رواية عشقت مريضي الفصل الخامس 5 بقلم سلمى محمود

رواية عشقت مريضي الفصل الخامس 5 بقلم سلمى محمود

رواية عشقت مريضي البارت الخامس

رواية عشقت مريضي الجزء الخامس

رواية عشقت مريضي الحلقة الخامسة

كان واقفا مكانه كالجماد وينظر امامه بصدمه….. صوت انفاسه العاليه المتسارعه… جواره اخته التى تنظر له بتعجب
مازن بصدمه وصوت حاول اخراجه/عمى
سفيان بفرحه وهو يهب واقفا من مكانه / ابنى…. يحيى
اسرع يحيى الى ابيه محتضنه بفرحه/ بابا انت كنت فين وحشتنى اوى
سفيان بسعاده وقلق/ انت الى كنت فين واختفيت فين الفتره الى فاتت
يحيى بحزن وهو يمد شفتيه للامام بطفوله/ مش هدير الوحشه بنت عمتو ضربتنى فى راسه وجابت دم… صحيت لقيتنى فى المستشفى…. وانتو مش معايا
نظر له سفيان بصدمه من حديثه… تحدث كريم بدهشه شديده/…هدير… الوحشه… يحيى حبيبى انت كويس
ذكى بصدمه/ يحيى الحادثه دى حصلت من زمان
هز يحيى رأسه بنفى وهو يأكد حديثه/ لاء مش من زمان دى من اسبوع واسبوع واسبوع
كريم هو مازال على صدمته من حديث يحيى الغريب/ هوا فى اى انا مش فاهم حاجه
قطع حاله الدهشه والاستغراب على وجوههم صوت اسراء التى تحدث بجديه وهى تنظر لهم بهدوء / حضراتكم الحادثه الاولى سببت شرخ فى دماغ يحيى بس كان صغير والدكاتره متعملوش معاه صح

 

 

يحيى جالنا من اسبوعين فى حادثه عربيه والحادثه دى اثرت على دماغك وخصوصا الشرخ الى حجمه زاد
فا يحيى رجع بالذاكره للحادثه الاولى لما كان عنده سبع سنين… يعنى ابن حضرتك دلوقتى عنده سبع سنين
نظر لها الجميع بصدمه وتحدث ذكى بعصبيه/انتى اى الى بتقوليه ده…. انتى اتجننتى…. وبعدين انتى مين اصلا
تحرك مازن من مكانه ووقف جوار اسراء وقال وهو ينظر لهم باشتياق/عمى… دى الدكتوره اسراء هشام السوالمى
حاله صدمه الجمت الجميع تجمد سفيان فى مكانه وهى ينظر لهم باشتياق ودموع
تحرك ذكى من مكانه ووقف امام مازن وهو يقول بفرحه/ انت مازن…. انت مازن ابن اخويا صح
هز مازن رأسه بسرعه شديده وقد اجتمعت الدموع فى عينيه….. اسرع ذكى باحتضانه وضمه اليها بشده وهتف بحراره/ يااااه… مش مصدق انى شوفتك… تعرف احنا بقالنا قد اى بندور عليكوا انت واختك
خرج مازن من احضان عمه وقال بسعاده/وانا بردو ياعمى كنت بدور عليكو
تحرك ذلك الجامد من مكانه وبعد طول انتظار اجتمع مع ابناء اخيه…. تحرك لاسراء ووقف امامها قائلا بسعاده التمعت فى عينه وصوت حاول اخراجه/ انت اسراء الصغننه
ظلت اسراء تنظر له بجمود وثوانى والقت نفسها من ذراعى عمها واجهشت فى بكاء شديد
لف سفيان يده حولها وشدد علي عنقها واخذ يشتم رائحه اخيه وزوجته فيها
لم يقوى على الحديث اكتفى برفع رأسه للسماء وهبط دموعه بسعاده
اخرج سفيان اسراء من احضانه…. تحرك ووقف امام مازن
كان ينظر له بعمق شديد وهى يتحسس ملامح وجه بيده… يالله كم يشبه والده الراحل…. يشعر وكأن اخاه يقف امامه
فتح ذراعيه لابن اخيه وقال بسعاده/ادخل فى حضن عمك ياقلب عمك
ضمه مازن بشده وقال/ وحشتنى اوى ياعمى
سفيان بفرحه / وانت اكتر ياقلب عمك

 

 

خرج مازن من احضانه وتعرفوا على كريم
تحدث ذكى/ مازن ممكن تاخدنا يابنى لبيت اخونا
عاوزين نتكلم فى كل حاجه
هز مازن رأسه ايجابا واخذهم لبيتهم البسيط
بعد وقت ليس بكبير وصلا جميعهم وصعدا للاعلي تحت نظرات سفيان وذكي المتفحصه للمنزل والمشتاقه له…
اسراء وهيا تقدم لهم مشروب/ اتفضلو..
سفيان بعدما اومئ لها بأبتسامه لطيفه/عايز اسمع كل حاجه بالتفصيل يا مازن.. كنتو عايشين ازاي ومنين..؟!
مازن بضحك/ والله يا عمي الموضوع بسيط في الاول كنت بشتغل في ورشه بابا بجانب دراستي والحمدلله ربنا نصرني ودخلت كليه شرطه بمجهودي وبدون واسطه الحمدلله..
اسراء /وانا دخلت طب بدرجاتي بس شغلي في المستشفي كان بواسطه من مازن الصراحه..
مازن /دورت عليكو كتير اووي بس كنت بفشل في ان الاقيكم..
ذكي بسعاده /الحمدلله علي كل شئ يبني اهم حاجه دلوقتي اننا لقيناكو..
سفيان /طب ويحيي بيعمل معاكو اي..
اسراء /زي مقولت لحضرتك يا عمي عمل حادثه واثرت ع دماغه وتقريبا كنت انا اول واحده شافها بعد العمليه او اول واحده اتكلمت معاه بلطف.. فهو حس اني فيا حاجه من ريحه امه وكده فقام متبت فيا زي العيال الصغيره الشبيطه دول فقولت اخده معايا واهو اكون كسبت فيه ثواب… ويا سوبهااان الله طلع ابن عمي يعني انا حاليا شبه مامت ابن عمي..
ذكي بضحك/ يحيي لو بحالته الصحيه الكامله كان نتف ريشك ع الكلمتين دول..
يحيي بأستغراب لأسراء /هو انتي عندك ريش..

 

 

اسراء/ عمي والله حافظ علي كلامك ده بيشبط في اي حاجه وهيودينا في داهيه… شكله كان طفل غلس اوووي..
سفيان /اه هو كان غلس فعلا..
كانت ستقوم اسراء باكمال حديثها معهم ولاكن قاطعها طرق ع الباب الذي علمت علي الفور الي من يعود…
اسراء /يا صباح عليم يا رزاق يا كريم.. نعممممممم..
امنيه بضحك/ هرموناتك طفحت تاني..
اسراء / لا واخلصي عشان عندنا ضيوف..
اسراء /ماشي يستي متزوقيش بس.. انا كنت نازله اعرفك اني مسافره الصعيد عشان الباشا ادهم الشريف الي بشتغل معاه هينقل الصعيد فتره عشان الواد حبيب جامد وهيصالح مراته بقي والحمدلله.. فهنتابع معاه الشغل هناك..
اسراء /انهي صعيد بالضبط..
امنيه /افندم..
اسراء /انهي بلد صعيديه مفي ارياف كتير في مصر.. اي التخلف ع المسا ده..
امنيه /اي ده انا مسألتش كنت فاكره ان الصعيد دي بلد زي البحيره وكده..
اسراء /لا اله الا الله.. نفسي اعرف مشغلينك معاهم ازاي بالقلقاسه الي في دماغك دي..
امنيه /يبت انا قاااامده…
ذكي بتدخل مفاجي من خلف اسراء /ازيك يبنتي..
امنيه بجهل وخضه بعد الشئ /ازي حضرتك يا اونكل..
ذكي /انا اسف ع الخضه دي.. بس كنت رايح المطبخ وسمعت كلامكو بالصدفه..
اسراء /قاليعني احنا بنتكلم في اسرار الاتحاد السوفيتي ده امنيه المتخلفه مسافره ولما قررت تسافر رايحه الصعيد بنت الهبله.. ايزي يا عمي ايزي..

 

 

ذكي بضحك /لسه لمضه زي منتي يا اسراء.. ع العمون انا سمعت اسم ادهم الشريف وسط كلامكو..
امنيه /ايوه ده مديري ورايحين معاه..
ذكي /قولتيلي بقي رايح يصالح مراته..
امنيه بعدم ثقه /احم مش متاكده..
ذكي /متقلقيش مني يبنتي.. مراته الي رايح يصالحها دي تبقي بنت اخت…
امنيه بصدمه /وات..
ذكي بضحك /اقفلي بقك ده واتصلي بيه خليه يجي ع هنا وحالا…
امنيه بتوتر /اخليه يجي ازاي ده مديري.. مين الي هيمشي كلامه ع مين يا اونكل..
اسراء /اتصرفي يا موكوسه طلاما عمو قال يجي يبقي يجي..
بعد القليل من الوقت وبعدما فعلت امنيه ما اخبرها به ذكي.. لتجلس معهم في ردهه منزلهم المتواضع… ويتحدثون بمواضيع مختلفه في انتظار ادهم ثم الرحيل.. ليصل ادهم واخيرا وها هو يقف امام ذكي يشتركا الاثنان في حرب النظرات..
ادهم بتنهيده /هفهمك..
ذكي /عارف ان معاك..
ادهم /طالما عارف كده قاعد تبصلي من الصبح لي وكأني قتلتهالكو ولا حاجه..
سفيان /ولد..
ادهم /يا عمي انا شايل جامد وساكت..
ذكي بضحك /طب يلا البس وهتيجي معانا..

 

 

ادهم وهو ينضر لملابسه الشبابيه /هو انا نسيت وجيت بالبوكسر ولا اي..؟!
ذكي بضحك /يووه معلش اتلغبط المهم يلا هتيجي..
ادهم بعند /لا مش فاضي هبقي اجي بمزاجي..
سفينا بعند /يا كده يا مش هتلمح ضفرها..
يحيي بتدخل /خلاص مش مهم ضفرها المهم هيا..
ادهم بأدراك لحالته /الواد ده بيقول كلام عنب..
ذكي /يلا بقي يا ولاد..
امنيه /احم طب دي بقي مسائل عائليه انا مليش فيها.. انا كان نفسي والله فعلا يا استاذ ادهم اجي معاكو وكده بس معلش بقي انا كنت رايحه في شغل ودلوقتي مفيش نصيب.. تصبحو ع خير وتروحو وترجعو بالسلامه..
ادهم /اومال مين الي هيقول لمراتي حبيبتي اني قد اي مش عارف اعيش من غيرها وكنت بقطع شرايني يوميا..؟!
امنيه /مين..؟!
ادهم /امنيه اللزوزه طبعا..

 

 

امنيه بأعين ضيقه /والله بقي يا مستر ادهم انا بتعامل بالدولار والترقيات زي محضرتك عارف.. فطبعا كلك نظر بقي..
ادهم /اطلعي قولي لابوكي وامك وانزلي يا حقيره..
امنيه /طب تومام خمسايه وهحصلكو ع تحت يلا الي اللقاء..
وبالفعل تحركا جميعهم بعدما قاما بانهاء بعض الاعمال هنا و شراء بعض الطعام لكلا من امنيه واسراء ويحيي الذي اعتكفا عن السفر بدون طعام وبعض المقبلات…
♧♧♧♧♧♧♧♧♧♧
فى الصعيد فى شركات السوالمى…. فى مكتب فاطمه وسمر
كانت سمر تجلس على الكرسى وترجع رأسها للوراء وفاطمه نائمه على الاريكه
تحدثت سمر بتعب/ احنا مش وش بهدله…. اى كل الشغل ده… احنا من ساعه ماجينا مقعدناش
فاطمه وهى مغمضه العينين/ انتى ناسيه يابنتى انهم اهملوا الشغل الفتره الى فاتت بعد سفر يحيى
سمر بضحك/يحيى يسافر واحنا يطلع عنينا صح
فاطمه/ اومال بقا لو مكناش خرجين تجاره
سمر /انا قولت من الاول الست مالهاش غير بيت جوزها

 

 

فاطمه بسخريه /قصدك سمر مالهاش غير بيت كريم
سمر بهيام/ يااه واحشنى اوى… الحب جميل اوى يجدع
فاطمه بقرف/دا انتو عالم ملزقه… كتكوا داهيه فى حبكوا
قومى ياختى نروح انا جعانه جدا
سمر وهى تتحرك من مكانها/ وانا كمان يلا
تحركت الفتاتان الى سيارتهم الخاصه وخلفهم سيارات الحرس
بعد مرور عده دقائق وصلوا القصر
هبطت الفتاتان واسرعن للداخل
استقبلتهم مديحه بابتسامه سعاده/ حمد لله على السلامه ياحبايبى… تعالوا كلوا الاكل جاهز
نظروا لها باستغراب.

 

 

سمر بدهشه/ فى اى بس يادوحه… مالك… احنا سايبنك الصبح بتعيطى ومنكده علينا كلنا
مدت مديحه يدها وامسكت اذن سمر وضغطت عليها بقوه / اتلمى يام لسانين انتى… شكلك نسيتى.. تحب افكرك
فاطمه بضحك/خلاص يادوحه… براحه على البت… عاوزين نعرف بس سر التحول المفاجأ
مديحه بمكر/لاء دى مفاجأه هتععرفوها بكره… اطلعوا بس غيروا هدومكوا وانزلوا
هزت الفتيات رأسهم ايجابا وصعدوا لاعلى
قابلوا فى طريقهم هدير تسير بغنج وتنظر لهم بخبث
فاطمه وهى تنظر لسمر/ اسبقينى انتى بقا ياسموره علشان الكلام الى جاى للكبار فقط
ضحكت سمر بشده وهزت رأسها بيأس وقالت وهى تتجه لغرفته/ عاوزه اسمع الصويت يابطتشى
هزت فاطمه رأسها ايجابا ونظرت لهدير بشر وقالت/ نعم ياختشى عاوزه اى
هدير بخبث/مش تباركلى يابطه
بطه ببرود/اسمى فاطمه مش بطه… بطه دى تبقى امك
نظرت لها هدير بغضب ولاكن تحكمت فى نفسها
فقالت فاطمه/ماتقولى يابومه اباركلك على اى
قالت هدير بخبث/اصلى هبقى مرات اخوكى
نظرت فاطمه بتشنج/مرات مين ياعنيا
هدير ببرود/اخوكى
نظرت لها فاطمه من اعلها لاسفلها/انتى…. تبقى مرات اخويا انا….

 

 

 

هدير/ايوه مرات اخوكى… والكل فى الكل هنا
فاطمه بابتسامه شر/اولا اخويا مستحيل يبص لواحده زيك
هدير بغضب/ وميبصليش لى
فاطمه بسخريه/اصل اخويا مش هيحب واحد صاحبه
نظرت لها هدير بصدمه فاقتربت منها فاطمه وعلى وجهها ابتسامه شريره/ثانيا بقا انا هقولك انتى هتبقى مرات اخويا ازاى
امسكتها فاطمه من شعرها واخذت تكيل لها بالكمات
وخلفهم سمر تحمل فى يدها طبق فشار وتجلس عل احد الكراسى وكأنها تتابع احد المسلسلات
جائت فتحيه ومديحه
قالت فتحيه/المسلسل بادئ من امتا
مديحه وهى تأخذ الفشار/اسكتى بس يافتحيه خلينا نلحق العرض قبل مايخلص
بعد قليل انتهت فاطمه من ضرب هدير واتجهت لغرفتها بكبرياء
سمر بحزن مصطنع/ياخساره خلص المسلسل بدرى
نظرت لهم هدير بشر/صدقونى هنتقم منكم كلكم وهتيجوا تبوسوا جزمتى
♧♧♧♧♧♧♧♧♧
فى روسيا كان وائل يجلس فى منزله هناك ويتحدث فى الهاتف مع احد الاشخاص
وائل وهو يقف امام احد الشرف/ايوه يافهد… انا سافرت روسيا بخلص موضوع
……….

 

 

وائل/لحد دلوقتى معرفشى عنه حاجه ولا الراجل الى خطفته راضى يتكلم
………
وائل/صدقنى هجيبلك تاريخ حياته
وهنقلب عليهم الترابيزه
………..
وائل/بجد….. هى دى الاخبار الى تفرح
………
وائل/طبعا يافهد هوا انا هفوت فرصه زى دى
………
وائل/للاسف لسه عايش… بس كتبت نهايته بأيدى وجه وقت التنفيذ
……..
ضحك وائل/عيب عليك ياكبير… احنا مبنهزرش
……….
وائل/بكره هكون عندك متقلش…. سلام
تنهد وائل بقوه/جايلك ياحبيبتى…. كفايه بعد لحد كده
جه الوقت الى تكونى فيه بين أيدى وبتاعتى انا وبس
ومحدش هيفرقنا تانى ابدا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عشقت مريضي)