رواية جريمة عشق 5 الفصل الحادي والثلاثون 31 بقلم مريم نصار
رواية جريمة عشق 5 الفصل الحادي والثلاثون 31 بقلم مريم نصار
رواية جريمة عشق 5 الجزء الحادي والثلاثون
رواية جريمة عشق 5 البارت الحادي والثلاثون
رواية جريمة عشق 5 الحلقة الحادية والثلاثون
فلاش باك.
في المستشفى..
تيم : واقف في آخر الطرقه وشاف فهد جاي بسرعه.. لكن رد ع جيسيكا.. وتيم لما شاف الصدمه ع ملامح فهد.. قرب منهم علشان يطمن..
لكن سمع آدم مراد.. وهو بيقول بصوت غضبان.. ممكن حد يفهمني..مين هي جيسيكا. وليه تخطف آرين وتالين.. عايز أفهم..!!
ومراد .. أخد فهد و آدم في اوضة وبدأ يحكي لأدم قصة جيسيكا والمأمورية..
تيم قرب من الاوضة بحظر. وسمع كل كلمه قالها مراد لأدم.. وكان آدم بيستجوب مراد. بتركيز كبير كأنه بيحقق معاه..وعرف كل حاجه عن جيسيكا..وتيم كمان..
وبعد كده تيم سمع مراد..وهو بيقول فهد ركز معايا..علشان نعرف نفكر هنعمل ايه؟ جيسيكا قالتلك ايه بالظبط..!!
وفهد : قال. إن جيسيكا عايزاه هو ومراد في القصر بتاعها.. وفي خطر على البنات وهتشغلهم في طريق غير مشروع…!!!
وتيم حس إن حد خارج واستخبى بسرعه.. وشاف
آدم مراد ..خارج بسرعه كبيره.. ومراد نده عليه كتير ومردش..
تيم : قبض ع ايديه بغضب من كلام جيسيكا..
واتحرك بسرعه يجري ورا آدم.. وراح عند الجراش.. وشاف آدم راكب الريس..وساق بجنون.. ومهما تيم ينده عليه مبيردش..
تيم نفخ بخنقه..واتنرفز..ومش عايز يقف متكتف..
ودخل المستشفى.. وماشي في الطرقه. سرحان بيفكر.. لكن وقف مكانه لما سمع مراد بيقول لفهد.. إللي هينفع يسافر معانا هو آركان..!!! وتيم قرب من الباب بشويش وسمع الخطه…!!!
فهد : بزهول.. آركان.؟ أنت بتقول ايه يامراد.. لأ لأ انا مستحيل أضحي ب أبني. وبعدين آركان في الكليه.. يعني مش هينفع من جميع النواحي أنه يسافر معانا..
مراد : يبني أسمع وأفهم بس.. أنت عارف إن جيسيكا مش غبيه..وأكيد مراقبانا كويس جداً..
بدليل أنها خطفت البنات انهردا بالذات.. فكر فيها كدا…!!
الدكتور محمد ونور مسافرين،، وانا وأنت و آدم في الشغل. و آركان في الكليه.. والعيله علشان تيجي ل آرين لو حتى مش هتخرج فيها لبعد الضهر مثلاً..
يعني وقت مدروس من جيسيكا واللي معاها.. أنت شوفت في الكاميرا..اتنين رجالة وبنت. وأنها أكيد سابت دليل علشان تخلينا ندور ونبذل مجهود على الفاضي. وفي الآخر هي تكلمك وتقولك أن البنات عندها..
.. ده غير بقى أكيد هي مأمنه نفسها اكتر من كده..
و دلوقتي هى عايزاني انا وأنت بس..!!
لأن آدم زي ما قولتلك في شغله ومش هيسافر غير بإذن من الجهاز..
و آركان صعب يسافر.. إحنا بقى نشتغل على النقطه دي وعلى طريقتنا.. وخصوصاً إن آركان الوحيد إللي هيفدنا في سرعة الحركة. لو لاقدر الله حصل حاجه..
فهد : بإحباط.. أنا معاك في كل ده..بس انا مش عايز أعرض آركان للخطر يامراد..
مش هنكدب ع بعض.. جيسيكا عندها حرس متدرب واكيد عددهم كبير.. و آركان لسه في تانيه كليه يعني مش مؤهل لمهمة خطيره زي دي.. اء.. أنا مش عايز اخسرهم يامراد.. كفايه الرعب اللي انا فيه على آرين..مش هيبقى آرين و آركان..!!
مراد : ربت ع أيد فهد..وقال.. أنا حاسس بيك يافهد. لكن أنت ديما بتدعم آركان..وده وقت الدعم الحقيقي..
إحنا في كارثه حقيقيه يافهد..ومفيش قدامنا حل تاني..!!!
فهد : مسح وشه بايديه ونفخ بحيره..وقال..ياالله.. ماشي يامراد إيه هى خطتك..؟!!
مراد : هقولك.. إحنا دلوقتي هنروح الجهاز. ناخد إذن السفر..ونطلب من مدير الجهاز إننا لازم ناخد آركان معانا.وعايزين إذن ٤٨ ساعه. ولو وافق وأنا متأكد أنه هيوافق إن شاء الله.. هطلب منه تعزيزات أمنية.. زي صديري واقي وسماعات بلوتوث..
فهد : هز راسه تمام..ومتنساش أجهزة تتبع وكمان جهاز تشويش.. وسلاح..لازم نكون واخدين احتياطتنا كويس جدا يامراد.. لكن بالتعزيزات دي آركان هيحتاج طياره خاصه..!!!
مراد : هز راسه فعلاً.. أنا هتصرف مع مدير الجهاز متقلقش..ويارب يوافق..
فهد : بحده..ليه ميوافقش.؟!! متنساش إن آرين وتالين في خطر بسبب المأمورية دي.. يعني بسبب شغلنا..ماينفعش ميوافقش يامراد..!!!
مراد : شاف نرفزة فهد..وفكر انه يروح الجهاز لوحده علشان مايحصلش مشاده والأمور تتعقد أكتر من كدا.. وقال..
يابني أنا بقول يارب يوافق. وهيوافق أكيد..!!!
فهد : بيهز رجله بنرفزه..طيب يلا بينا علشان نلحق ننفذ..واتصل تاني على آدم.. لأنه مبيردش عليا..
وفون مراد رن وكانت مكالمته مع زين..اللي تيم سمع رد مراد عليه..
مراد : قفل مع زين.. وقال لفهد.. آدم سافر ولازم نلحقه..!!
تيم : فتح عينيه بدهشه..معقول آدم سافر..!!! وسمع صوت مراد خارج.. واستخبى بسرعه..
وبعد كده شاف فهد خرج وراح ع اوضة رينو وفريحه.. وقال لنفسه..
انا لازم الاقي حل بسرعه.. وراح ع مكتبه وقفل الباب..
وفضل رايح جاي بنرفزه وعصبيه كبيره.. ومتغاظ من قلة حيلتة..وكمان مش قادر يفضل واقف يتفرج..على الخطر اللي بتواجهه علينه.. وفاجأة جاتله فكره.. واتصل ع أبوه.
——————بقلمي مريم نصار.
في النمسا..
محمد : خارج من الفندق. وأبتسم.ورد ع تيم.. وقال..الدكتور تيم أخبارك ياحبيبى.!!
تيم : مسح ع شعرو ورد بثبات..وقال. انا بخير يابابا. وحضرتك عامل ايه؟
محمد : برضا. الحمدلله دائما وأبدا..
تيم : الحمدلله..احم.. هي ماما جمبك؟ ولو جمبك أكلمك في وقت تاني..
محمد : بتعجب..!! لا يسيدي..نور فوق في الغرفه.. لكن خير..
واضح من نبرة صوتك..شكلك عايز تسألني عن حاجه.ومش عايزها تعرف..ولا أنا غلطان؟
تيم : قعد ع الكرسي بقلة حيلة وقال..
أبدا يابابا..عمرك ما كنت غلطان أبدا.. بس انا عايز أسألك على حاجه مهمه.. لكن لو تسمحلي. عايز من حضرتك أجابه.. إجابة وبس من غير دخول في تفاصيل..
محمد : بِشك..حصل معاك ايه ياتيم؟
تيم : بوجع..تايه يابابا.. تايه. وعايز نصيحه..!!
محمد : بقلق..حصل معاك مشكله؟ أتكلم يابني..
تيم : هز راسه بالنفي.. لأ لأ. يابابا لأ مفيش مشكله ولا حاجه..لكن انا عايز نصيحه مش أكتر. بحكم خبرتك في الحياه.. لو قابلتني مشكله كبيره. وحسيت بالاحباط.. أعمل ايه؟ واتصرف إزاي؟
محمد : بقلق مبهم..يبني ريح قلبي وقولي إيه اللي حصل.. يمكن أقدر أفيدك..
تيم : بقلة حيلة..توعدني إن حضرتك متقولش لأي حد..
محمد : أوعدك ياتيم بس أتكلم.. ميرو . وجنى بخير؟ قلقتني..!!
تيم : بحزن..بخير يا بابا الحمدلله..لكن…!!! لكن…حصل كارثه يابابا..ومش عارف أتصرف بالشكل الصح..
من جهه خايف ع العيله..ومن جهه تانيه قلقان ومرعوب على اخواتي..ومن جهه مش عايز أقف متكتف.. ولازم.. لازم أتصرف..!!
محمد : بدهشه.. اخواتك..؟!! تمارا و آرين..؟ وكمل بنرفزه ماتتكلم ياتيم..!!
تيم : بنفي..تمارا بخير يابابا متقلقش..لكن…!! وعيونه لمعت..لكن آرين و تالين اتخطفوا انهردا الصبح..!!
محمد : سند على العربيه بصدمه.. وقال.. انت بتقول ايه ياتيم.؟! اء.. آرين وتالين..!!! مستحيل…!!! إزاي حصل ده ياتيم.؟! ومين اللي عمل كده.؟!
تيم : بوجع..حاضر هقول لحضرتك..اللي حصل إن………………..!!!!
وبدأ يتكلم ويحكي لمحمد كل إللي حصل من بداية الخطف..لحد جيسيكا وخطرها.. وإن محدش في العيله لحد دلوقتي يعرف حاجه..!!! وكمل وقال.بصوت مبحوح..
بس يابابا..ومن وقتها وأنا مخنوق ومتكتف..وكنت هتصل على بابا آدم. اسألوا…. لو مكاني كان أتصرف إزاي؟
وازاي اقدر احمي عيلتي من غير مواجهة الخطر.. لكن بابا آدم كان هايفهم إني في ورطه..ومكنش هيسكت غير لما يعرف ويوصل لكل حاجه..
مفيش قدامي غير حضرتك.. لأنك هتفهمني.. وأكيد هتوجهني للطريق الصحيح.. قولي يابابا أعمل أي.. لو بابا آدم كان أتصرف إزاي؟!
Автор: Меріам Насар
محمد : أخد نفس عميق واتنهد بتعب..وقال. لا حول ولاقوة إلا بالله.. اللهم أجرنا في مصيبتنا وأخلف علينا خيراً..
وقال بحزن.. أسمع ياتيم يبني. أنا عارف إنك مش هتستريح طول ما هما بعيد عنك وفي خطر عليهم.. و آرين وتالين ميستاهلوش إللي بيحصل ده..لكن أكيد في منه حكمه.. وبتمنى من ربنا أنه يحفظ بناتنا..
أنا هقولك. جدك آدم زمان ياتيم..كان عصبي جدا.. وغيور على أهل بيته.. لكن مع مرور الوقت والأزمات وخبرة الحياة..بقى بيتصرف بحكمه..
ناهيك عن إن مريم موجوده معاه وكل ده أحنا عارفينه..
لكن احنا دلوقتي بنتكلم عن التصرف.. زمان لما كان في خطر عليك انت ونور من دكتورة إسمها ياسمين ودكتور إسمه أحمد وكانوا بيتاجرو في الأعضاء.. وقتها جدك.. أتصرف بحكمه..وحط خطه محبوكه..
علشان يوقعهم من غير ما حد فيكوا يتأذي..
وكمان حصل مواقف كتير جدا وأزمات اخطر وأكبر..
وديما جدك يقعد لوحدو شويه ويفكر بتركيز..
يفكر في جميع الجوانب.. وايه اللي ممكن يحصل لو اتصرف بعصبيه..؟
وايه اللي ممكن يحصل لو اتصرف بذكاء وهدوء..؟
وديما بيستخدم سلاح الذكاء.. مابيستخدمش سلاح..بيضرب بقوته لكن بطرق متجيش على بال حد..
حتى لو أمكن يزرع شخص بين أعدائه..علشان يحمي عيلته.. أهم حاجة ياتيم..التركيز والهدوء.. أما العصبيه بتدمر صاحبها قبل الخصم..فاهم يبني؟!!
تيم : هز راسه بأقتناع..فاهم يابابا..بس…بس آدم سافر.. وموبايله خارج التغطيه.. ولازم أكلمه لأنه غضبان لدرجة كبيرة جداً.. بس أوصله إزاي؟!
محمد : أنت اللي بتسأل برضو هتوصلوا إزاي يادكتور؟
تيم : فتح عينيه بدهشه..وقال..صح..!! الطياره خاصه..وموجود فيها تليفون. أيوه فعلاً.. طيب انا بجد بشكر حضرتك جدآ يابابا..
محمد : بتحذير.. اوعى تتهور ياتيم.. وطمني على اخواتك يبني.. أنا مش هتصل على حد من العيله علشان الدنيا تمشي بطبيعتها..وهنتظر منك أنت مكالمه تطمني..فاهم ياتيم..!!!
تيم : بحماس..فاهم يابابا..مع السلامه.. وقفل.. وأتصل علي فون الطياره.. مرة واتنين وتلاته.. وآدم مبيردش..
تيم قال بتحدي.. انا هفضل وراك لحد ما ترد يا آدم.. إحنا لازم نكون كتف في كتف.. لازم نتحد..و عيلتنا تفضل ديما بأمان..
——————بقلمي مريم نصار.
في الطياره..
آدم مراد : سايق..وغضبان..ومن شدة غضبه مش شايف غير الانتقام وبس..!!! لدرجة إن جسمه بيتشد من التفكير واللي ناوي يعمله فيهم..
ده غير إن المسافه كمان حوالي أربع ساعات.. وده هيجننه أكتر.. وسامع صوت الفون بره الكابينه..ومش راضي يرد.. لكن الإتصال متكرر كتير..
ونفخ بخنقه كبيره..وظبط الطياره على وضع الطيار الآلى..وقام يرد..
آدم مراد : رد بنرفزه.. ايوه..!!
تيم : نفخ براحه.. وقال الحمد لله.. آدم أنا عايزك تسمعني قبل ما تعمل أي حاجه.واوعا تقفل..!!!
آدم مراد : بخنقه..عايز ايه ياتيم دلوقتي..؟!
تيم : بتروي.. تسمعني..عايزك تسمعني ونفكر مع بعض…
آدم أنت مش لازم تتصرف بغضب..لأ الوقت ده بالذات محتاج تفكير..لازم تفكر بهدوء..
آدم مراد : بصوت غضبان.. أفكر بهدووووء؟!! آرين وتالين اتخطفوا ياتيم.. اتخطفوا..!!
ومش أي حد إللي خطفهم.. أظن أنت كنت واقف وسامع كل حاجه.. وعارف أنهم في ايدين ناس مبترحمش.
وعايزني أفكر بهدوء؟!! أقسم بالله لو آرين وتالين جرالهم حاجه لاشرب من دمها شُرب.. هخليها تشوف على أيدي كل أنواع العذاب..
تيم : مسح ع شعرو ورايح جاي بيسمع آدم وبيفكر.. وقال..
طيب اهدا. أنا هحاول ابسطهالك.. دلوقتي أنت شوفتني وانا واقف وسمعت كل الكلام .تمام ومفيهاش حاجه..
لكن دلوقتي خالو مراد وفهد حطوا خطه.. و آركان جاي.. يعني خالى مراد فكر في حل. علشان خايف ع البنات..
أسمع يا آدم أنا لو مكانك هتصرف زيك بالظبط..وقت اللي بنحبهم بيكونوا في خطر. إحنا مبنشوفش قدامنا..
لكن دلوقتي هما في خطر حقيقي.. وأي تهور ممكن هى تأذيهم..ووقتها عذابك ليها مش هيرجعهم..
..وا……..!!!
آدم مراد : قاطعه بجمود..وقال..ايه الخطه….؟!
تيم : اللي عرفته إن خالو مراد هيجيب آركان ف طياره خاصه تبع الشغل بتاعكم..وفيه تعزيزات أمنية..
وباقي الخطه هيكملوها لما آركان يخرج..
آدم لازم وقت الخطر نكون كتف في كتف يصحبي.. انا عارف إنك قوي..وتقدر تحمي آرين وتالين في وسط الخطر..
لكن إحنا مش عايزين نجازف علشان منندمش.ودول مهما كان بنات ولازم نستخدم ذكائنا علشان أي مخاطره آرين وتالين هما إللي هيدفعوا التمن..
آدم أنت لازم تستنى شويه لحد ما خالو مراد وفهد يوصلوا عندك.. علشان أنت اللي هتحط لينا خطة التصرف وهنتحرك ع أساسها..
آدم مراد : بِشك..لينا مين؟!!
تيم : بجديه..ليا أنا و آركان..ومش عايز نقاش.. لأنك لو اعترضت أنا هتكلم مع بابا آدم.. لأني مش هتحمل نظرة العتاب منه..وكمان ماما مريم..
آدم مراد : بدهاء.. متحاولش تضغط على الوتر.. لأنك عارف في قرارة نفسك إنك مستحيل تقولهم حاجه علشان ماما مريم مش هتقدر تتحمل… وبعدين خلاص شوف انت هتعمل ايه وبلغني..
تيم : طيب بما إنك ظابط مخابرات وكدا.. متقولي اجيلك إزاي.. وخصوصاً أن خالو مراد وفهد صمموا إني أفضل هنا..لكن مش هقدر..
آدم مراد : مسح ع شعرو وقال..لو فرضنا إن آركان هيسافر في طياره خاصه تبع الشغل..ف أنت مش هينفع تسافر معاه.. بابا وخالى فهد.. هيسافرو في طياره عاديه درجة أولى.. رجال أعمال.. أنت بقى هتسافر في نفس الطياره لكن درجة تانيه.. فهمت..؟!
تيم : بتفهم..تمام..ماشي يا آدم. وياريت لما اتصل ع فونك ويجيب شبكه ترد عليا..
آدم مراد : بتنهيده..تمام مع السلامه…وقفل..
تيم : قفل..وبيفكر يسافر امتى..وجواز السفر في البيت.. أممم فكر ياتيم..فكر..طيب مين هيفضل مع رينو وماما فريحه؟!!
أممم. لو قولت لميرو..مش هتتحمل.. ايوووه الدكتوره رودي.. هي أكتر واحده هتقدر تسيطر على رينو..!! هما أصدقاء مقربين جدآ.. وكمان تمارا..
أيوه تمارا وتجيب معاها آيان كمان. أكيد هيهون على رينو كتير..
وأنا و آريان نسافر… أنا هتصل الاول على ميرو أقولها محتاج جواز السفر في أي حاجه وهقنعها بطريقتي.. وبعدها أتصل علي الدكتوره رودي. و آريان..!!
——————بقلمي مريم نصار.
في الجهاز..
المدير : بجدية.. إذن ايه يامراد بعد إللي عمله إبنك ده؟
النقيب آدم قدم استقالته..يعني فيها محاكمة ومجلس تأديب.. وأنا هحوله حالا..!!!
إبنك رفض المأمورية ومضى الاستقالة.وخالف القوانين.. وخرج بدون إذن مسبق مني..!!
مراد : بجديه وثبات..مع احترامي لمعاليك..لكن النقيب آدم بيحب شغله وده رقم واحد في حياته..
ومعاليك عندك كل الخلفيات عن النقيب آدم مراد العدوي..
وأنه مثال مشرف لكل الشباب.. وعندو كفاءه عاليه في مجاله.. ده غير أنه بيحب شغله جداً..وروحه مش ملكه. وبيفدي بيها بلده..
و أكيد النقيب آدم أتصرف بالطريقة دي في عدم استيعاب منه يافندم.. لأن الظروف كانت أقوى من أي تحمل..
المدير : بصوت جهوري.. ظروف إيه دي ياسيادة العقيد مراد..اللي تخليه يتنحى عن وظيفته وأداء مهامه..
مراد : عيونه لمعت وبيكابر..وقال بوجع… آدم مراته واخته اتخطفوا..!! بنتي وبنت العقيد فهد السيوفي اتخطفوا يافندم..!!
المدير : بزهول.. أنت بتقول ايه يامراد؟ وازاي حصل الكلام ده؟
مراد : بص للمدير وقال بعتاب.. بنتي عمرها ١٦ سنه وهي الصغيره.. أصغر بنت ف العيله..
وبنت فهد في تانيه علوم.. بنات بريئه ميعرفوش حاجه عن قسوة العالم الخارجي..
اتحكم عليهم بالموت بسببي أنا وفهد.. بسبب مهنتي وسبب مأمورية من اكتر من ١٨ سنه فاتت؟..عرضت حياة بناتي للخطر..
ودلوقتي ابني هيدفع التمن.. أنا خسرت بناتي وابني في يوم وليله.
أنا مراد آدم العدوي وفهد طارق السيوفي.. فَنينا عمرنا هنا.. واجهنا الموت.. بنفتح دراعاتنا للرصاص وبنقول أهلا بالشهاده.. بعدنا عن أهلنا وناسنا واتحرمنا من العيله أكبر وقت.. علشان نرجع حق المظلوم..
مالناش مطامع ولا لينا هدف غير إننا نشرف البلد ونرفع راسنا بيها.. قدمنا كل طاقتنا. قدمنا روحنا. سعادتنا في امان البلد دي.. فرحتنا لما نلاقي أم في الطريق بترفع أيديها وتدعيلنا من قلبها بالنصر..
آبني آدم مراد العدوي إللي كل الجهاز بيفتخر بيه.. وانا قبل منهم. اللي من قوة إيمانه بالله أنه مش هيخذل اي حد وبيواجه الموت بضحكه..
وقوته في أنه لازم يقضي على العدو؟ لقبتوه بديزل المخابرات. وملفه كله مشرف.. مفيش اي ادانه يتواجه بيها..
هل كل الرصيد ده يافندم مالوش أي التماس معاليك بالعذر لتصرف اخ وزوج عيلته بتواجه الموت؟ وبتواجه خطر حقيقي..بناتي في وسط مافيا في وسط شياطين مايعرفوش يعني ايه رحمه..!!!
المدير : هز راسه بتفهم.. أقعد يامراد… أقعد واحكيلي كل حاجه..!!!
مراد : مسح وشه بأيديه وبيداري دموعه.. وقعد قدامه..
المدير : حط الميا قدام مراد وقال..
أنت قولت مأمورية من أكتر من١٨ سنه.. مين يامراد؟ مين فيهم اللي عايز ينتقم منك أنت وفهد..!!!
مراد : بغضب واضح.. جيسيكا كيڤين. مأمورية الفلاشه قصاد التاج الملكي الصيني..
وقتها فهد اتصاب ودخل في غيبوبة.. وأنا اتصبت برصاصتين. واجهنا موت حقيقي. وأنا قتلت كيفين واتقبض على جيسيكا..
لكن واضح أنها هربت أو خرجت لكن هي منسيتش.. وانهردا خطفت بناتنا واتصلت ع فهد وعايزاني انا وهو علشان تحقق انتقامها..يا إما هتستخدم بناتنا فى طرق غير مشروعة.. يعني الخطر اللي ولادي التلاته فيه يافندم بسببنا إحنا..!!!
المدير : حاول يفتكر..وافتكر القضيه..وهز راسه بزعل.. وقال. احكيلي إللي حصل بالتفصيل يامراد..
مراد : بقلة حيلة ومخنوق وحكى كل حاجه بالتفصيل علشان مستقبل ولاده……..!!!
وكمل وقال.. اتمنى بجد حضرتك تأذن ليا أنا وفهد نسافر لازم نحجز ونتحرك..!!!
المدير : قال.. هتسافر يامراد..هتسافر ومعاك قوه وتعزيزات..علشان تنقذ بناتك..!!
مراد : بتفهم..متشكر جدا يافندم لتفهمك..لكن انا بطلب من حضرتك إني مش عايز اي قوه.. لأنها اكيد مراقبانا. وأي مجازفه فيها حياة بناتي..
كل اللي عايزه من سيادتك طلبين اتنين وبس.. وبتمنى معاليك توافق..!!!
المدير : إيه هى طلباتك ياسيادة العقيد..!!!
مراد : تعزيزات أمنية وسلاح خفيف.. والأذن لأركان السيوفي أنه يسافر معانا..!!!
المدير : مط شفايفه بتفكير..وياترى وجهة نظرك في آركان إبن العقيد فهد في محلها..؟
مراد : بفخر.. آركان ديما متحمس جدا..ونجح في كل الإختبارات في الكليه..ومن سرعته واداؤه اتلقب بالفهد الأسود..!!
المدير : بإعجاب..طبعا أبوه يبقى الحوت وخالو الصقر..
مراد : بص للمدير وقال.. وأخوه الكبير يبقى الديزل معاليك…!!!
——————بقلمي مريم نصار.
في المستشفى :
تيم : في الفون..ها يا آريان عملت ايه؟
آريان : بقلق.. تمارا جابت ليك جواز السفر من مريم.
وهتجيب آيان ولسه هتلبس.
يعني قدامنا ساعه كدا إن شاء الله ونكون عندك..بس ممكن تفهمني إحنا هنروح فين ؟
تيم : لما تيجي هفهمك كل حاجه.. لكن دلوقتي أنت لازم تطلع على المطار..و تحجز أول طياره رايحه على إيطاليا.. هنسافر أنا وأنت..بس أهم حاجة متنساش..تحجز درجة تانيه..
آريان : تنح.. أسافر؟ وإيطاليا؟ ودرجة تانيه؟في إيه ياتيم بجد قلقتني؟ انت هربان من حد ؟
تيم : نفخ بخنقه..قولتلك هقولك كل حاجه لما تيجي..
آريان : تمام..بس تمارا أختك..دانا مصدقت إني اترزع في البيت شويه..ومش عايز مشاكل..
تيم : بجديه.. آريان الموضوع كبير جداً ع فكره.. وتمارا انا هتعامل معاها لما تيجي..
آريان : بجديه..والله..!! وأنا هعرف الموضوع كبير جداً ازاى.. وأنت مش راضي تتكلم..؟
تيم : من بين أسنانه بغيظ..حاضر يا آريان.. آرين وتالين اتخطفوا يا آريان..!!!
آريان : كشر عينيه بعدم أستعياب..اء.. أنت بتقول ايه يا تيم..متهزرش..!!!
تيم : بحزن حقيقي.. ياريتني بهزر يا آريان..ياريتني..!!
آريان : فتح عينيه بصدمه اكبر.. وقال.. مستحيل.. لأ.. تيم.. إزاي ياتيم.. اء.. آرين..!! وتوتا.. توتا ياتيم..!!! طيب..مين وعايزين إيه؟ لو عايزين فديه. أنا هجيب الفلوس واجيلك حالا..بس قولي هما………!!!!
تيم : قاطعه بتعب..وقال لأ ولا فديه ولا حاجه..لما تيجي هفهمك كل حاجه..
أرجوك بقى اعمل اللي قولتلك عليه..واتاكد أنها نفس الطياره اللي طالع عليها خالو مراد وفهد..فاهم يا آريان.. ومش هنبه عليك..محدش يعرف من كبار العيله..!!!
آريان : مردش..ونزل الفون..ومسح على شعرو.. ومش مصدق اللي سمعه..!!!
ومن غير تفكير.. ركب العربيه وطلع بسرعه.. ع المطار يحجز…!!! وحجز درجة تانيه.. وأول طياره هتطلع بعد ساعتين..
ورجع على الفيلا ياخد تمارا و آيان ويطلع على المستشفى..
——————بقلمي مريم نصار.
فيلا السيوفي..
رودي لبست بسرعه ونزلت…
طارق : كشر عينيه وقال رايحه فين البت دي؟
رنا : أنا عارفه؟ ممكن تكون رايحه لچود..
رودي : بتوتر..مساء الخير ياجماعه..
طارق ورنا..مساء الخير يارودي..
طارق : خير يا بنتي انتي رايحه فين دلوقتي؟
رودي : بتفكير.. أحم اء.. أنا.. اه رايحه المستشفي عند آرين..!!
تخيل يابابا..تخيل.بتصل على رينو اطمن عليها..
أكتشف إن رينو وفريحه وآرين وتالين..قاعدين في المستشفى.. كأنهم قاعدين في غرزه.. هههههههه.
وقاعدين إيه بقى يغيظوني..ويقولوا ياعيني يارودي بنتك اتجوزت وجوزك مسافر.. وابنك مشغول بالأكاديمية.. وأنا بقى قلبت وشي عليهم. قوم إيه بقى؟
طارق : أممم..ايه بقى؟ رايحه تاكليهم ولا ايه؟
رودي : هههههه ياريت ياطاروق..لكن للأسف الشديد أنا اتعشيت.. بس رينو فضلت تتحايل عليا.. تتحايل عليا.. إني أروح أسهر معاهم ونقعد مع بعض لحد الصبح.. سهره صباحي يعني.. خمر ونساء هههههه..
طارق : ضحك.. لأ إذا كان كدا..خدوني معاكوا. هههههه.
رنا : شهقت بزهول..وقالت..اما راجل مفيش دم خالص.. إيه اللي بتقوله أنت والمجنونه دي..
رودي : بص ياعم طارق.. أقعد انت بقى مع ست الكل اشرحلها فوائد الجنان والهيبره.. أكون أنا روحت فرفشت شويه من فريحه خانوم أشطا؟
طارق : هز راسه تمام..السواق يوصلك لحد باب المستشفى..واتصلي عليا اول ما توصلي أشطا؟
رودي : حضنت طارق بمرح..حبيبااااااي. هو انا بعشقك من شويه.. أنا لو هشحت كدا..محبش إلا أنت..!!
طارق : بضحكه.. وأنا لو هشحت محبش إلا أنتي يابت يارودي..!!
رنا ؛ ضحكت..وقالت.. سبحان الله.ماجمع إلا ما وفق والله..
رودي : ودعتهم وخرجت بسرعه.. ونفخت بتوتر كبير..
وركبت العربيه..واتصلت ع تيم.. وقالتله اللي حصل..!! وقلقانه جدآ على البنات.. وصعبان عليها رينو واللي بيحصل معاها..!!! لكن قالت لنفسها..
أنها هتعمل المستحيل علشان تهون على صديقة عمرها..
Автор: Меріам Насар
بعد شويه..
في المستشفى.. مراد رجع من الجهاز.. وتيم واقف وسمع كل حاجه قالها مراد.. وإنهم هيقابلوا آركان كمان ساعه ونص في المطار..علشان ياخدوا منه أجهزة التتبع وسماعات بلوتوث للتواصل مع بعض..
فهد : فونه رن من رقم مجهول..ورد عليه وكان آركان.. و. آركان كان قلقان ومش فاهم حاجه.
وفهد مقدرش يتكلم ويشرحله حاجه..
تيم : شافها فرصه. وقال.. أنا هتكلم معاه يافهد.. واخد الفون وخرج بره..وشرح لأركان كل حاجه..
آركان : دموعه نزلت..وقال. آرين..!!! وتالين..!! ع كلامك ده ياتيم..دول ناس خطر جدآ.. طيب محاولتوش تسمعوا صوت آرين وتالين؟ محدش كلمهم ياتيم..؟!
تيم : بتنهيدة ألم.. للأسف هي أتصلت مرة واحدة بس. ومدتش فرصه لفهد يسأل عليهم..
آركان : صك ع أسنانه بغيظ واضح وقال.. أقسم بالله ما هسيبها..ولو حصل حاجه لأخواتي..لايشوفوا أيام سودا.. وبعدين آدم فين..!!
تيم : آدم سافر ومنتظرنا هناك..!!
آركان : منتظرنا.؟! ده إللي هو مين؟
تيم : بتحذير..اللي هو أنا و آريان..واسمعني كويس.. لو حد عرف إني جاي مع آريان.. أقسم بالله يا آركان لاتشوف وش تاني.. واسمعني بقى وركز معايا..
آركان : تمام سامعك..
تيم : أنت هتسافر في طياره خاصه.. وأحنا هنسافر في طياره عاديه..وهنفضل ع تواصل لحد ما نوصل مطار إيطاليا..
وبعد ما خالو مراد وفهد يروحوا القصر.. انا وانت وآدم واريان..هنتقابل عند المطار.. وهنروح اي مكان..علشان آدم يحط لينا خطه ونشوف هنعمل ايه.. اتفقنا؟!!
آركان : بتوعد.. اتفقنا..ده نهايتهم هتبقى سودا إن شاء الله..
——————بقلمي مريم نصار.
بعد شويه.. مراد وفهد خرجوا من المستشفى..
آريان وصل المستشفى..ونزل مع تمارا إللي شايله محمد ومش فاهمه حاجه وشايفه جوزها خايف وقلقان ومش راضي يتكلم.. و آريان شال آيان. ودخلوا المستشفى..
تيم : في المكتب..وقعد جمب تمارا..وقال.. تيما أنا محتاج مساعدتك..
تمارا : بعدم فهم.. مساعدتي أنا؟ خير ياتيم.. أنا تحت امرك ياحبيبي..
تيم : مسك أيدها وقال.. الموضوع مهم جداً..وكمان حساس.. ولازم حد عاقل يقدر يتحمل المسؤولية دي..
تمارا : بقلق..مالك ياتيم؟ قول ياحبيبي إيه الموضوع؟
تيم : اتنهد بتعب. وقال آرين وتالين اتخطفوا..!!!
آريان : واقف مخنوق جدآ..وقلبه مشغول عليهم.
تمارا : كشرت عينيها..وقالت ياريت متهزرش أوكي.. أنت و آريان جايبني هنا علشان أشوف آرين ونتيجة العمليه مش كدا؟
تيم : هز راسه بحزن.. وقال. لأ.. أنا بقول إللي حصل..
تمارا : قلبها دق..وقالت بصدمه.. آرين وتالين..!!! وهزت راسها بصدمه..وقالت.. مستحيل.. مستحيل اللي أنت بتقوله ده.. وعيطت وكملت.. اتخطفوا إزاي ياتيم..؟ وامتى..؟
تيم : مسح دموعها.. وقال. تمارا إحنا في وقت محتاجين فيه نقوي بعض.. وأنتي دورك كبير في المهمه دي..انتي لازم تساعدينا علشان نرجع بيهم من غير شوشره.. أنتي عارفه إن جدو وناناه لو عرفوا مش هيقدرو يتحملوا وخصوصاً أنهم بره مصر..
تمارا : شهقت بصدمه..بره مصر..؟! قولي ياتيم أنت عايزني أعمل أي وانا هعمل إللي أنت عايزو..
تيم : مسح وشه بأيديه وقال.. دورك تخلي بالك من رينو وماما فريحه.. مش عايز عينيكي تغيب عنهم دقيقة أنتي والدكتوره رودي.. وأنا كلفت أمن هيقفوا ع أوضتهم.. وكمان كريم وياسين هيكونوا موجدين بره الأوضه.. فهمتي ياتمارا؟!!
تمارا : عيطت بوجع وقالت حاضر ياتيم..حاضر..!!!
تيم : باس ع راسها..وقال إن شاء الله هنرجع بيهم.. أنتي بس خليكي قويه.. أنا هروح دلوقتي أتكلم مع رينو وماما فريحه.. وقام وخرج..
تمارا : ضمت محمد لقلبها وعيطت بصوت كله وجع وخوف..
آريان : قعد جمبها وضمها لقلبه بحنان وقال.. إن شاء الله هنرجع بيهم ياتمارا..
تمارا : بترجي.. أرجوك يا آريان خلي بالك من نفسك.. وارجعوا بخير.
آريان : مسد ع ضهرها وقال.. إن شاء الله ياحبيبتى..
رودي وصلت واتصلت ع طارق وطمنته..وقفلت بحجة الشبكه.. وراحت مكتب تيم قعدت مع تمارا لحد ما تيم يخرج من عند رينو..
——————بقلمي مريم نصار.
في اوضة رينو وفريحه..
رينو : قاعده ع السرير..وباصه قدامها وساكته من الصدمه.. وأنها أكبر من تحملها لفقدان بنتها..
فريحه : نايمه ع جمبها..ودموعها نازله بصمت..
تيم : دخل..وشاف وضعهم.. وقرب من فريحه.. وساعدها تتعدل.. وقال.. ممكن تبطلي عياط.
فريحه : بوجع وحرقة قلب.. بنتي ياتيم..هاتولي بنتي.. أنا مش هقدر أعيش يوم واحد من غيرها..
تيم : عيونه لمعت. وقال. هترجع.. إن شاء الله هترجع.. إحنا خلاص عرفنا هما فين..!!
فريحه : فتحت عينيها بأمل..وقالت بلهفة قلب أم..فين..؟! تالين و آرين فين ياتيم..؟!
تيم : حاول يبتسم بتمثيل..وقال. في مكان بعيد شويه. واللي اخدوهم محتاجين فلوس مش أكتر..
فريحه : برجفه..فين مراد.. قوله ياخد كل حاجه ويدهالهم..مش مهم الفلوس..بس يرجعوا..
تيم : ربت ع أيدها وقال..وده إللي إحنا هنعمله.. لكن مطلوب من حضرتك أنتي ورينو تعملوا حاجه صغيره أوي..
فريحه : هزت راسها.. أنا هعمل أي حاجه.. بس يرجعوا..
تيم : هز راسه ليها..وقام قعد جمب رينو.. ومسك أيديها..وقال بترجي..علشان خاطري. قولي أي حاجه..
رينو :…………..!!!
تيم : بوجع..مسك وشها وقال..رينو ردي عليا.. أنا تيم. وبوعدك إن آرين هترجع بخير..
رينو ؛…………..!!!
تيم : بجديه.. رينو.. أنتي عايزه آرين ترجع ولا لأ؟
رينو : عيونها لمعت.. ودموعها نازله بصمت..
تيم : بأمل..طيب اقولك على حاجه..بس الأول قولي أنتي بتثقي فيا ولا لأ.. بتثقي في تيم مش كدا؟
رينو ؛ هزت راسها بتعب..
تيم : مسح دموعها وقال..طيب ياحبيبتى وأنا قد الثقه دي.. وبقولك إن آرين بخير..
رينو : رفعت عينيها ليه وقالت بوجع كبير.. اوعدني. إنك ترجعلي بنتي..!!
تيم : بإستسلام.. أوعدك.. أوعدك إني هعمل المستحيل علشان آرين وتالين..وعلشان محدش من العيله يشك في حاجه.. لازم انتي وماما فريحه.. تتصلوا على بابا آدم. علشان هو الوحيد اللي لازم ميحسش بحاجه.. خالو مراد خايف ع ماما مريم وماما رنا..!!!
لو عايزين البنات ترجع بجد بخير..ومن غير ما حد من العيله يحصله حاجه..لازم تكلموهم وانتوا طبيعين جدآ..وكأن مفيش اي حاجه حصلت.. أنا لازم امشي دلوقتي..
وأنا مأمنكم كويس.. الدكتوره رودي و تمارا وكريم وياسين هيفضلوا معاكم. لحد ما نرجع إن شاء الله.. وجه يقوم..
رينو : مسكت ايدو وقالت..هما فين يا تيم.. وفهد ومراد وآدم فين؟ قولي الحقيقة أرجوك..
تيم : بحيره.. أحم.. هما لسه خارجين دلوقتي..
وأنا لازم احصلهم.. أنا كل شويه هتصل عليكم اطمنكم واطمن عليكم.. تمام.. بس عايزين دعواتكم..
رينو وفريحه غضموا عينيهم..ودعوا بذل كبير..
تيم : ودعهم وخارج..
فريحه : بدموع تعب.. أنا هاقوم اصلي ركعتين وادعيلهم.. قومي يا رينو انتي كمان.. قومي وإن شاء الله ربنا هيسترها مع بناتنا..
رينو : مسحت دموعها وقالت. حاضر يافريحه..لازم نصلي.. وبعدها نتصل على بابا…!!!
Автор: Меріам Насар
تيم في الطرقه.. بيشرح ل كريم وياسين.. وأنهم مهمتهم حماية رينو وفريحه.. وراح عند تمارا ورودي.. وقال..
امسكي يا تمارا..ده برشام منوم.. بعد الفجر تديه لرينو وماما فريحه.. وخلي بالك من نفسك.. وبص لرودي وقال…وأي حاجه تحتاجولها عندكم كريم وياسين تمام..؟!
تمارا : بحزن.. حاضر ياتيم..وربنا معاكم..
رودي : شايله آيان..وقالت بحزن..خلي بالكم من نفسكم ياولاد..وربنا معاكم وطمنونا..
تيم : بص في الساعه وقال.. إن شاء الله..ويدوبك نتحرك يا آريان.. يلا بينا..
آريان : ودع تمارا وابنه.. وخرج مع تيم…!!
كريم : راح وراهم. وقال يلا تعالوا هوصلكم المطار بسرعه وهرجع..
تيم و آريان ركبوا مع كريم.. وطلعوا على المطار.. وشافوا مراد وفهد طلعوا الطياره.. وبعدها هما ركبوا.. واستودعوا نفسهم عند الله..
بعد كدا لما سافروا إيطاليا..
عند المطار.. بعد الفجر.
آدم مراد : واقف بعيد وشاف مراد وفهد بيركبوا مع اوليفر. وصك على أسنانه..وضرب قبضة أيدو بغضب..
وبعد كده.. شاف تيم و آريان و آركان خارجين من المطار…!!!
آركان : معاه شنط كبيره وخارجه بأمر من مدير الجهاز المصري بمساعدة وموافقة الشرطه الايطاليه.. من المطار..
آريان : شاف آدم مراد واقف..وملامحه جد جدا.. وقال.. آدم هناك أهو ياشباب..
تيم : تمام.. يلا بينا نقابله..
آدم مراد : شاور ليهم يمشوا وراه..وراحوا على فندق. آدم حاجز فيه غرفه.. وطلعوا..
آركان : قاعد ساكت..ومخنوق جدآ..
آدم مراد : بجديه..الخطه ايه يا آركان..!!
آركان : قفل السماعه اللي ف ودنه لدقايق علشان مراد وفهد مايعرفوش ب تيم و آريان.. وكمل بجديه..
انا و الحوت والصقر بنتواصل عبر سمعات صغيره.. وكلمة السر هي .M-H-S-D أول حرف من ماكس وهاسكي وساهيل ودارلي اربيان.
وكل واحد فينا حاطط جهاز تتبع في الكوتشي علشان لو فتشوهم. مايكتشفوش الجهاز.. ودلوقتي.. إللي أخد الحوت والصقر إسمه اوليفر..
ورايح بيهم على قصر جيسيكا.. ولازم نتحرك بعد عشر دقايق.. لأني سمعت الحوت قال للصقر إن مسافة الطريق من المطار لقصر جيسيكا. حوالي ٨٠ كيلو.. يعني حوالي ساعه ونص تقريبا علشان يوصلوا القصر.. والخطه إني أكون قريب من القصر وقت الخطر أنا والديزل..!
آدم مراد : هز راسه تمام..وفتح الشنط بخنقه.. ومسك الصديري الواقي.. وقال تيم و آريان وأنت كل واحد يلبس صديري. وبسرعه علشان نتحرك.. وكل واحد يحط معاه جهاز تتبع.. وسلاح.
بعد كدا كل واحد عمل اللي آدم قال عليه..
تيم : ركب السماعه..وقال.. طيب يا آدم..الخطه إيه؟
آدم مراد : مسك ال آر بي جي. وبيحطه في الشنطه السلاح.وحط السكينه في جيب جانبي..وقال بتوعد.
مفيش خطه..!! إحنا هنتحرك على حركة جيسيكا.. لأني معرفش هي ناويه على إيه..
لكن انا هتواصل معاكم تعملوا إيه.. وحط سلاحين في جيبه الخلفي.. وقال يلا بينا.. والكل نزل..
آركان : باصص في خريطة الفون..وقال..احنا هناخد تاكسي بسرعه لأنهم بعدو كتير..
آدم مراد : فتح باب عربيه وقال.. أنا عامل حسابي يلا اركبوا..
تيم ركب جمبه. و آريان و آركان ركبوا في الخلف..
آدم مراد : حط فونه قدامه وساق بسرعه.ورا جهاز التتبع.!!!
آركان : بقولكم ايه ياشباب.. أنا هشغل السماعه.. ياريت بقى محدش يتكلم غير لما يديني اشاره علشان الحوت والصقر محدش يسمعكم.. علشان مش عايز حد فيهم يتشتت..!!!
تيم : هز راسه بتفهم.. وقال.. تمام متقلقش يا آركان..
آركان : شغل السماعه.. وسمع صوت العربيه. و اوليفر.. وقال بهمس.. M-H-S-D ولما سمع صوت الاشاره.. آركان..قال.. أنا مع الديزل ورايحين وراكم في طريقنا للمزرعه..!!
مراد : عطاله اشاره أنه سامعه..
——————بقلمي مريم نصار.
بعد فتره وصلوا عند القصر. لكن الشباب بعيد بمسافة مناسبة علشان محدش يحس بيهم..
آدم مراد : في العربيه..وعايز ينزل..لكن ماسك نفسه بالعافيه..
ولما سمع صوت جيسيكا وطريقتها في الكلام مع مراد وفهد.. أقسم أنه هيقتلها بأيديه..
والكل قلبه وقع في رجليه..لما سمعوا صريخ أخته تالين..
وآدم مقدرش يتحمل..وقال بخوف تاليين..!! ونزل من العربيه.. لكن تيم و آريان و آركان نزلوا بسرعه..ومنعو آدم بالعافيه..
آدم مراد : خبط أيدو ف الشجره من الغيظ وقلة الحيلة.. لكن أنتبه ع شرط جيسيكا.. إن مراد يدخل القصر وفهد يركب العربيه..
آدم شاور ليهم يسمعوا بتركيز.. وسمعوا تهديد اوليفر لمراد.. أنه هيفجر القصر..
تيم : فتح عينيه بصدمه..وقال.. طيب والعمل..؟!..
آدم مراد : من بين أسنانه..محدش هيتحرك من هنا غير بعد مايخرجوا من القصر..
آركان بدقة قلب.. آرين..!!! آرين هناك أهي هى وتالين..
آدم مراد : رفع عينيه بسرعه..وقلبه دق بخفقان.. لأنهم متحاصرين بأسلحة وحرس كتير.. وفعلاً اي خطوه غلط..هيندموا..
وآدم عينيه مفتوحه زي الصقر وبيحفر نهايتهم وبيقسم بنظرة عينيه اللي كلها غيظ أنه هيقتلهم بأبشع الطرق.. وعينيه على آرين وتالين لحد ما اختفوا..!!!
آركان : عينيه على جهاز التتبع بتاع فهد.. وبعد ١٠ دقايق.. قال..الجهاز وقف هنا.. أكيد ده القصر إللي قال عليه..
تيم : لازم حد يروح ورا فهد..
آريان : ماهو آدم قال ياتيم..لو مشيتوا وراهم هيشكوا فينا.. ولازم عربيه تانيه..هنعمل ايه؟
آدم مراد : بص في الساعه..وقال بجدية.. اسمعوا وركزوا كويس..
الكل ها معاك أتكلم..
آدم مراد : في خمسه حراسه قدام باب القصر الداخلي. و أربعه واقفين قدام القصر.. أنا هروح عند بوابة القصر الخلفيه..وهدخل بطريقتي.. وهحط قنبله تحت أي عربيه.. وأكيد كل الحرس هيجروا ع العربيه.. في الوقت ده.. أنت ياتيم تدخل تاخد أقرب عربيه تقابلها.. وتطلع ورا فهد.. وأنت يا آريان. خليك جمب العربيه دي علشان السلاح.. وأنت يا آركان. مش هتتحرك غير لما أقولك..
آركان : بقلق..طيب وخالو مراد؟ هيفضل جوه كتير؟ المكان ملغم يا آدم..
آدم مراد : بجديه.. أنت اللي هتدخل تفك بابا وتخرجه..
لكن متتحركش غير لما اشوش على الكاميرات واسيبها عند وقت محدد.. أتفقنا؟
آركان : بحماس.. أتفقنا..
آدم مراد : فتح شنطة العربيه..واخد حبل. وجهاز التشويش. والقنبله.. ومشي بسرعه وبخفه ووصل لخلف القصر..
وشاف شجره جمب بوابة القصر.. وطلع ع البوابه. ووصل السور ومشي عليه كام خطوه..وربط الحبل في الشجره علشان لو حصل اي حاجه يتحرك بسرعه..
ونط من على السور.. ومشي بحذر بين الشجر.. وشاف حارس رايح جاي قدام الباب والشجر.. واستخبى بسرعه.. ولما الحارس مشي.. آدم اتحرك بخلسه.. وقرب من عربيه.. وحدف القنبله اليدويه تحتها.. وانفجرت.. وجري بسرعه من الإتجاه المعاكس..
كل الحرس من غير تفكير جريوا عند البوابه الخلفية يشوفوا ايه الانفجار ده.
آركان : بتفكير.. استنى ياتيم.. أنا بسرعه هجبلك العربيه.. ودخل بسرعه كبيره وخفه.. وفتح باب العربيه بطريقته.. وساقها.. وخرج لتيم..
تيم : جاب سلاحين وزخيره علشان فهد..وركب بسرعه..وقال ل آركان… لو حصل حاجه طمني لحد ما اشغل السماعه..
آركان : هز راسه تمام اتحرك أنت..
تيم : ساق بسرعه..
آدم مراد : جري بسرعه.. ودخل القصر من المطبخ.. وقال في السماعه..بابا..!!
مراد : بيحاول يفك نفسه..وسمع صوت آدم.. وقال آدم..؟ أنت فين؟
آدم مراد : متقلقش يابابا أنا جمبك..
مراد : بخوف..أخرج يا آدم القصر ملغم بالمتفجرات يابني.. اخرج بسرعه ورجع أختك ومراتك..
آدم مراد : بخنقه.. أرجوك حاول تهدا وكل حاجه هتكون تمام..المهم دلوقتي..عايزك بما إنك عارف قصر جيسيكا.. عايزك تقولي غرفة المراقبه فين بالظبط؟ علشان مفيش وقت..!!!
مراد : غمض عينيه بتركيز..وبيحاول يفتكر..وقال.. فهد كان بيقول في اسانسير في القصر.. وتاني غرفه على يمين الاسناسير أو اول غرفه مش فاكر بس هى هناك انا متأكد..!!!
آدم مراد : هز راسه تمام..وخرج بحذر.. ودخل أول غرفه..ملقاش فيها حاجه.. وراح عند الأوضه التانيه.. وشاف فيها كل الأجهزة..
آدم مراد : شاف أبوه متكتف..والمنظر ده كفيل يخليه يولع في ايطاليا كلها.. وقال بغيظ حقيقي.. بابا حاول تعمل إنك بتفك نفسك علشان أوقف الكاميرات..
مراد : بصمت..حاول يفك نفسه بجد..
آدم مراد : وقف كل الكاميرات..عند آخر حاجه..
آدم مراد : سمع صوت الحرس بره بيدورو ع إللي عمل كدا.. وقال في السماعه.. آركان ٥٩ ثانيه وتدخل تاخد بابا وتخرج..
آركان : بص في الساعه وقال.. تمام..
آدم مراد : خرج من الباب الخلفي.. وبدأ يضرب الحرس..في أماكن معينه يخليهم يغيبوا عن الوعي..!!
واحد ضرب نار على آدم ومجتش فيه.. وآدم حدفه بالرشاش في وشه..واتألم ووقع على الأرض.. وآدم قرب منه.. وضربه وربطه في الشجره بالحبل.. وأي حد يضربه يحطه جمب الحارس ده ويربطه..
آركان : في الوقت المناسب..جري بسرعه..ودخل القصر.. وقال خالو مراد.. أنت فين؟ في أنهي دور..
مراد : في الدور الأرضي.. في عمود فرعوني.. وقدامه مرايه كبيره.. دي الأوضه..دي مش مرايه..
آركان : اتحرك بسرعة.. وشاف المرايا.. وقرب منها.. ومفيهاش اوكره.. وقال طيب أنت ورا الباب؟
مراد : اوعى تضرب نار..في قنبله جمبي..
آركان : بتفكير..حسس بأيديه على الباب كويس جدا.. وشاف خط صغير..ومشي ورا الخط وشاف برواز.. وشاله..وشاف زرار.. وضغط عليه.. والباب اتفتح.. ودخل جري ع خاله.. وقال بلهفه..حضرتك كويس..
مراد : هز راسه انا تمام..بسرعه فكنى..لازم ألحق فهد..الإتصال انقطع بيني وبينه..
آركان : قلق جدآ ع أبوه.. وفك مراد وخرجوا بسرعه وشافوا الحرس متربطين..
مراد : شاف آدم واقف قدام الفيلا وراكب ريس من بتوع الحرس.. وكأنه اطمن ع أبوه.. واتحرك بسرعه على القصر التاني..
آركان : قرب من الحرس.. وفتشهم.. واخد اللاسلكي.. و الريموت كنترول للتحكم في المتفجرات.. وقال للحارس.. هل ستصلك رساله بالتفجير؟!
الحارس : بألم..أجل..من سيد كارلوس..!!!
آركان : ضغط ع جرحه وقال بغيظ..حسنا..وبما تجيب عليهم عندما يطلبوا منك شيئاً.. وفتح تسجيل الفون. وقربه منه..
الحارس : قال بألم.. أجيب. امرك سيد كارلوس..!!!
آركان : هز راسه..لا ليس هكذا.. أنا أريد أن أسمعها بطريقه ايمائك للعمل وبدون ألقاب أحد هنا.. هيا تكلم الآن وإلا وضعتك في القصر وفجرته الآن..
الحارس : هز راسه بالرفض..لا لا أرجوك..لا تفعل.. حسنا ساتكلم..
آركان : قرب الفون منه..وقال تحدث..
الحارس : حاول يتكلم وقال.. حسنا.امرك سيدي..!!!
آركان : سيڤ التسجيل..وقام وقف وقال للحرس بشماته..
حاولوا أن تفكوا تلك القيود قبل إنفجار القصر.. إلى اللقاء..
مراد : مهتمش للحرس.. وقال أتحرك يا آركان…لازم نلحق فهد.. ورايح ع عربيه من بتوع القصر..
آريان : شاور لمراد وهو في العربيه..وقال عمى تعالوا يلا..
مراد : أتصدم.. آريان..!!! وبص ل آركان..!!
آركان : هز راسه هفهم حضرتك في الطريق يلا بينا..
مراد : ركب جمب آريان.. و آركان في الخلف.. واتحركوا.. وحكوا لمراد كل حاجه..
آركان : أتصل على تيم وقالوا شغل البلوتوث خالو عرف كل حاجه..
مراد : بجديه.. أنت فين ياتيم..!!!
تيم : أنا واقف عند القصر التاني.. وع فكره في حرس كتير جدا.. وهنحتاج سلاح تاني أكيد..
آريان : متقلقوش ياجماعه.. آدم قالي نفس الكلام.. وأنا أخدت كل الأسلحة إللي مع الحرس هناك.. كله تمام..
آركان : تمام جدآ.. وكمل بدهشه.. اسمعوا كدا..؟! في اشاره من اللاسلكي..!!!
كارلوس : ميشيل فجر القصر الآن..!!!
آركان : صك ع أسنانه بتوعد..وشغل التسجيل.. حسنا سيدي.. وضغط على الريموت كنترول.. واتفجر القصر..
تيم : في العربيه.. وشاف شاب واقف قدام البحر ومعاه كلب حراسه وواضح أنه حزين.. وكأنه بيكلم الكلب وبيهون عليه..وده سفيان..
وفاجأة.شاف حركه غريبه..في القصر.. وازاز من الدور التاني بيتكسر.. وقال في السماعه.. في حركه غريبه وتكسير ازاز في الدور التاني..
مراد : غمض عينيه بغيظ..وقال.فهد..؟! أكيد فهد..!! اكيد جيسيكا عملت حاجه خلته يفقد السيطرة على نفسه..
وزعق بصوت عالى وقال بأمر.. أتصرف وادخل لفهد ياتيم.. لازم يكون معاه سلاح..!! وأحنا جايين حالا..
تيم : هز راسه حاضر.. واخد السلاح. ونزل بسرعه.. واتحرك..وكانت في عربيه خارجه من القصر..وتيم بيجري ودخل القصر لفهد..
——————بقلمي مريم نصار.
في نفس الوقت ده..
كان سفيان واقف قدام البحر مع كاسبر إللي هو الكلب بتاع جدو رؤوف زيدان السلماني..والد هيلينا.. وكاسبر كان حزين جدا على فراق رفيقه.. وسيفان خرج وخد كاسبر في العربيه لحد ما وصلوا عند البحر ونزلوا..
سفيان : شاف الحارس وهو شايل تالين..ومن وقتها شك أنها تكون مخطوفه أو مغصوبه على أمر ما..!! ولما شاف بعدها على طول.. آرين على اليخت بنفس الطريقة.. شكه اتحول ليقين أنهم مخطوفين..
وقال أنا لازم أتصرف.. أيوه انا هاتصل ع الشرطه.. لكن اتفاجىء بوصول الديزل..
آدم مراد : سمع إللي حصل..وداس بنزين أكتر ووصل القصر ونزل..
ولما سمع من سفيان..مفيش قدامه حل..ومش هينفع يقول لتيم ارجع من عند فهد..
لكن أخد جهاز التتبع بتاعه..وحطه في عربية سفيان.. ولما آدم ركب اللانش.. قال في السماعه لمراد..
بابا.. آرين وتالين اتفرقوا واحده في البحر وواحده على الطريق.. أنا في البحر. أطلع أنت ورا جهاز التتبع بتاعي بسرعه..
في عربيه ماركة (….) رقم (…..) وكمان معرفش مين فيهم اللي في العربيه إللي طلع وراها..آرين أو تالين.. بسرعه يابابا أنا مش ضامن الشخص ده..!!
مراد : قلبه بيدق بقلق..ماشي يا آدم.. أطلع يا آريان بسرعه..!
آركان : بص حواليه وبيفكر..وقال لنفسه في البحر؟ وأكيد جيسيكا مش لوحدها..و آدم هيبقى لوحدو وشاف الجسر.. وقال طيب نزلني هنا يا آريان لازم أكون مع آدم..
آريان : وقف..وقال بسرعه يا آركان..وخلي بالك..
آركان : نزل.. وجري بسرعه عدا الطريق. وفضل يجري بأقصى سرعة علشان يوصل الجسر..
مراد : فاتح التاب على جهاز تتبع آدم وقال. أهو يا آريان.. أمشي قدامك على طول..
آريان : داس بنزين وساق بسرعه.. وعدا من قدام القصر.. وسامعين ضرب النار..
مراد : بص ع القصر وصك ع أسنانه بغيظ.. وقال.. اكيد فهد محتاجلي..أكيد..!!! بس الصبر.
بعد دقايق..
آريان : قال عمي.. الاشاره بتقرب مننا.. أكيد الشخص راجع من نفس الطريق..
مراد : بيهز رجله بنرفزه وقلة صبر..وقال ايوه.. ايوه خليك مكمل ونقابله في الطريق..
Автор: Меріам Насар
سفيان : سايق..وبص ع تالين.ولسه مغمى عليها.
وشاف الدم إللي على وشها.. وقال أكيد لو فاقت وشافت الدم ده..هتخاف. وجاب منديل.. ورفعه ع وشها..
لكن قال لنفسه.. إيه ياسفيان.؟! تخيل أنها فاقت دلوقتي وشافتك وأنت بتمسح ليها وشها. هتفكر إزاي وقتها.. وبعدين أفرض الشخص ده كان جوزها.او خطيبها…!!! أنت شوفت كان غضبان إزاي..لأ لأ انا أحسن حاجه.. أوصلها للشخص ده زي ما هى كدا..
و سايق… وخلاص قرب من القصر..
لكن جت عربيه جيب سودا. ووقفت قدامه..!!!
مراد : بدقة قلب أيوه هي دي العربيه يا آريان.. ونزلوا بسرعه..
سفيان..شاف اتنين نازلين بسرعه.. ومراد أتحرك بسرعه وفتح الباب اللي ناحية تالين..!!!
سفيان. قال بحذر شديد.. لا تقترب منها ياهذا..!!
مراد : مردش..وشاف وشها كله دم..وفتح عينيه بصدمه.. وهمس برعب..تا…تالين..!!!
آريان : رغم رعبه عليها لكن شاف سفيان هيتحرك.. وقال.. أهدأ انه والدها..
سفيان : شاف خوف مراد وأيدو بترجف على وش تالين.. وقال بسرعه.. مهلا مهلا.. أنه دماء من شخص آخر.. أنها بخير اطمئن..
مراد : بينهج بخوف ومردش..وشال تالين بسرعه.. وراح عند العربيه بتاعتهم..
آريان : نفخ براحه كبيره..وقال. أنا أشكرك على مساعدتك لنا في هذا الوقت.. نحن مدينون لك بالكثير.. أشكرك كثيراً..
سفيان : أبتسم..وقال. أنا لم أفعل شيئاً.. وحمدا لله على سلامتها.. أتمنى أن تكون الأمور بخير..
آريان : هز راسه أجل كل شيء سيكون على ما يرام.. معذرة يجب أن أذهب الآن.. ولنا لقاء معك بالتأكيد.. لا تذهب حسنا..؟!
سفيان : هز راسه بهدوء..حسنا.. ولكن لحظة رجاءا.. وجاب علبة مناديل كبيره.. وقال.. تفضل هذا ستحتاج إليه لكي تزيل الدماء الملطخ على وجه الفتاة..وإن كنت تريد شيئا فأنا معك بالتأكيد..!!
آريان : هز راسه ليه..وقال اشكرك كثيراً..ف انت حقا رجل رائع..
وخد المناديل.. وودع سفيان.. وراح بسرعه عند مراد وتالين…
سفيان : ركب العربيه..وشاف خوف أب حقيقي على بنته.. وأبتسم وقال.. نفس خوف بابا علينا بالظبط.. واتنهد.وبص لكاسبر وأبتسم.. وشغل العربيه واتحرك..!!!
مراد : نيم تالين في الكرسي الخلفي.. وقلبه هيقف من الخوف عليها.. ومسك أيدها.والنبض شغال..ونفخ براحه كبيره..وبدأ يفوقها.. تالين..تالين يابنتي ردي عليا..!!!
تالين :……….!!!
مراد : أيديه بتترعش لأول مرة.ومحتار.. لكن جاب بسرعه ازازة ميا..وعلبة المناديل..وبيمسح الدم.. وعيونه لمعت..وقال برعب..
تالين انتي بخير يا بنتي..انا جمبك.. أبوكي جمبك ومعاكي ياقلب أبوكي..متخافيش أنا معاكي وانتي بخير.. بس ردي عليا.. ردي على ابوكي ياتالين..
تالين :………….!!!
مراد : بيحط ميا على المناديل وينضف وشها.. والمناديل خلصت..
آريان : جه بسرعه..وقال اتفضل يا عمي مناديل كمان..
مراد : بلهفه.. أخد المناديل..وقال اقفل ازاز العربيه وخليك بره يا آريان..
آريان : حاضر.. وخرج وقفل الباب و كل الازاز..
مراد : فك حجاب تالين علشان عليه دم.. وقلع التيشرت بتاعه.. ومسح وشها بيه..وفستانها..وحاول على قد ما يقدر يخفي آثار الدم من عليها. وجاب المناديل..ونضف وشها خالص..
واتعدل بيدور في العربيه على اي برفان.. ودور في درج العربيه.. وشاف ازازة برفان..ورش ع أيديه الاول.. وبدأ يفوقها..
تالين : بدأت تأن وتفوق..
مراد : ضحك بدموع..ومسك وشها بايديه وقال بدقة قلب أب.. تالين بنتي..!!!
تالين : فتحت عينيها..وغمضت تاني بتعب..
مراد : شدها لحضنه بقوه..وغمض عينيه وبيضحك..وقال ألف حمد وشكر ليك يارب..
تالين : رجعت لوعيها..وهمست.. بابا..!!
مراد : ضمها لقلبه أكتر وقال..ايوه بابا ياحبيبتى.. أنا هنا جمبك ومعاكي متخافيش من حاجه..
تالين : قلبها دق بأمل جديد وفرحه كبيره.. لكن عيطت بوجع كبير..وكلبشت في أبوها..وقالت بشهقات..بابا..بابا أنا مش مصدقة.. الحمدلله إنك معايا..بابا أنا كنت خايفه أوي..خوفت اوي يابابا.
مراد : مسح دموعه.. وطلعها من حضنه..ومسك كتفها.. وقال.. أنتي بنتي وعمرك ماتخافي من حاجه.. طول ما انا عايش وبتنفس على وش الدنيا دي..؟ عايزك تعرفي إنك في أمان.. أوعي تخافي ابدا ياتالين..
تالين : بشهقات..غصب عني صدقني يابابا.. أنا خوفت اوي إن حد يأذيني في نفسي.. خوفت اوي إن حد يكشف شعري أو………!!!
وفتحت عينيها بصدمه.. لأنها شافت شعرها..
مراد : مسد ع شعرها بحنان وقال..متخافيش أنا اللي فكيت حجابك.. محدش يقدر يقرب منك.. أنتي ديما عندك ثقه في ربنا أنه هيحفظك مش كدا؟
تالين : هزت راسها بدموع..ثقتي في الله كبيره جدا يابابا.. لكن خوفي ده طبيعي مش قلة إيمان صح يابابا؟
مراد : باس جبينها وضمها لقلبه وقال.. الخوف وقت الخطر طبيعي جدا ياحبيبتى.. لكن ثقتك بالله أنه هيحفظك.. هو اللي وصلنا ليكي في الوقت المناسب..
تالين : غمضت عينيها وخرجت منها شهقة وتنهيدة تعب..وقالت الحمد لله..
مراد : باس راسها..وقال حمدالله على سلامتك ياقلب أبوكي..
تالين : الله يسلم حضرتك من كل سوء..
مراد : يلا خدي اشربي شوية ميا.. والبسي حجابك بسرعه علشان لازم نتحرك.. ومتخافيش من نقط الدم إللي عليه.. تمام؟
تالين : هزت راسها حاضر يا بابا.. وشربت ولبست الحجاب برعشة في أيديها وجسمها من الرهبه. وبعدها شهقت وحطت ايدها ع بوقها وقالت.. آرين..؟! آرين فين يا بابا..؟!
مراد : حب يطمنها..وقال.. آدم راح يجيبها.. وآرين بخير اطمني.. وفتح باب العربيه وقال..يلا بينا يا آريان..!!!
تالين : فتحت عينيها بدهشه.. أبيه آريان؟!!
آريان : ركب وأبتسم.. حبيبتي ياتوتا.. حمدالله على سلامتك..عامله ايه دلوقتى؟
تالين : بدهشه.. الحمد لله يا أبيه..حضرتك موجود هنا؟ أنا مش مصدقة..طيب إزاي؟
آريان : شغل العربيه وساق..وقال..لااا.. دي قصه طويله.. نبقى نقولها بعدين..!!
تالين : هزت راسها بتفهم..وبصت ل مراد..وقالت بوجع..بابا.. انا عايزه اطمن على ماما..!!
مراد : بتنهيدة تعب..حاضر ياحبيبتى..اول ما نتجمع كلنا..وقبل مانرجع مصر.. هخليكي تطمنيها بنفسك..
وبص ل آريان..وقال.. ع القصر بسرعة البرق..!!!
آريان : هز راسه وقال..دقيقه واحده بالظبط ونكون هناك..
——————بقلمي مريم نصار.
عند الجسر..
آركان : بيجري بسرعه..وشايف اللانش والحرس وآدم بيضربهم.. وقال لنفسه.. عددهم كبير لازم أوصل بسرعه..
وبيجري لكن فاجأه شاف آرين على حافة اليخت.. وفتح عينيه بصدمه..وخاف حرفياً أنها ترميها في البحر.. وزود سرعته بعزيمه أكبر.. لكن شاف آرين بتقع في قلب المياه.. قلبه وقع في رجليه..واترعب حقيقي..ومن غير تفكير نط من ع الجسر….رغم إن الجسر عالي جدا.. وانقذ آرين من موت محتوم…!!!
آدم مراد : بيضرب فيهم وبيتفادى الطلقات.. لكن جيسيكا وهي بتضرب عشوائي..ومن قوة السلاح وقرب المسافه.. رغم الصديري الواقي..رصاصه اخترقت كتف آدم وخرجت من الاتجاه التاني..
..ومتماسك لأقصى درجة..ومبيفكرش غير في انتقامه من جيسيكا….!!
بعد ثواني بس..
آركان : ف اللانش..شغل السماعه..وبلغ مراد.. لكن تيم مبيردش..وقال تيم..!! تيم..!!! ونفخ بخنقه وقال لنفسه.. أكيد السماعه بتاعته باظت..!!
مراد : أبتسم.. وبص ل تالين وقال.. آرين بخير ياحبيبتي.. آركان طمني بنفسه..وجايين دلوقتي في اللانش..
تالين : ضحكت بسعاده وقالت.. الحمدلله.. الحمدلله..
مراد : قال ل آريان..بس أقف هنا. .. واخد سلاح فهد وسلاحه.. وقنابل يدوية.. وحدف قنبله في الجنينه..وبص ل آريان وقال..خلي بالك من تالين.. ومتتحركش من مكانك..ودخل القصر..لصاحب عُمره.
وبعد كده..
لما سفيان أخد آدم معاه ف العربيه.. شاف الدم وقال بدهشه.. أنت تنزف يارجل..!!
آدم مراد : بألم مكتوم..نعم سأتولى أمره فيما بعد..
سفيان : فتح درج وجاب منه شريط لاصق وشاش..وقال.. أستخدم هذا مؤقتا..لتجنب حدوث نزيف أكثر من الحد الطبيعي..
آدم مراد : قلع التيشرت.. ومسح الدم من كتفه.
سفيان : شاف مكان الرصاصه..وقال بزهول.. أنت مصاب بطلق ناري؟ هذا مستحيل.. يجب أن تذهب الى المشفى الآن..
آدم مراد : مسح الدم من كتفه..وكتم الجرح بالشاش واللزق..وقال.بجديه.. لايهم.. كل ما يهمني الآن.. افجر تلك الحمقاء…!!!
سفيان : بتعجب من شخصية آدم.. هز راسه وقال..حسنا كما تحب..!!! وداس بنزين.. ووصلوا عند جيسيكا..وتم تفجيرها..!!!
——————بقلمي مريم نصار.
عوده للوقت الحالي..
في المستشفى..
باب الغرفه خبط..وكان كريم وياسين جايبين فطار..
رودي : فتحت الباب.. وقالت..تسلموا ياشباب..
ياسين : بزعل. طنط فريحه و لارين عاملين ايه دلوقتي؟
رودي : بتنهيده..صحيوا من شويه.. وأول حاجه سألوا عليها..تيم أتصل ولا لأ.؟
وكل واحده قامت تصلي..وعياطهم واجعلي قلبي..
كريم : بحزن.. إن شاء الله قريب هنسمع أخبار تفرحنا كلنا..
رودي : بتمني..يارب يارب.. طيب محدش فيكم جرب يتصل على اي حد منهم..
ياسين : إحنا اتصلنا على تيم من ساعه تقريباً.. وكنسل علينا.. ومتصلناش تاني..علشان خايفين نعمل ليهم مشكله.. وخصوصاً أنهم في بلد تانيه..
رودي : بتفهم.. إن شاء الله هيرجعوا بالسلامه..
كريم : أتفضلي انتي.. وافطروا.. وأي حاجه تحتاجولها إحنا موجودين..
رودي : منحرمش منكم ابدا ياحبايبي.. ودخلت وقفلت الباب..وقالت.. يلا يارينو ياحبيبتي انتي وفروحتي علشان نفطر.. بصراحه أنا هموت من الجوع..وغمزت لتمارا..
تمارا : بتفهم..قالت.. أيوه وأنا كمان جوعت أوي.. وما اكلتش حاجه من أمبارح..
رينو وفريحه………….!!! خلصوا صلاه..وقاعدين على سجادة الصلاة ومحدش بيرد عليهم..
رودي : قعدت قدامهم على السجادة..وقالت.. طيب ممكن اعرف نهاية اللي بتعملوه ده ايه؟
فريحه : بيأس..زي ما تيجي بقى يا رودي.. أنا خلاص مبقتش عايزه حاجه..
رودي : عيونها لمعت..ليه بتقولي كده يافريحه.. إن شاء الله..تالين هترجع..
فريحه : بدموع وحرقة قلب.. أشوفها واموت بعدها.. اطمن بس عليها.. أسمع صوتها.. أنا خلاص قلبي مبقاش يتحمل أكتر من كدا..
رينو : باصه قدامها وساكته تماماً…………!!!
تمارا : عيطت..ونزلت قدام فريحه.. وقالت..وحدي الله ياعمتو.. وإن شاء الله هتشوفيها وتفرحي بيها كمان…
Автор: Меріам Насар
رينو : بهدوء.. هما بره مصر صح مش كدا؟!
رودي وتمارا بصوا لبعض بصدمه كبيره.. وأكيد سمعت رودي وهي بتتكلم مع كريم وياسين..!!!
فريحه : غمضت عينيها ودموعها نازله زي المطر..
رينو : على نفس الحاله وقالت.. إيه مالكوا سكتوا يعني؟ آرين وتالين اتخطفوا بره مصر..؟!
تمارا : بلعت ريقها بصعوبه وقالت بتلعثم..هوا.. لأ لأ. تيم…تيم قال……!!!
رينو : شاورت ليها متكملش.. وقالت بحزم..مش محتاجه تكدبي عليا.. أنا سمعت كل حاجه..!!!
تمارا : عيطت..خالتو ارجوكي خليكي قويه وإن شاء الله هيرجعوا بخير..
رودي : مسكت ايد رينو وقالت.. رينو. أنا أكتر واحده حاسه بيكي.. وعارفه يعني ايه حتة منك بعيد عنك.. لكن ده مش وقت ضعف.. شوفي آيان واقف بعيد وكأنه حاسس إنك رافضه تتكلمي معاه.. آيان ما اكلش ..ومش عايز يأكل غير من إيدك أنتي.. أنتي أمه وحبيبته.. وشاورت تعالى يا آيو..تعالى ياحبيبى مامي عايزاك..
آيان : واقف بعيد وماسك حصان لعبه.. ومردش عليها ولا أتحرك..
رينو : بصت عليه..وشافت قد ايه أنه زعلان.. وقلبها حن في لحظه.. ورفعت أيديها وقالت بصوت مبحوح.. تعالى يا آيان..تعالى لمامي ياروحي..!!
آيان : ساب الحصان وجري عليها..
رينو : ضمته لقلبها وعيطت..
آيان : لأول مرة ينطق..و قال..ماما لينو..
الكل أنتبه..حتى فريحه..
رينو : طلعته من حضنها بسرعه..وقالت آيان أنت قولت إيه؟
آيان : رفع أيد ومسح دموعها ببراءة الأطفال..وقال.ماما لينو.. بابا فهد. ألين بيبتي.. ويقصد آرين حبيبتي..
رينو : شدتو لحضنها..وغمضت عينيها وقالت.. آرين..!! آرين هتموت وتسمع إسمها منك يا آيان..
آيان : ببراءه.. ألين بيبتي.. وشاور ع محمد اللي نايم.. وقال حمد نونو.. وضحك علشان رينو تضحك..
رودي : استغلت الفرصة.. وقالت..ولا يا آيو.. قول رودي كدا..
آيان : لودي..
رودي : اه الواد آدم زمان كان بيقولي لودي.. شاطر يا آيو.. قومي ياتمارا هاتي الفطار علشان نفطر بالمناسبة دي.. الواد ياعيني من الجوع نطق..!!!
تمارا : قامت بسرعه حاضر.. وجابت الفطار..
فريحه : جت تقوم لأنها مخنوقه..
رودي : مسكتها..وقالت.. اقسم بالله محد هيقوم غير لما يفطر.. وبعدين ياجماعه مش كدا اومال.. والله هيرجعوا..
فريحه : بوجع..عمرها ما تتبلع من غير بنتي يارودي.. وسيبوني لله..
رودي : عيونها لمعت..
رينو : آيان في حجرها..وأبتسمت بوجع.. وقالت.. آرين أنتي فين يانور عيني..!!!
تمارا : فتحت عينيها بدهشه وقالت..تيم بيتصل..!!
الكل قام وقف مكانه والسكون احتل المكان.. ودقات قلوبهم بخوف ورعب هي اللي مسموعه..!!
رودي : بتوتر..طيب ردي بسرعه ياتمارا..
تمارا : أيدها بتترجف..وردت بسرعه.. الو تيم..!!!
رينو : مسكت فستانها بايديها وخايفه..
ومغمضه عينيها..
فريحه : حاطه أيدها ع قلبها وخايفة جدآ من المكالمه دي..!!!
تيم : بيضحك على آريان..وقال.. الوو تيما روح قلب اخوكي..
تمارا : ضحكت وقالت..تيم صوتك مبسوط.. طمني الله يكرمك.. آرين وتالين معاك؟
تيم : بثقه..طبعا.. عيب عليكي دانا تيم عزيز..!! و آرين وتالين معايا أهم..
تمارا : صرخت بفرحه كبيره..وقالت بجد ياتيم.. بجد…!!! يعني هما معاك.؟
رينو : فكت قبضة أيدها..وبتنهج وبتضحك وبتعيط وفرحانه..بكل المشاعر..
فريحه : حطت ايدها ع بوقها بفرحه.. ضحكت بدموع الفرح..وحطت أيديها على وشها وعيطت بوجع وبتحمد ربنا..
تيم : ايوه يابنتي والله جمبي أهم.. وهيكلموكي..المهم رينو وماما فريحه عاملين ايه؟
تمارا : ……لسه هتتكلم..رينو خطفت منها الفون..
رينو : برجفه ولهفه..تيم.. آرين فين..؟ سمعني صوتها.. هاتلي بنتي ياتيم..
تيم : زعل علشانها.. وقال..حاضر ياحبيبتى.. آرين معاكي..!!!
فون فريحه رن وكان رقم آريان..!!!
فريحه : ردت بسرعه ولهفه..الو..
تالين : بدموع.. ماما حبيبتي..!!!
فريحه : قعدت مكانها بتنهج..وقالت بهمس..تالين..!!!
تالين : حاولت متعيطش..وقالت أيوه ياماما.. أنا تالين. ماما عايزه اقول لحضرتك إني بخير.. وكلنا بخير..بابا وابية آدم وكلنا بخير ياماما.. حضرتك وحشاني اوي..
فريحه : بعياط مكتوم..وانتي وحشاني أوي أوي ياروح قلبي.. تالين حد اذاكي يابنتي. انتي بخير..حلفتك بالله ياتالين.. وأنتي مبتكدبيش..علشان خاطر امك طمنيني عليكي..
تالين : بدموع..والله انا بخير جدآ الحمدلله..
ومحصليش اي حاجه.. لو سمحتي متعيطيش ياماما.. بالله أنا بخير اطمني..
فريحه : أخدت نفس عميق جدآ.. كأنها بتتنفس أخيرا..وقالت الحمدلله..
رينو : ماسكه الفون وبتترجف..
آرين : بدموع..مامي..!!!
رينو : بلهفه.. آرين.. آرين أنتي كويسه يابنتي؟ انتي بخير..!!! حد اذاكي..؟! اوعي تكوني خايفه ياحبيبتى. انا معاكي..اوعي تخافي يا آرين..
آرين : اهدي يامامي أنا كويسه جدا والله..وانا مخوفتش منهم اطمني يامامي.. أنا بخير صدقيني..
رينو : بلعت ريقها بصعوبه وقالت.. أنتي فين يا آرين..؟!
آرين : بعفويه. أنا في إيطاليا يامامي..!!
رينو : فتحت عينيها بصدمه وقالت . إيه؟ إيطاليا؟
آرين : بعفوية.. ايوه يامامي..
رينو : كانوا عايزينك ليه يا آرين؟ عايزين منك إيه؟ وايه مصلحتهم من خطفك أنتي و تالين؟
آرين : بزعل وعفوية..كانوا عايزين يوصلوا ل بابي وخالو مراد.. ولما مقدروش؟خطفونا..لكن الحمدلله.. بابي وخالو و آدم وكمان تيم و آريان..و آركان انقذونا..
رينو : …………..!!!
——————بقلمي مريم نصار.
تاني يوم..
مراد : نازل ع السلم..وبينادي.. ع زينب..
زينب : جت بسرعه.. وقالت بغيظ..نعم ياسي مراد بية؟
مراد : كشر عينيه وقال..يسي مراد بيه؟ اه ومالو.. وكمل بتريقه قوليلي بقى.. ست فريحه هانم فين..؟!
زينب : عوجت بوقها وقالت..يعني أنت مش عارف؟!
مراد : بنفاذ صبر.. لأ يازينب.. ولو عارف هسأل حضرتك ليه؟ اخلصي اتكلمي فريحه فين؟!
زينب : اتخضت..وقالت بتوتر..ست..ست الدكتوره فريحه..سابت البيت….!!!
عند فهد..
فهد فتح عينيه..وملقاش رينو جمبه.. وقام..وفتح الدولاب يطلع تيشيرت.. لكن أنتبه.. وملقاش هدوم لارين.. وكشر عينيه بعدم فهم..!!
وخرج من الأوضه بسرعه.. وشاف آرين قاعده زعلانه.. وقامت وقفت وقالت بعياط.. مامي سابت البيت يابابي…..!!!! ———-
يتبع….
لقراءة الفصل التالي : اضغط هنا
لقراءة جميع حلقات الرواية اضغط على : (رواية جريمة عشق 5)