رواية جايده وشريف الفصل العاشر 10 بقلم نور رأفت

رواية جايده وشريف الفصل العاشر 10 بقلم نور رأفت

رواية جايده وشريف البارت العاشر

رواية جايده وشريف الجزء العاشر

رواية جايده وشريف الحلقة العاشرة

“مش هتطول صح ،انا معرفش حد غيرك ،حتي لو البنات هنا أنا أخاف وجودي يكون خطر عليهم مطولش ماشي”
=حاضر يا جايده متقلقيش مش هطول
_و هتجبلي حاجه حلوه معاك
=هجبلك حاضر
_شكولاته
=حاضر
_ماتمتش هناك بقي
=حاضر
_ماشي
خلص كلامه و قام من جنبها يجهز شنطته و هيا برضو لمت شويه حجات عشان تاخدهم معاها
طلع لقيها واخده كيس كبير فيه حجات
=دا باب بيتهم في وش باب الشقه ليه كلو دا
_لفرح فطوم عشان نعمل حجات بنات
أداها مفتاح للشقه و لاسلكي غريب كدا صغير و اسود وقال وهوا حاطط أيده علي كتفها
=لو احتجتي حاجه اضغطي علي الزرار دا و هسمعك ،دا متستعملهش غير في اسوء الحالات ،متخافيش خليكي قويه و كدا كدا مفيش حاجه ان شاء الله
اومأت و هوا مسك معاها كيس و طلعوا من الشقه ،قفل الشقه و خبط علي ام ناهد
الباب اتفتح بسرعه وكانت أم ناهد و عبير و ناهد عمال يرحبوا ب جايده و يطمنوها
أداها الكيس و هوا بيبص عليها بتمعن ،حاسس إنها خايفه لكن دا ميمنعش انها بتحاول تغامر
~اهلا يا جايده عامله ايه
~حضرنا الأوضاع عشان نقعد كلنا سوي
~مستنياكي من الصبح مش راضيين نعمل اي حاجه
قعدو يهزروا معاها و يتكلموا و هيا كانت مستجيبه بس برضو كان باين عليها الخوف
=طيب انا همشي دلوقتي
اتكلم بصوت هادئ وهوا بيهمس قريب منها
بصت عليه ب خضه بس تمالكت نفسها و قالت ببسمه
_اوكي خد بالك من نفسك
=سلام
نزل و مشي بينما هيا دخلت الأوضه مع البنات
~ايه يا جايده مالك ساكته كدا
_مين أنا لا أنا بخير مش ساكته ولا حاجه
~انتي ساكته و مش معانا كمان دا انتي من ساعه ما جيتي و انتي سرحانه
_لالا ولا حاجه ،خظو جبتلكم حجات حلوه نعمل بيها ماسكات بما اني قاعده معاكم شويه
طلعت المنتجات من الاكياس
~ايه دا يختي كلو دا
_الانواع دي للتفتيح ،ودي للترطيب ،و دي لغلق المسام ،ودي لتفتيح المسام ،ودي لتنظيف البشره ،ودي ل ازاله الشوائب،ودي لتشقير مسام الشعر السوداء ،ودي اسكربات للبشره ،ودي أقنعه كولاجين ،و دي حنه بيضاء معدله،ودي امبولات جلايكولك اسد
قعد تطلع في الاحجات و تشرحلهم ،بصت عليهم لقيتهم كلهم مسهمين و فتحين بقهم
_مالكم فيه ايه
~فيه ايه فيه انك قلتي حجات كتير خبط ورا بعض محناش فاهمين بتقولي ايه براحه
_طيب اقلكم علي حاجه هعملك اختبار بسيط للبشره و بعدين كل واحده فيكم هتاخد اللي هيليق مع بشرتها و اللي محتاجه ،اسبوعين و النتيجه هتظهر ،بس لحظه انتي فرحك امتا يا بطه
~اتاجل يختي أسبوعين بقي اخر الشهر
_حلو نكون اتظبطنا
راحت ناهد رمت العلبه اللي في ايديها و قالتها وهيا بتشمر”واحنا دورنا يختي ندردحك كدا و تعرفي تتعاملي ،بدل ما يخطفوكي تاني
_اتفقنا ،يلا نبدا ب اختبار البشرات
~بشرات ايه يا جايده تعالي ناكل يختي ونرم عظمنا
_هناكل ايه !،انا لسا فاطره
*ايوه يختي أنا و ناهد فطرنا برضو و البت فاطمه برضو لسا واكله عشر ترغفه عيش
+ايه يا عبير يختي ما أكل براحتي دا بيت خالتي
*أنا قلت متاكليش بس متعمليش كل دا ،ايه حالف مش هتتتجوزي وانتي مقفله ال100 كيلو يابت
+اصملي عليا ياختي عليا ما أكل سعيد عاوزني حلوه كدا و ماليه الفستان
~مكفايه يابت انتي و هيا قومي نجهز الاكل،يلا يا جايده
وقفوا و خدو جايده معاهم يجهزو حجات ياكلوها و يتسلوا بيها
~دا امالله علي مقامك يا ست جايده اسمو فنكوش اسمو ايه ؟
_فنكوش!
~يا ماشالله عليكي يختي ،دي حاجه زي الفشار بس مضره بالصحه و بتتقلي في الزيت عشان يكتم علي نفسك تموتي بعدها
+دال تسالي واخده منو كيلو بحاله في جهازي ،ابقي تعالي زوريني واعملك
_طعمه حلو دا ؟
~هتجربي و تعرفي
_ماشي
*دا بقي ترمس،اسمالله علي مقامك دا زي اللبل و السوداني كدا ،قولي كدا دا ايه
_ترمس
~بتتعلمي بسرعه يابت مهتتعبيناش
+واخده منو كيلو في جهازي برضو هعملك منه لما تيجي مع الفنكوش
~دا بقي يختي اسمو حمص ،بيقرمش كدا و حلو شبه الفشار
_اسمو حمس بجد
~لا مهو احنا مش بندلعه زيك دا اسمو حمص بالصاد اسمالله عليكي
_اه ماشي
+دا واخده منو نص كيلو بس في جهازي اصلي مليش اقاله عليه ،ابقي احطهولك مع الفنكوش و الترمس لما تيجي عندي
~الباقي اكيد عرفاه
_ايوه دا فشار و دا لب و ايه الطبق دا ؟
*كفته رز إنما ايه عجب
_ايه دخل الكفته في كلو دا
~اتحشرت معاهم كيف البقره في الترعه
_يعني ايه !
~لا دا مستوي متقدم خلينا نمشي واحده واحده
+هاتي هروح افرش الأرض جنب العلب اللي جيباها جايده
~امسكي يا جايده طبق الفنكوش و يلا معانا
قعدو في دائره ياكلوا سوي و يهزروا لحد ما صقفت ناهد و قالت
~هنبدا ازاي معاكي يا جايده ،هنمثلك موقف و شوفي رده فعلنا فيه امين
_امين !
~امين يعني تمام
_اه ماشي
~خلصوا أكل بقي و نبدا
_ممكن نعمل ماسك التفتيح واحنا بنعمل كدا
~ممكن ممكنش ليه
خلصوا تسالي و قعدت جايده تعرفهم ازاي يستخدموا الشيا ماسك و يتحط ازاي
+قومي يابت يا عبير توريهم موقف الخطف اللي اتفقنا نعمله قدام جايده
*ماشي
~ركزي و شوفي هيعملو ايه دلوقتي يابت
_اه ماشي ،مركزه
~اول ما اقول أكشن ابداوا ،واحد أثنين اكشن
+فين تلاته يا ناهد هنخمي حتي في الأرقام
~ملكيش صالح يلا
*لا من لول يا ناهد
~طيب واحد اثنين ثلاثه يا دلعدي اكشن
طلعت فاطمه من برا و عبير عملت دور الشحاته ة لبست عبايه مقطعه شويه ،خبطت علي باب الاوضه و فاطمه فتحت ب اعتبار أنهم بيمثلوا
+اهلا يا حجه فيه ايه
*ازيك يابتي عامله ايه
+كويسه يا امي
*انتي وحدك في البيت ولا ايه
+ايوه
*طيب اقلك يابتي والله ما بشخت ولا بتوسل دا انا بجري علي يتامه و ايجار الشقه عليا متأخر هتطرد أنا و اليتامه يابتي
+اهلا يا امي اتفضلي طبعا ،هبجلك اللي فيه النصيب
* ساعديني،ودخليني أكل لقمه عندك لحد متيجيبلي الله فيه رضا ربنا عليكي
+ادخلي اكيد
دخلتها كأنها فين و هيا كانت برا و دخلت و مشيت فاطه في المشهد تجيب حاجه من جوا راحت الست اللي هيا عبير مطلعه قماشه كبي فيها حاجه و راحت ورا فاطمه وخدرتها و وقفت ،لمت الفلوس البلاستك اللي حطينها و هربت
~وا كااااات ،هايل يا فتانين المشهد الاول خلص
رجعت فاطمه و ؤعبير يقعدوا ياخدوا نفسهم من الدراما دي
~ها يختي شفتي ايه اللي حصل
_ايوه فاطمه كانت انسانه كويسه خالص و دخلت الست المسكينه جوا بجد حلو
~كل وسطك يا بعيده ،انتي مشفتيش إنها خدرتها و هربت ب فلوسها و مشيت
_ايه دا ايوه دي نومتها عشان متتعبش
+أنا بقول ممنهاش فايده
*أن شاء الله هنعرف نعدلها خلي نفسك طويل
~بصي يا بت دي سرقتها ،والللي اتعلمناه مندخلش حد غريب واحنا وحدنا ومنقلش لحد أننا وحدها ،وفي حالتك مدخليش حد اصلا ولا تفتحيش من الاول
_يعني اللي عملته فاطمه وغلط معملوش
~عليكي نور ، يلا يا بنات كملوا
قامو و وقفواا في أماكنهم تاني عملت عبير نفسها ست غلبانه و فاطمه صاحبه البيت ،خبطت علي فاطمه و فتحتلها
+أأمري
*ازيك يا بنتي عامله ايه
+بخير نعم
*أنا واحده غلبانه والله و تعبانه كنت عاوزه صدقه
+دقيقه اجبلك اللي فيه النصيب
*هوا انتي وحدك في البيت ،متدخليني ارتاح شويه يابتي
+أمي و اخويا جوا و لا ميفنعش تدخلي ،استنيني هنا
قفلت الباب و جابت حاجه و رجعت ادتهالها و الست مشيت
خلصوا و قلعت عبير العبايه ا قعدو تاني
~ها فهمتي
_ايوه
~فهمتي ايه
قالت جايده بحماس شديد
_اساعد الستات الكبيره و ادخلهم البيت لو مفيش حد عشان تعرف تاخد راحتها
~دي بوادر شلل باين ؟؟؟!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جايده وشريف)