رواية المنبوذة الفصل الحادي عشر 11 بقلم جيجي

رواية المنبوذة الفصل الحادي عشر 11 بقلم جيجي

رواية المنبوذة الجزء الحادي عشر

رواية المنبوذة البارت الحادي عشر

رواية المنبوذة الحلقة الحادية عشر

المنبوذه ١١
زياد: مريييم مريم حصلها ايه يا كريم
كريم بغضب وانفعال :وانت مالك سيبنا فى حالنا انت اصلا السبب ….انت مش اتجوزت اختها عاوز منها ايييه ….
زياد:لتانى مره بقولك انت مش فاااهم حاجه…واحب اطمن سيادتك انا مش هعترض طريقكم تانى ….بس طمنى عليها من فضلك…
كريم :محاولة انتحار …اخدت حبوب كتير وكانت عاوزه تموت نفسها ارتحت…

 

 

زياد: انتحار!!!! طيب ممكن طلب لاخر مره بس…انا عاوز ادخل اشوفها وهمشى والله ..
كريم:اتفضل انت ابن عمها ومن حقك تطمن عليها اتفضل بس هما عشر دقايق ماطولش عن كدا….
زياد:متشكر يا كريم..
زياد:مريم حبيبتى انا عارف انك سمعانى دلوقتى…انا والله بحبك وبتمنالك الخير دايماً لو كنت ضغط عليكى الايام دى انا اسف .. وانا هريحك منى خالص انا هسافر….اما بالنسبه لاختك انتى عارفه ظروف الجوازه وانا والله ما لمستها جوازنا كان على الورق بس..انا هسافر وبعد شهرين تلاثه هطلقها علشان كلام الناس….وانتى لو كنتى بتحبى كريم اتجوزيه …اما لو كنتى عاوزه تتجوزيه علشان تبعدى عنى فمن فضلك بلاش تعملى فى نفسك كدا…انا بتمنالك الخير ..مع السلامه دى اخر مره هشوفك فيها ..

 

 

مريم:انا كنت بين الصحيان والنوم وسمعت كلام زياد وتأثرت بيه خالص…بس مقدرتش اواجهه وفضلت الهروب من مواجهته…بالنوم
منصور:مالها مريم يا كريم يابنى حصلها ايييه…
كريم:اهدى يا عمى هى بقت كويسه بس محتاجه راحه مش اكتر…
منصور:الدكتور قال ايه عندها ..دى كانت زى الفل النهارده ومش بتشتكى من حاجه…
كريم بتوتر: محاولة انتحار بس متقلقش هى بقت كويسه….بس محتاجه لدكتور نفسانى علشان متكررش دا تانى..

 

 

سوسن:بتقووول ايييه انتحار!!!!كله منك انت وكريم انتوا السبب فى دا كله…حولتوا فرحتها النهارده لحزن لغايه لما بنتى كانت عاوزه تموت نفسها
كريم: مش وقت الكلام دا يا عمتى…احنا فى المستشفى…ولا وقت رمى الاتهامات على بعض المفروض نكون جمبها ونحسن نفسيتها.
ماهيتاب:اومال زياد فين دا لما سمع الخبر جرى على طول من غير ما يستنانا نيجى مع بعض.
كريم بغيظ منها لانها بتسأل عن زياد ومسألتش عن اختها: زياد جه من شويه اطمن على مريم ومشى على طول….
الدكتور:اتفضل يا استاذ كريم الكارت اهه بتاع الدكتوره النفسيه هى موجوده النهارده على فكره مع حاله…تقدر تكلمها حضرتك وتحدد معاها المواعيد..
كريم:شكرا لحضرتك تعبتك معايا ….
الدكتور: ولا تعب ولا حاجه والف سلامه على الانسه…
سوسن:هو انا بنتى بقت مجنونه ولا ايييه دكتوره نفسيه ليه..
كريم:يا عمتى الدكتوره النفسيه مش للمجانين..دى بتحل مشاكل الانسان مش بيقدر يواجهها لوحده او مش قادر

 

 

يتقبلها…هى بس بتوجهه …ومريم محتاجاها دلوقتى ..
ماهيتاب:على فكره ممكن تكون عملت حركه الانتحار دى علشان تلفت نظرنا …اصلها بتحب تعيش دور البريئه..
كريم بغضب:انتى تخرسي خااالص ..انتى فاكره انى معرفش طلبتى منها ايييه وبسببك حصلت الخناقه النهارده بسبب انانيتك….
مرتضى:اهدى يا كريم…مش كدا..هى ماتقصدتش حاجه..وانتى يا ماهيتاب من فضلك …بلاش كلام يحرق الدم مفيش حد بيموت نفسه علشان يلفت النظر..
ماهيتاب:امممم انا مش قصدى حاجه على فكره…
كريم بيبصلها بغضب وغيظ منها…انتى مش كنتى بتسألى عن زياد روحى اتصلى بيه ولو عاوزه تروحى ليه بالسلامه .. وقفتك مش هتقدم ولا تأخر….
كريم:عن اذنك يا بابا هتصل بالدكتوره النفسيه …قبل ما تمشى من المستشفى علشان تقابل مريم وتتكلم معاها شويه…

 

 

ماهيتاب:ماما انا ماشيه مروحه بيتى اشوف زياد ماله واطمن عليه وهبقى اعدى على مريم تكون صحيت…سلاااام
زياد: انتى ايييه اللِ جابك سيبتى اختك لوحدها..فى الظروف دى…
ماهيتاب:اولا اختى مش لوحدها العيله كلها ما شاء الله عندها هى مش محتاجانى…ثانيا انت بتعمل ايه وايييه الشنطه دى…هو احنا مسافرين…
زياد: انا اللِ مسافر امريكا…لوحدى ..وورقه طلاقك هتوصلك بعد شهرين او تلاته …وابقى اتجوزى اللِ تحبيه..
ماهيتاب بصدمه:تسااافر!!!لييييه يا زياد كل دا علشانها مش كدا ثم اتجوز مين انا بحبك انت وانت عارف دا كويس ليييه بتعذبنى ادينى فرصه واحده يمكن تحبنى انا واكتر منها كمان…
زياد:مش هنلف ولا ندور على بعض انتى عارفه سبب جوازنا….وانا بعتبرك زى اختى….السفر دا افضل الحلول…وانا مش هطلقك على طول علشان كلام الناس انا هفضل شهرين تلاته كدا وبعدين اطلقك ..وانتى ابقى قولى انك مش موافقه على سفرى علشان كدا طلبتى الطلاق… اشوف وشك بخير..انا لقيت تذكره بعد ساعتين….انا هروح على المطار على طول وانتى ابقى بلغى بابا ..لانى مش هقدر اواجهه لانه هيرفض..وانا ما بقتش قادر استحمل اكتر من كدا…مع السلامه..
ماهيتاب بدموع وانهيار:لااااااا ما تسبنيش يا زيييياد انا بحبك….كله منها هى .. هى السبب …انا هنتقم منها..ااااااه
الدكتوره نورسين: حمدلله على سلامتك يا قمر …عامله ايه دلوقتى حاسه بحاجه بتوجعك…
مريم: لا الحمد لله..انتى مين..
الدكتوره نورسين:انا نورسين …دكتوره نفسيه…بس ممكن تنسي انى دكتوره خالص واعتبرينى صحبتك…اتفقنا..

 

 

مريم:انا مش مجنونه ….انا عاوزه بابا او كريم….هما فيييين.
نورسين:اولا ماحدش قال عليكى مجنونه..انتى طبيعيه خااالص ويمكن احسن منى شخصيا…انا عارفه انك فى ازمه او مشكله وعاوزه تفضفضى لحد…اعتبرينى مرايتك واتكلمى معاها واوعدك كلامنا مش هيخرج برا لاى حد مهما كان …اما بالنسبه لخطيبك وبباكى فهما برا ومش هما بس لا دا كل عيلتك برا قلقلين عليكى شكلهم بيحبوكى اوى…
مريم بضحك هيستيري..:هههههههههههه قلقلين عليا ههههههععع اكيد بتهزرى مفيش حد بيحبنى هههههه
نورسين بتعجب:انتى بتضحكى ليييه انا ما قولتش نكته تضحك…
مريم:هو فى نكته اكتر من دى…بصى يا دكتوره…انا ازمتى ومشكلتى قدامك …
نورسين:انا مش فاهمه حاجه.!!!!!

 

 

مريم: ايه اللِ مش شيفاه…انتى مش شايفه انا دميمه قد ايييه. …
نورسين:دميمه!!!! انا شايفه بنوته زى القمر…
مريم:ااااه نسيت اقولك اللِ شيفاه دا..بعد عمليه تجميل…عملتها فى المانيا..
بس تتصورى برضوا شيفينى دميمه ووحشه زى زمان…اعمل ليهم ايييه علشان يحسوا بيا ويحبونى والله العظيم انا بحبهم ومستعده اعمل كل حاجه علشانهم بس اسمع منهم كلمه حلوه او نظره رضا عنى او طبطبه على كتفى او حتى بلاش دا كله بلاش يجرحونى …انتى عارفه دايما بيفترضوا سوء الظن فيااا مع انى عمرى ما اذيتهم …انا بتنازل عن حاجات كتير اوى علشانهم حتى لو كنت بتمنى الحاجات دى.. بس عمرهم ما قدروا دا … هما شايفين ان دا طبيعى وبيطلبوا منى المزيد من التنازلات ..انا تعبت والله تعبت ..انا قولت اريحهم منى يمكن فعلا انا سبب تعاستهم….
نورسين: امممم استسلمتى بسرعه اوى ..مع انه ما يبانش عليكى انك ضعيفه اوى بالشكل دا…
مريم:ههههههه انا اضعف مما تتصورى
انتى عارفه ايه اللِ يكسر الواحد.. ان عيلته اللِ المفروض بتكون سبب قوته وعزوته وضهره وبيتسند عليها فى ازماته…هى

 

 

السبب فى بؤسه وشقائه فى الدنيا ووحدته …انا فقدت الثقه فى نفسي بقيت حاسه انى لا اصلح لاى شئ…انا مجرد عروسه هما اللِ بيحركوها…انا مسخ سخيييف…
نورسين:انتى مش شايفه انك بتتحاملى على نفسك ومقلله من قيمه نفسك اوى
…..بصى من الاخر كدا طززززز فى كل واحد ..مادام انتى مش بتعملى حاجه غلط مايهمكيش رأيهم …اعملى الحاجه اللِ بتحبيها….بلاش تتنازلى علشان حد كتر التنازل بيبقى امر واقع وملزم منك…عارفه انا مره سمعت قصه عجبتنى اوى…بيقولك ان فيه فى مره اب شاف موبيل ابنه فصل شحن فعمل ايييه جاب الشاحن وشحنه لابنه…اول مره الابن شكر ابوه اوى واتبسط…تانى مره فرح …تالت مره الاب ما شحنش الموبيل لانه ما كنش فاضى…عارفه رد فعل ابنه ايييه
زعل من ابوه جدا وعاتبه ازاى مايشحنش موبايله لانه اعتبر دا امر واقع ومفروض على ابوه…
فهمتى انا اقصد اييه من القصه دى
مريم:اااه فهمت…كتر تنازلاتى علشان ارضيهم عنى افتكروه امر واقع وانه مفروض عليا ..لدرجه انهم محسوش بيا
نورسين:عليكى نووور هو دا…بلاش تقللى من نفسك .حبى نفسك الاول وابسطيها وفرحيها…ازاى هتفرحى اللِ حواليكى

 

 

وانتى مش سعيده. …. الانا ديما تكون فى المركز الاول….
مريم:مش دا يبقى انانيه..
نورسين:هو انك تفرحى نفسك وتنبسطى وترضى عن نفسك وتحققي طموحاتك واحلامك اسمها انانيه يا مرحبااااا كونى انانيه
لا طبعا دى مش انانيه…لازم يكون ليكى شخصيه…ولازم هما يحترموا دا ويقدروه
الاحترام لازم يكون متبادل ما ينفعشى تدى كل مرا وما تخديش حاجه فى المقابل
الدنيا دى هااااات وخد….اوعى تيجى على نفسك بزياده علشان خاطر اى بنى آدم على وجه الارض هيعتبرها واجب منك

 

 

ولازم تفضلى تعمليه والا هتكونى وحشه فى نظره…
الطيبه الزياده فى الزمن دا بيتفهم عبط…للاسف بيتاخد فى الرجلين لازم يكون ليكى شخصيه قويه انتى مش ضعيفه ..
مريم: كلامك مظبوط بس نظرى جدا
ازاى المفروض اواجه امى واعترض على قراراتها هتتفهم انى بنت عاق وقليله الربايه….ولا اختى اللِ من صغرى بتاخد كل حاجه بحبها…وماما بتشجعها على كدا بحجه انها اختى الصغيره والمفروض اتنازل علشان ارضيها
انتى عارفه انا فضلت اتنازل من عروستى ولعبتى المفضله لحد الشخص اللِ حبيته….مع انى دلوقتى حبيت واحد تانى بس الفكره دى تعبانى لانها لغايه دلوقتى ما شبعتش من حاجاتى …انا بدأت اخاف منها
اما ماما فهى سبب معاناتى .. شيفانى انى سبب المشاكل بتاعت الكرة الارضيه….ماتضحكيش…كل مصيبه تحصل ترميها عليا..مع انى ماليش علاقه بيها بس لازم انا اللِ اتحمل..ابن عمى اللِ كنت بحبه فى الاول وهو بيحبنى مع انى كنت مخبيه عنه وعن كل اللِ حواليا دا .. ساعت لما جه يخطوبنى اهلى رفضوا لان ببساطه اختى قررت انها بتحبه ….وعيييب اوى اخطف

 

 

حاجه اختى نفسها فيها….وقولت خلاص بلاش ازعل اختى لازم اقدر مشاعرها سيبت البلد كلها وسافرت المانيا وهناك حبيت ابن خالى واتخطبنا ولما رجعت اتهمتنى انى هخرب بيتها لانها اتجوزت ابن عمى حبى الاول
ولانه لغايه دلوقتى لسه بيحبنى وهو اتجوزها فى ظروف خارج ارادته وجوازه منها حبر على ورق الا انى رفضت دا لانه فى نظرى هو جوز اختى ولازم احترم دا وانا خلاص شوفت حياتى بعيد عنهم ….بس برضوا ما سبونيش فى حالى وفضلت تزن عليا علشان اكلم جوزها واقنعه انه لازم ينسانى ويتم جوازه منها ولما رفضت علشان وضعى وخطيبى ممكن يزعل لانه عارف علاقتى بابن عمى زمان الا انها اتهمتنى بالانانيه وانى فرحانه بالرجاله وهما بيتخانقوا عليا….
وللاسف سمعت كلامها وكان النتيجه ان خطيبى زعل منى وكان هيسافر ويسبنى…واللِ عملت كل دا علشانها سمعتها بتقول لماما انى السبب وانى فرحانه بخناقه الرجاله عليا وخصوصا بعد ما عملت عمليه التجميل وبقيت حلوه
وانها خايفه لاخطف جوزها منها…
نورسين:مش يمكن فهمتى غلط او سمعتى غلط…

 

 

مريم:هههههه انتى بقيتى طيبه زيى ولا ايييه
على العموم لا ما سمعتش ولا فهمت غلط
حتى خطيبى ابن خالى اللِ قولت هو اللِ فاهمنى …وهيدافع عنى…خزلنى وسمعته بيكلم خالى انه عاوز يسافر ويفشكل الخطوبه….منتظره منى اييييه …
هههههه كلهم خانوك يا ريتشارد
نورسين:يعجبنى فيكى حس السخريه فى كلامك….انتى عاوزه رأيى
مريم:ياريييت الحقينى بيه علشان تعبت
نورسين: لو بتحبى خطيبك افضلى معاه وعلى فكره كان هيموووت عليكى وهو اللِ جايبنى ليكى ..
اما موضوع اختك فا ابعدى عنه نهائي سواء بالطيب او الوحش …
مامتك بقاااا فا وديها وعامليها كويس اوى هى اللِ تحتها ابواب الجنه…مهما تعمل فيكى…بس فهميها انك ليكى حياتك الخاصه اللِ ماتسمحيش لاحد انه يتدخل فيها ….
بس انتى ماتكلمتيش عن والدك هو متوفى…
مريم:لا عايش ربنا يعطيه طول العمر…بس للاسف مالهوش دور …هو طيب وحنين بس مش بيحب المشكل يعنى اللِ بتقوله

 

 

ماما بينفذه…غالبا يعنى..
نورسين: انا عاوزه اسألك سؤال انتى متأكده انك بتحبى كريم ولا هو بالنسبالك الحب اللِ بتبحثى عنه لانك محرومه منه فى عيلتك ….مش يمكن بعد وقت تتفاجأى انك مش بتحبيه..وانه مرحله فى حياتك..
مريم:تصدقينى لو قولتلك انى معرفش…انا تايهه..وتعبااانه اوى ..عاوزه ارتااح…
نورسين:كفايه كدا النهارده انا تعبتك اوى نكمل بعدين لما تشرفينى عيادتى…وحمدلله على سلامتك…بس صدقينى روحك غاليه اوى اوى وماحدش يستاهل انك تنهى حياتك علشانه…سلاااااام يا قمر…

 

 

كريم:هاه يا دكتوره اتكلمت معاكى
نورسين:ااه استجابت ليا …لما تخرج بأذن الله انا مستنياها فى عيادتى الاسبوع القادم….ممكن تدخلها دلوقتى بس من الافضل تدخل انت الاول لوحدك وهما بعد كدا وراك….مع السلامه
كريم: حمدلله على سلامه مريومتى…قومى يا بت انتى فاكره نفسك عيانه…دا انتى صحتك احسن منى مايغركيش شويه العضلات دى…بينى وبينك دى نفخ…
مريم بضحك:كنت عااارفه انهم نفخ دا انا هفضحك واقول للعيله كلهااااا

 

 

كريم:يخرب بيتك انا كنت بهزر معاكى ..دا انتى فضيحه….نفسك فى جنازه تشبعى فيها لطم….
مريم:شكرا يا كريم. ..
كريم:بتشكرينى على ايه…انى بهزئك
مريم:بطل غلاسه الدكتوره قالتلى على كل حاجه….شكرا انك جبتها واهتميت بيا…انا بقالى كتييير اوى ما حدش اهتم بيا وفكر فيا….
كريم:بطلى بواخه…دا انتى نكاره خييير…نسيتى اوام …دلعى ليكى.. يا بت دا انتى مخلصه فلوسى اول بأول شيكولاتات

 

 

وهدايا ودلع وفسح..اااه يا واطيه
مريم بضحك:خلاااص انت هتزلنى…خلى قلبك ابيض..هو هو يعنى فيين ولا خلاااص
كريم: مالك بتقطعى كدا ليييه زى الشريط السافف …عاوزه تسألى على مين …قولى انا مش هزعل.
مريم:انا يعنى سمعت زياد بيكلمنى وانا نايمه …هو حقيقي كان هنا ولا انا كنت بتخيل..
كريم:لا هو كان فعلا هنا ودخل عندك وفضل يكلمك بس انتى كنتى نايمه بس هو مشى على طول ….انتى عاوزاه ممكن اتصل بيه يجى عندك…انا مش هزعل دا ابن عمك برضوا
مريم:لاااااا ماتتصلش بيه…انا كنت بتأكد بس…
كريم:على فكره اهلك كلهم برا وعاوزين يطمنوا عليكى ممكن يدخلوا…
مريم: لاااا

 

• لقراءة الفصل التالي : اضغط هنا
• لقراءة الرواية كاملة اضغط على : (رواية المنبوذة)