..وحبيبى.
وماما مريم.وناناه واختي الصغيره ههههه ماشاء الله طبعا..وصديقتي المقربه.وقلبي من جواه..ال ديما بتعلمنا الصح من الغلط .والحلال من الحرام..
ميرو كملت.بحنين.. وقالت ماما مريم..ال بتحبنا بجد..ال بتخاف علينا وعايزه تاخد بأيدينا للجنه..
وبابا آدم..هو مش جدو لأ هو بابا آدم وبس.. اخويا الكبير ف وحدتي..صديقى وحبيبى ورفيق ايامي..ال ديما مقويني..ال رباني وأخدني بنته مش حفيدته..
انا عايزه اقولكم اني بحبكم بجد..بحب بابا آدم وبابا طارق..بحب ماما مريم وماما رنا..بجد احنا الاحفاد بنحسد نفسنا إننا ربنا رزقنا بعيله تجنن.
ودلوقتي بإسمي أنا وبإسم بنات العيله كلها..اتفقنا نقدم ليكم هديه بسيطه ويارب تعجبكم..وشاورت للبنات..
البنات بحماس كبير..شالت الورق من ع البرواز.
وكانت الشجره تجنن بجد..
الكل انبهر بيها.وبيهمسو ماشاء الله..
.لكن آدم ومريم أنبهرو بكلام تمارا وميرو اكتر..
مريم : كالعاده من فرحتها بحفيداتها دموعها نزلت..
آدم : عيونه ع الشجره بتركيز كبير وإعجاب.. وشاف اسمه اول واحد ومريم جمبه. ومراد وزين ونور ولارين..
..ويليه طارق ورنا وفهد وباقي العيله..لحد اسم تالين..!!
وف ارواق فاضيه..واكيد.دي لباقي الأحفاد..
وقلبه دق بحب كبير..وكابر دموعه..لكن عيونه لمعت من جمال الهديه..!!!
مريم : شافت الشجره.و فتحت عينيها بدهشه واعجاب كبير جدا. وقلبها دق بفرحه كبيره..للهديه المميزه والجميله جدا.. وعيونها لمعت بدموع..وهمست اللهم بارك..
مصطفى : كالعاده ضيع سحر اللحظه..وقال وسع وسع وسع..خلاص ياموزز خلصتو فقرتكو.؟
.اركنو بقى ع جمب..
الكل تنح بدهشه.. وبعدها ضحكو ع مصطفى..
مصطفى : وقف مكان تمارا وقال.. جدو آدم..عمنا وعم الكل..كبير العيله..حبيب الملايين امبراطور قلبي انا شخصياً..اه وكتاب الله..
الكل ضحك..
تيم : سحب مصطفى من قفاه..وقال بعتذر عن الخطأ الفني..الواد ده مش تبعنا. منعرفوش أصلا..
الكل ضحك..
تيم : ابتسم بحب كبير..وبص ل آدم ومريم وقال..
طبعا بعد كلام مريم وتمارا انا مش لاقي حاجه اقولها..
هما خلصو فيكو كل الكلام..لكن ال هقوله.. إن امنيتي الوحيدة إن ربنا يبارك ف عمر حضرتك. وعمر ماما مريم..
ودي هديه بسيطه من شباب العيله..وشاور للشباب..
الشباب بنفس الحماس شالو الورق..وكان البرواز يخطف القلب. وكل عيله بالصور واسماءها ع الشجره.وكانت بجد تسحر..
البنات شالت البرواز والشباب شالو البرواز وقدموهم ل آدم ومريم..
محمد ومراد وفهد وزين كانو مبسوطين جدآ..
نور ورينو وفريحه وريتال..كانو مزهولين من جمال الهديه..
مصطفى : شاف الكل ساكت..وقال سمعونا سقفه كدا ياجدعان..اي حاجه تدينا طاقه احنا تعبانين ف الحاجه دي اه والله العظيم..وغمز ل چود..وسقف اول واحد..
الكل : انتبه.. وضحكو وسقفو..
مريم عزيز : صكت ع أسنانها بغيظ كبير من مصطفى..
يوسف : بفخر..قلب أبوه الواد ده..
مريم عزيز : بغيظ كبير..اه ابنك ونعم العقل يايوسف..
الكل واقف بيسقف ويضحك..
——————بقلمي مريم نصار..Автор: Меріам Насар
آدم مراد : من ع الباب..بدقة قلب..بابا آدم..!!
وفجاءه الكل انتبه..وبصو ع الصوت ال جاي من عند الباب….!
آرين : لفت بسرعه..ودقات قلبها واصله لقلب آدامها..وضحكت بسعاده..وعيونها لمعت.وهمست آدم…!!
مريم : حطت ايدها ع قلبها..وضحكت بدموع..وقالت إبن عمري..!!
آدم : ابتسم بحب كبير..وقلبه استريح برؤية حليفه..
آدم مراد : حط الشنطه ع الأرض..وقدم كام خطوه..
فريحه : قلبها بيدق وعيطت. وهتجري عليه..
مراد : شايف عيون ابنه متعلقه ب جدو..ومسك ايد فريحه بسرعه..وغمز ليها تستنى..!!
فريحه : فهمت..ووقفت مكانها..وقلبها مبسوط برجوع ابنها..!!
آدم مراد : مش مصدق أنه شايف جدو آدم من تاني قدام عينيه..قاعد متمركز بنفس هيبته.وأميرته جمبه. ولامم كل العيله حواليه..ايوه هو ده آدم العدوي..
هي دي مملكة العدوي..مملكة ميراث العشق. ال دبت فيها الروح من تاني..ال نورت وازهرت من جديد..ال شمس الحب دفت قلوبهم برجوع الامبراطور وأميرته..!! ——–
آدم مراد : مش مصدق أنه شايف جدو آدم من تاني قدام عينيه..قاعد متمركز بنفس هيبته.وأميرته جمبه. ولامم كل العيله حواليه..ايوه هو ده آدم العدوي..
هي دي مملكة العدوي..مملكة ميراث العشق. ال دبت فيها الروح من تاني..ال نورت وازهرت من جديد..ال شمس الحب دفت قلوبهم برجوع الامبراطور وأميرته..!!
كل الشباب اتحركت وسابت مجال للديزل انه يوصل لجدو..
آدم : بابتسامته المعتاده..قال..حفيدي الغالي..!!! وقام وقف..
آدم مراد : سمع صوت مثله الاعلى. وصديقه الصدوق…ونسي كل حاجه..وهمس بابا آدم..!!
آدم : هز راسه بابتسامه..ايوه يا حفيدي..انا قدامك..حي يرزق.وفتح ايديه لحفيدو.!!!
آدم مراد : اترمى ف حضنه بكل شوق الدنيا ولهفتها.
آدم : ضحك بصمت وقلبه مبسوط جدا..وربت ع ضهرو بحنان..وقال. حمدالله ع سلامتك يا آدم ياعدوي..!!
آدم مراد : غمض عينيه ومردش.. كأنه بيحاول يستوعب. او بيحاول يشحن طاقته من صوت جدو ال اتحرم منه لفتره..
الكل واقف متأثر من علاقة الحب ال بين الجد وحفيده..
آدم : ابتسم..وتفهم سكوت آدم..انه اكيد بيكابر دموعه..لانه بيكره الضعف..وطلعه من حضنه..وبص ف عينيه..وهز راسه ف اشاره معناها انا بخير اطمن..
آدم مراد : غمض عينيه وصك ع اسنانه.عشان مايضعفش..واخد نفس عميق..وفتح عينيه.وباس ع ايديه.وابتسم..وقال..نورت مملكتك ونورت حياتنا من تاني..!!!حمدلله ع سلامتك يا بابا..!!!
آدم : الله يسلمك ياحبيب جدك..!!
آدم مراد : بص ل مريم..وابتسم بحب كبير..وقرب منها وباس ع ايديها وجبينها..وقال. سلطانة المملكه. وأميرة القلوب.. حمدالله ع سلامتك ياحبيبتى وضمها لقلبه بحب كبير..
مريم : بنفس الحب واللهفه..طلعت من حضنه..وحسست ع صدرو ودراعاته واكتافه.. وقالت..نور عيني وابن قلبى و عمري.. فيك حاجه..حصل معاك اي مكروه لاقدر الله..طمني عليك..
آدم مراد : كتم المه..وابتسم..انا كويس جدا ياست الكل..انا بخير طول ما انتي وبابا بخير..!!
مريم : بأريحية..ربنا يجعلك ديما بخير يانور عيني..!!
تالين : جريت عليه بفرحه..أبيه آدم..أبيه آدم..واترمت ف حضنه..!!
آدم : حضنها وابتسم..توتا حبيبة قلبي. وحشاني اوي..
تالين : بسعاده..حضرتك ال وحشتني جدا. انا فرحانه إن حضرتك رجعت بخير.. الحمد لله..
آدم مراد : باس راسها..ومبتسم..وراح سلم ع فريحه. وباس ع أيديها وجبينها..وقال امي اخبارك ايه ياحبيبتي؟
فريحه : بدموع .انا بخير ياروح قلبي.. حمدالله ع سلامتك ياحبيبى..
آدم مراد : مسح دموعها..وقال..طيب مش كفايه بقى دموع.؟
مراد : بضحكه..قولها يمكن تسمع منك انت..وشد آدم لحضنه.. وربت ع ضهرو.. حمدالله ع سلامتك ياحبيب أبوك….
آدم مراد : ابتسم الله يسلمك يابابا.. واتحرك سلم ع محمد و فهد وزين وباقي العيله..لحد ما وصل قدام آرين. ال بتترجف من التوتر..وحس بيها..وقال بهدوء رغم دقات قلبه.. اذيك يا آرين؟
آرين : بصت ع فهد..وبلعت ريقها بتوتر..وقالت.اء..احم..الله يسلمك.. حمدالله ع سلامتك.يا آدم.!!
آدم مراد : رفع طرف عينيه وشاف فهد عينيه ع آرين..وقال بشبح ابتسامه. الله يسلمك يا.. آرين..!! وغمز ليها.. واتحرك..
آرين : قلبها دق بقوه لغمزته..وحاسه إن وشها بقى احمر جدا..وقعدت مكانها ع الكرسي..
مراد : باصص ع آدم ابنه بتركيز..وقال بحده.. اطلع غير هدومك وانزل يا آدم..!!
آدم : كشر عينيه..لحدة مراد ف الكلام مع ابنه..!!
آدم مراد : هز راسه..واخد الشنطه وطلع..!!
مراد : لفريحه..قولي ل زينب تجهز عشا لابنك..وسابها وطلع ع فوق..!!
آدم : هز راسه..وتفهم إن ف حاجه حصلت مع حفيدو . وأبوه حس بيه..زي ما آدم زمان كان بيحس بابنه من تحركاته..!!
آدم مراد : دخل الاوضه..وحط الشنطه..وطلع السلاح من جيبه وحطه ع التربيزه..وبيقلع التيشريت بشويش..وكاتم الألم..!!
مراد : فتح الباب مره واحده من غير ما يخبط..!!
آدم مراد : بنفس الثبات متحركش..واتنهد..وقال كنت متأكد انك عرفت..!!
مراد : شد التيشرت..وبص ع ضهر آدم..وشاف جرح عميق اشبه بضربة سكين..وصك ع اسنانه بغيظ واضح..وقال بغضب..انت اغبى حد شوفته ف حياتي..انت ألعن من فهد مليون مره..مهمل من الدرجه الاولى..مفكر إنك لما تسيب جرحك ينزف انت كدا هترتاح..؟وزعق لاول مره ف إبنه..وقال.. انت هتفضل كدا لحد امتى يا آدم..!!!
آدم مراد : بثبات..ده لا إهمال ولا غباء..كل الحكايه.انتى خلصت مهمتى وجيت ع هنا ع طول.. وبعدين الموضوع مش مستاهل..!!
مراد : بنفاذ صبر..انا مش هاخد منك حق ولا باطل..عيل مستفز زيه بالظبط..اتنيل اقعد هنا.. وراح فتح الكمود وجاب منه علبة الاسعافات..!!
آدم مراد : هز راسه. ومسح وشه وشعرو..وقعد ع طرف السرير.وساكت..
مراد : بص ع الجرح..وكأن قلبه هو ال مجروح..واتكلم بغلظه..مش إبن مراد العدوي ال يتجرح كدا.. ومش حفيد آدم العدوي ال يتخدش..وانت عمرك محافظ ع النقطه دي ف حياتك..ايه ال حصل عشان تتجرح كدا؟
آدم مراد : ابتسم لنبرة الخوف ال ف وسط غلظة صوت أبوه..وقال أنا عارف كل ده..بس احيانا بتضطر تمثل الضعف عشان توهم عدوك انك خلاص قربت تستسلم..وقتها غروره يزيد وقوته تضعف..وتجيبه الأرض..!!
مراد : بيعقم الجرح..وقال نجحت في المهمه اكيد..
آدم مراد : ابنك ياسيادة العقيد..
مراد : وحكاية الجرح ده؟
آدم مراد : كانت صعبه شويه عشان اوصل لل آر بي جي..والتلاته ال معايا اتصابو.. وهما كانو عدد كبير وانا سمحت لواحد منهم يجرحني..وف اول فرصه..وصلت لل ار بي جي. وفجرتهم..وجبت الدليل مع القوه والزعيم بتاعم..وطلعت ع الجهاز..سلمتهم ورجعت..وبص لابوه بابتسامه..فيها ترقيه لابنك ياصقر..
مراد : بفرحه كبيره..بجد يا آدم؟ يعني أنت دلوقتي اترقيت ل نقيب؟
آدم مراد : ابتسم..ايوه.
مراد : ضحك بفخر كبير..وقال جدع ياض ابن ابوك بجد..
آدم مراد : رفع حاجبه بمكر وقال..يعني مش العن من خالي فهد؟
مراد : بيخيط الجرح وقال بغيظ..انتو الاتنين زفت..!!!
——————بقلمي مريم نصار.Автор: Меріам Насар
عدا كام يوم كمان..
فيلا المنشاوي..
همس : بخنقه.. الو ايوه يا ياسين..انت فين بقى؟ الساعه ٢ بجد كدا كتير..
ياسين : ياحبيبتى انا اهو لسه خارج من القسم حالا..وهعدي عليكي..واخدك ع اكبر سنتر فساتين..وتختاري اجمل فستان لاجمل همس ف الدنيا..!!
همس : بسعاده..بجد يا ياسو انا مش مصدقه..كلها كام يوم ونتجوز واو..
ياسين : هز راسه بيأس..يابنتى هو انتي مش كنتي مضايقه دلوقتي؟ فجاءه كدا قلبتي..
همس : بتذمر..بقولك ايه؟ انت هتبصلي ف هرموناتي؟ ماتسيبني ماشيه زي ما انا مسستمه نفسي..
ياسين : بضحكه..لا ياستي هسيبك بهرموناتك..انتي مش ناقصه اصلا انتي كدا فله.ههههه.
همس : بمرح.طيب بزمتك..انت مش مبسوط معايا..دا انا قمر..
ياسين : بضحكه انتي قمر ١٤ وانا مبسوط جدا انك ف حياتي ياحبيبتى..
همس : ايوه كدا اظبط الكلام..ويلا بقى انا متحمسه عشان اختار فستان فرحي..
ياسين : بتحذير..همس زي ما اتفقنا..فستان عاقل كدا ومحترم..لا تقولي يوم فرحي البس معرفش ايه. والكلام ده..!!
همس : بمكر.ايه ده. يعني أنت مش هتوافق ع فستان حمال؟
ياسين : صك ع أسنانه بغيره..وقال بجمود..شكلك عايزاه حبل مشنقه ياهمس..!! وعدي يومك..بدال ما احلف اني أنا ال انزل اختار واشتريه بنفسي..فاهمه..
همس : رقصت مكانها..وقالت يلهوي ع الحمشنه..كنت فين من زمان..تبا لك يا اخي..!!
ياسين : بصوت جهوري.روحتي فين يا انسه مش بكلمك؟
همس : كاتمه الضحكه. وقالت بمرح تمام ياحظابط ياسو..نكد عليا برحتك..ماهو فرحك انت وانت ال دافع..ذلنا بقى..
ياسين : غصب عنه ضحك..وقال اقفلي يامجنونه..عشان داخل ع لجنه..وانتي اجهزي نص ساعه بالكتير هكون عندك إن شاء الله..!!
همس : بهزار..لجنه..طيب اوعى تغش يسحبو منك الورقه. هههههخخخ سلام..وقفلت.
ياسين : قفل. وضحك من قلبه..وقال والله مجنونه..
——————بقلمي مريم نصار.
فيلا العدوي..! Автор: Меріам Насар
مريم : لاحظت إن رينو مخنوقه.. وسألتها مالك يانور عيني..ف حاجه مضيقاكي؟
آدم : نازل ع السلم..
رينو : بحيره.. ابدا يامامي.. آرين المفروض تنزل تشتري فستان للفرح..وفهد وعدها أنه هيحاول يجي بدري..واتصل عليا دلوقتي وقال إنه طالع شغل مع منصب مهم وهيرجع ع بليل..وانتى عارفه إن آرين هتضايق..وهتقلب بوزها..
مريم : طيب يابنتى وفيها ايه ده غصب عنه مش بايدو..تروح بكره إن شاء الله..
رينو : بحيره..مش هينفع..عندها عملي بكره ف الجامعه..
آدم : نزل وقعد جمب مريم..وقال بهدوء بعد تفكير. آدم حفيدي هياخد تالين زى ما معودها يشتريليها.. روحي انتى و آرين معاه..
رينو : بحيره. ايوه بس…!!!
مريم : مافيهاش بس يانور عيني.. آدم هياخد باله منك ومن آرين..يعنى احسن من الحرس..وهكون مطمنه عليكى معاه..
رينو : طيب وفهد..!!
آدم : ابتسم..متقلقيش انا هكلمه. بس يلا عشان ترجعو بسرعه..
رينو : قامت. طيب انا هروح اقول ل آرين تلبس.. وخرجت..
آدم بص ل مريم..وكانت بتبص ليه اوي..
آدم : ابتسم وفهم نظرتها..وقال مفيش حل غير ده..
مريم : ابتسمت..بس آدم حفيدك كان رايح بكره مع تالين .
آدم : باس كف أيدها وابتسم وقال بغمزه..وماله يروح انهردا..!!!
مريم : ضحكت بسعاده..وقالت بجد بحب تفكيرك اوى..
آدم : كشر عينيه..وبصلها..
مريم : بضحكه..قصدي بحبك كلك ع بعضك يا إمبراطور قلبي وكياني..
آدم : بمكر..لحقتى نفسك يا أميرتي..!! وطلع الفون واتصل ع آدم مراد وبلغه ف شرح بسيط..
آدم مراد : راجع ع البيت..وهز راسه وابتسم..
بعد شويه..
ف سنتر الفساتين..
همس : قاست فستان صك وضيق. وخارجه ها ايه رايك يا ياسو..!!!
ياسين : رغم انبهاره بيها لكن فتح عينيه بصدمه.
وقال بزهول..يخربيت كدا..اء..ايه ده ياهمس؟
همس : حطت ايدها ف جمبها..وماشيه زي الموديلز. وقالت تحفه فنيه جدا عليا. عجبني جدا..ايه رايك؟
ياسين : صك ع أسنانه بغيظ كبير..وقال من بين أسنانه..خشي غيرى الزفت ده..
وبعدين ده المحترم ال قولت عليه؟هاااا؟
همس : بغيظ .قربت منه بنرفزه..ف ايه بقى. هو انا كل اسبوع هلبس فستان فرح؟ ماتسبني البس ال انا عايزاه..ده هي ليله ف العمر..!! متنكدش عليا بقى..
ياسين : غمض عينيه وبيمتص غضبه..ونفخ بخنقه كبيره..وقال لو عايزه نكد بجد عانديني ياهمس..
ومسح وشه بايديه..وابتسم بغيظ .اسمعي ياحبيبتي..الفستان ضيق عليكي..محدد تفاصيل جسمك..واظن يعني انتي مترضيش ليا إن كل ال يشوفك. يقول عليا حجات ماينفعش تتقال. ف انتي كدا استهدي بالله وشوفي فستان غيرو..
همس : رفعت صوباعها ف وشه وقالت.. ياسين هو انت معقد؟
ياسين : بنظرة توعد وغضب قال….وقاتل ياهمس..ثانيه كمان هبقى معقد وقاتل..!!!
همس : بلعت ريقها بتوتر..وقالت بخوف..هو الفستان ده حساه ضيق شويه مش كدا..؟ احم انا هشوف غيرو. وجريت من قدامه..
ياسين : بضحكه.والله مجنونه وهتجنني معاها..
بعد شويه..همس قاست فستان منفوش وطويل وتحفه فنيه عليها. وخرجت وهمست. احم ياسين.؟
ياسين : لف ليها.وفتح عينيه بانبهار..وقلبه دق..وقال يخربيت جمالك..وقرب منها وهو مندهش..وقال تحفه ياهمس..بجد انتى زي القمر. قمر ايه؟ انتى تجنني بجد..!!
همس : بحرج ودقة قلب..يعني عجبك..
ياسين : ابتسم بعشق..بموت فيكى ياهمس..بجد بعشقك..!!!
——————بقلمي مريم نصار.
ف سنتر تاني..
رينو : بتختار تصميم معين.. يناسبها مع الحمل..
آدم مراد : اختار ل تالين فستان ودخلت تقيسه..وعيونه بتراقب ضيه..!!
آرين : واقفه بتختار..وماسكه فستان احمر جميل جدا..وبتدور ع تصميم و لون تاني..!!
آدم مراد : شاف الفستان ف ايدها وقرب منها..ووقف وراها..وقال.. اختاري الازرق الداكن ده..!!
آرين : رغم دقات قلبها.. إلا أنها اضايقت..ولفت ليه..وقالت لأ. انا مش هلبس غامق بقى. انا عايزه فستان أحمر. او بِنك او….!!!
آدم مراد : بغيره وتحذير. ادخلي قيسي الفستان ال انا اختارتهولك يا آرين..!!
آرين : صكت ع أسنانها بغيظ..وقالت بنرفزه يووووه.. انا ف الفرح ال فات لبست فستان أسود. ودلوقتي ازرق؟ لأ بقى ماليش دعوه انا هختار الاحمر ده..
آدم مراد : بيقرب منها وباصص ف عينيها بتركيز…
آرين : اتوترت..ورجعت بضهرها..
آدم مراد : قرب اكتر..ومد ايدو قرب جمبها..
آرين : شهقت وغمضت عينيها..وافتكرت إن آدم هيحط ايدو ع جمبها..وقالت برجفه.. لأ لأ بليز بليز يا آدم.. ارجوك خلاص هقيس الأزرق.
آدم مراد : ابتسم..ورجع خطوه لورا. وقال لأ. اتفضلى قيسي الأحمر ال عاجبك..
آرين : فتحت عينيها..شافته بعيد عنها..وحطت أيدها ع قلبها ال بيدق بسرعه..وبلعت ريقها بصعوبه..واخدت الفستان وجريت ع البروڤا.. ومفكرتش إزاي وافق بسهوله كده ع الفستان.!!
آدم مراد : شاور للبنت..!!
البنت : جت.. تحت امرك يافندم..
آدم مراد : اسمعى..لو سألت ع نفس اللون ف الموديل ال دخلت تقيسه..تقولى مفيش..وده اخر فستان موجود..
البنت : بعدم فهم..لكن قالت تمام..
آرين : قاست الفستان.وفرحانه جدآ..وخرجت..وفتن قلب ال آدم.
آرين : انبهرت بجمالها ف اللون الاحمر..وكانت جميله جدا حد الفتنه..وقالت ايه رأيك يامامي..!!
رينو :لفت ليها..وقالت بانبهار..بسم الله ماشاء الله..تحفه جدا يا آرين..
آرين : رفعت عينيها ل آدم.. وسألته بعنيها..
آدم مراد : مش مصدق إن حبيبته كبرت وجمالها يفتن..وواقف سرحان ف تفاصيلها.!!
تالين : خارجه..وقالت بسم الله ماشاء الله. الفستان تحفه اوي عليكي يا آرين..وشهقت..وقالت ياخساره لكن الفستان مقطوع بصي كدا يا آرين..!!
آرين : شافت القطع من الخلف..واندهشت..وقالت للبنت..ممكن واحد غيرو لو سمحتي..
البنت : آسفه حضرتك..ده اخر فستان احمر موجود من الموديل ده..!!
رينو : بتفهم..كويس اصل فهد كان هيعترض ع اللون ده..!!
آرين : حست بخيبة أمل.و واقفه مكشره..ونزلت وشها ف الارض بحزن كبير..وزعلت وقالت.. خلاص مش لازم كل حاجه انا اختارها تعترضو عليها..انا مش عايزه حاجه.. عندي فساتين ف البيت..مش عايزه أي الوان خلاص..ودخلت بسرعه البروڤا..
رينو : اتنهدت بحزن..وسكتت..
آدم مراد : اتخنق لانكسارها..رغم غيرته الجباره عليها .
بس هي فاتنه بجد جميله جدا. واللون الأحمر هيخلي الكل يبص عليها.. صك ع أسنانه بغيظ مكبت..
تالين : زعلت عشان آرين..وقالت الفستان فعلا كان يجنن ع آرين..برنسس..واتنهدت..وقالت قدر الله وماشاء فعل..
وجت ل آدم وقالت.. ايه رايك يا أبيه؟
آدم مراد : بتنهيده..جميل ياحبيبتى..وقال بتفكير. للبنت..لو ف لون بِنك من نفس موديل الفستان الاحمر ياريت تجيبيه..!!
البنت : ابتسمت موجود يافندم ثانيه واحده.. وراحت جابت الفستان وجت..اتفضل حضرتك..
آدم مراد : بغيره مكبته..امسكي ياتالين..دخلي ده ل آرين تقيسه..!!
تالين : انبهرت باللون وقالت بجد هيبقى تحفه ع آرين. واخدته بفرحه..وخبطت ع آرين..!!
رينو : رفعت عينيها..وشافت غيرة الفهد مضاعفه ف عيون الديزل..لكن ف قلب غيرته القاتله.حنية الدنيا..وابتسمت بحب كبير..ودعت بقلبها. ل آدم و آرين..
آرين : شافت الفستان.ونسيت الزعل..اخدت الفستان ولبسته..ورجعت ليها فرحتها من تاني..وبصت ع نفسها ف المرايا وقالت..واووو بجد اللون ده تحفه اوووي كان نفسي فيه من زمان..وخرجت ليهم..
رينو و تالين فرحو لفرحتها..وكمان الفستان متفصل عشانها..
أما الديزل رغم جنونه بجمالها.. إلا أنه غيران جدا. لكن لما شاف فرحتها وبرائتها.. وإن اللون ده اهدا من التاني.. سكت عشانها..!!
وبعد ما الكل اختار واخدو كل حاجه..
آدم مراد..بيدفع الحساب..وشاور للبنت..ع الفستان الاحمر..وقال هاخد ده..
البنت : لكن ده مقطوع يافندم..
آدم مراد : انا ال قطعته..!!!
وطبعا آدم مراد..لما قرب ع آرين وهي غمضت عينيها.. قطع طرف الفستان من الضهر..وسابها تقيسه. لكن مستحيل تفتن حد غيرو.مستحيل يسمح لحد ينبهر بيها..هي مملوكته وضيه وبس..!!!
آدم مراد : خارج من السنتر..
آرين : رفعت عينيها ليه وقالت بدقة قلب..ميرسي جدا يا آدم..!!
آدم مراد : قرب من وشها بغيره..وقال بتحذير شديد اللهجه..لو شوفتك حاطه اي حاجه ع وشك ف الفرح..اقسم بالله اليوم ده ماهيعدي ع خير.. واتعدل.
آرين : اتخضت..وقالت جواها..يخربيتك مرعب مرعب مفيش كلام..!!
——————بقلمي مريم نصار..
عدا كام يوم كمان..والكل بيستعد لفرحة بكره احلى همس وياسين..
فيلا العدوي..الكل متجمع..
دعاء : داخله الفيلا..وقالت الاستاذ آركان جه..!!
الكل فرح..
آرين : قامت بفرحه..وقالت بصوت عالى آركان..!! وجريت ع الجنينه..
آدم مراد : قاعد ومسح وشه بايديه ونفخ بنفاذ صبر..
آدم : ابتسم بهدوء ع الغيره المكبته..
رينو : قلبها دق بقوه.. ودموعها نزلت بسعاده..
آركان : نزل من العربيه..وسلم ع الحرس..وداخل بحماس كبير.. عشان يطمن ع جدو.. وشاف توأمه بتجري بسرعه عليه.. وضحك وساب الشنطه.. وقابلها..
آرين : بتجري..آركاااان..آركاااان اخويااا..
آركان : وقف وفتح ايديه..واخدها ف حضنه ولف بيها..وقال.. آرين.وحشتيني يابنت اللذين انتي..
آرين : بتضحك بدموع.. آركان بجد انا مبسوطه اوى انك رجعت..
آركان : نزلها..ومسح دموعها..وضحك..ايه يا آرين بتعيطي عشاني.. ههههه مانتي بتحسي وعندك دم أهو..
آرين : خبطته ع كتفه بغيظ .وقالت.انت يابارد والله..
آركان : بضحكه..طيب خلاص آسف..وحاوطها من كتفها.وماشيين جمب بعض..قوليلى عامله ايه من غيري؟
آرين : بتنهيده..انا ف الاول قولت هستريح من رخامتك..بس تعرف البيت وحش اوي من غيرك.. مش لاقيه حد يرخم عليا زيك..
.وقالت جواها بغيظ..مفيش غير المرعب.ياماماا حتى التفكير فيه بخوف..اوووف معرفش بحبه اوي ع ايه؟
آركان : بكبرياء.. عشان تعرفي قيمتي بس..
آرين : بمرح..عرفتها ياقلبي..تعالى.كل العيله جوه..
آركان : رفع حاجبه وقال بجد..والواد مصطفى هنا؟
آرين : بغيظ.ايوه مصطفى المجنون. وهارينا نكت بايخه..
آركان : ههههه..طيب تعالى الاول أهم حاجة اطمن ع الامبراطور..
فهد : شاف رينو بتعيط..وقعد جنبها..مالك ياروحي.مش كنتي عايزه تشوفي آركان.؟ اهو ربنا حققك طلبك..ليه بقى الدموع دي؟
رينو : ضحكت بدموع..مش مصدقه يافهد..قلبى بيدق بسرعه.وكأن آركان كان غايب عني سنين.. الحمد لله أنه رجع..
مريم : عينيها ع الباب..وقالت بقلب ام.. هو آركان..أتأخر ليه؟
آركان : من ع الباب.بصوت عالى.السلام عليكم.. وانا اقدر أتأخر عن ست الحسن والجمال..ودخل بسرعه..
الكل : ابتسم وعليك السلام ورحمة الله..
آركان : شاف جدو آدم.وقلبه دق بأمل جديد..وقرب منه بسرعه..واترمى ف حضنه..وقال بدموع السعاده..بابا آدم..!!!
آدم : بابتسامته المعتاده..حفيدي الغالي..حمدالله ع سلامتك يا حبيب جدك..
آركان : خرج من حضنه وباس ع ايديه..وقال بأمل..حضرتك كويس مش كدا؟ بجد انا مش مصدق نفسي..انا فرحان جدا يا بابا..وحضنه تاني..
آدم : بضحكه.. ربت ع ضهرو..انا بخير اطمن يا اركان..
آركان : شاف مريم..ونزل ع ركبه قدامها..وباس أيديها..وبص ليها وحشتيني اوي ياماما..!!
مريم : بدموع..حطت ايدها ع خدو..مش اكتر منى يانور عيني..الف حمدالله ع سلامتك يا حبيبى..
آركان : ضحك بفرحه..وقرب من رينو..وقال رينو ست الكل. وحبيبت قلب آركان..!!
رينو : فتحت أيديها واخدته ف حضنها. وبتعيط.. آركان حبيبى.. الحمدلله إني شوفتك وانك ف حضني..
آركان : باس ع ايديها وجبينها..انا بخير ياست الكل..ومش عايزك تقلقي عليا..انا هناك ليا وضعي.. دا انا ابن السيوفي والعدوي مش اي حد..!!
فهد : ابتسم بفخر..وضم آركان ف حضنه..وحشني ياحبيب أبوك..
آركان : غمض عينيه ف حضن أمانه..وقال ربنا يباركلي فيك يابابا..!!
مصطفى : ماخلاص ياجدعان مكنش شهر غربه ده..اومال انا لما ادخل الجيش هتعيشو ازاي من غيري..؟
الكل ضحك..
آركان : بيسلم ع باقي العيله..وقرب من مصطفى. وقال والله مش بعيد نكسر وراك زير يكش نستريح من لطافتك..وحضنو بعض..
مصطفى : ببرود..شوفته مش قولتلكم محدش يقدر يعيش من غيري..؟
بعد شويه..الكل قاعد وبيضحكو وكان وقت مرح جدآ..
لكن بالنسبة ل آدم ومريم..كانو مبسوطين جدآ بالعزوه ال حواليهم..
آدم مراد : قاعد وعيونه بتراقبها بصمت..
آرين : قاعده جمب آركان..وبتضحك بسعاده ومبسوطه..
تيم : شاف آدم..وابتسم وقال جواه..مش بعيد نلاقي دخان طالع من ودانك يا ديزل..!! وضحك بصمت..
مصطفى : لأ لأ اسمعوا بقى النكته والفزوره دي..
مره واحد اسمه مفتاح لما مات اهله مازعلوش عليه.. تفتكروا ليه؟
الكل ليه ياخفيف…؟
مصطفى : عشان معاهم نسخه تانيه.. اه ههههه ههههه..
الكل ضحك..لكن مش ع النكته ع ريأكشنات مصطفى..
ياسين : قام بضحكه..انت صداع ياض يامصطفي..وبص ل همس..يلا ياهمس عشان اوصلك قبل ما اروح..
مريم : لسه بدري يا ياسين يابني..
ياسين : ابتسم..معلش يا ناناه.. انتي عارفه الفرح بكره ولازم نستعد..
مصطفى : بتفكير قال. طيب بقولكم ايه ياشباب؟
الكل بنفاذ صبر..هاااا؟
مصطفى : انا بقول بما إن كل حاجه جاهزه للفرح.. وإن بابا وماما وجدو وناناه ف اسكندريه وجايين بكره ع الفرح.. و آركان رجع..وانا لوحدي ف الفيلا..ايه رأيكم..لو كل الشباب.يجو عندي ونسهر كلنا مع بعض..؟
الشباب بصو لبعض..
مراد : بص ع ابنه..وقال والله فكره..حتى آدم يفك شويه..!!
آدم مراد : لسه هيرفض..
مصطفى : لحقه..والله ما انت مكسر كلمة الحج مراد..عيب عليك..
واتفقو وكل الشباب وافقوا وأنها هتبقى سهره شبابيه جديده..
ياسين : تمام هوصل همس وارجعلكم..
ليليان : لأ بما إن بقى كل الشباب هتسهر مع بعض..احنا كمان البنات هنسهر مع بعض وهمس معانا..ولا ايه رايكم يا بنات..
البنات كلهم موافقون طبعا..
ميرو : بحماس..ايوه وهنسهر كلنا ف الفيلا عندي..بجد حبيت اووي..
تيم : ضحك عليها..
همس : بحيره..طيب ثواني هتصل ع بابي واستأذنه..!!
كريم : بقلق..ولا يامصطفي انا مش مطمنلك يالا..!!
مصطفى : بخبث..عيييب ياكيمو..دا انا هبهرك..!!!
بعد شويه..الكل وافق..والبنات كلهم ودعو آدم ومريم..وطلعوا مع ميرو.. الشباب كلهم عند مصطفى.. ومصطفى اتصل ع البيت يظبطو كل حاجه قالهم عليها..
——————بقلمي مريم نصار.
ف شقة فهد..
رينو : قالت بسعاده.. انا فرحانه اوي..يعني آركان اجازه اسبوعين.بجد انا مبسوطه..
فهد : بمكر..طيب خلى بالك أنا بغير يانجمتي ماشي؟
رينو : ضحكت بسعاده.. لأ محدش يغير من ابني حبيبي..وحطت راسها ع صدرو..وقالت بجد انا مبسوطه اوى يافهد..
فهد : ابتسم.. لأ وزودي عليهم إن آرين مع البنات وهتبات معاهم..يعني أنتي هتنامي انهردا ف هدوء تام..
رينو : ههههه فعلا عندك حق..بس تعرف البيت من غير آرين وحش بجد..هي عامله حس كده ودوشه. ربنا يباركلنا فيهم يارب..
فهد : رجع خصلة شعر ورا ودنها..وقال بحب..وحشتيني..!!
رينو : بدقة قلب..وانت كمان يافهد..!!
فهد : قرب منها بحب كبير واخدها لعالمه الخاص..!!!
فيلا تيم..
البنات كلهم قاعدين ف اوضة التلفزيون.
چود : خارجه من المطبخ..وشايله صينية كبيره وعليها اطباق كتير..وقال وسع وسع الفيشار السخن الجامد..يسلام عليا..احسن واحده تطرقع فيشار..
البنات : بيضحكو..
ميرو : ههههه طيب تعالى هنا..وبصت ل كارما.. وقالت أنا عارفه كارو و آرين بيحبو الكاجو..وعشان كده..انا عامله حسابي. وقامت جابت علبه كبيره فيها مسليات كتيره..
ليليان : ايوه ايوه ياميرو..هاتي لأختك حبيتك عشان الواد مايطلعش ف مناخير كاجو ولا حاجه..
ميرو : ههههه من عيوني..
چود : بخبث..ايه ده؟ هي كارما بتحب الكاچو؟ ده الواد چواد اخويا بيموت ف حاجه إسمها كاچو. ولا بقى لما قالى انه لما يتجوز. هيجبلها كل حاجه هي عايزاها. وخصوصاً الكاچو..!!
كارما : أمم واو بجد..!! انا كمان بحب الكاچو وكل المسليات..!!
چود : رقصت حاواجبها..امسكي ياهمس..كلي بقى وكملي حكايتك انتي وياسين..!!
همس : ضحكت وقالت حاضر ياچود..Автор: Меріам Насар
الكل قاعد ومستمتع بالوقت وبيسمعو ل همس .وبياكلو..
.واكتر واحده مبسوطه هي مريم . إن ياسين كان معجب بيها مش اكتر..وحمدت ربها إن ياسين لقي الحب الحقيقي ال كان بيحلم بيه..!!!
همس : بتكمل..ولما بابي قال إن ف عريس وانا رافضه..قولت وحياتك لاطفشك..وحطيت ملح ف القهوه بتاعة العريس..
الكل بص لبعض بزوهول..اييييه؟ملح؟
همس : هههههههه ايوه. ولما خرجت اتصدمت بأن ياسين هو العريس.. هههههههه وشربها ياقلبي بالهنا..
الكل ضحك ومش مصدقين إن همس بالجنون ده
حياة : بغيظ..اها عشان كدا بقى..ف نفس اليوم..ياسين شرب كميه كبيره من الميا..حرام عليكى ياهمس..ياسين اخويا طيب ميستاهلش كدا..
همس : بضحكه..والله غصب عني ياحياة. هو انا يعني كنت أعرف أنه ياسين. وبعدين لما عريسك يتقدملك انتي بنفسك هتحطيله شطه ف القهوه..
الكل ضحك..
چود : كشرت عينيها..وافتكرت مصطفى..ورفعت حاجبها بمكر..وقالت شطه..!!! والله فكره.. امممم صبرك عليا ياتيفا..!!!
حياة : اتخيلت الموقف مع اسر..وقالت بارتباك.. لأ لأ..انا مش هعمل كده ابدا..
الكل كشر عينيه..وفهم من ارتكابها..انها ف اعجاب من ناحيتها..بس ياترى مين؟
ميرو : جاتلها مسج ع الواتس اب..من تيم..وحشتيني ياملاكي..وابتسمت وردت عليه..
——————بقلمي مريم نصار..
فيلا مصطفى عزيز..
الكل قاعد وبيضحكو وبيراجعو زكريات زمان..
وطبعا مصطفى واخد الجزء الأكبر من الكلام والهزار..
أما آدم مراد..نايم ع الكنبه ف صمت..وسرحان ف ضيه..
كريم : رغم إنه بيكلم ليليان ع النت..لكن قلبه متوغوش من مصطفى ومقلق منه..
آريان وباقي الشباب بيضحكو ع مصطفى..وكان وقت مميز جدا.وسهره جميله..والوقت اخدهم وسمعوا اذان الفجر..
تيم : قام يلا بينا ياشباب ع المسجد..
مصطفى : بكسل..طيب مانصلي هنا وننام عشان هنصحي للفرح..
تيم : علقه من قفاه..وقال يعني قاعد تقول نكت وتضحك وتاكل وتهزر..ووقت الأذان..والصلاه ال مش هتاخد منك ١٠ دقايق..النوم كبس عليك.. اتحرك قدامي ع المسجد يلا….
مصطفى : بمرح شوف ياخي..ديما بتنجح ف اي اختبار اه والله.
تيم : كشر عينيه بتريقه..وقال والله اختبار ها؟
مصطفى : اتشُك فيا يادكتور..طبعا لأ..
والكل اتوضى وخرجو للمسجد وصلو الفجر..ورجعو ع البيت..
آدم مراد : مسح وشه بايديه وقال هنام فين؟
مصطفى : بخبث..كلنا هنام ف اوضه واحده..
آريان : ده ال هو ازاي ده؟
كريم : معلش يا شباب شكل السهره أثرت ع دماغه..
مصطفى : بكبرياء.. عيب عليك ياكيمو باشا..اخوك مجهز كل حاجه..والجناح نقلنا فيه سراير بدروين..احنا أسره مع بعضينا..
كريم : شد مصطفى..بعيد شويه..وقال بنفاذ صبر.. انت مجنون يالا..اقسم بالله انا مامرتاح.ليك..قولى ناوي ع ايه عشان لو اتفاجأت هعمل معاك الصح..
مصطفى : مثل البراءه..طول عمرك ظالمني ياكيمو..
تيم : ماتنجزو بقى ف عريس عايز ينام عشان يقوم فايق.
ياسين : اه والله كان زماني ف سابع نومه..ماتنجز ياعم مصطفى..
مصطفى : اتفضلو ياشباب..الجناح رقم واحد..فيه كل حاجه..
كلهم طلعوا..الجناح وكان فيه سراير بدروين..وكنب..
كريم : خبط كف ع كف وقال بزوهول..يخربيت دماغك يامصطفي. انت جمعت سراير الاطفال. وكمان سريري وسريرك ف جناح؟ لأ عليا النعمه الحركه دي وراها مصيبه..استر يارب..!!
آدم : من سكات نام ع كنبه..وتيم ع كنبه قصاده.. واريان ع كنبه جمب التراث.
كريم نام ع سرير..وياسين ع سرير.. آركان طلع نام ع سرير فوق..وجواد قصاده.. و آسر نام ع سرير فوق و مصطفى مالوش مكان..وراح ينام جمب ياسين..
ياسين : بنفاذ صبر..بقولك ايه انا عريس وعايز اتخمد..قوم نام جمب اي حد..
آدم مراد : بجمود مش هنام ولا أيه؟
كريم : بغيظ..تعالى جمبي يامصطفي وعدي يومك..
مصطفى : رقص حواجبه ل ياسين..وقال نوم الهنا..دا انت هتصحي ع ضرب نار..
كريم : شدو من هدومه..تعالى اتخمد بقى..كان اختراع منيل بنيله..
مصطفى : هيتكلم..
آدم مراد : بجمود.. مصطفى..!!!!
مصطفى : شد الغطا..ومثل انه نام بعمق..!!
بعد كدا الكل نام..
ومصطفى فتح عينيه..وضحك بصمت..وكشر عينيه بخبث..وفتح فونه بشويش..وبعت مسج وقال ل سعيد..كوثر تكون عندي الساعه ١١ بالدقيقه…وقفل الفون وغمض عينيه ومبتسم.. ونام بعمق..
——————بقلمي مريم نصار.
بعد اسبوعين..Автор: Меріам Насар
ف نص الليل. صوت فون مراد رن..
مراد : كشر عينيه باستفهام..مدير الجهاز..!!! اكيد ف مصيبه..ورد عليه.. تحت امرك يافندم..!!
المدير : بحزم وجديه شديدة..سيادة العقيد مراد..!!! اجمع حالا انت والحوت والديزل ف اجتماع مغلق..!!! ———
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جريمة عشق 5)