رواية جريمة عشق 5 الفصل الخامس والأربعون 45 بقلم مريم نصار

رواية جريمة عشق 5 الفصل الخامس والأربعون 45 بقلم مريم نصار

رواية جريمة عشق 5 الجزء الخامس والأربعون

رواية جريمة عشق 5 البارت الخامس والأربعون

رواية جريمة عشق 5 الحلقة الخامسة والأربعون

فيلا آركان.
آركان وباري خلصوا صلاه.
آركان : شال السجادة. وقال. مبروك يا بيري.
باري : قعدت ع طرف السرير وقالت. بارهاق ميرسي ياحبيبي. ومسكت راسها وقالت. تعرف يا ريكو هموت وانام..بجد تعبانة اوى. ولسه هنسافر بكرة ع إيطالي.
آركان : نعم يختي؟ عايزه تنامي؟ مفيش نوم أنسي.
باري : بلعت ريقها بتوتر..وقامت وجت تجري..
آركان : ف لحظه مسكها وقال. تعالي هنا. أنتي متعرفيش إني السرعة القصوى والأداء المبهر.. وشالها وراح بيها ع مكان جنتهم واخدها بطريقتة لعالمة الخاص..
بعد فتره تمت نقل ملكية باري الجوهري. ل باري السيوفي. ونقولهم مبارك.
آركان : باس أنفها وقال بسعادة. مبروك يا باري.
باري : خبت وشها ف حضنه وقالت بكسوف.. مبروك عليا أنت.
——————بقلمي مريم نصار.
فيلا سفيان الجوهري.
بعد الصلاة.
سفيان : قام وساعد تالين.
تالين : قامت..وقلبها بيدق من الإحراج والرهبه.
سفيان : أبتسم وحس خوفها. وحط أيدو ع خدها وقال. متخافيش مني ياتالين. أنا مكتفي بوجودك معايا وبس.
تالين : بلعت ريقها بتوتر وحاسه إن الكلام كله اتبخر.
سفيان : مسك أيديها.وكانت ساقعه. وقعدها ع السرير وقعد جنبها. وبيدلك في أيديها وقال..
تالين قولتلك متخافيش من حاجه. أهدي خالص. وخدي برشامة المسكن دي. وارتاحي شوية. علشان عندنا سفر الصبح بدري.
تالين : اطمنت لاسلوبه وحنيتة معاها. وقالت بحرج. مش هتقول الدعاء.
سفيان : قلبة دق بقوة. وقال. بس أنتي واضح إنك خايفه. وأنا عايزك متخافيش من أي حاجه.
تالين : بلعت ريقها بتوتر..ورفعت أيدو ع راسها وقالت. قول الدعاء ياسفيان.انا في أمانك..
سفيان : قلبة ضحك بسعاده.
وقال الدعاء. وبص ف عينيها وقال بصدق. أوعدك إني أكون ليكي أب وحبيب وصديق. أنا بعشقك ياتالين.
وقرب منها بحب كبير وعشق أكبر. واحتواها بقلبة اللي حبها بصدق.
وبعد فترة كبيرة تمت نقل ملكية تالين العدوي. لتالين الجوهري.
ونقول ليهم مبارك.
سفيان : باس جبينها وقال. مبروك ياجوهرة سفيان.
تالين غمضت عينيها ف حضن سفيان. وقالت بدقة قلب بحبك يا سفيان.
——————بقلمي مريم نصار.
ونقول بعد مرور تلات سنين.
نبارك ل زينب وعوض لأنهم حققوا حلهم و طلعوا عمرة شهر رمضان.
وأحمد اتوظف في شركة العدوي.هو ورحاب وربنا رزقه بولد وسماه جلال.ع إسم جد رحاب.
ودعاء اتوظفت مع سعيد. وربنا رزقهم ببنوته جميلة وسموها. تالا.
ملك السوق. زين العدوي. واللواء مراد العدوي.
.واللواء فهد السيوفي.
حققوا نجاح كبير بعد المصنع السري والأجهزة الطبية بتطلب بشكل كبير.
ومجموعة آل العدوي وصلت للعالمية بتكاتف الإخوات وحبهم الصافي وأنهم بيتمنوا الخير لبعض.
زياد جمال..حقق نجاح ف مجاله وكمان ساهم في مشروع همس.ومبسوط جداً إن همس حملت وجابتله حفيدة بنوته وسمتها حور.
وعندو حور ليها مكانة خاصة في قلبه. زائد محمود وحمزه..
وياسين طبعآ طاير ببنوته الجميلة. واحتفل بيها ف أول عبد أضحى ليها ف وسط العيلة.
وانهردا الكل معزوم في بيت المزرعه وف طريقهم لهناك.
علشان آدم و آرين وسفيان وتالين و آركان وباري راجعين من أداء فريضة الحج.
يوسف حقق نجاح كبير بوجود كريم ومصطفى. معاه ف الشركة.
ومبسوط لجدية مصطفى في الشغل.
كريم دلوقتي بقى نائب رئيس مجلس إدارة الشركة. ومعاه ليليان اللي وعدها أنه عمرة ما هيفلت أيدها أبدا. ودلوقتي ربنا رزقة بأمنية ليليان وجابت. لورين عزيز. وفرحانين بيها جداً.
ومصطفى وچود ربنا رزقهم ب هاندا عزيز وجدها طارق فرحان بيها جداً.
آسر بعد التخرج ركز ع شغله ف الشركه وأصبح أصغر رجل أعمال ناجح وديما بيدعم ساره الصاوي وهى كمان ديما بتكون جمبة في أي وقت. ومبسوطين ب أدهم الصاوي. وحياة حاليا حامل ف بنوته واتفقوا ع إسم ملك الصاوي.
چواد اتخرج واتعين قبطان بحرية. واتجوز من حبيبتة كارما أخيراً. وعاشوا في سفاري ف عرض البحر. وكارما مبسوطه جداً مع چوادها. وربنا رزقهم من ست شهور ب أنس السيوفي.
آريان طبعآ من وقت عمه مراد وفهد مسكوا الشركه وهو مستريح جداً. ومتابع ف الجامعة وكمان الشركه لكن مش زي الأول. وبقى عندو وقت كبير يقضية مع عيلتة الجميلة الهاديه.. تمارا ومحمد راتيل.
وتمارا بتكمل الماجستير والدكتوراه في مجال المحاماه.
تيم وميرو كناريا العشق الهادي. عايشين مبسوطين ف وجود الدكتور محمد عزيز والدكتورة نور.
وماشيين ع عهد محمد ونورو. يرحوا الشغل مع بعض ويرجعوا مع بعض.
والتفاهم المشترك بينهم. بيلين الحديد..
ونور إللي شايلة حمل كبير عن ميرو لكن ع قلبها زي العسل من حبها في جنى ويزن ويامن.
أما جنى بقى دلوعة وبسكوتة جدها محمد. عندو إللي يزعل جنى كأنة يزعله بالظبط.
وجنى دلوقتي في كيجي وان وحظها الحلو إن آيان العصبي ف كيجي تو معاها. وأنهردا آخر يوم ليهم ف الدراسه..
الملازم تاني آركان السيوفي وحرمة المصون باري. عايشين في مناقرة وخناق وهزار وضحك وحب. وعايشين في سعادة حقيقيه.
وابنهم الجميل صقر السيوفي. إللي سماه فهد ع لقب صقر المخابرات بطلب من آركان إن أبوه هو إللي هيسمي أول حفيد ليه.
وفهد قلبة متعلق بأحفادة وخصوصاً كيان وكنزي إللي اخدو عقله منه وبيموت فيهم.. لأنهم أغلب الوقت عايشين معاه. وليهم كاريزما وكأنة عايش مع آرين الصغيرة.
وكيان وكنزي متعلقين بفهد ومراد جداً. لكن حبهم لأدم حاجة تانية خالص ومخلصين ع النوتيلا في البيت. وبياكلوها من ورا آرين ف حماية المرعب..
سفيان وتالين. النهج ع درب آدم وأميرتة. تالين عاشت مع سفيان اجمل حياة من عشق وتقدير واحترام. حياة هادية وجميلة.
وسفيان عايش أجمل عشق. وديما يقولها جنة سفيان. وجوهرة سفيان..حتى ف العلن وقدام أي حد. لدرجة إن العيلة بدأت تناديها جنة من لقب سفيان ليها.
وربنا رزقهم ب مراد الجوهري وتالين رفضت تعيش في الفيلا لوحدها. وطلبت من سفيان أنها تعيش مع عيلتة لأنها عايزة تعمل عيلة كبيرة زي عيلة العدوي. وسفيان كالعادة يقولها..
وهو سفيان يقدر يقول ل جنتة لأ..! وفاجأة سفيان بلبسها للنقاب. وده أثر قلب سفيان حرفياً.
واخيرا وليس اخرا. الرائد آدم مراد والدكتورة آرين اللي بتحضر الماجستير والدكتوراه.
آدم مبسوط جدا لأنه شايف آرين بدأت تتصرف بشكل مختلف وتشيل المسؤلية الكاملة في احتواء عيلتها. بس لازم تتخانق ع النوتيلا والكنز هى وبناتها. وآدم يضحك عليهم. وحبايب قلبه يستخبوا ف حضنه.. منها.
لكن آرين ع قلبها زي العسل وفرحانة جداً..وف عشها الخاص بينها وبين ادامها بترجع الطفله الثرثارة والمشاغبه.
لحد ما ف يوم اغمى عليها. واكتشفت أنها حامل. ولما وصلت الشهر الرابع. عرفت إنها حامل ف ولد واتفقوا ع إسم فهد العدوي.
و آدم مهتم بيها كأنها بنته.. وشافت فيه الجزء الاكتر حنية ع بناتة. ولازم كيان وكنزي يناموا في حضنه الأول وبعدها ينيمهم في أوضتهم الخاصه. ويرجع ياخد ضية في حضنه.
و آرين قررت تفاجئ آدم وطلبت منه أنها عايزة تأدي فريضة الحج.. و آدم وافق جداً. وسافروا. وراجعين كلهم انهردا.
آدم العدوي و أميرتة قررو أنهم بعد العيد يسافروا يومين بيت المزرعه ويعزموا كل العيلة.
——————بقلمي مريم نصار.
عند فهد.
رينو : راحت اوضة الأطفال..وقالت لبست يافهد ولا لسه؟
فهد : شال كيان ع كتف وكنزي ع كتف. وقال هى المزرعه هتهرب. وبعدين لسه آيان وجنى ف المدرسة.
رينو : شهقت وقالت. كدا يافهد. سايب البنات تاكل نوتيلا. شوفت بهدلوا نفسهم إزاي؟ وكمان تيشرتك اتبهدل.
فهد : بص ليهم وغمز.
كيان وكنزي ف صوت واحد. بس أنتي اسكتي.
رينو : كشرت عينيها وربعت ايديها لفهد وبصتله بشرز..
فهد : مثل الدهشه. وقال. لأ لأ ياحبايبي.عيب حد يقول ل نجمتي كدا؟ ونزلهم وغمز ليهم.
كيان وكنزي ضحكوا وقالوا. اه إحنا نقول. وجريوا يستخبوا تحت المكتب مع بعض.
رينو : ضحكت من قلبها وقالت. ياخبر هما راحوا فين.؟
كنزي : ببراءة. أنا مش هنا.
كيان : وأنا كمان.
رينو : قربت منهم..وقالت..قفشتكوا..تعالوا بقى. وشالتهم وبتزغزهم وبتلاعبهم ومبسوطه بيهم.
كنزي : بتضحك بصوت عالى وقالت. الحقني يابابي.انا حبيبتك.
كيان : بضحكه كلها مرح. نو هيلحقني اناااا..
فهد : واقف ومربع أيديه وبيضحك. وفونه رن. وكان رقم المدرسة بتاعة آيان.. ورد
الو.
/: الو حضرتك اللواء فهد السيوفي والد آيان؟
فهد : بقلق.ايوة مالة آيان؟
/: بضجر..أنا مديرة المدرسة. ياريت حضرتك تيجي دلوقتي لأمر مهم.
فيلا العدوي.
آدم لبس ومريم جهزت. وقالت.
ـ هنمشي إزاي لوحدنا يا آدم. مش كنا سافرنا كلنا مع بعض.
آدم : أبتسم وقال. هما لسه قدامهم بدري. نسافر أنا وأنتي ونقعد لوحدنا شوية. أنا صدعت من دوشة العيال.
مريم : بإبتسامة. هو ف أحلا من العزوة ودوشة الأطفال. ربنا يزيد ويبارك يارب.
آدم : بضحكه. كنت عارف إنك هتقولي كدا. وأنا هرد عليكي واقولك إيه؟
مريم : بضحكه. هتقولي آمين ياحورية آدم.
فيلا السيوفي..
طارق : لابس وجاهز..وقاعد ف الليفنج.وشايل أنس إبن چواد. وقال.
شوفت يا أنس؟ يعني أنا عقدة حياتي إن ستك روحها طويلة وهى بتلبس ف سنه..يقوم ربنا يرزقني بامك اللي بتلبس في سنتين. حريم ع قلبها مراوح.
أنس : بيضحك ومش فاهم حاجه.
طارق : باسه من خدو وقال. بتضحك على إيه. ولا مانت فاهم حاجه.. تعالى نسبقهم ونستناهم في العربية. يمكن يحسوا ع دمهم وينزلوا..
رنا : نازله وبتضحك عليه وقالت.. أنت ع طول متنرفز كدا؟ اومال لو كنت بتشرب سجاير كنت عملت فينا إيه؟
طارق : بتريقه. كنت وئدتكوا يختي. أنتوا حريم لا تطاقوا.
رنا : شهقت وقالت. شوف الراجل اللي عايز يوئدني.. وكملت بدلع. واهون عليك يابو فهد.
طارق : الله الله الله. مالك ياوليا. هو بعد ما شاب وادوه الكُتاب ولا ايه؟..وع رأي المثل. دلع الكباره يفقع المراره..
رنا : ههههههههه يخرابي عليك ياطارق.بتقول أمثال عليا؟
الله يسمحك. بس ع الأقل أنا بعترف اني كبرت وعجزت.
الدور والباقي ع اللي فاكر نفسه لسه شباب. وبيلبس قمصان مشجره ويقول أنا الأسد أهو هههههههه.
أنس : بيضحك وبيلاغي.
طارق : بغيظ.. قمصان مشجره..دي الموضة ياعديمة الموضه. امشي قدامي بدل ماكلك كف خماسي يظبطك وأنتي حلوه كدا.. ماتجيبي بوسه..
رنا : خبطت كف على كف وقالت..اللهم لا نسألك رد القضاء.. الأسد ف خطر..يلا يا طارق. يلا ياحبيبي. هنتأخر الله يهديك.
ف جناح چواد..
كارما : خارجه من الحمام..واتخضت.
چواد : شدها.وحاوطها من وسطها وقال. إيه الجمال ده.
كارما : بضحكه رقيقه.خضتني ياچواد حرام عليك.
چواد : طيب بزمتك أنا آخر مرة خضيتك امتى؟
كارما : بتلعب فى ياقة قميصه. وقالت. أممم. من آخر مرة ف عرض البحر.اخدتني فيها وأنت مسافر ع تركيا.
چواد : باس أنفها وقال. طيب ده كان أنس لسه عندو أربع شهور.. ودلوقتي سته. يعني أنا بقالي شهرين بعيد عنك ياكارو..
كارما : بخجل..بلعت ريقها بتوتر وقالت.. أحم بقولك صح. اء. أنت هتلبس الطقم ده وإلا اجبلك طقم تاني. أحم المفروض نخرج دلوقتي. جدو طارق هيزعق..
چواد : هز راسه تؤ تؤ. جدو طارق أخد أنس وتيتة وخرجوا ع بيت المزرعه..
كارما : فتحت عينيها بدهشه وقالت ياخبر..وبابا فارس وماما رودي هيوصلوا المطار ويرحوا ع هناك.. يلا ياچواد اتأخرنا..
چواد : شالها بين ايديه وقال. يعني إحنا لوحدنا..وبقولك بعيد عنك من فترة. تقولي اتأخرنا..
كارما : ضحكت وخبت وشها ف حضنه..
چواد : قرب منها بحب كبير واخدها لعالمه الخاص..
——————بقلمي مريم نصار.
ف المدرسة الانترناشونال. ف مكتب المديرة.
فهد دخل وشاف آيان واقف ولبسه متبهدل ومتغاظ.. وجنى قاعدة ومكشرة وزعلانة.
المديرة : أهلا وسهلا بحضرتك.
فهد : مش مستوعب شكل ابنة. وقال ببلاها. أهلا. ممكن اعرف ف إيه؟ و آيان……!
المديرة : قاطعته وقالت. أنا اضطريت اجيب حضرتك علشان تشوف بنفسك. ورغم أنة آخر يوم دراسي. لكن آيان زودها كتير المرادي.
فهد : بعدم فهم. المرادي؟ هو عمل إيه؟
المديرة : هقول لحضرتك. ودي مش أول مرة. لكن المرادي وصلت لضرب.
آيان ضرب زميلة في كيجي ودلق علية ماية.ومش بس كده. دي الميس كمان قالت إن زميلة عُمر عزيز ومحمد العدوي كانوا معاه.
فهد : بجدية.. أية اللي حصل يا آيان.ولية تضرب زميلك؟
آيان : باصص لجنى ومتغاظ.ومردش..
المديرة : طبعا مش هيرد هيقول لحضرتك إيه؟ هيقولك أنه ضربة علشان بيلعب مع جنى عزيز..!
فهد : بسعادة داخلية.لكن مثل الدهشه وقال. مش معقول. هو ده السبب؟
المديرة : أيوة يافندم. المِس قالت. إن الطفل لؤي راح يلعب مع جنى. و آيان ضربه. ومعرفش قاله إيه؟لدرجة إن الولد خاف يتكلم.ومشي مع والدة من سُكات.
فهد : هرش تحت دقنه. وقال بتمثيل. لأ كدا غلط طبعآ. وأنا هتصرف ف البيت معاه. ومستحيل اعدي ده بالساهل أبدا..
المديرة : ياريت يافندم.. لأن ده أسلوب غير متحضر.
فهد : بعدم إهتمام..قام وكمل بتمثيل.. أتفضل قدامي حسابي معاك في البيت. يلا يا جنى. إزاي كل ده يحصل..امشوا قدامي.
ونزلوا. وكان محمد وعُمر. واقفين عند عربية فهد..
فهد فتح باب العربيه وقال أركب يا آيان باشا. وانتوا اركبوا.
محمد و عُمر ركبوا في الخلف.
آيان : بغيظ لجنى. اركبي قدام جمب بابا.
جنى : نفخت وقالت. أنا هقول ل بابي ينقلني سكول تاني. أوف.
فهد كاتم الضحكه. وشال جنى وقعدها جمبه. و آيان ركب ف الخلف.
فهد : ركب وبص ليهم وقال. أنا عايز أعرف أيه إللي حصل وتضرب صحبك ليه يا آيان.؟
آيان : بغيظ. ده مش صحبي. وهو رايح يلعب مع جنى ليه؟ وأنا قولتلها متلعبش مع ولاد.
جنى : انفجرت في العياط وقالت. أنا مبلعبش مع ولاد متقولش كدا. بابي هيخاصمنى. وبابا جدو هيزعل منى..
فهد : نفسه يضحك..لكن قال. متعيطيش ياجنى آيان ميقصدش. أنا عارف إن جنى جميلة ومؤدبة.
آيان : بنرفزه..هى بتعيط ليه. أنا مقولتش حاجه. الواد ده راح يلعب معاها. وأنا قولتله ألعب مع أي بنت إلا جنى. قالي وأنت مالك. ضربتة.
فهد : نفسه يبوس آيان. وفرحان بيه. لكن قال. تضربه لدرجة إن الولد يخاف يتكلم ويقول إنك ضربته؟ أنا عايز أعرف أنت قولتله إيه علشان يخاف؟
آيان : ………..!!! سكت.
فهد : حد يفهمني طيب علشان متعاملش معاكم بطريقتي.. أتكلم أنت يامحمد.
محمد : قال..عمو. آيان وهو بيضرب لؤي. قاله أخويا الكبير بيخطف الولاد ولو لعبت مع جنى هخليه يخطفك.. ههههه
آيان : كشر عينيه بغيظ.
فهد : بزهول.. آركان أخوك؟ بيخطف العيال. ياماشاء الله..
بص ياعم آيو. كده تصرف مش حلو..وماينفعش تمد إيدك وتضرب حد يا آيان كدا غلط.
آيان : بغيظ. يعني لو حد عايز يلعب مع ماما كنت هتكست يابابا.؟!
فهد : تنح وبص ل آيان وملقاش رد. هيقوله إيه؟ كنت دبحتة مثلاً..؟!
جنى : بتعيط وقالت. آيان بيعملي مشاكل كتير ياعمو. أنا مش هتعلم بسببه.
آيان : اقعدي في بيتكوا وأنا مش هعمل مشاكل. واسكتي بقى.
فهد : مط شفايفه وقال جواه. هو ده طبيعي. ولا الواد وارثها من بدري. أممم ربنا معاكي ياجنى. بس بجد. الواد آيان ده راجل إبن راجل. جدع.
آيان : يابابا أنا بكملك سوق علشان الهانم تروح.
فهد : تنح وقال. هانم مين.؟
آيان : نفخ وقال. هو في غيرها. جنى هانم. إللي مش عاجبها.
فهد : غصب عنه ضحك..وقال حاضر عينيا لجنى هانم.
جنى : قالت بهمس وغيظ. غبي. Stupid
آيان : بتقولي ايه ياجنى؟ سمعيني.
جنى : بنرفزه. اووف بقى أنا مقولتش حاجه. مقولتش حاجه.
آيان : ااه بحسب..
فهد : ساق العربيه وبيضحك..وقال بفخر. وقال. لأ الواد مسيطر..
——————بقلمي مريم نصار.
ف الطيارة.
سفيان : مشبك كف أيدها ف ايدو وعدل ليها النقاب وقال.. حج مقبولاً ياروحي. وحمدلله ع سلامتك.
تالين : أبتسمت وحطت راسها ع كتفه وقالت. ياااه ياسفيان عن كمية الراحه النفسيه..يارب يااارب يرزق المسلمين جميعاً في كل مكان زيارة بيت الله..
سفيان : آمين ياجنة سفيان..تعرفي مراد وحشني جداً.
تالين : بحماس..مش أكتر مني. روح قلب ماما وحشني أوي أوي.
سفيان : أبتسم وقال. قولتلك نجيبه معانا.
تالين : مانت كنت شايف كان مراد تعبان إزاي مكنش ينفع. إن شاء الله في عمره قريبه. نروح إحنا التلاته مع بعض..
سفيان : إن شاء الله ياروحي..وضحك وقال آركان مجنن باري..
تالين : بضحكه. اسكت متفكرنيش. قالها تركب طياره.. وكانت غلط وجري جابها ف آخر لحظه..
سفيان : بضحكه. شوفتي باري عملت فيه إيه؟ اجبرتة وراحوا مول جمب المطار. ودفعته دم قلبه ههههه يستاهل..
تالين : ربنا يسعدهم ويسعدنا يا سفيان..
آركان : خلاص بقى ياباري..مانتي شطبتي ع أم الفيزا أهو.
باري : بغيظ. أنت هتضيع حسناتي إللي عملتها. وهترجعلي زنوبي من تاني.. انا عايزه اخنقك.
آركان : خلاص بقى متبقيش واطيه.
باري : لحظه واحدة. واطيه دي كلمة حلوه..
آركان : هههههههه دي كلمة بحبك بس بالفرعوني هههههههه.
باري : بسعادة واو. حبيتها أوي.. أنت كمان واطي يا آركان..
آركان : ضحكته أختفت..لكن هيقول إيه؟ اضطر يسكت بعد ما طلع واطي بالفرعوني..!
آرين : باصه من الازاز وسرحانة
آدم مراد : مسك أيدها وقال مالك يا روحي سرحانه في إيه ؟
آرين : بصت ل آدم كتير وساكته.
آدم مراد : كشر عينيه وقال مالك يا آرين؟ أنتي كنتي مبسوطة من شوية؟
آرين : بجدية. آدم ممكن تروح الحمام.؟
آدم مراد : كشر عينيه وقال نعم؟ أروح الحمام؟
آرين : بحيرة..لو سمحت. طيب بص. أربط عينيك.
آدم مراد : نفخ بيأس وقال. هى هرمونات الحمل اشتغلت تاني ولا أية؟
آرين : بتحبني؟
آدم مراد : دانا بموت فيكي.
آرين : طيب غمض عينيك بجد.
آدم مراد : بتنهيدة حاضر أهو وغمض عينيه.
آرين : بتوتر ولا أقولك خلاص خلاص فتح عينيك. لما نرجع البيت بقى..
آدم مراد : آخر كلام؟
آرين : بتنهيدة آخر كلام. بس قولي يا آدم. إحنا هنرجع ع الفيلا ولا بيت المزرعه ع طول.
آدم مراد : باس كف أيدها وقال. هنروح الفيلا ونسيب الشنط ونطير ع بيتنا.
آرين : أبتسمت وقالت. هنقابل كل العيله هناك.
آدم مراد : بإشتياق. وكياني وكنزي.
آرين : حطت ايدها ع بطنها وقالت..وكمان فهد.
آدم مراد : بص ف عينيها وقال. من يوم دخلتي حياتي وجبتيلي أجمل هديتين وأنا عرفت طعم السعادة إللي بجد.. بحبك يا آريني.
——————بقلمي مريم نصار.
بعد فتره كبيره.
ف بيت المزرعه.. الكل بدأ يتجمع. وآدم أمر بوليمة كبيره جدا لأجمل عيلة من كبير ل صغير.
مريم قاعده مع رنا وملك وهنا.. وحواليها الأطفال. وبتعلمهم طريقة الوضوء الصحيحة وفضل الصلاة.
وبعد كده. سألتهم سؤال..وقالت.
أحفادي الحلوين إللي مفيش منهم اتنين. إللي ديما متميزين. والخير والحب ف قلبهم ديما متين. والشر ميعرفوش ليه طريق. يغمضوا عينيهم على حاجه وحشة تزعل مننا أولا الخالق ومن بعدو المخلوقين.
هسألكم سؤال وهشوفكم شطار ومزاكرين ولا تعبي ف الشرح راح هباء وهتزعلوني منكم.
والشاطر ليه مكافأة من كل جدو وناناه. اتفقنا ياحلوين؟
كلهم بحماس اتفقنا ياناناه..
مريم : بضحكه صافيه..ماشي ياحبايب ناناه. السؤال. من هم العشرة المبشرين بالجنه؟
آيان : بحماس.. 1 أبو بكر الصديق رضى الله عنه.
جنى : رفعت أيدها وقالت أنا أنا.. 2..سيدنا عمر بن الخطاب.
عُمر : أنا ياناناه..3..عثمان بن عفان. رضى الله عنه.
محمد : 4.. علي بن ابي طالب رضى الله عنه.
محمود : 5..الزبير بن العوام رضى الله عنه.
حمزه : 6..طلحة بن عبيد الله رضى الله عنه.
طارق : 7.. عبد الرحمن بن عوف رضى الله عنه.
يزن : 8..سعد بن ابي وقاص رضى الله عنه.
يامن : 9..سعيد بن زيد رضى الله عنه.
مريم بسعادة ماشاء الله تبارك الرحمن كلكم جاوبته صح.. بس فاضل آخر واحد مين يجاوب عليه..
كلهم رفعوا أيديهم بحماس..
مريم : استنوا كدا. تعالي ياكيان أنتي وكنزي..
كيان وكنزي جريوا عليها. نعم يا ناناه..
مريم : تعرفوا تقولوا مين إسم اللي الصحابي إللي فاضل وتكملوا العشرة؟
كيان : حطت صوباعها في بوقها. وقالت. أنا عارفه بس إسم صعب.
كنزي : يلا نساعد بعض. هو ابو عبيده ال……وكملت مش عارفه صعب ياناناه..
كيان : سقفت وقالت..(الجراح) هييييه أنا شاطرة.
مريم : سقفت بهدوء وقالت.. برافو عليكم شطار جداً. يبقى اسم الصحابي.. أبو عبيدة الجراح رضى الله عنه. ماشاء الله كلكوا شاطرين..
يلا بقى كل واحد يجري ع جدو وتطلبوا منه المكافأة. ومتسبوش حد غير لما تاخدوا منه. وخصوصاً من الأستاذ بيتر يلا أجروا.. وضحكت.
كل الأطفال اتحمست وجريت ع آدم وطارق وأشرف وجاسر وبيتر.ومحمد.
وكمان زياد ومراد وزين وفهد ومالك وفارس ويوسف.ورعد..وتيم و آريان وباقي الشباب الموجودة.
بيتر : شافهم كلهم واقفين قدامه وبيطلبوا المكافأة.. وكل الشباب بتضحك ع ريأكشن وشه. وخصوصاً آدم وطارق.
بيتر : بغيظ..أيوه يعني أنتوا جاوبتوا أنا مالي.؟
آيان : بجدية. ناناه قالت لينا مكافأة من الكل يلا بقى علشان عايزين نلعب مش فاضيين متعطلوناش..
الكل ضحك..
بيتر : نفخ بيأس وقال. أنتوا متوصين عليا.. وطلع من جيبة فلوس بالمصري.
طارق عزيز : لأ لأ إحنا بناخد بالدولار.
بيتر : بصدمه. وحياة أمك. امشي يالا من هنا..
طارق عزيز : خلاص أنا هروح أقول لجدو طارق..
بيتر : خد هنا يابن المجانين. تعالى أمري لله. معرفتك انت وجدك معرفه منيلة..
وطلع بالدولار وعطاهم كلهم.. وجه عند البنات.. وقال بإبتسامة.. الحلويات والشكولاتات دي متاخدش بالدولار. أنتوا تاخدو قلبي.بالفيزا..
وزود ليهم أكتر من الولاد. وباسهم..وقال. ها ياحبايب جدو مبسوطين؟
جنى : ببراءه أيوه جدا يا جدو.
كيان وكنزي. ميرسي كتير اوى جداً خالص ياجدو. وجريوا يلعبوا وفرحانين بالمكافأة.
آدم : بيضحك..
بيتر : بغيظ. أراك تضحك عليا.
آدم : بضحكه. أراك هتعيط من الغيظ.
بيتر : ياعم ولا هعيط ولا حاجه.بس العيال فأجتني.. هو باين عليا اني مضايق؟
آدم : ههههههههه لأ خالص دي عينيك بتطلع قلوب.. قد أنت مسرف يابيتر..
بيتر : يلا مبحبش أتكلم عن نفسي وتواضعي.. وفضلوا يتكلموا ومبسوطين.وطارق شاركهم الحوار..
وبعد شوية..چواد وكارما وصلوا بيت المزرعه.
——————بقلمي مريم نصار.
فيلا الديزل..
آدم مراد : أخد شاور سريع..ولبس ومتحمس ومشتاق لبناته..
ودخل على آرين يقولها يلا لكن وقف مكانه بصدمة..
آرين : قربت منه..ومسكت أيدية وقالت.. كدا أجمل بكتير مش كدا يا آدم..؟!
آدم مراد : عينية تايهه فيها وهمس آرين اء.. أنتي..!!
آرين : شافت التمني والفرحه ف عينيه وقالت.. أيوه أنا من دلوقتي انتقبت.. لبسته ع اقتناع وحبا فيه.
عرفت قيمة إني أكون أنا وبس ملكك شكلي وملامحي كلها ملكك أنت وبس.. هعوز إيه من أي غريب يشوفني ويعالم في قلبة إيه.؟
أنا رجعت من الحج وعايزه أبدا من جديد. عايزه أكون ضيك بجد. أنور حياتنا ببداية جديده. ع طاعه وحب.. أنا ملكك أنت وبس من زمان ودلوقتي. مبسوط بالقرار ده يا آدم..؟!
آدم مراد : أبتسم.وبعدها ضحك.. وضحك أكتر. وضمها لقلبه ورفعها من الأرض. ودفن وشه ف حجابها ونقابها وغمض عينيه..وهمس وقال. أنا بموت فيكي. أنا أكتر واحد قلبة مبسوط ومرتاح دلوقتي..
آرين : بضحكه.. آدم أنا حامل نزلني..
آدم مراد : نزلها بسرعه. وقال. آسف فرحتي نستني كل حاجه.. وأي حاجه.
آرين : كشرت عينيها وقالت.. آسف..؟! أنت عمرك ما اتأسفت لحد يا آدم.
آدم مراد : رفع نقابها. ومسك وشها بايديه وقال بحب كبير.وانتي من امتى كنتي لأدم حد يا آرين؟
آسف. آسف ع كل حاجه حصلت مني. آسف ع أي موقف ضايقتك بيه. آسف ع أي غلطة عملتها بدافع غيرتي عليكي. آسف على…….!!!
آرين : حطت ايدها ع بقه..وقالت بدموع الفرح.. لو كنت أعرف إن نقابي هيخليني اشوف نظرة العشق ولمعة الفرحة اللي بجد ف عيونك كنت لبستة من زمان أوي. وبلاش تتأسف. دي غيرتك وعشقك ليا هما إللي مخليني أكمل وبقوة يا آدم..
آدم مراد : قرب منها وباسها.وحط جبينة ع جبينها. وقال. بعشقك.ياضي عتمة قلب آدم..!
بعد فتره كبيره.
سفيان وتالين وصلوا المزرعه و آركان و باري. وكانوا ملهوفين ع ولادهم..
كل العيله سلمت عليهم بترحاب كبير..
سفيان : فتح أيدية ونزل ع ركبة..وقال مراد..
مراد : ع حجر هيلينا..وسمع صوت أبوة. ونزل بسرعه ويجري ويقع ويقوم..
سفيان : جري عليه. وشاله.. وفضل يبوس فيه.
تالين : بقلب أم..هات ياسفيان. تعالى ياروح قلب ماما.. وشالته وفضلت تبوس فيه. وتضمة لقلبها بشوق كبير..
آركان : صفر بطريقه معينه..
صقر : سمع الصوت. ولف حواليه وملهوف. وقال. بابا وبيلاغي بفرحه..ونزل من حجر فهد وبيجري ويقع.
آركان : شاله ولف ليه. وضمه لقلبه بحنان كبير..وقال. حبيب قلبي اللي وحشني..
باري : بدموع..بيبي و حشتني خالص. تعالى ل مامي ياروحي أنا..
وشالته وفضلت تبوس فيه بشوق وحنين كبير.
آيان : جري ع آركان. ويينادي.. آركان. آركان.
آركان : بضحكه..ولا آيو وحشتني ياض..وشاله..وباسه.. وقال..ياااه كبرت أوي العشرين يوم دول.. هههههههه.
آيان : بص حواليه..وقال. آرين فين..!!
وسمعوا صوت عربية الديزل..
——————بقلمي مريم نصار.
آركان : قال أهم ياعم جم ع السيرة.. أجري قابلهم..
آيان : جري..وشاف جنى ومسك أيدها وقال.. تعالى آرين جت..وجريت معاه ومبسوطة.
آدم مراد : نزل من العربية.. والضحكه ع ملامحه.. وعينية بتدور على بناته.. وفتح الباب ل آرين..
إللي حطت ايدها ف أيد ادامها..ونزلت وبصت ع عيلتها بثوبها الجديد..
كل العيله شافتها لأول مرة في النقاب.. وفرحة فهد كانت فرحتين..
ومريم : ضحكت بدموع الفرح..وفرحت جداً.
ونور : قالت ماشاء الله.. آرين تجنن ف النقاب. جميلة جدا..
محمد : بمغازلة..مش أجمل من نوري وحياتك.
نور : ضحكت بسعاده وقالت..طول عمرك بتجبر بخاطري..
محمد : هز راسه لأ عمري ماجبرت بخاطرك.. انتي مش عارفه قيمة نوري عندي قد ايه؟
دانتي لوحدك مفرد..
نور : كشرت عينيها وقالت.. انا مفرد..؟!
محمد : باس كف أيدها وقال..النور مفرد والظلمات جمع..
الكل سلم ع آدم و آرين والفرحة فرحتين. حج ونقاب. والكل بارك وهنى..
وفهد : كان فخور جدا بالقرار ده..
كيان : بتاكل نوتيلا..وشافت آدم..وشهقت بفرحه ووقعت النوتيلا وقالت.. بااااابي.. باااابي ياكنزي..
كنزي : فتحت عينيها بفرحه كبيره..ووقعت كوباية العصير من أيدها وجريوا ع آدم..
آدم مراد : شافهم..ونزل ع ركبة.. وفتح أيديه ليهم..
واترموا في حضنه..
غمض عينيه وبيغذي روحه في فترة بعدهم عنه.
كيان : باسته من بقه. بابي كنت فين.
كنزي : شهقت. بتبوسي بابي من بقه. كدا عيب..
كيان : زعلت وخبت وشها ف حضن أبوها وقالت. لأ مش عيب..
كنزي : بصت حواليها.
آدم مراد : بضحكه..بتبصي ع مين..
كنزي : بهمس..هى ناناه مريم شيفانا؟
آدم مراد : ضحك من قلبه وقال. لأ مش شيفانا..
كنزي : اتشعلقت في رقبته وباسته من بقه. وقالت.متقولش ليها اوكي.؟
آدم مراد : بسعادة كبيرة.. لأ مش هقولها خالص..وضهم لقلبه بحنان كبير..
كيان : خرجت من حضنه..بابي.مامي فين؟
آرين : من وراهم. أنا هنا..!
كيان وكنزي لفو ليها بضحكه..لكن ضحكتهم أختفت..
آدم مراد : أبتسم وقال..دي مامي. لبست نقاب زي ناناه مريم ولارين.
كيان وكنزي بصوت واحد..يعني دي مامي..!
آرين : نزلت جمب آدم..واستخبت ورفعت جزء من النقاب. وقالت بمرح.. أنا مين؟
كيان وكنزي ضحكوا وقالوا..عاااا مااااامي..وحضنوها بفرحه كبيره..
آدم مراد : بيضحك. وسند آرين..وهما ف حضنها..
آرين : بسعادة..وحشتوني وحشتوني أوي كتير جداً خالص.
كيان وكنزي.. وحضرتك كمان..
بعد كدا الغدا جهز. وكان غدا مميز وأسطوري بكل العليه..من الأحفاد للاجداد..
وقعدوا كلهم في الجنينه بيضحكوا مع بعض.. بيتر استأذن ومشي قبل المغرب علشان الشغل.. ومشي..
بعد كدا كل الشباب جابوا كمية خشب. وولعوا وكل العيله قعدت حواليها..
آدم وجمبه أميرتة. وطارق ورنا. وجاسر وملك. وأشرف وهنا.
محمد ونور. ومراد فريحه. وفهد ورينو. وزين وريتال. وفارس ورودي. ومالك وساره. ويوسف ومريم. ورعد وهيلينا.
وتيم وميرو. وآريان وتمارا. وآدم وآرين. وسفيان وتالين.
وباقي الشباب كل واحد قاعد وجمبه مراته. والأحفاد قاعدين ع حجر كل جد وجده..
تيم وميرو جابوا برواز كبير جداً.. ومكتوب عليه. شجرة العيله بالاولاد والأحفاد لحد آخر طفل..
والكل فرح بيها جداً..
آيان : قام ودور ع اسمة وقال.. أية ده؟ إسم جنى مش جمب أسمي ليه؟
الكل ضحك..
تيم : قال بضحكه.. ماينفعش يا……….!!!
آيان : بنرفزه. شال اسم جنى. وحطه في نفس مربع اسمة..وقال.. آيان السيوفي محدش يقولوا ماينفعش..
الكل بص لبعض بدهشه.. وبعدها انفجروا من الضحك ع ريأكشن تيم. وكلام آيان إللي اتنفذ..
بعد كدا..
آركان : بقولكوا إيه ياشباب.. ماتيجي نلعب لعبه..
كلهم موافقين..
آركان : هنبدأ ب باري..
باري : أوكي.. أنا جاهزه.
آركان : بمكر..هتقولي..(لحم الحمام حلال و لحم الحمار حرام) عشر مرات ورا بعض وبسرعه..
الكل ضحك..
باري : بعند.. اوكي هقولها أنا شاطره..
آركان : بتريقه.. طبعآ طبعآ.. يلا ورينا الشطاره..
باري : جت تقول..وقالت سوري نسيت.. أقول إيه؟ قولها تاني .
آركان : بضحكه..هتقولي..(لحم الحمام حلال و لحم الحمار حرام) وبسرعه متسكتيش..
باري : أخدت شهيق وزفير.. اوكي. لحم الحمار حلال ولحم الحمام حلال. لحم الحمام حرام ولحم الحمار حرام..
الكل ضحك من قلبه..
باري : بنرفزة يووووه. صعبه اوي يا آركان..
آركان : معلش ياحبيبتى..الكل هيجرب دلوقتي.. يلا يامريم أم جنى. معاكي المايك..
ميرو : ضحكت..وجت تقول..اتلخبطت والكل ضحك.
وكل البنات جربت وسقطوا في اللعبه..والكل كان بيضحك..
آدم ومريم بيضحكوا بسعاده..ع لمة العيلة الجميلة.
——————بقلمي مريم نصار.
چود.. خلاص اجدعان كفاية لعب وكفاية ضحك ع قفانا. إحنا عايزين نتكلم عن زكريات زمان يعني بابا طارق عمو آدم وكدا يعني..
الكل قال..موافقين..
آرين : بحماس..بابا طارق ممكن تقولنا ازاى كان أول لقاء بينك وبين ماما رنا.
آدم ومريم ورنا وهنا ههههههههه.
كلهم استغربوا ايه وجه الضحك ف السؤال.
طارق : ودانه طلعت نار. واتغاط جدا من آدم.
آدم : بمكر : طبعا ياروحي. بابا طارق هيقولك . اصل كان يوم مايتنسيش هههههههههههه.
طارق : بغيظ . ماتكتم يالا أنت. فرحان اوي ياخويا. ماهي………وسكت.
مريم : بتضحك من قلبها.. وافتكرت موقف الطاسه . وانها ضربته وده كان أول لقاء رنا شافته فيه.وكان وشه متشلفط ..
آرين : واووو يعنى فعلا مش ناسي. طيب قولنا بقى . كنت چان طبعا.
رنا : ههههه هههههههههههه.
آدم : ده كان قمر .هههههههههههه.
طارق : صك ع أسنانه بغيظ واضح.
مريم : بضحكه
.همست.. بس يا آدم حرام عليك. أبو فهد مسيره هيقتلنا ههههه.
جود : الله..! هو ف ايه ياطاروق. متقول اتقابلتو ازاى .ولا هو سر.؟
طارق : بنرفزه..صدقى ياچود هتصدقى إن شاء الله. انى ساعات لا بطيقك ولا بطيق امك وستك إللي شمتانه فيا دي .
رنا : هههههههههههه.
جود : لا بقى الموضوع ف غاية الختوره ياشقيق.
هنا : انا ممكن اقول هههههههههههه
طارق : بغيظ..ايه ياهنا يعنى انتى ساكته كل السنين دي وهتتكلمى ع حسي انا.؟
كلهم هههههههههههه هههههههههههه.
آدم : بضحكه من القلب.انقذو وقال.. خلاص خلاص. كانت مقابله عادية. كان موجود عندي وجت رنا وقتها بالصدفة..وكان…ههههه أحم. كان موجود.. مش كدا يا أسد..
طارق : بتريقه..كدا ياخويا..دمك يلطش.. وبص لچود وقال.. أفكارك منيلة شبهك إنتي وأمك.
رودي : الله إيه بس يا طأطأ حد داسلك على طرف..
طارق : نقطينا بسكاتك أنتي كمان..يا تلعبوا ياتقوموا تروحوا..
الكل ضحك..
آرين : اوكي أوكي. سوري يا بابا طارق.. هو سؤال تاني بس ل بابا آدم.. عايزين نعرف أول موقف بين بابا آدم واميرتة ف الغيره.. يعني إيه إللي حصل وغار عليها..
آدم : كشر عينيه وبص ليها..
مريم : ضحكت من قلبها.. لدرجة أنها مالت ع كتف آدم..
آدم : غصب عنه ابتسم وقال..عجبك السؤال مش كدا يا أميرتي؟
مريم : بضحكه صافيه..فاكر يا آدم.. عم لوتفي.. وضحكت..
كلهم ركزوا وقالوا لأ نعرف بقى..
مراد : كشر عينيه وقال..عم لطفي.. أنا سمعت الإسم ده قبل كده.. يكوني عم لطفي البواب زمان؟
مريم : ضحكت..وهزت راسها بالإيماء..
آدم : ضحك..وقال بتنهيدة حنين.. كانت أيام..
آرين : بعدم فهم..لوتفي..مين عمو لوتفي ده؟
آدم مراد : صك ع أسنانه بغيرة..وقال. لو نطقتي الإسم ده تاني هتشوفي وش مش هيعجبك..
آرين : عوجت بوقها من تحت النقاب..وقالت بهمس.. بارد..
آدم مراد : بتوعد.. شكلك بتحبي العقاب..استعدي ياجميله..
مراد : كشر عينيه وقال..قولي لطفي كدا يافريحه..
فريحه : لوتفي..وضحكت..
مراد : اكتمي يافريحه.. أنا فهمت دلوقتي..
الكل ضحك..والبنات كلها بتقول لوتفي وبيضحكوا ع غيرة أزواجهم..
وقضوا طول الليل يضحكوا وكانوا سهرة جميلة ومميزه من الضحك والذكريات. لحد الفجر..
وتاني يوم..
كل واحد أخد زوجتة وولاده ع مكان مختلف..
عند محمد ونور..
نور : في حضنة وقالت بتنهيدة حب. أنت كنت بتقول إيه؟
محمد : مسد ع شعرها وقال.. النور مفرد والظلمات جمع..!
عند فهد.
مسك وشها بأيديه. وباس جبينها وقال. ويشهد قلبي أنك قلبي..وتشهد روحي إنكِ فيها. بحبك يا نجمتي.
عند مراد.
فريحه.. ههههههههه طيب لما انت غيران من لوتفي ليه كل شوية بتقولي قولي لوتفي كدا يافريحه..
مراد : بغمزه. خلينا نجدد أمجاد الماضي يابنت كوم الشكاير.. أنا أصلا بموت عليكي من الغيرة يابت.
فريحه : بضحكه.. بحبك يامرادي.
مراد : بموت في أمك يابنت المستخبي..
عند زين.
ريتال : مسكت أيدية وقالت.. هفضل طول عمري أعشقك واغير عليك يازيني..
زين : باس جبينها وقال.. وانا طول عمري هفضل فخور بيكي. لأني كبرت بيكي ياحبيبة زين..
عند فارس..
رودي جريت عليه ومعاها التاب..وقالت. فارس فاروسه فروستي. شوفت چواد إبنك. نزل صوره ع الفيس بوك لينا صورة عائليه لينا كلنا مع بعض..
بص اللي اتصورناها امبارح ف المزرعه.. شوفت أنا واقفه وأنت محاوطني بدراعك. وچواد بيبوس ع أيدي.
وكارما جمب چواد وچود ومصطفى قدامي وبيضحكوا.. وطاروق ورنوش واحفادي معانا في بورتريه واحد..صورة فيها عزوه وجميلة جدا.
لأ وشوفت كاتب عني إيه؟
فارس : مبتسم وبيقرا.وقال.. أمي هى الوحيدة التي تستحق المعناه لأجل إبتسامة صغيره لكي تحيي لنا الحياة.. أمي هى القمر في سماء الحاضرين..!
الدكتورة رودي فارس السيوفي..
رودي : ضمت التاب وقالت.. أنا فرحانه اوي اوي يافارس..
——————بقلمي مريم نصار.
ف بلد أجنبي.. ف دار المسنين.
بسام قاعد ع كرسي متحرك.. وماسك الفون.. وشاف صورة رودي وعيلتها.. وشاف نفسه وحيد وابنة رماه زي ما ساب أبوة..
وافتكر كلام چواد السيوفي.. هى ف وسط عيلتها.. وهو وحيد ذليل..!!
عند تيم..
ميرو قاعده ع كرسي المكتب وفاتحة مدونة ميراث العشق وبتكتب..
بابا آدم. سيد من أسياد العشق. علمنا كيف نبحر في أعماق قلوبنا. لنبحث عن ضوء العشق في داخلنا.
ماما مريم.. إمبراطورة المملكة. حورية وكيان العائله. لا استغناء عنها مهما طال الزمن.
هى البريق في ظل عتمة الليل. هى نور العائله ومفتاح السعادة..
أما عن أبي.
ظلُّ السعادةِ في ظلالِ حنانهِ هذا أبي، هذا الحبيبُ الأوّلُ..
أما عن أمي.
فهى كالماء العذب نحيا بها. ولا نستطيع العيش بدونها.
فيها وصية الرسول ثلاثا. أمك ثم امك ثم امك.
فنعم الوصية من أشرف الخلق.
أما عن أخي..
كان يأوي إلى قلبي ويسكنهُ..وكان يحمل في أضلاعهِ داري.
أما عن اختي.
فاحبها فوق حب المحبين حبا. أعشقها بلا مقابل. فهى وچهتي ونور دربي..
أما عن زوجي.
ف لك كل العشق مكنون بين أضلعي.. ولك الروح التي تسكن جسدي..
ف والله أفديك بقلبي وروحي. وتظل أنت سيد قلبي.
أما عن أولادي.
فهم النبتة التى لطالما تمنيت أن تترعرع في ظل هذه العائله. هم الوريد لقلبي. وهما همزة الوصل بيني وبين الحياة.
فادعوا الله أن يبارك لنا فيهم. ويستجيب لدعوات. أميرة المملكة
وأخيراً..وإن حدثتكم عن النعيم..؟ فهى أن تبقى عائلتي ع قيد الحياة..
M/T
وقفلت المدونه.. وابتسمت..وقامت تطلع لتيم.. لكن كشرت عينيها وقالت..هو تيم راح فين؟
ف المكتب.. تيم فتح المدونه وقرأ كلماتها اللي بتلمس قلبه.
ومسك القلم وكتب..
أما عن زوجتي.وملاكي.
فهى وچهتي لاسير ف درب الحياة. عشقها لقلبي كطوق النجاه من موت محتوم..
والتى أرى في بريق عيونها أمسي وحاضري.
فهى النعمه التى تستحق أن افني حياتي بجوارها. فهى ملاكي. مريم تيم عزيز.. T/M
——————بقلمي مريم نصار.
عند سفيان..
سفيان وتالين..عملوا مدونه للذكريات…واختاروا عنوان مناسب ليها.. واتفقوا ع عنوان وهو..
(يرسلنا الله بعضنا لبعض كالأرزاق.)
وسفيان. شايل مراد واخد تالين في حضنه..
تالين : همست ف ودن سفيان وقالت بفرحة وسعادة…انا حامل.!
عند آركان..
باري : في حضن آركان. وقالت. اوعدني إنك تفضل ديما معايا..
آركان : باسها برقه وقال.. وعد مني إنك ديما تكوني قبلي في كل خطوة..
عند آدم مراد..
آرين : لابسه فستان سهره وفرده شعرها وعامله ميكب كامل..ونازله ع السلم زي الملكات..
آدم مراد : واقف ع أول السلم..ورفع عينيه ليها.. ومسك كف أيدها وباس عليه..
وبص ف عينيها وقال..
(وحسناء تكحلت فأربكت ذاك الذى تاب عن الحب بنظرة)
——————بقلمي مريم نصار.
ف جناح الامبراطور..
مريم قفلت المصحف..وقامت تقعد مع ادامها في التراس..
آدم : ماسك مدونتة الشخصية وبيكتب فيها..
مريم : قعدت جمبة من سُكات وسابته يركز.ومحبتش تزعجه..
آدم : أبتسم وقال.. أميرتي..
مريم : بإبتسامة. نعم يا امبراطور قلبي.
آدم : عايز منك هدية اسجلها ف مدونتي الشخصية ع لسانك. اهداء خاص منك..
مريم : حطت راسها ع كتفه وقالت بإبتسامة حب..
عيناي ممتلئة بِك. إني أراك في كل شيء.
أنت آدمي..و أمني ومأمني وأماني ووطني وموطني …سكني وسكينتي ومسكني وسكوني ⁦⁩️ متسعي إن ضاق بي العالم ⁦
نجمي وقت عتمتي فما أصابك يُصيبني وما اقترب منك جُرح إلا وكان غُصّةً في قلبي قبل أن يدنو منك.
أنت نعمتي وجنتي واشيائي الجميلة كلها
أخطو معك كل الصعاب وأتجاوزها بحضورك…!
“وأنت الجار لقلبي والجوار وأنت الدار ل مريم والديار.
آدم : كتب كلماتها بإحساس جميل..وباس جبينها وقال بابتسامة حب… إيه رأيك نقوم ننام علشان صلاة الفجر..
مريم : مسكت ايدو وقالت. وأنا عمري ما أقدر أرد ليك كلمة يا آدم..
آدم : قام.. وقعد ع طرف السرير.
مريم : نامت جمبه..وقالت. مش هتنام ياحبيب الروح؟
آدم : مسد ع شعرها وقال. غمضي عينيكي ياحورية. هكتب حاجة قبل ما أنام في حضنك..
آدم : طفى الاضاءه وساب نور الاباجورة منور.. وفتح المدونه وكتب..
النهايه.
‏إن الميراث الوحيد الذي يجب أن ينشغل به الأباء هو ترك إخوة متحابين..
لإنجاب أحفاد يعيدو كرة الاخوه المتحابين..فينجبوا أحفاد متحابين..
ف تستمر الاخوه وليدوم الود ف ميراث العشق..
وقفل المدونه.. وبص لاميرتة وأبتسم..وباس جبينها.
مريم : حست بيه.. وأبتسمت وقالت بهمس. تصبح على جنة مريم.
آدم : بدقة قلب..تصبحي ع عشق الأدم..!!
(النهاية)
~~~~~~~~~~~~~~~~~~~~~~~~~~~~~~~~
وفي الختام.
هذا هو ما خط به قلمي، وتلك هي أمنيتي في الحياة التي لطالما حلمت بها أن تسود العالم أجمع.
ليتنا نعيش في هذا العالم ببساطة.
زوج يرعى الله في زوجتة و وصية رسوله، ويعاملها بمودة ورحمة.
امرأة صالحة تصون زوجها وبيتها وتأسس بيت متين، وذرية تخاف الله.
أبناء صالحين بارين ب أبائهم وأمهاتهم، ويقبلون أيديهم في كل حين.
أخ يكون سندا لاختة ويراعي الله فيها كأنها ابنته.
صديق وفي دون مصالح ولا حقد ولا غيره، يعيش بجانب صديقة مهما طال الدهر.
ذرية من خلفها ذرية. من خلفها ذرية. تتوارث الود والاحترام والتقدير.
ويسود الحب بيننا وبينهم.
هذه الدنيا فانية لا تستحق چهد العناء والمؤمرات والحقد والكُره لقريب أو بعيد، لحبيب أو منافس.
اعيشوا الحياة بسلاسة ويسر دون خوف ، دون عناء.
هيا جميعاً لنبدأ بصُنع عائلة استثنائية مثل تلك، هيا لنبدأ بصفحات بيضاء جديدة نرسمها بلون مختلف ونفضل اللون الأبيض الصافي مثل قلوبكم.
دومتم لي خير داعمين وخير سند ❤️❤️
================================
وتوتة توتة..وبفضل الله خلصت الحدوته.

لقراءة جميع حلقات الرواية اضغط على : (رواية جريمة عشق 5)