رواية جريمة عشق 5 الفصل الأربعون 40 بقلم مريم نصار

رواية جريمة عشق 5 الفصل الأربعون 40 بقلم مريم نصار

رواية جريمة عشق 5 الجزء الأربعون

رواية جريمة عشق 5 البارت الأربعون

رواية جريمة عشق 5 الحلقة الأربعون

عند فهد..
ف اوضة آركان..
آركان : لابس ومتشيك وواقف قدام المرايا بيسرح شعرو وبيغني..وقال..
الغزاله رايقه. والبت باري مضايقه.
ياسيدي ياجماله ماله الضغط يعلا عليه.
ماتقرب مني حبه. أحرقلك دمك حبة
طب وحياة المحبه مدام غمزت خلاص خليك.
النرفزه دي؟ لأ ده برودي.
العصبيه دي؟ لأ ده برودي. بيفرفر ورا المقسوم.
وبيلبس الساعه ورش البرفيوم..وهو بيكمل دندنه.
رينو : من بره.. يلا يا آركان ياحبيبي الفطار جاهز..!!
آركان : بصوت عالى.. حاضر يا ست الكل جاي هوا..
فهد : قاعد على السفره.. وقال.. تعالى يا آيان جمب بابا..
آيان : هز كتفه وقال..نو أنا هقعد جمب نجمتي..
فهد : بصله بتعجب..وهمس.مين ياخويا.نجمتك؟ هى وصلت لكدا؟
رينو : ضحكت بسعاده وقالت..يقلبي يقلبي.. قولها تاني كدا؟
آيان : بضحكه.. أنتي نجمتي..هأهأه‍أ.
رينو : فتحت أيديها تعالى ياروح نجمتك..ياخرابي أنا ع فرحة قلبي..
آيان : جري عليها..وحضنها وبيضحك..
فهد : بص ليهم.. ومش عارف يعمل رد فعل..
آيان : عايز أروح ل چينو..
فهد : هز راسه وقال.. لأ مفيش چينو انهردا..
آيان : بعند.. لأ هروح لچينو..
فهد : كاتم الضحكه.. وقال. كدا عيب يا آيو..
آيان : بغيظ.. قول لنفسك..
رينو : فتحت عينيها بزهول وكاتمه الضحكه..
فهد : هز راسه وقال..اه.. أهي دي التربيه الإيجابية الجديده..!!!
تمام تمام.. تبقى شوف مين هيجبلك لعبة الملاكمه الجديده..!!
آيان : بصله بزعل ونزل راسه ف الأرض..
رينو : همست..وقالت.. آيو.. أعتذر من بابي فوراً.. كدا أنت بتقلد الشرير اللي بيزعج باباه اللي بيحبه..
آيان : بزعل.. أنا مش شرير..
رينو : أبتسمت.. أيوه طبعاً آيان أبني بطل شجاع ومؤدب جدآ وبيحب باباه جدآ..مش كدا..
آيان : هز راسه وقال. أيوه أنا مؤدب وبحب بابا.. بس هروح لچينو..علشان مقولش ل بابا جدو..
رينو : بضحكه..عنيد جداً أنت يا آيو.. أوكي اعتذر يلا..
آيان : بص ل فهد..وقال سوري بابا.
فهد : مثل الجديه..ومردش عليه..
آيان : قرب منه وباسه في خدو..وقال. سوري يافهد بابا..
فهد : غصب عنه ضحك..وقال..فهد بابا؟ أنت شقلبت الدنيا ياعم آيو.. وماشي اعتذراك مقبول .
آيان : هز راسه ببراءه..وقال. هات اللعبه علشان ألعب مع چينو..
فهد : أبتسم وباسه وقال..حاضر يا آيان باشا.. تؤمر أنت والانسه چينو..!!!.
رينو : لفهد..حبيبي وأنت رايح ع الشركه خدني معاك في طريقك لعيادة رودي..
فهد : بقلق..ليه ياحبيبتى أنتي تعبانه؟
رينو : ابتسمت لقلقه..وقالت.. لأ ياحبيبى انا بخير الحمدلله.. لكن رودي امبارح صوتها ف الفون مكنش عجبني. حاسه أنها متغيره..هروح أقعد معاها شويه.
فهد : بتفهم..تمام زي ما تحبي.هتاخدي آيو معاكي.؟
آيان : هز راسه وقال.. لأ آيان هيلعب مع جنى..!!!
رينو : ههههه خلاص يكون أحسن بردو حتى نقعد براحتنا..
فهد : ماشي ياحبيبتي..ومترجعيش غير لما ابعتلك آركان..!!!
آركان : جه..صباح الفل..وسلم عليهم..
رينو : بإبتسامة حب..صباح الجمال ع عيونك ياحبيبي..
فهد : رفع طرف عينيه ل آركان..وقال.. إنما إيه الشياكه دي ياريكو باشا؟
آركان : ده العادي ياحجوج..بس إيه رأيك؟ أعجب الباشا مش كدا؟
فهد : أممم.. طبعاً..!!! بس ياترى بقى أنهي باشا بالظبط؟!!
آركان : كح كح..واتوتر..وقال. أحم دي مقوله عاديه يعني يابابا..
وهرب من نظراته..وقال.. أحم فين السلطه ياماما.؟
رينو : أهي ياحبيبي.. وحطتها قدامه..
فهد : بنفس النظره.. أكل قطعة خيار وقال..
أنت بتروح الجامعه كتير ليه ياريكو؟!
رينو : كشرت عينيها بعدم فهم..جامعه؟انهي جامعه أنا مش فاهمه حاجه؟
آركان : بحيره.. أحم.. ابدا يابابا.. زيادة تعليم هههههههه..
فهد : بسخريه..زيادة تعليم..!!! أممم..
طيب خلي بالك بقى علشان التعليم اليومين دول بقى أون لاين.. ماشي يا آركان باشا؟!!!
رينو : هزت راسها وقالت..والله مانا فاهمه حاجه..
آركان : بلع ريقه..وقال جواه..
ادي شغل المخابرات هيطلع علينا أهو..
أنا عارف بابا ليه مطلعش مدرس لغة عربية..!!!
فهد : بمكر..اللي شاغل بالك ياسيادة الملازم..!!!
آركان : انتبه..ها.. أحم.. ولا حاجه انا بس بفكر في عزومة آخر الأسبوع.بفكر اني مروحش..!!!
رينو : بزعل.. لأ بقى مش هينفع الكلام ده يا آركان.. هيلينا جت امبارح بنفسها وعزمت الكل..وكمان أكدت عليا وأنا وعدتها إنك هتكون موجود…!!!
آركان : خلاص ياست الكل نروح علشان خاطرك..!!
رينو : أبتسمت تسلملي ياروحي.. أنا هقوم اجيبلك النسكافيه.. وقامت..
فهد : بص ل آركان وقال بِشك. شكل الجامعه جايه ع هواك..كنت قول كنت قدمتلك فيها بدل الحربيه..!!!
آركان : بمكر..منا قولت زيادة تعليم ياحجوج.والتكرار يعلم الشطار..!!!
——————بقلمي مريم نصار.
في شركة العدوي..
في مكتب الإمبراطور..ومعاه زين..
آدم : باصص ف الملف وقال.. أخبار الأجهزة إيه يازين؟
زين : أبتسم..ماشاء الله يابابا. مش ملاحقين ع الطلبات.والاسعار في متناول الجميع..
آدم : قفل الملف وأبتسم وقال.. نزل إعلان واطلب فيه مهندسين وعمال جُدد..!!
زين : كشر عينيه وقال بإستفهام..ليه يا حاج؟
آدم : بصله وقال.لازم تبقى جاهز لأي ضربه تتعرض ليها.. وأي عدو يهاجمك..!!!
زين : كشر عينيه بعدم فهم…..
آدم : كمل وقال.. دلوقتي أنت عملت مشروع مفيش حد ف البلاد العربية فكر يعملوا..
وده أكيد هيخلي ليك عدو متربص ليك لأي واقعه.. وخصوصاً الشركات المنافسة لينا..
زين : بقلق.. أنا فعلاً كنت خايف من النقطه دي يابابا..
آدم : أنا قولت الكلام ده قدام أخوك مراد امبارح وقالي..انه هيقترح علينا فكره.. وعايز ننزل إعلان..!!
زين : ياترى ايه هى الفكره دي..!!
آدم : بعد ساعه..هنعرف كل حاجه في الاجتماع..!!!
في الجامعه..
تالين : ايه يارحاب سرحانه في إيه بكلمك وانتي مش معايا خالص..
رحاب : انتبهت ها. وكملت بتنهيده.. أبدا مفيش حاجه ياتالين..
تالين : حبيبتي لو في حاجه مضايقاكي قولي..يمكن ربنا يقدرني وأحاول أهون عليكي..
رحاب : قعدت وقالت بهيام.. عمرك حبيتي قبل كده ياتالين؟
تالين : كشرت عينيها وقالت بتعجب.. احب؟ إيه السؤال الغريب ده؟
رحاب : ليه بس ده الحب ده جميل اوى.. ياااه لما تشوفي الشخص اللي بتحبيه.. وقتها قلبك يفضل يدق.. ونفسك تجري عليه وتقوليله بحبك اوى اوى..
تالين : شافت ريأكشن رحاب وكأنها ف عالم تاني.. لدرجة إن تالين ضحكت من قلبها عليها..
رحاب : فاقت..وبصت حواليها.واتكسفت..
تالين : بضحكه رقيقه.. يا الله عليكي يا ريري.. إيه يابنتي كل الهيام ده.. ههههه.. قوليلي بقى أنتي من كلامك واضح إنك بتحبي. صح؟
رحاب : بتنهيدة زعل.. بصراحه أيوه بس هو ع طول ساكت. بس من نظراته ليا أنا متأكدة أنه بيحبني. أنا مكسوفه اكلمه وهو مكسوف يكلمني..شكلنا هنفضل ع الصامت لحد مانبقى هياكل عظميه..
تالين : ههههه لأ بجد أنتي رهيبه يا ريري.. بس صدقيني أنتي كدا أفضل أوعى تكلميه.. انتي أدعي ف صلاتك لو ليكي خير فيه يجعله من نصيبك و يرزقك خيره ويكفيكي شره..
رحاب : بعمل كدا والله ياتالين.. بدعي يكون من نصيبي.. قوليلي بس أنتي مرتبطه أو في حد ف حياتك؟
تالين : بابتسامة جميله قالت.. لأ الحمدلله الذي عافانا. هههه.. وبعدين انا مبفكرش أحب غير الشخص اللي هيبقى زوجي وحلالي..
رحاب : بعدم فهم بس الحب مالوش سيطره ياتالين ده بيجي لوحده..
تالين : بتنهيدة أمل. أنا بدعي ربنا ليل ونهار.. أنه ينزع من قلبي أي حاجه تعصيه..وعايزه أقدم كل الحب الحلال لزوجي.. وإن شاء الله ربنا هيستجيب….!!!
سفيان : قاعد في التربيزه اللي قدامها وضهرو ليها.. وسمع كلام تالين.. وأبتسم بحب كبير وقال..
قريب أوي ياتالين..هيكون قلبك الطاهر من نصيبي..!!!
باري : ماشيه في حرم الجامعة.. وقالت اووف آرين مجتش انهاردة. وأكيد تالين ف محاضره.
حاسه بصداع.. أروح الكافية أطلب آيس كوفي.!!
آركان : بتريقه..كافيه؟ إسمها كافتريا الجامعه يا باري..!!!
باري : قلبها دق..لكن مثلت الجديه..وقالت..
بجد مش معقول كدا.. أنت مش هتسبني في حالي بقى؟ كدا كتير اوڤر بجد..
آركان : قرب من وشها بتريقه وقال.. يخربيت التمثيل..
إلا قوليلي ياباري أنتي في حد ف عيلتك من بره مصر..جمصه مثلاً؟
باري : كشرت عينيها وقالت..وات..!!
ما معنى هذة الكلمة؟
What is the meaning of this word?
آركان : بغمزه.. جمصه يابت..!! طيب سيبك منها.. ساحل العاج حد يقربلك هناك؟
باري : ببلاها..
ما هذا الهراء الذي تتفوه به؟ أنا لم أفهم شيئاً على الإطلاق؟ هل هذه أسماء بلاد في الحقيقة؟
What is this nonsense you’re saying? I didn’t understand anything at all? Are these really country names?
وكملت بغيظ..أنا أكيد بتشتمني صح؟
آركان : يخربيت برائتك..دانا ع كدا اشتم فيكي ليل نهار وانتي تضحكي عادي وتقولي اديني كمان عايز اتوب..!!
باري : كشرت عينيها..وقالت..Just a moment
لحظه واحدة..
أنت إزاي جاتلك الجراءه وتقف معايا.؟
آركان : بثقه.. أنا أقف معاكي في أي مكان يعجبني..
باري : بغيظ.. لأ بقى.. أنت زودتها كتير يا بتاع أنت..
آركان : بهمس وبرود.. آركان..اسمي آركان احفظي الإسم ده كويس..ولو أني متأكد إنك حفظتيه زي أسمك..وبتندهي عليا بيه ف كل وقت..!!!
باري : اتوترت..ورجعت لورا..وقالت.. أنت مش طبيعي بجد.وواخد في نفسك مقلب ع مفيش. ياريت تمشي..أنا مش عايزه أشوفك تاني..
آركان : مط شفايفه وقال.. اوكي برحتك.. سلام.. وسابها ومشي..!!
باري : بصت عليه بقلب متعلق.. وقلقان أنها فعلاً ماتشفهوش تاني..!!!
——————بقلمي مريم نصار.
ف شركة العدوي..
ف الإجتماع..
آدم ومراد وفهد وزين و آريان ويوسف..!!
زين : قال..معاك يامراد..ياترى ايه هى الفكره؟
مراد : قفل الملف وقال.. الفكره يازين.. إننا عايزين نكون جاهزين ب أكبر كمية من الأجهزة الطبية..
زين : بعدم فهم..طيب ما المصنع شغال دايركت.
والاجهزه بتتحول ع المخازن..
مراد : والمخازن معروفه أنها لشركة A-K-A يعني معرضه في أي وقت للخطر..
زين : أنا معاك في دي.. لكن إحنا معينين حرس ع المخازن وكاميرات المراقبه ف كل مكان..
فهد : مش كفايه يازين.. لا قدر الله لو في حد عايز يدمر مشروعك أقل حاجه متوقعه أنه يكلف حد متمرس وعندو خبرة كبيرة في اختراق الخصوصيه ووقتها يعرض الأجهزة للتلف..
زين : مسح وشه بأيديه وقال..طيب والحل ايه؟
مراد : بدهاء.. مصنع كبير جدآ.. ويكون تحت إسم مستعار. ومخازن بإسم شركه تانيه ومجال تاني خالص بعيد عننا..
نصنع فيه أجهزتنا في سرية تامة..ونحول الاجهزه ع المخازن السريه دي..
والمصنع الاصلي والمخازن تفضل زي ما هى..لكن التركيز كله هيبقى ع المصنع التاني..
آدم : هز راسه.واعجب بالفكره جدا..
زين : طيب بس ده هياخد وقت كبير..وكمان المهندسين..!!!
يوسف : قال..متقلقش.. المهندسين والموظفين اللي بنثق فيهم..هيبقوا معانا في المصنع السري..
أما المصنع اللي موجود حالياً هنطلب ليه موظفين ومهندسين بكفاءه عاليه..
مراد : وده علشان تصد أي ضربه تواجهك في المستقبل يازين..
آريان : بإعجاب.. فعلاً يابابا.. المصنع ده هينقذنا لو لاقدر الله حد هاجمنا..
زين : بحيره.. إيه رأيك يا بابا..!!!
آدم : هز راسه وقال.. اتكل ع الله يازين.!!
زين : أيوه بس السيوله مش هتكفي أنا نص فلوسي في السوق ولسه قدامي لآخر السنه لما اخدها..!!!
فهد : سيبك من حتة الفلوس دي..أنا ومراد هنتصرف
.بس أنت نزل إعلان بأقصى سرعة..
آدم : أنا هعمل دراسة جدوى.. متفكروش كتير.. لكن ابدأو وف سرية تامة وتحت إسم شركة مستعار..!!!
زين : هز راسه وقال.. الله المستعان..!!!
عيادة رودي..
رينو : بحيره..طيب أهدي يارودي.. وأكيد ربنا مش هيضيع حقك..
رودي : بدموع.. انا مش عايزه حقي يارينو..كل اللي كنت عايزاه أخواتي..بس هما ليه بالقسوه دي.؟
رينو : مسدت ع ضهرها وقالت..طيب بالله تهدي وبطلي عياط.. وبعدين يارودي..حاولي تتأقلمي ع الوضع ده..
إحنا اتكلمنا في الموضوع ده كتير جداً..وانتي حاولتي بكل الطرق ترجعيهم ليكي.. وع فكره انتي اللي مسؤوله منهم مش هما..!!
هما اللي هيتحاسبوا عليكي علشان قاطعين صلة الرحم بينهم وبينك..
أنا كل مرة أهدي فيكي واقولك التمسي ليهم العذر.. لكن لحد كدا وكفايه بقى..
العشم في ناس مبتسألش وحش جداً..
وأنتظار الود بعد الجفا زي الحب بعد التسعين..جاي متأخر أوي..
ودول كمان ياريتهم حتى بيسألوا..أنا مش بقسيكي على أخواتك.. أنا عايزاكي تفوقي..نفسي اشوفك بتضحكي من قلبك.. كفايه تمثيل إنك بخير..
هما عايشين حياتهم خلاص الله يسهل عليهم..وواحد قبل ع نفسه أنه ياكل حقك وحرم شرع الله..خلاص يشيل بما أنه قادر يظلم..
وانتي بطلي تظلمي نفسك.. أنتي من حقك تفرحي يارودي..انتي تستاهلي تفرحي..
افرحي وأرمي اتكالك على رب العالمين.. وقادر يهديهم ويرجعولك في أي وقت… ولحد ما ربك يأذن..؟ ارجعي رودي بتاعة زمان البنت الجدعه والمهيبره أم روح حلوه.. رودي اللي اعترفت بحبها ل فارسها..وعاشت معاه ف سعاده..
بصي لنفسك دلوقتي و لزمان.. أنا عايزة رودي عبدالله بنت ال٢٠
رودي : مسحت دموعها وقالت بشهقة وجع.. إن شاء الله..
——————بقلمي مريم نصار.
مكتب السفير فارس السيوفي..
الباب خبط.. ودخل جارد وقال..كل حاجه تمام يافندم..والحرس رجعوا من المطار..!!
فارس : قفل الملف وقال بتوعد.. دخلوه بسرعه..!!!
الجارد : تحت امرك معاليك.. وخرج وشاور للحرس..
الحرس : ماسكين بسام ودخلوه لفارس بالقوه..
فارس : شاور للحرس يسيبوه ويخرجوا..
بسام : واقف بينهج ومضايق جدآ..وقال بنرفزه..
ـ ممكن أفهم إيه اللي بيحصل ده؟ وايه الطريقه الحقيره إنك تجبني من أمريكا بالطريقه دي؟
فارس : قاعد مكانه.وباصص للاب توب وشاور من غير ما يبصله وقال..
أقعد يا بسام..!!!
بسام : بزعيق..اناااا….
فارس : بتحذير..تليفون صغير جدا إنك اتهجمت على السفير في مكان عمله..!!! ودي طبعاً تبقى نهايتك.. أقعد يا بسام ومش عايز أسمع صوتك..!!!
بسام : صك ع أسنانه..وقعد..وقال..خير جايبني هنا ليه؟
فارس : قام وقعد قصاده..وقال بنبرة خاصه..
أنا طبعي صبور جداً..لدرجة إن الصبر يمل مني..!! بلتمس العذر مرة واتنين وعشرة..لحد السبعين عذر..!!!
مبحاولش أتدخل في اللي ماليش فيه..وبقول بكرة الأمور هتتعدل..لكن للأسف..شكلك عايز تجرب لدغة إبن السيوفي..!!!
بسام : بجديه.. وأنت بتقولي الكلام ده ليه؟
فارس : بصله وقال بحده..رودي أختك..!!
بسام : بعدم إهتمام..مالها هى مش مراتك ومسؤوله منك؟ عايزني أعملها ايه؟
فارس : صك ع أسنانه بغضب وقال.. مراتي استحاله يوم من الأيام تحتاج لواحد ذيك.. لأني مش هسمح ليها أنها تحتاجلك..
أنا كنت ساكت لأني عارف يعني ايه أخوه.. يعني ايه صلة رحم وبيربطنا دم واحد..
رودي كانت ديما ع أمل إنك تحن وترجع أنت واخوك التاني.. لكن لأ للأسف كل واحد منكم ف عالم تاني.. واحد مكبر دماغه وعايش بره مصر وواخد الجنسيه الاوروبيه وعايش حياته حتى مجاش يودع أبوه…
والتاني حضرتك..!! إللي عايش علشان تفكر إزاي تنهب وتسرق أبوك وحق أختك..!!!
بسام : بلع ريقه بتوتر وقال..س..سرقه؟سرقة ايه أنا مش فاهم أنت بتتكلم عن إيه؟
فارس : بصله باشمئزاز..وقال.. حق أختك ف ورثها في تركة والدك..الشركه والمصنع والعمارتين.والمخازن والعربيات والرصيد اللي في البنك..!!!
بسام :…………!!!
فارس : أبتسم بسخريه وقال..عارف يابسام..؟! رودي مش محتاجه لاي حاجه من كل ده؟ غيرك أنت..
أنت لو كنت جيت لأختك وقولتلها أنا محتاج كل الورث..
كانت هى هتوافق مقابل سؤالك عليها.. وأنها تحس إن ليها أهل من دمها بيسألوا عليها..
تيجي أنت في الآخر تسرق كل الأوراق وتصفي الشركه وتسافر؟ لأ وكمان من بجاحتك..تقول إن رودي عارفه بكل حاجه؟
بسام : ضحك بسخرية وقال. قول كدا بقى.. أنت لما عرفت إني خدت حقي.. اضايقت وعايز تاخد مني حق أبويا.
لأ ياحبيبى رودي مالهاش ورث..مالهاش عندي حاجه.. ده تعبي وشقايا أنا مع والدي قبل ما أسافر. وهى دكتورة و جوزها سفير يعني مش محتاجه..!!
فارس : حط رجل على رجل وقال.. يومين و تكون موجود في فيلا السيوفي..
تيجي وكأنك زاير.. وتسلم على أختك بكل إحترام.. وتقدم ليها حقها ع داير مليم..وتقولها إنك أخدت كل حاجه وسافرت لأنك كنت مستعجل.. ولما ظبطت أمورك رجعت ليها علشان ترجعلها حقها…
بسام : هايتكلم……
فارس : أبتسم وقال بتوعد..ولا أنت عايز ترجع أقامه جبريه في مصر.. وتتمنع من السفر في أي بلد تانيه..؟!
بسام ؛ قبض ع ايديه بغضب……..
فارس : بنفس الابتسامة.. أوعى تفكر إن حرم فارس السيوفي مالهاش ضهر..؟!
بالعكس دي ليها جيش متكامل قادر يدمرك في ثانيه..
أنا مايهمنيش في الدنيا دي كلها غير سعادة مراتي.. واللي أنا بعمله ده علشانها مش علشان حد تاني..!! وصدقني لو حاولت تلعب معايا. ممكن ارجعك تحت الصفر.. وتنام على الرصيف…!!! عايز تشوف بعينيك؟ جرب..!!!
——————بقلمي مريم نصار.
بعد فتره كبيره..
في الطريق.
آدم مراد : سايق وماسك كف أيد آرين ومبسوط جدآ..
آرين : سرحانه والضحكه ع ملامحها..
آدم مراد : بضحكه..مش معقول بقالك خمس دقايق بحالهم متكلمتيش.. أنا بدأت أقلق..
آرين : بضحكه..مش عارفه. بفكر في حاجات كتير.. يعني مثلاً أنا بتخيل وأنا بقول للعيله إني حامل.!! هههه بجد مكسوفه أوي..
حتى بص خدودي بقت حمرا إزاي؟ ههههه.
آدم مراد : خطف بوسه من خدها وقال.. بموت فيكي وانتي قمر كدا..وطول ما انا موجود أوعي تتكسفي من حاجه..
آرين : ضغطت على أيدو بسعاده وقالت.. يعني أنت اللي هتقولهم مش كدا؟
آدم مراد : أكيد ياروحي..
آرين : ببراءة..طيب بليز قولهم وأنا مش موجوده. لاني مكسوفه أوي بجد..
آدم مراد : ضحك وقال.. يامجنونة.. سيبي كل حاجه لوقتها..المهم دلوقتي لسه دايخه؟
آرين : هزت راسها وقالت بمرح..نو نو نو أنا كويسه جدا جدا.. ومتحمسه للمرحله الجديدة.. وأشوف البيبي الصغنتت واو بجد متحمسه أوي. وهنتخانق إحنا التلاته ع الشوكليت والكنز بتاعنا..عااا ..واااو انا مبسوووطه اووووي..
آدم مراد : هز راسه وقال بضحكه.. طفله هتخلف أطفال..
——————بقلمي مريم نصار.
فيلا العدوي..
زينب : قدمت القهوة لكل الموجودين.. وقالت بألف هنا.
مريم : تسلمي يازينب..وبصت ل رينو وقالت.. اومال فهد راح فين؟
رينو : بضحكه..راح ل آرين جايب ليها الكنز المفقود ههههه.
مريم : بضحكه..يعيش ويجيب..ده فهد حنية الدنيا فيه..
مراد : بتريقه.. قد ايه حونين..!!! الكل ضحك..
فهد : داخل ومعاه الشنطه..
رينو : بعدم فهم..إيه يافهد رجعت بسرعه ليه؟
مراد : بشماته.. الإحساس نعمه والله..
فهد : بتريقه..قول لنفسك..
وقعد جمب رينو وقال.. محدش موجود.. وعربية آدم مش موجوده.. أكيد خرجوا..
مريم : كشرت عينيها وقالت..خرجوا؟ هيروحوا فين.؟
رينو : يمكن آرين صممت ع عزومه بره.. بنتي وعارفاها..وديما تاعبه آدم معاها..
آدم : أبتسم..وقال. أحفادي البنات يعملوا اللي هما عايزينه..
فهد : أبتسم..وقال ل مريم.. امسكي يا ماما لما ترجع اديلها الكنز بتاعها.
آرين : دخلت وقالت بحنين…اتعودت اخد كنزي من حضرتك يابابي..!!
فهد : أبتسم وقال.. آريني..حمدلله على سلامتك..
آدم مراد دخل وماسك أيدها ومبسوطين..وقال. السلام عليكم..
الكل رد التحيه.
آريان همس لتمارا وقال.. تحسي إن آدم اتحول بعد الجواز صح؟
تمارا : كتمت الضحكه وقالت.. اتحول بس؟ ده مبقاش آدم اللي نعرفه..
آريان : بهزار..بركاتك ياشيخه آرين.ههههه.
مريم : بابتسامة حب.. حمدالله على سلامتكم ياحبايب قلبي..
آدم مراد : أبتسم..الله يسلمك يا ست الكل..
آرين : اتكسفت..وبصت ف الأرض..
آدم مراد : ضغط ع أيدها وقال..مالك؟
آرين : بهمس..مكسوفه اوي يا آدم..
آدم مراد : بضحكه..قال..طيب أهدي و تعالى اقعدي.
آرين : بحرج.. لأ خليني جمبك..
رينو : بتعجب..الله. في إيه يا آدم أنت و آرين؟ واقفين ليه ماتقعدوا..!!
آدم مراد : هز راسه وقال .تمام..بس ثانيه واحده.. وطلع فونه..وقال.. عندي ليكم خبر مهم..
وكتب رساله جماعيه عبر الواتس..وبعتها للكل.. وقال..
ف مسج مهم ياريت تشوفوا..
الكل بص لبعض بعدم فهم..وسمعوا صوت الرساله.. وكل واحد فتح الفون..
آدم مراد و آرين بصوا لبعض ومبتسمين..
فهد : قرأ ومش مستوعب.. آرين حامل..!!! وبص ليها بدهشه وزهول ومشاعر متلخبطه.. بنته كل يوم بتكبر اكتر..من طفله لفراشه واتجوزت ودلوقتي هتبقى أم..؟!!!
رينو : حطت ايدها ع بوقها وضحكت بدموع الفرح.. وهمست.. آرين حامل..!!!
فريحه : فتحت عينيها ع الآخر..وقالت بدقة قلب.. آرين حامل..!!!
مراد : ضحك وقال.. أخيراً ولي العهد هيشرف..!!
آدم : شاف الرساله.. وأبتسم وقلبه بينبت ورقه جديده لاحفاد العدوي..
مريم : شافت فون آدم..وضحكت بدموع الفرح وقالت.. آرين حامل..؟! ماشاءالله لاقوة إلا بالله. اللهم بارك..
الكل مبسوط وفرحان..
آرين : اتكسفت جدآ..ونفسها تجري من قدامهم.
آدم مراد : ضغط ع أيدها وقال.. أهدي..!!
فهد : مسك وشها بأيديه..وباس جبينها وقال بحنين.. كبرتي يا آريني.. من طفلتي لأم أحفادي..؟!
وعيونه لمعت وقال بابتسامة جميله وقال.. أنا متأكد إنك هتبقى أجمل واحلا أم لأولادها..
آرين : ضحكت بسعاده واترمت في حضنه وقالت.. وحضرتك هتبقى احن بابا جدو ليهم..!!
فهد : كشر عينيه وقال..ليهم؟ قصدك ولادك في المستقبل صح؟
آرين : مسكت ايد فهد بفرحه وقالت. لأ لأ يا بابي.. الدكتوره قالت اني… أحم.. قالت يعني أني…..!!!
آدم مراد : أبتسم وقال..حامل ف توأم إن شاء الله..
الفرحه بقت فرحتين عند الكل..
رينو : ضمتها لقلبها وباركت ليها.. ألف مبروك ياروحي.. ألف ألف مبروك يا آدم..
فريحه : مسكت كتف آدم وقالت بدموع.. أنت مش عارف فرحتي انهارده قد ايه يا آدم يابني.. أنا كل يوم بدعي أشوف ذريتك بخير.. والحمد لله ربنا استجاب دعواتي ياحبيب قلبي..
آدم مراد : باس ع أيديها وراسها وقال بابتسامه. ولادي هيكون عندهم تيتة فريحه أحن واطيب قلب في الدنيا.. وضمها لقلبه..
آرين : كانت هتجري ع جدها..
آدم : شاور ليها وقال.. ع مهلك ياحبيبت جدك..
آرين : راحت عندو وحضنته. وقالت أنا فرحانه اوي يابابا..
آدم : ضمها لقلبه وقال.. الف مبروك ياروحي..لكن لازم تكوني عاقله..دي أهم مرحله في حياتك يا آرين..
آرين : عوجت بوقها وقالت..ماهو المرعب قالي كدا بردو..
عارف يا بابا نفسي أعمل حجات كتير وانتقم جدا خالص من المرعب ده..
آدم : ضحك بصمت وقال بهمس..دي فرصتك طلعي عينيه بس بالعقل..
آرين : كشرت عينيها ومسكت دقنها وقالت..تفتكر اقدر؟
آدم : بتأكيد.. طبعآ ده جدك الأسد..!!!
آرين : ضحكت من قلبها..وقالت خلاص نفكر ونمخمخ كدا..
آدم : بتنبيه..بس خلي بالك..لو زاد الشيء عن حدو اتقلب ضدو.. خليكي عاقله..
آرين : بخبث.. طبعاً طبعاً..ده أنا هكون ست العاقلين..!!!
مريم : بضحكه..يادي الوشوشه اللي بينكم أنتوا الاتنين.
طيب تعالي أباركلك وبعدين كملي وشوشه انتي وجدك براحتكم..
آدم : بغمزه.. آسف ياحفيدتي أصل أميرتي بتغير عليا….
آرين : بضحكه.. طبعا أنا لو منها اخطفك بعيد أصلا.. وراحت لمريم وحضنتها وقالت..
باركيلي وادعيلي يا أجمل ماما مريم في الدنيا..
مريم : مسكت وشها بايديها وقالت بدموع وحب.. دعيالك يانور عيني.. ربنا يرزقك الذريه الصالحه الطيبه المباركه الحافظه لكتاب الله..الحامله لسنة رسول الله..
ربنا يرزقك بذريه تهتز ليها قلوب المسلمين من جمال صوتها في القرآن..انتي وكل بنات المسلمين يارب.. ويرزق ويقر عين كل مشتاق..
الكل أبتسم بحب وقال آمين..
مراد : بضحكه..تعالى يامرات أبني ياحبيبتى.. وغمز لفهد.. وقال عقبال عندك..
فهد : كشر عينيه وقال..يخربيت كدا يا أخي..
ماتفوتش فرصه…
مراد : بيحضن آرين وقال لفهد.. لأ لو محرقتش دمك اتحرق..وضحك..
وطلع آرين من حضنه وقال.. مبروك يابت يا آرين.. أنا عايزك بقى تتوحمي….!!!
وبص ع فريحه وافتكر الكوارع..
وكمل وقال..
تتوحمي ع حاجه اورجانيك كدا..وابعدي عن المصمت خالص..مش عايزين نسخ تانيه من الواد ده.
أنا عايز عيال فرش وفرافيش. فاهمه يابنت فهد..
وبلاش تتوحمي ع ابوكي.. أنا هحاول ع قد ما أقدر اخفيه من وشك..
الكل ضحك.. وفهد خبط كف ع كف وقال.. عمره ما هيتغير..
بعد كدا.. آريان وتمارا وجه زين وريتال و تيم وميرو و آركان وباقي العيله كلها باركوا لأدم وضيه ع أجمل خبر بالنسبالهم..
——————بقلمي مريم نصار.
بعد يومين..
فيلا السيوفي..
بسام طبعآ خاف من تهديد فارس ليه..وجاي دلوقتي بأمر من فارس..
ودخل الفيلا..وانبهر حرفياً من النعيم إلي أخته عايشه فيه.ومكنش متوقع أنها ف مستوى زي ده..!!
طارق : بخنقه متدرايه..قال… أهلا أهلا..شرفت مصر كلها يا باشمهندس بسام..
بسام : بص على الأنتيكات..وقال منوره بأهلها ياسيادة اللوا..
طارق : بهمس ل رنا..انا مش طايقه..!!
رنا : بنفاذ صبر..اسكت ياطارق عشان خاطر رودي استحمله..
طارق : عارفه..!!!؟ مش انا كنت زعلان إن اخواتها بعيد عنها.؟
بس انا بعد ما يغور من هنا..هصلي وادعي ربنا انه يبعدو عنها على طول..
رنا : كتمت الضحكه..اسكت الله يهديك..
طارق : شوفي شوفي..بيبص على الطفايه إزاي؟ اقوم البسهاله في وشه دلوقتي؟
رنا : غصب عنها ضحكت بهمس..وقالت..مش هتهدى غير لما تطفشه.. أسكت بقى الراجل هياخد باله..
بسام : انتبه..وقال اومال رودي فين؟
رنا : بضحكه صافيه.. حالا هنادي عليها..دي هتفرح جدآ بحضورك.. حقيقي شرفتنا..
بسام : حط رجل على رجل وقال..ميرسي جدا..
طارق : من بين أسنانه. قال.شوفوا الوليا المنافقه.؟
قال شرفتنا قال.. ده بيعد بلاط الفيلا.الله يخربيتك ياشيخ..
.فينك يابيتر كنا طفشنا أمه دلوقتي أنا وأنت..!!
فارس نازل وجمبه رودي.الي مش مصدقه إن اخوها أخيراً دخل وموجود في بيتها.لدرجة أنها نسيت آخر موقف عمله..
بسام : شافها وقام سلم عليها بتمثيل كبير..انها واحشاه..
طبعا لأن البعد يولد الجفا..والي عاش طول عمره يمجد القرش عن اهله..هيفضل طول عمره معمي عن حب العيله.
رودي : رغم أنها حاسه ببرودة الحضن ده.. لكن اقنعت نفسها أنه حضن متبادل بحب كبير بينهم..
فارس : سلم عليه.وضغط ع أيدو بتحذير وقال. أهلا وسهلا شرفتنا يا أستاذ بسام..
بسام : قعد بكبرياء وقال..الشرف ليا طبعا يا…جوز اختي الوحيده..
رودي : بسعاده.بجد انا مبسوطه اوى انك جيت انهردا يابسام.ولاول مره.
بسام : شاف العُقد الألماس الي هي لابساه..وابتسم ليها..وقال..
ومش آخر مره يارودي.. احنا تعبنا من الغربه ولازم نستريح بقى..!!
..
فارس : حاوط رودي من كتفها.بإهتمام.وقال..
لا كدا بقى رودي فرحتها هتبقى فرحتين..وهتكون مبسوطه باستقرارك هنا.. وللصراحه..الي يفرح رودي يفرحني..
واللي يزعلها كان الله في عونه مني..!!! ووجه نظرة ناريه ل بسام..!!!
طارق : قاعد متغاظ..وقال جواه.منشكح اوي يسي فارس.
ده حتى ملامحه باين عليها الخبث..اعوذ بالله..عدى اليوم ده على خير يارب..
چود : عندهم ف زياره.. وجت ولابسه فستان احمر في ورد اسود..وقالت ببرود.. مساء الخير..
بسام : مط شفايفه بإعجاب..وقال معقول أنتي چود؟ وسلم عليها..
چود : ابتسمت بسخريه..ايوه يا اونكل تخيل؟..انا شوفتك في العزا في بيت جدو عبدالله..لكن حضرتك مسلمتش عليا..
بسام : مثل الزعل..معلش غصب عني ياحبيبتى انتي عارفه صدمة موت بابا كانت شديدة عليا..الله يرحمه.
طارق : بهمس.. إن شاء الله تروحله قريب وتنام في حضنه على قد محبتك ليه..!!ونرتاح منك..
وشاف بسام بياخد چود تقعد جمبه.. وقال بغيظ..خدي ياچود اقولك..
چود : بسخريه..بعد إذنك يا اونكل..وراحت عند طارق.. وأبتسمت..نعم يا بابا ياحبيبي..
طارق : نسيت كنت عايزك في ايه؟ اقعدي جمبي هنا ولما افتكر هقولك..
چود : بنصر..من عينيا أنت الوحيد اللي تؤمر أمر..
بسام : بص لچود وقال. المفروض تقولي خالو مش اونكل ولا ايه؟
چود : ببرود..سوري اصلي متعودتش عليها..
طارق : بفخر..قال بهمس..چودي تضرب ولا تبالي جدعه يابت..
رودي : بصت لچود بعتاب..
بسام : انتي بتدرسي طبعا ؟
چود : نفخت بخنقه وقالت.. لأ متخرجه من سنه.
بسام : ايه ده بجد؟ انا أكمل أبني خلص بكالوريوس تجاره من سنتين.
فارس : مط شفايفه وقال بسخرية أممم..طيب ومجاش معاك ليه؟ حتى يتعرف على عمتو..!!!
بسام : بمكر..أوعدك اني هجيبه مخصوص عشان خاطر عيون اختي رودي حبيبتي..!!!
وبص لچود وقال جواه..دا انتي لقطه ل أكمل أبني..!!
كل العز ده عايشين فيه..!! لأ.. أنا لازم ارجع الميا لمجاريها تاني. مستحيل أطلع من المولد بلا حمص…!!
چود : فونها رن وكان مصطفى وقالت بضحكه.. ده مصطفى..هاقوم أرد عليه جوه يابابا..
طارق : بغيظ من نظرات بسام..قال..أيوه ردي ع جوزك..وخليكي جوه..جمب إبنك هاا إبنك طارق عزيز..
وبص ل بسام بنظره واضحة كأنه بيقوله.. أنا قاريك وفاهمك كويس..!!
بسام : بغيظ أكبر..قال جوله.. إيه أبنها؟ دي متجوزه؟ طيب وبعدين دي كدا فرصتي راحت..!!
رودي : ياخبر نسيت اقولك تشرب حاجه؟
بسام : بكُره دفين…لأ مالوش لزوم انا جاي علشان أقولك إني صفيت كل حاجه بتاعة بابا..وده حقك.. وطلع شيك بمبلغ كبير..
رودي : بخيبة أمل.. أنت جاي علشان كده بس يابسام..!!
بسام : ببرود بعد ما فرصته راحت قال..أيوه. قصدي يعني أنا جيت أهو وسلمت عليكي..ورجعت ليكي حقك..
طارق : بتريقه..ولا فيك الخير..
بسام : قام وقف وقال.كدا حقك رجعلك في حاجه تاني..!!
رودي : افتكرت كلام رينو ليها.. وحاربت دموعها.. وقالت جواها..
خساره أنزل عليك دمعه واحده بعد كدا..
وبصتله بكبرياء وقالت.. أنا عملت كل حاجه إني اوصلك وارجعك ليا..
بس أنت قافل كل البيبان..وكويس اوي إنك رجعتلي حقي في ورث بابي الله يرحمه..ولادي أولى بيه.
وممكن أتصدق بيه ع روح بابي الله يرحمه وليا.. هيكون رصيد خير ليا يوم القيامه.. وبكدا كل حاجه خلصت..
شرفت يا بسام…!!!
فارس : قلبه اتكوى عليها..واتخيل فريحه مكانها.. وحس بغصه في قلبه وعن وجعها مفيش حد يتحمله..
وقال بجمود.. أظن سمعت صاحبة البيت قالت إيه يابسام؟
بسام : بصلهم وحس بالإهانة..وخرج حتى من غير ما يبص لأخته.
طارق بص ل رودي بخيبة أمل وزعل ع ملامحها إللي بتكابر أنها متنهارش..
رنا : دموعها نزلت وحاسه بإحراج رودي قدامهم..
رودي : ماسكه الشيك ف أيدها وباصه عليه بتوهان وعدم استيعاب..!!
چود : واقفه بعيد..وعيطت بصمت ع زعل أمها..
فارس : حاوط رودي.. لكن رودي نزلت أيدو وجريت ع فوق..
رنا : ربتت ع صدر فارس..وقالت..
معلش يافارس يابني..محدش عالم بيها غير ربنا..دي كأنها دلوقتي اتيتمت من جديد..ومبقاش ليها حد..وهتحن لابوها..
أطلع وخليك جمبها.. أوعى تسيبها حتى لو قالتلك سبني أوعى..
طارق : بضيق حقيقي.. حاول تاخد أجازه وخليك جمب مراتك يافارس..
الخبيث جه هنا وفتح عليها كل جرح ماصدقت نسيته.. أنا مش عارف إيه اللي جابه مكنا مستريحين..!!
فارس : بتنهيدة زعل.. أنا اللي جبته هنا يابابا..
طارق : ورنا بصوا لبعض بصدمه…. انت بتقول إيه؟
فارس : حكالهم عن اللي حصل..!!!!
رودي واقفه جمب السلم فوق..وسمعت كل حاجه.. يعني كمان مرجعش حقي غير بالتهديد..!! وجريت ع اوضتها..
چود : بغيظ..ده راجل واطي وحقير..
رنا : بحده..عيب ياچود..ده مهما كان خالك..
طارق : بجدية..چود مغلطتش..ده حيوان وبنظلم الحيوان كمان..ده وجع بنتي رودي بما فيه الكفاية..
چود : بعياط..ده أكتر واحد خلا مامي تعيط وجرحها.. انا عمري ما هنسى وهى بتتصل عليه من كل أرقام البيت ويقفل الخط ف وشها بحجة الشبكه.. أنا بكرهه..بكرهه..
رنا : حضنتها..وقالت..يابنتي الله يهديكي.. أمك لو سمعتك هيزيد وجعها.. احنا المفروض نقويها..مش نفتح جروح هتوجعها..
چواد : واقف على باب الفيلا وسمع كل حاجه.. وجري بسرعه كبيره يلحق بسام اللي لسه خارج من الفيلا..
بسام : سايق العربيه..وفرمل مرة واحدة لأن چواد واقف قدام العربيه..
چواد : قبض ع ايديه..وفتح باب العربيه..
بسام : نزل من العربيه..وقال بنفاذ صبر. انت بقى ابنها.خير انتوا مش هتحلوا عني بقى..!!
چواد : بغضب واضح.. أنت لو مش بيربطك صلة دم بينك وبين أمي أنا كنت دفعتك تمن كل دمعه نزلت منها عليك كبير..
أنت ايه؟ أنت ايه بجد؟ وبيقولوا الخال والد..!!! بس ف حالتك انت الخال جاحد وظالم..!!
اوعى تفكر إن أمي ضعيفة وأنها محتجالك علشان شوية فلوس..!!
لأ امي كانت بتدور عليك علشان تكمل بيك العيله..!! العيله اللي أنت متعرفش عنها حاجه..
أنت فاكر إنك بالجحود ده هتوصل لفوق؟
بالعكس.. ده أنت ربنا بيزيدك علشان تعلى وتعلى لفووووق اوي..علشان لما تقع؟ تبقى الوقعه قاضيه بالنسبالك..
أنت فقير يابسام باشا.. أنت أفقر أخ اتولد في تاريخ البشريه..
وبكره تفتكر كلامي ده..لما كل اللي حواليك يسيبوك لوحدك في عز احتياجك ليهم..!!!
وقتها بس وأنت ف وحدتك وذُلك وانكسارك.. هتشوف الدكتوره رودي السيوفي في أكبر بورتريه وجمبها أبوها طارق السيوفي وأمها وجوزها فارس السيوفي. وابنها القبطان چواد وبنتها چود واحفادها في صوره واحده..متحاوطه بعيلتها الحقيقيه..
وقتها بس لما تشوف الصوره دي..!!! تبقى افتكر كلامي عن إنك فقير الحب والود ودابح صلة الرحم..!!!
افتكر كلام چواد السيوفي كويس أوي..!!!
في جناح فارس..
فارس : خبط ع رودي..
رودي : فتحت الباب بابتسامة جميله..
فارس : شافها بتضحك وكمان لابسه فستان جديد.. واتصدم وخاف عليها.. ومسك كتفها وقال بقلق..
رودي انتي كويسه ياحبيبتى.حاسه بحاجه قوليلي..!!!
رودي : حطت راسها ع صدرو وغمضت عينيها وقالت بتنهيدة راحه..
حاسه إني كنت غبيه أوي يافارس.. أنا كنت بدور ع سمكه ميته ع الشط..ونسيت إني عايشه في قلب البحر..!!
رينو عندها حق.. أنا لازم ارجع رودي بتاعة زمان..
لازم أنسى اللي ناسي وجودي تماماً..
لأن فعلاً .العشم في ناس مبتسالش وحش جدا.. وانتظار الود بعد الجفا زي الحب بعد التسعين..جاي متأخر أوي..
وأنا خلاص مابقتش عايزاه.. أنا عايزه جوزي حبيبي وعيلتي إللي عندي بالدنيا كلها..
فارس : رفع دقنها وقال..يعني انتي مش زعلانه..!!
رودي : ضحكت بمرح وقالت..يسطى انا هزعل لو ماخدتش أجازه أسبوع وطلعت بموزتك على اليٓخت..
فارس : ضمها لقلبه بحنان وقال.. اجمل أجازه لأحسن زوجه لقلب فارسها في الدنيا..
———–

عدا كام يوم كمان..
وسفيان عرف مواعيد محاضرات تالين وبيشوفها من بعيد لأنه بعد ما عرف أنها بنت صاحب والده.. أحترم النقطه ومحاولش يكلمها.. وانهردا أخيرا هيشوفها عن قرب في حفلة الباربيكيو.
أما باري مضايقه جدا من آركان لأنها من يوم ماقالتله مش عايزه أشوفك هو مرحش الجامعه تاني.
لكن هى متعرفش إن آركان مايقدرش يعدي عليه وقت من غير مايشوف عيونها..!!!
شركة العدوي..
المحامي خبط ودخل وقال.. مستر زين..حالا لسه واصل فاكس من رئيس مجلس إدارة الشركة الألمانية للاجهزه الطبيه.مستر لويس.. وطالب فيه ميعاد مناسب لمقابلة حضرتك للاهميه..!!!
زين : ضحك بنصر..ورجع بضهرو ع الكرسي.. وقال.. وأخيراً..!!!
وبص للمحامي وقال.. رد عليه بعد يومين.. وهبلغك با لميعاد المناسب ل ملك السوق..!!!
بعد فتره كبيره..
فيلا الجوهري..
رعد : للشغالين..يلا ياجماعه ظبطوا كل حاجه في الجنينه الضيوف ع وصول..
هيلينا : رعد أطلع البس البدله..
رعد : بدلة ليه بس.. أنا هلبس بنطلون وتيشيرت..
هيلينا : بنفاذ صبر..رعد بليز دي أول مرة يجولنا ضيوف مهمين.. أنا مجهزالك بدله جديده.. أطلع البس.. لارين قالت خمس دقايق والكل يكون موجود..
رعد : باستسلام حاضر يهالي هانم..حاجه تاني؟
هيلينا : بضحكه..نو ثانكس..لكن خدني معاك اغير أنا كمان..
سفيان : خرج من الحمام..وواقف قدام الدولاب ومحتار..
البس كلاسيك؟ ولا كاچول؟ لأ أنا محتار.. لأ لأ ياسفيان سيبك من البدل..
البس بنطلون وقميص.. أيوه طيب أنا لاحظت إن تالين أكتر لبسها أبيض..وبتبقى ملاك.. لأ هى أصلا ملاك..
خلاص أنا هلبس بنطلون أسود وقميص أبيض.. طيب فين الساعه الجديده..
ايوه أهي..والبرفان اللي جايبه من إيطاليا.. فين فين. ايوه أهو..
كدا بقى كل حاجه تبقى تمام..البس وانزل أقابل أجمل وش ملائكي..!!!
بعد لحظات..
رعد استقبل فهد ورينو.. و آدم مراد و آرين..
آركان : سلم ع رعد.. ولمح باري عند البوابه الخلفيه وفتح عينيه بصدمه وقلبه دق بقوه كبيره.
آرين : كشرت عينيها وقالت..مالك يا آركان..!! بتبص ع باري كدا ليه؟
آركان : بص ل آرين بزهول..وقال باري؟انتي تعرفيها..؟
آرين : ضحكت وقالت..طبعا دي باري بنت عمو رعد صديقتي وحبيبتي.. بحبها اوي..
آركان : تنح حرفياً وقال.. باري بنت رعد الجوهري؟ لأ وكمان بنت صديقة ماما..!!!
وانا بقالي سنه ونص كعب داير..!!! اممم ماشي يابنت رعد..
باري واقفه بتأكل الكلب كاسبر..وبتغني..وقالت..
هو روقان في كل سهرة..ولا مود في كل مرة
هو رقصة ومستمرة..ولا كل دول سوا
هو بيانو ولا طبلة..ريتم أهدى ولا أعلى
حالة حلوة وحالة أحلى..وحالة تالته من الهوى
آركان : من وراها بهمس كمل وقال..
هى شمس وسط رمله..هى حلوة بت سمرة
حاجة حلوة هي أحلى أحلى..حالة حلوة هي زهرة زهرة..
باري : مصدقتش أنها سمعت صوته..لكن لفت ليه وقلبها بيدق باشتياق كبير ولخبطه وصدمه..
لكن انتبهت وشهقت وقالت.. أنت؟ أنت كمان جاتلك الجراءه تيجيلي لحد البيت..أتفضل أخرج برة حالا..
آركان : حط أيدو ع كاسبر وبيتعامل معاه..وقال بمكر.. أخرج فين؟ دانا راشق هنا..!! وبص ل عينيها وقال.انا جاي أخطفك..
باري : شافت سفيان خارج من الفيلا.. وقالت بخوف..
س..سفيان..!! امشي يا آركان أرجوك..
آركان : هز راسه وقال .. أنا مش همشي أنا ماصدقت لقيتك..باري انا لازم أتكلم معاكي.. لازم.
باري : بخوف وترجي..طيب هنتكلم لكن بعدين أرجوك تمشي دلوقتي..بابي لو شافك مش هيحصل خير.. أنا خايفه عليك أرجوك أمشي..
آركان : أبتسم وقال..بجد خايفه عليا ياباري؟
باري : شافت واحد من الشغالين جاي عندها. وزقت آركان ورا الشجرة.
آركان : واقف بيضحك بصمت.. واتأكد إن المشاعر متبادلة بينهم..
لكن خاف عليها أنه يسبب ليها مشكله.. وسابها ومشي..
الشاب : تؤمريني بحاجه يهانم؟
باري : بتحاول تهدا..وقالت.احم. لأ ميرسي.. هو بابي فين؟
الشاب : رعد باشا بيستقبل الضيوف ياهانم..
باري : هزت راسها أوكي.. اتفضل أنت .
الشاب : مشي.. وباري نفخت بأريحية..وجريت بسرعه تشوف آركان.. وقالت لازم يمشي حالا.. بابي لو شافه مش هيحصل خير..وشكله هيبقى قدام الضيوف……!!!!
ومكملتش لأنه مش موجود.. وحطت أيدها ع قلبها واتنفست الصعداء وقالت.. الحمد لله مشي.. بجد مجنون.. لأ انا مشوفتش في جنانه..
رعد إستقبل كل العيله ورحب بيهم مع هيلينا ترحيب خاص وكانوا مبسوطين جدا..
هيلينا : بابتسامة جميله.. أنا مبسوطه كتير أنكم شرفتونا انهردا.. وخصوصاً طنط مريم..
مريم : أبتسمت..حبيبتي يا هيلينا.احنا إللي مبسوطين. بس تعبتوا نفسكم يابنتي..
هيلينا : تعب إيه بس ياطنط.. ياريت كل التعب حلو كدا..
اذيك آرين ومبروك الحمل ياحبيبتى..
آرين : أبتسمت..ميرسي جدا ياطنط هالي.. هى باري فين؟
هيلينا : جايه دلوقتي حبيبتي..
وأبتسمت ل تالين.. وقالت. تالين حبيبتي نورتينا..
تالين : مش عارفه ليه متوتره..لكن أبتسمت برقه وقالت.. متشكره جداً لحضرتك..
هيلينا : رحبت بفريحه ونور ورينو وريتال ..وباقي البنات..
وباري راحت لعندهم وسلمت عليهم.. وهيلينا بعتتها تسلم ع الإمبراطور…!!!
عند رعد..
رعد : بسعاده..والله ياباشا أنا ممصدق نفسي. نورت الدنيا كلها..
آدم : بابتسامه..تسلم يا رعد..تعبت وكلفت نفسك..
رعد : ياخبر يا آدم باشا.. معاليك أنا مهما أعمل مش هوفيك خيرك عليا.زمان ولحد دلوقتي..
آدم : ربت ع رجله وقال.. أنا معملتش حاجه يارعد.. أنت تستاهل كل خير.. اومال فين إبنك سفيان..
رعد : نازل حالا ياباشا..لازم بقى يتعرف ع مراد وفهد وزين وشباب العيله..
مراد : والله أنا متشوق أشوف إبنك يارعد..وكفايه سفر وغربه بقى..
رعد : والله يامراد أنا مستني تخلص السنه دي بفارغ الصبر..ونجوزه بقى..
آدم مراد : جه وسلم ع رعد..
رعد : نورتنا ياسيادة النقيب.
آدم مراد : أبتسم..متشكر جدا ياعمي..
آركان قعد جمب آريان والفرحة والتفاؤل ع ملامحه..
آريان : بهمس كنت فين يالا..
آركان : اهو بعد يالا دي.. هتتعب معايا علشان أقولك..
آريان : مش عايز أعرف ياخويا..
تيم : قال ليهم. يارب نعقل بقى إحنا مش ف البيت..!!
رعد : بإبتسامة..اتفضل استريح ياسيادة النقيب.. وشاف سفيان جاي..وقال.. أهو سفيان شرف أهو..
سفيان جاي وكله حماس أنه يتعرف على العيله..
آدم مراد بيلف مع ابتسامه خفيفه..
سفيان و آدم شافوا بعض وكل واحد ابتسامته اتحولت لدهشه كبيره في وسط تعجب ملحوظ من باقي افراد العيله..
آريان : قام وقف بدهشه ومعاه آركان..
مراد وفهد قاموا وقفوا وبصوا لبعض..
سفيان : بزهول..قال..مش معقول آدم..!!!
آدم مراد : بنفس الزهول قال.. سفيان..!!!
آدم ورعد استغربوا..ومحمد وزين والكل بيهمس هما يعرفوا بعض؟
سفيان : ضحك وقال..بجد إيه الصدفه الجميلة دي..
آدم مراد : بضحكه. أنا بجد مش مصدق يعني أنت بقى سفيان الجوهري.؟ وحضنوا بعض..
الكل ع وشه علامات استفهام..والامبراطور شك أنهم اتعرفوا ع بعض بالصدفه..!!
سفيان : بضحكه..بجد انا مبسوط جدا يا آدم..معقول.. فعلاً الدنيا صغيره جدا..
آدم مراد : أبتسم. أنا أكتر يا سفيان.
رعد : باستفهام..لحظه واحدة بس ماتفهمونا ياجماعه.. أنتوا تعرفوا بعض؟ طيب إزاي؟
مراد : خاف إن حد يسمع.. وأمه تعرف عن خطف آرين وتالين..ولسه هيتكلم..
سفيان : قال بإبتسامة.. أبدا يابابا.. إحنا اتقابلنا صدفه في إيطاليا..ودردشنا أنا و آدم شويه.. وبجد فرحت جدا.
رعد : أبتسم وقال..طيب كويس جداً..تعالى لما أعرفك ع باقي العيله..
سفيان : ده شرف كبير ليا..وسلم ع الإمبراطور وقال.. انهردا يوم مميز جداً..
آدم : أبتسم..وقال. فعلاً ياسفيان يبني لأننا من النوادر لما نقابل أشخاص مميزين زي والدك وأنت..
سفيان : أبتسم..وسلم ع محمد وزين واتعرف عليهم من خلال أبوه..
رعد : قال. وده العميد عمك مراد العدوي ياسفيان..العميد فهد السيوفي.
سفيان : سلم ع مراد..وكشر عينيه وافتكر لهفته ع البنت اللي أنقذها..
وشاف آريان..وافتكر لما قال إنها بنته…!!!
وفتح عينيه مع دقة قلب وقال جواه..معقول تكون تالين…!!!
وسلم ع فهد..
رعد. عرف سفيان ع باقي شباب العيله وسلم عليهم مع ترحاب كبير..
آدم : بهمس لحفيدو..متأكد أنها مجرد دردشه بينك انت وسفيان..!!! لأن رد فعل ابوك وفهد والشباب مش طبيعيه..
محمد و زين سامعين آدم…
آدم مراد : بنفس الهمس..قال..سفيان هو الشاب إللي أنقذ تالين في إيطاليا يابابا…!!!
آدم ومحمد وزين..بصوا ل سفيان بإعجاب وإمتنان كبير..
سفيان : قعد جمب آدم بيتكلموا وبيضحكوا.. وبدأت تربطهم صداقه جديدة بينهم
رعد : أبتسم بحب وقال..تعالى ياباري ياحبيبتي.. ده الإمبراطور بنفسه سأل عليكي..
باري : جايه بضحكه صافيه وقالت.. وانا جايه مخصوص أسلم على حضرته..
آدم : أبتسم..عامله ايه ياباري..!!
باري : بإبتسامة أنا كويسه جداً..وبجد مبسوطين لتشريف حضرتك لينا..بابي فرحان أوي..
رعد : بطلي غلبه وتعالى أعرفك ع العيله مع وظيفة كل واحد فيهم..هما في مقام اعمامك وكمان أخواتك..
وبدأ يعرفها ع كل شخصيه لحد ما وصل ل آريان.. وقال..
رعد : طبعا انتي عارفه الدكتور آريان لأنه موجود في الجامعه..
باري : بإبتسامة.. طبعاً.. أهلا وسهلا بحضرتك يادكتور..
آريان : أبتسم.. أهلا يا آنسه باري..
رعد : وده يستي..الملازم آركان فهد السيوفي.. مخابرات عامه..
باري : تنحت وفتحت عينيها بصدمه..ومعملتش أي رد فعل..!!!
آركان : قام وقف بثقه..وبص ليها مع ابتسامة خبث.. وقال.. أهلا وسهلا آنسه باري الجوهري..!!!
باري : واقفه ببلاها ومش عارفه تتكلم.
ومفيش غير صوت باباها بيتردد.. آركان السيوفي مخابرات عامه..!!
رعد : بتعجب.. إيه ياباري..!! مش هترحبي بالضيف..!!!
باري : كحت.. وقلبها بيدق بسرعه كبيره..وقالت بتلعثم..اء..اه.احم ايوه ايوه.. أهلا بحضرتك..
آركان : بغمزه خفيفه.. أهلا بيكي..!!
باري : بلخبطه..مامي كانت عايزاني..بعد اذنكم.. ومشيت بسرعه..!!
آدم مراد : بهمس ل آركان..قال..هو ده بقى سبب وجودك في الجامعة ياكابتن..؟!
آركان : بغمزه..هو باين عليا أوي كدا؟
آدم مراد : جداً..وبتهيألي كل العيله دلوقتي خدت بالها..وبيتفقوا في مخيلتهم ع كتب الكتاب..
آركان : بحماس.. ايوه بقى.. أنا عايز اتجوز..
آدم مراد : أبتسم وقال..طيب أنجز وعليك وع الراس الكبيره..
بكلمه منه ل عمك رعد..هيوافق ع طول..
آركان : عدل ياقة القميص وقال.. نشوف الحوت والامبراطور..ويبقى على خيرة الله..
——————بقلمي مريم نصار.
بعد شوية الغدا جهز والكل اتغدا الشباب في مكان والبنات في مكان..
وبعدها الكل اتجمع في الجنينه..
آدم مراد وسفيان وتيم و آريان بيتمشوا في الجنينه..
سفيان بيسرق النظر ل تالين وهيموت ويكلمها..لكن مستحيل يعرف في وجود العيله.. وكمان هى صعب أنها تقف تسمعه.. وأخد قرار أنه هيتكلم مع والده بعد ما يمشوا..علشان يطلب أيدها رسمي..
باري قاعده مع آرين وتالين..وشاردة تماماً.. وحاسه إحساس مختلف..وفرحت أكتر بإن آركان فى المخابرات.. وزاد إعجابها بيه..
الإمبراطور بيتكلم مع رعد وولاده..وعدا بيهم الوقت. وحان وقت أنهم يستأذنوا.
آدم : سلم ع رعد وقال. أنا بجد مبسوط جدا بالوقت إللي قضيناه هنا مع عيلتك يارعد..
رعد : ده شرف كبير ليا معاليك..ويارب تدينا شويه من وقتك و تتكرر ديما..
آدم : ربت ع كتفه..وقال إن شاء الله يابني..
عند البوابه..
مراد : شاور ل تالين..
تالين : نعم يابابا..
مراد : حاوطها من كتفها وقال..هتركبي معايا انا وماما..
تالين : أبتسمت..زي ما حضرتك تحب..
سفيان : جه وقال..شرفتنا ياعمي..
مراد : أبتسم.. الشرف ليا والله ياسفيان.بعد إللي أنت عملته.. أنا مش قادر اوصفلك أنا مبسوط بيك قد ايه؟
سفيان : ابتسم وقال. ياخبر ياعمي..حضرتك ع راسي والله.. وأنا معملتش أي حاجه.. أنا لو رجعت بالزمن هعمل نفس اللي عملته واكتر..
مراد : ربت ع كتفه وقال.. هذا الشبل من ذاك الاسد ياسيفو..
وبص لتالين وقال.. تالين ده سفيان إبن عمك رعد.. والمفاجأه بقى.. أنه هو نفس الشخص اللي أنقذك في إيطاليا..شوفتي الصدف..؟!
تالين : فتحت عينيها بزهول وقالت..بجد..!!! قصدي.. أحم..متشكره جداً لحضرتك.. بجد ربنا يبارك في أمثالك..انقذتني من خطر حقيقي..
سفيان : قلبه بيدق بسرعه..وقال باحترام.. أنا معملتش حاجه يا آنسه تالين.. ديني وتربيتي ورجولتي تجبرني إني أحافظ على أي بنت..
وكمل بقلبه وقال.. وخصوصاً انتي يا أجمل ملاك شافته عينيا..!!!
باري : ودعت البنات..وعينيها بتدور على المتعجرف..ونفسها تشوفه قبل ما يمشي..
آركان : فتح باب العربيه وقال..بتدوري ع حد!!؟
باري : انتبهت وقالت بلخبطه.اء..ابدا..هتدور ع مين يعني؟
آركان : بثقه..عليا..!!
باري : بسخرية..عليك أنت؟ ليه خلاص مبقاش إلا أنت..؟!
آركان : بثقه أكبر..ماسمهاش كدا.. اسمها مفيش إلا أنت ادور عليه..!!!
باري : بغيظ..يخربيت غرورك..
آركان : بغزل.. دلوقتي بس عرفت سر جمالك وجمال عينيكي ياباري..!!
باري : قلبها دق واتحرجت..وقالت.. أنت قليل الذوق علشان بتعاكسني وكمان في بيتنا..؟!
آركان : ضحك بغيظ..وقال..عادي نتجوز..واخدك ع بيتنا..!!
باري : تنحت وفتحت بوقها وعينيها..
آركان : بتحذير..ووقتها هعرفك مين هو قليل الذوق يابنت رعد..!!!
——————بقلمي مريم نصار.
فيلا مصطفى عزيز..
كريم دخل البيت وسلم ع الكل..
عُمر : جري عليه وكريم شاله..وقال اومال ليليان فين؟
مريم : قاعده جمب يوسف وشايله طارق.. وقالت..
ليليان فوق ياحبيبي.. أطلع غير وانزلوا علشان العشا..
كريم : حاضر ياحبيبتى..وباس إبنه عُمر..وقال خليك هنا ياعم عُمر ونازلك تاني..وسابه وطلع..وفتح الباب ع ليليان..وكشر عينيه..وقال بتعيط ليه دي؟
ليليان : قاعده ع السرير..وفاتحه شاشة العرض.. وبتتفرج ع إحتفال الأجهزة الطبية..
كريم : شاف الإحتفال..وقلع الجاكيت وباسها من خدها.. وقعد جنبها..وقال.ايه ياليليانو..مالك ياحبيبتى..
ليليان : عينيها متعلقه بأبوها وقالت بحنين كبير..
شايف ياكريم..شايف بابي وهو ماسك أيد مامي من أول ماوصل القاعه لحد ما طلع بيها ع المنصه..ومش بس كده..
ده خرج بيها وهو ماسك أيدها..حتى وسط الصحافه والاعلام.. بردو ماسبهاش.. كأنه بيقول لكل الناس دي إللي بتكمل صورتي..
أنا كل يوم ااتفرج ع الإحتفال علشان المشهد ده وبس..
أنا فخوره أوي إني عندي أب زي زين العدوي..وكمان أم زي ريتال عزيز.. أنا بحبهم أوي ياكريم..
كريم : مسح دموعها وقال بإبتسامة.. أهالينا هما فخرنا وسعادتنا.. وخصوصاً لما يكونوا بالاخلاق والحب ده..
وأنا كمان فخور بيكي وبحبك أكتر من أي حد.. واكتر من أي وقت..
أنتي بنت ريتال عزيز..وواثق إنك ف يوم هترفعيني لفوق..ووقتها هكون ماسك إيدك..ووعد إني عمري ما هسيبها أبدا يا ليليان..
ليليان : حطت راسها ع صدرو وقالت..وعد ياكريم..!!
كريم : ضمها لقلبه وقال..وعد لآخر العمر ياقلب كريم..
——————بقلمي مريم نصار.
فيلا الصاوي..
آسر : بيراجع ل حياة..وقال. ها ياروحي فهمتي الجزئيه دي..
حياة : ماسكه بطنها بتعب..وقالت.. أيوه ياحبيبي. ربنا يباركلي فيك.. مش عارفه اشكرك ازاي يا آسر..
آسر : مسك أيدها وقعدها في حضنه وحط ايدو ع بطنها وقال.. وأحنا تحت أمر حياة هانم.. والأستاذ أدهم باشا..مش كدا يا أدهم..!!!
حياة : أبتسمت وقالت..خلاص هانت أهي كلها شهر وتشوف أدهم قدام عينيك.. بإذن الله..
آسر : باس أيدها وقال.. إن شاء الله ياحبيبتى.. وتقومي ليا بألف خير وسلامه.
فيلا الجوهري..
رعد : بصدمه.. أنت بتقول ايه ياسفيان..تالين بنت مراد العدوي.؟
سفيان : أبتسم.. أحم أيوه يابابا..بصراحه تالين هى الوحيدة اللي شايفها مناسبه ليا..
رعد : بتعجب..من مرتين شوفتها فيها يابني؟
سفيان : بالعكس يابابا.. أنا شوفت تالين من فتره كبيره..واتعلقت بيها جداً من غير ما أعرف هى مين وبنت مين..!! بنت مفيش منها في الزمن ده.. كمية برائة مش موجوده..وهخسر كتير لو سبتها..
رعد : بحيره.. إن كان ع أخلاقها..ف بنات عيلة العدوي مفيش عليهم غبار.. وأخلاقهم زي الالماظ..بس انا مش عارف لو ده حصل..ياترى آدم باشا هيبقى عندو مانع..!!! أنا مقدرش ع زعل آدم باشا..!!
هيلينا : بتعجب.. وابني سفيان ماله رعد..؟! أبني راجل يشرف أي عيله..
رعد : بنفي.. وأنا مقولتش حاجه ياهالي.. أنا بفكر معاكم بصوت عالي..
أبني مش قليل ولا يترفض بسهوله..أبني سيد الرجاله..بس عيلة العدوي مش بالساهل أنهم يوافقوا ع اي عريس.. وكمان مش من أول زياره ع الأقل..!!
سفيان : بتفهم.. أنا مقدر علاقة حضرتك بالامبراطور.. وشغلك زمان معاه.. لكن دلوقتي يابابا حضرتك صاحب أكبر شركة حرس خاص..وابنك مالي مركزه.. والشخص عمره ما كان بالفلوس بردو يابابا…
رعد : آدم باشا عمره ما فكر بالطريقه دي.. والفلوس آخر اهتماماته.. عموماً سبني ارتبها وإن شاء الله ربنا يقدم إللي فيه الخير..
هيلينا : بتصميم..رتب أنت رعد حبيبي..بس انا مش هتنازل عن تالين زوجه لابني سفيان..
أنا بقى هوريك شغل الست المصرية..
سفيان : ضحك بصمت وقال..يبقى كتب كتابنا قريب إن شاء الله ياست الكل..
رعد : ضحك وقال..خلاص مدام الحريم دخلت فيها يبقى خربت..
هيلينا : بتحذير..رررعددد..
رعد : قصدي عمرت..تبقى عمرت ياحبيبتى..!!!
——————بقلمي مريم نصار
بعد يومين..
فيلا آريان العدوي..
نور : دخلت.. وقالت إيه ياتيما طمنيني الدكتوره قالتلك هتولدي امتى ياحبيبتى..
تمارا : قعدت جمبها بتعب وقالت.. بعد تلات ايام إن شاء الله يامامي..
نور : ربتت ع أيدها وقالت.. إن شاء الله خير ياحبيبتى.. أنتي تروحي المستشفى قبل ولادتك بيوم.ونظبطلك كل حاجه..
آريان : أبتسم وقال.. إن شاء الله ياماما.. أهم حاجة سلامة تيما عندي بالدنيا..
تمارا : أبتسمت بحب وقالت..ربنا يباركلي فيك..
محمد : جه وحط ايدو ع بطن تمارا وقال.. النونو فين..!!
تمارا : ضحكت وقالت.. النونو أختك.هتشوفها قريب.. ياحماده..
نور : شالت محمد وباسته وقالت.. أختك اسمها إيه؟
محمد : بضحكه..راتيل العدوي..!!
فيلا العدوي..
مريم : بدهشه.. أنتي متاكده يارينو يابنتي..!!!
رينو : ههههه إلا متأكده يامامي..هيلينا جاتلي العياده انهردا..
وطلبت مني إني أتدخل في الموضوع..وهى هتموت ع تالين من وقت ما شافتها أول مرة. لحد ما سفيان أبنها أول أمبارح فتح الموضوع رسمي..
مريم : بحيره..والله مانا عارفه..هو شاب محترم وكل حاجه.. بس نشوف رأي آدم و مراد ونستخير إن شاء الله..
رينو : بضحكه واستخيري بالمرة معاكي ل آركان يامامي.. ههههه..
مريم : بعدم فهم..ليه يابنتي..!!
رينو : بفرحه.. أمبارح آركان قال لفهد.. أنه عايز يتجوز..ومش هتصدقي مين العروسه..!!
مريم : كشرت عينيها وقالت.. أنا أعرفها يعني؟ ماتقولي يارينو مش عايزه مزاوله الله يهديكي.
رينو : بهزار..خلقك بقى ضيق من يوم ما امبراطورك رجع الشركه ههههههه..
مريم : بضحكه..اه والله.. أنتي بتقولي فيها..ربنا يرده سالم إن شاء الله.. قولي بقى مين اللي عليها العين..
رينو : أبتسمت وقالت..باري بنت هيلينا..!!!
مريم : شهقت بفرحه وقالت..يختي قمر ماشاء الله.. لأ الواد آركان ده.. طلع مش ساهل..بس لما اشوفو..
رينو : بضحكه..يعني نتوكل على الله ياحبيبتى..!!
مريم : مدام المراد موجود..استخيري ونتكل على الله..
——————بقلمي مريم نصار.
بعد أسبوعين..في إيطاليا..
سفيان رايح جاي ومتوتر..ومش عارف يشتغل.. ومسح وشه بايديه..
وبيكلم نفسه.. ياترى تالين وافقت ولا لأ..هي رفضت تكلمني وقالت هتاستخير..طيب المفروض هاخد الرد الأخير انهردا..اوووف.
رافيل : دخل وقال. جراتسيا سنيور سفيان. لقد انتهى موعد العمل.
سفيان : بخنقه.. اذهب أنت رافيل.. وإن حدث أمر كنت منتظره.. سأذهب إلي مصر في الصباح الباكر..
رافيل : بالتوفيق سينور..!! وخرج.
سفيان : مسح ع شعرو وقال.. لأ أنا مش قادر استنى اكتر من كدا.. أنا هتصل على بابا..
فيلا العدوي..
آدم مراد : مسك وش تالين بأيديه.. وقال. أنا قولتلك أنا معاكي في أي قرار..
تالين : بحرج.. انا مش عارفه يا أبيه حضرتك قولت إنك واثق في سفيان..وكمان سألت عليه ف إيطاليا..
آدم مراد : أبتسم..وقال جبتلك ملف كامل عن حياة سفيان بره مصر وجوه مصر.. وقولتلك أنه أخلاقه متختلفش عننا..
تالين : نزلت وشها في الأرض ومحرجه..
آدم مراد : رفع دقنها وقال..نقول إيه للناس.. موافقه ولا مفيش نصيب..!!!
تالين : ضغطت على شفايفها بحرج..وقالت. إللي تشوفه حضرتك..!!
آدم مراد : أبتسم..وشاف القبول في عينيها..وقال. لأ ده قرارك أنتي..ودي حياتك.. وأنا واثق إن سفيان هيسعدك..
تالين : بتلعثم..خلاص موافق….!!! أحم بردو إللي تشوفه حضرتك يا أبيه..
آدم مراد : أبتسم.وباس جبينها وقال.. مبروك ياروحي..!!
تالين : بدقة قلب..الله يبارك ف حضرتك..
تاني يوم..
فيلا الجوهري..
فون باري رن وكان رقم غريب.. لكن ردت في تاني مرة
باري : كشرت عينيها وقالت..الو..!!
آركان : أحلا الو من أحلا باري..
باري : فتحت عينيها ع الآخر..وقالت.. أنت..!! أنت جبت رقمي منين.. دانا هوديك في خمسين داهيه..
آركان : حط ايدو ع قلبه..وقال بهيام وهزار. اااه شيلتي عشر داهيات علشان خايفه عليا…!!
باري : بنرفزه..وات..!!
آركان : أصلها ستين داهيه يا باري مش خمسين..
باري : أحم..Did not matter (لا يهم) وبعدين أنت سايب الموضوع الأساسي وماسك ف الفرعي..!! أنت إزاي جبت رقمي..!!
آركان : بثقه..خطيبتي ومن حقي يبقى معايا رقمها..
باري : صكت ع أسنانها وقالت..مين قالك إني موافقه عليك أصلا.. أنت مرفوض..!!
آركان : ضحك بصوته كله..وقال. أنا شوفت المشهد ده فين قبل كده..!!! أممم أيوه ع التيك توك.. أوعي يكون عندك تيك تيك ياباري.. أنا خطيبك ومن حقي أرفض..
باري : خبطت برجلها ع الأرض بغيظ..وقالت انننت مستفززز.. أنت لو قدامي كنت انتقمت منك..
آركان : بجديه ماتهدي بقى يابت أنتي.. إحنا مبنهزرش.. اخوكي سفيان أخد الموافقه واتفق ع كتب الكتاب الأسبوع إللي جاي علشان يسافر يكمل الترم التاني..ويرجع يتجوز..
وأنا عندي مأموريه بعد عشر أيام وعايز نكتب كتابنا أنا وانتي معاه..
وزعق.. باري أنا بحبك مش هلف وادور اكتر من كده.. وانتي عارفه إني بحبك.. موافقه تكوني شريكة حياتي ولا لأ..!!!
باري : اتخضت.. وقعدت على طرف السرير وقالت بدقة قلب خايف.. آركان أنت هتسافر..!!!
آركان : مسح ع شعرو وقال.. أيوه ياباري.. بس لو أنتي مش عايزاني….!!!
باري : قاطعته وقالت..موافقه.. ووشها بقى جمرة نار..
آركان : أبتسم وقال.. ستات ماتجيش إلا بالعين…….
باري : بغيظ.. نعم بقى؟
آركان : بدقة قلب.. بالعين اللي دوبت قلب آركان السيوفي..!!!
——————بقلمي مريم نصار.
في شركة العدوي..
ف قاعة المؤتمرات..
لويس : بضجر..مستر زين. نعلم أنك منزعج منذ زمن بعيد. بسبب التصرف الذي صدر منا دون قصد..
زين : حط رجل ع رجل وقال بكبرياء.. دعك من الماضي مستر لويس.. أنا نسيته تماماً..
لأن زين العدوي يسير إلى الأمام ولا ينظر لما تركه خلفه أبدا.
لويس : بتوتر.. أحم.نعلم جيداً من هو ملك السوق القادم. وبالنسبة لمشروعك.. وا….
زين : قاطعه وقال بثقه.. وأتيت لتهنئني بهذا المشروع الضخم صحيح مستر لويس؟
لويس : بيعدل الكراڤت..وقال. مستر زين.دعك من كل هذا ولاكون صريح معك.منذ البدء في مشروعك الجديد..انخفض معدل شركتنا بشكل كبير وملحوظ..
تعرضنا لخسائر كبيره..
وتم فسخ عقود كثيره ولا يكترثوا لما مايفعلوه معنا. شركتا في خطر حقيقي مستر زين..
زين : أبتسم وقال..وهل أنا من اتفق مع مموليك بأن يفضوا العقود بينكم..؟! أنا لا أعلم شيء البته.
لويس : بيمتص غيظه وقال بتمثيل الهدوء.. نريد منك أن تتعاون معنا.. ونرجع كما كنا معا في السابق..!!
زين : ضحك بصمت وقال.. يوجد عندنا مثل يقال في مصر..
وقرب من وشه وقال.. البضاعه المباعه لاترد ولا تستبدل.. أي انتهى وقضى الأمر تماماً مستر لويس..
لويس : غمض عينيه..وهز راسه..و شاور للمحامي..!!
المحامي : حط دفتر الشيكات قدام لويس..
لويس : كتب شيك..وقدمه ل زين.. وقال تفضل مستر زين..
زين : رفع حاجبه وقال..ماهذا..؟!!
لويس : أبتسم بمكر وقال..نريد مصنع الأجهزة الطبية بكل ما يحتوي..مقابل..مائة مليار..!!!
——————بقلمي مريم نصار.
فيلا مصطفى عزيز..
مصطفى : قاعد بيلعب بلاي ستيشن.. وطارق بيلعب باللعب جمبه..
چود : دخلت ومعاها وجبة خفيفة لطارق.. واتغاظت وقالت..
يعني أنا أقولك خلي بالك من طارق خمس دقايق.. ترميه كدا وتسيبه.. وأنت تقعد تلعب؟ هو مين فيكوا العيل..
مصطفى : ببرود..بيقولك.مره كوباية شاي لقت كوباية قهوة بتعيط قالتها coffee عن البكاء هههههه.
چود : بغيظ واضح.. أنت بقالك فترة مش عاجبني..رجعت للهبل تاني يامصطفى..؟
مصطفى : رفع حاجبه وقال..ماتهمدي بقى يابت.. انتي عايزه كف خماسي يظبطك..بس أنا مش هعمل كده عارفه ليه؟
چود : ربعت أيديها ورفعت حاجبها..وقالت ليه يامصطفى..!!!
مصطفى : قلد بصوت أطاطا وقال..علشان أنا جدع.. ههه ههههه.
چود : قعدت جمبه بغيظ..وقالت دمك بقى يلطش..
مصطفى : رفع حاجبه وقال..طيب اسمعي النكته دي..
بيقولك قرد ودنه مقطوعه قاعد طول النهار قدام المرايا يقول.. ااااه الحلو ديما ناقص..ههههههه
چود : شالت أبنها ع حجرها بخنقه وقالت.. ربنا يسخطك قرد ياشيخ..
——————بقلمي مريم نصار..
چود طالعه اوضة طارق..
چود : بتصرخ بصوت عالى وقالت.. الحقوووونااااي.. أبني طارق اتسخط قرد..!!! ——–

يتبع….

لقراءة الفصل التالي : اضغط هنا

لقراءة جميع حلقات الرواية اضغط على : (رواية جريمة عشق 5)