رواية أسيرة عائلة القناوي الفصل الثامن عشر 18 بقلم يوستينا سامي

رواية أسيرة عائلة القناوي الفصل الثامن عشر 18 بقلم يوستينا سامي

رواية أسيرة عائلة القناوي البارت الثامن عشر

رواية أسيرة عائلة القناوي الجزء الثامن عشر

رواية أسيرة عائلة القناوي الحلقة الثامنة عشر

في اوضة نور
ماجده بخوف / لا انا مش عايزاهم يعرفوا ان انتي رهف كده عزيزه ممكن تخلص عليكي ..
لا تغور كل حاجه ، بصي لمي هدومك واخرجي من الدوار الملعون ده النهارده يا رهف
رهف / امشي و اسيب ورثي يا ماما بعد كل ده ، و نور ازاي تبيعناا بعد ما اعتبرناها واحدة مننا
وفي اللحظه دي رهف لقيت الباب اتفتح ودخل عاصي و هو بيبصلها بغدر و قرب منها و اخد التليفون من ايديها و رهف كانت بصاله بتوتر و مكنتش قادرة تتكلم
عاصي / الو يا ماجدة .. اي دلوجتي بجي فارق معاكي بنتك صووح ، طبعا ما انتي كنتي مصدرة نور في كل حاچة
و لو ماتت في داهية ماهي مش بنتك
ماجدة بغل / اسمع يا عاصي يا قناوي انا ماجبرتش نور علي اي حاجة هي اللي قررت من نفسها تدخل الدوار و تاخد حق ابوها اللي انتوا قتلتوووه
عاصي / لساكي عم تكدبي يا ماجدة لسه فيكي حيل و عمر طيب يكون في علمك بجي بنتك دي هتفضل امانة في دوار القناوي و مش هتمشي من اهناا الا لما ترجعي الصعيد
و متجلجيش عليها انا هحطهالك في الزريبة مع البهايم يعني علشان متنساش حنان الام
و مسك عاصي التليفون و رماه في الارض بعزم قوته
و فضل يدوس عليه بكل غل لحد ما اتاكد انه اتكسر الف حتة و بص لرهف بغل و مسك ايديها و قالها / اسمعي بجي اني مش هحبس في الزريبة و لكن هحبسك اهناا في اوضتك .. وهسيبك تراجعي افكارك علشان تحكيلي كل حاچة بالتفصيل و لو كدبتي عليا هجتلك
رهف بصتله بدموع/ انا معرفش حاجة .. انت ليه بتعمل فيا كدة .. سيب ايدي
عاصي/ بكفاية دموع التماسيح دي خلاص مش هتخيل علياااا … انا واثق ان العقربة امك مش هتخلف ملاك عاد .. فكري يا بنت الناس في الكلام اللي انا جولته و عجلك في راسك تعرفي خلاصك .
و خرج عاصي من الاوضة و قفل عليها الباب و رهف فضلت ترزع جامد علشان حد يفتحلهاااا لكن مكنش حد يجروء انه يقرف نوحي الاوضة
______________________________________________
في اوضة نور
نور كانت نايمة علي السرير سانده راسها علي المخدة اللي كان كلها ماية من دموعها اللي موقفتش من ساعة ما حست ان عاصي خرج و سابها
نور بتعب / انا استاهل ان يحصل فيا كل ده ، طب ليه معقول يبقي عاصي هو الوحيد اللي كان خايف عليا بجد
قامت نور من علي السرير و حطت ايديها علي ودنها جامد
و قالت / لااا كلهم كدابين ، كلهم بيكروا نفسهم ازاي هيحبوني انا
و بدات نور تفتكر كلام عاصي ليهااا لما كانوا في الشارع
فلااش بااااااك 💕💕
نور كانت حاطة ايديها علي راسها بتعب
عاصي قرب منها و مسك ايديها / وممكن تكوني مش مصدجاني فعلا .. بس انا مش بكدب يا نور ومش هنكر واجولك ان ابويا كان ملاك بس هو مش ما كانش تاجر سلاح لوحده ده كان هو وسامح القناوي اخوه و جابر الدسوقي ابو تمارا وملك الثلاثه يبجوا شركة ..
نور بصيتله بصدمه وقالت / انت بتقول ايه ابو تماره و ملك مش زيكم ، اه ابوك هو اللي ورطه ولما رفض يدخل شريك معاه و حاول يهرب ابوك قتله
عاصي ابتسم بوجع وقالها / دي الحجيجه اللي ام تمارا وملك زرعتها في راسهم و ماجدة كمان .. بس لا ابوهم كان بيتاجر بالسلاح مع ابويا ومع عمي ..
بس بعد ما انقبض على عم اسماعيل ابوكي يا نور وامك ماتت بحسرتها كل حاجة اتغيرت عاد
نور بدموع / انا مش عايزة اعرف ايه اللي اتغير انت معني كلامك ده ان كلك ولاد كلب في بعض ابوهم وابوك وعمك .. انا ابويااا ذنبه اي ليه عملتوه في كدة
ووقعت نور علي الارض و هي بتعيط بانهيار و عاصي قعد في الارض جمبها و اخدها في حضنه
عاصي / اهدي يا نور بالله عليكي و انا هشرحلك كل حاجة عاد بس مش اهنااا ..جومي معايا
واخد عاصي نور ووداها في مكان ما حدش يعرفه تماما الا مراد وكان مخزن بتاع ابوهم و المكان اللي كانوا ببتجمعوا فيه هما التلاتة (طاهر و سامح و جابر الدسوقي )
في المخزن
نور / ايه جايبني هنا عشان تخلص عليا وما حدش يحس بيك
عاصي ابتسم بتريقه وقالها / انا لو رايد اخلص عليكي هخلص عليكي وسط البلد كلتها و مش هاخد فيكي يوم واحد
و بص علي المكان بوجع و قال / المكان ده تجدري تجولي عليه جهنم بس علي الارض ، المكان ده اللي خلاني اخسر ابويا و عمي و اخواتي و كل الناس اجولك خلاني كمان خسرت نفسي
و بصلها عاصي و عدل جلابيته بهيبة و قالها/ اصل محسوبك كمان يبجي تاجر سلاح من العيار التجيل اووي
وبدا يفتح الدرج بتاعه ويطلع ورق جار عليه الزمن و تسجيلات و انه كمان طلع نسخة محضر بتاع قضية ابوهاااا
ومسك عاصي الورقه بتاعه المحضر وابتسم بتريقه
وقالها / تجدري تقرايها وتعرفي ان اللي ابلغ على ابوكي يبقى سامح القناوي و الشاهد كان جابر الدسوقي ابو ملك اما طاهر القناوي ابويا كان بره مصر وجتها و كل حاچة مثبوتة في المحضر ..
نور مسكت الورقة و بدات تقرأ فيها و هي مزهولة و بدات تحس بالخنقة و التوتر ، معقول يكون كلامه صح و كل حاجة كانت في دماغها و اتربت عليها تطلع غلظ ، معقول كانت عايشة في بيت الراجل اللي حبس ابوها و اتسبب في موته
و كانت بتقوله يا بابا
بااااااااك 💕💕
فاجاه نور فاقت من ذكرياتها و هي بتصرخ جامد بعلووو صوتها
نور و هي بتتفض علي السرير بقوة و بتصرخ / كفاية بقي … كفاية انا عايزة اموت مش عايزة اعيش معاكم ، انتوا كلكم مجرمين انا عايزة اروح لابويا
عاصي دخل الاوضة بلهفة اول ما سمع صوتها و جري عليها وحاول يقيد ايديها و رجليها
عاصي بخوف حقيقي/ اهدي يا نور ..كفاية اهدي يا حبيبتي انتي معايا محدش هيقدر ياذيكي
نور زقته جامد و قامت من علي السرير و لزقت في الدولاب و هي خايفة و بتترعش / لااه لااااه ابعدوا عني انا مش عايزاكم و مش عايزة اقعد في الدنيا دي ، ده كل اللي فيها بيتخانقوا مع بعض .. انتوا ازاااي كدة ازااااي ، انا عايزة امشي
و جريت نور مسكت ايد عاصي و هي بتبوسها و هي منهارة / والنبي يا عاصي لو بتحبني بجد موتني موتني وانا راضية و مش هزعل منك ابوس رجلك
عاصي رفعها من علي الارض و هو بيضمها لحضنه بالقوة و عيونها مليانة دموع و كسره / بس يا نور اهدي بسسس ..
انا هاخدك و هنمشي من هناا هنبعد عنهم خاالص انا لا يمكن اخسرك ده انتي البني ادمة الوحيدة اللي فتحت قلبي للدنيا
_____________________________________________
في اوضة مراد
مراد كان بيحط هدومه في شنطته وزين دخل عليه وهو بيبصله باستغراب وبيقوله / انت بتعمل ايه معقول هترجع مصر يا اخي ده انت حتى الجرح اللي في جنبك وفي ايدك ما خفش ده انت لسه خارج من المستشفى يا ابني
مراد / لا ما تقلقش مش انا اللي هسوق السواق اللي هسوق وبعدين هيحصلي اكتر من كده يعني
زين / طب وملك مش انت قلت انك هتدور عليها عشان تلاقيها ايه غيرت رايك يعني
مراد ساب الهدوم و بصله بحزن / فات اكتر من 10 سنين غيروا كل حاجه غيروني جدا وغيروا ملك كمان لا بس انا ما اتغيرتش انا اتبدلت بانسان تاني خالص .. حتى ملك نظرتها ليا وانا في المستشفى كانت كره قوي عمري ما كنت اتصور انها تقدر تحط عينيها في عينيا و قلبها يطاوعها تضربني بالرصاص
زين / عندك حق يا مراد كل حاجه اتغيرت ، انا عرفت ليه دلوقتي انك بتكره ابوك قوي كده عشان هو اللي حرمك من ملك لما قتل ابوها
مراد بحده / ابوك في كل العبر و اوحش بني ادم في الدنيا و بكرهه وبكره اليوم اللي اتولدت فيه لكن لا هو ما عملش حاجه ابوك لا حبس اسماعيل ولا قتل جابر الدسوقي ابو ملك و لا اي حاجة ، لكن كان الشراره اللي دخلت الكره في قلوبنا كلنااا .. لما وافق انه يتاجر في السلاح ويبقى السبب في دم ناس و اطفال ابرياء
ابوك اه ما قتلش جابر ولا اسماعيل بس قتل الاف غيرهم
واخذ مراد شنطته بضعف وخرج من الدوار كله وما كانش عايز يقابل حد ولا حتى عايز يدور على ملك وزين كان لسه هيروح يلحقه بس اول ما خرج للجنينة لقي عربية عاصي وكان بيركب ملك
زين باستغراب / وانت مالك انت كمان يا عاصي رايح فين
عاصي / ما بقاش ينفع نور تقعد هنا خلاص حتي انا مش قادر ، انا هبعد فتره و هرجع خلي بالك من امك يا زين
وقبل ما يروح عاصي يركب العربيه بتاعته زين مسك ايده وقاله / معقول هتسيبنا وتمشي يا عاصي يا كبير عيله القناوي ازاي طب ده الدوار ده كله هيتخرب بمجرد انك تمشي وتسيبه
عاصي بص علي الدوار و علي شكله من برا و قاله / البيت ده دمرني اووي من وانا عندي عشر سنين لقيت نفسي في لعبة و حروب و قتل و كل حاجة ، تخيل عيل اتعلم يمسك سلاح هو عنده 10 سنين ودخل اللعبه وفهم ان الدنيا دي كدة يا قاتل يا مقتول
لحد ما كل حاجة ضاعت مني الطفل اللي كان جوايا مات وانا بقي اخدت القرار اني همشي من الدوار ده دلوقتي علشان انا كمان مموتشي
و فتح عاصي باب العربية و بص لاخوه لاخر مره
و قاله/ متعيش دور مش دورك يا زين .. و متجبرش تمارا تعيش معاك ، انت مش هتعرف تضيع كره عشر سنين في يوم و ليلة و اديها الفرصة انها تختار حتي لو اختارت انها تسيبك
و ركب عاصي العربية و مشي هو و ملك و معاهم مراد .. زين حط ايده في شعره بعصبيه ما كانش عارف يفكر ومش فاهم اللي بيحصله ده ومعقول الدوار اللي العيله كلها كانت بيتخانق عليه فجاه كلهم سابوه ومشيوا ..
ولكن حاول يهدي نفسه واخذ القرار وطلع اوضه تمارا ولقاها قاعده على السرير وماسكه تليفونها وبتحاول تكلم ملك
تمارا بحده / ما اهو انا مش ههدي غير لما الاقيها
زين بصلها بوجع و قالها / انا اسف علي كل حاجة عملتهااا اسف اني في يوم مديت ايدي عليكي او اهنتك و اسف اني اتجوزتك غصب .. انتي
و اخد نفس بقوة و قالها بضعف / انتي طالق يا تمارا و اطمني ملك محدش من الغفر لقاها
و خرج زين و سابها … و فاجاااااه سمعواا صوت صريخ جااامد و صوت ضرب نااار
طب استووووووووووووب بقي
تفتكروا مين اللي اقتحم الدوار وليه عاصي استسلم كده واخذ نور ومشي ؟ وطالما زين ما لقاش ملك امال راحت فين وليه مش بترد على تليفونها ؟
اسئله كتير لسه هنعرفها بعدين ولكن احنا وصلنا لمعلومه مهمه ان اللي حبس اسماعيل والد نور مش طاهر القناوي وعاصي ما لوش يد في حاجه لحد الان ..
اما ماجدة دي بقي ربنا يستر منهاااا حقيقي 🤦😂

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أسيرة عائلة القناوي)