رواية جحيم الصعيد الفصل التاسع 9 بقلم أميرة أسامة

رواية جحيم الصعيد الفصل التاسع 9 بقلم أميرة أسامة

رواية جحيم الصعيد الجزء التاسع

رواية جحيم الصعيد البارت التاسع

رواية جحيم الصعيد الحلقة التاسعة

حور.. في ايه…
رحيم.. ساره وامجد مش فالقصر ومسافروش وشنطهم فالبيت ومحدش عارف هما فين.
حور.. خير ان شاء الله طيب اتصل بيهم..
رحيم. وهو بيلبس بسرعه.. ساره تليفونها فالبيت وامجد مقفول..
حور… طيب يمكن سابو شنطهم وخدو حجات بسيطه..
رحيم… في حاجه غلط ….انا هنزل الوقت بسرعه اروح القصر وهعمل شويه اتصالات كده ويمكن خير..
حور.. ان شاء الله تروح تلاقيهم..
رحيم.. خلي بالك من نفسك .. انا هروح اشوف الوضع هناك وهرجع وخليكي معايا عالتليفون ..
حور.. اطمن… وخلي بالك من نفسك وابقي طمني…
رحيم. وهو بيفتح الباب…ربنا يستر.. سسلام.
حور.. سلام. وقفلت وراه الباب ……….
جري.. رحيم بالعربيه… عالقصر….وفثواني كان هناك….
رحيم… خير. ياجدي لجتوهم..
جده.. لا ياولدي انت معرفتش حاجه ..
رحيم… لا اني جولت اجي اشوفكم الاول يمكن رجعوه او لجتوهم…
امنه والدته….رحيم.. ياولدي اتصرف اني جلبي مش مطمن. في حاجه عفشه مش مطمناني
رحيم.. بس يا امه ماتجوليش كده اني هتصرف وخير لن شاء الله متجلجيش..
عمه…. تلافون امجد ولدي متفتحش لحد دلوك….
.
رحيم… بعد عنهم وفضل يعمل في تليفونات…
قمر….. رحيم.. ممكن اتكلم معاك..
رحيم.. تعالي ياجمر..في ايه..
قمر… اني شوفت امجد وساره خارجين بليل من الجصر.. بيتسحبو براحه عشان اللي فالبيت ميعرفوش..
اني روحتلهم كنت فكراهم مسافرين او غيرو المعاد وهيسافرو بليل…امجد.. جالي انهم جايينلك يجعدو معاك شويه جبل ما يسافرو.. وساره اكدت علي كلامه… وجالولي اوعي تجولي لحد.. اننا روحنا لرحيم.. صراحه اني استغربت طلبهم ..
اولا ليه راحولك.. وانت لسه كنت اهنه فالجصر…
وليه اصلا نازلين يتسحبو ومعايزينش حد يشوفهم..
وليه.. طلبو مني اني مجولش لاي حد انهم رايحينلك..
صراحه اني جلبي مش مطمن وعايزه تفسير لده كله يارحيم…
هما صحيح جم عنديك امبارح بالليل..
ولو جم… عندك تفسير ليه طلبو مني اكده.. ريحني يارحيم.. متفضلش ساكت اكده…انا جلبي مجبوض وحاسه في حاجه عفشه.. ومش عارفه اني مجلوهمش اللي حصل امبارح بيني وبين ساره وامجد ده صوح ولا غلط…
رحيم… بعد تفكير… لا متجوليش يا جمر…
قمر… كيف يعني مجولش..
رحيم… يعني متجوليش.. لان اني اللي طلبت منيهم اكده.. وطلبت منيهم محدش يعرف انهم جاييين عندي..
قمر.. وليه عاد ده كله…
رحيم………..
قمر… هتسكت ليه ياود عمي.. انطج..امجد وساره خيتك فين وحصلهم ايه… وليه طلبت منيهم محدش يعرف انهم جايين عنديك…
رحيم…. بعصبيه خلاص ياجمر.. خلصنا جولت اني هتصرف واعرف فينهم.. اكتر من اكده مهتسأليش. تحطي لسانك ده جوه خشمك لا اجطعهولك وصوتك ميعلاشي…
جمر… وه.. ومهسألش ليه…اياك.. اخوي وبت عمي اللي هي خيتك.. ملاجينهمش.. المفروض انهم مسافرين.. يجضو شهر العسل كيف ما انت حجزتلهم..مره واحده مبجوش موجودين..وشنطهم كيف ماهي في مكانها اخوي تلافونه مجفول وساره تليفونها في اوضتها… شوفتهم بعيني بيتسحبو كيف الحراميه..امبارح بعد الكل مانام
..جالو انهم رايحين يجعدو معاك.. جبل ما تسافر.. اني مقتنعتش.. بس عملت نفسي صدجتهم.. ماهو ازاي تكون ماشي مفيش ساعتين.. من الجصر وهما يجولو رايحين نجعدو معاه…واللاهم من اكده انهم اكدو عليا ميت مره اني مجولش اني شوفتهم ولا انهم نزلو ولا انهم راحو عنديك .. تجدر تفسرلي كل ده..ولا اني مجنونه.. مثلا.. ولا هتتعصب وتجولي بردك حطي لسانك جوه خشمك.. يكون في علمك يارحيم… لو مجولتليش ايه اللي حوصل.. اني هستني كمان ساعه لو اخويا واختك مظهروش اني هبلغ جدي بكل ده وهو ساعتها يتصرف…
رحيم.. كسك ايدها بعصبيه.. انتي هتهدديني اياك..انتي نسيتي نفسك معرفاش انك بتتكلمي مع رحيم..
قمر.. لا عارفه ياود عمي.. بس مش فاهمه واني مهحبش ابجي مش فاهمه خصوصا. لو اللي اني مش فهماه متعلج بروح حد.. والحد ده مهواش غريب عني ده اخوي اللي مليش غيره وساره بت عمي واختي. وصحبتي اللي تبجي خيتك..بس واضح انهم مش فارجين معاك وشكي في محله عاد..
رحيم.. مسك اديها بغض…جمى.. انتي شاكه فيا عاد.. شاكه ان في حاجه اني وراها في اختفاء امجد وساره..
فنر.. بارتباك.. وخوف… اني مجولتش كده بس مش لاجيه تفسير للاسف..
رحيم.. اني هجولك ياجمر.. مع ان اني مبعملهاش مع اي حد وعمر مابررت لا حد واصل حاجه.. بس انتي عارفه غلاوتك عندي كانت كيف…
قمر… كانت….
رحيم.. ايوه كانت.. لما تجعدي مع نفسك ابجي راجعي الكلام من اوله لاخره وشوفي انتي جولتي ايه…وزيدي علي الكلام.. طريجتك اللي بتتحددتي بيها معايا ..المهم..اني هجولك بس من بعد ما تعرفي معايزش اتكلم معاكي.. ابدا.. وبردك هجولك زي ماجولتلهم معايزش حد يعرف واصل.. في حاجه حوصلت ياجمر.. ومكنتش عايز حد يعرفها وخصوصا جدك وامي . .. وابتدا..رحيم يحكي كل الحكايه.. من يوم الفرح.. لما شاف حور.. وبعد كده باقي الاحداث بالتفصيل لحد اللحظه اللي راحت ساره وامجد فيها…..
قمر… مش فاهمه بردو.. ليه خبيت من الاساس.. وليه اصلا دخلتها البيت وجعدتو فيه لحالكم..
رحيم.. اولا كان ممكن اوديها مستشفي.. عادي.. بس عمها كان سهل يلاجيها عمران وسخ هو وابنه.. وممكن يعملو اوسخ بكتيير من اللي عملوه مع حور.. قانيا لو سلمت من عمران ومسألش علبها.. تجار المخدرات كانو مهيرحموهاش… وكانت هتنجتل.. جعدتها معايا خصوصا ان في يوم وليليه مبجالهاش مكان تروحله عاد…. وعمها الوحيد اللي ليها.. هو اللي أذاها…مكنش ينفع اسيبها بحالتها دي في نصاص اللليالي .. وان كانت عرفت تهرب من عمها وتجار المخدرات مكنتش هتعرف تخرب من جطاع الطريق….. عشان اكده اني محبتش حد يعرف واصل جولت لحد ما تسترد صحتها شويه واني بنفسي كنت هوديها لحد بيتها… فالقاهره… وكمت هعرف الكل بس محبتش فالوجت ده. عشان الكلام ميتنطورش جدام شغاليين وده ينجل لده.. لحد ما اللي عايزينها يلاجوها….
وطبعا امجد كان هيموت ويعرف هو وساره ولما حمتهم جالو يجي يشفوها جولتلهم تعالو من غير ماحد يعرف
قمر… واني ايه اللي يثبتلي انك بتجول الحج….
رحيم.. بعصبيه.بعد كل اللي حكتهولك ده عاد .. فيكي ايه ياجمر عاد من ميته ورحيم بيبرر لحد مالاساس انا قمر فا كانت مرعوبه من نبره صوته وعصبيته. اسمعي اني جولت اللي عندي عايزه تصدجي صدجي معيزاش اخبطي راسك فاطخن حيطه… بس واللي خلج الخلج كلمه تطلع هدفنك ياجمر.. وده بما انك شيفاني بجيت سفاح…
قمر… بحزن.. اني مجولتش كده ياود عمي.. بس حط روحك مطرحي.. كل ده يوحصل جدامك وانت مش عارف حاجه ..هتفكر في ايه عاد غير العفش..
رحيم.. مهما كان ياجمر.. مش رحيم اللي يتشك فيه.. بس اجولك اني هعزرك بس لحد ما ارجع امجد وساره… بعد اكده انسي ان ليكي ود عم…وصحيح حابه تتأكدي.. ممكن تكلمي دكتوره سماح.. تعرفي منها.. ماهي اللي بتروح لحور كل يوم.. عشان تغيرلها عالجروح.. وسابها وبعد وفضلت قمر تعيط حست انها اتسرعت وفنفس الوقت هي متلغبطه وخايفه علي اخوها وعلي بنت عمها….
رجع رحيم.. يكلم شركه الطيران ويعرف ساره وامجد سافرو ولا لا.. وكلم الفندق يعرف راحو ولا لا….وكله بيبول لا… كلم كذا حد من معارفه يدور ويعرف اي حاجه…وكلم سليم… وعرف كل حاجه..
سليم… انا هجيلك يا رحيم..
رحيم.. خليك يا سليم..انا مش محتاجك هنا خليك فالشركه.. ولو احتجتك هقولك..
سليم… بقولك ايه.. ما ممكن انا اعرف مكانهم..
رحيم.. بلهفه… ازاي يا سليم…
سليم…مش بتقول التليفون بتاع امجد معاه وتليفون ساره سابته.. يعني نقدر .. نوصل لتليفون امجدد
رحيم.. بخيبه امل….جت في بالي بس ماانا بقولك مقفول هنعرف ازاي …
سليم… ياعم هنعرف.. متقلقش.. اهي محاوله.. او عالاقل لو ينفع نحدد اخر مكان كان مفتوح فيه فين….
رحيم… طيب حاول ياسليم.. وانا بردو هنا مش هسكت.. المهم ان اللي انت بتقوله ده يكون في اسرع وقت ممكن…
سليم.. متقلقش. انا حالا هشوف الدنيا فيها ايه…صحيح.. انت مبلغتش يا رحيم…
رحيم… انا كل الظباط هنا معايا متقلقش بس الفكره انت عارف القانون بتاعنا لازم يعدي عالاقل 24ساعه علي اختفائهم..عشان تقدر تعمل بلاغ .
انا عموما هستني شويه كمان…لو محدش ظهر.. ومعرفتش اوصل لاي حاجه… وديني وما اعبد لاهقلب الصعيد عاليها واطيها وما هخلي بيت غير لما ادخل اشوفهم فيه..
سليم.. اهدي بس. كل حاجه هتبقي خير…
رحيم.. اهدي ايه.. ياسليم… انت مش شايف امي ومرات عمي حالتهم ازاي…مش شايف جدي عامل ازاي…مش شايف اللي جوايا انا اختي وابن عمي يتخطفو واللي خطفهم مش عارف.. انهم يكونو ايه للعمده…
انا لو عرفت اللي عمل كده همحيه من علي وش الدنيا…
سليم.. طيب مفيش حد حاول يكلمك.. يطلب فلوس او كده.. يعني يكون الحوار استبزاز مش اكتر..
رحيم… ياريت لاكن للاسف محدش اتصل…انا قلقان يكون حصلهم حاجه..
سليم.. يا ابني اهدي ان شاء الله خير.. انا هقلب الدنيا حالا بس عشان خاطري اهدي وحكم عقلك واتصرف بعقل لازم تهدي عشان تقدر تفكر.. متتهزش عشان اللي خطفهم اكيد بيراقبك ياصاحبي متخليش حد يشوفك ضعيف ويمسك نقطه ضعف لازم تبان قوي..
رحيم.. معاك حق… انا لازم اهدي شويه.انا هعمل كام مكالمه وهروح البيت اغير واظبط نفسي واهدي كده وارجع اكلمك.. ..
سليم… هي حور فالبيت كل ده ولا معاك…
رحيم… بصدمه… حووووور.. انا نسيت حور. خالص يا سليم.. انا من اضهر. وانا هنا… والوقت الساعه بقت 10..
وغريبه انها مكلمتنيش او سألت حصل ايه…
سليم..وهتكلمك ازاي مش هي معهاش تليفون…
رحيم.. انا كتبتلها رقمي وقولتلها تكلمني اي وقت من تليفون البيت…
سليم.. يمكن نامت.. خليك الاول فالانت فيه..
رحيم… بشرود.. ماشي ياسليم هرجع اكلمك المهم اقفل معايا وشوف حمايه التتبع دي…
سليم.. تمام سلام مؤقتا..
رحيم.. سلام…
قفل معاه رحيم.. واتصل علي تليفون البيت يشوف حور…
لاكن.. ملقاش. رد..
اتصل مره. واتنين وتلاته.. لاكن مفيش رد…
حس رحيم بقلق….. واثناء ماهو بيعيد الاتصال.. لقي دكتوره سماح بتتصل قلق اكتر…
رحيم. الوووو.
سماح.. كيفك يا رحيم بيه..
رحيم.. الحمد لله خير يا سماح..
سماح .. ابدا اني بس كنت عابزه اجولك.. اني روحت للانسه حور.. عالمغرب اكده وغيرتلها علي الجروح… وحضرتك مكنتش موجود.. بس جالتلي ان اخت حضرتك والاستاذ امجد مش لاجينهم.. كنت بطمن عليهم منيك…
رحيم.. خير يادكتوره ان شاء الله هيرجعو… المهم.. حسابك اول ما اشوفك هحاسبك..
حنان.. ليه مصمم ديما تزعلني منيك اني بتصل عشان اطمنك اني روحت للانسه حور.. وعشان اطمن علي اختك
رحيم.. عارف يا دكتوره.. بس الحج حج.. معلش هجفل الوقت عندي مكالمات كتير .
حنان.. طبعا وربنا يطمنك عنيهم.. سلام..
ارتاح رحيم. شويه ان حور بخير بس من جواه كان مضايق انها مطمنتش عليه ولا عرفت اللي حصل.. ولاكن محبش يدي الموضوع اكبر من حجمه….
اما عند حور… كانت مضايقه ان رحيم كل ده مجاش.. ولا هي عارفه توصله..
حور… مش فاهمه انا بيدني رقمه اكلمه لما هو التليفون بتاع البيت بايظ .
ده حتي مجاش يطمن عليا او يطمني بدل ماانا هتجنن كده.. ولا عارفه اوصله.. هو مش بيقول القصر جمب بيت المزرعه..طيب اروح هناك براحه اعرف الاخبار
لا انا مالي خليني هنا احسن يحصل حاجه ويرجع يتحول عليا…طيب انا زهقانه.. اعمل ايه.. وقامت راحت عالمكتب..بتاعه وفضلت تلعب في الحجات بتاعته وتلعب فيها…ومره واحده لقت ادامها كاميرا…
حور… ايه ده الله..الكاميرا دي كان نفسي اجبها اوي..
وفضلت تحاول تفتحها لحد ماعرفت.انا هسجل فديو بدل الملل ده. وفتحت الفديو……
.الووو الوووو تست تست تست…
ااهلا وسهلا معاكم في برنامجكم حيات المشاهير ومعانا الليدي حوووور..
اهلا بحضرتك.
اهلا بيكي.
كنت عايزه اعرف شويه حجات بسيطه عن حياتك الشخصيه ..عشان الناس اللي مهتمه باخبارك…عايزين يعرفو انتي مرتبطه فعلا برجل الاعمال المعروف رحيم.. المحمدي
انا… مكنتش حابه اتكلم وكنت عايزه اعملها مفجأه بس فعلا انا مرتبطه برحيم. وخلاص احنا هنتجوز قريب رحيم. ده احلي حاجه حصلت في حياتي.. اتقابلنا صدفه بس كانت احلي صدفه في حياتي..
ناس كتير مستغربين الاشاعات اللي حصلت عن ارتباطكم وديما بيقولو انك صغيره جدا وكمان في فرق سن بينكم…
حور.. واهو حبني زي ما بحبه وهنتجوز اظن الناس بقي تبطل تقول كلام وزي ما بتقولي حبني من وسط كل البنات.. وانا مش صغيره علي فكره..
ربنا يتمملكم لخير وان شاء الله نكون احنا اول جريده تعمل سبق صحفي يوم فرحكم..
حورر. ميرسي ….
وفضلت تضحك حور.. والنبي انا المفروض كنت ابقي مزيعه. يلا بقي ياحلويين انا هقفل الكاميرا احسن الوحش يجي ياكلني لو عرف اني لعبت فالكاميرا بتاعته…. بحبك يارحيم .مع اني زعلانه منك عشان مطمنتيش عليك ولا رجعت وكمان التليفون بتاع البيت بايظ مش عارفه اكلمك ..هي بتتقفل ازاي.الكاميرا دي…وقفلت الفديو.. وحطت الكاميرا علي المكتب.. وعشان هي مرتعرفش فيها ظنت انها قفلته.بس هي حفظت الفديو وداست عالتصوير من جديد…
قامت حور.وراحت تاني تجرب التليفون…
برده بايظ… ودقيقه ولقت الباب بيخبط…..ومن غير تفكير..جريت عالباب عشان تفتح..
حور… رحيمممم .وفضلت تتسمد احد ما وصلت للباب.وفتحت….. وياريتها مافتحت……………………………………………………
اما عند رحيم…. اهدي يا امه عاد.ولله هيرجعو..
اهدي يامرات عمي عاد كفايكم بكي..خلونا نفكرو
جده.. جيي العواجب سليمه يارب..
رحيم.. اني جالب البلد ياجدي.. والكل بيدور والحكومه مش ساكته.. والناس بتوعنا اللي عالطريج جالو ان مفيش حد طلع معناته انهم لسه فالبلد…واني مههداش غير لما الاجيهم وفظرف كام ساعه لو ملجتهمش هجلب البيوت كلها ومهخليش بيت ولا موطرح غير لماادور فيه..
اني هوصل لحد البيت هغير خلجاتي دي وارجع تاني لو حوصل حاجه كلموني..
كلموني…
جده.. ماشي ياولدي خلي بالك من حالك..وخد الغفر معاك
رحيم.. ماشي ياجدي..
خد رحيم كام واحد من رجالته والغفر وراح عالبيت…
فتح رحيم.. الباب.. ودخل لقي الدنيا هاديه.وحور مش موجوده فالصاله التلفزيون مفتوح ومفيش صوت ولا واقفه فالمطبخ .. راح براحه عالاوضه وخبط.. ملقاش رد…فتح الباب ملقهاش عالسرير والسرير مفروش. خبط عالحمام ملقهاش. دور بسرعه فالاوضه التانيه.. ملقهاش بقي ينادي عليها فالبيت زي المجنون مش لاقيها. رجع فالصاله يدور. مش لاقيها. لمح الورقه بتاعت التليفون مرميه عالارض.. فضل يدور مش لاقي.. لمح من بعيد الكاميرا بتاعته عالمكتب وفي لمبه حمرا منوره يعني الكاميرا شغاله… مهتمش ولبس بسرعه ونزل بقي يدور زي المجنون فالمزرعه والغفر وراه مش عارفين في ايه… بعد مده وتدوير كتير رجع تاني عالبيت…فضل رايح جاي مش عارف يتصرف لمح الكاميرا بتاعته وهنا انتبه.. ازاي طلعت من مكانها عرف ان حور كانت مسكاها راح مسكها ولفها ليه لقي ان هي بتسجل خرج من الفديو بعد ما حفظه ولسه هيشغله تاني لقي في فديو قبله فتحه شافه وكانت مفجأه ليه وهو شايف حور اعده تتكلم وتجاور نفسها ابتسم غصب عنه. وفضل يشوف الفديو لحد لحظه ما اعترفت حور بحبها ليها.. بحبك يا رحيم… وفضلت الكلمه تتردد في ودنه عينه دمعت وقلبه بقي يدق جامد وجواه متلغبط فتح الفديو التاني وهنا كانت المفجأه

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية جحيم الصعيد)