رواية الحادية عشرة الفصل الثالث عشر 13 بقلم ميرنا ناصر
رواية الحادية عشرة الفصل الثالث عشر 13 بقلم ميرنا ناصر
رواية الحادية عشرة البارت الثالث عشر
رواية الحادية عشرة الجزء الثالث عشر
رواية الحادية عشرة الحلقة الثالثة عشر
_انا هفتقد البلكونه دى جدا، غرام انا ركبت تاكس واتحركت من الحارة بمجرد ماحطيت البوكس.عايزاك تاخدى بالك من نفسك
=لا ياوسيم انا اتعودت عليك بليز لا
_وسيم عارف ان ده مش مكانه.
=اومال ايه مكانه.الهروب!!
_بكرا تعرفِ كل حاجة
=خلى التاكس يرجع ونتكلم وانا شايفاك
_مش هعرف اتكلم وانا شايف عيونك ياغرام مش هستحمل.
=بجد!! انت كدا بتآكدلى انكم كلكم يوسف.
_غرام نور مش يوسف، كل مره كنتِ بتقعدى معايا كنتِ بتحكى ذكرياتك معاه، حتى عمو كامل وطنط كريمة لاحظوا تعلقك بيه، وجودى ملخبطك.. كدا انتِ هتبقى مرتاحه انا بحميكِ من الوجع
=بتحمينى من ايه؟ وجع ازاى!! واللى انا فيه دا ايه قمة الفرح والسعادة؟ انا عايزاك موجود مش كنت بتقولى انا باباكِ ارجع وخد دور بابا فى حياتى، ارجع وخد دور اخويا صاحبى، انا حياتى مفهاش ادوار ولا أشخاص، حياتى كلها فريدة وايسل معنديش حد، انت حسستنى يعنى صاحب ارجع عشان خاطرى
“كنت بكلمه وصوتِ مليان وجع وإنهيار، كله دموع اعتقد عمرى ما ودعت حد كدا ولا طلبت منه انه يبقى معايا”
_متعيطيش، نور احسن منى يا غرام.
=انت علمتنى اثق فى نفسى، حببتنى فى ملامحى، علمتنى معنى الاهتمام، علمتنى معنى الهدوء والاسترخاء الحقيقى انى ابقى هادية ومش بفكر علمتنى افصل، علمتنى ان وانا بتكسر وبتهد اخد وقتى فى الزعل بس اقوم بسرعه، عايز تمشى ليه.. طب لما انت مقرر تمشى من الاول خليتنى اتعود عليك ليه؟ خليتنى الساعة 11 بقيت بتاعتك انت ليه؟ خليتنى اتحول من حد صامت لحد بيحكى ليه؟
_غرام انا بس.
=غرام مش هتعرف تثق فى بنى ادم تانى
_ليه ياغرام، احنا…
=غرام حبت ومأفصحتش عن حبها زمااان اوى فحبيبها سافر ودرس بره وسابها “نور” اه نور حبيب الطفولة والاعدادى وثانوى، اللى راجع يفكرنى بوجعى القديم، ولما غرام، حاولت تحب فى الجامعة مشيت ورا مشاعرها وقلدت اصحابها واتجوزت عشان نِفسها تتحب وتلبس فستان زيها زى اى بنت، اتبهدلت واتمسح بكرامتها الارض، وغرام دلوقت بتاخد على وشها للمرة التالتة لما فكرت انك قريب منها ووثقت فيك على الاقل كصاحب
_غرام واهو رجع حبيب العمر وحبيب الطفولة رجع ينقذك.
=انت بتهرب ياوسيم، بتهرب فى علاقة مبدأتش اصلا، انت كدا توكسيك زيه ومريض،كلكم مرضى بتدمير البنى آدمين اللى قلوبهم طيبة والله،طب انا اروح لمين ياوسيم قولى كدا، لبابا وماما اللى باعونى ولا أختى فريدة اللى اصغر منى ومشيلاها همى ولا طليقى ارجع لطليقى واتهان واتذل تانى.
“سمعت صوته، ايوه بيعيط ايوه حنين بس قرر يمشى، هو معاه جق، هو يربط نفسه ليه بواحده زيى معاه بنت وامراض العالم ومشاكل وصداع انا حياتى بتجرى، هو صح قرر يمشى قبل مانتعلق ببعض أكتر”
_انا ياغرام.
= معلش مدام غرام، امشى ياوسيم، زى ما نور مشى زمان وزى يوسف لما قرر يهد حياتى ومشى برضو، مش غريبة عليكم.اما المشروع ف متلزمنيش فلوسك ياابن الناس انا اصلا مش هكمل فيه.
_غرام اللى بتقوليه ده!!
=متتعصبش قوى كدا، الموضوع خلص، فرصة سعيدة يا استاذ وسيم فى رعاية الله.
“كنت بتنهد مالينى اليأس عنيا بتشكى لكل ركن فى الاوضة ارحمها من الدموع اللى نازله تجرح ، حاسه ان قلبى بيتعصر اشمعنا انا، ليه مبتحبش؟ ليه بتساب!! ليه الظروف معندانى كدا معقول انا وحشة، طب العيب فيا ولا فيهم!! ليه بيحصلى كدا..ليه الدنيا بتستخسر فيا الفرحة، عملت ايه يارب ان قلبى يتفتت كدا يااااااااارب يااااارب، ارحمنى برحمتك، انا مش قادرة اتحمل”
_________________________________________
|صباح يوم جديد من ايام غرام |
” منمتش غير نص ساعة ، مطلوب منى كل خبطة قوية اخدها على دماغى، انى أكون قوية لأخر، أصل مين هيودى ايسل المدرسة، مين هيغسل ويطبخ،ومين هيكنس مين هيشتغل عشان يدخل فلوس للبيت، مين هيدفع نور وميه وغاز وفواتير، اعتقد لو وقعت مش هلاقى اللى هعرف اتسند عليه، مُطالب منى اكون قوية وصامده وانا هش، المهداءات حل عظيم لمسكن الم نفسى، والمسكنات حل اعظم لوجع العظام اللى مسببه الالم النفسى لحظة شروق الشمس دى بتخلينى احس انى بتولد من جديد ”
=هكمل من غير وسيم، ومن غير نور، هتكملِ وحدك انتِ غلطتِ يا غرام، انتِ لسه بتكتشفى نفسك، انتِ لسه بتعرفى مين غرام مكنش ينفع تستكشفيها وانتِ مع حد. مع كل شروق شمس اوعدك ياغرام هيكون ليكِ شروق مختلف، اوعدك كمان إن هحافظ عليكِ، اوعدك إنك هتنجحى، أوعدك إن كل اللى سابك ايا كان هيتمنى انك تكلميه، اوعدك بإختلاف جذرى فى حياتك شكلا وموضوعا.
انا جيت عليكِ كتير، ووجعتك أكتر، عارفة ان احساس المسئولية صعب بس الأصعب منه الاهانة، والروتين وعدم تحقيق الذات وعدم وجودك فى المكان الصح والمناسب، إحساس الراحه جميل بس الإجمل منه على الاطلاق هو إحساسك بذاتك ونجاحك
_________________________________________
|على الصعيد آخر |
_غلط ياوسيم غلط
_ايه اللى غلط ياعم كامل، انا حكتلك، كل اللى حصل
_يعنى غرام ترن عليك وتترجاك ترجع، وانت تعمل كدا عشان شوية كلام اهبل من اختها!؟
_ ياعم كامل اختها، معاها حق هى لسه بتموف اون
_فرن ايه يابنى بس؟!
_ضحكتنى ياعم كامل وانا جوايا هموم الدنيا ، فرن ايه بس.. بتموف اون يعنى بتتخطى اللى حصلها من يوسف طليقها فهى وبتتخطى ممكن تكون عايزه ترتبط بإى حد عشان تنسى يوسف وتثبت لنفسها انها تتحب
_يعنى كل الجُمل دى فى كلمه موفنون اون.
_موفنون ايه بس ياعم كامل تعبتنى.
_والله اللى اعرفه إنك مكنش ينفع تسيب واحده ماسكه فيك دى مش رجوله.
_انا مريض ياعم كامل انا هآذيها، اختها عايرتنى بمرضى، وبصراحه نور الزفت دا هيعيشها فى مكانه احسن وهيحافظ عليها وعلى بنتها.
_انت دماغك ناشفة ياوسيم ودا عيب، مش عيبك مرضك لإنك بتحاول.
__________________________________________
=طنط كريمة، صباح الورد عايزاكِ تقوليلى أماكن بتتجمع فيها الستات كتير.تعرفِ تساعدينى ولا ادور على غيرك يا كوكو
_ يوه كوكو!! يحظك ياغرام يابنتى، اعرف ياقلبى بس فهمينى ايه اللى فدماغك
=هنوزع منشورات ونقوم ثورة 19 ونحرر أمينة من سى السيد.
_ ايوه يعنى ايه
“ضِحكت، انها مش فاهمه وطريقتها كانت تموت م الضحك”
=بص ياطنط كريمة ، اى ست مطلقة، اى ست تعول، اى بنت متجوزتش وظروفها صعبه، اى ست متجوزها وجوزهغ وضيع هجمعهم وهعمل جمعية ليهم اسمها
“كونِ انتِ ” وهعلمهم الهاند ميد، وهجيب مدربات خياطة وتفصيل، ومدربات ميك اب، ومدربات مشاريع صغيرة،هكسر الدنيا ياطنط يلا ساعدينى.
“لابسه لبس رياضى، وزنت نفسى 93 ياااه 10 كليو خسرت عشرة كيلو!! الله ياغرام برافو ولسه كمان، لبست الكاب وبقيت بتمشى فى الشوارع اوزع ورق طبعته، بقيت بلف طول النهار وكلى بهجه وفرحة وانا بحقق حلم حلمته من اربع ساعات بس حلم اتولد من وجع”
يتبع……
لقراءة الفصل التالي : اضغط هنا
لقراءة جميع حلقات الرواية اضغط على : (رواية الحادية عشرة)